Islami, thesar i urtësive universale!

[Ermedin]

Si ta kultivoj dashurinë?





Mësoji dhe ushtroji shqisat e tua. Mësoji dhe stërviti duart si të përkëdhelin, ushtroje fytyrën si të falë buzëqeshje, ushtroje syrin si të përshëndesë.
...
Ka njerëz që kur të japin dorën, e japin si të këputur dhe pa ndjenja. Ka të tjerë që ta shtrëngojnë dorën sikur duan ta këpusin. Kurse ka të tjerë, që kur të japin dorën, e ndjen sikur të ka dhënë zemrën dhe gjithçka tjetër. Sytë e tyre shkëlqejnë nga gëzimi dhe respekti.

Tregon Abdullah ibnu Mesudi:”Ma ka mësuar (Muhammedi a.s) teshehudin (ajo që lexohet ulur në namaz) ashtu siç më mësonte një sure Kurani. Këtë e bënte duke ma mbajtur dorën në dorën e tij dhe supin ngjitur pas supit të tij.”

Pejgamberi a.s ishte i pari që ia zgjaste dorën tjetrit, i buzëqeshte dhe nuk e tërhiqte dorën derisa tjetri ta tërhiqte i pari.

Tregon Ebu Rafi, një nga shokët e Muhammedit a.s:”Që kur pranova islamin, Profeti a.s sa herë më takonte, më buzëqeshte në fytyrë.”

Ushtroje dhe gjuhën tënde që të shqiptojë fjalë të ëmbla dhe të bukura.

Abdullah ibnu Mubarek, nga brezi i tabi’inëve, ndodhej në beteja dhe luftra të njëpasnjëshme. Duke qenë se ndodhej larg familjes, ai i shkruan një letër të shoqes ku i thoshte:”Shpirti im ndjen nostalgji për shpirtin tënd. Po ti, e ke ndjerë këtë gjë?”

Ushtroje veten që kur t’u falësh buzëqeshje të tjerëve, të mos jetë buzëqeshje fallco dhe sa për të kaluar radhën. Mos buzëqesh siç buzëqeshin stjuardesat në aeroplan, pasi ato e kanë punë diçka të tillë.

Falni dashuri, falni buzëqeshje, falni fjalë të mira, të jetoni të lumtur dhe të gëzuar.

[Ermedin]

Dashuria



Dashuria e bën

njeriun të ëmbël,

dheun e kthen në ar,
...
shqetësimin në prehje,

dhimbjen në shërim

burgun në kopsht,

sëmundjen në mirësi,

mposhtjen në mëshirë.

Dashuria zbut hekurin

dhe shkrin gurin,

ngjall të vdekurin

dhe e kthen dhe një herë

atë në jetë.

(Rumiu)

[Ermedin]

Këshilla dhe porosi për ata që logjikojnë!



Si të jem ambicioz dhe të ëndërroj për diçka?


1 – Ulu me veten për një javë, duke menduar mbi dhuntitë e tua. Këtë mund ta bësh duke ecur përgjatë bregut të detit apo kudo tjetër. Ndryshoje ritmin e jetës për një javë, mjaft me facebook dhe chatt çdo ditë, bëj diçka ndryshe.
...


2 – Mendo për diçka të bukur dhe të dobishme që do të doje ta realizoje, shkruaje dhe rrëfejua të tjerëve pa të ardhur turp. Kurrë mos të vijë zor nga ëndërrat e tua, edhe pse mund të qeshin të tjerët.


3 – Lexo shumë mbi subjektin e ëndërrës që dëshiron të realizosh. Lexo dhe konsultohu me ekspertë të asaj fushe.


4 – Bëj një plan pune një vjeçar, mbi mënyrën dhe format si mund ta realizosh ëndërrën tënde.


5 – Lute shumë Zotin që kjo ëndërr të bëhet realitet. Përveçse lutjet pranohen nga Zoti, lutja e përforcon idenë në tru, pasi përsëritet shpesh ideja. Prandaj Profeti a.s thotë:”Zoti i do ata që e lusin me vendosmëri.”


Lute Zotin sidomos gjatë Ramazanit që ëndrra jote të realizohet ashtu siç dëshiron. Ti ke provuar shumë gjëra dhe nuk të janë realizuar, përse të mos e provosh dhe këtë? Në këtë rast, të paktën nuk humbet asgjë.


