Zgjedhjet lokale: Rezultatet e zgjedhjeve vendore ne Shqiperi

[Albo]

Ndoka: Do të rishikojmë aleancën me PS e Ramës

Darina Tanushi

Kreu i PDK-së, një prej partive aleate të PS-së në koalicionin “Aleanca për të Ardhmen”, deklaroi dje se do të rishikojë marrëdhëniet me partinë e drejtuar nga Edi Rama. Ndoka, në një intervistë për “Gazeta Shqiptare” kritikoi mënyrën se si PS-ja u soll me aleatët në fushatë. Ndoka tha se PS nuk diti të ruajë as votat e veta dhe as të aleatëve.

Zoti Ndoka, pas rezultatit paraprak ka një diskutim se aleatët në këto zgjedhje i kanë sjellë shumë më pak vota PS-së sesa aleatët PD-së. Si e gjykoni këtë?

PS është një parti, e para, politike. I ka kushtuar një vëmendje të veçantë votave të saj si subjekt politik. E dyta, këtu del një kritikë se nuk përdori një strategji të veçantë për marrëdhëniet me aleatët. Këto janë qëndrime të përsëritura të PS-së në lidhje me aleatët, në lidhje me bashkëpunimin mes tyre, një gabim i përsëritur tashmë. E treta, unë mund ta konsideroj rezultatin më pozitiv të “Aleancës për të Ardhmen”. Ka marrë shumicën e mbështetjes në qytetet kryesore të vendit.

Do ta diskutoni këtë çështje?

Ende nuk e kemi hapur këtë diskutim. Kemi ende probleme më madhore përpara për të diskutuar. Por do t’i vijë radha edhe kësaj. Pjesa tjetër është që “Aleanca për Qytetarin”, maxhoranca ka marrë një votë abuzive, të deformuar për shkak të joshjeve financiare, të presioneve me pushtetin, të keqpërdorjes së partive të koalicionit, të cilët e kanë zgjeruar rrjetin e tyre edhe me këshilltarë të majtë. Nëpërmjet interesave të vogla lokale, e kanë zgjeruar rrjetin e tyre të votave edhe nga pjesa opozitare dhe ai që është fenomeni më regresiv, është se fushata e tyre ka qenë një fushatë e pistë, me shuma të mëdha financiare të padeklaruara. Partia Demokratike është një parti që ka bërë një fushatë marramendëse, e cila abuzon me lekë të pista, nuk i përgjigjet realitetit të procesit të saj ligjor. Po ashtu janë edhe dy parti të tjera, të cilat e kanë përdorur pushtetin, siç është LSI-ja dhe partia e çamëve. Edhe këto, nëse bëhet një investigim i thjeshtë, vetëm me spotet televizive që janë shumë të kushtueshme, nëse do të hapej një hetim nga Prokuroria, por këtu nuk funksionon as KQZ dhe as prokurori, vetëm këto spote, reklamat mediatike apo posterat në të gjithë Shqipërinë i kalojnë disa milionë eurot. Kështu që gara në këto kushte është fare e pabarabartë. Pushteti ka shfrytëzuar të gjitha mundësitë për të blerë vota.

Çfarë taktike duhet të ndiqte PS-ja me aleatët, duhet t’u linte më shumë zona apo...?

Nuk është thjesht kjo e zonave. Edhe kjo është, sepse në fakt Partia Socialiste është treguar shumë e ngurtë në përgjithësi me aleatët edhe për ndarjen e zonave, por edhe te koordinimi i fushatës. Ne pamë një PS, e cila është e braktisur nga aleatët. Nuk u kuptua në fakt nëse PS-ja braktisi aleatët, apo aleatët braktisën PS-në. Nuk kishte një koordinim për të bërë fushatë. PS ende ka sindromin për të kontrolluar e vetme të gjitha çështjet dhe në çdo moment kur futet e vetme për të kontrolluar çështjet me PD-në, bën përpjekje që të krijojë monopolin e kontrollit dhe kjo dëmton imazhin për vendin dhe sjell rënie votash për partitë aleate. Ky sindrom solli edhe këtë herë atë që PS-ja nuk mbrojti dot as votat e veta dhe as të aleatëve. Ky është një problem jashtë mase shqetësues.

Do të rishikoni marrëdhënien tuaj me PS?

Pa diskutim që do të rishikojmë edhe qëndrimin, në funksion të një bashkëpunimi permanent. Këto janë vërejtje shumë thelbësore dhe të rëndësishme në princip.

GSH

[Albo]

Gjinushi: PS s’na la zona të lira, na vodhi dhe votat

Kreu socialdemokrat, Skënder Gjinushi, duke analizuar rezultatin zgjedhor të kësaj partie, akuzon Partinë Socialiste se i ka tjetërsuar votat, duke i shpërndarë brenda koalicionit.Gjinushi sjell shembuj kur kandidatët e tij për këshilltar nuk kanë parë të pasqyruar në procesverbale më pak vota nga ato që ishin numëruar. Duke folur për zgjedhjet e Tiranës, Gjinushi shprehet se KQZ përdori standard të dyfishtë kur shumicën e votave të hedhura gabim, i cilësoi të panumërueshme ndërsa vetëm një pjesë të vogël e numëroi dhe përfshiu në rezultat.

Deklaratat më të fundit të faktorit ndërkombëtar, Bashkimit Europian dhe SHBA japin mesazhe të qarta për klasën politike shqiptare. Si i lexoni ju ato?

Të tërë janë përqendruar në atë që një nga aspektet që do ndikojë shumë në vlerësimin e zgjedhjeve, është zgjidhja e krizës së Tiranës, për arsyen e thjeshtë se Tirana është kryeqyteti dhe kjo ka rëndësi të veçantë dhe për arsyen tjetër, sepse po manipulohet hapur vullneti politik. Nuk ka naiv që të mendojë se një maxhorancë vendos të manipulojë rezultatin në momentet e fundit. Ajo rikonfirmon tashmë gjithë ato denoncime që janë bërë periodikisht dhe që konfirmon atë që ne kemi thënë, se me këtë qeveri s’mund të ketë zgjedhje të standardeve. Bazë për manipulimin në Tiranë është raporti i ODIHR-it, ku thuhet se KQZ ka vetëm një detyrim dhe detyrë sa i takon rezultateve zyrtare, vetëm t’i shpallë ato dhe, rezultati legjitim është ai që ka dalë nga 485 kutitë e votimit nga grupet e numërimit, ashtu siç ka ndodhur në të gjitha komunat dhe bashkitë e vendit. Ky rezultat bëhet i rishikueshëm, vetëm pas procesit të shpalljes në fazën e ankimimit.

Votat e hedhura gabimisht, për shumë arsye, është e drejtë të lexohen?

