Problem me hard drajv/formatim.

[edspace]

Baptist,

Mesazhi i Neros ishte për dosjen e përkohshme (TEMP) dhe ti me të drejtë sugjerove që të kontrollonte "Temp files" për hapësirë të mjaftueshme. Deri këtu ishe në rregull.

Këshilla që unë gjykova si të gabuar ishte për memorjen virtuale (MV). Qëllimi i shkrimit tim ishte të ndihmoja anëtarin që kish problemin, prandaj nuk u zgjata të shpjegoja në detaje pse ndryshimi i memorjes virtuale është i gabuar. Megjithatë, e përmënda që ishte hap i gabuar sepse memorja virtuale nuk mund të përballojë përpunimin e videos. Mendoja se kjo arsye do mjaftonte, duke menduar se ti do kishe njohuri të mjaftueshme për memorjen virtuale sa të kuptoje ato sa kisha shkruar. Me sa duket, paskam qenë i gabuar, prandaj po të kthej një përgjigje më të detajuar.

Së pari, Nero e thotë fare qartë që problemi është me skedarët e përkohshëm në hard disk, jo me memorjen virtuale. Edhe sikur të ishte problemi me memorjen virtuale, Nero nuk do ishte në dijeni të këtij problemi sepse memorja virtuale menaxhohet nga sistemi operativ, Windows. Prandaj edhe sikur hard disku të kishte vend të mjaftueshëm, mesazhi i gabimit kurrësesi nuk mund të dilte për faj të memorjes virtuale.

Së dyti, konfigurimi i memorjes virtuale ka ndikim të madh në funksionimin e kompjuterit dhe duhet ndryshuar vetëm nga ekspertët e kompjuterave që kanë studiuar në brendësi Windows. Të sugjerosh një ndryshim kaq themelor vetëm për një gabim të Neros, pa analizuar shumë shkaqe të tjerë të mundshëm, është gabim trashanik.

Së treti, vetë Microsoft-i rekomandon që memorja virtuale të jetë rreth 1,5 herë më e madhe se memorja fizike (RAM). Sipas inxhinierëve të Microsoft-it, kjo është madhësia optimale që memorja virtuale të jetë sa më efikase. Nëse e zvogëlon, Windows nuk do ketë memorje të mjaftueshme për të mbajtur hapur disa programe pënjëherësh. Nëse e zmadhon memorjen virtuale më shumë seç duhet, jo vetëm që nuk do kesh avantazh nga përdorimi i saj, por kompjuteri do ngadalësohet edhe më shumë sesa një kompjuter me më pak memorje virtuale. Asnjë ekspert nuk rekomandon që memorja virtuale të jetë më e madhe se dyfishi i memorjes fizike (RAM).

Ndërsa ti, pa e ditur fare sa memorje fizike ka kompjuteri në fjalë, i rekomandon Aligator-it të vendosë memorjen virtuale në 4,7 GB. Jam i sigurtë se nuk e ke provuar në kompjuterin tënd, se po ta kishe provuar, do ta shikoje sa ngadalë do punonte kompjuteri dhe nuk do e sugjeroje për të tjerët në forum. Në Windows XP 32-bit, maksimumi i memorjes (RAM+virtuale) nuk mund të kalojë 4 GB. Si vallë do punojë 4.7 GB?


Tani të futemi pak më thellë...

(=virtual memory = temporary storage= the place wehere the temporary files are kept, that is in your Hard Disk Drive)

Sipas barazimit tënd më lart, nëse Neros i duhet 5 GB për të përpunuar videon në skedarët e përkoshëm, atëherë edhe memorja virtuale duhet të jetë 5 GB. Dmth memorja virtuale, skedari pagefile.sys (swap) në hard disk, do zërë po aq shumë vend sa dhe vetë videoja. Sipas këtij modelit tënd, videoja ndjek këtë rrugë:

DVD -> RAM -> HD (TEMP/CACHE) -> RAM -> MV (pagefile.sys në HD) -> RAM -> HD (video.mpg)

Vër re se videoja shkruhet tre herë në hard disk dhe memorja virtuale duhet të jetë 5 GB. E ku është avantazhi i memorjes virtuale? Përse të mos eliminojmë memorjen virtuale dhe të shkruajmë direkt në hard disk?

