Bashkimi Demokratik per Integrim BDI

[bOndi_oo7]

Kjo teme destinohet per te gjithe anetaret e FSH te cilet jane te interesuar te lexojne,shofin dhe degjojne strukturimin organizativ, dokumentet zyrtare, komunikatat per opinion, lajmet dhe te gjitha informacionet te cilet kane te bejne me Bashkimin Demokratik per Integrim- partia e vetme fituese ne te gjitha ciklet zgjedhore ne IRJM prej paraqitjes se saj ne skenen politike (fill pas deshtimit te inicijatives se liderit Ali Ahmeti per Keshillin koordinues te te gjitha partive shqiptare ne IRJM) ne 2002 e deri ne ditet e sotme.

Lexim dhe debat te kendshem,

[bOndi_oo7]

Logo e BDI-se

[bOndi_oo7]

DEKLARATE E THEMELIMIT TE PARTISE


Duke u nisur nga :

• Vullneti i forcave progresiste që sollën ndryshimin rrënjësor të pozitës së shqiptarëve në Maqedoni për të vazhduar angazhimin e tyre në procesin e demokratizimit të mirëfilltë të Maqedonisë;

• Përkrahja masovike që këto forca gëzojnë në popullatë dhe dëshira e shprehur e qytetarëve për inkuadrimin e tyre në jetën politike si garancë për realizim të barazisë së plotë të të gjithë qytetarëve në Maqedoni si kusht i domosdoshëm për paqë dhe stabilitet;

• Situata e rënduar politike, ekonomike dhe sociale në vend që kërkon qasje dhe ide të reja për t´u tejkaluar sa me shpejt,
Lindi nevoja për themelimin e një partie të re që u emërtua „Bashkimi Demokratik për Integrim“, parti kjo e cila angazhohet për:

• Implementimin e plotë të Marrëveshtjes së Ohrit;

• Maqedoni stabile, si interes parësor i të gjithë qytetarëve dhe si interes rajonal dhe europian;

• Maqedoni multietnike, ku të gjithë qytetarët e saj do të ndjehen të lirë dhe të barabartë;

• Çrrënosjen e korrupsionit dhe krimit të organizuar dhe vendosjen e mekanizmave që do të pamundësojnë përhapjen e tyre;

• Integrimin e Maqedonisë në strukturat euro-atlantike, duke u nisur nga integrimi rajonal sipas modeleve më të avancuara europiane dhe botërore;

• Sistem ekonomik bashkëkohor, i cili do të krijojë hapësirë dhe garancë për investime të huaja, rrjedhimisht do të zvogelojë papunësinë;

• Demokraci funksionale dhe shtet ligjor, me theks të veçantë në respektimin e të drejtave të njeriut.
Përparësi për veprim imediat të partisë janë:

• Integrimi dhe risocializimi i ish-luftëtarëve në shoqëri;

• Kthimi i të gjithë refugjatëve në vendbanimet e tyre;

• Rindërtimi i vendbanimeve të dëmtuara vitin e kaluar;

• Kthimi dhe ngritja e mirbësimit ndër-etnik;

• Masa urgjente për zbutjen e varfërisë.
BDI do të veprojë në drejtim të:
- Decentralizimit të pushtetit dhe zhvillimit të demokracisë vendore
- Arritjen e barazisë së plotë në të gjitha nivelet e shoqërisë;
- Avancimin e pozitës së femrës në nivelet e vendim-marrjes;

• Zgjidhjen e problemit të arsimit të sipëror në gjuhën shqipe me kujdes të veçantë në rritjen e kualitetit dhe profesionalizmit;

• Inkuadrimit të emigracionit në rrjedhat shoqërore në Maqedoni me theks të veçantë në kthimin e tyre në vendlindje dhe investim të kapitalit.
Bashkimi Demokratik për Integrim fton:

• Të gjithë qytetarët e Republikës së Maqedonisë të angazhohen në ndërtimin e shoqërisë multietnike,

• Subjektet politike në Maqedoni të respektojnë obligimet e marra në Ohër për arritjen e stabilitetit politik;

• Komunitetin ndërkombëtar që të vazhdojë me përkrahjen e implementimit të Marrëveshjes së Ohrit dhe të demokratizimit të Maqedonisë për t´i mundësuar asaj që të arrijë standardet ndërkombëtare të duhura për integrim në familjen e shteteve demokratike.


Tetovë, 5 Qershor 2002
Kuvendi Themelues i Bashkimit Demokratik për Integrim-BDI

[bOndi_oo7]

Programi i BDI-se i miratuar ne Kongresin e vitit 2009

Lexo:
http://www.aliahmeti.org/dokumente/programi09.pdf

[bOndi_oo7]

Bashkimi Demokratik për Integrim - Retrospektiva 2008-2010


Shiko:

[bOndi_oo7]

BIOGRAFIA E ALI AHMETIT

BIOGRAFIA E ALI AHMETIT

Ali Ahmeti lindi më 4 janar të vitit 1959 në fshatin Zajaz të Kërçovës, Republika e Maqedonisë.

