Skenari i opozites gjate dites se zgjedhjeve.

[DYDRINAS]

Skenari i opozites gjate dites se zgjedhjeve.

Pjesemarrje apo bojkot?


Si e parashikoni sjelljen e opozites me 8 Maj 2011?


Une jam i bindur se ata do te luajne karten e bllokimit te procesit zgjedhor, duke kurdisur akte te ndryshme me persona te veçante, permes se cilave do te bllokohet procesi i votimit dhe keshtu do ta mbajne ate peng deri ne oren e caktuar per mbylljen e tij.

[DYDRINAS]

Parandalimi i bojkotit më 8 maj, PS kundër

28/04/2011

Shtyhet miratimi i prodhimit të vulave rezervë për çdo qendër votimi

Në rast se nuk arrihet kuorumi, çështja do të dërgohet në Kolegjin Zgjedhor

Opozita ka kundërshtuar dje propozimin për projektvendimin e KQZ-së për prodhimin e vulave rezervë për qendrat e votimit. Me pretendimin se një vendimmarrje e tillë delegjitimon procesin zgjedhor, Partia Socialiste dje nuk ka pranuar ta votojë nismën e KQZ për të parandaluar ndonjë bojkot të mundshëm të komisionerëve ditën e zgjedhjeve. Anëtarët socialist në KQZ i kanë kujtuar kreut të këtij komisioni se një vendimmarrje e tillë kërkon 5 vota dhe jo një shumicë të thjeshtë. Gjithashtu ata kanë kërcënuar se në rast miratimi të kësaj nisme do të bënin sërish ankimim në Kolegjin Zgjedhor. “Prodhimi i vulave në bazë të projektit që ju po ndërmerrni nuk ka bazë ligjore. Pra, ne kemi një proces të delegjetimuar dhe do të kemi një cenim të zgjedhjeve të 8 majit, duke mos bërë të mundur një garë të ndershme”, - u shpreh dje përfaqësuesi i përhershëm ligjor i PS-së Genc Gjonçaj. Por pretendimin e Gjonçajt e ka kundërshtuar kreu i KQZ-së Arben Ristani, i cili ka shpjeguar se kjo vendimmarrje është e bazuar në eksperiencat e kaluara zgjedhore, ku “KQZ-ja është gjendur para faktit të dëmtimit, humbjes së vulave të KQV-ve apo kryetarit të KQV-së, kryesisht si pasojë e largimit të komisionerëve nga detyra. KQZ-ja ka qenë e detyruar që brenda një kohe shumë të shkurtër të bëjë këto vula, në mënyrë që të sigurojë vazhdimin e procesit në qendrat e votimit”, - u shpreh Ristani. Nga ana tjetër, përfaqësuesi i PD-së Njazi Kosovrasti i ka kërkuar KQZ-së që të parashikohet prodhimi i dy lloje vulash. “Gjysma për kryetarin dhe gjysma për sekretarin”, - propozoi Kosovrasti. Mendimi i këtij të fundit u përkrah dhe nga anëtarja e e KQZ-së Vera Shjefni, e cila i kujtoi Ristanit se vlefshmëria e fletës së votimit është e lidhur me nevojën e dy vulave të komisionit. Pavarësisht debatit, KQZ-ja nuk doli në një vendim për sa i përket prodhimit të vulave rezervë, gjë që pritet të merret në shqyrtim në mbledhjen e pasdites së sotme.

Sot fletët për Tiranën

Gjithashtu në mbledhjen e sotme KQZ-ja do të përcaktojë dhe 2 modelet e tjera të fletëve të votimit në Tiranë. Bëhet fjalë për modelet e fletëve të votimit për kryetarë dhe anëtarë të këshillit bashkiak të kryeqytetit. Pas miratimit të dy modeleve të para, të cilat u shoqëruan me kontestime nga Partia Socialiste sa i përket mungesës së germave nistore të partive aleate të koalicionit të majtë “Aleanca për të Ardhmen” në fletën e votimit për kryetarë të bashkisë së Tiranës. Gjithashtu sa u përket fletëve të votimit po sot KQZ-ja do përcaktojë dhe sasinë e nevojshme të fletëve që do të përdoren më 8 maj. Në mbledhjen e djeshme KQZ-ja ka bërë dhe një ndryshim në vendimin e saj nr. 224 “Për përcaktimin e transmetimit të kohës falas në Radiotelevizionin Publik”. Bëhet fjalë për transmetimet falas në TVSH të reklamave në favor të katër partive të vogla joparlamentare, të cilat për mungesë dokumentacioni nuk ishin përfituese të transmetimeve falas të aktiviteteve të tyre elektorale.

Sasia e prodhimit

Kryetari i Komisionit Qendror të Zgjedhjeve propozoi që numri i përgjithshëm i prodhimit të vulave rezervë të reduktohet në 20 për qind të totalit të 4880 qendrave të votimit. “Të prodhojmë vula rezervë, diku rreth 20 për qind, që do qëndrojnë në KQZ dhe kur evidentohen probleme, nxirren nga KQZ-ja me vendim të saj dhe të kontrollohen deri në përfundim të zëvendësimit”, - tha Ristani.

Pretendimi i PS-së

Përfaqësuesi i PS-së, Genc Gjonçaj, duke ironizuar propozimin e Ristanit për reduktim të sasisë së prodhimit të vulave, u shpreh dje në mbledhje të KQZ-së: “në rast se do ti prodhoni, unë propozoj që ti magazinoni te PD-ja dhe ti përdorni që atje. Prodhimi i vulkave në bazë të projektit që ju po ndërmerrni nuk ka bazë ligjore. Pra, ne kemi një proces të delegjetimuar dhe do të kemi një cenim të zgjedhjeve të 8 majit, duke mos bërë të mundur një garë të ndershme.”

Parandalimi

“Furnizimi me vula në rast largimi apo dëmtimi ka kosto kohore dhe financiare shumë të madhe. Për arsye të transportit të përdorur por dhe për të shmangur bllokimin e procesit të votimit në qendrat e votimit, ku mund të ndodhë fenomeni i mungesës së njërës prej dyja vulve, është menduar që të prodhohet paraprakisht vula rezervë për çdo qendër votimi”, - ka theksuar Ristani.

