Atifete Jahjaga, zyrtarisht presidente e Kosoves

[ARIANI_TB]

[ARIANI_TB]

[derjansi]

http://www.youtube.com/watch?v=_qT2c...layer_embedded

rrespekt

hapni vesht e nigjoni o popull

[ARIANI_TB]

Fjala e Albin Kurtit në konferencën për shtyp me rastin e marrëveshjes Pacolli-Mustafa-Thaçi
.by Lëvizja VETËVENDOSJE! on Thursday, April 7, 2011 at 6:59am.http://www.vetevendosje.org/



Behgjet Pacolli, Isa Mustafa dhe Hashim Thaçi arritën konsensus mbrëmë duke na e dëshmuar edhe njëherë se ata më shumë janë bashkë sesa të ndarë. Qysh moti ne kemi thënë se këta politikanë po i përçajnë qytetarët ndërkohë që hesapet i bëjnë bashkë.



Konsensusin e tyre partiak e bënë publik nga ndërtesa e Qeverisë së Kosovës thuajse për të na treguar që kemi të bëjmë me uzurpim konsensual të institucioneve.



Nuk kemi kurrfarë tejkalimi të krizës në Kosovë me pazarin e mbrëmshëm. Vetëm sa u akomoduan ambiciet e politikanëve që drejtojnë partitë për hir të vetes së tyre. Nuk do të rritet standardi i jetesës së qytetarëve por rehatia e kreut të PDK-së dhe LDK-së. Isa Mustafa po ia jep dy vjet e gjysmë kohë Hashim Thaçit për ta shitur PTK-në, KEK-un e Trepçën me privatizim të egër dhe për ta sajuar një shtet serb brenda shtetit të Kosovës përmes negociatave me Serbinë. Këto dy vjet e gjysmë mund t’i duken të shkurtëra Isa Mustafës porse ato janë shumë të gjata për qytetarët e Kosovës.



Ne duam që në Kosovë të ketë kushtetutshmëri por edhe kushtetutë të re, kurse këta që e bënë pazarin e mbrëmshëm duan këtë kushtetutë pa kushtetutshmëri. E, atëherë kur japin premtime për kushtetutë të re, këtë duan ta bëjnë për interesat e tyre e jo për qytetarët.



Atifete Jahjaga, si kandidate e këtij ekipi të ri të unitetit, nuk është e njohur për opinionin kosovar. Duke qenë se ajo duhet ta përfaqësojë unitetin e popullit, del se uniteti arrin të përfaqësohet vetëm përmes të panjohurës. Ne nuk e dimë se çka mendon Atifete Jahjaga për privatizimet, vjedhjen e votave, Planin e Ahtisaarit apo bisedimet me Serbinë. Dhe, ne nuk e dimë se cili nga tre nënshkruesit e marrëveshjes e propozoi Atifete Jahjagën.



Është e qartë se këta tre krerë partish që mendojnë se janë më të rëndësishëm se Kosova duan ta zgjedhin një njeri të parëndësishëm për kreun e shtetit.



Megjithatë, pasiguria politike, stagnimi ekonomik dhe mjerimi social në Kosovë nuk varen prej figurave presidenciale por prej politikave qeveritare. Dhe, para se të jetë problemi te procedurat institucionale ai është te proceset politike. Mirëpo, marrëveshja e mbrëmshme përpiqet që ta deformojë realitetin duke i nxitur qytetarët të besojnë se i gjithë problemi i Kosovës është Pacolli dhe aspak Thaçi.



Cilido president me Thaçin kryeministër nuk do të mund ta shpëtojë Kosovën. Sepse nuk mund të shpëtohet edhe Kosova edhe kryeministri Thaçi. Hashim Thaçi është zotuar për bisedime pa kushte me Serbinë që na e bosnjëzojnë Kosovën dhe për privatizime me çdo kusht që e shpronësojnë popullin e Kosovës.



Tepër gjatë kanë qenë bashkë PDK e LDK që të mbesin plotësisht të ndara tash. Dallimet midis tyre janë dallime personalitetesh e interesash të veçanta më parë sesa dallime politike a konceptuale.





Prishtinë, 7 prill 2011



Lëvizja VETËVENDOSJE!

.

[Ndoshta]

Atifete Jahjaga, është zyrtarisht presidentja e re e Republikës së Kosovës.
Zëvendësdrejtoresha e Policisë së Kosovës, është zgjedhur presidente, pasi mori 80 vota, që në raundin e parë të votimit në Kuvend.

Vota këto të mjaftueshme për të marrë kreun më të lartë të shtetit.
Ndërsa, Suzana Novërdaliun, deputetja nga AAK mori vetëm 10 vota.

