Zgjedhjet lokale: Rezultatet e zgjedhjeve vendore ne Shqiperi

[Albo]

KQZ: Lulzim Basha vazhdon të kryesojë garën për Tiranën

Kandidati për kryebashkiak, Lulzim Basha vazhdon të kryesojë garën për Tiranën. Ndërsa në daljen e përnatshme, Komisioni Qendror i Zgjedhjeve, bëri të ditura edhe rezultatet e deritanishme për Këshillat Bashkiakë, votat dhe diferencat mes dy Aleancave.

Më poshtë janë rezultatet e Këshillave Bashkiake, numri i votave sipas Njësitë Bashkiake:

Njësia Nr.2 (Numëruar 54 kuti)

Këshilli
Aleanca për Qytetarin- 14748 vota
Aleanca për të Ardhmen- 15391 vota

Njësia Nr.3 (Numëruar 32 kuti)
Këshilli
Aleanca për Qytetarin- 7836 vota
Aleanca për të Ardhmen- 8348 vota

Njësia Nr. 4 (Numëruar 43 kuti)
Këshilli
Aleanca për Qytetarin- 8467 vota
Aleanca për të Ardhmen- 8499 vota

Njësia Nr.5 ( vazhdon numërimi)
Këshilli
Aleanca për Qytetarin- 8088 vota
Aleanca për të Ardhmen- 11407 vota

Njësia Nr. 6 (Numëruar 51 kuti)
Këshilli
Aleanca për Qytetarin- 9644 vota
Aleanca për të Ardhmen- 11228

Njësia Nr.7 (Numëruar 50 kuti)

Këshilli
Aleanca për Qytetarin- 13075 vota
Aleanca për të Ardhmen- 13551

Njësia Nr. 8 (Numëruar 30 kuti)

Këshilli
Aleanca për Qytetarin- 7101 vota
Aleanca për të Ardhmen- 5367 vota

Njësia Nr.9 (Numëruar 29/41 kuti)

Këshilli
Aleanca për Qytetarin- 5835 vota
Aleanca për të Ardhmen- 5509 vota

Njësia Nr.10 (Numëruar 25 kuti)

Këshilli
Aleanca për Qytetarin- 5751 vota
Aleanca për të Ardhmen- 5403 vota

Njësia Nr.11 (Numëruar 55 kuti)

Këshilli
Aleanca për Qytetarin- 12824 vota
Aleanca për të Ardhmen- 10388 vota

ABC NEWS

[Albo]

PS fiton 34 bashki, PD 31 të vogla

Rezultati i bashkive në rang vendi është fituar nga opozita.Sipas të dhënave të Komisionit Qendror të Zgjedhjeve, për 65 bashki të vendit ku ka përfunduar numërimi i votave, opozita ka fituar në 34 bashki të vendit, ndërsa maxhoranca ka fituar në 31 bashki të tjera. Harta e këtyre rezultateve është e shpërndarë në të gjithë vendin, ku të dy krahët kanë fituar bastione të njëra-tjetrës. Kështu, maxhoranca ka fituar disa bashki në Jug të vendit, të konsideruara si bastione të së majtës, ndërsa e njëjta situatë është edhe për opozitën, që ka arritur të fitojë disa bashki, të cilat ishin bastione të Partisë Demokratike. Ky është dhe rezultati përfundimtar për të gjitha bashkitë e vendit, pa llogaritur vetëm Tiranën, e cila ka mbetur në kutitë e fundit për të llogaritur kryebashkiakun e ri.

Rezultati
Maxhoranca ka fituar disa bashki, të cilat kanë qenë bastione të së majtës në Jug të vendit. Janë fituar bashki si Leskoviku, Bilishti, Delvina, Roskoveci apo Librazhdi, të njohura si bashki që kanë fituar në të kaluarën majtas. Nga ana tjetër, edhe Partia Socialiste ka arritur një rezultat në shumë bashki të djathta, si në Kavajë, të cilën e fiton për herë të parë, apo edhe bashki të tjera, si Shijaku, Laçi, Burreli, Rrësheni. Harta e rezultateve tregon se bastionet i kanë humbur vlerat e tyre në shumë bashki dhe vetëm në pak prej tyre është ruajtur tradita e fitoreve sipas krahëve respektivë, si Shkodra për të djathtën, apo Vlora për të majtën. Por, nga ana tjetër, nëse llogariten bashkitë e mëdha të vendit, që janë edhe qendrat e qarqeve, fituese del Partia Socialiste. Kështu, opozita ka fituar bashkitë e Gjirokastrës, të Korçës, Elbasanit, Fierit, Vlorës; Partia Demokratike ka fituar në Lezhë, Shkodër e Kukës, ndërsa dje konfirmoi fitoren edhe në Bashkinë e Durrësit. Një tjetër detaj, duke llogaritur rezultatin edhe për komunat, qarqet në shumicë i zotëron maxhoranca, pasi ka siguruar fitoren në shumicë, si në këshillat bashkiakë, ashtu dhe për sasi të njësive vendore. Në të njëjtën kohë, kur ka përfunduar rezultati për 270 njësi vendore, Partia Demokratike ka fituar 133 komuna në mbarë vendin. Partia Socialiste deri tani ka konfirmuar fitoren në 57 komuna në të gjithë Republikën. Në rang vendi mbeten dhe mbi 100 komuna në garë, ku ende nuk janë numëruar votat, por duke iu referuar shifrave aktuale, opozita ka fituar 32 për qind të komunave, ndërsa maxhoranca ka fituar 68 për qind të tyre. Konkretisht, në mjaft rrethe, edhe pse bashkia është fituar nga opozita, të gjitha komunat e tjera janë fituar nga e djathta. Koalicioni qeveritar ka fituar komuna edhe në zona të njohura si bastione të së majtës në Jug të vendit, si në qarqet e Korçës, Fierit, Vlorës, Beratit etj.

34 bashki janë fituar nga koalicioni i opozitës “Aleanca për të ardhmen” në mbarë vendin, ndërsa mbeten për t’u vendosur edhe për disa bashki të tjera, të cilat janë në proces.

30 bashki janë fituar nga koalicioni qeveritar “Aleanca për qytetarin” në mbarë vendin, ndërsa mbeten për t’u vendosur edhe për disa bashki të tjera, të cilat janë në proces.

Bashkite

Rezultati për bashkitë e vendit ndryshon si në Veri të vendit, ashtu edhe në Jug të tij. Të dyja koalicionet kanë fituar në qarqe të ndryshme, edhe pse mjaft prej tyre konsideroheshin si bastione. Ngjyra e fitores nuk është më e përqendruar si më parë, por në çdo qark ka pasur fitore nga të dy krahët. Konkretisht, në Kukës PD-ja ka fituar këtë bashki, ndërsa PS-ja ka fituar Krumën. Në Lezhë, PD-ja ka fituar këtë bashki, ndërsa PS-ja ka fituar Laçin. Në Korçë, PS-ja ka fituar Bashkinë, ndërsa Bilishtin e ka fituar PD-ja. Në qarkun e Elbasanit, PS-ja ka fituar Bashkinë kryesore, ndërsa të tjera, si Librazhd, Cërrik, Belsh, janë fituar nga PD.

