Ushtria Shqiptare e kaluara e madhe dhe turpi i tanishem

[Brari]

ja lavdia..

njerin nga partizanet e nga gjeneralet e ushtrise e te sigurimit.. e bejne fertele..shoket e partise..

clavdi mo tutkun clavdi..

[Qyfyre]

populli ather me respekt ka pas per kurvat dhe hajdutet, se per ushtaret.

a urrehet ushtari??vetem tek ne ka ndodh.

imagjino cfare ushtrie ishte.

Ps.tani na thuj nai gjo qe se dime.
psh: per ato tynelet me municion te skadum

Urreje ti ushtaret? Pse?

Fol per vete te pakten se un s'kam pas ndonje urrejtje per ta.

[Qyfyre]

Besoj se e kemi pasur ushtrine ne nivelin e fqinjve, por nuk mund te kerkojme qe te harxhojme per ushtrine tani, sic harxhonte enveri. Nuk mund ti themi pravo enverit qe bente bunkere e harxhonte per ushtrine, kur populli vdiste per buke. Do ishit dakort te rrinit pa buke prap qe te kemi nje ushtri te forte?

Flitet edhe per vjedhjet qe ben ministia e mbrojtjes tani. Sigurisht qe vjedhin, po pse atere cfare behej? Apo punonte partia nate e dite per popullin. Shpenzimet per ushtri ishin stil komunist per te treguar forcen e shtetit. Po ja qe u vertetua qe nje ekonomi e forte eshte kryesorja, dhe jo ushtria. Me ekonomi te forte e ben ushtrine e forte, kurse me ushtri te forte nuk do te thote qe mund ta besh edhe ekonomine e forte.

[EuroStar1]

Kjo eshte dramatike shoku, shiko se cfar renditje armatimi kemi

http://www.armyrecognition.com/alban...lindes_fr.html

[EuroStar1]

NATO, fatura 200 milionë euro


Milionat që duhet të shpenzohen për anije holandeze, aeroplanë çekë e autoblinda

Gj.Erebara
Merkure, 02 Prill 2008 09:28:00

Shpenzimet për mbrojtjen


*Gjatë vitit 2008, Shqipëria do të shpenzojë për mbrojtjen 21.6 miliardë lekë ose 176 milionë euro.

*Rreth 73% e fondit do të shpenzohet për paga, ushqime e të tjera shpenzime operative. Pjesa që mbetet, rreth 47 milionë euro duhet të shpenzohet për investime afatgjata.

Shpenzimet për mbrojtjen janë totalisht 2% e GDP-së që nga ky vit, por perspektiva është që shpenzimet të mos arrijnë të realizohen tërësisht.

Kroacia shpenzon 2.39% të GDP-së, kryesisht për shkak se mban një numër të fryrë forcash ushtarake, si pasojë e pamundësisë për të nxjerrë me reformë një pjesë të veteranëve të luftës me serbët.



Në vitin 2006, qeveria shqiptare vendosi papritur të shpenzojë 2% të PBB-së për mbrojtjen. Në këtë mënyrë, shpresohej që anëtarësimi në NATO të lehtësohej. Programi i mëparshëm qe që shpenzimet e mbrojtjes të rriteshin gradualisht dhe niveli prej 2% të PBB-së të arrihej në vitin 2010. Por në Shqipëri ndodh zakonisht që paratë jepen, por nuk shpenzohen. Viti 2006 u mbyll me shpenzime të mbrojtjes prej 13.8 miliardë lekësh, ose 1.5% e PBB-së. Në vitin e kaluar, shpenzimet ngecën në 1.8% të PBB-së. Shumica dërrmuese e parave shkuan për shpenzime operative. Investimet mbetën zëri më i prekur nga mosrealizimet.

Deri në vitin 2010 shpenzimet për mbrojtjen duhet të arrijnë në 26.4 miliardë lekë, ose 212 milionë euro. Afro një e katërta e këtyre fondeve duhet të përdoren për investime.


Avionë çekë, anije holandeze dhe helikopterë gjermanë

Pas marrjes së ftesës për anëtarësim, gjë që mund të ndodhë këtë fundjavë, ushtria shqiptare do të vijojë reformimin për zvogëlimin e numrit të ushtarakëve, si dhe për t'u përgatitur për të pasur trupa dhe mjete transporti për t'i zhvendosur këto trupa.

