Bie monopoli i CEZ, liberalizohet tregu i energjise

[shigjeta]

Bie monopoli i CEZ, liberalizohet tregu i energjise

Shitja e energjise elektrike nuk do te jete vetem ne dore te CEZ-it, por edhe nepermjet operatoreve te tjere te tregut, te cilet kane marre "ok" nga Ministria e Ekonomise dhe Qeveria. Kjo menyre e re e shperndarjes se energjise do t'i heqe operatorit te shperndarjes CEZ nje xhiro vjetore prej rreth 50 milione euro. Ky vendim eshte bere publik dje, nga Ministria e Ekonomise, e cila tashme ka perfunduar se hartuari projektligjin me te ri, ate te hapjes dhe liberalizimit te tregut te energjise.

Projektligji

Me kete projektligj, energjia e prodhuar nga HEC-et ekzistuese me kosto te ulet dhe kapital 100 per qind shteteror, do te shkoje per furnizimin e konsumatorit familjar dhe bizneseve te vogla dhe te mesme. Keto ndryshime duhen bere shpejt, ne menyre qe te gjithe operatoret e tregut te jene te pergatitur per te operuar normalisht ne vitin 2012, dhe ERE te kete mundesi te marre ne konsiderate keto ndryshime, ne percaktimin e cmimeve dhe tarifave per sektorin e energjise elektrike per vitin 2012. Me kete ligj, disa industri te renda dhe konsumatore te tjere te medhenj te energjise. mund te blejne ne menyre te pavarur energjine nga KESH-i ose Operatori i Transmetimit, duke shmangur CEZ-in. Edhe ata pak kliente te kualifikuar, te cilet vepronin ne treg perpara nje viti, jane kthyer ne kliente tarifore, qe furnizohen nga CEZ Shperndarje sh.a. me energjine elektrike te prodhuar apo te siguruar nga KESH sh.a. Kalimi i klienteve te kualifikuar, ne kliente tarifore eshte verejtur edhe tek konsumatoret shume te medhenj te energjise elektrike ose te lidhur ne tension te larte, kryesisht te industrise minerare dhe asaj te prodhimit te cimentos. Sipas Ministrise se Ekonomise, kjo dukuri shoqerohet edhe me transferimin e marredhenieve te tyre tregtare, keshtu qe ata po furnizohen direkt nga Operatori i Sistemit te Shperndarjes/CEZ Shperndarje sh.a. me energjine elektrike, qe KESH sh.a. i furnizon kesaj shoqerie per plotesimin e nevojave te klienteve tarifore me tarifat perkatese te rregulluara. Por, nga ana tjeter, kjo ka sjelle nje rritje shume te madhe te kerkeses per energji elektrike, e cila u verejt gjate vitit 2011 dhe parashikohet te jete akoma me e larte per vitin 2012.

Kerkesat

Kerkesa e CEZ Shperndarje sh.a. per energji elektrike per kete vit, per kete kategori konsumatoresh, parashikohet te jete rreth 800.000.000 kWh ose rreth 15 % e kerkeses vjetore te kerkuar nga KESH sh.a., pra nje rritje mjaft e konsiderueshme. Por, kjo shifer nuk perfshin kerkesat e reja per trajtimin si kliente tarifore te konsumatoreve te tjere industriale gjate vitit 2012. Per te riparuar dukurite prezente ne tregun e energjise, shoqeria KESH sh.a. propozon te nderhyhet ne ligjin 9072, date 22.5.2003 "Per sektorin e energjise elektrike", ku te percaktohet qe konsumatoret e energjise elektrike, te lidhur me rrjetin 110 kV e lart te transmetimit te energjise, si dhe ata, qe pavaresisht se nuk jane te lidhur ne kete rrjet, por qe konsumojne mbi 50.000.000 kWh (pesedhjete milione) energji elektrike ne vit, te konsiderohen automatikisht kliente te kualifikuar dhe te furnizohen me energji elektrike ne treg te lire nga furnizuesit e kualifikuar.

Rritja e kostove per KESH-in

Rritja e kerkesave nga kompanite te cilat shpenzojne me shume se 50 milione kah, con dhe do te coje edhe me shume ne te ardhmen, ne rritjen e kostove, te cilat do te duhet te perballohen nga KESH sh.a., i cili, per te mbuluar kete kerkese, do te jete i detyruar ne shume raste, dhe vecanerisht ne ato te mungeses se reshjeve, pra te uljes se rezerves energjetike, te importoje me cmime tregu, qe jane me te larta se kostot e prodhimit te energjise elektrike nga hidrocentralet e KESH-it. KESH-i vihet perballe dy detyrimeve. Te siguroje energji elektrike per te gjithe kerkesen e shoqerise CEZ Shperndarje sh.a, qe eshte shume me e larte se prodhimi i hidrocentraleve te KESH-it, dhe te perballoje nje kosto me te larte per sigurimin e saj.

