Incidenti në Bathore Kreu i FNSH, Prenci kallzim penal zv/ministrit Peka

[OO7]

http://www.balkanweb.com/videoAlbum/Video/9908.flv

TIRANE-Shemsi Prenci, kreu i Forcave të Ndërhyrjes së Shpejtë, (FNSH) ka kryer sot kallzim penal në Prokurorinë e Tiranës për zv/ministrin e brendshëm, Avenir Peka. Prenci bëri të ditur se ky veprim I tij vjen si rrjedhojë e ngjarjeve në Bathore një ditë më parë në këtë prag fushate elektorale.
Prenci akuzoi se për ndërhyrjen që ka kryer dje në Bathore ka marrë presione të vazhdueshme nga zv/ministri Peka. Madje Prenci tha se Peka i kërkoi të shtypë militantët e PS.

“Urdhrin për ndërhyrje FNSH e merr nga policia. Peka më kërkoi të shtyp militantët e PS”, theksoi Prenci duke shtuar se për këtë cështje ka vënë në dijeni dhe ambasadorët e huaj në vendin tonë.

[Station]

Jam kurioz të di se ç'do thotë Brari, mësuesi, Noellagu etj. për këtë ngjarje?
Mos më thoni që Shemsi Premçi është selimrozist.

[Brari]

stasi...

cdo ngjarje para se te ndodhe ne terren ti e di mire se behet fillimisht maket ne zirat e selise roze..

pra mo pyet brarin..

ti i di gjerat vete..

se aty kullot ku bënen pllanet per 97 ta per 21 njesha e kto per prag- 8 majit.

ju lumte..bukur punoni..

po kte djalin e myrtos pse e vrate mo..

nuk u ngopet mo..

hm..

[Edvin83]

Kreu i FNSH: Ministri (ne detyre) më tha shtypja kokën atyre të PS

Marrë nga Gazeta Shqiptare
Përplasje të forta mes Ministrisë së Brendshme dhe policisë së Shtetit në këto ditë “ethesh” të fushatës për zgjedhjet vendore të 8 majit 2011. Shemsi Prençi, një nga drejtuesit më të lartë në policinë e Shtetit, ka kallëzuar në prokurorinë e Tiranës ministrin e Brendshëm të Komanduar, Avenir Peka, duke e akuzuar se në kundërshtim me ligjin e ka urdhëruar verbalisht që të angazhojë Forcat e Ndërhyrjes së Shpejtë në një incident të ndodhur të dielën në Kamëz, ku militantë të dy forcave politike PS dhe PD u përplasën mes tyre për vendosjen e flamujve. Drejtuesi i forcave speciale mbërriti në dyert e prokurorisë paraditen e djeshme dhe kallëzoi penalisht numrin dy të Ministrisë së Brendshme, aktualisht ministër në detyrë, të cilin veç të tjerash e akuzoi edhe për kërcënime e fyerje. “Unë kam denoncuar incidentin më të rëndë që kam përjetuar në raste zgjedhjesh. Dje (të dielën), për një incident që ka ndodhur në Bathore, zv/ministri i Brendshëm, që është dhe ministër në detyrë, ka kërkuar që unë të shkel ligjin dhe të vë në lëvizje Forcat e Ndërhyrjes së Shpejtë për të operuar në atë zonë. E kam kundërshtuar. Pastaj ai më ka kërcënuar dhe më ka fyer rëndë dinjitetin tim. Për këtë, unë kam bërë kallëzim penal. Do t’i kërkoja zotit kryeministër që standardet e vendosura në vend të mos lejohen që t’i shkelin e t’i nëpërkëmbin njerëz si Avenir Peka”, - u shpreh Prençi.

Duke folur për kërcënimet e bëra nga zv/ministri Peka, shefi i forcave speciale u shpreh se “kërcënimet ishin të natyrave të ndryshme, jo vetëm për vendin e punës, por fyerjet qenë shumë banale, saqë s’mund të përmenden para mediave”. Ndërkaq në një intervistë për “GSH”, kreu i FNSH-së rrëfen të gjithë përplasjen mes tij dhe zv/ministrit të Brendshëm, Avenir Peka, i cili për momentin është njeriu më i rëndësishëm në krye të dikasterit blu që pas dorëheqjes së Lulzim Bashës…

Z.Prençi, sot (dje) keni depozituar një kallëzim penal ndaj zv/ministrit të Brendshëm, Avenir Peka, për një urdhër të paligjshëm për lëvizjen e FNSH-së drejt zonës së Bathores, ku kishte një përplasje mes simpatizantëve të PS-së dhe atyre të PD-së. Si nisi përplasja mes jush?
Dje rreth orës 17:30, më merr në telefon zv/ministri i Brendshëm dhe më kërkoi që unë të dërgoja Forcat e Ndërhyrjes së Shpejtë në Bathore. Kishte ndodhur një incident atje dhe duhej të ndihmonim forcat e drejtorisë së Policisë së Tiranës. E kundërshtova. I thashë që FNSH nuk e vë në veprim me urdhrin tuaj. Duhet të urdhërojë drejtori i Përgjithshëm i Policisë së Shtetit, ai e ka kompetencë ligjore. Më tha që ‘duhet të zbatosh urdhrin dhe t’i dërgosh’. Pastaj ma ndërpreu bisedën duke më thënë që ‘kam një bisedë të rëndësishme dhe do të të marr më vonë’.