Ne nuk e dimë nëse janë bërë me dashje apo pa dashje. Komenti mbi votën nuk bëhet pasi është votuar. Rregulli i lojës bëhet përpara; Dhe u tha që nëse e hedh votën gabim, do të quhet e pa-numërueshme. Ky rregull u zbatua në të gjithë Shqipërinë dhe në shumicën e KZAZ-ve të Tiranës. Vota të gabuara për kryetarin apo këshillin e minibashkisë ka po aq sa ka për kryetarin e Bashkisë së Tiranës. Mund të predikohet e drejta për leximin e çdo vote, por kur ajo hidhet gabim dhe në kundërshtim me Kodin dhe rregullat e vendosura më parë, ajo është nul. KQZ ka vetëm një detyrë, të certifikojë rezultatin. Rregulli i ri pas mbarimit të lojës, sipas KQZ-së nuk mund të vendoset. E dyta, s’mund të ketë rregull me dopio standard. Pra, të gjitha votat e hedhura gabim në 300 e ca kuti quhen nul, ndërsa votat e hedhura gabim në 117 kuti, që zgjodha unë, do të quhen të ndershme, se duhet të dalë Luli fitues. Është po kjo KQZ që ka certifikuar Durrësin, Vlorën, Elbasanin me këtë standard dhe, në fund të procesit në Tiranë, vendos një standard tjetër.

Të flasim pak për shifrat e dala nga këto zgjedhje. Koalicioni i djathtë ka marrë më shumë vota se koalicioni i majtë, edhe pse Aleanca për të Ardhmen kishte më shumë parti në përbërje të saj, ndërsa vetë PS ka marrë si parti rreth 100 mijë vota më shumë se PD. Si i lexoni këta numra?

Unë do të them atë që kam thënë dhe para zgjedhjeve. Kam thënë që vota politike së pari shprehet në qytetet e mëdha në zgjedhjet lokale. Sa më e vogël është njësia, aq më pak dominuese është vota politike. Pra, në 2007-n dhe 2011-n ne fitojmë bindshëm qytetet me kandidatë të drejtpërdrejtë dhe më pak vota për këshillat, pasi partia në pushtet ka më shumë aleatë dhe kanë më shumë mundësi financiare për të joshur kandidatët për këshilltarë në komuna dhe bashki. Dihet që në këshilla ka shumë të majtë që kandidojnë dhe për parti të djathta apo anasjelltas. Prandaj, kjo votë është më pak politike sesa vota për kandidatët. Në zgjedhjet vendore të gjithë luftojnë për të fituar kryetarin e njësisë vendore e më pak këshillin.

Ky rezultat a ka të bëjë dhe me cilësinë e aleatëve, pasi në koalicionin e majtë ka aleatë që kanë marrë numër shumë të vogël votash?

Jo, kjo nuk ka të bëjë me cilësinë e aleatëve, por me cilësinë paguese të aleatëve. Partitë opozitare kanë më pak mundësi financiare të bëjnë fushatë, por dhe kandidatët për këshilla nuk i afrohen shumë opozitës, p.sh. një mësues, nga frika se mund të humbë vendin e punës. Unë bëj pyetjen, kur maxhoranca merrka votë popullore për këshillat, përse po këto vota nuk i jepen kandidatit të bashkisë apo komunës, por u jepen këshillave?! Vota politike, pra ndarja majtas-djathtas, tregohet qartë tek kandidatët e njësive bashkiake. E majta ka arritur fitoren më të thellë të mundshme. Ka fituar bashkitë më të mëdha të vendit, të cilat kanë peshë të lartë elektorale, ka rikthyer sërish disa bashki të rëndësishme siç ishte Saranda, Përmeti, Gramshi, Tepelena etj. Por ka hyrë dhe në disa bastione të djathta, si Kavaja, Shijaku, Rrësheni, Mamurrasi etj.

Por ka diferenca në vota dhe brenda koalicionit të majtë, ju keni më pak vota se Demokracia Sociale apo PSV91 ka rritje në vota. Si e shpjegoni këtë?

Ka shumë arsye që lidhen me koniunkturën, me individin, me mundësitë financiare, por dhe me ruajtjen e votës. PSD ishte e ndërgjegjshme se nuk do të bënte ndonjë fushatë shumë ambicioze dhe hymë në një fushatë që, për ne, nuk ishte shumë normale dhe për ne lufta do të ishte për kryetarët, që të paktën të shpëtonim zgjedhjet. Prandaj, kafshuam gjuhën dhe pranuam të marrim pjesë, edhe pse përsëri PS u tregua shumë megalomane, që do vetëm për veten e saj dhe nuk u dha asgjë aleatëve as për imazh. Kur ti si PS nuk i jep asnjë hapësirë kandidimi aleatit kryesor PSD, çfarë rezultati do të kesh? Kjo çon në një bashkëpunim shumë të vogël. Nga njëra anë, qeveria bënte presione ndaj njerëzve që janë në punë që të mos bashkëpunojnë me ty, mundësia financiare është e vogël për të bërë fushatë, nga ana tjetër PS nuk na dha ne si aleatë mundësi kandidimi për kryetarë që të tundnim një flamur tonin në një bashki apo komunë, atëherë PSD-ja qëndroi si në hije. Megjithatë, ne kemi mbajtur votat tona, edhe pse nuk bëmë fushatën që ne dimë të bëjmë pa asnjë lloj mbështetjeje dhe me të gjitha llojet e hileve nga të tëra krahët, përsëri nuk kemi rënë nga 50 mijë votat. Në një fushatë normale dhe me kandidime normale, PSD do të merrte mbi 70 mijë deri në 100 mijë vota në të gjithë vendin. Por, këtu është dhe një problem që duhet zgjidhur brenda të majtës, që do të thotë se administrimi i votës është defektoz. Nëse PS do të bashkëpunonte më mirë me aleatët në Tiranë, do të kishte amortizuar efektin LSI në Tiranë me të paktën 2-3 mijë vota. Një bashkëpunim shumë më i sinqertë dhe një faktorizim siç i takon PSD-së edhe ndonjë aleati tjetër, absolutisht që do ta kishte ndihmuar betejën e Tiranës.

Ju mendoni se nëse do të kishit pasur kandidatë për bashki dhe komuna, do të kishit amortizuar votat e atyre që dolën të pavarur dhe koalicioni do të kishte arritur një numër më të madh votash…

Në shkallë vendi, për shkak të frymës, të krizës së përgjithshme dhe të degradimit total të qeverisë, shkalla e bashkëpunimit ka dominuar vetëm në disa bashki apo komuna të veçanta, ndërsa këtë rezultat e ka sjellë fryma e përgjithshme. Në Novoselë, ne futëm kandidatin tonë si të pavarur dhe fituam, duke treguar se kërkesa jonë për këtë bashki ishte e bazuar. Ne kërkuam vetëm 3-4 njësi dhe as ato nuk na u dhanë, duke kërkuar të na defaktorizojnë në këtë farë mase dhe mos prit që unë me të papunët e mi të marr vota në Tiranë.