Sonila Isaku - Koha Jone

[BlueBaron]

Kush jane operatoret e tjere te licensuar nga METE ???

[Station]

Këto janë vërtetë p.ordhë me rigon...
Mbasi ja shiti Qeveria dhe mbasi CEZ u bë pronare e të gjitha linjave të transmetimit na u liberalizuaka tregu i energjisë!!!!
Po ja ta zëmë se ka një operator tjetër që na afruaka çmim më të lirë, me ç'farë do ta transmetojë këtë energji?? Do ta bjeri me kontejner??
Prap CEZ_it do ti lusin menderen për transmetim dhe mbasi CEZ ti kërkojë sa i do qejfi për shërbimin (se është monopol në transmetim) atëher na del çmimi i operatorëve të tjerë më i lartë se i CEZ.
Ku ishim ?? Asgjëkundi.

P.s. Se për pak harrova... Operatori i transmetimit quhet CEZ-Shpërndarja, mos ushqeni iluzione kot.

[shigjeta]

METE paralajmëron liberalizimin e interkonjeksionit të energjisë

Tiranë- Duke nisur nga viti 2012, Shqipëria do të nisë liberalizimin e të drejtave të interkonjeksionit të linjave ndërkombëtare të energjisë elektrike.

Zv/ministri i Ekonomisë, Eno Bozdo shpjegon hapat që do të ndërmerren për këtë program liberalizimi, që përbën dhe një nga kushtet e anëtarësimit të vendit në BE.

“Kjo do të bëhet në mënyrë graduale dhe të kujdesshme. Liberalizimi do të nisë në 2012, kur kuota e ekskluzivitetit të KESH-it do të zvogëlohet gradualisht”, tha Bozdo.

Aktualisht, KESH-i ka eskluzivitetin për 50% të kapacitetit të linjave transmetuese dhe 25% i ka CEZ-i, ndërsa është nxjerrë në tender kapaciteti tjetër prej 25%. Por sipas Bozdos, tenderat për shfrytëzimin e kapacitetit të lirë kanë dështuar pasi nuk ka pasur interes.

Ndërsa kuota e KESH-it do të zvogëlohet duke nisur nga 2012-ta e në vijim, Bozdo shpjegon se kompania CEZ do të vijojë të ruajë kuotën e saj prej 25% si një detyrim që rrjedh nga kontrata e privatizimit të sistemit të shpërndarjes.

Shqipëria disponon disa linja interkonjeksioni 400 Kv me vendet e rajonit, Greqinë dhe Malin e Zi, ndërsa është në ndërtim linja e tretë me Kosovën. Me lidhjen me Malin e Zi, vendi ynë do të jetë vend tranzit nga vendet e Ballkanit Verior drejt Greqisë, që aktualisht në rajon mbetet konsumatori më i rëndësishëm i energjisë elektrike të importuar.

Në shtator, ministria e Ekonomisë hodhi një hap drejt liberalizimit të tregut të konsumatorëve të mëdhenj të energjisë elektrike duke propozuar disa ndryshime ligjore, që i heqin KESH-it detyrimin për të furnizuar me çmim të përcaktuar nga ERE 7 kompani industriale, që konsumojnë mbi 50 milionë këh/vit.

Për vite me radhë, konsumatorët industrialë kanë blerë energji nga KESH me çmim 7 lekë/këh, ndërsa KESH-i detyrohej të importonte energji me çmim më të lartë, ose të përdorte prodhimin hidro. Pas ndryshimit ligjor, i gjithë prodhimi hidro do të përdoret për furnizimin e konsumatorëve familjarë dhe biznesit të vogël, duke shmnagun rritjen e çmimit të energjisë për konsumatorin familjar.

Duke nisur nga 2012-ta këta klientë do t’i drejtohen tregut privat për të blerë energji dhe KESH pritet të kursejë rreth 50 milionë euro në vit.
Sipas rregullave të BE-së dhe Traktatit të Energjisë të firmosur nga Shqipëria dhe vendet e tjera të Ballkanit, linjat e transmetimit të energjisë duhet të jenë të hapura për të gjithë operatorët e interesuar.

Nisur nga fakti se linjat shqiptare të transmetimit janë të pamjaftueshme për të mbuluar gjithë nevojat e import-eksportit në periudha të ndryshme të vitit, e drejta e përdorimit të tyre duhet të jepet me tender.

Sekretariati i Energjisë në Vjenë, institucion i BE-së që mbikëqyr liberalizimin e tregut në Ballkan, i ka kërkuar Shqipërisë të hedhë hapat drejt liberalizimit të sistemit të interkonjeksioneve të energjisë elektrike dhe të njëjtën kërkesë u ka drejtuar dhe vendeve të tjera.

Lajme Shqip