PDK po prishet perfundimisht - Limaj e kritikoj haptaz Hashim Thaqin

[Llapi]

Grabovci përjashton turbullira në PDK




Publikuar: 22.07.2011 - 09:59

Prishtinë, 22 korrik - Shefi i Grupit parlamentar të PDK-së, Adem Grabovci, i ka përjashtuar përçarjet brenda partisë, për shkak të vendimit të Qeverisë që t’i drejtohet Kushtetueses për imunitetin. Ai ka thënë se deputetët janë të interesuar të qartësohet çështja e imunitetit.

“Nuk do të ketë kurrfarë ndikimi, kurrfarë përçarjeje. Përkundrazi, deputetët janë të interesuar që ta qartësojnë pozicionin e tyre dhe është në interes të çdo deputeti që të dijë se deri në çfarë mase ka imunitet, sepse ka qenë e krijuar një paqartësi rreth kësaj çështjeje”, ka thënë Grabovci, për ta vlerësuar pozitivisht këtë vendim.

Atë e ka mirëpritur edhe Lidhja Demokratike e Kosovës. Shefi i Grupit parlamentar, Ismet Beqiri, ka thënë se Qeveria e ka shfrytëzuar të drejtën e saj.

“Çdo gjë që është në favor të funksionimit dhe sundimit të ligjit LDK-ja e përkrah. LDK-ja ka qenë, është dhe do të jetë gjithmonë për sundim të ligjit dhe të drejtësisë, dhe për askënd nuk mund, në një mënyrë, të jetë imuniteti mbulesë për çfarëdo veprimi të paligjshëm”, ka thënë ai