Koalicioni i Vëzhguesve Vendorë: KQV sjanë ngritur, afati ka mbaruar

Koalicioni i Vëzhguesve Vendorë 12 ditë para zhvillimit të zgjedhjeve vendore tërheq vëmendjen për mosrealizimin në kohë dhe sipas kërkesave ligjore të disa elementeve thelbësore në garantimin e procesit zgjedhor, që kanë të bëjnë me administrimin e drejtpërdrejtë të procesit dhe votës së qytetarëve. Në raportin e publikuar dje, koalicioni konstaton me mjaft shqetësim mosngritjen ende të komisioneve të qendrave të votimit, ku afati i fundit për ngritjen e të cilave, në çdo rast, ishte data 18 prill. Koalicioni i Vëzhguesve Vendorë nënvizon “se mungesa e kohës së mjaftueshme, jo vetëm për ngritjen e tyre, por sidomos për trajnimin e mirëfilltë të komisionerëve të qendrave të votimit mund të shkaktojë pasoja jo të vogla në procesin e votimit”. Për këtë koalicioni u kërkon partive politike “të plotësojnë urgjentisht dokumentacionin ligjor për ngritjen e komisioneve të qendrave të votimit, si dhe të ndikojnë pranë përfaqësuesve të tyre në komisionet zonale të administrimit zgjedhor (KZAZ) për përshpejtimin e këtij procesi”, - thuhet në raportin e tyre. Gjithashtu koalicioni u sugjeron partive politike që të emërtojnë si sekretar në KQV persona me arsim juridik, çka do të ishte një mundësi më shumë për një administrim më të plotë ligjor të procesit të votimit. Ndër të tjera koalicioni u bën thirrje partive politike parlamentare (PD, PS dhe LSI) që të marrin masat e nevojshme për ti paraqitur në kohë propozimet e tyre për ngritjen e grupeve të numërimit të votave, duke u kushtuar rëndësinë e duhur dhe lënë kohën e mjaftueshme për trajnimin e tyre.


Gazeta Metropol

[DYDRINAS]

"Kartat e identitetit, prokuroria rrezon PS-ne"

Edmond Hoxhaj

Prokuroria e Tiranes ka vendosur mosfillimin e hetimit lidhur me kallezimin e kryer nga Partia Socialiste per falsifikimin e kartave te identitetit. Keshtu denoncimi ne fjale eshte pezulluar per shkak te mungeses se provave. Lajmi eshte bere dje i ditur per gazeten nga burime prane organit qendror te akuzes, te cilat pohuan se mosfillimi i hetimit eshte vendosur pas verifikimit te gjithe materialit kallezues ne fjale. Burimet saktesuan se nga materialet e vena ne dispozicion, nuk eshte konkluduar ne ndonje prove konkrete qe mund te vertetonte falsifikimin e kartave te identitetit. Ata kane verifikuar dokumentacionin dhe materialet me te cilat PS-ja pretendonte se do te faktonte falsifikimin. Pas kryerjes se ekspertizave te materiale, ku nder to ishin edhe disa karta identiteti, prokuroria ka konkluduar ne faktin se nuk kishte nje falsifikim te tyre. Nisur nga ky fakt hetuesit kane vendosur pezullimin e ceshtjes ne fjale. Ne mars te vitit te kaluar drejtues te Partise Socialiste pretendonin se qarkullonin dhe perdoreshin karta identiteti false. Madje deputeti i PS-se, Gramoz Ruci deklaroi ne disa media kete dyshim. Pretendimit te Partise Socialiste per falsifikim te mundshem te kartave te identitetit, ju kunderpergjigj me kallezim penal edhe Ministria e Brendshme. Pas deklaratave te Rucit, Ministria e Brendshme e denoncoi penalisht ate. Ministria e Brendshme e akuzonte per veprat penale te "falsifikimit te leternjoftimeve, pasaportave ose te vizave" dhe te "perhapjes se informatave te rreme qe ngjallin panik", parashikuar nga nenet 189 dhe 267 te Kodit Penal . Ne cilesine e autoritetit mbikeqyres te Kontrates Koncesionare "Prodhimi dhe shperndarja e dokumenteve te identitetit", Ministria e Brendshme i sqaronte prokurorise ne kallezim se ishte mjaft e interesuar qe te zbardhej teresisht e verteta rreth deklarimeve publike te kryera nga drejtuesit e PS-se. Gjithashtu, ajo kerkonte qe te viheshin ne dispozicion te prokurorise dokumentet e paraqitura ne seancen plenare nga deklaruesit, te cilet duhej te sqaronin menyren se si i kishin disponuar ato dokumente. Drejtuesit e Ministrise se Brendshme deklaruan atehere se, sistemi i prodhimit dhe shperndarjes se dokumenteve te identitetit, ishte provuar se ishte solid. Kjo fale teknologjise se fjales se fundit ne fushen e identifikimit dhe procedura strikte te mirepercaktuara per aplikimin dhe shperndarjen e leternjoftimit elektronik e pasaportes biometrike. Vleresimet e mesiperme jane dhene ne raportin e 14 shtatorit te vitit 2009 te misionit te OSBE/ODIHR.


Gazeta Koha Jone

[Brari]

nuk mund te parashikohet djallezia e ed rucve.. te seli rozit-..

jane te sofistikuar tmerresisht ne pjelljen e lojnave te felliqura..

zoti e ruajt shqiperine nga kjo falange kanibalesh..

[djaliepirotas]

Ke te drejte Brar. Ata syte djallezor te Rucit vetem skena te tilla shohin dhe medja e tij djallezore vetem skenare bojkoti bluan.
Sic e ka thene dhe shoku Namik Hoti, ai eshte " porta e hekurt " e Hidrocentralit PS alias PPSH.
Spo e gjej dot ate videon me ithtaret e Enverit ku del dhe fantazma e viteve 30' ( Namiku qe thua ti) dhe e propozon Enverin per Profet te shqipetareve. Luaj vendit se cnuku pret nga te kuqte.