Komunat

Fitorja në komuna ka pasur ngjyra të ndryshme dhe domethënëse për të dyja koalicionet. Disa nga komunat e fituara nga PD-ja janë Voskopoja, Vithkuqi etj., ndërsa ka shënuar fitore edhe në komunat që rrethojnë Tiranën, si në Farkë, Kashar, Paskuqan, me përjashtim të Dajtit. PS-ja ka fituar në disa komuna të mëdha, siç është Otllaku në Berat, Lekbibaj në Tropojë, Shëngjinin apo edhe komunën Rrethinat në Shkodër. Nëse shihet ndarja e komunave, pothuaj në çdo qark të vendit maxhoranca ka marrë shumicën e komunave, ose më saktë, shumicën e njësive vendore, çka do t’i sigurojë maxhorancës shumicën vendimmarrëse në të 12-të qarqet e vendit.

Rezultati në njësi vendore

BASHKITE E FITUARA NGA PD
Peqin
Çorovodë
Poliçan
Leskovik
Bilisht
Kukës
Bajram Curri
Peshkopi
Lezhë
Vau i Dejës
Fushë-Arrëz
Pukë
Kamzë
Vorë
Rrogozhinë
Delvinë
Klos-Mat
Bulqizë
Manëz
Sukth
Krujë
Cërrik
Çorovodë
Belsh
Roskovec
Libohovë
Mamurras
Shkodër
Koplik
Librazhd
Përrenjas

BASHKITE E FITUARA NGA PS
Patos
Kuçovë
Divjakë
Ballsh
Memaliaj
Tepelenë
Këlcyrë
Përmet
Ura Vajgurore
Maliq
Ersekë
Pogradec
Rrëshen
Rubik
Laç
Kavajë
Vlorë
Berat
Fier
Lushnjë
Himarë
Orikum
Sarandë
Konispol
Burrel
Fushë-Krujë
Shijak
Gjirokastër
Këlcyrë
Korçë
Selenicë
Durrës
Elbasan
Krumë

Komunat e fituara nga PD
Drenovë
Velabisht
Gjocaj
Pajovë
Përparim
Shezë
Cakran
Fier-Shegan
Perondi
Krutje
Tërbuf
Qendër-Mallakastër
Cepo
Lunxhëri
Luftinjë
Petran
Drenovë
Gorë
Lekas
Moglice
Mollaj
Qendër Bulgarec
Vithkuq
Voskopojë
Liqenas
Pirg
Pojan
Vreshtas
Barmash
Çlirim
Baz
Derjan
Macukull
Xiber
Zerqan
Mollas-Elbasan
Gjinar
Labinot-Mal
Strum
Bubullimë
Kolonjë (Fier)
Remas
Tërbuf
Greshicë
Ngracan
Selitë-Mallakastër
Antigonë
Lazarat
Picar
Qendër-Libohovë
Barmash
Hoçisht
Progër
Grykë-Cajë
Shqigjen
Zapod
Dajç-Lezhë
Zejmen
Dajç-Shkodër
Postribë
Blerim
Iballë
Qelez
Qerret

Komunat e fituara nga PS
Levan
Dushk
Golem-Lushnjë
Gradishtë
Fratar
Hekal
Qendër-Tepelenë
Qendër-Piskovë
Libonik
Novoselë-kolonjë
Krumë
Lekbibaj
Arras
Shëngjin
Kalaja e Dodës
Rrethinat
Fierzë-Pukë
Luzni
Dajt

Njësitë Bashkiake, beteja e re PD-PS

Procesi i numërimit të votave për kandidatët e 11 njësive bashkiake në Tiranë pritet të nisë ditën e sotme në Tiranë, në disa prej këtyre njësive, thanë burime pranë Komisionit Qendror të Zgjedhjeve. Ky proces pritej të niste ditën e djeshme, por partitë politike kërkuan shtyrjen e tyre për të pushuar numëruesit e votave, të cilët kanë qenë të angazhuar me kohë të plotë në numërimin e votave për kryebashkiak të Tiranës dhe për Këshillin e Bashkisë. Ky proces pritet të jetë sërish i gjatë nisur edhe nga numri i madh i votave që do të numërojnë komisionerët e të dyja palëve, duke përfshirë votat për kreun e njësisë vendore, si dhe për këshillat e minibashkive.

PS:Numëruesit e rinj nuk po fillojnë punë

Akuzat mes palëve nuk janë ndalur edhe në Komisionin Qendror të Zgjedhjeve. Përfaqësuesi ligjor i PS në KQZ Genci Gjoncaj akuzoi kreun e KQZ-së Arben Ristanin se po pengon punën e komisionerëve të majtë në KZAZ-të e njësisë 10 e 5, duke mos çuar aktet e emërimit për këta përfaqësues. “Përfaqësuesit tanë në këto njësi janë në pritje të akteve të emërimit të tyre për të ushtruar detyrën sipas përcaktimeve ligjore, ndërkohë administrata e KQZ-së vepron në mënyrë të jashtëligjshme duke mos iu vënë në dispozicion vendimmarrjen e KQZ-së. Kjo administratë e politizuar në ekstrem vazhdon të pengojë në mënyrë të qëllimshme veprimtarinë e këtyre dy njësive vendore, të cilat janë në përfundim të procesit të numërimit të votave”, tha Gjoncaj.


ERALD KAPRI
Panorama

[Albo]

Vota popullore, fitues koalicioni i djathtë

Koalicioni i mazhorancës "Aleanca për qytetarin" dominon me më shumë vota se koalicioni "Aleanca për të ardhmen". “Aleanca për Qytetarin”, e kryesuar nga Partia Demokratike numëron 682 696 vota, ndërsa “Aleanca për të Ardhmen” ka marrë vetëm 612 781 vota.
Në përllogaritjen e përgjithshme rezultojnë dhe 70 608 vota të dhëna për partitë jashtë dy koalicioneve.

Me përfundimin e numërimit dhe nxjerrjes së rezultatit për 64 bashki, nga 65 përveç Tiranës rezulton se në përgjithësi fitues është koalicioni i djathtë, përfshi këtu edhe komunat.

Në rang kombëtar, PS rezulton të ketë fituar 401 927, PD 309 442 dhe LSI 108 246.

Sa i përket garës së ethshme të kryeqytetit sipas të dhënave të KQZ-së rezulton se "Aleanca për qytetarin" ka 100 054 vota, “Aleanca për të Ardhmen” 101 689 dhe partitë jashtë koalicioneve 3699 vota .

Por dhe në ato bashki ku ka humbur PD-ja, në disa raste, elektorati ka votuar Partinë Demokratike si subjekt, duke mos votuar kandidatin për cilësitë e tij.

Dhe pse ka fituar disa nga bashkitë kryesore, Vlorën, Beratin, Korçën, Sarandën, Elbasanin, Partia Socialiste dhe koalicioni i saj nuk kanë arritur të grumbullojnë shumicën e votave popullore.

Në të gjitha bashkitë apo komunat e fituara nga koalicionet, kandidatët kanë marrë më shumë vota se subjektet politike që i kanë mbështetur, duke u vlerësuar më shumë edhe për cilësitë individuale të tyre.

ORA NEWS

[BlueBaron]

KQZ, shqyrton ankimimin për votat në bashkinë Poliçan



TIRANE-KQZ nis mbledhjen me shqyrtimin e ankesave të kandidatëve të dy koalicionioneve në lidhje me pretendimet e tyre për parregullsi. Fillimisht u mor në shqyrtim ankesa e kandidatit të koalicionit “Aleanca për Qytetarin” për bashkinë e Policanit për parregullsi në dy qendra votimi 3578 dhe 3581.

