Aplikimi i amnistise fiskale ne Shqiperi

[Albo]

Sekretari për problemet ekonomike në PD argumenton difektet e programit të qeverisë së re të PS-së

Spaho: Pse jemi kundër amnistisë fiskale

"Në vend të amnistisë fiskale do propozoja që të uleshin taksat dhe tatimet, pasi ato po i thajnë burimet ekonomike të vendit dhe janë bërë faktori numër një për zhvillimin e ekonomisë informale dhe evazionit fiskal e doganor në nivelet shqetësuese që i kemi aktualisht. Shqipëria është një nga vendet me nivelin më të lartë të taksave në botë në masë absolute, në një kohë që të ardhurat e popullsisë së saj janë nga më të ulëtat"

- Një nga prioritetet e shpallura të qeverisë së re të PS-së është edhe realizimi i amnistisë fiskale. Ç’përbën kjo për sekretarin për Problemet Ekonomike në Partinë Demokratike, Edmond Spaho?

Amnistia fiskale është një praktikë ekonomike dhe financiare e aplikuar në vende dhe kohë të ndryshme me pretendimin për të nxitur zhvillimin ekonomik. Në vendin tonë ka patur një tentativë nga ish-Presidenti Meidani për të ndërmarrë diçka të ngjashme, e cila u shua shpejt për shkak të rezistencës që ndeshi brenda vendit dhe nga partnerët ndërkombëtare.

Unë do të isha kundër çdo amnistie fiskale që mund të propozohej në Shqipëri, pavarësisht ngjyrave me të cilat ajo mund paraqitet si alternativë për të thithur kapitalet financiare të fjetura brenda dhe jashtë vendit. Shqipëria nuk ka institucione financiare, bankare, tatimore, për të kontrolluar dhe evituar që amnistia fiskale të mos kthehet në një parajsë të pastrimit të parave të kontrabandistëve, trafikantëve e krimit të organizuar. Shqipëria e ka institucionin e hetimit, Prokurorinë, mjaft të dobët dhe pa eksperiencë në hetimin e krimit ekonomik, pastimin e parave dhe veprave të tjera penale që lidhen me fushën e financave dhe paranë.


- Në programin e qeverisë vërehet një tentativë për mobilizimin e kapitaleve të fjetura. Komenti juaj?


Çfarëdo varianti i amnistisë fiskale që do të mund të miratohej, ai vetëm do ligjëronte lidhjet e krimit vendas me ekonominë dhe financat, si dhe do ta shndërronte vendin në destinacion të parave të pista dhe të dyshimta të tërë vendeve rrotull nesh, duke u bërë jo vetëm pjesë e trafikut ndërkombëtar të drogës, kontrabandës së mallrave dhe njerëzve, por edhe qendër ndërkombëtare e pastrimit të parave me origjinë të dyshimtë.


- Sipas jush, ç’duhet bërë për të nxitur zhvillimin ekonomik të vendit?


Për të nxitur zhvillimin ekonomik të vendit në vend të amnistisë fiskale do propozoja që të uleshin taksat dhe tatimet, pasi ato po i thajnë burimet ekonomike të vendit dhe janë bërë faktori numër një për zhvillimin e ekonomisë informale dhe evazionit fiskal e doganor në nivelet shqetësuese që i kemi aktualisht.

Shqipëria është një nga vendet me nivelin më të lartë të taksave në botë në masë absolute, në një kohë që të ardhurat e popullsisë së saj janë nga më të ulëtat. Vendet e rajonit kanë ngarkesa fiskale mjaft më të ulëta se vendi ynë. Mjafton të përmend që fqinji ynë Maqedonia, e ka nivelin e TVSH për shumicën e mallrave të konsumit 5%.

Në kushtet në të cilat ndodhet Shqipëria, do ta konsideroja urgjente që TVSH të ulet në nivelin e 15% për tërë mallrat dhe shërbimet dhe 10% për mallrat e shërbimet të nevojës së parë për popullsinë. Kjo masë do të eleminojë ndjeshëm evazionin fiskal si dhe do të rrisë konsumin e mallrave e shërbimeve, për rrjedhojë edhe prodhimin e punësimin. Mendoj që pas një periudhe 5-vjeçare, këto norma do duheshin të rishikoheshin përsëri në drejtim të uljes për të pasur TVSH në nivelin e rreth 10%.

