Shqiperi 1:0 Bjellorusi

[[PaRTiZoNi]]

“Skaneri”, kuqezinjtë të shkëlqyer, thuajse ndeshje perfekte


Samir Ujkani

Fituesi nuk gjykohet dhe portieri i së ardhmes së kombëtares sonë, pavarësisht ndonjë momenti pasigurie, meriton të përgëzohet. Në fund të fundit, nuk ka pësuar gol. Gjatë pjesës së parë ka qenë spektator, sepse bjellorusët nuk gjuajtën asnjëherë në portën e tij. Eshtë vënë në provë vetëm në fundin e ndeshjes dhe ka reaguar, duke e ruajtur të paprekur rrjetën. Çdo ndeshje me fanellën kuqezi është një plus për të, pasi fiton përvojë dhe ndien peshën e fanellë së rëndë të kombëtares.



Andi Lila

Mjaft i lëvizshëm në krahun e djathtë, duke dalë përpara shumicën e kohës dhe duke mbrojtur fort. Agresiv në çdo dyluftim dhe energjik deri në çastet e fundit të lojës, duke sfiduar lodhjen e pozicionit që mbulon. Mbrojtësi i Tiranës ka bërë që mungesa e Dallkut të mos ndihet në këtë ndeshje. Minuta shumë të mira në fundin e ndeshjes, duke e ndihmuar skuadrën të mbetet përpara. Aktivizimi si titullar po i bën mirë, pasi po e ngre nivelin nga ndeshja në ndeshje.



Admir Teli

Një ndeshje e nivelit mesatar për futbollistin shkodran. Nuk është se skuadra jonë ka pasur shumë për të bërë në prapavijë, por Teli e ka bërë detyrën e tij bashkë me Canën, duke mos e lejuar kundërshtarin të mos gjejë hapësira në qendër të mbrojtjes. Mbetet një alternativë e mirë për qendrën e mbrojtjes, ku kombëtarja jonë ka vuajtur më shumë kohët e fundit, aq më tepër pas dëmtimit të Debatik Currit. Edhe ka pjesën e tij në fitoren e një ndeshje të interpretuar shumë mirë nga skuadra shqiptare.



Lorik Cana

Ka bërë atë që di të bëjë më mirë ai. Frymëzues i vërtetë i gjithë skuadrës, duke i dhënë kurajo asaj, por mbi të gjitha thelbësor në fazën mbrojtëse. I pafat në pjesën e parë, kur topi i goditur me mjeshtëri prej tij është ndalur nga traversa. Me eksperiencën që mban mbi supe dhe forcën fizike, ka luftuar fuqishëm në fundin e ndeshjes, kur sulmet e Bjellorusisë u shtuan. Mjaft i vëmendshëm në finalen e ndeshjes, kur kundërshtari u bë më i rrezikshëm. Eshtë ai siguria kuqezi në prapavijë.



Kristi Vangjeli

Fiton më shumë faulla se Mesi dhe Kristiano Ronaldo, edhe pse është një mbrojtës. Mjaft i zgjuar në veprimet mbrojtëse dhe “hileqar”, kur e do puna, ndërkohë që nuk mungon edhe me daljet përpara në krahun e majtë. Një ndeshje nga më të mirat për futbollistin korçar, që është dalluar shpesh për mbulimin e rreptë të elementëve më të rrezikshëm të skuadrës kundërshtare. Duket se kuptohet shumë mirë me Agollin në linjën e majtë.



Ervin Bulku

“Motori” i vërtetë i skuadrës sonë, pa dyshim futbollisti që ka vrapuar më shumë në këtë 90-minutësh, pse jo dhe më i miri në fushë, edhe pse në raste të tilla nuk ka vend për të veçuar individë. Një pjesë e parë e shkëlqyer për mesfushorin, që ka paraqitur një formë fizike të admirueshme, duke balancuar edhe ndonjë “deficit” të veteranëve të këtij reparti. Një gjuajtje e mrekullueshme në pjesën e parë dhe shumë topa të fituar në mesfushë.



