Mustafa: Lugina me Kosovë, veriu me Serbi !!!!

[ARIANI_TB]

02-05-2011 22:12 CET Kryetari i komunës së Preshevës, Ragmi Mustafa, ka deklaruar të hënën se komunat e Luginës, Presheva, Bujanoci dhe Medvegja do të duhej t’i bashkoheshin Kosovës, kurse veriu i Kosovës Serbisë. Ai ka vlerësuar se propozimi i kreut të delegacionit serb në bisedime me Prishtinën, Borko Stefanovic, që të bisedohet për ndarjen e Kosovës, do të duhej të shtrohej si çështje e përhershme në bisedime.

“Mendoj se kjo është e ardhmja për këtë rajon dhe se pas kësaj, të gjithë së bashku do të bëhemi pjesë e Bashkimit Evropian”, citon FoNet Mustafën. Ai ka përmendur rezultatet e referendumit nga marsi i vitit 1993, kur shqiptarët e këtyre tri komunave u deklaruan masivisht se dëshirojnë të jenë pjesë e Kosovës, raporton Telegrafi.

Ndërkaq, ndër arsyet që këto tri komuna t’i bashkohen Kosovës ka përmendur edhe Platformën Politike nga viti 2006 të Kuvendit të këshilltarëve shqiptarë, si dhe “ajo për të cilën ka luftuar Ushtria Çlirimtare e Preshevës, e Medvegjës dhe Bujanocit (UÇPMB).

“Këto janë tri arsyet kryesore që na bëjnë ta shohim veten si pjesë të Kosovës”, ka thënë Mustafa, i cili është edhe kryetar i Partisë Demokratike të Shqiptarëve. Qëndrimi i bashkësisë ndërkombëtare është që të gjitha këto probleme të zgjidhen në mënyrë paqësore, ka thënë Mustafa, “që është në interesin e të gjithëve në rajon”.

Kryetari i Lëvizjes për Përtëritjen Serbe (SPO), Vuk Draskovic, ka reaguar ndaj deklaratës së Ragmi Mustafës. Sipas FoNet-it, që e transmeton Presheva.com, Draskovic ka thënë se është “joserioze” të flitet për gjoja ndarjen e Kosovës, meqë kjo do të mund të provokonte “pasoja afatgjata dhe jostabilitet në rajon”.

Sipas tij, “kërkesat e Preshevës e të Bujanocit për t’iu bashkuar Kosovës janë reale dhe këto i dinë ata që i shtrojnë”, është shprehur Draskovic. Sipas tij, Medvegja nuk takohet askund as me Bujanocin e aq më pak me Preshevën, meqë këto i ndan dy qytete dhe një komunë – Vranja, Leskoci e Lebane.


http://www.zeri.info/artikulli/1/1/2...eriu-me-serbi/

[beni33]

pasi qe veriu esht nda si gurisht qe lugina duhet te i bashkohet kosoves

[landi45]

po ne skemi politikane po matrapaze,,,


nuk duan bashkim trojesh ,,,,

[Zoti Basha]

shume dakort. ama asnje veprim te mos meret pa referendum vendor ne lugine dhe veri.

[Don-Buli I]

kjo nuk nvaret nga Ragmi Mustafa ose nga Hashim thaci ..
Lugina e presheves eshte nje nder pikat kryesore te serbise, nepemjet presheves ajo lidhet ne magjistralen E75 dhe eshte problem i madh qe serbia te heq dore nga Lugina e presheves
sa i perket veriut eshte me se e sigurt se kosova e ka te humbur at pjese ne luften diplomatike mes amerikes dhe rusis, keshtu qe na mbetet te shpresojm per nje te ardhme me te mir

[Gordon Freeman]

pastaj duhet te ndahet bosnia&maqedonia

[Dar_di]

Edhe veriu, por edhe Lugina e Preshevës të jenë me Republikën e Kosovës

Deklarata e z. Mustafa lidhur me mundësitë e ndarjes së Republikës së Kosovës dhe bashkimit të Luginës së Preshevës me Kosovën janë në kundërshtim me interesin e të drejtën historike, politike, juridike e ekonomike të shqiptarëve.