Së dyti, duhet të ulen tatimet mbi fitimin për biznesin e vogël dhe të mesëm, në mënyrë që ai të ketë mundësi të zgjerojë vetveten dhe të hapë fronte të reja pune. Shqipëria është treg i kufizuar dhe bisnesi i vogël do jetë forma mbizotëruese e prodhimit, prandaj duhet ta përkrahim veçanërisht kur sistemi bankar nuk i jep kredi.

- Më konkretisht, ku duhet të konsistojnë reformat ekonomike?

Në vendin tonë gjatë 5-6 viteve të fundit është bërë pak, për të mos thënë aspak, në disa nga sektorët jetikë, të cilët lidhen direkt me zhvillimin e ekonomisë dhe rritjen e nivelit të jetesës së popullsisë.

Së pari, nuk është ndërmarrë ndonjë reformë në drejtim të administrimit më të mirë dhe privatizimit të prodhimit, shpërndarjes dhe konsumit të burimeve energjitike të vendit. Në këtë fushë sillemi rreth vetes me të vetmin preokupim, që të kemi ndërprerje jo të mëdha të energjisë elektrike gjatë periudhës së dimrit. Nuk ka asnjë strategji të qartë, veç fjalëve, se si do rritet prodhimi i energjisë në vend, ku do gjenden burimet financiare, kur do privatizohet sektori energjitik dhe më e rëndësishmja, kur do privatizohet, pasi shpesh flasim për reforma në përgjithësi pa vënë asnjë afat kohor. Duhet të përmend që në ish- vendet e Lindjes ky sektor është transformuar dhe privatizuar në mbi 50% të tij, kurse në Shqipëri ende nuk ka filluar. E vetmja gjë që dëgjojmë është që KESH në fund të vitit do ndahet në tre kompani.

Së dyti, nuk është ndërmarrë asgjë e dukshme në administrimin dhe përdorimin e burimeve ujore. Thuhet që rrjeti i furnizimit është i amortizuar. Në fakt nuk është kryesisht rrjeti ai që nuk garanton furnizimin me ujë (pasi ujë ka), por shpërdorimi flagrant i tij nga të gjithë përdoruesit, si popullsia dhe prodhuesit. Nuk është ndërmarrë ndonjë reformë, e cila të krijojë mekanizmat që të pengojnë dhe penalizojnë abuzimet me ujin. Zgjidhja për të kapërcyer gjendjen aktuale do të ishte privatizimi i sektorit, që administron shpërndarjen e burimeve ujore për tek konsumatorët dhe liberalizimi i çmimit të ujit. Në ish-vendet lindore ky proces ka përfunduar ose është në përfundim në vende si Polonia, Hungaria, Çekia, Sllovenia, është në fazë të avancuar në vende si Bullgaria dhe Rumania, ka filluar në Maqedoni dhe nuk dihet se kur do të fillojë në Shqipëri.

Së treti, janë ndërmarrë reforma kryesisht në letër në drejtim të decentralizimit të pushtetit vendor. Ka më shumë se katër vite që flitet për transferimin e pronave shtetërore në duart e pushtetit vendor në nivel bashkie e komune dhe ende nuk është ndërmarrë ndonjë hap, qoftë edhe simbolik. Ka mbi tre vjet që flitet për Policinë Bashkiake dhe kemi ngelur me katër makinat e Edi Ramës në Tiranë. Në fushën e taksave dhe tatimeve Pushteti Lokal ka të drejtë të mbledhë vetëm ca thërrime. Shqipëria është pothuaj po aq e centralizuar sa në kohën e monizmit. Procesi i decentralizimit dhe dhënia e kompetencave pushtetit vendor në ish-vendet e Lindjes është tashmë i tejkaluar me përjashtim të Serbisë, Malit të Zi, Kosovës dhe Shqipërisë. Centralizimi është një nga faktorët kryesorë që pengon zhvillimin ekonomik të vendit.

Së katërti, nuk po veprohet për kthimin real të pronave ish-pronarëve. Ka pothuaj një vit që ka përfunduar afati kushtetues për rishikimin e ligjit për kthimin e pronave dhe nuk ka përpjekje serioze nga qeveria, që ky problem të zgjidhet një herë e mirë. Nuk është e nevojshme të përmend që moszgjidhja e çështjes së pronave pengon investimet, prodhimin, punësimin dhe nxit konflikte, të cilat konsumojnë në mënyrë jo produktive energjitë e vendit.


