Barazi midis mashkullit dhe femres

[Albo]

Lexova ate qe Ada kish per te shkruajtur, lexova edhe shume mendime, dhe shoh qe ne forum mbizoteron mendimi qe femrat shqiptare jane te shtypura si nga shoqeria edhe nga familja. Nuk di tu them se nese kjo eshte e vertete apo jo, pasi ka te beje me cfare syri i shikon secili nga ne gjerat. Teksa lexoja, bera nje kontrast ne mendjen time me femrat amerikane, me ato shqiptare.

Jane bere sondazhe, studime, filma mbi tragjedine e familjes dhe femrave amerikane ne shoqerine qe jetojme ketu ne US. Ajo qe i vret jashte mase femijet amerikane dhe ne menyre te vecante femrat jane divorcet e prinderve (50% e martesave ne US perfundojne me divorc) dhe mungesa e komunikimit midis prindit dhe femijes. Nje nga arsyet qe femijet amerikane jane te "te lire te bejne cdo gje" eshte se prinderit e tyre fale preokupimeve te tjera sic eshte puna, karriera, maredheniet e tyre, nuk gjejne kohe te shpenzojne me femijet e tyre. Keta femije provojne drogen, sexin, luajne me arme qe ne moshe feminore 12 vjecare, dhe detyrimisht vuajne edhe nga pasojat e ketyre fenomeneve.

Nga ana tjeter kemi shoqerine shqiptare, ku prindi prioritet kryesor ka familjen dhe mban nen kontroll veprimet e femijeve te vet. Kuptohet, qe edhe ne Shqiperi shume gjera kane ndryshuar por e pergjithshmja ende mbizoteron. Femijet dhe femrat shqiptare enderrojne pak liri, qe per shume prej tyre perkthehet "te bejne cfare te duan, kur te duan dhe si ta duan". Ashtu si dashuria, edhe fjala liri nuk ka perkufizim te sakte dhe ne vende te ndryshme, merr kuptime te ndryshme.

Dhe teksa ve perballe njera-tjetres nje vajze nga Shqiperia me nje vajze nga US, jam i bindur qe vajza shqiptare do te lakmonte "lirine" e bashkemoshatares amerikane, ashtu si amerikania do te lakmonte ate qe ajo nuk e pati kurre ne jeten e saj, ngrohtesine qe ofron nje familje e shendoshe shqiptare. Dhe ne mes te te dyjave qendron prindi. Ky prind eshte nen akuzen e te dyja paleve dhe eshte e veshtire ne kete mes te gjesh edhe modelin e prindit ideal, eshte ai amerikan apo ai shqiptar?

Nuk besoj se ka prind ne kete bote me mendje te shendoshe qe do te ndermerte veprime te qellimshme per ti sjelle keq apo ti bente te vuante femijet e vet. Nese ai prindi amerikan nuk ka kohe te shpenzoje me femijen e vet pasi i duhet te punoje 2 pune per te mbuluar shpenzimet e familjes, ai prindi shqiptar pasurine e vetme te tij ka familjen e tij, dhe gezimin me te madh femijet e vet. Nuk besoj se ndonje prind shqiptar do te ndermerte me vetedije vendime qe do ti sillte vuajtje femijes se vet.

Une nuk besoj tek "levizjet", tek "barazia", tek "ligjet" te nxjerra nga politika qe kane per qellim te rregullojne probleme kaq intime dhe te mprehta shoqerore. Une besoj tek forca e individit per te ndrushuar, qe ne kete rast eshte femra shqiptare apo ajo amerikane. Femra shqiptare do tu japi femijeve te saj te gjithe ato mundesi qe prinderit e saj ia mohuan asaj. Femra amerikane do ti japi femijes se saj, pikerisht ate ngrohtesi familjare qe asaj i mungoi aq shume.

[KACAKU]

..... .... ....
..... .... ..... ...
Burrat nen hije
lozin kuvendojne,
pika qe s'u bie,
se nga grate rrojne.

Gruaja ne arre
dhe ne vreshta grate
gruaja korr bar
punon dite e nate

O moj shqipetarke
c'e do burrezine,
qe ftohet ne krua
dhe ti mban shtepine.