[DYDRINAS]

Prishja e zgjedhjeve, KQZ: Burg grupeve të numërimit

Aktualitet e Premte, Prill 29th, 2011

Komisioni Qendror i Zgjedhjeve parashikon sanksione të ashpra ndaj anëtarëve të grupeve të numërimit të votave që do të prishin procesin zgjedhor.Në mbledhjen e sotme KQZ-ja do të miratojë “Manualin e trajnimit të anëtarëve të grupeve të numërimit të votave”, një dokument i ngjashëm me atë të miratuar pak ditë më parë për trajnimin e anëtarëve të komisioneve të niveleve të dyta dhe të treta. Në këtë manual janë parashikuar sanksionet për këtë kategori të administratës zgjedhore, duke iu referuar dispozitave të Kodit Zgjedhor dhe Kodit Penal. Në kapitullin e masave për parandalimin e prishjes së procesit thuhet se, “braktisja e detyrës pa shkaqe të ligjshme nga anëtarët e komisioneve të zgjedhjeve, nga anëtarët e grupeve të numërimit apo vëzhguesit, përbën kundërvajtje penale dhe dënohet me gjobë ose heqje lirie nga 6 muaj deri në 2 vjet”. Në të njëjtën kohë është parashikuar që në rast se anëtarët e grupeve të numërimit falsifikojnë dokumente ose përdorin dokumente të falsifikuara, mund të dënohen me burgim deri në 3 vjet, ose me gjobë që varion nga 200 mijë deri në 600 mijë lekë. “Shkelja e dispozitave të Kodit nga anëtarët e komisioneve të zgjedhjeve ose nga persona të ngarkuar me detyra, sipas këtij Kodi, kur nuk përbën vepër penale, dënohet me gjobë nga 3 mijë deri në 90 mijë lekë. Shkeljet e tjera të dispozitave të Kodit, kur nuk përbëjnë vepër penale, përkatësisht nga sekretari i KZAZ-së, dënohet me gjobë nga 30 mijë deri në 60 mijë lekë, ose me burgim deri në 6 muaj”, thuhet më tej në manualin që do të miratohet sot në KQZ. Në të njëjtën kohë është parashikuar që shkelja e disa parimeve bazë të procesit zgjedhor, si ligjshmëria, transparenca dhe paanësia, kur nuk ka ndikuar në rezultatin e zgjedhjeve, dënohet me gjobë nga 100 mijë deri në 500 mijë lekë. Ndërsa shkeljet e anëtarëve të grupeve të numërimit që ndikojnë në rezultatin e zgjedhjeve, përbëjnë kundërvajtje penale dhe dënohen me burgim nga gjashtë muaj deri në dy vjet.

Votimi

Në mbledhjen e djeshme të KQZ-së është miratuar vendimi për prodhimin e vulave rezervë në të gjithë vendin, për t’u paraprirë rasteve kur komisionerët largohen nga qendrat e votimit së bashku me vulat. Megjithëse dy ditë më parë ishte rënë dakord për të prodhuar vetëm 20 për qind të vulave në rang vendi, dje u vendos përfundimisht që të prodhohet numër i njëjtë vulash me numrin e qendrave të votimit, 4865. “Ideja është të prodhohen aq vula rezervë sa qendra votimi janë, pra vula rezervë të marrë të njëjtin numër, por t’i shtohet shkronja (R) për të thënë që është rezervë. Për efekt të votimit do të prodhojmë aq vula sa e cilëson ligji. Vulat rezervë do t’i mbajmë në KQZ, ashtu siç mbajmë kuti votimi rezervë, ashtu siç mbajmë kode sigurie rezervë, ashtu siç mbajmë bojë matrikuluese rezervë, ashtu siç prodhojmë fletë votimi rezervë”, u shpreh Ristani gjatë mbledhjes. Nga ana tjetër, nënkryetarja e KQZ-së, Dëshira Subashi, tha se akti duhet të marrë 5 vota, për shkak se ka efekt në të gjithë vendin. “Sipas Kodit Zgjedhor, ky përbën një akt normativ, aq më shumë që ju thatë që miratohet për gjithë Republikën. Kodi Zgjedhor thotë që aktet që nxjerr KQZ-ja, që përcaktojnë rregullat për gjithë Republikën, janë akte normative dhe kërkojnë pesë vota. Akti që lexuat përbën një normë, një rregull për gjithë Republikën e Shqipërisë”, u shpreh Subashi. Në fund, katër anëtarët e maxhorancës kanë votuar pro, duke e miratuar aktin.

Komisionerët

KQZ-ja do të marrë shumë shpejt një vendim për të gjobitur komisionerët e KZAZ-së Nr. 14, në qarkun e Elbasanit. Kjo për shkak se ata nuk kanë regjistruar PBDNJ-në në listën për Këshillin e Komunës. Këtë vendim të KZAZ-së dhe vendimin e KQZ-së për miratimin e fletës së votimit për Bradasheshin, PBDNJ-ja i ankimoi në Kolegj, ku fitoi të drejtën për të garuar. Ndërkohë, në shoqërinë ku po prodhohen fletët e votimit, fleta për Bradasheshin ka përfunduar, çka do të thotë se ajo do të bëhet nga e para. Për këtë arsye, Ristani kërkoi dje përgatitjen e aktit për shkarkimin e anëtarëve të KZAZ-së dhe gjobitjen e tyre me vlerën e barabartë të dëmit që i është shkaktuar KQZ-së nga prodhimi dy herë i fletës së votimit për Bradasheshin.

918 fletë votimi

KQZ vendosi të prodhojë edhe 918 fletë votimi më shumë për Bashkinë e Durrësit, për shkak se një qendër votimi nuk ka 100 zgjedhës, por 1000.

Sanksionet për anëtarët e GNV-ve

Anëtarët e komisioneve zgjedhore dhe nëpunësit e administratës publike në shërbim të këtyre komisioneve mbajnë përgjegjësi penale dhe administrative sipas legjislacionit në fuqi, për shkeljen e dispozitave të këtij kodi.

Braktisja e detyrës pa shkaqe të ligjshme nga anëtarët e komisioneve të zgjedhjeve, anëtarët e grupeve të numërimit apo vëzhguesit përbën kundërvajtje penale dhe dënohet me gjobë ose heqje lirie nga 6 muaj deri në 2 vjet.

Falsifikimi ose përdorimi i dokumenteve të falsifikuara është i dënueshëm me burgim deri në tre vjet, ose me gjobë nga 200 mijë deri në 600 mijë lekë. Kur kjo vepër penale kryhet në bashkëpunim më shumë se një herë, ose kur ka sjellë pasoja të rënda, dënohet me burgim nga gjashtë muaj deri në katër vjet dhe me një gjobë nga 300 mijë deri në një milion lekë. Kur falsifikimi bëhet nga personi që ka për detyrë të lëshojë dokumentin, dënohet me burgim nga një deri në shtatë vjet dhe me një gjobë nga 500 mijë deri në 2 milionë lekë.