- Pjesë e strategjisë së përbashkët për reformën e institucioneve është edhe shdërrimi i Kontrollit të Shtetit në Gjykatë të Llogarive. Sa racionale është kjo ide dhe ku mbështetet kjo kërkesë konstante e opozitës?

Partia Demokratike e ka konsideruar institucionin e Shërbimit të Kontrollit të Shtetit mjaft të rëndësishëm në procesin e luftës kundër korrupsionit, i cili përbën një nga plagët dhe sfidat më të mëdha, me të cilat përballet vendi.

Në Kuvendin e fundit të PD, si pjesë e paketës antikorrupsion, u rikërkua që ky institucion të drejtohet nga partia më e madhe opozitare për të garantuar një luftë reale dhe efikase ndaj fenomeneve të mësipërme, të cilën deri më sot ky institucion nuk e ka realizuar.

Prej më shumë se një viti është hedhur ideja e kthimit të tij në gjykatë llogarish dhe që të drejtohet nga partia kryesore opozitare. Mendoj që është ide racionale dhe që mbështetet në eksperiencën e mjaft vendeve, të cilat kanë patur probleme serioze me korrupsionin. Kthimi në gjykatë llogarish do ta forcojë atë institucionalisht, pasi do të ketë të drejta ekzekutive si dhe do të krijojë premisa për rritje cilësore të ekspertizës së punonjësve, e cila aktualisht lë mjaft për të dëshiruar.

Intervistoi:

Halil RAMA

[Albo]

Do te isha i interesuar te lexoja mendimin e eksperteve nga fusha e ekonomise ne lidhje mbi kete inisiative te ish-presidentit Mejdani qe mesa duket ka zene kreun e axhendes se Nanos. Si mendoni ju a ka nevoje Shqiperia per nje amnisti fiskale? Cili eshte qellimi i amnistise fiskale dhe nese aplikohet ne Shqiperi cilat do te jene pasojat e saj?

[Vinny_T]

Sigurisht qe Spaho ka te drejte kur thote qe me amistine do te pastrohen dhe parate pasi kjo eshte e pashmangeshme, sigurisht qe dhe politikane te ndryshem ndoshta do te perfitojne me kete amnisti, sigursiht qe do te kete dhe para te mafias ne bankat tona e do te legalizohet, keto jane gjera qe te gjithe i dime. Une per vete problemin do ta shtroja ndryshe pasi po ta shtrojme ne formen qe eshte shtruar do te jemi te gjithe dakort me Spahon.
Petjet e mija do te ishin qe nqs nuk behet amnistia dhe me ato institucione aq te dobeta ( si prokuroria, gjykata, policia shqiptare) valle a do te pengohej gje pastrimi i parave?! a do te identifikoheshin e denoheshin mafiozet e politikanet?!une per vete nuk besoj qe do te ishte e mundur, te pakten per disa vite akoma.
Atehere te gjithe do me thonin ketu qe nuk eshte e moraleshme per nje qeveri qe te beje nje amnisti ku te pastrohen parate e krimit dhe jam dakort me kete por kisha dhe une nje pyetje, valle si ndjehen zvicerjanet me koshiencen e tyre kur e dine qe ne shtetin e tyre dhe bankat e tyre pastrohen 70% e parave te pista neper bote ( sasia qe flitet eshte rreth 2 mije miliarde USD)?!
Po kur flitet dhe per parate e terrorrizmit qe pastrohen ne bursen e Londres ( me ligjet fleksibel dhe liberale angleze ) !! Mos harrojme pa permendur Irlanden, Luxenburgun....lista eshte e gjate e te gjitha keto shtete bejne pjese ne Komunitetin Evropian ose jane nga shtete me nivelet me te larta ne bote dhe rrjedhimisht nga me te respektuarat.
Me duket pak kontradiktore qe nenpunesit dhe qeveritaret e ketyre shteteve kur vjen puna per Shqiperine jane kundra asaj qe behet legalisht ne vendet e tyre!
Per mua duhet perdorur metoda radikale amerikane qe nqs eshte per te miren e ekonomise dheinteresave te vendit ( dhe pse mund te kete pasoja te vogla dhe njerez do perfitojne nga kjo ) duhet te behet amnistia, dy te tretat e parave jane jashte ekonomise bankare dhe jashte çdo lloj kontrolli ne Shqiperi dhe kjo eshte katastrofike per ekonomine tone.
Sa per Spahon, shpresoj qe PD-ja te gjeje nje sekretar me te afte per problemet ekonomike pasi me te zorr se arrin te formuloje nje program efikas per ekonomine shqiptare.
Kur e dime te gjithe qe Shqiperia do te integrohet ne Evropen e bashkuar dhe TVSH-ja ne keto vende eshte e detyrueshme 20% propozimi i tij per ta bere 15% e me vone 10% me duket qesharak. Shqiperia eshte ne vendet me taksat me te larta ballkanike , po jo ne bote e ketu Spaho ben demagogji e jo politike e analize ekonomike ( nqs eshte ndryshe le te japi shifra qe te krahasoje populli dhe te jete me koshinet ).
Nano kur prezantoi programin e tij nuk permendi asnje shifer dmth asnje mundesi verifikimi ne fund te mandatit te tij per pune qe ka bere. Spaho ben po te njetin prezantim dhe shtrim problemesh pa shifra ( perveç TVSH-se).
Gazetaret duhet te intervistojne e te marrin mendimin dhe analizat e ekonomisteve te pavarur e jo te politikaneve qe flasin akoma si ne kohen e monozmit.
Ekonomia e tregut ka nevoje per shifra e jo per fjale boshe e pa senc.
Pershendetje