Pasi hoqi dorë nga tanket, aeroplanët "MIG" dhe nëndetëset ofensive, qeveria shqiptare i është drejtuar Çekisë për aeroplanë, Holandës për anije si dhe ka marrë helikopterë gjermanë, dhuratë për transportin e trupave tokësore. Secila prej këtyre marrëveshjeve, përfshirë edhe helikopterët dhuratë, kushtojnë miliona euro. Pasi hoqi dorë nga përdorimi i aeroplanëve "MIG", Ministria e Mbrojtjes nënshkroi një marrëveshje me Republikën Çeke për trajnimin e pilotëve shqiptarë me aeroplanët luftarakë të markës "L 159 A". Blerja e aeroplanëve të tillë aktualisht është përtej mundësive financiare të Shqipërisë, por një zyrtar i Ministrisë Çeke të Mbrojtjes deklaroi në atë kohë se, Shqipëria mund të marrë me qera aeroplanë të tillë, ndërkohë që pret që ekonomia e vet të rritet aq sa për të përballuar blerjen.

Forcat Ajrore do të përbëhen nga helikopterë të markës "BO 105" M VBH, prodhim gjerman, dhuruar nga qeveria gjermane tre vite më parë. Vetëm riparimi i tyre kushtoi rreth 10 milionë euro, në atë kohë, sa gjysma e investimeve totale të mbrojtjes. Anëtarësimi në NATO nënkupton që mbrojtjen ajrore të Shqipërisë ta mbulojë një vend tjetër anëtar. Edhe disa vende të tjera të NATO-s përdorin forcat e vendeve të mëdha për të patrulluar ajrin, në pamundësi për të mbajtur forca ajrore. Projekti më i shtrenjtë i mbrojtjes shqiptare duket se është blerja e katër anijeve të reja holandeze, me vlerë të përbashkët prej 31 milionë euro. Nga këto, 11 milionë euro do të dhurohen nga Qeveria Holandeze. Anijet do të përdoren për patrullimin e bregdetit. NATO ka aktualisht një operacion për patrullimin e të gjithë Mesdheut, në kuadër të luftës kundër terrorizmit.





Bilanc i shkurtër i vendeve kandidate

Kroacia synon të investojë 2 miliardë euro. Maqedonia dëshiron të heqë dorë nga Kallashnikovi


"Reuters" - Kandidatët për anëtarësim, Kroacia, Maqedonia dhe Shqipëria kanë zvogëluar Forcat e tyre të Armatosura, të trashëguara nga koha e Luftës së Ftohtë, për t'i ofruar aleatëve perëndimorë ushtri më të përdorshme për qëllime strategjike.

Kroacia dhe Maqedonia, dy republika ish-Jugosllave, zotërojnë edhe trashëgiminë e asnjanësisë mes Perëndimit dhe Bashkimit Sovjetik gjatë luftës së NATO-s. Të dyja vendet zotërojnë stoqe armësh të dizenjuara në Bashkimin Sovjetik. Shqipëria ka grumbulluar sasi të mëdha armatimesh të marra nga Moska dhe Pekini në vitet '50 dhe '60.


Kroacia hoqi Ligjin e Shërbimit Ushtarak të Detyrueshëm nga 1 Janari dhe ka në plan të zvogëlojë më tej ushtrinë e vet. Në të ardhmen, do të ketë vetëm 16 mijë ushtarë profesionistë. Ajo bleu mjete të blinduara të markës "Patria" nga Finlanda vitin e kaluar dhe ka në plan të blejë një duzinë aeroplanësh këtë vit. Nuk ka zgjedhur ende mes prodhimit suedez "Gripen", atij europian "Eurofighter", amerikanit "F-16" dhe rusit "MIG 29". Në axhendë është edhe blerja e anijeve të luftës për mbrojtjen e vijës së gjatë bregdetare prej 800 kilometrash. Në total, Zagrebi planifikon të investojë 2 miliardë euro në pajisje ushtarake moderne deri në vitin 2015.

Shqipëria ka në plan të heqë shërbimin ushtarak të detyrueshëm në janar 2010 dhe të krijojë një ushtri profesionistësh. Të punësuar në mbrojtje aktualisht janë 14,500, shifër që duhet të ulet më tej. Aeroplanët "MIG" dhe tanket sovjetike janë shitur për hekur. Nëndetëset e klasit "Odesa" do të zëvendësohen nga anijet e shpejta patrulluese. Kallashnikovi duket se do të mbetet arma e parapëlqyer për këmbësorinë. Shqipëria zotëron aq shumë automatikë të tillë sa i ka dhuruar disa edhe Irakut.