Sipas përfaqësesit ligjor të ankuesit, Çaush Qato pretendohet se 25 fletë të deklaruara të pavlefshme nuk janë të tilla gjithashtu në qendrën e votimit me numër 3578 është bërë ndërrimi i rezultateve të votimit mes dy kandidatëve, Zotkaj, Qato.

Kështu rezultati 312 vota i janë vënë kandidatit PS, Adriatik Zotkaj, dhe që 298 votat i janë vënë Qatos, ndërkohë që përfaqësuesi ligjor pretendon të jetë e kundërta dhe rezultati me 312 vota i takon Qatos. Kandidati i Aleancës për Qytetarin kërkon rinumërimin e votave.

Ankesa e kandidatit Qato do vazhdojë të shqyrtohet të hënën.

Nje tjeter ankese ishte dhe “Aleanca për të Ardhmen” per komunën Gjinar, ku konkuronte Gani Hida, i (këtij koalicioni) kërkon shpalljen e pavlefshme të rezultateve në 4 qendra votimi. Kreu i KQZ-së Ristani tha se “kërkesa nuk plotëson kriteret e nenit 124 të Kodit Zgjedhor. Personi që ka bërë kërkesën nuk legjitimohet të bëjë një ankesë dhe propozoi të mos futet në shqyrtim“. Nga votimi 5 me 1 kërkesa e koalicionit AA nuk u mor për shqyrtim.
(s.g/BalkanWeb)

[Albo]

Zgjedhjet Vendore: Gratë që thyen bastionet

Burrel, Patos, Konispol…Prezantimi i grave që kishin përparuar me vota kundrejt kundërshtarit që kishin përballë në këto tri bashki, po njoftohej nga kryetari i Partisë Socialiste, Edi Rama, orë pas ore. Sot, një javë pas zgjedhjeve të 8 majit, i kemi risjellë të tria për të mësuar më shumë rreth taktikave të kësaj fushate, ankthit të numërimit të votave, dhe së fundi, përjetimit të rezultatit.

Përgjatë gjithë javës, kemi qenë të gjithë sy e vesh nga ekrani, në pritje që shifrat të ecnin deri në përfundim të tyre. U bë thuajse një lëvizje instiktive që televizorin ta hapje menjëherë te një stacion që të mbante gjithnjë në korrent me zhvillimet e fundit. Pyetjet e të gjithëve ishin, “hë si janë”, “për kë?”, “kush është në avantazh?”, deri sa i erdhi fundi. Shifrat e para filluan t’u jepnin përgjigje të gjitha pyetjeve. E sigurisht që atje ku numërimi ishte më i lehtë e numri i votuese më i vogël, ecuria ishte më e shpejtë. Në mesjavë, u njohëm me kryetaret e para femra të tre bashkive në skaje të ndryshme të Shqipërisë. E para që gëzoi fitoren ishte Adelina Farici, kandidatja e Partisë Socialiste për Bashkinë e Burrelit. Zhurma e kësaj fitoreje të parë u dëgjua jo vetëm pse u fitua nga një femër, por më së shumti pse fitoi në një vend ku kandidati kundërshtar kandidonte për të tretën herë radhazi, pra në gjithë historinë e tij, Burreli kishte qenë i djathtë. Pas saj, nga Bashkia e Patosit u lajmërua një tjetër fitore. Zona ku kandidonte Rajmonda Balili, kryetarja e sapo zgjedhur e Bashkisë së Patosit, nuk ka historinë e Burrelit, pra ‘lufta’ ishte më e thjeshtë. Nga një skaj tjetër i Shqipërisë, nga Bashkia kufitare në Jug të vendit erdhi një tjetër lajm. Kishte fituar kandidatja e Partisë Socialiste, Mimoza Arapi, e cila fitoi me një diferencë prej 270 votash kundrejt Petrit Mullait, ish-kryetar i kësaj Bashkie në mandatin e kaluar. Kësaj here, Konispoli ia besoi votat e tij një gruaje. Nuk ishte i zakonshëm ky revolucion i grave në zgjedhjet e këtij 8 maji. Së paku nuk kishte ndodhur më parë, për këtë, u lidhëm me secilën prej tyre për të mësuar më shumë. Cilat ishin ndjesitë e fitores, çfarë i kishte ndihmuar për të qenë deri aty ku janë sot? Pavarësisht se secila prej tyre nuk u gjend në krye të vendit të saj krejt papritur. Kishte secila një renditje të pozicioneve të punës në CV, të cilat bashkë me të qenurit pranë banorëve të vendeve të tyre, i sollën deri këtu. T’i njohim më shumë një e nga një…

Raimonda Balili, Patos
“Femrat do të kenë prioritet”

Prej një jave, kryetarja e re e Bashkisë së Patosit është ende mes Tiranës e Patosit, deri sa të mbyllen të gjitha zhurmat lidhur me zgjedhjet. Në këto rrëmuja e sipër, ka gjetur momentin edhe t’i përgjigjet një interviste për gazetën “Panorama”, se si janë këto ditë të para pas ‘kurorëzimit’. Ndër të tjera, Rajmonda Balili tregon edhe se çfarë ka parashikuar për t’ia bërë qytetarëve të vendit të saj jetën më komode e më të pasur.
Së pari, t’ia nisim me përjetimet e fitores…
Jam e lumtur jo vetëm pse fitova unë dhe Partia Socialistet, të cilën përfaqësoi, por fitoi gruaja, qytetari i cili ka besuar në kandidimin tim, në programin tim, si dhe në forcën e gruas në rol drejtimi. Por jam e lumtur gjithashtu për atë që unë do të vë në jetë në 4 vite drejtimi, kështu programi im nuk do të mbetet në letër, por do të vihet në jetë në shërbim të këtij komuniteti që e besoi atë.
Ç’rrugë keni ndjekur për të mbërritur te vota e banorëve të Patosit?
Edhe pse zona ku kandidova nuk kishte vështirësinë e elektoratit, sepse nuk është e djathtë (siç mund të ketë ndodhur me kolege të mia) nuk ka qenë e lehtë për të arritur tek fitorja. Përballë kisha një rival, i cili vinte nga fusha e biznesit, vinte nga aleanca politike që ka sot qeverisjen vendore. Këta faktorë kishin ndikimet e tyre në komunitet, për shkak të kërcënimit me vendet e punës në sektorët e naftës, arsimit, shëndetësisë etj. Por njëkohësisht ndërhyrjet e rivalit pa kriter në infrastrukturë, në ambjente publike, në emër të projektit “Dimë ta bëjmë Patosin”, pa i ndaluar askush që kishte detyrën e mbrojtjes së ambjenteve publike, i shtuan informalitetin këtyre zonave. Kështu nuk bëhen qytetarët për vete… Ndërsa unë, me thjeshtësine time dhe të programit që kam shpalosur ditët e fushatës, me mënyrën time të komunikimit me qytetarët, me vlerat që ka Partia që përfaqësoj, arrita të fitoj zemarat e qytetarëve të Bashkisë Patos.
A e parashikoni të vështirë drejtimin e Bashkisë?
Për vetë problematikën që ka sot Bashkia, është e vështirë. Por fakti që e njoh dhe jam pranë kësaj problematike, bashkë me mbështetjen e këshillit të Bashkise dhe të vetë qytetarëve, mbeshtetjen e gjithë aktorëve lokalë, me përgatitjen time profesionale, më bën të besoj se do t’ia dal mbanë!
Si ka nisur përfshirja juaj në politike, në ç’kohë e në ç’rrethana?
Në vitin 2007 jam propozuar nga Partia Socialiste dhe shoqëria civile për kandidate për kryetare bashkie. Për shkak të koalicionit me LSI, Bashkia e Patosit iu la kësaj force politike. Që nga ky moment, u përfshiva në politikë.
Ç’prioritet do të kenë femrat, ç’lehtësira…Keni parashikuar diçka lidhur me këtë pikë?
Një nga qëllimet e drejtimit tim në qeverisjen vendore do të jetë pikërisht për këtë që më pyesni. Një administratë profesionale, ku prioritet do t’i jepet femrës, gjithmonë duke vlerësuar anën profesionale. Shtrirja e shërbimit të pastrimit dhe gjelbërimit në të gjithë territorin e Bashkisë, si tjetër prioritet do të krijojë mundësinë e hapjes së vendeve të reja të punës, ku femrat do të kenë përparësi edhe për shkak të përkushtimit që ato tregojmë për t’i bërë këto shërbime. Krijimi i marrëdhënieve të partneritetit me biznesin vendas do të krijojë gjithashtu kushte për punësimin e gruas në këto aktivitete, duke siguruar kështu edhe kualifikime profesionale sipas specifikave të veprimtarive të bizneseve. Sigurimi i rolit të gruas në vendimmarrje do të jetë një tjetër objektiv imi në këto vite që do të drejtoj Bashkinë e Patosit.

