Vargje nga Ben Duka.

[shoku_tanku]

"Sala për të marrë bashkitë prishi qeverinë"

Sala dhe aq mirë
S'e ka terezinë
Për të marrë bashkitë
Prishi qeverinë.


Vetë na the se zgjedhjet
S'janë politike
Pse vuri në punë
"bombat' atomike?!


Hiq sy e vur vetull
Kjo punë më ngjan
Dy goxha ministra
I bëri, kurban!


Sala këtë herë
Gozhdën thellë e nguli
E la qeverinë
Pa Xhaferrë e Luli!


Po lëviz në ethe
Çdo levë e çdo lloz
Sa e ka Kuvendin
Fare pa Kolloz!


Se këtu kjo punë
Në të rrallë ka ngjarë
Të mbushen lokalet
Me parlamentarë.


Dhe guri dhe huri
E dinë midis nesh
Sala politike
E kthen edhe një meshë!


Meqë e tha Rama
Këtë në fillim
Sala menjëherë
Çfaqi kundërshtim.


S'kemi kundështarë
Po kampe armike
Ndaj të shkreta zgjedhje
Janë politike.


Po të mos ishin ngjeshur
Gjithë partitë në rrjeshta
Domosdo do kishim
Ca zgjedhje të thjeshta.


Po meqë ka shumë
Sherre dhe tensione
"Armiqtë" kan ngritur
Gjithë ato skalione.


Kot ta tjerrim gjatë
Kuptohet o mik
Është 9 maji
I gjith' politik!

[shoku_tanku]

"Erdhe ti o trim, të na marrësh hakun/ Se shoku Edvin na paska pirë "



Tek-tuk në Tiranë
Ka nisur fushata
Njerëzit pyesin shokët:
"Ç'tha sot Lul Gallata?"


Dëgjova dhe unë
Dhe krejt u haraksa
Luli do na heqi
Plot 60 taksa!

O Lul kopetenti
Si s'e kishim ditur
Në një det me taksa
Tirana është mbytur

Erdhe ti o trim
Të na marrësh hakun
Se shoku Edvin
Na paska pirë gjakun

Ti hiq veç një taksë
Veç një taksë or mik
Atë të TV-së
Që i thonë Publik

Për taksat e tjera
Fol po deshe kot
Por atë Taksë Turpi
Nuk e durojmë dot

Thua mijëra njerëz
do futësh në punë
Mos ja fut katundit
Se s'jemi majmunë

Mos bëj sikur s'di
S'merr erë nga bashkia
Se vendet e punës
I hap qeveria

Bëj demagogji
Dil nëpër qytet
Por me terezi
S'ke imunitet

Këto që them unë
Nuk janë thashetheme
Ti me drejtësinë
i ke ca probleme

S'ke imunitet
nuk je si më parë
je i akuzuar
se ke vrarë shqiptarë

[shoku_tanku]

"Do fitonte ai burrë/ Njeriu me shumë flamurë"

Se ç'u bë Tirana pis
Nga flamujtë e LSI-së
Tani ndryshe ecën rrota
S'kthehen flamurët në vota


Po të qe kjo e vërtetë
Do fitonte shoku Metë!
Do fitonte ai burrë
Njeriu me shumë flamurë

Si s'kupton ore "i ndritur"
Se flamurët që ke ngritur
Anembanë në Shqipëri
Ngjallin vetëm neveri

Qerrata o qerrata
Ku i gjen ato para
Njëqind zyra hapur mba'
Apo janë badihava?

Jo mor jo më tha një shok
Se mjaftojnë tre fletë në bllok
Që të bëhet gjithë fushata
Fletët janë para të thata

Me të kuqen e shpëlarë
Sytë dje keq na i ke vrarë
Se ato flamuj që vure
Po i mbron dhe me kobure

LSI moj LSI
S'u shqove për trimëri
Por vetëm për tradhëti
Për pisllëk e kusari!