Maqedonia e hoqi shërbimin e detyruar ushtarak më 2006 dhe e ka ulur numrin e ushtarakëve në detyrë në 7800. Ushtarët vazhdojnë të përdorin kallashnikovin, ndërsa Forcat Speciale përdorin automatikë të prodhimit perëndimor. Ushtria ka vendosur të ndërpresë përdorimin e kallashnikovit, por nuk ka vendosur ende se çfarë do të përdorë. Shumica e tankeve ruse janë shitur për skrap, ndërsa një batalion me 32 tanke "T-72" janë ende në përdorim. Ushtria ka 14 helikopterë, dhjetë prej të cilëve janë prodhim rus "MIG-24".

Ushtria kroate ka më shumë eksperiencë në luftën moderne pasi luftoi për pavarësi në vitet '91-'95 kundër serbëve të armatosur shumë më rëndë, si dhe arsenalit të ushtrisë jugosllave. Këshilltarë amerikanë u blenë në mënyrë sekrete në mes të luftës, ndërsa armatime moderne i dhanë mundësinë të fitonte luftën kundër rebelëve serbë në vitin 1995.


Ushtria maqedonase luftoi kundër gueriljeve shqiptare për gjashtë muaj në 2001 dhe e pati pothuajse të pamundur të mbante luftimet nën kontroll. Ajo përdori tanke kundër guerrilasve dhe bleu helikopterë "Hind" të prodhuar në kohën e Bashkimit Sovjetik, si dhe pilotë ukrainas para se ndërkombëtarët të ndërhynin për të vendosur paqen.

Ushtria shqiptare rezultoi tërësisht jo eficiente në vitin 1997. Pas rikonstruktimit, ajo sot merr pjesë në operacionet perëndimore në Afganistan dhe Irak.

Të tria vendet kanë trupa në misione jashtë vendit. Shqipëria ka 280 trupa në Afganistan, Irak dhe Bosnje. Maqedonia ka 237 ushtarë. Kroacia ka dërguar 45 oficerë në misione të OKB-së, si dhe 200 trupa në Afganistan.

[EuroStar1]

Operacionet Luftarake të FASH

Operacionet e para luftarake të FASH u ndërmorrën nga Regjimenti kundërajror "Ali Demi". Në Gusht të vitit 1948 njësitë KA goditën dhe rrëzuan një avion Grek të tipit "Spitfire" që kishte shkelur hapësirën ajrore Shqiptare për mision spiunazhi. Avioni Grek u shkatërrua dhe piloti u gjet i vdekur. Në Gusht të vitit 1949 njësitë KA të po këtij Regjimenti goditën dhe rrëzuan një avion tjetër Grek gjatë Provokacioneve të gushtit. Avioni Grek, i dëmtuar nga zjarri KA, u detyrua të ulej në fushë ku u kap nga njësitë luftarake Shqiptare. Piloti Grek u kap dhe u burgos si rob lufte.

Njësitë fluturuese të FASH panë aksionin e parë luftarak të tyre në vitin 1957. Më 23 Dhjetor të këtij viti, një avion luftarak Amerikan i tipit T-33 shkeli hapësiren ajrore Shqiptare. Dy avionë të tipit MiG-15 u ngritën nga baza ajrore e Kuçovës, të pilotuar nga Anastas Ngjela dhe Mahmut Hysa. Avioni Amerikan u rrethua dhe u detyrua të ulet në pistën e pambaruar të aeroportit të Rinasit. Avioni u sekuestrua dhe piloti Amerikan u kap rob. Piloti Amerikan u lirua më 11 Janar 1958, ndërsa avioni u vendos në muzeun e kështjellës së Gjirokastrës, ku ndodhet edhe sot.

Më 31 Dhjetor të po këtij viti, vetëm disa ditë më vonë nga ky incident, një avion tjetër i huaj shkeli hapësirën ajrore Shqiptare. Ky ishte nje avion transporti i tipit DC-7 i Independent Air Travel që po fluturonte nga Gjermania drejt Singaporit. Dy avionë të tipit MiG-15 u lëshuan për ta kapur. Transportuesi u rrethua dhe u detyrua të ulej në aeroportin e Kuçovës.Të 5 pilotët dhe avioni civil u liruan më pas më 4 Janar 1958 mbasi u vendos që ishte vetem nje gabim navigacioni. Më 31 Dhjetor 1958, një avion tjetër i huaj u kap nga avionët reaktivë të bazës së Kuçovës. Ky ishte një C-54D "Skymaster" që përdorej nga CIA për të transportuar armë në Indonezi. Avioni u detyrua të ulej në bazën e Kuçovës, dhe më pas pilotët dhe avioni u liruan për t'u kthyer në Angli.