Altin Lala

Këtë radhë është parë një Lalë jashtë “natyrës” së tij, i cili merrte pjesë në çdo aksion të kombëtares kuqezi. Eshtë parë një Lalë mjaft taktik, që ka bërë me shumë kujdes zhvendosjen e lojës në krahë dhe përpara. Ka bërë çdo gjë mirë si për të treguar se kur vesh fanellën kuqezi për të nuk kanë rëndësi vitet apo aktivizimi me Hanoverin. Ka merituar respektin e gjithë futbollistëve të tjerë dhe tifozëve. Jo më kot trajneri Kuzhe i ka besuar deri në fund një “steke të vjetër”, siç është kapiteni kuqezi.



Ansi Agolli

Është ai pasardhësi i denjë i Muratit dhe Haxhit në krahun e majtë. Për këtë nuk ka më asnjë dyshim. Një ndeshje shumë e mirë për Agollin, i cili ka hedhur disa topa të rrezikshëm në zonën kundërshtare dhe ka provuar të shënojë me të majtën, por portieri bjellorus nuk e ka lejuar. Krosimet e tij të befasishme nga vendi janë një “armë” e fortë e këtij futbollisti, që ka fituar personalitetin e tij si titullar i kombëtares sonë. Një nga më aktivët në këtë 90-minutësh.



Ervin Skela

Eshtë rikthyer Ervin Skela e ditëve më të mira, me topa të infiltruar në zonë kundërshtare dhe një ekzekutues i saktë i thuajse të gjitha goditjeve standarde, megjithëse këtë radhë nuk ka shënuar. Duke përfituar edhe nga apatia e futbollistëve të Bjellorusisë, fantazisti ka pasur liri veprimi dhe ka bërë disa gjëra të bukura, siç ishte ai pasim i artë për Salihin në pjesën e parë. Ka ditur t’i japë “oksigjen” skuadrës në moment të vështira, duke fituar me zgjuarësi disa faulla.



Erion Bogdani

Me klasin e një futbollisti që prej vitesh luan në Serinë A, Bogdani ka qenë pika e referimit për tanët. Edhe pse nuk është dhënë asnjë mundësi për të shënuar, ai i ka shërbyer mjaft kombëtares në këtë ndeshje, duke mbajtur pas vetes dy mbrojtës kundërshtarë, çka ka bërë që për Salihin të ketë më shumë hapësira. Një asist i tij për këtë të fundit. Trajneri Kuzhe e ka zëvendësuar ndoshta në momentin e tij më të mirë, kur sulmuesi shtatlartë po e mbante skuadrën tonë përpara.



Hamdi Salihi

Autori i golit të fitores nuk ka sesi të mos meritojë fjalët më të mira. Ka ditur të përfitojë nga ai gabim në mbrojtje i bjellorusëve, të cilët ndoshta e kuptuan se i takonte të shënonte një gol në këtë ndeshje. Nuk ka pasur asnjëherë kaq shumë topa goli në dispozicion, por vetëm një herë e ka përcjellë në rrjetë dhe, nëse s’do ta kishte bërë këtë, do të ishte “kryqëzuar” nga të gjithë. Zoti e ka hedhur me njërën dorë, por është treguar “i vëmendshëm” dhe e ka pritur me tjetrën.



Elis Bakaj

Për aq minuta sa luajti ka pasur lëvizshmërinë e duhur dhe kuptohet se ai është një alternativë e mirë për skuadrën tonë në fazën sulmuese.



Klodian Duro

Pak minuta për mesfushorin me përvojë, që di ta bëjë detyrën me teknikën e tij, kur skuadra duhet të ruajë rezultatin.



Gjergj Muzaka

Vetëm pak minuta, kështu që nuk mund të jepet një vlerësim për këtë futbollist.