[ARKIA]

Shoku tanku mund te gjesh te lutem titullin pjeses qe kam sjelle une?
Ma kane derguar me email dhe pa titull.
Gezuar prej meje dhe nje gote per ARBENET....
Gezuar!

[mondishall]

Shoku Tanku te pershendes!
Lexova me kuriozitet vargjet e Dukes, nisur nga njohja me pare e krijimeve te tij dhe jam cuditur vertet se si nje pene e tille bejtexhon tema te mprehta, nepermjet nje niveli per te deshiruar letraro-artistik. M'u kujtuan bejtet e dikurshme te 'realizmit socialist' ku fshikullohej(sic thuhej atehere) e keqja, shfaqjet e huaja, imperializmi amerikan dhe revizionizmi sovjetik, etj, etj etj. Te tilla, te ashtuquajtura vargje, jane ne nivel shume me poshte se e folura me vargje humoristike dhe satirike qe bejne rapsodet popullore. Keshtu jo vetem temat ne fjale trajtohen cekshem, por devijohen dhe shijet e lexuesit per krijimtarine poetike.

[shoku_tanku]

Mond,duhet te jetosh per disa kohe ne Shqiperi per te kuptuar se c'e ka shtyre Arben Duken te bjere ne kete "nivel".

Beno,nuk e di titullin por kam pershtypjen se duhet te jete vargu i pare i poezise.

[shoku_tanku]

O sa mirë me ken kusar

O sa mirë me ken' kusar
Vërtet që ia vlen
Ke tre shpia në Tiranë
Dhe një në Golem


O sa mirë me ken kusar
O sa mirë vërtet
Mund të jesh nga maj e malit
Ke tokë në bregdet


O sa mirë me ken kusar
Sa mirë pa dyshim
Merr dhe po të jesh nga bjeshka
Në Vlorë kompensim


O sa mirë me ken kusar
Sa mirë, sa lezet
Se ke fatin që të kesh
Dhe një zyrë në shtet


O sa mirë me ken kusar
Me fatin e artë
Po të kapën të shpëton
Gjykata e lartë


Om sa mirë me ken kusar
O sa mirë vërtet
Çdo kusar me rang të lartë
Ka imunitet


O sa mirë me ken kusar
Dhe gjeli të pjell
I ke plot ato hambare
Se korr dhe ku s'mbjell


O sa mirë me ken kusar
S'të vë kush kapistër
Po të jesh kusar me famë
Bëhesh dhe ministër

[mondishall]

Nuk e kam per temen aspak, perkundrazi, ku ta gjesh te trajtohet ne letersi ajo, e kam fjalen per nivelin letraro-artiistik dhe trajtimin e ceket te saj. Te pershendes.

[shoku_tanku]

Behet fjale per rrjeshta konsumi per publikun e gjere mond.Uroj te jesh mire!


Enveri i shkruan Saliut për prishjen e Piramidës

Nga Hysni Milloshi
Sot mora njoftim
Se po bëni sherr
për Muzeun tim


Duket Sali djali
nga mendja ke shkarë
unë s'jam në muze
po këtu në Sharrë


Duket s'të ka mbetur
Gjë-gjëri në kokë
Muzeun e ngrite
Ti Sali me shokë


Ju për veten tuaj
Atë e ndërtuat
Si dhe monumentet
Që i shkatërruat


Më paski zbuluar
Brenda si gogol
S'kam punë me Muzeun
Shoku Viçidol


Me muzeun dolët
Trima që të gjithë
Po kur jesha gjallë
Më puthnit në bithë


Kur unë isha gjallë
Populli më gjente
S'kisha as muze
Dhe as monumente


E vetëm pesë vite
Qe muze aty
Se pastaj i vutë
Një emër të ri


I kam ca shënime
Në një katërshor
Muzeu u quajt:
Pjetër Arbënor


Dhjetë vjet e më shumë
Ka një emër tjetër
Ti s'e ke me mua
Po me zotnin Pjetër


Ti mua më doje
More Sali Djali
Të prura këtu
Të çkula nga mali