Kryerja ose moskryerja me dashje e veprimeve ose mosveprimeve që përbën mospërmbushje të rregullt të detyrave nga ana e një personi që ushtron funksione publike, në rastet kur i ka sjellë atij ose personave përfitime të padrejta materiale ose jomateriale, kanë dëmtuar interesa të ligjshme të shtetit, shtetasve dhe personave juridikë, nëse nuk përbën një tjetër vepër penale, dënohet me burgim nga gjashtë muaj deri në pesë vjet dhe me një gjobë nga 300 mijë lekë deri në një milion lekë.

Shkelja e dispozitave të Kodit nga anëtarët e komisioneve të zgjedhjeve ose nga persona të ngarkuar me detyra, sipas Kodit, kur nuk përbën vepër penale, dënohet me gjobë nga 3 mijë deri në 90 mijë lekë.

Shkeljet e tjera të dispozitave të Kodit, kur nuk përbëjnë vepër penale, përkatësisht nga sekretari i KZAZ-së, dënohet me gjobë nga 30 mijë deri në 60 mijë lekë, ose me burgim deri në 6 muaj.

Shkelja e rregullave të tjera dhe afateve të parashikuara në pjesën II të Kodit, kur nuk përbën shpërdorim të detyrës, sipas nenit 248 të Kodit Penal, dënohet me gjobë nga 10 mijë deri në 100 mijë lekë.

Shkelja e ndonjërit nga parimet e përgjithshme të Ligjshmërisë, Transparencës, Paanësisë dhe Profesionalizmit, në rastet kur kjo shkelje nuk ka ndikuar në rezultatin e zgjedhjeve, përbën kundërvajtje administrative dhe dënohet me gjobë nga 100 mijë deri në 500 mijë lekë.

Shkeljet sipas pikës 1 të këtij neni, kur kanë ndikuar në rezultatin e zgjedhjeve, përbëjnë kundërvajtje penale dhe dënohen me burgim nga 6 muaj deri në 2 vjet.

PS protestë para KQZ, Arvizu takon Ristanin

Protesta e paralajmëruar e Partisë Socialiste të Kamzës para Komisionit Qendror të Zgjedhjeve lidhur me miratimin e disa qendrave të votimit në ambiente private, ka shtyrë për rreth 45 minuta takimin mes ambasadorit të SHBA-ve dhe kreut të KQZ-së. Në orën 11:00, në të njëjtën kohë kur ishte planifikuar protesta e PS-së, diplomati amerikan në Tiranë, Aleksandër Arvizu, kishte fiksuar një takim me kreun e KQZ-së, Arben Ristani. Në kushtet kur dera kryesore e KQZ-së ishte bllokuar nga protestuesit, Ristani ka dalë në krahun tjetër të këtij institucioni, pranë qendrës së biznesit, ku ka pritur ambasadorin amerikan dhe së bashku kanë shkuar për të pirë kafe në hotel “Rogner”. Në këtë ambient, Risani e Arvizu kanë qëndruar për rreth 45 minuta, deri kur kanë marrë njoftimin se situata pranë Komisionit Qendror të Zgjedhjeve ishte qetësuar. Më pas të dy janë drejtuar për në zyrën e kreut të KQZ-së, ku kanë qëndruar për rreth 30 minuta. Në këtë takim ka marrë pjesë edhe vëzhguesi amerikan pranë KQZ-në, Charles Lasham. Në orën 11:00, banorë të Kamzës protestuan para ambienteve të Komisionit Qendror të Zgjedhjeve. Mes tyre edhe deputeti socialist, Namik Dokle, si dhe kandidati për Bashkinë e Kamzës, Rakip Suli. “Banorët e Kamzës, – u shpreh deputeti socialist, – nuk kërkojnë asgjë që nuk u takon. Ata duan që qendrat e votimit të vendosen në ambiente publike, jo në lokale të privatëve që njihen si mbështetës të PD-së. Dokle tha se janë të gjitha mundësitë që edhe banorët e Kamzës të votojnë të qetë, jo nën presionin e pushtetit. Vota e banorëve të Kamzës, garantoi deputeti i PS-së, do jetë e garantuar, pavarësisht tentativave për manipulim të këtij shërbëtori të mjerë të regjimit, që quhet Ristan. Dokle paraqiti dhe korrespondencën që PS ka zhvilluar me Komisionin Qendror të Zgjedhjeve për të zbatuar Kodin Zgjedhor për qendrat e votimit. “Ne nuk do ta lejojmë as Sali Berishën dhe as Ristanin të merren e të fyejë njerëzit tanë. Njerëzit tanë do të shkojnë të votojnë të qetë, të lirë, sepse vota e lirë është thelbi i demokracisë”, u shpreh Dokle.



ADI SHKEMBI

Gazeta Panorama

[Besoja]

Në një emision të Fevziut,një analist tha që Rama fiton 52 deri 53 përqind nëse nuk ndodh ndonjë gjë e madhe!!!

[DYDRINAS]

Brokaj: Nëse vazhdojnë incidentet, zgjedhjet janë të papranueshme

2011-05-04

Fatjona Mejdini


Intervistë

Flet politikani i së majtës: Ndërkombëtarët, jo korrektë

Politikani i vjetër i së majtës, Sabit Brokaj, i cili ka qenë edhe një nga themeluesit dhe figurat kryesore të Lëvizjes Socialiste për Integrim, bën një analizë të fushatës dhe pritshmërive që ai ka për zgjedhjet e 8 majit. Në një intervistë për “Shqip”, Brokaj thekson se asnjë të mirë nuk pret nga zgjedhjet e këtij viti, duke qenë se, sipas tij, dhuna parazgjedhore e shfaqur në këtë fushatë është e paprecedentë. Po kështu Brokaj shfaqet pesimist edhe për rolin që po luajnë OSBE-ODIHR në këto zgjedhje, po kështu edhe për rolin e ambasadorit të SHBA-së, Aleksandër Arvizu. Por Brokaj thekson se ai nuk dyshon për asnjë moment se garën për Tiranën e fiton Edi Rama, sepse, sipas tij, Rama nuk ka kundërshtarë në kryeqytet. Nga ana tjetër, Brokaj e sheh PS-në si favorite për fitore edhe në të gjithë Shqipërinë. Për sa i përket LSI-së, ai shprehet se ajo nuk është më një parti e majtë, por një repart i PD-së, e cila i ka tejet të dobëta pozitat elektorale në këto zgjedhje, për shkak të zhgënjimit të madh që ka sjellë tek ata që e kanë votuar.