Angazhimi politik i tij ka filluar qysh në shkollë të mesme, kur arriti që me sukses të vendoste përdorimin e gjuhës shqipe në gjimnazin e tij në Kërçovë. Në vitin 1979 Ahmeti fillon studimet në Fakultetin filozofik pranë Universitetit të Prishtinës, ku diplomon në vitin 1983. Gjatë viteve 1981 dhe 1983 ai bëhet njëri nga bartësit e lëvizjes studentore qëllimi i së cilës ka qenë përmirësimi i statusit politik të shqiptarëve në Kosovë dhe Maqedoni dhe ka ndihmuar në organizimin e protestave studentore në Prishtinë, aktivitet i cili kulminoi me arrestimin dhe dënimin në një vit burg për bindje politike.

Në vitet 1984/86 ka ndihmuar në ripërtrirjen e lëvizjes studentore dhe popullore në Kosovë. Në vitin 1986, Ahmeti fiton azil politik në Zvicër, ku jeton deri në vitin 2001 dhe vepron si koordinator i grupeve të ndryshme. Në vitet 1988/89 ai është njëri nga udhëheqësit e protestave të minatorëve dhe studentëve të cilat për herë të parë më seriozisht e sfiduan regjimin e Sllobodan Miloseviqit. Në vitet 1989/90 ai ka qenë njëri nga organizatorët e protestave masive të diasporës shqiptare nëpër Europë.

Mbështetjen e tij politike gjatë këtyre viteve Ahmeti e ka pasur në Lëvizjen Popullore të Kosovës. Në vitin 1986 ai është zgjedhur anëtar i Këshillit të Përgjithshëm, me detyrë ndërlidhjen ndërmjet Kosovës dhe Europës. Në vitin 1988 ai është zgjedhur anëtar i Kryesisë së Lëvizjes Popullore të Kosovës, funksion në të cilin është rizgjedhur në vitin 1993, me detyrë speciale në sektorin ushtarak.

Në vitin 1996, në vlugun e rritjes së presionit dhe dhunës kundër shqiptarëve të Kosovës, Ahmeti ka qenë njëri ndër themeluesit e Ushtrisë Çlirimtare të Kosovës dhe në vitin 1998, në fillim të luftës, ai është zgjedhur anëtar i Shtabit të Përgjithshëm të Ushtrisë Çlirimtare të Kosovës.

Në vitin 2001 Ali Ahmeti zgjidhet Komandant Suprem dhe Përfaqësues Politik i Ushtrisë Çlirimtare Kombëtare në Maqedoni. Pas Marrëveshjes së Ohrit të nënshkruar në gusht dhe shpërbërjes së Ushtrisë Çlirimtare Kombëtare në shtator të këtij viti, Ahmeti angazhohet aktivisht në procesin e implementimit të Marrëveshjes së Ohrit. Për këtë qëllim, në fillim të vitit 2002 ai e inicoi dhe u emërua Kryesues i Këshillit Koordinues që bashkonte partitë politike shqiptare në Maqedoni dhe strukturat e mëparshme të Ushtrisë Çlirimtare Kombëtare në një platformë të disenjuar për ta shtyrë përpara implementimin e marrëveshjes paqësore.

Në qershor të vitit 2002, Ahmeti e themelon Bashkimin Demokratik për Integrim dhe zgjidhet Kryetar i kësaj partie. Në shtator të vitit 2002, Bashkimi Demokratik për Integrim e fitoi besimin e shumicës dërmuese të elektoratit shqiptar në zgjedhjet parlamentare të Maqedonisë. Ali Ahmeti u zgjodh deputet i Parlamentit të Republikës së Maqedonisë, ndërsa Bashkimi Demokratik për Integrim hyri në koalicionin qeveritar

[bOndi_oo7]

Sheshi Skenderbeu

shiko:

[bOndi_oo7]

Bashkimi Demokratik për Integrim, platformën e saj zgjedhore sot e ka prezantuar përpara anëtarëve të Odës Ekonomike të Maqedonisë- veriperëndimore(OEMVP).

Biznesmenët shqiptarë në mënyrë të drejtpërdrejtë janë informuar nga kreu i BDI-së, Ali Ahmeti dhe ministrat aktual në Qeveri me platformën ekonomike të BDI-së, për zgjedhjet e parakohshme parlamentare.

Lideri i BDi-së, në fjalimin e tij përpara biznesmenëve, ka siguruar ata se partia e tij gjithmonë do të mbështetë biznesin shqiptarë.

Ai u zotua se do të inkurajon bashkëpunimin në sfera të ndryshme midis shteteve, sidomos mes Maqedoni, Kosovën , Shqipërisë dhe Malit të Zi

“Vetëm me investime vendore dhe të huaja ne mund të krijojmë vende të reja pune, njëherit duke u hapur një perspektive rinisë shqiptare që të qëndrojnë ne vendin e tyre sepse nuk kanë të ardhme më të mirë në cilin do vend të botës që të shkojnë” tha Ali Ahmeti, gjatë prezantimit të programit ekonomik për zgjedhjet e parakohshme të 5 qershorit, para biznesmenëve shqiptare.

