Shqiptaret qe jetojne jashte duhet t'u krijohen mundesite qe te votojne!

[Sofi _]

Benseven: ne fakt po flitet per mundesine e votimit per zgjedhjet ne Shqiperi....por dhe keto me siper jane te vlefshme, sdq. dhe ato i kemi parasysh, mendoj...

Soni - po o jeto, dakord me ty jam.

[BlueBaron]

Blue Baron,

Nuk eshte shume e komplikuar se ka plot vende te tjera qe kane krijuar sisteme per kete problem me pare - dhe qeveria (e sotshme a e neserme) fare lehte mund te adaptoj nje model qe i pershtatet.

Si shembull: ne SHBA x-i ben kerkesen (qofte online nepermjet nje sistemi te automatizuar duke mbush pikat perkatese, apo ne nje menyre tjeter ne varesi te nese voton per zgjedhje presidenciale apo shteterore). Te nisin nje form (flete votimi) dhe e kthen me poste per adresen e asaj pjese te komisionit qe merret me keto fare votimesh. Fare lehte. Nese Shqiperia ka ec kaq perpara me demokracine e transparencen sic thuhet, nuk ka shans t'i ngelet opsioni i manipulimit postes. Me dashte e ben 'zap' posten, si me thene, fare lehte.

Dhe nuk behet fjale per te krijuar deputete te vecante per diasporen (sic e mendoj une te pakten). Gjithekush voton per aty ku dhe i eshte caktuar ne varesi te rezidences se perhershme/vendbanimit ne Shqiperi. Psh. une do te votoja per deputetin e zones sime (te vendbanimit) dhe per kryetar bashkie ne qytetin ku kam vendbanimin e perhershem ne Shqiperi. Fare lehte mund te votohet si per zgjedhje lokale dhe ato qendrore.

Mund te kete dhe modele te tjera por ky eshte nje opsion.

Ne lidhje me ata qe kane 2 nenshtetesi: perderisa Shqiperia e lejon 2-nenshtetesine, perse te mos votojne? C'kuptim ka mbajtja e nenshtetesise Shqiptare pa opsion vote?

Problemi i pare eshte sherbimi postar. Per mendimin tim lehtesisht i manipulueshem nga çdokush qe ka interesa ne Shqiperi. Jane te manipulueshme sherbimet shteterore dhe ato private.

Kalojme tek votimi dhe zgjedhja e perfaqesuesve ne parlament. Ti si emigrant nuk je rezident ne Shqipri, por ne shtetin ku jeton. Per mendimin tim, vota jote nuk duhet te influencoje jeten lokale, dmth te atij qe jeton pjesen me te madhe te vitit ne Shqipri.
Kush nuk paguan taksat ne Shqipri, nuk mund te vendose mbi administrimin e taksave te atyre qe i paguajne ne Shqipri. Maksimumi eshte perfaqesimi me nje ose dy deputete qe te mbrojne interesat e emigranteve.

Gjithashtu, kush gezon dy pashaporta nuk mund te votoje. Nuk me duket aspak e drejte qe edhe nje grek, italian, gjerman, amerikan, etj. te vendose kush do te qeverise Shqiprine.


Vota e emigranteve nuk mund te vleje absolutisht per pushtetin lokal ...




Edhe diçka tjeter. Mendoj se per te votuar duhet edhe te jesh i pajisur me nje biçim karte/çertifikate rezidence. Dmth diçka qe te vertetoje qe jeton ne nje territor/lokalitet te caktuar. Kjo qe t'i prese hovin ketyre levizjeve jashte-brenda dhe brenda-brenda me raste zgjedhjesh.

[BlueBaron]

Flet ne kete menyre se nuk e kupton qe dhe pse te ikur, sa te lidhur jemi ne me ate vend. Ta kuptoje Blue s'do flisje keshtu. Ne jemi te ikur fizikisht por shpirterisht sado vite qe kalojne jemi ne Shqiperi. Te marre shembull kete forum, i krijuar dhe moderuar nga diaspora....pse valle? Mos na trajtoni ne qe jetojme larg si te huaj ne vendin tone, se vec te huaj nuk jemi! Jemi adaptuar me menyren e jeteses kudo qe kemi vajtur, pervec ketij adaptimi s'kemi shume gjera te tjera te perbashketa...kurse me ju qe jetoni ne Shqiperi kemi gjithcka.