Çështja e pjesës veriore të Republikës së Kosovës është një problem i brendshëm i Republikës së Kosovës, që nënkupton se personat juridik të saj, në koordinim me faktorin ndërkombëtar (BE-në dhe SHBA-të) janë duke e diskutuar e shqyrtuar deri në mundësinë e një zgjidhjeje afatgjate në përputhje me ligjet e vendit dhe interesin e shtetasve. Kjo zonë kaq delikate për të shtrirë sovranitetin dhe kushtetutshmërinë e ligjërinë e vendit, për arsyet që tashmë na janë të njohura, përbën një element thelbësor për politikën e Beogradit, i cili meqë e ka të qartë se Kosova më nuk mund t`i rikthehet në administrim, atëherë nën fasadën e elementit etnik serb në pjesën veriore të Republikës së Kosovës, mëton të përfitoj territorialisht dhe, njëkohësisht, ta mbaj nën ombrellën e kontrollit edhe Luginën e Preshevës.

Pjesa veriore e Republikës së Kosovës është e begatuar me pasuri nëntokësore, të cilat konsiderohen si segment mjaft i rëndësishëm në zhvillimin ekonomik të shtetit.

Nëse merret në shqyrtim e drejta historike, politike e juridike, të gjitha këto parime janë në favor të Republikës së Kosovës.

Po të merret në konsideratë parimi etnik, atëherë lëvizje tektonike të shqiptarëve nuk do të ketë vetëm në Serbi, por edhe në Mal të Zi, Maqedoni e Greqi.

Është diskutuar mjaft kjo çështje për veriun e Republikës së Kosovës, madje një nga pikat kryesore që është tërhequr me këtë rast, ka të bëjë edhe me faktin që problemi në fjalë do duhej kërkuar që në qershor të vitit 1999, atëherë kur u larguan ushtria e policia serbe nga Kosova. Me këtë rast, siç është thënë, UÇK do duhej që të shtrinte ndikimin e saj edhe në pjesën veriore, që duke shfaqur panik në popullatën serbe të asaj pjese, ta detyronte indirekt të largohej përfundimisht nga Kosova. Mirëpo, meqë një gjë e tillë nuk ishte realizuar, atëherë problemi është akoma evident.

Sa i takon çështjes së Luginës së Preshevës, si etnikisht e historikisht aty ka dominuar elementi shqiptar. Furtunat e tmerrshme, si pasojë e proceseve historike dhe ndryshimeve në hartat politike në Gadishullin Ballkanik, ku më shumë e ku më pak në favor të shteteve fqinje ballkanike dhe në dëm të shqiptarëve, janë rrjedhojë e mosunifikimit politik të fuqive ndërkombëtare, të ndihmës që disa prej këtyre fuqive i kanë dhënë platformave ekspansioniste sllave e greke në Gadishullin Ballkanik, diskriminimit të shqiptarëve dhe natyrisht të prapambetjes së vetë neve shqiptarëve. Në një të ardhme, nëse shtetet mike të shqiptarëve, sidomos SHBA-të, vazhdojnë të përkrahin të drejtat e shqiptarëve në Gadishullin Ballkanik, nuk dyshohet që jo vetëm shqiptarët në Luginë të Preshevës, por edhe kudo brenda shteteve fqinje, të integrohen nën një administrim të ri, shqiptar. Kjo gjithnjë do të varet nga vullneti politik që shqiptarët tregojnë në këtë kontekst dhe bashkëpunimi me shtetet mike.

Është dëshmuar se diskriminimi i shqiptarëve në republikat e ish-Jugosllavisë e në Greqi është i dukshëm edhe në ditët e sotme. Vlerësoj se e ardhmja e shqiptarëve të ndarë në Gadishullin Ballkanik nuk na sjell zhvillim e përparim më të shpejtë, në të gjitha sferat e jetës. Përkundrazi, do ta zbehte rolin tonë në raport me shtetet e tjera.

Deklarata e z. Mustafës, megjithëse është dhënë e pjesshme, në çast më bën ta perceptoj si lokale, indiferente dhe mospërfillëse në raport me elementin shqiptar në Mal të Zi, Maqedoni e Greqi. Nëse ekziston ideja e një bashkimi gradual të shqiptarëve, atëherë edhe pasojat do të ishin më të vogla, në kuptimin njerëzor, material e territorial. Nëse z. Mustafa vlerëson një tendencë të tillë dhe apelon në realizimin e saj, atëherë ai duhet të mendoj edhe për fatin e shqiptarëve në Maqedoni, Mal të Zi e Greqi.