Ka dhe rezerva se vota nuk është administruar mirë dhe brenda së majtës…

Nëse vota për kryetarin ka qenë nën kontroll dhe e grupuar në dy pirgje, sepse ka pasur interes dhe vëzhgim më të madh, ndërsa votat për këshill kanë lëvizur sa andej-këtej. Ne dimë fakte konkrete; Në Burrel kandidati ynë na tha se qëndroi në një monitor dhe mbajti shënim votat e veta. Ai kishte numëruar 37 vota, procesverbalin nuk ia dha njeri dhe të nesërmen ishin 27 vota të shënuara, por jo vetëm kaq, por në të gjithë komunën kishte të shënuara vetëm 32 vota.

Kjo, është vërejtur dhe në Tiranë?

Fenomeni është vërejtur gjithandej, ndaj ajo që duket, është se ka devijim dhe tjetërsim të votës së partive aleate. Edhe në Tiranë kam informacionin që janë numëruar për PSD 17 vota dhe në procesverbal shkruhen 10 apo në Durrës nga 22 vota në një qendër votimi, shkruhen 2. Numërimi i votave për partitë aleate është shumë defektoz. Grupet e numërimit kanë dy numërues të PS dhe 2 të PD-së. Partia Socialiste duhet të na ruajë votën dhe jo PD-ja.


Panorama
ARISTIR LUMEZI

[shigjeta]

Ankesa e PD, ku ndryshon nga ajo qe beri PS me 2009

Partia Demokratike ka ushtruar ankese ne KQZ per te shqyrtuar vetem votat e kontestuara, me te cilat numeruesit, vezhguesit dhe komisioneret e te gjitha paleve nuk binin ne konsensus; ndersa Partia Socialiste kerkoi ne vitin 2009 rinumerimin e te gjitha votave, vecanerisht te atyre votave per te cilat kishte konsensus, pavaresisht se nuk kishte vota te kontestuara apo se numri i tyre ishte me i vogel se marzhi i fitores, keshtu qe nuk do te kishin ndonje ndikim ne rezultat.

Kodi Zgjedhor i Shqiperise bazohet ne idene se ne shumicen derrmuese te rasteve, te gjitha palet do te bien dakord per vlefshmerine ose pavlefshmerine e nje vote dhe keshtu nuk ka mjet (menyre) per te shqyrtuar nje vendim te marre ne menyre konsensuale. Ne fakt, nuk ka mekanizem ligjor per te shqyrtuar votat per te cilat te gjitha palet kane rene dakord. Kjo u konfirmua nga interpretimi perfundimtar i Kodit Zgjedhor nga Kolegji Zgjedhor, i cili vendosi se nese nuk ka pasur kontestim gjate procesit te numerimit, atehere nuk ekzistonte ndonje ceshtje e diskutueshme qe te zgjidhej nga gjykata.

Sidoqofte, per nje numer te vogel votash ne cdo zgjedhje, palet nuk arrijne te bien ne konsensus. Lidhur me kete argument, ekspertet shpjegojne se nese keto vota te kontestuara nuk arriten te shqyrtoheshin, nje kontestim i parendesishem do te njolloste sistemin zgjedhor shqiptar, meqe secila pale do te kishte motiv te sfidonte cdo vote ne zonat ku ato kishin shumicen e komisionereve dhe ne kete menyre do te merrnin vendimin perfundimtar se cilat vota do te futeshin ne tabelen e votave te vlefshme dhe cilat ne tabelen e votave te pavlefshme. Keshtu, - shpjegojne ekspertet, - Kodi Zgjedhor Shqiptar eshte shume i qarte ne ate se cdo pale ka te drejte t'i kerkoje KQZ-se te shqyrtoje votat per te cilat, palet nuk kane rene dakord gjate numerimit te pare ne Qendren e Numerimit te Votave, ne menyre qe te merret vendimi i sakte per vlefshmerine ose pavlefshmerine e votave gjate zgjidhjes se mosmarreveshjes nga ana e KQZ-se dhe eventualisht edhe nga Kolegji Zgjedhor.

Ndryshimi i dyte ka te beje me kohen, me respektimin e shtetit ligjor dhe me procesin e sistemit zgjedhor, te cilin te dyja palet e miratuan gjeresisht ne vitin 2008. Partia Demokratike paraqiti nje ankese brenda tre diteve ne KQZ, periudhe brenda se ciles lejohen ankimimet sipas Kodit Zgjedhor, pas tabeles perfundimtare te rezultateve nga ana e KZAZ (KQZ-ja ne rolin e KZAZ per Bashkine e Tiranes). Partia Socialiste ne vitin 2009 kerkoi vetem rinumerimin e te gjitha votave, pa paraqitur ndonje deshmi dhe pa kerkuar te administroje si deshmi, vota eventualisht te kontestuara, te cilat mund te gjendeshin brenda kutive te votimit. Pasi Kolegji Zgjedhor e hodhi poshte kerkesen e Partise Socialiste si te pabazuar ne ligj, komisioneret e saj ne KQZ votuan per certifikimin e rezultatit. Vetem dy muaj me vone Partia Socialiste kerkoi shqyrtimin e te gjitha votave, shume kohe pasi kishte skaduar afati i ankimimeve sic parashikohet ne ligj. Ne vitin 2011, Partia Socialiste perseri nuk ndoqi rrugen e procesit ligjor, duke deklaruar fitoren bazuar ne perfundimin e numerimit te kutive per kryetarin e bashkise, perpara se te paraqitej ndonje ankese dhe perpara se KQZ-ja, qe vepronte ne rolin e KZAZ-se per Bashkine e Tiranes, te publikonte tabelen perfundimtare te rezultateve. Serish Partia Socialiste nuk ka kerkuar shqyrtimin dhe rinumerimin e votave te kontestuara, por i ka kerkuar KQZ-se, qe te shpalle fituesin bazuar ne nje rezultat paraprak jozyrtar.

Perpjekjet duhet te vazhdojne, fillimisht rasti i Tiranes duhet zgjidhur ne menyre paqesore, te civilizuar, dhe mbi baza ligjore. Vendimi i Kolegjit Zgjedhor ketu eshte shume i rendesishem. Por i rendesishem eshte edhe disiplinimi i aktoreve politike. Duhet te marrin fund fyerjet e dyanshme nga kreret e te dyja kampeve, por edhe kercenimet e zemeruara per revolta popullore. Te dyja keto menyra nuk e projektojne rrugen e se ardhmes per Shqiperine.