Adelina Farrici
Atje ku u ndryshua mentaliteti

Qendra administrative e rrethit të Matit, Burreli, te të gjithë, ka hijen e një burri hijerëndë. E kush e priste që ky parafytyrim do të rrëzohej pas numërimit të votave për zgjedhjen e re të kryetarit të Bashkisë së këtij qyteti, të vendosur në të djathtë të lumit Mat. Ja që Adelina Farrici mundi ta shemb këtë mentalitet, duke ia dalë mbanë me fitoren e votave të matjanëve. të qenurit për vite të tëra mësuese, disa kohë prej të cilave ka drejtuar edhe për 3 vite shkollën jopublike “NMG”, si dhe për 4 vite një tjetër shkollë publike, ka ndikuar ndoshta në aftësinë bindëse dhe komunikative me qytetarët, ashtu sic mund të bënte dikur me nxënësit e klasave që kishte nën kujdestari. Nënës së dy fëmijëve, i është dashur që përgjatë gjihtë këtyre ditëve të gjata, t’i kushtojë kohën e fëmijëve të saj, punës dhe qytetarëve që në fund e shpërblyen. Natyrisht që e gjithë puna që i është dashur të bëjë ka qenë krejt e ndryshme nga e të tjerave. Përpjekja e saj duhet të ishte jo vetëm ndaj bindjes politike, duke qenë përfaqësuese e Partisë Socialiste, por edhe ndaj një mentaliteti thellësisht të rrënjosur për të pasur burrat në pozicione drejtuese. Siç duket, në Burrel kanë ndryshuar jo vetëm bindjet politike, por edhe mentaliteti. Natyrisht që edhe puna e fushatës ka pasur fuqinë e vetë. Sepse mësuesja 43-vjeçare e fizikës, eksponente e njohur e Partisë Socialiste, nuk i është trembur fare vështirësisë së zonës ku ka kandiduar, por ka ngulmuar në bindjen dhe punën e saj. Në Burrel, prej tetë vitesh ka qenë në krye të Bashkisë Skënder Lleshi, po ai që Adelina ka pasur përballë në këto zgjedhje. Shifrat e rezultatit të saj kanë qenë me më shumë se 500 vota më shumë se rivali. Avantazhi është hasur kuti pas kutie, deri në votën e fundit që e shpalli fituese. E duket se pikërisht kjo fitore i ka zënë Adelinës më tepër kohë se koleget e saj, përderisa nuk gjeti një orë të përgjigjej sikundër të tjerat. Duket që puna e saj ka qenë më e vështira, ose kështu po e interpretojmë…

Mimoza Arapi, Konispol

“E panevojshme të punosh më në Greqi”

Për Mimoza Arapin, politika është fushë e njohur, pasi ka 10 vite që është pjesë e saj. Qysh në vitin 2000, është zgjedhur këshilltare nga PS Sarandë, për t’u zgjedhur mandej kryetare e Këshillit Bashkiak për Bashkinë e Konispolit dhe së fundmi kryetare e PS-së për këtë Bashki. Synimet për më tej e për më shumë kanë qenë përherë nxitëse. Ja përse nuk do të ndalej këtu Mimoza. Dashuria dhe respekti për vendlindjen, për mirëqenien e këtij qyteti, që ndodhet në Jug të vendit, atje ku ndahet kufiri me Greqinë, vajzën e lindur dhe rritur në Konispol e nxiti për të garuar për kreun e bashkisë, me bindjen e thellë se do të fitonte dhe fitorja i buzëqeshi, bashkëqytetarët e saj konispolatë, por edhe ata të Çiflikut, e besuan dhe e votuan për të drejtuar Bashkinë e Konispolit, e vetmja në Jug që do të drejtohet tashmë nga një grua. Rast i rrallë për këtë qytet, që është drejtuar vetëm nga burra. Kryebashkiakja Mimoza Arapi ka meritën që riktheu Bashkinë e Konispolit në duart e të majtëve, duke e “përkthyer” si një shmangie të gabuar votimin e konispolatëve në shkurtin 2007, kur vetëm 12 vota nxorën fitues Petrit Mullajn e demokratëve. Për tre mandate para vitit 2007, kryebashkiaku i Konispolit vinte nga radhët e së majtës, por do të duhej investimi i mësueses Mimoza Arapi në politikë, që të sillte rikthimin majtas të votës së konispolatëve. Ajo është e njohur si mësuese cilësore e lëndës së historisë në shkollën e mesme “Bido Sejko”, të qytetit të Konispolit, por edhe si numri një që PS-ja e Sarandës ka në këtë zonë, që konsiderohet prej tyre si “bastion i tradhtuar” i të majtëve.
“E pata të vështirë në garën time, na tha Mimoza. Kjo për faktin se pasi kreu i deritanishëm i Bashkisë së Konispolit, faktin që nuk bëri asgjë në katër vitet që kaluan nën ombrellën e PD-së, e fshehu jo vetëm me mashtrime elektorale, por edhe me taktikën elektorale të kërkimit të votës në këto zgjedhje me siglën e PDIU-së, që njihet ndryshe si parti e çamëve, i nisur nga ajo që zona e Konispolit është kërthiza e Çamërisë. E megjithatë, nuk u besua nga konispolatët e mi dhe për këtë edhe nuk u votua. Jam e lumtur që bashkëqytetarët e mi kuptuan se e vetmja rrugë zhvillimi edhe për Konispolin është PS dhe projekti im për këtë zhvillim”.
Në komunikimin me zgjedhësit, Mimoza prezantoi si kolona të projektit të saj më të votuar realizimin e rehabilitimit të kanalit të Janjarit dhe përmes tij përmirësimin e sistemit të ujitjes në të gjithë zonën, si dhe shndërrimin e aksit Qafë Botë-Shkallë, në një zonë ekonomiko-industriale me biznese të fuqishme të agro-industrisë dhe tregtisë, por edhe me investime të tjera në shërbim të komunitetit. Ajo është e rreshtuar në një krah të politikës, por thotë se votën e konispolatëve e kërkoi edhe për t’i dhënë fund ndasisë absurde të ardhur nga ngjyrimet ekstreme politike, që i kanë ndarë njerëzit në blu e rozë edhe kur në ato raste tepër banale që të zgjedhin se në cilën kafene do ta pinë kafen, apo me cilin autobus do të udhëtojnë për në Sarandë.
Tashmë Mimoza Arapi është realisht kryetare e Bashkisë së Konispolit, pasi doli fituese në zgjedhjet e 8 majit. Me konstituimin e pritshëm dhe me vendosjen e shiritit të kryebashkiakes, Mimoza Arapi do të marrë përsipër që konispolatët, bashkëqytetarët e saj të kuptojnë se jetojnë në një vend, të cilin nuk ka kuptim dhe nuk është nevoja ta këmbejnë me emigrimin dhe të punojnë në fushat e Greqisë fqinje.
Tashmë, që prej 9 majit, me një diferencë prej 270 votash larg kandidatit Mullai, Mimoza Arapi është kryetarja e Bashkisë së Konispolit. Detyra është fisnike për një grua. Barra është e madhe dhe puna e saj akoma më e madhe. Dhe Mimoza kryetare bashkie do ta kryejë atë ashtu si e meritojnë konispolatët që e votuan për t’i drejtuar. ”Konispolin do ta bëj bashkë me konispolatët, qytetin e njohur jo vetëm si pika më jugore e Shqipërisë, por edhe si bashkia model, që ofron cilësi jete për të gjithë”, ka përfunduar Mimoza.