Eksitojnë këto çështje, në mos më shumë, sa i takon këtij konteksti:

1. Pazarllëqet territoriale (ndarja e veriut të Republikës së Kosovës, bashkimi i tij me Republikën e Serbisë dhe kalimi i Luginës së Preshevës nën administrimin e Republikës së Kosovës) që do të ishin të dëmshme në kuptimin e zhvillimit ekonomik të Republikës së Kosovës.

2. Në rast se realizohet një skenar i tillë, nuk përjashtohet mundësia që edhe shqiptarët në vise të tjera ballkanike të kërkojnë bashkimin e tyre me Shqipërinë a Kosovën, që domosdo do të rezultonte në bashkimin etnik të shqiptarëve. Dhe jo vetëm kaq, edhe kombësi të tjera në Gadishullin Ballkanik do të vepronin me një logjikë të tillë. Në këtë mënyrë do të shfaqej një krizë e re për Evropën Juglindore, gjë të cilën nuk e dëshiron as BE e as SHBA.

3. Si pikë e tretë të cilën e shoh më konstruktive ka të bëjë me faktin që të mos bëhen ndarje territoriale për kohën, të insistohet që shqiptarët në shtetet fqinje ballkanike të kenë më shumë të drejta përgjithësisht, të fuqizohen në kuptimin ekonomik, shoqëror, kulturor e arsimor, që elita politike shqiptare si në Evropën Juglindore dhe kudo në botë të bashkohen në një kuvend gjithëkombëtar dhe të vendosin për të ardhmen e shqiptarëve në këto anë, e cila definitivisht do të sqaronte dilemat për bashkimin ose jo të tyre dhe, si e fundit, shqiptarët të vazhdojnë të kultivojnë raporte të shkëlqyeshme diplomatike me BE-në, veçanërisht me SHBA-të si shteti më i fuqishëm në botë dhe miku më i denjë i shqiptarëve.

Dar_di

[Llapi]

A kanë pasur ndonjëherë Kosova dhe Serbia shkëmbim zyrtar territoresh?

Publikuar: E shtune 21 Maj 2011





Pakkush e di, qoftë edhe nga “patriotët tanë” yryshnikë se Presheva, Bujanoci dhe Medvegja deri në vitin 1956 kanë qenë pjesë integrale e Kosovës! Dhe se krejt zyrtarisht, në vitin 1956, me ndërmjetësim të institucioneve federative - ndërmjet dy subjekteve me afinitete shtetërore dhe kufij të pacenueshëm (Kosovës dhe Serbisë), është bërë një shkëmbim territoresh!





Shkruan: Bardhyl Metaj



E thash edhe në emisionin e RTK-së, që i kushtohej çështjes së asaj që “patriotët me bateria kineze” po e quajnë “Bashkim Kombëtar!”, se kemi të bëjmë me një floskul marketingu, dhe me ide bukolike, ngase të njëjtit, sado patriotë që po shiten, e sa do që s`hezitojnë edhe të etiketojnë të tjerët me fjalë deri edhe tradhtare - sidoqoftë, të njëjtit, s`po flasin për ndonjë vepër madhore e ndonjë brengë kombëtare, por thjesht për “Bashkimit të Shqipërisë me Kosovës”!

Pra, e para, këta “patriotë” gënjejnë bashkëkombësit, ngase kur hapareshen e marrin poza patriotike, s’flitet për Bashkim Kombëtare, por bashkim dy shtetesh të njohura ndërkombëtarisht, e që unë e quajta “prish shpi e marro hajat”, dhe e dyta, sa herë flasin, sa po i pyet, po për Luginën e Preshevës, se ata janë n`hall, dhe për shqiptarët e Maqedonisë (afro një milion) - çfarë vizioni e programi keni, atëherë u sosen bateria kineze, dhe sakaq heshtin!



Përkushtimi ndaj substancës etnike



Logjika e thjeshtë të thotë se po të ishin kaq të përkushtuar ndaj substancës etnike, atëherë, para se të merreshin me Kosovës dhe “kufizimet e saj kushtetuese”, do të duhet të merreshin me kufizimit që realisht kanë shqiptarët e Kosovës Lindore, në Preshevë, në Bujanoc dhe Medvegjë! Të na thoshin ndonjë fjalë e të na shpalonin ndonjë koncept mbi fatin e tyre...!