Kënaqësia e fitores së kupës në çfarëdo lloj kampionati nuk zgjat më shumë se gjysëm minuti. Ëmbëlsia dhe kënaqësia më e madhe gjendet përgjatë rrugës gjer tek kupa, gjatë ndeshjeve, stërvitjes, lodhjes dhe mundit. Një kupë që fitohet pa mund dhe djersë nuk përmban kënaqësi dhe gëzim. Prandaj rruga për në xhenet është e mbushur me vështirësi.


Cila është ëndërra jote?











Nxirr mësime nga ata që e kanë pësuar!


Kthehu majtas e djathtas dhe më thuaj: A sheh veçse njerëz të vënë në sprovë?! A dallon veçse njerëz në hall dhe me probleme?! Në çdo derë do të gjesh dikë që vajton. Mbi çdo faqe do të gjesh një lot që rrjedh. Sa shumë vuajtje, sa shumë të vuajtur dhe sa të shumtë janë ata që i përballojnë ato me... durim. Kështu që, nuk je vetëm ti me halle dhe probleme. Madje, do të thosha që hallet e tua, në krahasim me ato të shumë të tjerëve janë shumë të vogla. Sa njerëz kanë zënë shtratin duke u përpëlitur sa majtas sa djathtas, ankojnë, vuajnë nga dhimbjet dhe dergjen nga sëmundjet?
Sa është numri i të burgosurve të cilët kanë kaluar në burgje kushedi sa vite, pa e parë dritën e diellit dhe pa njohur dhomë tjetër përveç birucës? Sa prindër kanë humbur dritën e syve të tyre, fëmijët, në moshën e tyre më të bukur?!

Sa hallexhinj ka mbi tokë?! Sa janë zhytur në borxhe?! Sa gjenden në burgje?! Se femra janë përdhunuar?! Sa gjak është derdhur?! Sa mendje kanë lajthitur?! Sa pasuri janë plaçkitur?!

Ti duhet të nxjerrësh mësim nga të gjithë këto kategori dhe të sigurohesh se kjo botë është burgu i besimtarit, se ajo është vatra e halleve dhe problemeve. Kështjellat dhe pallatet, gdhihen me gumëzhimat e banorëve dhe familjarëve të tyre, sakaq ngrysen në gërmadha. Shohim familje të mbledhura, trupa të shëndetshëm, fëmijë të shumtë dhe pasuri të konsiderueshme, por që për pak ditë pllakos fukarallëku, vdekja dhe sëmundjet. “Ju banuat në vendbanimet e atyre që e kishin ngarkuar veten me gjynahe dhe e kishit të qartë se si kishim vepruar me ta. Dhe Ne ju kishim treguar shumë shembuj.” (Ibrahim, 45)

Prandaj, mbaje veten dhe tregohu i fortë, ashtu siç vepron deveja e sprovuara me erërat e shkretëtirës. Krahasoji hallet e tua me ata të njerëzve që ke përreth dhe me ata që i ka harruar koha tashmë! Do të shohësh se në krahasim me ta, ti je në begati dhe mirësi. Do të shohësh se hallet e tua, janë thjesht disa shpime gjilpëre të lehta, prandaj falënderoje Zotin për mëshirën dhe dhembshurinë e Tij, ji mirënjohës për të mirat që ke dhe ngushëllohu me ata që të rrethojnë.

Le të jetë i dërguari i Zotit, profeti Muhamed a.s, modeli më i mirë për ty. Atij iu hodhën sipër mbi kokë zorrët e devesë, iu gjakosën këmbët, u plagos në fytyrë, u rrethua në një sokak në Mekë, u dëbua nga vendlindja e tij, iu thyen dhëmbët e parë, u akuzua në nderin e të shoqes, iu vranë shtatëdhjetë shokë, humbi djalin, i vdiqën vajzat, lidhte një gur në bark për të përballuar urinë, shpifej për të padrejtësisht etj... megjithatë e mbrojti Zoti i lartësuar.

Sprova të tilla janë të pashmangshme, pasi janë mjet i diferencimit të njerëzve të mirë. Vetë profeti Zekerija mbeti i vrarë, u ther me sharrë Jahja a.s, u arratis Musai a.s dhe u hodh në zjarr profeti Ibrahim a.s. Në të njëjtën rrugë vazhduan dhe pasuesit e tyre, kështu u vra Umeri, i bënë atentat Aliut r.a, u fshikulluan shpinat e dijetarëve, u burgosën të zgjedhurit dhe u torturuan të ndershmit. “Vërtet mendoni të hyni në Xhenet, pa provuar atë që kanë provuar të tjerët para jush? Ata i goditi mjerimi dhe sëmundjet dhe, aq shumë u tronditën, saqë çdo i dërguar dhe ndjekësit e tij, thirrën: “Kur do të arrijë ndihma e Allahut?!” Ja, ndihma e Allahut është afër!” (Bekare, 214)

Thuaji atij që me qesëndi na flet

A mund të fitohet pa rrezikun që kudo na pret

A nuk e sheh detin mbi të cilin ngordhësirat notojnë

Sakaq poshtë tij inxhitë i kërkojmë?!