Panorama
ANI JAUPAJ

[BlueBaron]

Koalicionet, PD 99 mijë vota mbi PS


Koalicioni i djathtë “Aleanca për qytetarin” vazhdon të thellojë avantazhin ndaj koalicionit opozitar edhe në kutitë e fundit.Diferenca mes koalicionit “Aleanca për qytetarin” dhe “Aleanca për të Ardhmen” është, sipas KQZ-së, 99.288, ndërsa kanë mbetur dhe pak kuti për t’u numëruar në Njësinë Nr. 5 në Tiranë për Këshillin Bashkiak të kryeqytetit. Koalicioni i drejtuar nga Partia Demokratike, Aleanca për Qytetarin ka marrë sipas KQZ-së 800 426 vota, ndërsa koalicioni i drejtuar nga Partia Socialiste Aleanca për të Ardhmen, ka marrë deri dje 701 138 vota. Një grup partish që nuk janë përfshirë në asnjë prej koalicioneve, mes të cilave dhe Lëvizja për Zhvillim Kombëtar e drejtuar nga Dashamir Shehi apo Partia Komuniste e Hysni Milloshit, kanë marrë në total 34755. Vetë LZHK ka marrë 20 930 vota, ndërsa komunistët 6170 vota dhe Partia e Minoritetit Etnik Grek për të Ardhmen, 4996 vota, të ndjekur nga katër parti të tjera të vogla.


PS - PD

Në statistikat e fundit të Komisionit Qendror të Zgjedhjeve bien në sy votat që dy partitë e mëdha kanë marrë në shkallë vendi. Partia Socialiste ka marrë më shumë vota se Partia Demokratike. Socialistët kanë marrë 423 270 vota, ndërsa demokratët 325 138, me një diferencë prej 98 mijë votash. Demokratët si koalicion mbledhin më shumë vota, edhe pse kanë më pak parti në përbërjen e tyre. Edhe pse Partia Socialiste ka grumbulluar në koalicionin e saj 24 parti, nga 22 që ka koalicioni i djathtë, kjo nuk e ka ndihmuar atë të ketë epërsi në votën popullore ndaj së djathtës.
Lëvizja Socialiste për Integrim ka marrë në shkallë kombëtare 114 743 vota, e ndjekur nga Partia Republikane Shqiptare, me 72 757, e më pas nga Partia Drejtësi, Integrim dhe Unitet, 62 957 vota. Edhe Partia Lëvizja e Legalitetit ka siguruar një numër jo të vogël votash, 36 947. Ndërsa në koalicionin e majtë, të kryesuar nga Partia Socialiste, partitë tradicionale të këtij koalicioni kanë mundur të marrin një numër jo të vogël votash, por më pak se ato të koalicionit të djathtë. Partia Demokracia Sociale ka arritur të grumbullojë 52 970 vota, Partia Demokristiane ka marrë 47 637 vota, Partia Socialdemokrate 43 679 vota, Partia Bashkimi për të Drejtat e Njeriut 40 486 dhe Partia Socialiste e Vërtetë 91 ka marrë 23 285 vota. Ajo që bie në sy në votat e marra nga partitë e dy koalicioneve, janë numri i madh i votave të marra nga LSI, apo PDIU, të cilat kanë marrë më shumë vota se partitë më të vjetra të politikës shqiptare


Kandidatët

Dy kandidatët për Bashkinë e Tiranës, Lulzim Basha dhe Edi Rama, kanë mbledhur më shumë vota se partitë që i kandidonin. Kryetari socialist, kandidat për mandatin e katër në Bashkinë e Tiranës, Edi Rama, ka marrë 124 623 vota, ndërsa Partia Socialiste ka marrë 97787 vota për Këshillin Bashkiak. Kandidati demokrat, Lulzim Basha, ka arritur të grumbullojë pothuaj dyfishin e votave krahasuar me partinë Demokratike në Tiranë. Basha mblodhi 124 613 vota, ndërsa Partia Demokratike mblodhi 72578 vota për Këshillin Bashkiak. Por, ndryshe nga ç’pritej, këto zgjedhje nuk sollën votë plebishitare siç pritej nga Partia Socialiste. Kreu socialist zhvilloi një fushatë zgjedhore krejtësisht politike, duke kërkuar votë kundër qeverisë dhe më pak u fokusua tek administrimi i pushtetit lokal. Rama në të gjitha takimet dhe daljet e tij, u adresua tek dobësitë e qeverisë, që nga korrupsioni e deri tek ngjarjet e 21 janarit ku mbetën të vrarë katër qytetarë. Por rezultoi se qytetarët votuan në mënyrë të balancuar, duke votuar në bashkitë kryesore kandidatët e koalicionit “Aleanca për të ardhmen” dhe në zonat rurale dhe bashkitë e vogla, koalicionin “Aleanca për qytetarin”, të kryesuar nga Partia Demokratike.
99 mijë
vota është diferenca mes koalicionit “Aleanca për qytetarin” e drejtuar nga Partia Demokratike, nga koalicioni “Aleanca për të ardhmen” e drejtuar nga Partia Socialiste


LSI merr 114 743 vota

Lëvizja Socialiste për Integrim konfirmohet si forcë e dytë e koalicionit të djathtë “Aleanca për qytetarin”, por edhe forcë e tretë në të gjithë vendin. Ndryshe nga zgjedhjet e përgjithshme të 2009, LSI jo vetëm nuk pati rënie në vota, por është rritur ndjeshëm. Nga rreth 86 mijë vota që mori në 28 qershor 2009, LSI numëron 114 743 vota, duke treguar se mbështetja e saj si partie e koalicionit qeveritar është rritur.