Por, Jo! Aty, heshtin! Njëjtë siç ka heshtur për vite sa ishte President, e siç hesht edhe sot e gjithë ditën Alfred Moisiu, për çështjen çame, për çështjen e Kosovës Lindore, për, për, për...!

Ajo që dua të them është se sa do absurde që është në thelb, megjithatë, edhe sot në 2011-ën, me “shqiptarë t`shkretë” e sentimentet e tyre patriotike luhet, manipulohet e u shitet e servohet në pjatë - dushk për gogla!

A po hahet, ndërkaq, dushku për gogla?

Po! Fort bile - po shkon si hallva!

Po më duket se po e dëgjoj tash një lexues të këtyre rreshtave, tek më thotë se, “jo bre Bardh” s`rrehen lehtë kosovarët!?

Po, tepër lehtë bile!?

Ku ke hipokrizi më të madhe, gënjeshtër më të madhe, dhe larje më ashiqare truri..., ta zëmë, se sa “shfaqjen” e “Vetëvendosjes” me flamurin etnik, me shkabën dykrenore - të cilën sa here e ngrenë dhe shpalojnë gjithandej, e në çdo rast, marrin poza t`i thua se u ngjall Skenderbeu? Apo s`po Ju kujtohet ajo skena në Parlamentin kosovar, kur e dhanë betimin?

Pse kalova nga ata “patriotët” e Bashkimit të rrejshëm Kombëtar, që si e thamë s`ka të bëjë asgjë me Bashkimin, ngase s`flasin asnjëherë për shqiptarët në Kosovën Lindore – tek Vetëvendosja dhe “çlirimin” që këta i bënë Flamurit etnik shqiptar!

Ngase të dyja palët, të paktën në këtë pikë, i bashkon loja me sentimente e emocione etnike, historike, që s`janë asgjë më shumë se “shitje e mjegullës” turbo-patriotike, për përfitime personale! Hyrje në parlament, sigurimi i rrogave të majme, pensioneve e benificioneve tjera, me “parullën” e shfaqjen, “Ne e futëm flamurin kombëtar në Parlament, na kemi me bashkue Shqipërinë...”! Dhe...?

Dhe këta tjerët, të gjitha partitë tjera, LDK, PDK, AAK, AKR, janë...? Janë tradhtarë, pra! Janë t`shitur te bashkësia ndërkombëtare?! Kanë me na konvertue në një komb të ri, në kosovar! Këta janë kundër Bashkimit!?

Shkurt, sot n`Kosovë, qytetari, nga të dyja anët, hanë dushk për gogla! Por, para se të kalojë te dushku që na e servojnë partitë tjera, të ndalem pak te flamuri etnik të cilin na e “çliruan” nga burgu këta të “Vetëvendosjes”?





Shqiptarët, të paasimiluar



Ndoshta, lexuesit të rreshtave, i shkon mendja se po dua që - analog me atë që e thamë më lart lidhur me ata “patriotët” e “Bashkimit të rrejshëm Kombëtar” t`cilëve siç thamë as mendja s’u shkon për Preshevë e Bujanoc - pra, analog me te, t`i them edhe “Vetëvendosjes”, shkoni çojeni flamurin në Kosovën Lindore!?

Jo! S`mund t`ua them! Jo se më dhimbsen, por ngase atje valon flamuri shqiptar, pa ndonjë problem!

Si qenka pra e mundur që t`valojë në Serbi, e qenka e ndaluar në Kosovë! E këtu, le të përgjigjen këta...!

Por, a mund të valojë Flamuri i Shtetit Kosovar në Preshevë!?

Sot, për sot Jo! Kush e ngre, shkon n`burg!

Shumë interesante! Dhe njëjtë bën Serbia edhe kur është fjala për Kushtetutën e Kosovës, “pasoshat” e dokumentet dhe diplomat e Kosovës, me shtetësinë e Kosovës, kufijtë e Kosovës, hyrjen e Kosovës në OKB, BE, etj., etj.!

Shkurt, Serbia ka problem me Kosovën, me kosovarët dhe me shtetin e tyre e simbolet e tij! Dhe e kuptoj që shteti serb dhe të gjitha qeveritë e tij e dinë më mirë se çdo komb e shtet tjetër në botë se shqiptarët janë pothuaj të paasimiluar! Aq më pak nga simbolet e shtetit të tyre!