[alkg2001]

Ideja e amnistise fiskale ka dale qe ne kohen e Berishes dhe llogjika kryesore e saj eshte qe diten e pare pas amnistise te gjithe do zbatojne rregullat, do paguajne tatimet, doganat, do denohen rreptesisht per krime ekonomke etj. Jam teper i sigurte qe pas amnistise fiskale te Nanos, ne Shqiperi do vazhdoje e njejta situate korrupsioni, vjedhjeje dhe maskaralleku. Amnistia fiskale behet kur shoqeria ka vendosur te ndahet nga e keqja. Nuk mendoj qe Nano dhe miqte e tij, jane ne gjendje te heqin dore nga vjedhjet...ka akoma militante socialiste te varfer qe duan te mbushin xhepat.

Nuk qendron krahasimi qe behet me Bankat e Zvicres. Zviceranet per vete jane te ndershem ne maksimum, dhe parate ne bankat e tyre jane sipas ligjeve. Eshte gje tjeter sa i larte eshte morali i ligjit.

Shqiperia nuk vuan per investime. Shqiperise i mungon ambjenti i pershtatshem per investime. Ne qofte se Nano kerkon te investoje 10 lek te pista ne Shqiperi permes amnistise fiskale, jane 100 lek te pastra qe jane te gatshme te investohen ne Shqiperi, nese ka me teper stabilitet, dhe shume me pak korrupsion.

Nuk ka vend qe te kete perparuar duke u mbeshtetur vetem ne parate e pista si Shqiperia. Shikoni Kolumbine se ku ka ngelur.

Si perfundim, amnistia fiskale per momentin nuk do zgjidhe asgje, vecse do rehabilitoje dhe shtoje fuqite e nje dore te mire hajdutesh dhe kriminelesh qe do vazhdojne te veprojne lirisht dhe qe pas disa vitesh do kerkojne nje amnisti tjeter fiskale.

pershendetje,

alkg

[Vinny_T]

"Nuk qendron krahasimi qe behet me Bankat e Zvicres. Zviceranet per vete jane te ndershem ne maksimum, dhe parate ne bankat e tyre jane sipas ligjeve. Eshte gje tjeter sa i larte eshte morali i ligjit."

70% e parave te pista qe vijne nga korrupsioni, droga, prostitucioni, trafiqet e armeve, parate terrorizmit pastrohen ne Zvicer e kete nuk e them une po raportet e Komunitatit evropian dhe te CIA amerikane. Shteti zvicerjan eshte i ndertuar nga zvicerjanet dhe nqs ky shtet strehon 70% te parave te pista qe qarkullojne neper bote nuk ka se si te jete i paster zvicerjani qe punon neper banka dhe kudo tjeter me keto para te pista.
Ligji qe lejon dhe mbron kriminelet te pastrojne parate ne shtetin zvicerjan nuk eshte se eshte i pamoralshem po eshte katastrofik per shume vende te botes qe luftojne korrupsionin.

"Shqiperia nuk vuan per investime. Shqiperise i mungon ambjenti i pershtatshem per investime. Ne qofte se Nano kerkon te investoje 10 lek te pista ne Shqiperi permes amnistise fiskale, jane 100 lek te pastra qe jane te gatshme te investohen ne Shqiperi, nese ka me teper stabilitet, dhe shume me pak korrupsion."