Nga Gazeta Sporti Shqiptar

[[PaRTiZoNi]]

Heronjtë u kthyen! Ata në dhuruan një ndeshje të madhe, të bukur, emocionuese, një nga ndeshjet më të bukura të të gjithë historisë së kombëtares shqiptare, një ndeshje që zgjon ëndrrën europiane. Një komb i tërë ka qenë në ankth, por që goli bëri që një komb i tërë të festojë. Anembanë botës shqiptarët edhe njëherë zgjuan më shumë se kurrë ndjenjën kombëtare. Fati ndihmoi më të mirin, por rezultati duhej të ishte i thellë, fati ndoshta ndihmoi Bjellorusinë, që duhej të kishte marrë një “thes” me gola me vete. Por fitorja nganjëherë qenka më e bukur me një gol, në ndeshje gati perfekte për këta heronj. Mbrëmë nuk pati as mesatarë, ishin të gjithë pa përjashtim super në formë. Ju lumtë djema! Ky ishte refreni i të gjithë tifozëve shqiptarë kudo që ndodheshin. Tirana sikur po festonte një ditë të shënuar, por në fakt kështu e kthyen djemtë e kombëtares, “veteranë” e të rinj, mbrëmë ishin një. Një notë maksimale edhe për tifozërinë, që mbrëmë kishte mbushur stadiumin dhe e ka “tepruar” me mbështetjen. Bravo kosovarë, tetovarë, çam e kush e përkrahu kombëtaren! Të gjithë shqiptarët u ndjenë edhe një herë tjetër krenarë dhe këtë e bënë heronjtë kuqezinj, Salihi, Cana, Bogdani, Skela, Lala e të tjerë.

[{A_N_G_E_L_69}]

Kurse une kam me shum se kurre besim qe neser do te fitojme.

Ja dhe parashikimi im per ndeshjen para se te luhej ku del i vertete.

Intuita ime nuk gaboi.E ndjeja vertet qe kte ndeshje do ta fitonim,

madje bindshem,me rezultat te paster.Pavarsishte se nuki fituam

me rezultat te paster,rastet per te shenuar ishin te panumerta

duke filluar qe nga dy shtyllat.Bjellorust e quajten veten me fat ne fund

te ndeshjes qe u rrafen me rezultatin e ngusht 1-0.

Suksese cunave per ndeshjen e radhe me Bosnjen jasht.

Nje lajm te hidhur do ju jap per ndeshjen e radhes ne Bosnje.

Na mungojne dy lideret e ekipit ton Kombetar per arsye kartonesh,

Jan Kapiteni Altin Lala,dhe legjenda e historis se futbollit Shqiptar

Lorik Cana.Gjths une mendoj se pavarsishte mungesave pa pike nuk

do te kthehemi nga Bosnja.Urime cunave Urime te gjith Shqiptarve per kte fitore

qe na entuzjazmoi pa mase.Forca cuna..Ole Ole..Shqipri Shqipri..!

[goldian]

urime te gjithve

[Juventus]

Fitore me se e vlefshem, edhe BdheH me ja pallu behemi te 2 pa pik problemi.

[bili99]

Urime dhe suksese te metutjeshme Kombetares!

Kush ka video dhe foto nga tifozat qe kishin shkuar nga te gjitha trojet tona ne Ballkan le ti sjelli ne kete teme...ndegjova se "Ballastiat" e Tetoves kishin be namin................Falemnderit!

Suksese.........Shqiperi...Shqiperi...Shqiperi!!!


me nderime,
bili99

[Rina_87]

Loje elitare ka qene! Fati nuk ishte ne anen e kombetares se rezultati real do duhej te ishte 4:0 apo me shume. Shpresoj te shohim loje te tille edhe ne te ardhmen.

[ajzberg]

Mbas hymnit kombetar ,flamuri shqiptar levizi nga e majta ne te djathte,ishte pamje mjaft e bukur..

[Bamba]

[{A_N_G_E_L_69}]

Formacioni yne ne ndeshjen me Bjellorusine!