Koha Jone

[Albo]

Zgjedhjet, 65 ankesa nga partitë në KQZ

Komisioni Qendror i Zgjedhjeve duhet të shqyrtojë edhe 65 kërkesa ankimore përpara se të nxjerrë rezultatin përfundimtar të zgjedhjeve të 8 majit.Nga numri i përgjithshëm i ankesave, 28 janë vetëm të Partisë Socialiste dhe Partisë Demokratike, përkatësisht me 17 dhe 11 kërkesa ankimore. Socialistët, përveç pavlefshmërisë në disa qendra votimi në komuna, kanë kontestuar edhe rezultatin e dy bashkive të mëdha të fituara nga demokratët. Konkretisht, PS ka kërkuar shpalljen të pavlefshme të zgjedhjeve në Bashkinë e Lezhës, ku fitoi kandidati i koalicionit të djathtë Viktor Tushaj përballë Gjokë Jakut të opozitës. “Në këtë zonë zgjedhore në listën e zgjedhësve vetëm në muajin e fundit janë shtuar 225 zgjedhës, të cilët kanë votuar për zgjedhjet vendore të datës 8 maj 2011. Këta zgjedhës nuk banojnë në këtë Njësi zgjedhore dhe si të tillë në bazë të ligjit nuk kanë të drejtë të jenë në listën e kësaj Njësie. Gjithashtu, në lista figurojnë të regjistruar edhe 663 zgjedhës të dubluar. Në dy raste janë kapur fletë votimi të nxjerra jashtë qendrës së votimit, të cilat kanë qarkulluar gjatë gjithë ditës dhe kanë cenuar procesin zgjedhor”, thuhet në kërkesën ankimore të PS-së. Për këto shkaqe, socialistët kërkojnë pavlefshmëri të zgjedhjeve për kryetar të Bashkisë së Lezhës si dhe ripërsëritjen e zgjedhjeve në këtë zonë zgjedhore. Gjithashtu, socialistët kanë ankimuar edhe rezultatin që shpall fitues kandidatin e PD-së Roland Keta në Bulqizë. “Gjatë procesit të numërimit në KZAZ Nr. 7 me shumicë të koalicionit, ‘Aleanca për Qytetarin’ në kundërshtim me parashikimet e neneve 116, 117 dhe 118 të Kodit Zgjedhor, ka udhëzuar GNV-në që i ka quajtur të vlefshme fletët e votimit, qartësisht të pavlefshme. Kërkojmë rinumërimin dhe rivlerësimin e votave të pavlefshme të kandidatëve për kryetar të Bashkisë Bulqizë dhe ndryshimin e rezultatit”, thuhet në kërkesën ankimore të PS-së për këtë Bashki. Nga ana tjetër, Partia Demokratike, 11 kërkesat e saj ankimore i ka paraqitur për disa komuna, ku në një pjesë të të cilave ajo ka humbur kur ka rikandiduar kryetarët aktualë. Lëvizja Socialiste për Integrim do të përballet me anëtarët e KQZ-së për tre kërkesa ankimore, ku dy janë në qarkun e Beratit dhe një në qarkun e Fierit. Sipas Kodit Zgjedhor, në përfundim të vendimit të dhënë nga Komisioni Qendror i Zgjedhjeve, partitë kanë pesë ditë kohë për t’iu drejtuar Kolegjit Zgjedhor, i cili është edhe hallka e fundit përpara se të shpallet rezultati përfundimtar i zgjedhjeve.

Hapen kutitë edhe në Mallakastër

KQZ pranoi dje një kërkesë të PS-së për të hapur kutinë e votimit në një qendër në komunën Selitë të rrethit Mallakastër. “Gjatë numërimit të votave u vunë re shkelje flagrante. U hoqën dritat për 15 minuta dhe u krijuan kushte për manipulim në dy kutitë që ishin duke u numëruar. Disa ditë më vonë është gjetur një fletë votimi jashtë kutisë që po e paraqesim si provë”, u shpreh avokati i PS-së për këtë çështje. Propozimi për hapjen e një qendre votimi u pranua me gjashtë vota pro.

Kutia e Rrëshenit hapet të dielën

Sipas kalendarit të hartuar nga Komisioni Qendror i Zgjedhjeve, të dielën, më 29 maj, është parashikuar të hapet kutia e votimit për Këshillin Bashkiak të Bashkisë Rrëshen. KQZ-ja u vu në lëvizje dhe mori këtë vendim pas një kërkese ankimore të paraqitur nga Partia Demokracia Sociale, e cila pretendoi se në një qendër votimi ku votonin tre kandidatë të saj për këshilltarë, kishte dalë me zero vota.

Olli: Deri tani 159 ankesa

“Deri më tash, në KQZ janë paraqitur 100 kërkesa ankimore, duke e çuar në total 159 numrin e tyre. Puna e institucionit është fokusuar në trajtimin e plotë të çështjeve, por edhe në një kohë sa më të shpejtë, në mënyrë që të lehtësojë sadopak ecurinë e procesit të përfundimit të kërkesave ankimore edhe në Kolegjin Zgjedhor, e më pas shpalljes së rezultateve përfundimtare të zgjedhjeve vendore të 8 majit 2011″, u shpreh zëdhënësi i KQZ-së, Leonard Olli.