Ne Shqiperi perveç grekerve dhe jugut te italise nuk ke asnje lloj investitori qe eshte interesuar ( tregu eshte shume i vogel per kompanite perendimore keshtu qe mos enderroni kot). Bankat Greke me madhesine finaciare qe kane jane qesharake ne Evropen perendimore, keshtu qe jane te detyruar ti drejtohen tregut shqiptar. Shqiperia ka nevoje per investime vetem investimet do te arrijne qe te ulin papunesine, varferine duke shtuar mundesite per pune, ngritjen e ndermarjeve te reja ne vend qe parate te flejne neper bodrume.

Sa per Kolumbine problemet jane socialo-politike dhe qe kane me 10-tra vite qe egzistojne e nuk krahasohen me shqiperine.

Amnistia fiskale ngelet per mua nga zgjidhjet me efikase per momentin per te rikthyer ne tregun shqiptar parate e fshehura, perndryshe ato para mos ja qani hallin se do perfundojne neper bankat e Zvicres, Luksenburgut....ose deri ne Caiman Island.
Pershendetje

[Albo]

Postuar më parë nga Vinny_T
"
Ne Shqiperi perveç grekerve dhe jugut te italise nuk ke asnje lloj investitori qe eshte interesuar ( tregu eshte shume i vogel per kompanite perendimore keshtu qe mos enderroni kot). Bankat Greke me madhesine finaciare qe kane jane qesharake ne Evropen perendimore, keshtu qe jane te detyruar ti drejtohen tregut shqiptar. Shqiperia ka nevoje per investime vetem investimet do te arrijne qe te ulin papunesine, varferine duke shtuar mundesite per pune, ngritjen e ndermarjeve te reja ne vend qe parate te flejne neper bodrume.

Ne pergjithesi jam dakord me mendimin e shprehur nga alkg qe Shqiperia nuk vuan per investime por vuan nga mossigurimi i ambient te pershtatshem per investime. Harrojini bankat greke amerikane, harrojini edhe investitoret e medhenj te huaj, ju nuk arrini te shikoni qe emigracioni ka bere qe shqiptareve te mos u mungojne kapitalet e investimit dhe as idete. Ne Shqiperi sot nuk gjen shqiptare qe te investojne duke hapur nje biznes legjitim, e jo me te presesh qe te investojne te huajt. Te vetmit qe investojne aktualisht ne Shqiperi jane kapobandat dhe kryemafiozet emrat e te cileve i lexojme shpesh neper gazeta, ose si te vrare ne atentate mafioze, ose si "miq te afert te politikaneve shqiptare". Ky lloj investimi ka lidhje me pastrimin e parave dhe ato hotele madheshtore, dhe ato komplekse madheshtore qe ndertohen ne Shqiperi jane pikerisht parate e krimit ekonomik.

Me ate sy qe e shoh une realitetin shqiptar, amnistia do te frenonte inisiativen e lire ne Shqiperi. Ne keto 5 vjetet e fundit, ndryshe nga 5 vjetet e para u vu re fenomeni i monopolizimit te jetes se ekonomike te vendit nga pushtetaret. Nese ne vitin 1992-1997 ju meshua fort inisiatives se lire dhe financimit me kredi bankare te biznesit te vogel, keto 5 vjetet e fundit biznesi i vogel ka falimentuar dhe ka dale komplet jashte loje si nga monopolet edhe nga trysnia e vendeve fqinje si greqia.

Te nxjerresh nje ligj per amnisti eshte njesoj si te pastrosh parate e pista. Pushtetaret dhe njerezit e krimit nuk do ti mbajne me ato te fshehura neper banka apo nuk vrima por do ti perdorin per blerjen e pasurise kombetare shqiptare qe ende nuk eshte privatizuar. Do te thote qe ai mesuesi dhe ai njeriu i ndershem ne Shqiperi te mos kete te njejten shans ne tregun shqiptar qe nuk eshte aspak i lire por i monopolizuar.

Shqiperia jo vetem qe nuk ka nevoje per nje amnisti te tille, por Shqiperia ka nevoje per nje filtrim te krimit ekonomik dhe ndeshkim te pameshirshem te tij. Duhen faktuar te gjitha vjedhjet, te gjitha abuzimet ne tendera e privatizime, te gjitha te ardhurat e krimit e trafiqeve, dhe te gjithe njerezit e parave te pista duhet te dalin perpara drejtesise. Politika shqiptare duhet te ndermari politiken e "duarve te pasterta" ku te hetohet gjithcka ne keto 10 vjetet e fundit ne nivelin e pushtetit qendror dhe lokal.