Por, pse shitet pra si patriotizëm në Kosovë e Shqipëri, fyerja, denigrimi e përçmimi i simboleve të shtetit tonë?

Ngase shumëkujt tek ne ja kanda ende më shumë dushkun, se gjithçka tjetër, dhe për fat të keq këtë e ka identifikuar edhe Serbia! Na njohin më mirë se çdo shtet e popull tjetër! Së këndejmi, tash e sa muaj Presidenti serb Tadiq e thekson gjithherë se “dëshiron që të negociojë me Tiranën dhe që me Tiranën të arrihet kompromisi historik”! Pra, strategjia e Beogradit është defaktorizimi i Kosovës dhe kosovarëve, shpërbërja e shtetit Kosovar dhe po na e bojnë “hallal” krejt hapur, edhe “Bashkimin me Shqipërinë”!

Krejtësisht si mendësia e Alfred Moisiut, por me parashenjë të kundërt, po thotë dhe aludon krejt hapur edhe Presidenti serb Tadiq! Që i bie se po i thotë Shqipërisë “Ju po thoni se Kosova është krahinë e Shqipërisë, ashtu themi edhe ne në Beograd - se është Krahinë e jona - andaj ejani të ulemi Tirana me Beogradin, e ta ndajmë atë toke belaje ku po na përleshën disa fise tuaja e tonat”!

Kjo është strategjia, mendësia dhe oferta e hapur serbe e thanë krejt publikisht, së fundi edhe në intervistën e shkëlqyer të Baton Haxhiut me Tadiqin!

Prej këndej erdhi edhe ajo vërejtja dhe ndërhyrja e fuqishme e ambasadorit Dell në intervistën e RTK-së, para pak ditësh kur tha se “Dell: Çfarë më habit mua është se edhe presidenti Tadiq edhe Albin Kurti, e kjo është goxha intriguese, apo jo - duket se kanë të njëjtën formulë: t'ia lëmë Serbisë dhe Shqipërisë që të zgjidhin problemin e Kosovës!"

Prej këndej erdhi edhe shkrimi im, para deklaratës së ambasodorit Dell, por si reagim ndaj ahmakllakut të Alfred Moisiut, i cili krahasonte Mirditën me Kosovën! Por, regjimi nuk ishte vetëm nga frika e strategjisë serbe! Por, edhe nga fakti tjetër historik, se Kosova vërtet s`ka qenë kurrë krahinë e Shqipërisë, aq më pak e krahasueshme me Mirditë e Labëri! Ky ishte pra jo vetëm një gafë, ahmakllak e mosnjohuri historie, por edhe një naivitet që u ka hije fëmijëve, por jo edhe të tjerëve që kanë pretendime politike e patriotike!

Fakti që Kosova s`ka qenë regjion dosido duhet që ne si kosovar e shqiptar të na bëjë të gjithëve të ndihemi mirë dhe krenarë!



Përfaqësimi në OKB



Edhe një herë: Nën Perandorinë Osmane, Kosova e para vitit 1912, ka qenë vilajet më vete (“Vilâyet-et” janë pasardhëse të Eyâlet-eve”, pas reformës post-feudale të vitit 1845)! Në Vilajetin e Kosovës, i cili ishte njësi “federale” e Perandorisë Osmane, hynin pesë sanxhaqe në përbërje të Vilajetit të Kosovës: ai i Shkupit, i Prizrenit, i Pejës, i Prishtinës dhe ai Pazarit të Ri (Novi-Pazar) - ndërkohë që vetë Vilajeti Kosovës kufizohej në lindje me Bullgarinë, në perëndim me Vilajetin e Shkodrës, Malin e Zi dhe Bosnjën, në veri me Serbinë dhe në jug me Vilajetin e Manastirit dhe Vilajetin e Selanikut.

Pra, nëse “patriotët tanë që s`po kanë punë” donë t’i rikthejë territoret, atëherë ja tek e kanë “ushqimin patriotik” - që si kosovarë e Kosovë t`ushtrojnë ekspansionin, e jo t`na shesin t`kurjen si Bashkim Kombëtar...?!