[Ermedin]

Gjithëpërfshirëse


Nga limoni, bëj një pije të ëmbël


Një burrë i urtë e shndërron humbjen në fitore, kurse një xhahil zemërlepur, e dyfishon fatkeqësinë..

...I dërguari i Zotit a.s, u dëbua nga Meka dhe pasi u vendos në Medinë, ngriti shtetin e tij i cili ndryshoi rrjedhën e historisë.


Ahmed ibnu Hanbel u burgos dhe u fshikullua me kamxhik, gjë e cila e bëri lider të traditës profetike. Ibnu Tejmije u mbajt kushedi sa gjatë në burg, prej ku botoi dhe shkroi xhevahiret e dijeve të tij. Imam Serkhasij u la në fundin e një pusi të tharë, prej ku shkroi njëzet volume librin e tij të fikhut. Paraliza e Ibnu Ethirit, bëri që të shkruajë “Xhamiul Usul”, një ndër librat më të vyer të hadithit, si dhe librin e historisë “En-nihaje”. Dëbimi nga Bagdadi i Ibnul Xheuzit bëri që ai të perfeksionojë shtatë leximet e Kuranit. Malik ibnu Rejb u sëmur nga ethet e vdekjes, me ç’rast shkroi poezinë e tij të paharrueshme e cila është ekuivalente me të gjithë divanet poetike të dinastisë abasite. Ebu Dhuejb i vdiqën djemtë, me ç’rast shkroi elegjinë që u përhap në të katër anët, la pa mend njerëzinë dhe e duartrokiti historia.

Nëse të befason një fat i keq, gjithmonë shih nga ana e dritës së tij. Nëse dikush të ofron një gotë me lëng limoni të thartë, shtoji një lugë sheqer. Nëse të dhurohet një gjarpër, merri lëkurën e shtrenjtë dhe hidhe mënjanë pjesën tjetër. Nëse të pickon akrepi, dije se të rrit imunitetin ndaj helmit të gjarpërinjve.

Familjarizohu me kushtet e rënda, që të na nxjerrësh në dritë petalet e trëndafilit dhe jaseminës. Ku i dihet, mund ta urreni diçka, por që është në dobinë tuaj.

Para revolucionit të saj historik, Franca burgosi dy poetë dhe shkrimtarë të famshëm, njëri ishte optimist kurse tjetri pesimist. Kur hynë në qeli, të dy rendën drejt dritares për të parë ç’bëhej jashtë. Optimisti ia hodhi sytë yjeve dhe qeshi. Kurse pesimisti ia hodhi sytë baltës së rrugëve dhe shpërtheu në të qara.

Të keqen shihe nga ana tjetër, pasi nuk ka të keqe absolute. Pas çdo të keqeje fshihet një e mirë, përfitim apo shpërblim.

[Ermedin]

Lapsi thotë: “Mos më lër në duart e të paditurve”.

[Ermedin]

Më mirë është që të rrëshqasë këmba, se sa gjuha.

[Ermedin]

Zgjidhi fjalët përpara se t’i thuash dhe
jepi zgjedhjes një kohë të mjaftueshme.

[Ermedin]

Njerëzit e dinë se Jeta e kësaj Bote do të mbarojë shumë shpejt,
por ata ende sillen sikur nuk do ta lenë asnjëherë këtë botë.

[Ermedin]

Të durosh për të mbajtur të fshehtën, është
më lehtë sesa të pendohesh që e ke zbuluar.

[Ermedin]

"Nuk ka tё qarё, qё nuk e pason e qeshura... dhe nuk ka
tё qeshur mё tё kёndshme, sesa ajo qё pason tё qarёt."

[Ermedin]

"Mos debato me oratorin dhe as me te pamoralshmin, sepse
oratori do të munde me fjalë, kurse i pamorashmi të ofendon."

[Ermedin]

"Sjellja e mirë i mbulon shumë anë negative, sikurse
sjellja e keqe që mbulon shumë veti të mira."