Nese ju duket me mire te kujdeset 1 njeri (vendasi) me rritjen e femijes sesa 2 veta (vendasi + diaspora) atehere s'kam cfare te ju them, pervec se s'bie dakort. Dy mendje qe punojne bashke jane me mire sesa nje.

Cdo shqiptari qe jeton jashte, qe ka te drejten e votes pra qofte ajo dhe me 2 nenshtetesi, duhet ti krijohet mundesia te votoj.

Edhe une refugjat jam o s0ni. Por nuk me duket e drejte te barazosh voten tende si diaspore me voten e vendasve. Nqs do te kontribuosh per vendin dhe vendasit, bujrum e kthehu ne Shqiperi ...

[safinator]

Absolutisht qe po.

[DYDRINAS]

G99, kërkesë për votat e emigrantëve

28/08/2011 18:40

Në pritje të diskutimeve për ndryshimet në Kodin Zgjedhor, partia G99 i është rikthyer përpjekjeve që në kod të përfshihet edhe votimi nga emigrantët shqiptarë.

Ervin Mete, kryetar i G99 shpjegon domosdorshmërinë përse emigrantët duhet të votojnë në vëndet ku ata jetojnë dhe punojnë. Zoti Mete thotë se emigrantët janë kanë rëndësi jetike për ekonominë shqiptare me të ardhurat që sjellin ne vend, por zëri i tyre nuk dëgjohet nëpërmjet votimit.

Edhe Komisioni i Venecias, i cili mund të cilësohet si “Gjykata Kushtetuese” e Këshillit të Europës, e cila disa muaj më parë u ka bërë thirrje shteteve anëtare të tij, ku bën pjesë edhe Shqipëria, që të plotësojë të drejtën e qytetarëve që jetojnë jashtë vendit për të votuar për qeverinë dhe institucionet e tjera të vendit.

top-channel

[DYDRINAS]

A do të votojnë shqiptarët me të drejtë vote, por që jetojnë jashtë Shqipërise?

Shumë është folur dhe premtuar nga të gjitha palët, mirëpo deri më sot nuk ka asgjë!

Kosova si shteti më i ri në Ballkan ua ka krijuar këtë mundësi qytetarëve të saj që jetojne anëkënd botës. Po Shqipëria pse e ka kaq të veshtirë?

[DYDRINAS]

Veliaj dhe Rama zyrtarizojnë konsensusin për projektin e G99 për votën e emigrantëve

7 mai 2009, 15:00

Veliaj dhe Rama zyrtarizojnë konsensusin për projektin e G99 për votën e emigrantëve

Në një aktivitet të organizuar sot paradite liderët e G99 dhe PS, Erion Veliaj dhe Edi Rama prezantuan publikisht angazhimin e kualicionit kryesor të opozitës për të mundësuar votën e emigrantëve, një e drejtë kushtetuese dhe një obligim që sipas të dy liderëve, klasa politike i ka bashkëaksionerëve më të rëndësishëm ekonomikë të vendit.
Para qindra qytetarëve të mbledhur në këtë rast, shumë prej të cilëve të afërm të emigrantëve si dhe studentë që jetojnë jashtë Shqipërisë, Veliaj dhe Rama shpjeguan rëndësinë që ka vota e atyre që përbëjnë një të tretën e banorëve të vendit si një mundësi demokratike për përfshirje në vendimmarrje.

Veliaj tha se vota e emigrantëve ka qenë projekti i parë i G99 dhe një nga kushtet primare për pjesmarrjen në kualicion me PS. Veliaj falenderoi liderin e opozitës Rama për përqafimin që i bëri platformës së G99 për të mundësuar konkretisht dhe në mënyrë efikase procesin e votimit të atyre shqiptarëve që ndodhen jashtë kufijve.