Kërkesat që do të shqyrtohen në KQZ

PS Shpallje e pavlefshme një QV në komunën Komsi, Dibër
PBDNJ Shpallje e pavlefshme një QV në komunën Finiq, Vlorë
PS Kundërshtimi i vendimit për rezultatin e zgjedhjeve për
kryetarin e Bashkisë Vau i Dejës, Shkodër
PBK Shpalljen e pavlefshme të zgjedhjeve në 1 QV komuna
Lunxhëri, Gjirokastër
LSI Kundërshtimi i vendimit për rezultatin për zgjedhjet në
komunën Poshnje, Berat
PAD Kundërshtimi i vendimit për komunën Gostimë, Cërrik
PAD Kundërshtimi për komunën Velabisht, Ura Vajgurore
PAD Kundërshtimi i vendimit për Bashkinë Lushnjë
PDS Shpalljen e pavlefshme të zgjedhjeve në dy QV të këshillit
bashkiak për Bashkinë Rrëshen
LZHK Shpalljen e pavlefshme në 2 QV komuna Shushicë, Vlorë
PS Numërimi dhe vlerësimi i votave në një QV për Komunën
Gur i Zi, Shkodër
LSI Kundërshtimi i vendimit për miratimin e tabelës
përmbledhëse për kryetar në komunën Kutë, Fier
LSI Shpalljen e pavlefshme në një QV në Komunën Qendër, Berat
PD Shpalljen e pavlefshme në një QV për kryetar të komunës
Gruemirë, Shkodër
G99 Shpalljen e pavlefshme në një QV në komunën Gradisht, Fier
PD Shpalljen e pavlefshme në një QV në komunën Llugaj, Kukës
PS Shpalljen e pavlefshme të zgjedhjeve në disa QV në
komunën Maqellarë, Dibër
PD Shpalljen e pavlefshme në 2 QV në komunën Otllak, Berat
PD Kundërshtimi i vendimit për tabelën përmbledhëse për
kryetar të komunës Fratar, Fier
PBD Shpalljen e pavlefshme të zgjedhjeve në një QV në
Bashkinë Belsh, Elbasan
PDIU Shpalljen e pavlefshme të zgjedhjeve në një QV për kryetar të komunës Golem, Tiranë
LZHK Shpalljen e pavlefshme në dy QV në komunën Shosh, Shkodër
LZHK Shpalljen e pavlefshme të zgjedhjeve në një QV në komunën Zhepë, Berat
LZHK Shpalljen e pavlefshme në 3 QV komuna Lis, Dibër
LZHK Kundërshtimi i vendimit për miratimin e tabelës përmbledhëse për kryetar në komunën Brataj, Vlorë
PD Kundërshtimi i vendimit për disa QV, komuna Zall Rec, Dibër
PS Shpalljen e pavlefshme në disa qendra, rivlerësim dhe rinumërim në komunën Karbunarë, Fier
PSD Kundërshtimi i vendimit për tabelën komuna Lis, Dibër
PBDNJ Rinumërim dhe rivlerësim votash në Bashkinë Gjirokastër
LZHK Kundërshtimi i vendimit për tabelën Bashkia Gjirokastër
PD Kundërshtimi i rezultatit, rinumërim dhe rivlerësim për Komunën Fshat Memaliaj, Gjirokastër
PD Kundërshtimi i vendimit për tabelën përmbledhëse komuna Gjoricë, Dibër
PDIU Kundërshtimi i vendimit për tabelën përmbledhëse Komuna Otllak, Berat
PDIU Kundërshtimi i vendimit për tabelën përmbledhëse komuna Funarë, Elbasan
PS Rinumërim dhe rivlerësim në një QV në komunën Selitë, Fier
PS Shpalljen e pavlefshmërisë në disa QV komuna Armen, Vlorë
PS Shpalljen e pavlefshmërisë në disa QV komuna Qendër Vlorë
AAK Kërkesë për pavlefshmëri në disa qendra, këshilli bashkiak, Bashkia Lezhë
PS Kundërshtimi i vendimit për tabelën përmbledhëse komuna Zharrëz, Fier
PS Kërkesë për pavlefshmëri në disa QV komuna Bërxullë, Tiranë
PS Kundërshtimi i vendimit për tabelën përmbledhëse Bashkia Përrenjas
PD Shpalljen e pavlefshmërisë në një QV komuna Velipojë, Shkodër
PDIU Shpalljen e pavlefshmërisë në disa QV, qarku Durrës
PDIU Kundërshtimi i vendimit për tabelën përmbledhëse këshilli i komunës Labinot-Fushë, Elbasan
PD Kundërshtimi i vendimit për tabelën përmbledhëse komuna Sllovë, Dibër
PS Kundërshtimi i vendimit për tabelën përmbledhëse në komunën Kolsh, Lezhë
PD Kundërshtimi i vendimit për tabelën përmbledhëse komuna Zall Dardhë, Dibër
PAP Shpalljen e pavlefshmërisë në disa QV për këshillin bashkiak Belsh, Elbasan
LDK Pavlefshmëri e procesit të numërimit të votave për këshilltarë në Kukës, Përmet, Elbasan, Berat dhe KZAZ 36, 60, 27, 21.
PS Shpalljen e pavlefshme të zgjedhjeve për kryetar Bashkie në Bashkinë Lezhë
PS Shpalljen e pavlefshme të zgjedhjeve për kryetar komune në Dajç, Lezhë
PD Shpalljen e pavlefshme të zgjedhjeve në një QV komuna Proptisht, Korçë
PS Kundërshtimi i tabelës përmbledhëse për kryetarin e Bashkisë Bulqizë
AD Kundërshtimi i vendimit për tabelën përmbledhëse për komunën Gostimë, Elbasan
AD Kundërshtimi i vendimit për tabelën përmbledhëse për kandidatët për këshilltarë komuna Velabisht, Berat
PS Shpalljen e pavlefshmërisë së zgjedhjeve për kryetar në komunën Papër, Elbasan
PS Kundërshtimi i vendimit për këshillin e komunës Dajç, Lezhë
PAD Kundërshtimi i vendimit për tabelën përmbledhëse për këshillin e komunës Vllahinë, Vlorë
PR Kundërshtimi i vendimit për këshillin e Bashkisë Tepelenë
PAD Kundërshtimi i vendimit për tabelën e këshillit të komunës Farkë
PDK Kundërshtimi i vendimit për tabelën e këshillit të Bashkisë Durrës
LZHK Kundërshtimi i vendimit për tabelën e komunës Bytyç, Kukës


Panorama
ADI SHKEMBI

[Albo]

Dalin provat, PD-PS vjedhin të vegjlit

Akuzat e partive të vogla, të të dyja koalicioneve, për vje-dhjen e votave nga partitë e mëdha, janë vërtetuar dje në Komisionin Qendror të Zgjedhjeve.Pas një kërkese të Partisë Bashkimi Demokratik Shqiptar, pjesë e koalicionit “Aleanca për qytetarin”, KQZ-ja vendosi të hapë kutinë e një qendre votimi të Këshillit Bashkiak të Belshit. Kandidati i kësaj partie, i pari në listën për Këshill, pretendonte se në ekranin e monitorit ku lexoheshin votat kishte numëruar të paktën 120 vota, ndërkohë që në tabelën përfundimtare rezultonte me asnjë votë. “Unë dua të shoh votën time. Nuk kam asnjë arsye tjetër, por më thonë njerëzit që ti nuk ke votuar as për veten tënde, mirë familja jote. Edhe nëse nuk e fitoj mandatin e këshilltarit, nuk jam pishman, por dua të shoh votën time. Të paktën vota ime të lexohet”, pati deklaruar Hamit Kasa kur paraqiti kërkesën ankimore.