Seanca e jashtëzakonshme e Kuvendit, u ftua pas një marrëveshje që arritën dje, Hahim Thaçi, Behgjet Pacolli, e Isa Mustafa. Presidentja e sapo zgjedhur u kandidua në bazë të kësaj marrëveshje.


Kush është Atifete Jahjaga?

Atifete Jahjaga është numri dy i Policisë së Kosovës dhe është nga Gjakova. Sipas formularit të pasurisë në AKK, është e martuar me Astrit Kuçin dhe nuk ka fëmijë.

Merr pak më shumë se 1000 euro rrogë në muaj për punën e saj në Policinë e Kosovës.

Ka gradën e koloneles. Prej rreshterit është graduar majore, e më pas kolonele.

Atifetja është diplomuar si juriste. Karrierën e saj në polici e ka filluar si përkthyese, më pas police në departamentin e policisë kufitare, e pastaj në njërin nga departamentet më të rëndësishme të policisë, atë të trajnimit.

Jahjaga ka kryer trajnime të shumta, duke përfshirë edhe në Shtetet e Bashkuara të Amerikës. /albeu.com/

TEreni esht i shtruar kjo vetem do kaloj andej dhe nuk do pyetet per asgje thjesht nje kukull.
LEht esht te manipulosh me kesi njerez si Atifete Jahjaga sepse tek e fundit askund nuk do jep pergjegjsi.
Shpresoj qe do ndryshoj vetem se kam fitu bindjen, per udheheqesit ton : "Njerzit ndryshojn shkon tjeter vjen tjeter ndersa politika gjithmon e njejtt"
Shpresoj qe do marr vendime nga vet vetja.

[halla mine]

Ne mengjes dje u propozua nga nje qender e VV Adem Demaci per kryetar..
Ne mbremje u zgjidhen te gjitha mosmarreveshjet ndermjet hashimit dhe LDK-se..
Athua mos eshte pikerisht frika nga nje fitore e mundshme e Ademit qe i detyroi pakurrizoret te pranojne cfaredo propozimi vetem per ti mbyllur shtegun birit te shqipes..??

Rrnofsh sa malet o baca Adem, je me i merituari nder te gjallet..
28 vite ne burgje te shkinise jane pak..
te kerkohet te kontribosh diqka me shume..
Do ti mallkoje historia per nencmimin qe po tregojne ndaj teje..

[shigjeta]

Eshte nje lajm shume i mire. Jo vetem se shmangu nje krize politike qe do e conte vendin ne zgjedhje te parakohshme, ne nje kohe kur me shume se kurre Kosova ka nevoje per stabilitet, por edhe se zgjedhja eshte nje grua

[prishtinase]

he mo shigjete tash e shifni si udhehiqet shteti se vetem grat i bin n vetet kto burrat tan

[G-2]

kur kosova ishte e pushtuar nga serbia kryetaret e kosoves zgjidheshin nga jugo-serbia pa e pyet popullin edhe tani po zgjidhen pa e pyet popullin por tani po zgjedhen nga ambasadori amerikan dell!

ky popull me keta 'lider' te shantazhuar per krime e korrupsion eshte duke perjetuar ate qe kishte perjetuar nen jugo-serbi athere shtrohet pytja pse bem lufte?!


Pacolli: Dell na e solli emrin e Atifetes në zarf
08-04-2011 09:15 CET

Kur ambasadori amerikan Christopher Dell kishte nxjerrë nga zarfi emrin e Atifete Jahjagës për ta propozuar për presidente, Hashim Thaçi dhe Isa Mustafa kishin mbetur të habitur. Këtë e kishte bërë në shtëpinë e tij, ku si mysafir i kishte dy liderët partive më të mëdha në Kosovë si dhe Behgjet Pacollin, i cili kishte negociuar arritjen e marrëveshjes që të enjten zëvendësdrejtoreshën e Policisë së Kosovës e solli në postin më të lartë të shtetit-presidente e Republikës.

Prapaskenat e arritjes së marrëveshjes për ndryshimet kushtetuese, zgjedhore dhe për caktimin e caktimin e afateve për zgjedhjet presidenciale dhe parlamentare ndërmjet kryetarit të Partisë Demokratike të Kosovës, Hashim Thaçi dhe atij të Lidhjes Demokratike të Kosovës, Isa Mustafa, i ka shpjeguar të enjten në Klan Kosova sebepi i kësaj marrëveshjeje, Behgjet Pacolli, i cili udhëhoqi vendin për 35 ditë.

Pasi Pacolli kishte konfirmuar në shtëpinë e ambasadorit amerikan, se tërhiqet nga gara për shkak të irritimit që kishte përjetuar nga deklarata e Isa Mustafës, i cili kishte thënë se nuk i garanton vota, ndonëse do të ishte i pranishëm në seancën e votimit, Christopher Dell kishte nxjerrë emrin e Atifete Jahjagës nga një zarf për t’ua propozuar kandidaten për presidente.