Kryetari i BDI-së Ahmeti, i informoi përfaqësuesit e OEMVP-së, se në të gjitha takimet që ka pasur me personalitete të larta të vendeve të Evropës dhe SHBA-ve, ka gjetur përkrahjen se kompanitë të ndryshme janë të gatshme të vijnë, dhe të investojnë në Maqedoni.

“Me keqardhje mund të them se shumë pak është realizuar deri më tani at që kemi parashikuar. Fatkeqësisht nga mospasje vullnetit të investitorëve tanë për të bashkuar kapitalin e tyre është vështirë që të realizohen projekte e parapara ekonomike që gjenerojnë zhvillim ekonomik dhe hapjen e vendeve të reja të punës” tha Ahmeti

Ministri ekonomisë Fatmir Besimi, përpara biznesmenëve tha se platforma ekonomike e BDI-së, kryesisht do të përqendrohet në përmirësimin e klimës së biznesit, tërheqjen e investitorëve nga jashtë si dhe zbutjen e papunësisë.

“BDI do të ketë prioritet përfundimit e korridorit 8, gjegjësisht, ndërtimin e autostradës si pjesë e këtij korridori që do lidhë Maqedoninë me Shqipërinë dhe Kosovën, si dhe projekti i hekurudhës Kërçovë - Qafë Thane me Shqipërinë.

Projektet me prioritet ne infrastrukturën rrugore do të jenë: ndërtimi i ‘Rrugës së Arbërit” gjegjësisht trajektores që do të lidh Kërçovën me Dibrën dhe vendkalimin kufitar me Shqipërinë, zgjerimi i rrugës Tetovë-Jazhince, studim për mundësi të një rruge të re Tetovë-Prizren, dhe rrugë regjionale brenda vendit” tha Besimi.

[bOndi_oo7]

Sigurimi i atmosferës së lirë dhe demokratike për zgjedhjet ka qenë tema për të cilën kanë diskutuar kryetari i Bashkimit Demokratik për Integrim (BDI), Ali Ahmeti dhe ambasadori i Shteteve të Bashkuara Amerikane në Shkup, Philip Reeker.

“Në zgjedhjet e 5 qershorit qytetarët duhet ta votojnë më të mirin. Me rëndësi është që qytetarët të votojnë në mënyrë të qetë dhe demokratike. Ata që do të humbin duhet ta pranojnë humbjen sepse pas katër viteve do të kenë shans tjetër”, deklaroi kryetari i BDI-së pas takimit të zhvilluar në rezidencën e ambasadorit amerikan.

Ahmeti dhe Reeker kanë biseduar edhe për situatën aktuale politike në rajon dhe për zgjidhjen e çështjes së emrit si çështje e cila është kusht për anëtarësimin e Maqedonisë në NATO.

[bOndi_oo7]

Maqedonia si asnjëherë më parë ka nevojë për një proces zgjedhor të qetë dhe demokratik, dhe jo për një atmosferë të tensionuar dhe të shoqëruar me incidente zgjedhore. Kështu u shpreh lideri BDI-së Ali Ahmeti, duke i bërë thirrje partive të bllokut politik maqedonas që ti ulin gjakrat, të gjejnë mirëkuptim dhe të krijojnë kushte që në mënyrë të lirë dhe demokratike ti masin forcat në terren. Sipas Ahmetit, pavarësisht se në cilin tabor do të ndodhin incidentet, qytetarët janë ata që do ti përjetojnë pasojat.
“Sa i takon bllokut politik maqedonas uroj që të ulen gjakrat, uroj që partitë politike të gjejnë mirëkuptim mes veti sepse pavarësisht se ku ndodhin problemet tek shqiptarët apo tek maqedonasit, koston e paguan Republika e Maqedonisë dhe qytetarët e saj. Komuniteti ndërkombëtar pret nga ne që të zhvillohen zgjedhje të lira, pa tensione, pa dhunë e frikësime dhe sigurisht që për këto ne do notohemi në konferencat e radhës të BE-së”, deklaroi Ali Ahmeti, kryetar I BDI-së.
Ndërkohë sa i përket platformës zgjedhore Ahmeti u shpreh se BDI-ja para elektoratit do të del me program për avancimin e çështjes kombëtare.
“BDI ka të përpunuar një platformë jashtëzakonisht shkencore dhe të kapshme për qytetarët e Maqedonisë në veçanti për shqiptarët, duke filluar që nga avancimi i mëtejmë i çështjes Kombëtare e deri tek fusha e investimeve, ekonomia, arsimi, shëndetësia, kultura, pra, të gjitha këto çështje janë të trajtuara dhe janë të përpunuara”, u shpreh Ali Ahmeti, kryetar I BDI-së.
Ndryshe BDI-ja fushatën zgjedhore e fillon nesër në Shkup nën moton ‘Bashkë drejtë qëllimit”.