Hapja e kutisë
Pas hapjes së kutisë së Qendrës së Votimit Nr. 2563 të Këshillit të Bashkisë Belsh, rezultati ishte një skandal i vërtetë. Partia Socialiste, e cila, sipas tabelës së falsifikuar, rezultonte forcë e parë në këtë qendër, kishte përvetësuar jo pak, por 96 vota nga ato të partive të tjera. PS-ja kishte marrë 54 vota, ndërkohë që pas manipulimit dilte me 150 vota. Pas saj nuk ngelej as Partia Demokratike, e cila fillimisht kishte marrë 33 vota, por pas kompromisit mes numë-ruesve rezultonte me 90 vota. I fituari i madh i hapjes së kësaj kutie dilte pikërisht kandidati i Partisë Bashkimi Demokratik, Hamit Kasa. Në këtë qendër, që sipas numëruesve të PD-së, PS-së dhe LSI-së, ai nuk kish votuar as për veten e tij, në të vërtetë kishte marrë jo pak, por 128 vota. Këtyre votave, pasi iu shtuan edhe 70 vota të tjera, të cilat Kasa i kishte marrë në qendrat e tjera, e nxorën atë fitues të mandatit në Këshillin e Bashkisë Belsh. Por, PS dhe PD nuk ishin të vetmet që kishin manipuluar në kurriz të partive të vogla që nuk kanë pasur as komisionerë, as numërues, as vëzhgues. Anëtarët socialistë në grupin e numërimit duket se janë treguar bujarë edhe me dy parti të tjera aleate, Demokracinë Sociale dhe socialdemokratët. Partia e Milos kishte marrë në të vërtetë 26 vota, ndërsa në tabelën përfundimtare rezultonte me 80 vota. Kurse partia e Gjinushit, e cila kishte marrë 18 vota, në tabelën përfundimtare dilte me 48 vota, pra 30 vota më shumë. Më pak e dëmtuara ishte LSI-ja, së cilës i ishte mohuar vetëm një votë, ndërkohë që përfituese të hapjes së kutive ishin edhe Partia Republikane dhe Lëvizja e Legalitetit. Në përfundim të këtij procesi, kreu i KQZ-së, Arben Ristani, propozoi kallëzim penal për katër numëruesit e kësaj qendre votimi. Armand Hysa, Alban Nipolli, Besmir Uruçi dhe Edlir Dervishi do të vihen në akuzë për falsifikimin e rezultatit.

Kutia e Rrëshenit

Një kërkesë të ngjashme ankimore, Komisioni Qendror i Zgjedhjeve pritet ta shqyrtojë sot në orën 10:00 lidhur me Këshillin Bashkiak të Rrëshenit. Partia Demokracia Sociale i kërkoi KQZ-së që të hapë një kuti të këshillit, pasi në një qendër votimi, ku votonin tre kandidatë të kësaj partie, PDS-ja rezultonte me zero vota.

Votimi për Këshillin e Bashkisë Belsh

Rezultati i falsifikuar
Partia Demokracia Sociale 80 vota
Partia Dem. për Int. Pros. 35 vota
Partia Social Demokrate 48 vota
Partia Socialiste 150 vota
LSI 12 vota
Partia Demokratike 90 vota
Lëvizja e Legalitetit 6 vota
PBDNJ 17 vota

Rezultati i saktë
Partia Demokracia Sociale 26 vota
Partia Dem. për Int. Pros. 5 vota
Partia Social Demokrate 18 vota
Partia Socialiste 54 vota
LSI 13 vota
Partia Demokratike 33 vota
Lëvizja e Legalitetit 20 vota
PBDNJ 17 vota
Partia Bashkimi Demokratik 128 vota
Partia Republikane 28 vota
Aleanca për Dem. dhe Sol. 22 vota
Partia Agrare Ambientaliste 7 vota
Aleanca Popullore 30 vota
Partia e Gjelbër 6 vota
Partia Demokristiane 3 vota
G99 1 votë
Partia Social. e Moderuar 5 vota
Partia e Emigrantëve 2 vota
Aleanca Demokratike 4 vota


Panorama
ADI SHKEMBI

[Albo]

Mandati i katërt, zonat ku humbën dhe fituan PD e PS

Vendimi i së premtes në mbrëmje i Kolegjit Zgjedhor i dha fund praktikisht drejtimit të Tiranës nga Edi Rama pas 11 vjetësh.Kandidati i Partisë Demokratike, Lulzim Basha, do të marrë edhe ‘de jure’ postin e kryebashkiakut, pasi të kenë përfunduar të gjitha afatet ligjore të ankimimeve. Duke pasur parasysh faktin që PS-ja do të çojë sërish në Kolegj vendimin e KQZ-së që nxjerr Bashën me 81 vota më shumë, shpallja e fituesit për Tiranën pritet të bëhet nga fundi i muajit qershor. Por, Rama nuk është i vetmi që humbet një mandat të katërt për postin e kryebashkiakut. Gazeta publikon sot emrat e kandidatëve që kanë fituar mandatin e katërt dhe do të qeverisin deri në vitin 2015, por edhe të atyre që ky mandat u mbeti në tentativë.

Mandati i katërt
Në zgjedhjet e 8 majit, rreth 60 kandidatë të Partisë Demokratike dhe Partisë Socialiste kandidonin për një tjetër katërvjeçar në krye të bashkisë apo komunës, që për herë të parë e kishin fituar më 1 tetor 2000. Nga Partia Socialiste ishin 30 kandidatë që paraqiteshin përballë zgjedhësve për fitoren e radhës. Por, konsumimi i tyre dhe aleanca e gjerë e koalicionit të djathtë duket se ka ndikuar që PS-ja të humbasë më shumë se gjysmën e bastioneve që i fitonte prej 11 vitesh. Në total, socialistët kanë fituar për herë të katërt 1 bashki dhe 13 komuna, ndërkohë që kanë humbur 2 bashki, një minibashki dhe 13 komuna. Konkretisht, PS-ja ka dalë fituese në Bashkinë Maliq dhe në disa komuna në Berat, Elbasan, Fier dhe Shkodër. Ndërkohë që, përveç Tiranës, socialistët kanë humbur Njësinë Bashkiake Nr.4, ku Vaid Kalaja nuk mori dot mandatin e katërt, si dhe Bashkinë e Belshit që e fitonin rregullisht nga viti 2000. Situata paraqitet ndryshe në kampin demokrat, që ka fituar 23 njësi vendore për herë të katërt dhe ka humbur vetëm pesë prej tyre. Nga këto pesë që kanë humbur, njëra është Bashkia e Krumës. Në rastin e PD-së duket se konsumimi i pushtetit mund të jetë balancuar me votat që kanë ardhur nga Lëvizja Socialiste për Integrim. Komunat që ka humbur PD-ja, veç bashkisë së Krumës, janë Grabiani në Lushnjë, Voskopi në Korçë, Guri i Zi në Shkodër dhe Ndroqi në qarkun e Tiranës. Në zgjedhjet e tetë majit, një kandidat që doli i pavarur, Halil Aliaj, në Surroj të Kukësit, arriti të fitojë për herë të katërt (dy herët e para në siglën e PD-së) mandatin që fillimisht e mori në vitin 2000. Në dy komuna, Zall-Dardhë në Dibër (kandidon për herë të katërt Njazi Cani i PD) dhe në Papër të Elbasanit (kandidon Shefqet Bullari i PS), zgjedhjet janë shpallur të pavlefshme dhe do të zhvillohen në një datë të përcaktuar nga KQZ-ja.