“Sot ndeshemi me një qeveri e cila për ata që jetojnë brenda kufijve aplikon taksën e votës ndërkohë që për ata që ndodhen jashtë kufijve mohon krejtësisht të drejtën e votës. Pavarësisht diferencave të panumërta që na ndajnë me qeverinë e zoti Berisha ne tentuam që projektin tonë për të mundësuar votën e bashkatdhetarve tanë ta negocionim duke e shpënë dhe në parlament por përgjigja që morëm ishte heshtje e më pas refuzim. Nuk na habit kjo gjë. Berisha ka frikë sepse vota e atyre që janë mësuar të jetojnë me standarte europiane do të kërkonte standarte vote të cilat zoti Berisha nuk i njeh. Berisha ka frikë nga vota e shqiptarëve jashtë vendit sepse ka frikë pikërisht nga këto standarte.

Sot nuk është dita për të folur për ato që nuk janë arritur por për ato që ne së bashku do të arrijmë brenda 100 ditëve të para të mandatit tonë, konkretizimin e një platforme për të cilën jemi të lumtur që kemi gjetur konsensusin dhe mbështetjen e një force e cila beson te politika e bashkimit. Ka ardhur koha e së vërtetës, ka ardhur koha që tju bëjmë shqiptarëve ato premtime që do të mbajmë dhe platforma e G99 për të mundësuar votën e emigrantëve është krejtësisht e realizueshme. Ajo do të shlyejë më në fund pas gjithë këtyre viteve borxhin më të madh që ne ju kemi familjarëve, miqve dhe fëmijëve tanë jashtë vendit. Ata janë aksionerët kryesorë të ekonomisë tonë. Dërgesat e tyre vit pas viti kanë qenë shumëfisha të investimeve të huaja në vend dhe kanë mbajtur në këmbë stabilietin financiar të vendit.

Sot është dita kur të gjithë ne ndërkohë që jemi këtu mendojmë për dikë që kemi jashtë kufijve, një familjar apo një mik të dashur. Sot është ndoshta dita kur ne ti marrim në telefon dhe tju themi që ka një kualiicon që mendon dhe për ta dhe që do të bëjë gjithcka të jetë e mundur që ata të përfshihen në vendimmarrje. Sot është dita për të gjithë ata emigrantë që na ndjekin, të marrin në telefon familjet e tyre dhe tiu thonë që ditën e votimeve të zgjedhin ndryshimin,” tha Veliaj.

Lideri i forcës kryesore opozitare në vend, Edi Rama shprehu përkrahjen e plotë për platformën e G99 dhe e cilësoi atë si një hap të rëndëishëm në rikonceptimin e marrëdhënieve të politikës me qytetarët.

“Unë jam i bindur, se duke u bashkuar me propozimin dhe duke përqafuar plotësisht alternativën e Grupimit 99, për të garantuar pjesmarrjen e emigrantëve në procesin jetik të demokracisë, që janë zgjedhjet përmes votimit jashtë atdheut, ne hapim një faqe të re në historinë e demokracisë shqiptare. Hapim një faqe të re në historinë e marrdhënieve mes Shqipërisë së shqiptarëve që jetojnë këtu dhe Shqipërisë së shqiptarëve që jetojnë atje. Qysh në ditët e para të qeverisë tonë, ne do të fillojmë punën për ta kthyer alternativën e Grupimit 99 për votën e emigrantëve, në një projekt të qartë dhe të përcaktuar, të cilin të gjithë aleatët e koalicionit tonë të bashkimit të ri për ndryshim, do ta njohin si projektin e tyre të përbashkët. Do ta mbështetin si projektin e tyre të përbashkët dhe do ta inkurajojnë përmes një organizimi tërësor në të gjithë territoret ku ka shqiptarë e shqiptare, për të nxitur të gjitha forcat e tjera politike, që të bëhen pjesë e këtij projekti dhe së bashku t’ju japim mundësi të gjithëve, qofshin të majtë, qofshin të djathtë, apo çfarëdo qofshin, që me votën e tyre, të thonë fjalën e tyre për një Shqipëri që është e tyre sa është edhe e jona,” - tha Rama.

https://fr-fr.facebook.com/notes/erion-veliaj/veliaj-dhe-rama-zyrtarizojn%C3%AB-konsensusin-p%C3%ABr-projektin-e-g99-p%C3%ABr-vot%C3%ABn-e-emigran/91934626432?comment_id=1772142