Kjo tani eshte zbutur pak ne shqiperi,por une ketu ku jetoj,shof disa burra,qe luajne domino,ose tavell neper sheshe,kurse grate punojne neper shtepira,ose nga tre pune ne dite.(kjo eshte per brezat e vjeter)
Per brezat e tanishem,ajo poezia me siper e Cajupit,duhet te kthej gjini.
Pra vendin e grave e marrim ne burrat

[Estella]

Albo's

Albo kur i ke perjetuar dhe pare te dyja anet (shoqerine shqipetare dhe amerikane) mund ta besh nje dallim te tille sic e ke bere edhe ti.

per mendimin tim duhet gjetur rruga e mesme e konflikteve apo edhe moskuptimeve. ketu po krahasojme dy ekstremitete mos harro, shoqerine Amerikane me Ate Shqipetare. Sigurisht per prinderit shqipetare pasuria e tyre eshte femija, dhe per Amerikanet kuckat e mackat qe as flasin dhe as qeshin e qajne.

Duke gjetur rrugen e mesme shoqeria e sotme do e kishte me te lehte per tu kuptuar me njeri tjetrin. terhiq dhe lesho me mire.( te gjitha shoqerite, qe tek shqipetare, angleze, kineze dhe deri tek ato perendimore).


kacakut

Kacak, kur jam kethyer ne shqiperi per vizite per here te pare 98, kam shqyer syte kur kam pare se shoqeria shqipetare ishte rrugeve. Shumica te papune, as burrat dhe as grate nuk punonin, pale qe te hypte e qara per rinine shqipetare.

Ne shoqerine e sotme kudo ne bote femra dhe mashkulli kryejne detyra te ndryshme si qenie njerezore, qofte kjo sigurimi i jeteses apo edhe edukimi dhe rritja e femijeve.
Une nuk shoh ndryshime as per femrat dhe as per meshkujt. ka gjera qe femrat nuk bejne dot, ashtu si edhe ka gjera qe meshkujt nuk kryejne dot. burrat nuk jane te vetmit ata qe hedhin lekun mbi tavoline, as nuk jane grate te vetmet qe merren me preokupimet familjare (gatimi).

[mesues]

Lexova ato qe kane shkruar te tjeret dhe me erdhi mire qe tregohet simpati per femrat shqiptare. Padyshim pothuajse te gjithe shprehen per barazine,por nuk besoj se shumica nga ne e kemi te qarte se cfare do te thote ''barazia'' midis mashkullit dhe femres.
Personalisht , nuk mendoj se ky fenomen mund te behet realitet,cilado qofshin kushtet ekonomike apo shoqerore.

Dikush mund te thoje ; a nuk po shkon drejt barazise se plote mashkulli me femren ne vendet e pasura dhe te zhvilluara?

Ne pamje te pare ashtu duket vertet, por me duket se faktet flasin ndryshe.

Nga nje raport i koheve te fundit te policise Britanike doli se dhuna familjare ne Britanine e Madhe eshte dicka e zakonshme .
Raporti thote se cdo 2 sekonda denoncohet ne polici nje akt dhune ne familje ku viktimat me shpesh jane femrat.

Pra nje problem i tille nuk ekziston vetem ne vendet e varfra dhe te pazhvilluara si Shqiperia , por dhe ne ato vende qe shquhen per ''humanizem'' dhe respektimin e te drejtave te njeriut.

[Seminarist]

Ketu nuk po behet fjale nese "barazia" perendimore ka apo sjell probleme, por po diskutohet, nese ekziston mundesia, potenciali ligjior ekonomik per ti krijuar mundesi femres, familjes edhe mashkullit per te qene te lire edhe individe. Se sa per gomarrin, gomarr ka per te mbetur, nen liri apo roberi.

Prandaj mos i ngateroni gjerat...Edhe prioriteti familjar, qe eshte nder familjet shqiptare ka anet e veta negative, e mos te kaloj ne shoqerite patriarkale "fetare". Sipas mendimit tim, vertete ligji apo shteti mbeten te thate ne njomjen apo zbutjen e problemeve private, por detyra e tyre, nga ana tjeter nuk eshte kjo, porse krijimi i mundesive, qe sic e thashe, i jep mundesi individit te jete individ. Dhe, per mendimin tim, ky lloj ligji ka ekzistence dhe optimalitet vetem ne perendim. Ose me mire nga ato qe kemi sot, eshte me i miri...