Fitoret e Ramës në Tiranë nga viti 2000

Në postin e ministrit të Kulturës, Edi Rama fitoi mandatin e parë si kryebashkiak i Tiranës në zgjedhjet lokale të vitit 2000. Përballë ish-ambasadorit të Shqipërisë në Francë, Besnik Mustafaj, Rama fitoi me rreth 21 mijë vota më shumë. Tre vjet më vonë, në zgjedhjet e mbajtura më 10 tetor 2003, Rama kërkoi mandatin e dytë, këtë herë përballë Spartak Ngjelës, tani një ndër aleatët e tij. Në ato zgjedhje, kryetari i Bashkisë u rikonfirmua me rreth 24 mijë vota më shumë. Diferenca u rrit ndjeshëm, sidomos në raundin e dytë, kur si pasojë e problemeve të vërejtura në raundin e parë u ribënë zgjedhjet në më shumë se 100 qendra votimi. Mandatin e tretë Rama e fitoi në zgjedhjet e vitit 2007. Teksa mbante edhe postin e kreut të PS-së, Rama kishte në krah edhe LSI-në e Ilir Metës dhe, përballë ish- ministrit të Brendshëm, Sokol Olldashi, fitoi me 22 mijë vota diferencë.

Ankimimet

Komisioni Qendror i Zgjedhjeve është në përfundim të shqyrtimit të të gjitha kërkesave ankimore, që kanë ardhur pas shpalljes së rezultateve për bashkitë dhe komunat nga 66 Komisionet Zonale të Administrimit të Zgjedhjeve në të gjithë vendin. Deri në këto momente nuk janë shqyrtuar ende 4 kërkesa, të cilat kanë të bëjnë me komunat, si dhe mbeten për vendim 13 kërkesa të tjera, të cilat janë shqyrtuar më parë, por janë shtyrë për të tërhequr bazën materiale apo për të parë më gjatë dosjen. Nga këto, më e rëndësishmja pritet të jetë komuna Poshnje, të cilën e ka ankimuar LSI-ja dhe Fshat-Memaliaj, ku KQZ-ja vendosi të çojë në laboratorin e kriminalistikës listën e zgjedhësve për të verifikuar nëse firmat ishin nga e njëjta dorë.

Kolegji

Ndërkohë që shpallja e kandidatëve fitues për 65 bashki, 11 minibashki dhe 308 komuna janë kompetencë e KZAZ-ve, KQZ prej disa ditësh po shpërndan mandatet e këshillave bashkiakë dhe komunalë në të gjithë vendin. Deri tani janë shpërndarë mandatet në Kukës, Berat, Dibër, Fier dhe Gjirokastër. Ndërkohë që kanë ngelur ende pa u shpërndarë mandatet në Shkodër, Lezhë, Tiranë, Durrës, Elbasan, Korçë dhe Vlorë. Ndarja e mandateve bëhet në bazë të formulës që është përdorur në zgjedhjet e përgjithshme të vitit 2009. Fillimisht ndahen mandatet për dy koalicionet “Aleanca për qytetarin” e “Aleanca për të ardhmen” dhe më pas mandatet brenda koalicioneve. Në total, koalicioni i PD ka rreth 140 mijë vota më shumë se ai i PS.

Gara për mandatin e katërt

Zonat ku fitoi PS
Terpan Engjëll Veliaj
Vertop Flamur Balliu
Arras Sali Tërshalla
Shirgjan Mustafa Shehu
Shushicë Lutfi Lala
Aranitas Viktor Mahmutaj
Çlirim Harrila Mile
Maliq Gëzim Topçiu
Arren Ilir Doçi
Kolsh Kukës Abedin Oruçi
Pult Sokol Cubi
Temal Mark Zhuri
Zall-Herr Gani Allushi
Xarë Dhimitër Kote

Zonat ku humbi PS
Tiranë Edi Rama
Njësia 4 Vaid Kalaja
Kozare Fatmir Doksani
Perondi Ramiz Oboni
Belsh Arif Tafani
Gjergjan Faik Gjolena
Gracen Fadil Salla
Rrasë Isuf Ferhati
Fiershegan Bedri Hida
Karbunarë Neki Arapi
Q. Libohovë Krenar Kulla
Lekas Nderim Kreka
Moglicë Agron Matraku
Balldren Gjek Cali
Qelezë Marash Kolaj
Krrabë Artan Saliu

Zonat ku fitoi PD
Lis Agim Selita
Luzni Haxhi Damzi
Maqellarë Bardhyl Agolli
Selishtë Xhemal Delishi
Trebisht Fitim Balla
Rrashbull Hysen Gashi
Xhafzotaj Agim Hoxha
Funare Qani Sherja
Hoçisht Ylli Cenkolli
Mollaj Fredi Xhemo
Kalis Ahmet Shira
Margegaj Rexhë Byberi
Shishtavec Dilaman Nela
Topojan Safet Myftari
Zapod Dan Koloshi
Blerim Ndoc Prendi
Dajç Arben Gjuraj
Postribë Faz Shabaj
Qerret Rrok Dodaj
Rrapë Ndue Gjoni
Vig Mnele Pjetër Lleshi
Farkë Fatbardh Plaku
Petrelë Ylli Kupi

Zonat ku humbi PD
Grabian Ardian Shurdhaqi
Voskop Kujtim Sulo
Krumë Bardhyl Peka
Gur i Zi Broz Marku
Ndroq Fatime Goga