Si një politikan “veteran” që keni parë shumë fushata zgjedhore në jetën tuaj, si e shikoni këtë të radhës për zgjedhjet lokale të 8 majit?

Mund të them që për këtë fushatë nuk jam optimist. E shikoj që në shumë shkelje ngjan me fushatat e tjera, për të mos thënë se si moment paraelektoral, është edhe më agresiv. Të gjitha fushatat që janë realizuar në Shqipëri, përfshirë edhe atë të vitit 1996, para ditës së zgjedhjeve nuk kanë pasur kaq shumë dhunë. Kontrasti qëndron vetëm se atëherë presioni i Berishës ishte promotori në thirrjet agresive, ndërsa tani ai flet në mënyrë pothuajse të paqtë, ndërkaq agresiviteti është në kulm. Ndeshjet, rrahjet deri edhe në përdorim armësh, janë të këtij karakteri që vërtet krijojnë shqetësim dhe unë do të thosha paraprakisht se nëse do të bazoheshim në shkeljet e deritanishme të dhunës, të listave, të mos verifikimit të kartave të identitetit, të njëanshmërisë së plotë të Televizionit Shtetëror, të papërgjegjshmërisë skandaloze të KQZ-së, që në këtë moment zgjedhjet mundet të mos pranoheshin. Kjo sepse të gjithë treguesit e një fushate të deritanishme janë të tillë që nuk është realizuar asnjë tregues thelbësor dhe real, i cili premton zgjedhje normale.

Në këtë kuadër, si e shikoni qëndrimin e faktorit ndërkombëtar në vendin tonë dhe kryesisht atë të misionit të OSBE-ODIHR-it, të cilët në mënyrë të drejtpërdrejtë janë pjesë e vlerësimit të zgjedhjeve?

E gjitha kjo mund të them se zhvillohet në një qëndrim tejet pajtues të tyre organizimeve OSBE-ODIHR-it, të cilët kanë shkruar qindra dhe qindra faqe për t’i demaskuar këto fenomene gjithnjë pas zgjedhjeve, duke i quajtur ato zgjedhje të realizuara me shkelje të rënda, por në gjuhën e tyre të pranueshme. Pra të gjitha këto janë të afishuara prej tyre, aktualisht ato janë edhe më të demonstruara në kuptimin e agresivitetit të tyre dhe vërehet një pajtueshmëri e këtyre organizmave OSBE-ODIHR e shprehur në fytyrën e shefit aktual të misionit të OSBE-së që vërtet të revolton. Konstatohet një tallje në këtë rast lidhur me kontrastin e asaj që ata shkruajnë dhe qëndrimit pajtues në shkeljet që ata kanë shkruar dikur. Për të mos thënë se edhe qëndrimi i vetë ambasadorit amerikan për mua nuk përbën asnjë element pozitiv për mbarëvajtjen e zgjedhje. Kësisoj në datë 8 maj nuk pres që zgjedhjet të jenë normale. Kjo sepse për mua është ndërtuar një strukturë e tillë, nga zhvillimet politike e pranuar nga ata që i certifikojnë zgjedhjet, që fare lehtë nëse kanë marrë një vendim që sado të jenë skandaloze zgjedhjet t’i pranojnë ato. Kjo situatë ngjan shumë me momentin final të zgjedhjeve të 2009-s, kur ndërsa thanë se 30% e numërimit të votave ishin keq ose shumë keq, që me një përllogaritje të thjeshtë përbënin 40 deputetë, ata i pranuan zgjedhjet, ndonëse diferenca mes dy koalicioneve ishte vetëm 5 deputetë. Pra në këtë farë soji vlerësimi nga ndërkombëtarët, të presësh një vlerësim objektiv në zgjedhjet e 8 majit për mua është pak më shumë se naivitet.

Si i shikoni forcat politike kryesore të pozicionuara ‘në fushë’ për këto zgjedhje? Si e shikoni rolin e Lëvizjes Socialiste për Integrim më 8 maj, do të vijojë ajo të jetë një faktor kyç për kalimin e pushtetit në njërën anë ose në tjetrën?

Jo, sepse situata tashmë është absolutisht e ndryshme. Lëvizja Socialiste për Integrim e ngritur mbi principet e një partie të majtë më të pastër se vetë Partia Socialiste, kur u themelua, thithi elektoratin më të pastër të së majtës, të cilët vetvetiu ishin nga kundërshtarët më të ashpër të Sali Berishës. Ky kontingjent, përveç ca interesaxhinjve që u shtuan më pas dhe tashmë përbëjnë kontingjent kryesor në LSI, kjo masë e madhe dhjetëra-mijëra që kishte LSI-ja, në zgjedhjet e para ishte 180 mijë dhe në zgjedhjet e dyta 80 mijë, kuptohet që nuk mund të votojë pro Berishës. Problemin kjo pjesë nuk e ka me LSI-në, por me Berishën. Madje zhgënjimi i madh ndaj drejtuesve të LSI-së e bën këtë shtresë më të qëndrueshme për të refuzuar Berishën dhe për të votuar koalicionin e majtë. Ndaj ato llogaritë që i bën ndonjë analist demek i socialistëve, por që është nga këta shërbëtorët që Berisha i ka kapur keq dhe fut ato numrat e LSI-së në mënyrë mekanike dhe jashtë logjikës politike, apo karakteriale dhe i lidh ato me kandidatë të PD-së për kryetarë të bashkive, është krejtësisht i gabuar. Nga ana tjetër, unë mendoj se LSI-ja nuk ekziston si një parti e majtë, tashmë ajo është një repart i zakonshëm i Partisë Demokratike dhe si e tillë e quaj të padenjë të jap një opinion. Ata kanë marrë pozicionin e avokatit të Berishës, për arsye personale dhe nuk vlen të diskutohen në kuadrin e një partie.

Si e shikoni përballjen në Tiranë mes Edi Ramës dhe Lulzim Bashës, duke pasur parasysh edhe zërat se figura e Ramës teksa kërkon një mandat të katërt në kryeqytet mund të konsiderohet e konsumuar?

