1.5 milion euro për vetura luksoze

[fegi]

Lavdim Hamidi & Enis Veliu | 22-03-2011
Institucionet e Kosovës nuk heqin dorë nga luksi i tepruar as këtë vit, përkundër gjendjes së rëndë ekonomike me të cilën po përballen qytetarët e vendit. Pavarësisht se mijëra vetura zyrtare janë në dispozicion të institucioneve vendore, ato edhe në buxhetin e këtij viti kanë paraparë shuma të majme për blerjen e veturave të reja.

Shpenzimi i parasë publike për vetura luksoze kritikohet ashpër nga përfaqësuesit e shoqërisë civile në vend dhe ekspertët e ekonomisë, të cilët thonë se gjysma e popullatës përballet me mungesë të ushqimit të mjaftueshëm, ndërsa klasa politike abuzon me fonde publike.

Sipas projektbuxhetit të vitit 2011, të cilin e ka miratuar Qeveria e Kosovës, shihet se vetëm niveli qendror gjatë këtij viti do t’i shpenzojë rreth 1.5 milionë euro për blerjen e veturave të reja. Kosto e përafërt e shpenzimeve për qëllime të njëjta parashihet edhe në buxhetin e vitit 2012 dhe 2013.

Hiç më pak se rreth 350 mijë euro për vetura do të shpenzojnë Ministria e Financave, bashkë me Doganat dhe Administratën Tatimore të Kosovës.

Ministria e Punëve të Jashtme e Kosovës për blerjen e veturave për misionet diplomatike këtë vit do t’i shpenzojë më se 309 mijë euro, 200 mijë euro në vetura do t’i shpenzojë edhe Këshilli Gjyqësor i Kosovës për nevoja të gjykatave.

Përfaqësuesit e zgjedhur nga vota e popullit në Kuvend, deputetët, do t’i shpenzojnë 130 mijë euro për të njëjtin qëllim. Agjencia Kosovare e Pronës do t’i shpenzojë 100 mijë euro për vetura, Komisioni i Pavarur për Miniera dhe Minerale 80 mijë euro dhe Paneli Zgjedhor për Ankesa dhe Parashtresa për blerjen e një veture i ka paraparë 20 mijë euro buxhet këtë vit.

Shoqëria civile ka reaguar duke thënë se në kohën kur Kosova po përballet me varfëri të skajshme, Qeveria po keqpërdorë paratë e po këtij populli.

Avni Zogiani nga organizata për dinjitet dhe antikorrupsion “Çohu” thotë se Kosova ka arritur në pikën kritike të varfërisë, ku gjysma e popullsisë jeton në varfëri, ndërsa në anën tjetër institucionet nuk e ndalin luksin duke abuzuar me fonde publike.

“Qeveria e Kosovës ka një kosto më të lartë se secila qeveri në rajon. Politika kosovare krejtësisht është shkëputur nga mbrojtja e interesit të qytetarit. Në vend se me u mundue me i racionalizuar shpenzimet, tek ne po ndodh e kundërta, ato po rriten për luks të pushtetarëve”,tha ai.

Sipas tij, nga papërgjegjësia e politikës Kosova po përballet me një gjendje të rëndë sociale e ekonomike, ngase, siç thotë ai, gjysma e popullatës nuk kanë bukë të mjaftueshëm, ndërkaq një numër i vogël keqpërdorin djersën e tyre duke bërë luks të tepruar.

Ramadan Ilazi, drejtor ekzekutiv i Lëvizjes FOL, thotë se neni 120 i Kushtetutës së Republikës së Kosovës thekson se shpenzimet publike dhe mbledhja e të hyrave

publike duhet të bazohen në parimet e llogaridhënies, efektshmërisë, efikasitetit dhe transparencës. Sipas tij, Qeveria e Republikës së Kosovës në vazhdimësi ka dështuar t’i përmbahet këtij neni të Kushtetutës.

“Është e dhimbshme që sektorë të tjerë, si Gjyqësori, Shëndetësia dhe Arsimi nuk e kanë të njëjtën vëmendje financiare, sikurse vetë qeveria”, thotë ai. Ilazi ka shtuar se buxheti për Gjyqësorin është diku rreth 1.6% e buxhetit total të vendit, kjo nuk është në përputhje me deklaratën e Qeverisë se sundimin e ligjit e ka prioritet. Sipas tij, ka mungesë të transparencës dhe pjesëmarrjes cilësore nga Shoqëria Civile dhe hisedarë të tjerë në procesin e ndarjes së buxhetit të shtetit.