Shteti qe amniston krimin nuk eshte me shtet por vegel e krimit. Nese nje gje e tille ndodh ne Shqiperi, atehere Shqiperia me te drejte mund te etiketohet "Kolumbia e Europes" pasi ne vend do te krijohet klasa tejet e pasur mafioze, dhe njerezit e thjeshte do te vuajne varferine e perbashket. Nje vend qe nuk ka nje klase te mesme, nuk ka stabilitet dhe klasa e mesme krijohet vetem me krijimin e kushteteve te drejta per ushtrimin nga shqiptaret te inisiatives se lire kapitaliste.

[Anton]

Te interesuar per te investuar ne Shqiperi jane shume, por kompanite serioze kane kushte per te investuar e RSH nuk i ploteson shume kushte prej tyre.

(Po ju kujtoj vetem nje fakt:

Schröder kur erdhi ne vizite beri nje "keshille" per shitjen e telekomit tone atij gjerman.)


Duam apo s´duam problemi i investimeve eshte politik. Vetem qeveria shqiptare dmth me te pasurit te RSH nuk duan qe te investohet ne RSH shembuj ka sa te duash.

Une per vete jam kunder amnistise fiskale sepse kjo do te ishte nje shembull nxites per jo te ndershmit e nje shuplake per te ndershmit sipermarres.

[Albo]

Nano harron amnistine fiskale

Anila Rama/ Amnistia fiskale harrohet nga qeveria "Nano". E deklaruar si nje nga prioritetet dhe objektivat e qeverise, pas me teper se nje muaji, nga ministrite perkatese qe do te hartojne projektet, amnistia fiskale duket si dicka shume e larget dhe gati e pamundur per t'u realizuar. Specialistet e ekonomise nuk e kane te qarte ende se cfare do te perfshije amnistia fiskale e shpallur nga Kryeministri Fatos Nano. Deputeti republikan Robert Ceku, pohoi dje se ideja per amnisti fiskale nuk ka per t'u realizuar asnjehere ne Shqiperi. "Me sa di une edhe vete Kryeministri Nano eshte terhequr dhe e ka lene ne harrese kete ceshtje te programit te shpallur prej tij", tha Ceku. Sipas tij, ne rast se kjo teze do te rishfaqet serish per t'u zbatuar, opozita do ta kundershtoje ashper. Por anetari i Komisionit te Ekonoise Ylli Bufi, nga ana tjeter, pohon se ngritja e grupeve te punes per te percaktuar se cfare do te perfshije amnistia fiskale, do te realizohet me bashkepunimin e opozites. "Ne nuk e dime ende se cfare do te perfshije amnistia fiskale, pasi ne programin e qeverise, kjo eshte parashtruar e papercaktuar", tha Bufi. Sipas tij, kjo eshte hera e pare qe ne Shqiperi kerkohet te realizohet nje procedure e tille financiare, por qe do te duhet shume pune derisa te arrihet ne momentin final. Nderkohe ne Ministrine e Ekonomise nuk kane asnje ide te qarte sesi do te realizohet amnistia fiskale. "Nuk na ka ardhur asnje udhezim nga qeveria per te ngritur ndonje grup pune specialistesh", thane dje burime zyrtare nga kjo ministri. Ideja e amnistise fiskale pas shpalljes se programit te qeverise, gjeti perkrahjen e shume specialisteve te ekonomise. Por, opozita e ka kundershtuar hapur duke argumentuar se kjo amnisti do te lejonte ne Shqiperi vershimin e shume parave te pista.

