Nga Salman Hameed- “The Guardian”
Imami i një xhamie në Londrën lindore, Dr.Usama Hasan, herët këtë vit ishte nën kërcënimin me vdekje për shkak të mbështetjes së tij për teorinë e evolucionit. Pavarësisht qëllimeve themelore, dhe që qartësisht ka shumë tensione në xhami, ne duhet në mënyrë kategorike të dënojmë taktikat e intimidimit dhe të shtypjes së opinioneve të ndryshme brenda komunitetit mysliman. Të gjithë ata që në Evropë i shohin myslimanët si një kërcënim të vlerave perëndimore, do ta shohin këtë episod si një miratim ë mëtejshëm të pikëpamjeve të tyre stereotipe për myslimanët. Ne duhet të kujdesemi, megjithatë, për të mos lejuar pozicione ekstreme në të dy anët, për të karakterizuar këtë çështje.
Realiteti i sjelljes së myslimanëve për evolucionin është më shumë kompleks. Në këtë pikëpamje, myslimanët nuk janë të vetëm. Sipas një sondazhi në 2009, u zbulua se 60 për qind e të rriturve të rinj britanikë – të besimeve fetare të pavarura – besojnë në dezinjimin inteligjent për një shtrirje më të gjerë apo më të vogël. Por nuk ka një pozicion “zyrtar” të evolucionit Islam. Shumë në botën islame nuk e pranojnë evolucionin, ndërkohë që ka të tjerë që e pranojnë atë. Në vende si Pakistani, Irani dhe Turqia, koncepti fondamental i evolucionit është i përfshirë në tekstet shkollore të biologjisë në shkollat e mesme.
Veç kësaj, në 2006, themelet e shkencës kombëtare nga disa vende me maxhoritet mysliman, nënshkruan një deklaratë nga Paneli Inter Akademik (IAP) që mbështet trashëgiminë e përbashkët dhe evolucionin e qenies njerëzore nga speciet prioritare. Thënë ndryshe, evolucioni njerëzor mund të vendosë një ndryshim të vështirë të besimeve të shumë njerëzve fetarë. Por një debat shumë serioz për këtë, ende duhet të zhvillohet në shumë komunitete myslimane. Për disa nga ata, koncepti i një evolucioni gabimisht është limituar në një teori të “monkey-to-man” dhe shpesh është e lidhur edhe me ateizmin. Ka të tjerë që asnjëherë nuk kanë menduar në mënyrë të vërtetë rreth kësaj çështjeje dhe janë më të shqetësuar me të, prapa aplikimeve praktike të ideve evolucionare për bioteknologjinë dhe biomedicinën.
Dr. Hasan, që gjithashtu është një lektor në inxhinieri në Universitetin e Middlesex, ka vajtuar këtë ngërç të vërtetë të një angazhimi serioz në disa prej shkrimeve të tij më të fundit. Oponentët e tij në xhami, megjithatë, kanë mbërthyer disa nga komentet e tij jo për një dialog të hapur për këtë çështje, por më shumë për ta përdorur atë si një falje me kërkesën për ta përjashtuar. Nën një presion shumë intensiv, Dr.Hasan tërhoqi disa nga deklaratat e tij. Në mënyrë të veçantë ai tërhoqi pohimin se Adami kishte prindër.
Polemika aktuale nuk është vetëm për evolucionin. Në vende si Pakistani dhe Egjipti, ne jemi duke parë një seri të ndryshme të reagimeve, në mënyrë të veçantë për evolucionin jo njerëzor. Në Evropë, megjithatë, si çështja e hijabit, refuzimi i evolucionit në rritje është duke u kthyer në një çështje identiteti dhe mund të shërbejë si një pikëshënues kulturor mes popullsisë me minoritet mysliman.
Polemika si kjo lejojnë elemente ekstreme – të dyja ato që portretizojnë të gjithë myslimanët si një kërcënim për Evropën dhe ato që theksojnë se refuzimi i evolucionit është pozicioni i vetëm mysliman - që të piketojnë pretendimet e tyre në këtë çështje. Ne duhet t’i bëjmë ballë nxitjes për të vendosur pozicione të thjeshtëzuara që kujdesen për stereotipat dhe nxjerrin në shesh shumë pikëpamje me nuanca të ndryshme.
Ka shumë shkencëtarë myslimanë, duke përfshirë edhe bilogjistët evolucionarë, që kanë qenë të aftë të koordinojnë në mënyrë të suksesshme evolucionin me besimin e tyre. Episodi i Dr.Hasan duhet të shihet brenda kontekstit të vet lokal, dhe ne duhet t’i rezistojmë joshjes për të përfituar një pozicion të përgjithshëm mysliman për evolucionin nga kjo polemikë. Në të njëjtën kohë, ne duhet të theksojmë rëndësinë e një dialogu të hapur dhe të insistojmë për një hapësirë të sigurt për diskutimet e çështjeve të ndryshme.
GSH
http://www.guardian.co.uk/world/2011...eats-evolution
Përgjigju Duke Cituar
Postuar më parë nga Kandy*
Krijoni Kontakt