Lumir Abdixhiku, drejtor i institutit “Riinvest” në Prishtinë thotë se në vazhdimësi kryeministri, Hashim Thaçi, ka deklaruar se do të zvogëlohen mjetet për mallra dhe shërbime për vitin 2011, por sipas tij, një gjë e tillë nuk po ndodh.

Përkundrazi, në këto kategori ka rritje të buxhetit. Ai thotë se është koha e fundit që qeveritarët të heqin dorë nga luksi i tepruar.

“Luksi vazhdon të jetë pjesë e qeverisë, përkundër nevojave të mëdha që kanë qytetarët e Kosovës. Më shumë se 700 mijë kosovarë jetojnë me më me pakë se 1,4 euro në ditë, ndërsa institucionet e vendit i ndërrojnë veturat e tyre çdo vit”, tha ai.

Sipas tij, ulja automatike e shpenzimeve për mallra dhe shërbime është domosdoshmëri, sepse, siç thotë ai, Kosova po futet në krizë të thellë ekonomike.

Qeveria e Kosovës është në presion të vazhdueshëm edhe nga Fondi Monetar Ndërkombëtar për shkak të vendimit për rritje pagash për shërbyesit civilë deri në 50%, ndonëse marrëveshja e arritur mes këtyre institucioneve ishte që pagat këtë vit të rriten prej 7-8%.

Shpenzimet për vetura

Ministria e Financave= 180, 231 euro

Dogana= 100, 000 euro

ATK = 67,400 euro

Kuvendi i Kosovës = 130 000

Ministria e Punëve të Jashtme =309 000 euro

Ministria e Punëve të Brendshme= 180 000 euro

Këshilli Gjyqësor i Kosovës= 200 000

Agjencia Kosovare e Pronës = 100 000

Komisioni i Pavarur për Miniera dhe Minerale= 80 000

Paneli Zgjedhor për Ankesa dhe Parashtresa =20 000

[Smth_Poetic]

po pse me fiat punto do dalin politikanet neper vizitat diplomatike keshtu?

lol

[Drenica 97]

pse kush duhet me i ble veturat per misionet diplomatike te kosoves,doganat,administraten tatimore,policin,gjykatat? mos duhet me na i dhuru SHBA&BE,leni keto prrallat e ojqve se veq zhurme bejne.

[dijetari]

pse kush duhet me i ble veturat per misionet diplomatike te kosoves,doganat,administraten tatimore,policin,gjykatat? mos duhet me na i dhuru SHBA&BE,leni keto prrallat e ojqve se veq zhurme bejne.

HAAAHA ata po qajn per vete lol, sepse ata nuk kan ,ojq qe jan grupe te veteformuara dhe perqajn popullin marriiii per ta .

[AMERIKANO]

Kjo levizja "Fol,, vec po folshin qashtu

[master2006]

Para pak ditesh, perderisa ishte ne vizite ne Kosove ministri i mbrojtjes i Maqedonise, vura re se ai erdhi me nje veture mercedes (kogja e vjeter), mendoj se ishte diku e vitit 2000. Kurse tek ne per cdo vit qeveria blene vetura te reja prej fabrikes. Kjo me te vertete eshte teper.

[Drenica 97]

Para pak ditesh, perderisa ishte ne vizite ne Kosove ministri i mbrojtjes i Maqedonise, vura re se ai erdhi me nje veture mercedes (kogja e vjeter), mendoj se ishte diku e vitit 2000. Kurse tek ne per cdo vit qeveria blene vetura te reja prej fabrikes. Kjo me te vertete eshte teper.

askund nuk po shkruan se do te blehen vetura per MINISTRAT,veturat blehen per agjencite qeveritare doganat,policine,ATK,misionet diplomatike,dhe agjencit e pavaruara si dhe gjygjesorin.
sa per informim kryetari i serbise ka vetur te blinduar qe kushton mbi 400.000 euro njejt edhe kryeministria kroate.

[BlooD_VenoM]

Pse s dalin me biçikleta fare,dhe ambjentin nuk e ndotin,lekë nuk shpenzojnë,trupin në formë e mbajnë

[ARIANI_TB]

Para pak ditesh, perderisa ishte ne vizite ne Kosove ministri i mbrojtjes i Maqedonise, vura re se ai erdhi me nje veture mercedes (kogja e vjeter), mendoj se ishte diku e vitit 2000. Kurse tek ne per cdo vit qeveria blene vetura te reja prej fabrikes. Kjo me te vertete eshte teper.

Problemi nuk qendron tek Qeveria Jone e Kosoves e cila shpenzon para te majme per kesi lloj veturash lukzoze. Por problemi kryesor dhe i vetem qendron se vete populli ia mundeson kete lukzos ketyre njerezeve.

[cool_shqype]

po edhe ne Volks mund te hipin ose Reno te bera ne Kine......