Shtetësia dhe “mëvetësia administrivo-politike e Kosovës nën Perandorinë Osmane ka qenë e sanksionuar me reformën kushtetuese të pas vitit 1845, ku njësi të njëjta federale (vilajete të barabarta politikisht me Kosovën), ishin edhe Vilajeti i Selanikut (Greqia e sotme), apo ai Rumeli Sharki-s (Bullgaria e sotme), Vilajeti Bagdatit (Iraku i sotëm), apo Vilajeti i Damaskut (Siria e sotme), apo Vilajeti Trablus-ı Garb respektivisht Vilajeti i Tripolisit (Libia e sotme), apo Vilajeti i Misir-it (me kryeqytet Kairo-n, Egjipti i sotëm)!

Është shumë e rëndësishme, për historinë e ardhshme të Kosovës, deri të jetë dhe kur do të jetë e përfaqësuar në Organizatën e Kombeve të Bashkuara, kjo histori shtetësie e subjektiviteti politik krejtësisht identik me Egjiptin, Bosnjën, Irakun e Iranin, Sirinë dhe Libinë...!

Serbët trishtohen nga këto fakte, të cilat për fat keq, përfaqësuesit tanë s`ua thonë Tadiqit, Jeremiqit e Borkove...!

Pra, mëvetësi dhe shtetësi e Kosovës së sotme - nuk është as prodhim i “sotëm” i Ahtisarit, e as i djeshëm - kur ky vend ishte njësi Konstituive e Federatës Jugosllave!



Tani, para se të kalojë tek çështja e “ndarjes” së Kosovës e cila po riaktualizohet siç e thamë më lartë e po mbahet në jetë artificialisht, tash e 20 vjet nga qarqet serbe akademike serbe (tash edhe Qeveria) dhe nga yryshnikët tanë, më duhet të them edhe diçka tjetër! Të them edhe një diçka, që ekspertët e çështjes “pan-arabe” dhe të çështjes palestineze, e njohin shumë mirë...



Presheva, Medvegja e Bujanoci, të Kosovës deri më 1956



Po i bie shkurt, por do ta elaboroj në një shkrim tjetër më gjatë: Palestinezët kanë humbur 6 dekada lufte e përpjekje shumë të përgjakshme duke luftuar për çështjen arabe dhe krejt si kosovarët më 1912 kanë kontribuar edhe në pavarësimin e shteteve arabe për rreth pas shembjes së Perandorisë Osmane deri në vitin 1960! Vetëm kur janë fokusuar në formësimin e kombit palestinez dhe në çështjen e tyre, kanë shënuar e arritur këtë çfarë e kanë, që megjithatë është shumë më pak se t`arriturat e kosovarëve dhe shteti yni me kufij dhe njohje nga superfuqitë ekonomike botërore! Por, sidoqoftë, nën kauzat e mëdha, si çështja panarabe, apo “bashkimi i gjithë shqiptarëve”, apo “bashkimi i tokave serbe”, ngjajnë gjithherë tragjeditë të mëdha e zgjidhje kurrfare! Njëjtë ka ngjarë edhe me 60 etni të tjera, të mbetura në shtet të ndryshme, e që s`kanë arrit qoftë edhe sa Palestina, e cila ëndërron këtë, çfarë kemi ne kosovarët sot...!



Jo për ndarje, dhe jo mes Tiranës dhe Beogradit, por mes Kosovës dhe Serbisë, nëse veç insistohet, atëherë, pas njohjes reciproke - mund të bisedohet për këmbim territoresh!



Pakkush e di, qoftë edhe nga “patriotët tanë” yryshnikë se Presheva, Bujanoci dhe Medvegja deri në vitin 1956-ë, kanë qenë pjesë integrale e Kosovës!

Dhe se krejt zyrtarisht, në vitin 1956, me ndërmjetësim të institucioneve federative - mes dy subjekteve me afinitete shtetërore dhe kufij të pacenueshëm (Kosovës dhe Serbisë), është bërë një shkëmbim territoresh! I të njëjtave të cilat përfliten edhe sot! Kosovës i është dhënë Zubin-Potoku e Zveçani, ndërsa Serbia ka marrë Preshevën dhe Bujanocin...!

Pra, edhe atëherë, që t’i kthehem çështjes nëse Kosova ishte një vend do si do - Serbia s`mundte thjesht të merrte, por duhej shkëmbye territore, ngase ishte subjekt me kufij të njohur...!