“Unë kam thënë tërhiqem dhe në momentin kur kam thënë tërhiqem më ka pyetur ambasadori Dell a je i sigurt, thashë unë tërhiqem, unë s’dua me qenë më kandidat i koalicionit për president atëherë është qitur zarfi, ka qenë i mbyllur në tavolinë dhe ka thënë kjo duhet të pranohet për arsye se ju do ta humbni një mik të madh dhe agjendën amerikane për Kosovën”, ka treguar Pacolli në Klan Kosova, shkruan Koha Ditore.

Ai ka përshkruar se ambasadori Dell ka qenë i nervozuar dhe i ashpër, i cili edhe ua kishte tërhequr vërejtën Isa Mustafës e Hashim Thaçit :”Mos e përbuzni këtë”.

Pacolli e ka përshkuar Thaçin e Mustafën se si janë shikuar mes veti kur u është prezantuar emri i Jahjagës. Këtë emër e ka pranuar edhe Pacolli se kurrë nuk e kishte dëgjuar.

Pacolli ka shtuar se në atë moment i ka këshilluar edhe ai Thaçin e Mustafën që të pranojnë edhe ata pas sakrificës që kishte bërë duke hequr dorë nga kandidatura për president, post për të cilin është shprehur i sigurt se do ta rifitonte po të mos tërhiqej nga gara.

“Të dytë kanë qenë të habitur kështu. Është dashur të jetë një telekamerë ta incizojë atë për të mundu të shpjegosh reaksionin e tyre”, ka rrëfyer Pacolli për të shtuar se ambasadori amerikan ka qenë i paanshëm në këtë proces.

“Aty është rikapitulluar ajo që është diskutuar, Ligji zgjedhor, ndryshimet kushtetuese. Dell ka qenë shumë i përgatitur me juristë, me stafin e tij është bërë drafti në gjuhën angleze dhe shqipe për t’u nënshkruar. Nuk është bërë trysni prej anës së ambasadorit”, ka thënë Pacolli.

Ai është shprehur i bindur se po të donte të enjten do të ishte ai president e jo Atifete Jahjaga. Mirëpo kishte dashur që të gjente zgjidhje dhe të mos e rrezikonte vendin që të shkonte në zgjedhje të parakohshme ndonëse ishte i sigurt që do të merrte të paktën 67 apo 68 vota. /telegrafi/

[mesuesi_1]

Krasniqi e quan jokushtetuese marrëveshjen

Nga Express më 07 prill 2011 në ora 16:42


Kryetari i Kuvendit të Kosovës, Jakup Krasniqi e ka quajtur antikushtetuese marrëveshjen e arritur mbrëmë nga Thaçi, Pacolli dhe Mustafa.

Në një intervistë për emisionin Interkativ të Kohavisionit, ai ka thënë se mandati 5-vjeçar i presidentit nuk mund të ndërpritet. Krasniqi ka pohuar se Thaçi ka thyer statutin e PDK-së, duke mos e konsultuar fare për marrëveshjen. Sipas kreut të Kuvendit, pushtetin nga radhët e policisë e ushtrisë e marrin individët vetëm në kohë puçesh.

Krasniqi ka thënë se lideri i PDK-së ka anashkaluar krejtësisht organet e partisë për marrëveshjen, dhe në këtë mënyrë e ka shkelur statutin e saj. E, sa i përket presidentes së re, Krasniqi ka thënë se ajo mund të jetë police e mirë, por vendit i duhej një president nga sfera politike, ose, në rastin e konsensusit, nga bota akademike.

Madje, ai thotë se dikush i policisë në pushtet vjen zakonisht në kohë puçesh. Kryetari i Kuvendit ka shprehur keqardhjen që partitë e tjera opozitare, AAK-ja dhe Vetëvendosje, janë anashkaluar nga procesi në mënyrë të padrejtë. Ai ka shprehur dyshimin se kjo marrëveshje do të mund t’i japë fund krizës politike në vend.

Më herët gjatë ditës, sekretari i Përgjithshëm i PDK-së, Krasniqi, nuk mori pjesë në mbledhjen e Grupit Parlamentar të PDK-së. Në mbledhje nuk mori pjesë as nënkryetari Fatmir Limaj.

Këta dy, së fundi, kanë shprehur hapur pakënaqësinë ndaj kreut të partisë, kryeministrit Hashim Thaçi.

Adem Grabovci, shef i Grupit Parlamentar të PDK-së, i pyetur lidhur me mungesën e Krasniqit e Limajt, tha se ata kanë qenë të zënë me angazhime të tjera.