Vargje nga Ben Duka.

[shoku_tanku]

Ç'e do Jozefina sallën me pesë yje?!



Parlament modern
dhe mund të ndërtohet
Po vetë Jozefina
kurrë nuk moderohet

Njëmijë vjet të rrojë
në mes të Tiranës
Prapë do jetë e cekët
si ky lum'i Lanës

Mund ta drejtojë sallën
edhe mijëra herë
Po prapë, ç'nxjerr prej goje
është kulturë e mjerë


Mund ta mendojë veten
Një yll a një dive
Por kur hap kamaren
Është kaq primitive


Pandeh nga dalldia
Veten, ekselencë
Tani ka një ëndërr
Të ketë rezidencë


Thotë: Kët' Parlament
s'do ta ketë as Franca...
- Po ç'e do kur brenda
Të mbyt injoranca?


Aty ka dykëmbësha
që vetëm pëllasin
Me gjuhë halabakësh
Ndryshe s'dinë të flasin


Ç'e do Jozefina
sallën me pesë yje
Kur gjuhë si e saja
Flitet veç në pyje?

Marrë nga gazeta Shekulli.

[shoku_tanku]

Thuaj Lirko çfarë të duash S'i voton njeri kusarët

LSI të keqen unë,
themi që të gjithë ne,
se çdo gjë ti mund të jesh,
vetëm socialiste s'je


Ti nuk je delja e bardhë,
aty në mes të kopezës
Je aty fare natyrshëm,
e zezë në mes të së zezës


Se do vije gjer këtu
Mendja s'ia priste njeriu
Ke të kuqe, po je blu
Blu e thellë si Saliu


Në vitin 2009
Unë me ty isha në Lundër
Ato vota i fituam
se ishim me Salën kundër


Po tani çfarë do t'u thuash
Si do t'i gënjesh shqiptarët?
Thuaj Lirko çfarë të duash
S'i voton njeri kusarët


Zyra shumë kudo ke çelur
Sa çudite gjithë një botë
Nuk e di se kush ka ngelur
Që të hedh për ty një votë


Lirko, thuaju ç'të duash
S'gënjen dot as çilimiun
Çdo votë tëndes LSI
Është votë për Saliun


U ula për ty e shkrova
Jo me shumë frymëzim
Ula ritmin kur kujtova
Je parti ndënë hetim

[shoku_tanku]

"Kërkova djall e lubi, po gafil kudo u gjenda..."



I thashë djallit: Djall o djall,
pse nuk vjen në Shqipëri?
Më tha djalli: Mos u tall,
ju keni shokun Sali!



Djallit vendin ja kanë zënë
- Pse s'vjen ti, Dado Lubi?
- As për mua, s'është e thënë
kini njw Topall'aty!

- O Ali Baba, zengjini,
bëmë një nder dhe eja ti..
- Po mua aty më kini,
Kryetar në LSI!

- Neve kemi vend të mirë,
pse s'vjen ti kameleon,
- Do vija me plot dëshirë,
po Manjani më sfidon!



- Pse nuk vjen ti Mubarak,
do na bëje ndonjë punë..
- Nuk vij dot se unw jam plak,
por e kini një si unë!



- Pse nuk vjen ti papagall,
të mirë e kemi vatanin,
- Po të vij, do jem në hall,
s'konkuroj dot me Tritanin!



Kërkova djall e lubi,
po gafil kudo u gjenda,
Nëna jonë Shqipëri,
qe të gjitha i kish' brenda!

[shoku_tanku]

"Cdo fije shprese këtu e fikën Ndaj paqësisht, jo krimi s'ikën"



Shteti u zhyt në naftë 'Virxhina'
'Është parfum, - thotë Jozefina
'Nuk është vepër kusarie
Është parfum demokracie'


Çdo ditë shtetit, i del një bisht
E në çdo bisht, ka Sala gisht
Plasi Gërdeci, jeta u shëmb
E prapë Saliu na rri në këmbë


Vodhën miliarda në Kukës-Durrës
Jo, s'bie Sala kurrën e kurrës
U kap Iliri me bllok në dorë
Po xha Saliu nuk bje' therror


I vrau shteti 4 shqiptarë
Ndihet pushteti dhe më krenar
Që nga i fundit der tek i pari
Po vjellin vrer mbi gjak shqiptari


Në bulevard i vranë katër
Aktorja Mondë del bën teatër
Ç'ne që dyfeku asaj i ngeli
të riqëllojë si krimineli?