Në 21 korrik 1967 një incident i rëndë ndodhi mbi hapësirën ajrore Shqiptare. Një avion jugosllav i tipit F-84 "Thunderjet", i armatosur me rraketa të paderjtuara dhe bomba, shkeli hapësirën ajrore të Shqipërisë në afërsi të Dibrës duke fluturuar në drejtimin Peshkopi-Martanesh-Tiranë. Avioni jugosllav me numër regjistrimi 11 ishte i dislokuar në aerodromin ushtarak të Zemunit, rreth 15-20 km në veri-perëndim të Beogradit. Avioni pilotohej nga Boidar Vojevic dhe detyra e tij ishte të fluturonte për në aerodromin ushtarak të Kumanovës, Maqedoni, ku do të merrte pjesë në stërvitje. Shërbimet e radarit nuk arritën të diktonin shkeljen e hapësirës ajrore të Shqipërisë për shkak se avioni jugosllav fluturonte ulët duke ndjekur relievin. Avioni u diktua vetëm kur ai iu afrua bazës së Forcave Ajrore në Rinas. Pilotë të gatshëm ishin Koço Biku dhe Roland Sofroni. 3 avionë reaktivë të tipit MiG-19, të komanduar nga pilotët Koço Biku, Mahmut Hysa dhe Gëzdar Veipi, u ngriten nga baza ajrore e Rinasit për të interceptuar avioni jugosllav. Avioni Jugosllav u rrethua dhe u detyrua të ulej në aerodromin e Rinasit. Mbas uljes piloti jugosllav deklaroi de ai kishte humbur orientimin gjatë fluturimit. Avioni dhe piloti u kthyen në Jugosllavi mbas një marrëveshjeje mes Shqipërisë dhe Jugosllavisë.

Disa incidente dhe operacione luftarake të tjera u kryen mbi Shqipëri në vitet 60-70, për të cilët nuk dihet shumë. Në vitet 60, dy avionë të Forcave Ajrore Italiane të tipit F-84 "Thunderjet" u ulën në bazën ajrore të Rinasit në rrethana të panjohura (sipas një versioni tjetër, flitet vetem për një F-84 Italian që u ul në Rinas). Në vitet 70, një avion i vogël civil Grek u kap mbi Vlorë nga një MiG-15. Ai u detyrua të ulej në pistën ajrore të Vlorës, ku piloti, një shtetas Grek, u arrestua.

Gjithashtu, në fund të viteve 70 një avion Shqiptar i tipit MiG-21F-13 gabimisht shkeli hapësirën ajrore Jugosllave gjatë një stërvitjeje. Avioni Shqiptar, i pilotuar nga Luto Sadikaj, u kap nga 2 avionë Jugosllavë të tipit MiG-21. Avioni Shqiptar u rrethua dhe u detyrua të ulej në një aerodrom në Kosovë. Por piloti Shqiptar, në momentin kur avioni bëri kontakt me pistën e aerodromit, e futi në forsazh avionin dhe u ngrit përsëri, duke lënë prapa dy avionët Jugosllavë që tashmë kishin hapur parashutat e frenimit. Luto Sadikaj iu drejtua Shqipërisë me shpejtësi të madhe dhe u kthye në atdhe. Fatkeqsisht, Sadikaj vdiq në një aksident me po të njëjtin avion në vitin 1982. Që nga viti 1948, njësitë KA dhe ajrore të FASH kanë arritur 8-9 fitore kundër avionëve të huaj mbi hapësirën Shqiptare pa pësuar humbje. Ky fakt flet për aftesitë operacionale dhe gatishmërinë e lartë të pilotëve të FASH.

[drague]

fillove me copy&paste.

se kam nji shok ketu, qe ka shetit ne te gjitha repartet ushtarake.

[PLAKU]

ALBANIAN ARMY 2009/2015

[EuroStar1]

fillove me copy&paste.

se kam nji shok ketu, qe ka shetit ne te gjitha repartet ushtarake.

Njohuria e paket dhe deshira e madhe , me bejne qe te bej edhe ndonje kopje, shpresoj te lejohet

[PLAKU]