PDIU numëron 62 957 vota

Partia e që mbron interesat e çamëve në Shqipëri duket se ka bërë një hap shumë të rëndësishëm në këto zgjedhje. Mjaft agresive, partia që mbron interesat e këtij komuniteti me dy deputetë në gjirin e saj, Shpëtim Idrizi dhe Dashamir Tahiri, duket se kanë vendosur baza të forta në këto zgjedhje për zgjedhjet e përgjithshme të 2013, ku do të pretendojnë të rrisin përfaqësimin e tyre në Kuvend.



Koalicionet Zgjedhore


ALEANCA PER QYTETARIN

1. Aleanca Demokratike 32.549
2. Aleanca Europiane Ekologjike 5225
3. Bashkimi Liberal Demokrat 26.659
4. Lëvizja Socialiste për Integrim 114.743
5. Lidhja Demokristiane Shqiptare 20.021
6. Partia Agrare Ambientaliste 30375
7. Partia Aleanca Demokristiane 6118
8. Partia Aleanca e Maqedonasve për Integrimin Europian 2504
9. Partia Aleanca për Demokraci dhe Solidaritet 2960
10. Partia Aleanca Popullore 3020
11. Partia Balli Kombëtar 20630
12. Partia Balli Kombëtar Demokrat 15489
13. Partia Bashkimi Demokrat Shqiptar 6687
14. Partia Demokracia e Re Europiane 4872
15. Partia Demokratike 325.138
16. Partia Drejtësi Integrim dhe Unitet 62.957
17. Partia e të Drejtave të Mohuara e Re 3819
18. Partia Konservatore 2808
19. Partia Lëvizja e Legalitetit 36.947
20. Partia Ora e Shqipërisë 3257
21. Partia Personat me Aftësi të Kufizuar 891
22. Partia Republikane Shqiptare 72.757



ALEANCA PER TE ARDHMEN

1. Partia Aleanca Arbnore Kombëtare 9087
2. Partia Ardhmëria Shqiptare 2503
3. Partia Bashkimi Popullor i Pensionistëve Shqiptar 497
4. Partia Bashkimi Republikan Shqiptar 4190
5. Partia Demokracia Sociale 52.970
6. Partia Demokrate për Integrim e Prosperitet 69
7. Partia Demokratike e Bashkimit Mysliman të Shqipërisë 1616
8. Partia Demokristiane e Shqipërisë 47.637
9. Partia e Gjelbër 8399
10. Partia e Pajtimit Kombëtar 824
11. Partia e Punës e Riorganizuar 4107
12. Partia e Unitetit Kombëtar 4420
13. Partia G99 15.091
14. Partia Ligj dhe Drejtësi 7802
15. Partia për Mbrojtjen e të Drejtave të Emigrantëve 908
16. Partia për Mbrojtjen e të Drejtave të Punëtorëve 384
17. Partia Reformatore Demokratike 1629
18. Partia Rruga e Lirisë 1426
19. Partia Socialdemokrate 43.679
20. Partia Socialiste e Moderuar 6164
21. Partia Socialiste e Shqipërisë 423.270
22. Partia Socialiste e Vërtetë ’91 23.285
23. Partia Toleranca e Re e Shqipërisë 695
24. Partia Bashkimi për të Drejtat e Njeriut 40.486



Partitë jashtë koalicioneve

1. Lëvizja për Zhvillim Kombëtar 20.930
2. Partia Komuniste e Shqipërisë 6170



Burimi: Panorama

[BlueBaron]

KQZ vendos për hapjen e kutive të votimit



Për herë të parë pas debatit dyvjeçar për hapjen e kutive, Komisioni Qendror i Zgjedhjeve merr një vendim me katër vota për të hapur kutitë në një bashki për zgjedhjet e 8 majit.Në mbledhjen e djeshme, me gjithë votën kundër të opozitës, është vendosur të hapen kutitë e materialeve zgjedhore dhe të Këshillit Bashkiak për Bashkinë e Rrëshenit. Kjo erdhi pas një kërkese ankimore të Partisë Demokracia Sociale, Partisë Aleanca Popullore dhe një kandidati të pavarur.


Kërkesa

Kreu i PDS-së për Mirditën, Gjon Marku, ishte votues në qendrën e votimit 0831. Marku së bashku edhe me dy zyrtarë të tjerë të kësaj partie që votonin në të njëjtën qendër, ishin edhe në listën e kandidatëve për këshilltarë në Këshillin Bashkiak të Rrëshenit. Pas leximit të votës në monitor, ka rezultuar se PDS-ja në fletën e votimit për Këshillin Bashkiak ka marrë 40 vota. Fillimisht kryetari i KZAZ-së është shprehur publikisht se kjo parti ka marrë 27 vota, ndërkohë që në tabelën përfundimtare të kësaj qendre, PDS-ja ka dalë me zero vota. “Kryetari i PDS-së, dega Mirditë, ka pasur qendër të tij të votimit pikërisht qendrën e votimit Nr. 0831, ku ka votuar ai personalisht dhe familjarët e tij për subjektin zgjedhor PDS. Si është e mundur që në tabelën e rezultateve të grupeve të numërimit për këtë qendër votimi, subjekti zgjedhor PDS rezulton me zero vota? Ku ndodhet fleta e votimit për subjektin zgjedhor PDS nga vetë kryetari i degës së Mirëditës?”, thuhet në kërkesën ankimore të PDS-së. Në mbledhjen e djeshme, kryetari i kësaj partie ka sjellë gjithashtu deklaratën noteriale të tijën dhe të dy këshi-lltarëve të tjerë, të cilët kanë deklaruar se kanë votuar për PDS-në në qendrën ku kjo forcë ka dalë me zero vota. Përfaqësuesi i PD-së në KQZ, Njazi Kosovrasti, tha se për këtë rast PDS-ja ka pasur si numërues dhe komisionerë përfaqësuesit e Partisë Socialiste, falë koalicionit parazgjedhor. Sipas Kosovrastit, nëse votat e PDS-së do t’i merrte PD-ja, socialistët nuk do ta lejonin këtë fakt, pasi ulej numri i votave të koalicionit të tyre. Kjo arsye, shtoi më tej përfaqësuesi i PD-së, të çon në bindjen se votat i ka marrë PS-ja. Pas paraqitjes së provave, anëtari i KQZ-së Klement Zguri tha se “po të ishte vetëm një subjekt, mund ta kisha refuzuar hapjen e kutisë, por është një kuti votimi që e pretendojnë tre subjekte njëherësh. Edhe KQZ duhet të kuptojë se çfarë po ndodh te vendi i numërimit të votave, a janë të besueshëm këta komisionerë apo funksionojnë në bazë të interesave të tyre. Jam për ta hapur, për këtë qendër votimi, dhe jo për ta mbyllur këtu kërkimin e provës”. Në atë linjë ishin edhe anëtarët e djathtë në KQZ, ndërsa për të majtët provat ishin të pamjaftueshme. “Këtu ka pasur edhe raste kur gruaja nuk ka votuar për burrin. Ai mund të mos ketë votuar për partinë e tij. Kjo nuk është provë”, tha Pandeli Varfi. Në fund, Ristani u shpreh se provat e paraqitura janë të mjaftueshme për të hapur kutitë ku te materialet zgjedhore do të merret lista e votuesve nga ku do të vërtetohet nëse tre zyrtarët e PDS-së kanë votuar dhe më pas do të numërohen votat e Këshillit Bashkiak. Gjatë mbledhjes së djeshme, u pranua gjithashtu një kërkesë e LZHK-së për të hapur kutinë e materialeve zgjedhore në komunën Shushicë të Vlorës, ku rezulton se zgjedhësit kanë votuar pa paraqitur pasaportën apo kartën e identitetit. Vendimi i tretë i kësaj natyre është në Gur të Zi, në Qarkun e Shkodrës, ku pas një ankimimi të PD-së për një kuti votimi, e cila ishte me tre kode, nga pesë që ka kutia, u vendos të këqyren materialet.