Kur delegacioni ynë në Bruksel t`ia bëjë me dije Borkos së ri dhe Tadiqit këtë detaj sinjifikant e shumë domethënës, atëherë edhe në Beograd e Bruksel, s`do të flitet më për “ndarje” të Kosovës, as pazare me Tiranën...por eventualisht këmbim territoresh!

Unë për vete jam për - që flamuri kosovar t`valojë edhe në Preshevë e Bujanoc! Kaq! Të tjerat, ato me idetë bukolike e folklorike le të shërbejnë si tekste këngësh rapsodike, por jo edhe si programe politike, karshi sfidash globale, evropiane, ballkanike e regjionale...!

http://www.kosova-sot.info/opinione/...ar-territoresh

[Llapi]

qyky po jau njofka edhe zorret ne bark ketyre rrugaqve te vetfundosjes se
edhe po i quajka:“patriotët me bateria kineze”
HAaaaaaaaaaaaaaa

[Sharri-Liburna]

02-05-2011 22:12 CET Kryetari i komunës së Preshevës, Ragmi Mustafa, ka deklaruar të hënën se komunat e Luginës, Presheva, Bujanoci dhe Medvegja do të duhej t’i bashkoheshin Kosovës, kurse veriu i Kosovës Serbisë. Ai ka vlerësuar se propozimi i kreut të delegacionit serb në bisedime me Prishtinën, Borko Stefanovic, që të bisedohet për ndarjen e Kosovës, do të duhej të shtrohej si çështje e përhershme në bisedime.

“Mendoj se kjo është e ardhmja për këtë rajon dhe se pas kësaj, të gjithë së bashku do të bëhemi pjesë e Bashkimit Evropian”, citon FoNet Mustafën. Ai ka përmendur rezultatet e referendumit nga marsi i vitit 1993, kur shqiptarët e këtyre tri komunave u deklaruan masivisht se dëshirojnë të jenë pjesë e Kosovës, raporton Telegrafi.

Ndërkaq, ndër arsyet që këto tri komuna t’i bashkohen Kosovës ka përmendur edhe Platformën Politike nga viti 2006 të Kuvendit të këshilltarëve shqiptarë, si dhe “ajo për të cilën ka luftuar Ushtria Çlirimtare e Preshevës, e Medvegjës dhe Bujanocit (UÇPMB).

“Këto janë tri arsyet kryesore që na bëjnë ta shohim veten si pjesë të Kosovës”, ka thënë Mustafa, i cili është edhe kryetar i Partisë Demokratike të Shqiptarëve. Qëndrimi i bashkësisë ndërkombëtare është që të gjitha këto probleme të zgjidhen në mënyrë paqësore, ka thënë Mustafa, “që është në interesin e të gjithëve në rajon”.

Kryetari i Lëvizjes për Përtëritjen Serbe (SPO), Vuk Draskovic, ka reaguar ndaj deklaratës së Ragmi Mustafës. Sipas FoNet-it, që e transmeton Presheva.com, Draskovic ka thënë se është “joserioze” të flitet për gjoja ndarjen e Kosovës, meqë kjo do të mund të provokonte “pasoja afatgjata dhe jostabilitet në rajon”.

Sipas tij, “kërkesat e Preshevës e të Bujanocit për t’iu bashkuar Kosovës janë reale dhe këto i dinë ata që i shtrojnë”, është shprehur Draskovic. Sipas tij, Medvegja nuk takohet askund as me Bujanocin e aq më pak me Preshevën, meqë këto i ndan dy qytete dhe një komunë – Vranja, Leskoci e Lebane.


http://www.zeri.info/artikulli/1/1/2...eriu-me-serbi/

mustafat mos te bajn pazarllik me teritore tona,kollaj te jepet e huja,nuk ka mustafa ta ndertoj lumtuirin e presh.bujaqn.medvegj. mbi fatkeqsin ekosoves.
mustafa mundet me kerku bashkimin e kesaj pjese te sanxhakut ta bashkoj me pjesen tjeter deri ne nish,se per me ju fal territore shkive eshte leht ,po me ua marr territiret qe grabiturana i kan okupu .kjo eshte nji turp i mustavav,qe punojn per interesa te sllaveve.