Në fillim kam qenë i mendimit se Edi Rama nuk duhet të kandidonte për herë të katërt, por kjo jo për faktin se është konsumuar. Mendoj se me punën që ka bërë në Tiranë ai ka më shumë pasuri politike që i ka krijuar vetes sesa konsumim. Ne duhet të kemi një gjë të qartë në lidhje me konsumin që të bën pushteti. Ai nuk të konsumon kur qeveris mirë, madje nëse qeveris mirë ke një pasuri të madhe që të krijon mundësinë e shumë mandateve. Këtu kemi si shembull vendet nordike, ku socialdemokratët mbanin pushtetin me dhjetëra dhe dhjetëra vjet dhe nuk i konsumonte ai. Dihet që ato janë vendet e para në botë për nga mirëqenia, begatia dhe standardet demokratike. Duke u kthyer te Rama, mendoja se për garën e Tiranës duhet të dilte një tjetër për të qeverisur Tiranën, dhe Rama të kishte angazhimin dhe detyrimin kryesor për ta futur Berishën në zgjedhje të përgjithshme të parakohshme, në mënyrë që e majta të merrte pushtetin. Por u gjykua nga PS-ja që ai të kandidojë dhe në këtë kuadër unë jam i sigurt në fitoren e tij. Kjo vetëm për faktin se atë Tiranën e shkuar e kam në kujtesë, unë dhe tiranasit e tjerë, me atë parkun “Rinia”, me atë vandalizëm, me atë mesjetë që solli pushteti i parë i Berishës në Tiranë dhe që ai e ndryshoi plotësisht. Për Tiranën unë mendoj se Edi Rama nuk ka kundërshtar. Basha nuk është një kundërshtar i denjë, pse të gjithë e dinë se çfarë ai bëri me drejtimin e dikastereve të rëndësishme në ekzekutiv. Unë i qëndroj idesë së shprehur nga dikush që “Berisha me Bashën deshi të sfidonte dhe të fyente njëkohësisht shqiptarët”. Ndoshta me këtë kandidaturë Berisha bën një eksperiment për të vijuar me operacione të tjera politike, lidhur me të ardhmen e tij.

Po skenën e përgjithshme elektorale si e shikoni? Cila nga krahët politikë sipas jush është më i avantazhuar në këto zgjedhje?

Duke qenë se këto janë zgjedhje lokale ose administrative dhe morën karakter politik dhe duke marrë këtë karakter favorizojnë të majtën. Nga ana tjetër, dua të them se unë i njoh mirë dhe PS-në dhe PD-në dhe nëse do të llogariteshin ngjarjet që kanë karakter të dhunshëm, ju siguroj se 90% e tyre janë kryer nga simpatizantë të PD-së, sepse kjo lloj dhune është në natyrën e kësaj partie. Pra duke qenë kështu edhe dhuna në këto muaj, e drejton PS-në që mos të mos përqendrohet te kandidatët respektivë për kryetarë bashkie apo komuna, por me thirrjen “aman të iki ky pushtet”, i cili të parin e tij ka Berishën. Në këtë kuadër besoj se kjo është arsyeja që e shtyn edhe kandidatin e mazhorancës Lulzim Basha të bëjë fushatë vetëm për Tiranën. Mund të them se fushata e ndarë e koalicionit të djathtë ka sjellë të vetmin rast, kur bashkimi nuk përbën fuqinë. Basha, Berisha dhe Meta janë ndarë veç dhe vetëm te ne ndodh që bashkimi të përbëjë vetëm dobësi.

shqip

[Dertlia]

PSE JEMI KËSHTU SIÇ JEMI?
*****************************
Qasje

Shkaktarët janë të shumëllojshëm: të atillë që nxisin dhe motivojnë njeriun në krijimin e veprave madhore, me të cilat i sjellin njerëzimit përparim e mirëqenje dhe të atillë që motivohen prej lakmisë së tepruar, që bazohen në argumentin e forcës, duke u manifestuar me mohim të së drejtës, që rezulton me raporte mospajtuese, me grindje, me konflikte e luftëra të përmasave edhe botërore. Andaj, si konkludim thuhet se: Asgjë nuk lindë as nuk zhvillohet, siç edhe nuk përkeqësohet as nuk zhduket pa një ose më shumë shkaktarë. Ne, për fat të keq jemi viktimë e atyre që janë motivuar nga lakmia e tepruar që është bazuar në argumentin e forcës.
Prandaj, edhe kualiteti i jetës sonë të gjatë nën robëri, që ka lënë gjurmë të thella edhe negative në mentalitetin tonë, është rezultat i raporteve të këtilla mospajtuese dhe luftënxitëse me pushtuesit.
Edhe në popull, më rastin e ndonjë ngjarjeje tragjike, thuhet: “E mrama me hajr qoftë”! E tani kësaj thënje i është shtuar: “Sikur e para t’ishte filluar me hajr, edhe e mrama do të vinte me hajr. Por, kur e para niset me sherr, atëherë edhe e mrama vjen me sherr”. Dhe ky sherr, as sot e kësaj dite nuk po na lëshon nga dora. Andaj edhe fati ynë, duke mos pasur vlla asnjë popull për rreth në njërën anë dhe duke e pasur vendin me pozitë gjeografike shumë të lakmueshme dhe me burime të pasura nëntokësore dhe mbi tokësore në anën tjetër, shqiptarët janë ballafaquar me sfida të shumta dhe me pasoja shumë të rënda, që kanë rezultuar me prapambetje, katandisje dhe dekdisje në të katër anët e botës.
Kjo që u tha më sipër është vetëm një pjesë e përgjegjës në fjalinë pyetëse të titullit PSE JEMI KËSHTU Siç JEMI . Ndërsa pjesa tjetër e përgjegjës në këtë fjali pyetëse na del nga nënshkaktarët e shkaktarëve të mësipërm, të cilët do të jenë objekt shqyrtimi në këtë trajtim.
Pra, edhe nënshkaktarët e shkaktarëve janë bijtë e padrejtësisë dhe të dhunës, që është shtruar mbi shqiptarët, të cilët, për të mbijetuar, i janë nënshtruar tjetërsimit, gjegjësisht asimilimit. Nënshkaktari tjetër, është ai i interesit individual, që për ta ruajtur atë interes dhe për të qenë i privilegjuar nga pushtuesi, ka pranuar statusin e vazalitetit, me anë të të cilit është vu në shërbim të pushtuesit, duke i krijuar pasoja të rënda kombit të vet. Si pasojë e nënshtrimit nga pushtuesit dhe e hilës së fuqive të mëdha, (e faktorit ndërkombëtar), trojet shqiptare u rrudhën së tepërmi dhe popullata shqiptare u dëbua nga trojet e veta, sidomos në vitet e dy mbledhjeve të rëndësishme (Kongresit të Berlinit dhe Lidhjes shqiptare të Prizrenit më 1878 – 1881). Por, falë atdhedashurisë së të paepurve dhe vlerës jetike Liri e Pavarësi, që ishte motiv i shenjtë, për të dalë nga terri i robërisë, ata (të paepurit) i qendruan besnikë popullit dhe kështu u ruajt substanca e kombit shqiptar. Por tendenca e fqinjve për pushtimin dhe copëtimin e tokave shqiptare, e shoqëruar me diskriminim e reprezalje, vazhdoi edhe më tutje. Dhe, fatkeqësisht, gjendja e tensionuar e luftënxitëse nga Serbia dhe Greqia, me tendenca hegjemoniste, për ti gllabëruar prap tokat shqiptare, dëshmon se këto tendenca, (përkundër qendrimit pak ca të evoluar të faktorit ndërkombëtar në favor të çështjes shqiptare) as sot e kësaj dite nuk kanë të ndalur. Tani ky qendrim i evoluar dhe i vonuar i Faktorit Ndërkombëtar ndaj çështjes shqiptare do të rritej ose do të zvogëlohej, varësisht prej kualitetit të përcaktimit, përkushtimit dhe veprimit të Parisë gjithshqiptare. Pra, Pala shqiptare, për t’u vetëdijësuar dhe bindur, se pa bashkimin e tokave shqiptare, nuk do të realizohet kurrë aspirata për Liri e Bashkim të tokave shqiptare. Në këtë drejtim të aspiratës për çlirim dhe bashkim, pengues, madje me influencë të fuqishme ishin dhe janë edhe sot jo vetëm Serbia, por edhe Faktori Ndërkombëtar. Dhe kjo tendencë është dëshmuar jo vetëm në të kaluarën, por po dëshmohet çdo ditë nga mekanizmat e tij të instaluar në Kosovë.