Po ç'gjak të zi që kanë në gene
femrat rreth Salës si Bin-ladene
Nuk dinë kuptim t'i japin fjalës
Se e rrëmbejnë nga goj'e Salës


Vodhën sa deshën e bën kufoma
Po ç'u ka mbetur të bëjnë akoma?
Cdo fije shprese këtu e fikën
Ndaj paqësisht, jo krimi s'ikën

[shoku_tanku]

"Që ditën kur erdhe, xhan more Arvzi U bë Shqipëria me dy xha Sali"

Vetëm xha Arvziu s'mund të mbaj kapistër
Është dhe si Saliu, bashkë-kryeministër
Është goxha burrë dhe me plot talent
Është dhe si Bamiri, bashkë-president


E ndjen për detyrë, të na marrë për dore
është edhe si Ina, kryeprokurore
Xha Arvziu kurrë nuk qëndron në hije
Bëhet ndonjë ditë, drejtor policie


Është goxha burrë, hakun mos ia hani
Kur ka hall Berisha, bëhet si Ristani
Pra për diplomat, kohë nuk i mbetet
Se ka mbi kurriz, të gjitha pushtetet


S'besoj që ta kemi shumë të largët ditën
Kur të na drejtojë edhe opozitën
Si ta dojë Damiri, Arvziu ia ngop
Se na pandeh neve, si një tufë me lopë


Si një tufë me lopë, si një tufë me dhi
Dhe atij i mbetet që të jetë bari
Për asgjë ky burrë, s'hesht e s'mund të heshti
Dhe nuk do asnjë që t'i dalë nga rreshti


Që ditën kur erdhe, xhan more Arvzi
U bë Shqipëria me dy xha Sali
Ç'na bëre të shkretën, ç'na bëre o lumë
Sala dhe i vetëm për ne ishte shumë

[ARKIA]

Ja edhe dicka tjeter..


Fol moj qeveri, fol se na kenaqe,
ose je e cmendur, o s'ke cipe ne faqe.
Cdo ore e cdo cast, po degjojme harbutin,
"Turp te kete rojtari, qe kapi hajdutin"!

Shan e shkaravitet, kjo rrace zagari,
e ka fajin Cimka, s'e paska kusari.
Sic thoshte dikur, mbretereshe shemtira
Per shemtine e saj, fajin kish pasqyra.

Kope e hajduteve s'e mban dote inatin,
e ka fajin Cimka j'u prishi rehatin.
Ben sikur s'kupton, tufa me majmune,
Se Cimkat u shpiken, bash per kete pune...

....
Keq nga zemerimi vehten hane me dhembe
Ndiejne se si u shket, toka ndene kembe
Nga nje Cimke e vockel, keq u zemeruan
jo se jane kusare, por se u zbuluan.

[shoku_tanku]

"Qenkemi në NATO, po s'kemi ushtri?!"

Sala me të tijët,
çdo ditë vazhdon lojën:
"Ju futëm në NATO,
ndaj mbylleni gojën!.."


Mirë e tha një burrë,
"Lëre mos e nga,
po ç'më duhet NATUA,
kur s'kam bukë të ha?!"

Kjo puna e NATO-s,
është kodoshëri,
qenkemi në NATO,
po s'kemi ushtri!

Askush këtë punë,
nuk mund ta kuptojë,
s'ka një aeroplan,
që të fluturojë!

Nuk kemi një tank,
që vetëm të eci,
predhat e fishekët,
i treti Gërdeci!