Kur memorja virtuale është pengesë
Programet që përpunojnë video, grafikë dhe zë si p.sh. Nero, Photoshop, Studio Max, etj, proceset që kërkojnë shumë hapësirë i përpunojnë direkt në hard disk sepse:
(1) memorja virtuale nuk ka hapësirë të mjaftueshme;
(2) edhe sikur të kishte, do bënte punë të dyfishtë duke e shkruar dy herë në hard disk;
(3) përdorin algoritme më të përshtatshme se algoritmi xhenerik i memorjes virtuale që pëdoret nga sistemi operativ (windows).

Si e përpunojnë videon direkt në hard disk?
Videon e ndajnë në copa të vogla, aq sa lejon memorja RAM, dhe pasi e përpunojnë në RAM, e ruajnë direkt në hard disk.

DVD -> RAM -> HD (TEMP/CACHE) -> RAM -> HD (video.mpg)

Avantazhi i kësaj mënyre është se videoja procesohet më shpejt dhe memorja virtuale ruan efikasitetin duke qëndruar rreth 1,5-2 herë më e madhe se RAM.

Modeli më lart ishte për softuere të sofistikuara që përpunojnë qindra ose mijëra MB pa ndërprerje. Memorja virtuale nuk është ndërtuar për të tilla programe, prandaj dhe nuk mund t'i përballojë kërkesat e tyre.

Atëherë përse duhet memorja virtuale?
Memorja virtuale është tepër e vlefshme por avantazhi i saj është i dukshëm kur hap shumë programe të vegjël ose mesatarë në të njëjtën kohë, si psh: shfletuesin e internetit, word, media player, antivirusin, etj. Memorja virtuale i lejon këto procese të përdorin më shumë memorje seç ka sistemi, duke përdorur një pjesë të hard diskut si depozitë. Kur arrin të mbushet memorja fizike, sistemi operativ e shvendos një prej proceseve në memorjen virtuale në hard disk, duke i liruar më shumë RAM procesit tjetër. Këtë gjë mund ta kesh vënë re nëse ke hapur shumë programe në kompjuter dhe mundohesh të hidhesh nga njëri tek tjetri. Ngadalësimi në atë moment vjen pikërisht nga zhvendosja e informacionit nga memorja virtuale (hard diskut) në RAM dhe anasjelltas.

Nëse sistemi operativ nuk do kishte memorje virtuale, atëherë edhe softuerët e vegjël dhe mesatar duhet të programoheshin si Nero, Adobe, Studio Max, CoolEdit, etj. që përdorin skedarë të përkohshëm, të ndarë nga memorja virtuale. Kjo do krijonte shumë trafik për hard diskun dhe do vështirësonte punën e programuesve. Prandaj e merr përsipër vetëm një softuer, sistemi operativ, dhe thjeshton punën për softuerët e tjerë.

[edspace]

Një temë tjetër për memorjen virtuale:
Cili është konfigurimi më i mirë për procesorin, memorjen virtuale

[benseven11]

Fjala rezervuar eshte futur gabim,fjala particion eshte futur gabim
Kur thuhet kjo tavoline restoranti eshte e rezervuar per baptistin do te thote qe tavolina do perdoret nga nga baptisti dhe askush tjeter.
Bej analogjine:Particion i rezervuar per temp files do te thote qe C-ja particioni do perdoret,eshte ne dispozicion te temp files.Shprehja eshte gabim...
Perkthimi qe i ke vene ve poshte "Shih [C:\] a ka hapesire te mjaftuar" nuk i pergjigjet asaj qe ke shkruar lart.Particion i rezervuar....
Fjala particion eshte gabim dhe e pavend,Nqs flitet per manxhim hard drajveri,formatim instalime perdoret fjala particion pasi temat kane lidhje me particionet.Ndersa ne kete rast problemi qendron te direktoria e temp files dhe
hapesira e lire e diskut."Virtual memorja shkarkohet ne temp folders",perseri gabim.