Ideja për Bashkimin kombëtar shqiptar

**Prandaj, falë nisiativës shumë këmbëngulëse të lëvizjeve “Vetëvendosje”, “Lëvizja për Bashkimin kombëtar” e të tjera, ideja për bashkimin kombëtar sot është imperativ i kohës. Dhe, për fat të mirë, kjo ide çdoherë e më fuqishëm po shprehet si në instancat jashtëqeverisëse, ashtu edhe në ato partiake e shtetërore.
Lidhur me këtë, do ta përsërisja një konstatim timin, me qëllim korrigjimi të thënjes: “Pa gjak nuk fitohet liria”: Unë them se gjaku, vërtet është njëra prej shtyllave kryesore që sajon lirinë. Por jo kryesori, sepse, po të ndahej liria sipas sasisë së gjakut të derdhur, ne shqiptarët, çysh moti do ta gëzonim lirinë. Andaj themi se shtylla kryesore që e sajon lirinë është mençuria. Kjo, sepse gjaku është jeta vet. Ai do të duhej ta ndjek mençurinë, e jo mençuria gjakun. Kjo, edhe sepse historia e përgjakshme dëshmon, se mu për shkak se nuk kemi ditur se kur, si dhe për kë ta derdhim gjakun, kemi dështuar dhe pësuar. Dhe këto dështime dhe pësime i kanë kushtuar shumë shtrenjt fatit tonë.
Lidhur me këtë që u tha më lart, do t’ia përkujtoja lexuesit edhe njëherë konstatimin tim të publikuar në disa artikuj. ”Do t’ishte mençuri, sikur të mundnim t’i parashikonim dhe t’i parandalonim pasojat. Gjysëm mençuri do t’ishte sikur të mësonim prej pasojave. Ndërsa idiotizëm është nëqoftë se nuk mësojmë as prej pasojave. Pra edhe kur bëhet fjalë për bashkimin kombëtar shqiptar, duhet ditur mirë marshutën e rrugës, që do të na shpiente drejt realizimit të kësaj aspirate jetike për ne. Ajo rrugë, që në shumë vende është me barikada dhe pasoja të moshës shekullore, do të duhej të na shërbente si udhërrëfyese, për të arritur në cakun ku synojmë. E ajo bëhet, kur veprimtarët e Lëvizjes për Bashkimin Kombëtar Shqiptar arrijnë ta vetëdijsojnë dhe ta bindin sëpari vetëvetën, se pa bashkimin e subjekteve të tyre, apo të mëdha, qofshin ato partiake apo lëvizje brënda trevave ku jetojnë e veprojnë, nuk do të kenë sukses as jashtë trevave të tyre. Do t’ishte apsurde dhe e kotë përpjekja për ta bindur shumicën e masës shqiptare, se pa i bashkuar subjektet e vogla, nuk mund të bashkohen as të mëdhatë, sikur që është i pakapshëm predikimi i evropianve për ti bindur shqiptarët, që ashtu siç janë të ndarë në pesë shtete, të pranojnë për t’u inkuadruar në Bashkimin europian. Një predikim i tillë, që shqiptarët të inkuadrohen në Bashkimin europian pa bashkimin e gjymtyrëve të trevave shqiptare, nuk do të ketë perspektivë të qendrueshme. Kjo, sepse brenda një opcioni të tillë fshihet qëllimi djallëzor me fitil të kurdisur.
Kësaj vetëdije e bindjeje për t’u bashkuar shqiptarët, do të duhej t’i printe komunikimi i ngrohtë dhe i sinqertë që shpreh dashurinë dhe vetëpëlqimin, që në rast nevoje shqiptarët të dëshmojnë me gatishmërinë e tyre për liri o vdekje.
Duhet ditur se një prej vetive të komunikimit, që ja rritë efektin dhe strategjinë e fjalës ose të veprimit është qëllueshmëria e momentit, vendit dhe e bashkëbiseduesit. Nganjëherë, heshtja ka efekt më të fuqishëm se sa fjala ose veprimi. Kjo, sepse heshtjen nuk mund ta dëshifrojë askush. Ndërsa fjala e thënë ose veprimi i pa vend, mund të krijojë pasoja. Ne shqiptarët shquhemi për besën, por nuk mund të mburremi, sepse, jo pak herë nuk kemi ditur se kujta t’ia japim e t’ia çelim derën e për kë të t’ia japim shulin derës. Po kështu ka ndodhur edhe me solidaritetin. Prandaj, në bisedë apo në debat, qoftë ai në rreth të ngushtë apo të gjërë duhet ruajtur edhe diçka për veti apo për ndonjë rast tjetër. Përndryshe, kur të thuhen të gjitha, sidomos në politikë, ajo më nuk është politikë, por budallallëk.