Çfarë ndodhi më pas? Ju mori sërish në telefon dhe çfarë biseduat?
Po, më mori. Më tha që ‘zbato urdhrin dhe u shtypni kokën atyre rrugaçëve që mbështesin kandidatin e PS-së’. I thashë që s’mund t’i dërgoj FNSH-të, pasi nuk lejohet të përdoren në periudhë zgjedhore. Për të angazhuar FNSH, e vura në dijeni që duhej urdhri me shkrim i drejtorit të Përgjithshëm të Policisë së Shtetit, dhe lëvizja e tyre bëhet vetëm për ngjarje kriminale. I thashë që një kopje e këtij urdhri duhet të dërgohet në KQZ.

U tërhoq nga kërkesa e tij, apo kërkoi sërish që urdhri të zbatohej dhe FNSH të lëvizte drejt Bathores?
Në këto kushte më ka thënë që ‘je i detyruar, pasi atje ka ndodh një incident’. Pastaj më kërcënoi duke më thënë që ‘unë të shkrij fare”. Më pas më shau me fjalë fyese dhe ofenduese, jo vetëm mua por edhe pjesëtarë të familjes sime. Të gjitha këto i kam depozituar në prokurori.

Ju si vepruat?
Vura në dijeni drejtorin dhe zv/drejtorin e Përgjithshëm të Policisë së Shtetit dhe i kam bërë një mesazh (sms) kryeministrit të vendit. Kam informuar misionet PAMECA dhe ICITAP. Gjithashtu, do vë në dijeni dhe përfaqësitë diplomatike në vend.

A është kompetencë e z.Peka për t’ju urdhëruar ju?
Absolutisht jo. As në rolin e zv/ministrit, as të ministrit nuk e ka kompetencë të japë urdhra për angazhimin operacional të policisë dhe aq më pak të forcave speciale.

Kush është autoriteti që ju urdhëron ju për të vënë në lëvizje forcat e FNSH-së?
Drejtori i Përgjithshëm i Policisë së Shtetit. Ndalohet me Kod Zgjedhor angazhimi i FNSH-së në proces zgjedhor. FNSH lëviz me urdhër të drejtorit të Përgjithshëm të Policisë dhe vetëm për ngjarje kriminale.

Sipas jush, a po përdoret politikisht policia e Shtetit për zgjedhjet vendore?
Absolutisht nuk po keqpërdoret, pasi drejtuesit e lartë të policisë së Shtetit nuk më kanë urdhëruar të angazhoj FNSH në një ngjarje të tillë. E ka bërë zv/ministri Peka. Drejtuesit e lartë të policisë nuk e kanë përkrahur këtë urdhër të paligjshëm, pasi siç jam në dijeni, FNSH s’ka lëvizur për të shkuar në Bathore.

Pas këtij incidenti keni komunikuar me z.Peka?
Jo nuk kam arritur të komunikoj, edhe pse kam tentuar ta bëj një gjë të tillë, pasi më ka fyer dhe ofenduar rëndë dhe natyrisht që kërkoja shpjegime. Nuk e ka hapur më telefonin. Unë i jam drejtuar prokurorisë dhe e lë në dorë të saj zbardhjen e çështjes.

[smokkie]

Nese eshte e vertete, eshte ngjarje skandaloze. Por nuk me habit, me vjen keq qe u dashka te vihen ne dijeni "përfaqësitë diplomatike në vend"
Nuk mjafton te vihet ne dijeni prokuroria dhe PAMECA dhe ICITAP ?

[landi45]

qeshtja do arkivohet,,,si shume qeshtje qe dalin me kallashe e vrasin mes qytetit dhe si denojne,,,,


haram o popull qe si kapni keto gjygjetare qe denojne vetem fukarenj,,,,

dhe tu fusni nje dru kurrizit,,,,

dhe politikaneve qe i drejtojne qofte saliu,,,qofte edi apo iliri,,fatosi apo tjeret

[Drit7]

Shemsi Prenci i jep shpres ktij populli te mjer se jo te gjith ata qe drejton institucionet ne sherbim te popullit jan monstra.Shumica e kan humbur cdo ndjenj njerezore ne emer te paras por Shemsi Prenci vjen nga 1 familje e ndershme Dibrane dhe nuk ka para ne bot ta kthej ate ne monster.Ai gangsteri Peka po deshi tju thyej koken socialisteve ta provoj vet po deshi por majmunet si puna e tij jan frikacak dhe duan te perdorin njerez te tjer te arrijn qellimet e tyre kriminale.Populli Shqiptar kerkoi demokracin qe te jet i lir te demostroj,punoj e jetoj si te don,kurr nuk e mendoi populli Shqiptar se ne vend to komunizmit do vinte sistem me i ndyr se komunizmi,me totalitar se komunizmi ..ti ndalosh te drejten e demostrimit popullit esht ti ndalosh te drejten e mendimit te lir,esht shkelja me flagrante e ligjit ne themel te 1 shteti demokratik .