Si e ke emrin, me “Q” qeni….

[PORTI_05]

Si e ke emrin, me “Q” qeni….
Blerina Rogova Gaxha

Nuk ka më shumë se një javë kur në një tavolinë pothuaj si të kuzhinës, por në një studio të televizionit publik të Kosovës, katër veta, të gjithë nga Kosova, debatonin për bashkimin e mundshëm të Kosovës me Shqipërinë. Tre nga sfera e medias dhe një tjetër nga politika, përplaseshin nëse Kosova do të duhej t’i bashkohej Shqipërisë apo Shqipëria Kosovës, dhe në fund të fundit shumica konstatonin se kjo ishte krejtësisht e pamundur.

Kjo dukej si një pazar pa hanxhiun, sepse në këtë debat nuk ishte ftuar asnjë përfaqësues nga Shqipëria. Në fakt, ka kohë që është hapur debati për identitetin kosovar ose shqiptar dhe kjo çështje gjithmonë ka shkaktuar debate e vlerësime nga më të ndryshmet. Në këtë rrafsh janë parë edhe simbolet e reja të Kosovës, përfshirë këtu edhe himnin e posaçërisht flamurin.

Shkrimtari më i madh shqiptar, Ismail Kadare, para pak ditësh thoshte se krijimi i dy shteteve shqiptare në Ballkan, ishte një fitore e jashtëzakonshme për shqiptarët dhe njëkohësisht, sipas tij, ka shkaktuar traumë në të gjitha rrethet antishqiptare në Ballkan.

Por pavarësisht kësaj fitoreje, me krijimin e dy shteteve shqiptare, sigurisht se në masë të madhe, është përcaktuar edhe fati i debateve për identitetin e shqiptarëve që jetojnë në këto dy shtete. Pavarësisht se shqiptarët në Kosovë dhe në Shqipëri vazhdojnë ta kenë një gjuhë dhe një komb, në shumë anë të jetës së tyre, ata tashmë po krijojnë identitete të ndryshme. E çuditshme, por edhe identiteti kulturor, artistik apo medial, përditë e më shumë po bëhet më i ndryshëm në Prishtinë dhe në Tiranë.

Ndoshta kjo çështje do të mbetet edhe për një kohë “taboo” dhe të mos debatohet me qejf, por vitet sigurisht se i ka të numëruara.

Nëse shkrimtari i madh Kadare, ka të drejtë të thotë se krijimi i dy shteteve shqiptare në Ballkan është fitore e jashtëzakonshme për shqiptarët dhe shumica absolute e shqiptarëve, jo vetëm të pajtohen, por edhe ta ndjejnë këtë fitore, atëherë a mund të ketë një fitore më të madhe dhe cila është ajo.

Patriotët e papërmirësueshëm, dhe jo vetëm ata, do të thoshin një fitore më e madhe do të ishte bashkimi i Kosovës me Shqipërinë. Ndoshta, por kam telashe të mos e kuptoj “hilen” e politikanëve serbë, të cilët në disa muajt e fundit kanë qenë shumë të zëshëm në të drejtën e shqiptarëve për të vendosur vetë nëse do të bashkoheshin me Shqipërinë.

Ata që e kundërshtojnë identitetin e ri në Kosovë, gjëja e parë që bëjnë është çështja e të qenit ose jo shqiptar, dhe që do të duhej të ishte e fundit. Por përtej kësaj ata asnjëherë nuk kanë bërë asgjë më shumë sesa të thuhet, që të mos ishim kaq të ndryshëm. Ka plot 30 vjet, që askush nuk i ka dhënë as pesë “grosh” për të qenë më të ngjashëm.

Ne vazhdojmë që gjuhën të cilën e flasim ta kemi të ndryshme, mënyrën se si shkruajmë, ta kemi ndryshe. Ne edhe kur vjedhim, vjedhim secili në mënyrën e vet. Vëllezërit në Tiranë, fjalët e huaja i vjedhin nga italishtja dhe greqishtja, ndërkaq ne s’po shkëputemi kurrë nga serbishtja.