Rrëzohet PD për Poliçanin

Komisioni Qendror i Zgjedhjeve ka rrëzuar me 6 vota pro dhe një kundër të Hysen Osmanit, kërkesën ankimore të koalicionit “Aleanca për Qytetarin” për Bashkinë Poliçan. Pretendimet e përfaqësuesit të Çaush Qatos kishin të bënin me një qendër votimi, ku 25 fletë votimi janë deklaruar të pavlefshme, ndërkohë që nuk kanë qenë të tilla. Ndërsa në një qendër tjetër, ku rezultati ka qenë 312 vota për kandidatin e djathtë dhe 298 për kandidatin e majtë, kanë përfunduar në favor të këtij të fundit.
KQZ-ja vlerësoi se provat e paraqitura nuk ishin të mjaftueshme për të pranuar ankimin e kandidatit.

[Albo]

Akti i KQZ: Fletët e kontestuara, pjesë e rezultatit

UPDATE- Drafti i hartuar nga administrata e KQZ-së parasheh rishikimin e tabelave me rezultatet e nxjerra nga KZAZ për pasqyrimin në to të fletëve të kontestuara, duke i cilesuar pjese e rezultatit.

Kjo është përmbajtja e draft aktit të hartuar nga KQZ e që pritet të debatohet në mbledhjen e radhës, në atë të orës 13.30, pasi perfaqesuesit e PS-se kerkuan kohe per shqyrtimin e tij.

Sipas këtij akti, kërkohet që votat e kontestuara, konsideruar gjithsesi të vlefshme të pasqyrohen në tabelën përmbledhëse. “KQZ duhet të vlerësojë këto fletë dhe të vendosë se për cilin kandidad apo subjekt të llogariten. Kjo të bëhet vetëm pas numërimit të votave për njësitë bashkiake, që të evidentohen këto fletë votimi hedhur në kutitë e gabuara”- thuhet në akt.

Sipas aktit, KQZ duhet te pezulloje hartimin e tabeles permbledhese per rezultatin e Bashkise se Tiaranes, deri ne mbylljen e procesit te numerimit te votave per njesite bashkiake, per kreun e njesise dhe keshillat bashkiake.

PS: Shpallni rezultatin. Ristani: Vlerësim çdo vote

TIRANË- Kreu i Komisionit Qendror te Zgjedhjeve kerkon perpilimin e nje akti per te unifikuar praktikën zgjedhore qe merr në shqyrtim kërkesat e KZAZ.

Ka nisur keshtu me debate të ashpra mbledhja e KQZ-së, per vleresimin e votave te gjetura ne fletet e gabuara te votimit.

Përfaqësuesi i PS-së në këtë komision, Genc Gjoncaj ka kërkuar nga kreu i KQZ shpalljen e rezultatit për Tiranën, ndërkohë që procesi ka përfunduar me kohë dhe 485 grupet e numërimit e kanë mbyllur punën e tyre.

Ristani

Kreu i KQZ-së, Arben Ristani ka deklaruar se duhet të vlerësohet cdo votë dhe duhet të merret një vendim se cfarë do të bëhet me votat e gjendura në kutitë e gabuara. Sipas Ristanit, ne mbeshtje te plote te ligjit, cod vote e hedhur nga shqiptaret duhet dhe do te numerohet me korrektesi te plote. “Miratojme nje akt që mbi bazën e kërkesave të ardhura nga KZAZ, për të unifikuar praktikën zgjedhore, merr në shqyrtim kërkesat e KZAZ dhe vazhdojmë me mbledhjen e radhës”- tha prere Ristani.

Gjoncaj: Shpallni Tiranen, mos beni sjellje te rrezikshme

“Interesat e palëve humbëse janë që të rikthejnë procesin, por ai është përfunduar ditën që qytetarët votuan, ditën kur grupet e umërimit përfunduan procesin, nuk është faji i kërkujt që pasi del rezultati të kërkohen gjëra që nuk kanë të bëjnë me rezultatin. Shqetësimin e keni cështje të zgjidhur, e ka zgjidhur ligji”- tha Gjoncaj.

Sipas tij, ajo që duhet të bëjë KQZ ësbhtë të finalizojë punën sipas procedurës së miratuar dhe të bëhet shumatorja mbi tabelat. Pas kësaj, ka theksuar ai nëse palët do kenë problematikë me rezultatin, kodi përcakton mënyrën se si bëhet.

“Jeni autoritet që ka peshë të jashtëzakonshme në procesin zgjedhor, por edhe për vendin, nuk krijohen rregulla kur mbaron loja. KQZ duhet të jetë në lartësinë e detyrës dhe të bëjë atë që e urdhëron ligji, jo cfarë urdhërohet nga të kënaqurit apo të pakënaqurit. Kthehuni në binarët e ligjit”- iu drejtua Ristanit.

Kosovrasti

Menjëherë ka reaguar përfaqësuesi i PD-së ne Komisionin Qendror te Zgjedhjeve, Njazi Kosovrasti. Sipas tij, deklaratat e përfaqësuesit të PS-së si politike dhe tërësisht të palejueshme.
“Këto janë deklarime politike, presioni dhe dhuna e ushtruar në këtë sallë është tërësisht e palejueshme. KQZ-ja do të vazhdojë brenda standarteve ligjore” tha ai.

Panorama

[Albo]

Madhi: PR mori 76 mijë vota, jemi forca e dytë e së djathtës

Nënkryetari i Partisë Republike, Arian Madhi, deklaroi dje se kjo parti, me rezultatin e zgjedhjeve të 8 majit, është shpallur si partia e dytë e së djathtës në Shqipëri. Sipas tij, në këto zgjedhje republikanët morën 76 mijë vota dhe kur procesi ende nuk ka përfunduar, ky rezultat mund të shkojë deri në 80 mijë vota për PR-në. Ky rezultat është rreth 50 mijë vota më shumë se në vitin 2009, por edhe si rezultati më i madh në vota që kjo parti ka marrë që nga formimi i saj në vitin 1991. “Partia Republikane ka marrë 76 mijë vota, ndërkohë që deri në përfundim të procesit me shpalljen përfundimtare të rezultatit nga KQZ-ja ne presim një rezultat edhe më të lartë, prej mbi 80 mijë votash. Ky është një rezultat i shkëlqyer i Partisë Republikane, rreth 50 mijë vota më shumë se në zgjedhjet parlamentare të vitit 2009 tregojnë në mënyrë impresionuese se zgjedhësit shqiptarë votojnë në mënyrë konsistente dhe në rritje partinë e vlerave morale, si një faktor serioz në perspektivën e Shqipërisë europiane. Ky proces përbën rezultatin më të lartë në 20 vite”, deklaroi Madhi.