Ne jemi në NATO,
po me pakëz hile,
s'ka mbetur një top,
që të hedhë një gjyle!

Mund të thotë ndonjëri,
kot më kot ja fute,
se NATO kërkon,
goxha kontribute!

Më dëgjo o mik,
dhe mos u pataks,
për të qënë në NATO,
ne paguajmë taksë!

NATO nuk është shtet,
është koalicion,
s'shton asnjë qindarkë,
në buxhetin tonë!

Që ta dini ju,
dhe shoku Sali,
sot të jesh në NATO,
s'është ndonjë çudi!

Ndaj dhe kot që flasim,
me zhurmë e me bujë,
e gjithë punë e NATO-s
është një vrimë në ujë!

[shoku_tanku]

'Të më rrosh Salë, të të kem me jetë, vetëm më 1 Prill, ti je i vërtetë!'

Gëzuar 1 Prillin,
ditën e Saliut,
kur çdo lloj gënjeshtre,
i thuhet njeriut!


Të më rrosh Salë,
të të kem me jetë,
vetëm më 1 Prill,
ti je i vërtetë!


Sot është dita jote,
ndaj shkëlqe si yll,
dhe pse 20 mote,
ke veçse 1 Prill!


Në të gjitha vitet,
ke reminishencë,
po sot gënje hapur,
e ke me licencë!


Fol i ngazëllyer,
gojën mos e mbyll,
se ti ke gënjyer,
dhe pa qenë 1 Prill!


Kot s'të shpall Arvizja,
më të madhin mjeshtër,
se ti më së miri,
e gdhend çdo gënjeshtër!


Sot thuaj ç'të duash,
s'bëhet kiamet,
sepse vetëm sot,
ti je i vërtetë!


Nga fjalët e tua,
vargu krahë mori,
gjithnjë të kam pasur,
Kombinat Humori!


Po mos ishe ti,
o yll i pashuar,
do ish pena ime,
fare e shkretuar!


Lum e lum si mua,
që më re në pjesë,
qyfyret e tua,
nuk më lënë të vdes!


Ti vetëm një fletë,
ke në kalendar,
1 Prill pas 1 Prillit,
dimër e behar!

[shoku_tanku]

"Ju jeni të parët, që mbi shpinë na mbani..."

Të më rrosh, o Salë
të kam shpirt e xhan,
sa më ke kënaqur,
me këtë slogan!



Ne jemi të dytët,
ju jeni të parët,
juve jini popull,
e ne pushtetarët!

Kështu është shkruar,
s'është me të hedhur,
ju për të votuar,
e ne për të vjedhur!


Këtë mision kemi,
të trashim zullumin,
po na duhet vota,
të kalojmë lumin!


Ju jini të parët,
ju bekoftë Allahu,
sërish jini thirrur,
ta hani sa krahu!


Ju jeni të parët,
për fukarallëk,
na votoni neve,
dhe mos bëni gëk!


Na votoni neve,
se na kini hak,
mbi tenxheren tuaj,
ne jemi kapak!


Ju jeni të parët,
se ju kini votën,
ne jemi kusarët,
që ju mjelim lopën!


Ne ju mjelim lopën,
ne ju rrjepim xhepin,
ju kini Xhenemin,
ne kemi Xhenetin!


Formulë më e saktë,
kurrë s'mund të gjendet,
pastaj kur të vdesim,
i ndryshojmë vendet!


Sa më ka kënaqur,
këtë radhë slogani:
"JU JENI TË PARËT,
QË PRAPË DO TA HANI!"


Ju jeni të parët,
që mbi shpinë na mbani,
këngë dashurie,
këndon dhe shejtani!

[ILMGAP]

ffffffffffffaaaaaaaaaalllllllllllleeeeeeeeeemiiiii iiiiiiiiiiiindddddddddeeeeeeeeerrrrrrrrrrrrrriiiii iiiiiiitttttttttt ssssssshhhhhhhhhhuuuuuuuummmmmmmmmmeeeeeeeeeeee


shoku tanku