Në shërbim të mençurisë dhe të mirëqenjes,
do t’ishin edhe analogjitë

Pra, njëri ndër nënshkaktarët e përsëritjes së devijimeve, zhgënjimeve dhe të dështimeve tona, është edhe mospërfillja e analogjisë, e cila është produkt i përvojës së gjatë jetësore. Njëherit është edhe pasqyrë e mendësisë së hollë, e cila, kur përdoret me vend, i ndihmon korrigjimit të gabimeve dhe huqeve, me të cilat ballafaqohet njeriu, gjegjësisht njerëzimi gjatë jetës së tij. Kjo, sepse vet analogjia, ka lindë nga gabimet dhe huqet, prej nga kanë rrjedhë pësimet dhe mësimet. Dhe, për çudi, ndonëse njeriu konsiderohet si qenje më inteligjente, frytet e kësaj “inteligjence”, i kanë shkaktuar dhe po i shkaktojnë njeriut, gjegjësisht njerëzimit pasoja katastrofike. Andaj krijimtaria gojore, duke i evidentuar pasojat dhe shkaqet e tyre, ka krijuar analogjinë, me të cilën, kur e kërkon nevoja, përdoret si ilustrim për të mos u përsëritur dhe për t’u korrigjuar. Analogjitë, në të shumtën e rasteve burojnë nga përrallat, dhe huqet e njerëzve që u mvishën kafshëve. Një padrejtësi kjo që u bëhet kafshëve, për shkak se ato nuk kanë mundësi t’i demantojnë shpifjet e krijuesit.
Ja një fabulë e shkurtër mësimdhënëse: Na paska qenë njëherë një plak. Ai, të vetmën pasuri e kishte një gomar, me të cilin jitte gjallë, duke bartë dru dhe i shiste në qytet. Një ditë, duke u kthyer plaku nga mali me gomar të ngarkuar me dru, gomarit i rrëshqet këmba në një gropëz të vogël uji dhe rrëzohet. Plaku detyrohet ta zhgarkojë gomarin dhe i ndihmon të ngrihet në këmbë dhe ta ngarkojë prap gomarin me dru. Gomari ishte lënduar bukur fort dhe çalonte. Por, tjera herë, sa herë që i afrohej gropës ku ishte rrëzuar, ai lakonte udhën për të mos u rrëzuar prap. Ndërsa ne (njeriu, gjegjësisht njerëzit), që kemi marrë në thua shumë herë dhe e kemi thye qafën, për shkak të harresës së gropës, kurrsesi të mbushemi mend. Dhe jo pak herë, duke e harruar gropën, kemi rënë në vorbull të djallëzive.
Si të thuhet ndryshe, kur çdo ditë i konzumojmë pasojat e lajthitjeve tona, dhe prap me andje ushqehemi me to. Analoge me këtë do t’ishte pasioni i duhanxhisë, i alkoholistit, i drogistit, të cilët, edhe pse e dinë se: duhani, alkoholi, droga etj. janë të dëmshme, jo vetëm për shëndetin, por edhe për xhepin dhe për harmoninë e familjes, ai prap vazhdon ta konzumojë atë. Andaj, nuk është thënë më kot: “Me të vra dikush, ke ku lypë hak, por m’e ba e m’e vra vetën, s’ke ku lypë hak as gjak”.
A nuk është brengosëse prirja e jonë për ta njollosur dhe për ta devalvuar tjetrin? Dhe a mendojmë se në favor të kujt shkon kjo prirje? Prandaj ka lindë ajo thënja. “Po deshe të dishë se në ç’rrugë je, vetëm shiko, se puna që bën ti, po e gëzon apo po e hidhëron armikun”! Kur e pyesin filozofin grek Diogjenin, se si mund të hakmirret në armikun, ai përgjigjet: “Në armikun mund të hakmirresh, kur t’jeshë gjthqysh më i mirë se ai”.

Fushatat parazgjedhore që përçajnë

Brenga bëhet aq më e thellë, kur pjestarë të niveleve të ndryshme të klasës politike, me rastin e fushatave elektorale, si në Kosovë, ashtu edhe në Shqipëri e Maqedoni, për ta përvetësuar elektoratin që t’ia qesin atë të shkretën votë, nuk e kursejnë fjalorin e tyre të ndotur, duke premtuar gjithfarë mrekullishë të pa mbulesë në njërën anë dhe në anën tjetër, duke fyer kundërshtarin me gjithfarë shpifjesh. Dhe në këso farë panaire shpifjesh e trillimesh, harrojnë të gjorët se janë kandiduar për ta udhëhequr popullin dhe për t’i mbrojtur interesat e tij. Harrojnë të gjorët, se me fjalor të tillë, vetëm sa e iritojnë dhe e përçajnë popullin, për të vazhduar me rritje të distancave kundërshtare. Prandaj me të drejtë t’imponohet pyrtja: se çfarë jete është ajo që sajohet nga gënjeshtrat dhe përçarjet?
Prandaj, këto përshtypje gjatë fushatave parazgjedhore dhe pas zgjedhore, kudo në trevat shqiptare, sugjerojnë që të shkurtohet koha zyrtare e fushatës. Ajo kohë të jetë më së gjati–dy javë. Sepse në shumë aspekte po na konsiderojnë si SUI GENERIS. Pse të mos jemi edhe në kohëzgjatjen e fushatës SUI GENERIS? Por jo, sepse pas fushatës parazgjedhore dhe pas zgjedhore, nuk e di se si do ta kalonin pastaj kohën ambasadorët e disa shteteve.
A zini besë lexues të nderuar, se me pas lypë armikun me qiri e me pishë, për të na përçarë, nuk kish ditë më zi se disa liderë tanë. Ja pra edhe pjesa tjetër e përgjegjës në fjalinë pyetëse: PSE JEMI KËSHTU SIÇ JEMI? Po më duket se e morën lidhjen lexuesit, se po më mbërthen lemza. Hajr i shalla!!!
Tash e kam për-imè. Për mënyrën dhe sjelljet gjatë fushatës parazgjedhore dhe pas zgjedhore, le t’u shëmbllejë fushata amerikane, e cila zhvillohet në mënyrë shumë të kulturuar, duke respektuar dhe uruar pala palën kundërshtare me rastin e shpalljes së rezultatit përfundimtar!!!



Hamze GASHI
France