K.J

[Albo]

Përse nuk mund të implementohet në Shqipëri amnistia fiskale

7 miliard USD, fitimet e mafies shqiptare nga trafiqet

Shqipëria, sipas një raporti të ekspertëve të Departamentit amerikan të Shtetit futet në rradhët e atyre vendeve që pastrojnë para, ndërkohë që parlamenti ka përgatitur një draft ky synon përmirësimin e ligjit për pastrimin e parave, i cili u hartua dy vjet më parë me asistencën e FMN



Ekspertët amerikanë të Departamentit të Shtetit, në bashkëpunim me FATF (Task Forcën Ndërkombëtare të luftës kundër pastrimit të parave) kanë hartuar një aneks raport për aktivitetin e pastrimit të parave në botë, ku Shqipëria përbën një rrezik të konsiderueshëm për pastrimin e parave. Këtë konstatim ekspertët e FBI-së, FATF-it, CIA-s dhe Departamentit të Shtetit, e kanë bazuar në faktin se Shqipëria vazhdon të mbetet një vend tranzit për trafikun e narkotikëve, armëve, kontrabandës dhe refugjatëve. Raporti është hartuar disa muaj më parë. Sipas raportit, grupet e krimit të organizuar e përdorin Shqipërinë si një bazë operacionale për të drejtuar krimin e organizuar në vende të tjera. Përfitimet nga këto aktivitete mund të pastrohen lehtësisht në Shqipëri për shkak të kontrollit të dobët të qeverisë, thuhet në raport. Më tej raporti shpjegon hapat e ndërmarra nga qeveria shqiptare në drejtim të luftës kundër pastrimit të parave. "Shqipëria përgatiti ligjin për Parandalimin e Pastrimit të Parave të pista në vitin 2000 me asistencën e Fondit Monetar Ndërkombëtar, i cili u miratua në parlament në maj të po këtij viti. Ky ligj i detyron të gjitha institucionet financiare të raportojnë në Agjencinë për Luftën Kundër Pastrimit të Parave, për transaksione, të cilat i kalojnë vlerat e 10 mijë dollarëve. Këto institucione duhet të bëjnë raportimin 48 orë pas kryerjes së transfertave për rastet kur origjina e parave është e panjohur". Sipas ekspertëve amerikanë, ligji parashikon dy klauzola të pazakonta, që kanë lidhje me Agjencinë Shqiptare të Luftës kundër Pastrimit të Parave. "Agjencia ka të drejtë të hyjë në marrëveshje dypalëshe ose shumëpalëshe për ndarjen e informacionit të vetëm me autoritetin e saj, sikurse ajo ka përgjegjësinë të evidentojë dhe luftojë teknologjitë që lindin për pastrimin e parave". Në raport theksohet, se asnjë çështje për pastrim parash nuk ka përfunduar në gjyq. Madje në fjalitë diplomatike të hartuara në Departamentin e Shtetit, lexohet qartë zhgënjimi për moszbatimin e ligjit. Qeverisë shqiptare i është kërkuar, thuhet më tej në raport, që të japë akses me financime dhe staf për Agjencinë, pasi deri tani nuk e ka bërë, pavarësisht nga miratimi i ligjit. "Lufta kundër pastrimit të parave u bë domosdoshmëri pas sulmeve terroriste të 11 shtatorit në SHBA, për shkak se organizatat kriminale bashkëpunojnë me organizatat terroriste". FBI u ka kërkuar vendeve të botës që të plotësojnë një formular për dhënien e informacioneve për lëvizjet e parave, ndërkohë që ekspertë dhe diplomatë kanë zbarkuar në këto vende me synim bllokimin e fondeve për terroristët. Por edhe Shqipëria ka rezultuar të jetë në këtë xhiro gjigande të pastrimit të parave, ndërsa Banka Kombëtare e Shqipërisë ka njoftuar se ka ngrirë llogaritë bankare të të dyshuarve për terrorizëm. Dhe një llogjikë e thjeshtë të bën të mendosh se liria, që iu është dhënë organizatave apo individëve të lidhur me terrorizmin për të pastruar para, iu është dhënë edhe organizatave kriminale ndërkombëtarë, ndërkohë që fitimet e mafias shqiptare nga të gjitha llojet e trafiqeve dhe aktiviteteve të tjera të jashtëligjshme është 7 miliard dollarë amerikanë.

[DYDRINAS]