[DYDRINAS]

Rama Vota e emigranteve imperativi yne

2011-12-19

Gazeta Shqip

Kurban emigron ne Selanik. Kreu i PS-se promovon librin e tij prane emigranteve shqiptare

E drejta e votes dhe zbatimi praktik i saj per emigrantet shqiptare hyn ne axhenden e partive politike si prioritet politik. Kreu socialist Edi Rama se bashku me sekretarin per emigracionin Erion Veliaj sekretarin e grupit parlamentar Taulant Balla kreun e Bashkise se Korces Niko Peleshi dhe i shoqeruar edhe nga bashkeshortja Linda Rama ka qene dje ne Selanik ku ka promovuar librin e tij Kurban. Sikunder gjate gjithe takimeve te zhvilluara me kete rast edhe kesaj radhe deklarimet dhe komentet politike nuk kane munguar ne takimet e zhvilluara me qytetaret shqiptare qe jetojne dhe punojne ne Selanik e ku ne vemendje ka qene perspektiva e tyre dhe roli ne zhvillimet ne Shqiperi. Vota e emigranteve eshte pjese e rendesishme e programit te ri te socialisteve. Ajo eshte nje imperativ per PS-ne. Ne Programin e PS secili prej shqiptareve qe jetojne ne emigracion mund te jape kontributin e tij pasi platforma politike e prezantuar ne Kongresin e 5 nentorit ka ende nevoje per ide dhe kontribute. Besoj se ne se bashku e ndajme bindjen qe ne rast se Shqiperia do te ishte tjeter shteti shqiptar do te ishte tjeter dhe menyra sesi do te funksiononte shoqeria dhe vendi yne brenda dhe jashte do te ishte tjeter secili nga ata qe me nje pasaporte shqiptare jetojne jashte do te shiheshin me nje sy tjeter eshte shprehur Rama. Me nje hapje qe fton komunitetin e madh te shqiptareve qe jetojne jashte per te qene me aktive ne zhvillimet politike shqiptare kreu i PS-se ka lene te kuptohet se mundesia e votimit do te kete shume shpejt lehtesite e nevojshme per tu realizuar. Ne rast se deri me sot organizimi i emigranteve per te votuar ka qene nje histori sporadike me aq mundesi se kane ekzistuar ne grupe shume te vogla njerezish ne krahasim me bashkesine e madhe te emigracionit posacerisht ne Greqi sot ky eshte nje imperativ per ju dhe per ne per bashkesine ketu dhe per Shqiperine u shpreh ai. Por me me rendesi eshte arsyetimi i Edi Rames sa i perket integrimit te emigranteve ne jeten ekonomike shqiptare duke e pare ate ne te ardhmen jo si diaspore e re por si nje potencial qe mund te kapitalizohet nisur edhe nga kriza e tanishme greke. Plaga me therese eshte pikepyetja se cdo te behet neser me ju ketu si pjese e kesaj shoqerie qe po kalon nje krize te hatashme. do te behet me te gjitha ato probleme qe vijne ne shtepine tuaj sot per ate arsye qe ju thashe ne fillim qe politika merret me jeten tende cdo dite dhe ti i paguan asaj cmimin. Ne rast se ketu ju skeni pasur shume per te bere ne kuptimin per ta influencuar politiken per arsye qe dihen ne Shqiperi ju keni shume per te bere per Shqiperine ju keni shume per te bere. Kjo do te thote qe ta mendoni veten pjese te procesit politik dhe te ndikoni dhe ndihmoni qe sa me shume prej jush te organizohen dhe te vijne per te votuar tha kreu i PS-se. Pertej politikes takimi ka ballafaquar autorin me lexuesin ne dhenien e autografeve per librin. Nderkohe Rama dhe njerezit qe e shoqeronin kane zhvilluar edhe nje takim me kryetarin e Bashkise se Selanikut Janis Butaris te cilit sikurse njofton selia roze i ka dhene jo vetem librin Kurban po edhe nje dhurate simbolike me elemente te tradites shqiptare.

[DYDRINAS]

[DYDRINAS]