Prandaj dhe debatet për bashkimin e mundshëm, nuk mund të bëhen sikur ky bashkim të ishte thjesht një vullnet i elitave politike, ose edhe i referendumeve, sepse gjithmonë ka një rrezik që këto të dështojnë. Këto debate nuk bëhen duke pasur njerëz vetëm nga njëri “shtet shqiptar”, sepse çështja i ka dy palë, apo RTK-ja është treguar e kujdesshme nga frika se ndoshta analistët nga Prishtina dhe Tirana, mund të mos merreshin vesh, meqë flasin shumë ndryshe prej njëri-tjetrit.

Është folur shumë se Kosova dhe Shqipëria do ta bënin një Abetare të përbashkët për të gjitha shkollat ku mësohet shqip. D.m.th. do ta bënin hapin e parë drejt integrimit, duke e mësuar shkronjën e parë të alfabetit që e ka Abetarja… Tash qe s’meremi vesh, na bëjnë pyetje plotësuese: Si e ke emrin, me “Q” qeni apo me “Ç“ çekani?

Sa të ndryshëm jemi edhe në ngjashmëritë që kemi, kështu që, u pafshim në Evropën e Bashkuar.

[ASrock4u2]

..problemi qe trajtohet eshte terheqes dhe ka vend per diskutim..ngado qe ta veshtrosh.
Por nuk shoh asnje lidhje..merpo asnje lloj lidhje te titullit me permbajtjen.

Si e ke emrin..me "Q" si qeni ..???

[_MALSORI_]

..problemi qe trajtohet eshte terheqes dhe ka vend per diskutim..ngado qe ta veshtrosh.
Por nuk shoh asnje lidhje..merpo asnje lloj lidhje te titullit me permbajtjen.

Si e ke emrin..me "Q" si qeni ..???

e cfare paska terheqese ne kete mes more..ja paska fute krejt kot..mire qe paska ngritur problemin e Q apo C..pse nuk paska ngritur problemin se si do te quhet pjesa e krahines sime qe gjysmen e ka ne kosove dhe gjysmen ne shqiperi..si do te quhen ketu e mbrapa lumnjanet qe jetojne ne kosove dhe ata qe jetojne ne shqiperi..si do ju themi hasjaneve ne kosove dhe hasjaneve ne shqiperi..marrina gazetaresh..qe rreken te marrin honorare neper gazeta apo televizione e qe as mbiemrin e tyre nuk dine ta shkruajne mire..

ta marre vesh kjo zonja dhe zonjat qe e ndjekin se lumnjani eshte lumnjan kudo ku jeton..nuk ka lumnjan kosovar e lumnjan shqiptare..ka vetem lumnjan..po keshtu edhe hasnjane..po keshtu eshte shqiptare..

[-BATO-]

Artikull shumë i dobët!

Sipas gazetares Q-ja dhe Ç-ja tregoka ndryshime të mëdha dhe qenka njëra nga pengesat për bashkimin.

Nejse, ajo paguhet si gazetare dhe natyrisht që i duhet të shkruajë diçka, edhe kur s'ka ndonjë gjë për të shkruar.

[Aksinja]

Me kaq sa kuptova unë, vet autoria është e mendimit që sdo ket kurr bashkim kombëtar Shqipëri Etnike, por argumentet që përdor për të trajtuar këtë pikë, jan të dobëta ose të pallogaritshme.
Gjithsesi më bëri përshtypje fjalia --Vëllezërit në Tiranë, fjalët e huaja i vjedhin nga italishtja dhe greqishtja-- mendoj se autoria ka gabuar në këtë rast, nuk mund të bazohesh mbi të folurën në kafene, për të përcaktuar gjuhën zyrtare të një shteti, por me të folurën në institucione apo TV,
Në shqipen e folur në shqipëri ka mbetje fjalësh nga turqishtja por secila fjalë ka zëvëndësuesen e sajë nga shqipja, jan të rralla gjithsesi ka
Në gjuhën letrare që flitet në Shqipëri nuk ka fjalë të huazuara nga Italishtja apo Greqishtja

[djaliepirotas]

Pse nuk bashkohen shqiptaret? Ta them une: kane, frike, frike dhe pike. Sidomos pushtetaret e Shqiperise te cdo krahu qellofshin ata.
Kane frike nga Serbi.
Kane frike nga Greku.
Nga Europa po e po.
Presin ti bashkoje Amerika me pahir.
Pika ne koke. Amerika e beri punen e saje. Gardhin e fundit qe ndan shqiptar me shqiptar duhet ta zhdukin vete shqipetaret nqse..kane mbetur dhe nuk jane tretur.