Të pavarurit
Fitoi
Surroj Halil Alia

Kërkesat ankimore, KQZ merr dy ditë pushim, i lë vendin “Top Fest”-it

Pas gati dy muajsh punë me një orar të tejzgjatur, shtatë anëtarët e Komisionit Qendror të Zgjedhjeve kanë marrë dy ditë pushim. Në mbledhjen e së premtes, kur u shqyrtuan pesë kërkesa ankimore, u ra dakord që e shtuna dhe e diela të bëhen pushim e puna të rifillojë, ashtu si në pjesën tjetër të administratës, të hënën. Por, këto ditë pushimi, veç lodhjes së anëtarëve të KQZ-së dhe stafit të këtij Komisioni, duket se kanë të bëjnë edhe me një veprimtari tjetër. Sot në mbrëmje, në ambientet e Pallatit të Kongreseve, një mur larg sallës së mbledhjeve të KQZ-së, do të zhvillohet koncerti i “Top Fest”. Ky event ishte parashikuar të zhvillohej dy javë më parë, më 22 maj, por në atë periudhë KQZ-ja ishte në kulmin e punës së saj me hapjen e kutive të votimit për Bashkinë e Tiranës. Stafi organizativ i festivalit u detyrua të shtyjë me 14 ditë këtë shfaqje dhe, me sa duket, për ditën e sotme kanë marrë edhe OK e administratës së KQZ-së. Nga e hëna, puna për KQZ-në do të fillojë si normalisht me shtatë kërkesa ankimore në ditë. Një ndër kërkesat me interes që pritet të trajtohet të hënën është ajo e komunës së Poshnjës që koalicioni i djathtë e humbi me vetëm dy vota diferencë. Gjithashtu, pjesë e punës së KQZ-së do të jetë edhe ndarja e mandateve për këshillat bashkiakë dhe komunalë. Rreth fundjavës pritet që të mbyllen të gjitha kërkesat ankimore dhe më pas KQZ-ja do të presë deri në padinë e fundit që do të shkojë në Kolegjin Zgjedhor. Pasi gjykata të shprehet për të gjitha çështjet, KQZ-ja do të nxjerrë rezultatin përfundimtar dhe periudha paszgjedhore do të konsiderohet e mbyllur.


Panorama
ADI SHKEMBI

[shigjeta]

Ndreca: Vendimi i Kolegjit, i mbështetur në ligj

Gjyqtari i Kolegjit Zgjedhor, Tom Ndreca, i cili lexoi vendimin duke shpallur fitues për Bashkinë e Tiranës kandidatin e PD-se, Lulzim Basha flet për herë të parë pas dhënies së vendimit dhe pa u zbardhur ende ky i fundit. Ai shpjegon me detaje për Deutsche Welle dhe gjithashtu edhe me argumente se pse trupi gjykues i Kolegjit Zgjedhor vendosi të rrëzojë ankimin e PS, të bërë ndaj vendimit të kQZ dhe të shpall si fitues, Lulzim Bashën.
"Situata zgjedhore pëson ndryshime dhe lindin fenomene, që kërkojnë zgjidhje. Kolegji Zgjedhor bëri një zgjidhje profesionale dhe të mbështetur në legjislacionin e Shqipërisë, kur rrëzoi kërkesën ankimore të PS. Kjo pasi Kolegji Zgjedhor gjykoi që akti normativ i KQZ nuk kishte të bënte më gjithë territorin e Shqipërisë, por vetëm me një njësi zgjedhore, atë të Tiranës dhe si i tillë nuk krijonte një normë për gjithë vendin. Akti normativ i KQZ për numërimin e votave të kontestuara nuk ishte përfundimtar, pasi ai bëri vetëm korigjimin e tabelave të KZAZ- ve të Tiranës", deklaron Tom Ndreca.
Tom Ndreca nga Kolegji Zgjedhor mendon se "thembra e Akilit" në procesin e numërimit është natyra partiake e Komisioneve Zonale të Administrimit Zgjedhor, KZAZ-ve.
"Procesi i numërimit po stonon, po zgjatet. Grupet e numërimit dhe nivelet e administrimit të këtij procesi nuk duhet të jenë partiake, duhet gjetur një formë tjetër, jo partiake, ndofta forma elektronike, si e kanë vendet e BE", thotë Tom Ndreca.

Bota Sot

[BOKE]

Tirana, Kolegji Zgjedhor urdhëron: KQZ të hapë të gjitha kutitë e votimit

Për më shumë se 4 orë trupi gjykues i Kolegjit Zgjedhor ka dëgjuar pretendimet e palëve në proces, atë të Partisë Socialiste, Komisionit Qendror Zgjedhor dhe Partisë Demokratike si palë e interesuar. Gjate gjithe dites Kolegji Zgjedhor është tërhequr 3 herë ndersa u parashikuan qe vendimi te jepej ne oren 19:30 minuta te pasdites, vendim qe vonoi dhe disa ore. Kolegji u shpreh ne mesnate me vendimin qe la te hapur garen per Tiranen. Anetaret e Kolegjit Zgjedhor i kerkojne KQZ qe te numeroje te gjitha fletet e kontestuara ne kutite e te gjitha qendrave te votimit te Tiranes, ndersa rrezoi pretendimin e PS per 117 kutite ne te cilat KQZ numeroi disa dite me pare fletet e kontestuara.

KOLEGJI ZGJEDHOR URDHERON KQZ TE HAPE KUTITE E TE GJITHA QENDRAVE TE VOTIMIT

Ora 23: 50-Kolegji Zgjedhor eshte shprehur ne mesnate per kerkese padite e PS. Ne vendimin e marre sot ne mbremje u vendos qe te pranohet pjeserisht kerkese padia e PS. Keshtu Kolegji vendos qe te hapen mbi 300 kuti te disa KZAZ-ve ne Tirane per te numeruar flete te konstuara ne to. Kolegji shprehet se pasi te numerohen keto flete te kontestuara, rezultati per to ti shtohet shumatoresh aktuale qe ka KQZ dhe me pas te realizohet tabela permbledhese per Tiranen. Nderkohe Kolegji ka rrezuar kerkesen e PS per 117 kuti votimit qe numeroi KQZ per flete te kontestuara me argumentimin per mos rakordim shifrash. Keshtu nga 485 kuti votimi jane gjithsej per Tiranen, 117 jane hapur dhe numeruara fletet e kontestuara, KQZ sipas vendimit te Kolegjit do ti duhet te numeroje dhe 368 kuti te tjere per fletet e gabuara.
Ky vendim i Kolegjit Zgjedhor lë të hapur garën për kryetarin e Bashkisë së Tiranës. Per te mesuar emrin e ri te kreut te Bashkise se Tiranes, do te duhen dhe shume dite.

Ballkanweb

[Endri_]

Me pak fjale kolegji zgjedhor i thote shqiptarve ,boni plazh e knaquni me sa mundesi keni se kryetarin e ri ne shtator do e merrni vesh.

[Guri i Kuq]

Megjithate,kjo është zgjidhja më logjike dhe ligjore,për gjithë këtë gjendje të krijuar...
Pra,do të hapet çdo kuti,do të vlerësohet çdo votë e shqipatrëve dhe në fund-kush del më i miri;-URIME FITORJA !
Them se ka fituar Shqipëria,standardet ligjore më transparente të mundëshme dhe po krijohet një standard që mund tia kenë lakmi edhe shume vende tjera...!
Fituesit çdo rrespekt dhe urime fitoren,ndërsa Shqipërisë URIME për këtë kulturë që po instaloni !