Biznesi kërkon amnisti fiskale: Çlirohen miliarda dollarë të fjetur

Ideja përkrahet nga ekspertët: Përfiton ekonomia

Në korrik të vitit 1999, Presidenti i atëhershëm i vendit, Rexhep Meidani, hodhi për të parën herë idenë e shpalljes së një amnistie fiskale në Shqipëri. Nisma e tij u mbështet në atë kohë edhe nga ish-guvernatori i Bankës së Shqipërisë, Shkëlqim Cani. Me gjithë angazhimin e Meidanit, ideja e tij nuk e realizua asnjëherë, për shkak të rezistencës që ndeshi brenda vendit dhe nga institucionet ndërkombëtare. Sot, rreth 8 vjet më vonë, çështja e amnistisë fiskale rikthehet sërish në qendër të debatit. Por, këtë radhë, nuk është politika ajo që e propozon, por biznesi që e kërkon. "Mendojmë se ka ardhur koha që në Shqipëri të shpallet një amnisti fiskale. Kjo do të sillte riaktivizimin e shumave të konsiderueshme, që aktualisht qëndrojnë të ngrira brenda e jashtë vendit", tha për gazetën "Shqip", Stefan Pinguli, kryetari i Këshillit të Konfindustria-s. Kërkesa për amnisti i është dërguar zyrtarisht nga Konfindustria edhe Kryeministrit Sali Berisha, megjithëse për këtë çështje nga shefi i qeverisë nuk ka pasur asnjë qëndrim publik. Por, industrialistët nuk janë grupimi i vetëm i biznesit që mbron idenë e një amnistie në Shqipëri. Kryetari i Dhomës së Tregtisë dhe Industrisë së Tiranës, Gjokë Uldedaj, deklaron se në kuadër të zhvillimeve të fundit politiko-ekonomike në vend, amnistia mund të jetë një opsion për t‘u marrë në konsideratë nga ana e qeverisë.

Ekspertët

Në fakt, debati për amnistinë ka ndarë në dy grupe ekspertët e ekonomisë në vend. Disa e mbështesin, të tjerë shprehen kundër, duke e argumentuar qëndrimin e tyre me faktin se amnistia mund të kthehej në një parajsë të pastrimit të parave, që vijnë nga kontrabanda trafiqet dhe krimi i organizuar. Eksperti i financave publike, Sherif Bundo, mbështet idenë e zbatimit të një faljeje fiskale në vend. "Rruga nëpër të cilën ka kaluar zhvillimi ekonomik në Shqipëri ka qenë faktor, që në një farë mënyre ka nxitur evazionin fiskal. Mungesa e kontrollit dhe dobësia e institucioneve shtetërorë në dhjetëvjeçarin e parë të ekonomisë ka prodhuar informalitet dhe përpjekjet për formalizim duhet të paraprihen nga një amnisti fiskale, e cila do të riciklonte kapitale të mëdha financiare në ekonominë shqiptare", tha Bundo. Megjithatë, Bundo ka mbështetur një amnisti të pjesshme, objekt i së cilës do të ishte vetëm falja e parave që kanë lindur si pasojë e shmangies nga detyrimet tatimore dhe jo ato që janë fituar nëpërmjet aktiviteteve të jashtëligjshme. "Institucionet financiare sot në Shqipëri e kanë infrastrukturën e nevojshme për të identifikuar, se cilat kapitale kanë lindur nga aktivitete normale ekonomike dhe cilat nga trafiqet e krimi", vijon më tej Bundo. Pjesa dërrmuese e bizneseve më të njohura në vend zotërojnë aktualisht asete të mëdha, të deklaruara me vlera minimale. Paralelisht kësaj, ekonomia shqiptare gjatë viteve të fundit është karakterizuar nga një rritje e madhe e vlerës së pasurive dhe pronave, që zotërohen nga bizneset. Po kështu, një pjesë shumë e madhe e fitimeve që kompanitë shqiptare kanë akumuluar gjatë këtyre viteve qëndrojnë të ngrira në banka brenda ose jashtë vendit, për shkak se nuk janë deklaruar asnjëherë në zyrat e tatim taksave.

Miliardat e ngrira

Në vitin 2002, një nga emrat më të njohur në botën akademike, profesori i ekonomisë në Universitetin Amerikan të Uashingtonit, Vladimir Kvint, i sugjeroi në atë kohë ish-qeverisë socialiste të drejtuar nga Nano të shpallte amnistinë fiskale në vend. Kvint kishte vlerësuar, se si pasojë e kësaj në Shqipëri do të ktheheshin rreth 6 miliardë dollarë kapitale, gjë që do të dyfishonte Prodhimin e Brendshëm Bruto, që kishte vendi asokohe. Vetëm një vit më vonë, në 2003-shin, qeveria italiane e drejtuar nga Berluskoni ndërmori amnisti fiskale, që përfundoi me ligjërimin e një kapitali prej 63 miliardë eurosh në shtetin fqinj. Specialistët vlerësojnë se një pjesë nga këto fonde ishin para që zotëroheshin nga shqiptarët.

Gazeta Shqip