[Albo]

E thashe indirekt ne shkrimin tim te fundit, po e them direkt ne kete mesazh te fundit ne kete teme.

Nuk ka formule per mua qe ti aplikohet shoqerise dhe ti japi nje zgjidhje ketyre problemeve shoqerore. Nuk ka ligj qe te regulloje keto raporte midis meshkujve - femrave. Te gjitha perpjekjet qe jane bere ne Perendim per ti saksionuar raportet burre-grua, prind-femije me ligj, kane shkateruar plotesisht institucionin e marteses dhe familjen. Flas per shoqerine amerikane te cilen e njoh dhe jetoj ne te.

Per femrat shqiptare, une nuk e shoh problemin vetem tek "mentaliteti" sic mundohen tia veshin disa diskutante. Problemin une e shoh te lidhur me plage te tilla shoqerore si varferia, papunesia, emigracioni, gjendja ekonomike e Shqiperise, siguria ne vend e me rradhe

Shqiptaret nuk jane viktima te mentalitetit te tyre, por jane viktima te kushteve ne te cilat jetojne. Nese perparime do te behen ne zgjidhjen e ketyre plageve te shoqerise, jam i bindur qe perkujdesja ndaj femrave e femijeve do te gjeje vemendjen e duhur.

[Mina]

Femren dhe mashkullin i barazon vetem ligji. Nese ai nuk i del ne mbrojtje femres shqiptare, ajo do te vazhdoje te jete model i nenes se saj qe zgjohej ne oren 5 te mengjesit per te pergatitur femijet dhe nisej ne pune me nxitim me nje femije perdore, nje ne krahe dhe nje ne bark dhe pasi robetohej gjithe diten ne pune kur kthehej ne shtepi vazhdonte kalvarin e vuajtjeve pa u ndihmuar nga askush. Eshte e vertete qe nuk mund te jete baraz me burrin sepse sado e afte te jete, nuk i siguron dot kurre te ardhurat qe siguron burri. E rendesishme eshte qe ajo te gjeje veten.
Ne emer te femres falenderoj inisiatorin e kesaj teme.

[Seminarist]

Kesaj rradhe po me dukesh pak e/i eksagjeruar! Ligji s'ka te beje fare me ceshtjen qe ngre..! Kafsha mbetet kafshe dhe me ligj te mire. Jo te gjitha familjet i kane ndare pergjegjesite njelloj, dhe nqs neper rradha ishin kryesisht grate, kjo eshte nje trashegimi mentaliteti gjeografik, pasqyre e qyteterimit mesjetar, e per me teper mesjetar turk! Megjithate sot nuk eshte aq keq...

Vetem nje kuptim personal sjell drejtesine dhe barazine. A nuk eshte i njejte ligji si ne qytet dhe ne fshat? Perse ka ndryshime..?


Nje plage tjeter, eshte ajo ekonomike, qe prek gjithshka dhe te gjithe vendin dhe jo vetem kete problem.

[Estella]

"Eshte e vertete qe nuk mund te jete baraz me burrin sepse sado e afte te jete, nuk i siguron dot kurre te ardhurat qe siguron burri."

Mina, si behet kur disa nga ne bejne sa dyfishi i nje mashkulli? Apo edhe atehere nuk i sigurojme dot te ardhurat qe siguron burri. hahahahaahhahaha

faktikisht po te krahasosh dy pozicione te njejta pune te kryher nje here nga femra dhe nje here nga mashkilli, pa asnje dallim tjeter pervec seksit, si konkluzion do te nxjerresh se mashkulli paguhet me shume. Si p.sh nje mjek apo nje mjeke (Gjinekologe qe te dy).

I vetmi ndryshim eshte seksi, dhe ne kete rast femra thjesht po diskriminohet jo se nuk eshte e mundur qe te sjelle edhe ajo te njejtat te ardhura me mashkullin.

[Mina]

Gjyshja ime thoshte qe mashkulli ben pune qe jetojne me shekuj: ben shtepi, keshtjella etj..., ndersa femra punon si merimanga pastron shtepine dhe prape behet pis, lan enet dhe prape behen per te lare etj. dhe kjo rutine eshte e pafundme. Nuk e di se si do ta gjykoni kete argument por mua me duket i pranueshem. Shkurt femra eshte e denuar nga Perendia.