LSI, parti e tretë në Këshillin Bashkiak
Lëvizja Socialiste për Integrim, me 20525 votat marrë për Këshillin Bashkiak të Tiranës, është renditur e treta në listën e partive që përfitojnë këshilltarë. LSI pritet të marrë më shumë këshilltarë se në 2007, kur kishte grumbulluar 18 mijë vota në Tiranë. Në një dalje për mediat dy ditë më parë, kreu i LSI-së, Ilir Meta, e cilësoi fitore spektakolare rezultatin e LSI-së në Tiranë dhe në të gjithë vendin. 120 mijë vota në të gjithë vendin numëron LSI, duke u renditur edhe në këtë klasifikim forcë e tretë politike.

Panorama

[PLAKU]

http://www.botasot.info/mesme/29Kqz-shqiperi.jpg

KQZ: 65 vota Basha, 24 Rama
(I plotësuar) - Komisioni Qendror i Zgjedhjeve pas pushimit të drekës ka rinisur mbledhjen ku do të vazhdojë hapjen e kutive për të numëruar votat e kontestuara, hedhur ne kutinë e gabuar dhe që nuk janë përfshirë në tabelën e rezultateve nga KZAZ-të përkatëse.
Jane numeruar rreth 33 kuti ndersa kane mbetur per tu numeruar edhe 32 te tjera, qe i parkasin KZAZ-ve, 46,53 dhe 54.
Forca të shumte policia vazhdojnë të jenë të pranishme në hyrjen dhe oborrin para KQZ-së, ndërsa njoftohet se ka filluar rigrumbullimi i simpatizantëve të opozitës dhe deputetë të saj.
* * * * * * *

http://www.botasot.info/reklama/f1610x-4.jpg

Komisioni Qëndror i Zgjedhjeve, mbyll punimet deri në orën 17.00, me anë të një vendimi marrë nga kryetari i këtij institucioni Arben Ristani, dhe me dakortsinë e anëtarëve të tjerë.
Duket se pas dy ditësh situatë të tensionuar, kjo mbledhje ka patur vëmëndjen e duhur nga të gjithë. Që në orët e para të ditës, brenda ne KQZ, vijonte numërimi i votave të kontestuara duke u shoqëruar me debate pro e kundër, mes anëtarëve të maxhorancës e opozitës.
Në këto ditë, uniformat blu kanë qënë në qëndër të vëmëndjes, ndërsa kanë vijuar në krye të detyrës për orë të tëra. Godina, sikundër dhe dje, ka qënë e blinduar nga policia, forcat e FNSH dhe RENEA.
Komisioni Qendror i Zgjedhjeve ka vijuar edhe sot numërimin e fletëve të votimit të hedhura në kutitë e gabuara. Deri rreth orës 15.00 janë numëruar 33 kuti me fletë të kontestuara, duke marrë dhe vlerësimet përkatëse për cdo kandidat për Bashkinë e Tiranës.
Vlerësimi i votave në 33 kuti nxori 57 vota për kandidatin Basha dhe 20 kandidatin Rama. Ndërkaq, KQZ-ja ka për të numëruar dhe 32 kuti me fletë të kontestuara, e për të shpallur kështu dhe verdiktin përfundimtar.
* * * * * * *

http://www.botasot.info/reklama/f2610x.jpg

Komisioni Qendor i Zgjedhjeve vijon hapjen e kutive te votimit, ne te cilat jane konstatuar fletet e kontestuara, te pallogaritura ne numerimin per kryetar te bashkise se Tiranes.
deri ne mesdite jane hapur 7 kuti te reja, duke e cuar ne 30 numrin e kutive te hapura ne total qe nga dita e djeshme. Deri tani, nga numerimi i fleteve te kontestuara, hedhur ne kutite e gabuara, Lulzim Basha numeron 53 vota te marra dhe Edi Rama 19 vota.
Ne 5 kutite e para, kane rezultuar 5 vota ne favor te Bashes, por dy prej tyre u vleresuan nga KQZ si vota te pavlefshme.
Nga hapja e kutise 17 96 janë gjetur 5 fletë votimi që nuk i përkasin kësaj kutie. Kjo eshte bere shkak per debate te shumta mes perfaqesuesve te majte e te djathte.
Kreu i KQZ ka bere me dije se aty sane konstatuar 3 fletë votimi për kryetar minibashkie, fletë votimi e rregullt për Hysen Gjurën; 1 fletë votimi për këshillin e bashkisë shkon për PD dhe 1 fletë votimi e kontestuar për kryetarin e bashkisë shkon për kandidatin për kryetar bashkie e vlefshme për Lulzim Bashën.


Tension para KQZ-së, mbështetës të PS-së po konfrontohen me policinë
Tension jashtë ambienteve të Komisionit Qendror të Zgjedhjeve (KQZ) ku mbështetës të Partisë Socialiste (PS) tentojnë të kalojnë kordonin e uniformave blu të vendosura para godinës së KQZ-së.
Mbështetësit e PS-së po konfrontohen me forcat e policisë të cilët nuk i lejojnë të hyjnë brenda ambienteve të KQZ-së.
* * * * * * *

http://www.botasot.info/reklama/f6610x-3.jpg

Nis mbledhja e KQZ-së, forca policie jashtë godinës
Komisioni Qëndror i Zgjedhjeve ka nisur mbledhjen ku do të numërohen sërish fletët e votimit për kryetarin e bashkisë së Tiranës të hedhura në kutitë e gabuara.
Përfaqësuesi i PS-së Genc Gjonçaj ka deklaruar se vendimarrja për numërimin e fletëve të kontestuara nuk ka vlerë juridike. Sipas tij KQZ-ja nuk mund të miratojë një akt në parim dhe pastaj të nisë nga procedurat pasi nuk është një rrugë korrekte dhe ligjore.
“Hapja e kutive pa një vendim të KQZ-së është jo ligjore. Akti votohet në parim, nen për nen dhe pastaj përfundimisht dhe më pas nis zbatimi i tij” theksoi Gjonçaj.
Të njëjtën mendim shprehu edhe nënkryetarja e KQZ-së Dëshira Subashi e cila ka theksuar se akti në parim nuk merr vlerë ligjore pasi duhet të përfundojë akti dhe më pas të operohet.
Ndërkohë forca të shumta policie janë pozicionuar në ambjentet jashtë Komisionit Qëndror të Zgjedhjeve për të mos lejuar hyrjen e personave të paautorizuar në godinë.
Ndërkohë ditën e djeshme KQZ-ja nisi procesin e numërimit të votave të kontestuara proces që zgjati deri në orët e vona të mbrëmjes. Gjatë ditës së djeshme, KQZ-ja hapi 20 kuti në të cilat u gjetën 60 vota për kryetarin e Bashkisë së Tiranës ku pas numërimit rezultoi se 46 vota shkuan për kandidatin e “Aleancës për Qytetarin”, Lulzim Basha dhe 14 për kandidatin e “Aleancës për të Ardhmen”, Edi Rama.
Nga ana tjetër Partia Socialiste ka paralajmëruar se do të nisë një valë protestash të cilat pritet që të zhvillohen në kryeqytet para zyrave të Komisionit Qëndror të Zgjedhjeve dhe në qytete të tjera të vendit.


http://www.botasot.info/reklama/f4610x-3.jpg


http://www.botasot.info/reklama/f6sss.jpg