[Donliri]

Pershendetje te gjitheve.

Ju lutem nese dikush din, te me tregoj se si behet nje image me program Norton Ghost, dhe si duhet ta perdor kur kam probleme me kompjuter apo kur i kam dy kompjutera me konfiguracion hardware-ik te njejte.

Suksese!

[GinoTheGodFather]

Deshiron te besh klonimin e nje hardisku apo do te mesosh me patjeter se si perdoret Norton Ghost? Nese deshiron te besh klonimin e nje hardisku me nje tjeter dhe nuk ka rendesi se cili program ta mundeson, une te sygjeroj CasperXP. Eshte nje program shume i mire dhe i lehte ne perdorim. E gjen mjaft thjeshte, mjafton te kerkosh tek Google.
Hapat qe duhet te ndjekesh: Te duhen dy hardisqe me madhesi te njejte (nese njeri 40gb , dhe tjetri te duhet 40gb). I lidh te dy ne bord, njerin master, tjetrin slave. Pasi ke hapur windowsin, klikon tek casper xp dhe nje wizard (magjistar) te tregon vete rrugen dhe hapat, ti do te shtypesh vetem next , next, next...
Suksese dhe ti...

[Uke Topalli]

Ne kete faqe mund te gjesh udhezime per shumicen e versioneve te Norton Ghost

http://ghost.radified.com/

[P@R4nOi@C_LorD]

Deshiron te besh klonimin e nje hardisku apo do te mesosh me patjeter se si perdoret Norton Ghost? Nese deshiron te besh klonimin e nje hardisku me nje tjeter dhe nuk ka rendesi se cili program ta mundeson, une te sygjeroj CasperXP. Eshte nje program shume i mire dhe i lehte ne perdorim. E gjen mjaft thjeshte, mjafton te kerkosh tek Google.
Hapat qe duhet te ndjekesh: Te duhen dy hardisqe me madhesi te njejte (nese njeri 40gb , dhe tjetri te duhet 40gb). I lidh te dy ne bord, njerin master, tjetrin slave. Pasi ke hapur windowsin, klikon tek casper xp dhe nje wizard (magjistar) te tregon vete rrugen dhe hapat, ti do te shtypesh vetem next , next, next...
Suksese dhe ti...

Ne fakt menyra e Norton ghostit eshte me praktike sepse thjesht me nje dvd Mund te hedhesh nje sistem te tere + programe (te instaluara) + konfigurimin e windowsit.
Edhe menyra e Casperxp i ben ato me siper por nuk ja vlen te hapesh pc dhe te vesh Hdd tjerter.
Menyra me Norton Ghost Kerkon vetem 15 minuta kohe.

[fatua01]

Pershendetje,sot provova ta lidhja hard diskun tim ne nje komjuter tjeter por nuk e njifte si disk,nderkohe qe PC-ja qe desha te lidhja kete HD nuk kishte fare HD dmth i hoqa te tijin.Ma jipte nje mesazh qe thoshte: Technical Suport,me nje sfond blu,plus thoshte remove your new hardware or go to recovery console and type ckdsk/f,nuk po arrij tekstualisht te shkruaj ate qe e jipte si mesazh.E bera nje chksk permes kesaj recovery console,por prape e njejta gje me ndodhi.
Nqs keni mundesi te me shpjegoni pak cfare te bej?

[Baptist]

Shih cfare te thote ne BIOS!
Ia bej nje "autodetect" ketij diskut te ri aty se nuk eshte inicializuar nga BIOSI.
(Duket se, i ka ruajtur parametrat e diskut te vet dhe nuk di ta lexoje kete.)

[fatua01]

I kam bere autodetect ne BIOS por e njejta gje,megjithate flm nga ana jote!