Opinion: Ti, mor vëllaçko, harroje Shqipërinë natyrale

[projekti21_dk]

TI, MORE VËLLAÇKO, HARROJE SHQIPËRINË NATYRALE!?

Është titulli i opinionit, të cilin e sjell Fadil Lushi, bashkëpunëtori ynë i zellshëm

Shqipëria, të cilën nuk hezitojmë as kemi hezituar ndonjëherë ta quanim nëna jonë, me politikën aktuale ( në vijimësi tash 20 vjet ) po jep shembuj shumë të këqinj për politikëbërjen në gjithë trojet shqiptare ose siç thonë shkodranët “po i jep uji të keq” gjithë çështjes shqiptare – kombëtare. (redaksia R. “Projekti 21”)

Në vazhdim ndiqeni një opinion të bashkëpunëtorit tonë, Fadil Lushit që të shini si është demokracia shqiptare e cila u pa më 21 janarin e kobshëm të këtij viti.

[projekti21_dk]

TI, MORE VËLLAÇKO, HARROJE SHQIPËRINË NATYRALE!?

Nga, Fadil LUSHI

Në qoftë ky shkrim gazete pronë imja vetjake, përse atëherë të mos e personalizoj aq sa të mos i bezdis lexuesit e nderuar. Eh, sa më pëlqenin dikur fjalët e nënës sime, kur më thoshe: “Ti biri im, ki kujdes kur të trokasësh në derëmadh”! Kjo shprehje proverbiale edhe sot te populli ynë njihet si filozofi, etikë dhe si nam, që ka fituar një fis a një familje shqiptare, qoftë në Shqipëri, Kosovë, Maqedoni, Mal të Zi, Luginë, Çamëri a në mërgatë.

Në këtë shkrim gazete unë nuk do merrem me familjen shqiptare, përkundrazi do mëtoj ta “hulumtoj” moralin e familjes politike shqiptare, asaj përtej kufirit shqiptaro-shqiptar, gjegjësisht andej Shqipërisë politike, andej shtetit amë, politika e së cilës, ka kohë që ka kaluar në pronësi të një të vetmes parti politike!??.., një politikë me shumë politikanë që “i kanë hipur kalit pa samar”?

Po edhe në (mos) qoftë i vërtetë paragrafi i sipërpërmendur, përse atëherë unë të mos vazhdoj të llafos ato “produktet” e meselesë së 21 janarit, të asaj ndodhie të kryefjalës së “vatanit” tonë, në atë mesele ku dikush deshi të luajë “rolin” e Skënderbeut, kurse dikush tjetër atë të Aristotelit, madje ndonjë tjetër shqiptar të luajë “rolin” e shpëtimtarit të kombit, bile-bile shqiptari me celular në dorë e në vesh do të aktrojë edhe rolin e “Neronit shqiptar”? Gjithë këta të lartpërmendur ditën e 21 janarit, ashtu thjeshtë, do të bëjnë politikë klandestine, provinciale dhe qelbanike e inatçore. Kjo rrëmujë e madhe politike e Tiranës të datës 21 janar s’do mend se do ta zbehë imazhin edhe të shqiptarëve të Maqedonisë, Malit të Zi dhe në veçanti të shqiptarëve të Republikës së Kosovës.

Të gjithë protagonistët e kësaj katrahure ishin të “ndërgjegjshëm” këmbë e krye se nuk bëjnë punë të mirë, po megjithatë iu vërsulën institucioneve kushtetuese të shtetit. Për këtë dhe arsye të tjera, për meselenë e 21 janarit u shkruan një “mal” shkrimesh, analizash, opinionesh e komentesh, secili nga këndvështrimi i vet qoftë politik apo edhe gjeografik. Ca prej atyre shkrimeve ishin madje romantike, nihiliste, folklorike, shoviniste, irredentiste, por disa të tjera ishin racionale dhe “asnjanëse? Thjeshtë, kishte edhe komente krejtësisht me tarafe. Kjo katrahurë u komentua edhe nga ana bashkësive fetare. Ata që i takojnë konfesionit katolik, për njerëzit që ishin pjesëmarrës në këtë zallamahi, mëtuan ta përsërisin atë lutjen e njohur mëshiruese: “Fali, o Zot, se nuk dinë se çfarë bëjnë”! Në mos gabohem, kjo politikë shqiptare edhe pas 21 janarit, po vazhdon të udhëhiqet nga njerëz me emra të rremë dhe ata tani e tutje, duke akuzuar e duke fajësuar, po u vërsulen edhe institucioneve kushtetuese, siç janë institucioni i Presidencës dhe presidentit të shtetit, (z. Bamir Topi, përse ky i fundit, nuk i paskësh qortuar “bllokqenët e së majtës”, ose përse viktimat e një politikëbërje ters nuk i etiketoi si njerëz të paguar, të korruptuar dhe mafiozë..., përse presidenti i shtetit u ka dalë krah qytetarëve të traumatizuar nga varfëria dhe vdekja e të afërmve të tyre, atyre që dolën në rrugë të kërkojnë drejtësi dhe medet!?...), kryeministria dhe kryeministri (z. Sali Berisha, përse ky i fundit paskësh përdorur fjalorin denigrues dhe abuzues). Nuk po kursehet as institucioni i Shërbimit Informativ Shtetëror (me në krye Bahri Shaqirin, përse nuk i paska zbuluar me kohë “planet djallëzore” të lidershipit të Partisë Socialiste), po akuzohet edhe drejtori i përgjithshëm i policisë së shtetit, (Hysni Burgaj, përse i paska tejkaluar kompetencat ligjore), po të fajësohet e madje edhe po akuzohet edhe institucioni Komandant i Gardës, (Ndrea Prendi, përse paska urdhëruar të gjuajnë në demonstruesit a protestuesit), po sulmohet dhe po qortohet edhe institucioni i Parlamentit, (Jozefina Topalli, përse kësaj nuk i “durohet çallëmi”), po fajësohet edhe institucioni i Prokurorisë së Përgjithshme, (zonja Ina Rama, pa marrë parasysh se unë dhe Vetoni e kemi për zemër) po akuzohen edhe gazetarët e medieve të “pavarura”. Për pak më doli nga mendja edhe një “akuzë” e cila i dedikohet Ismail Kadaresë, (përse ky i fundit bëri një shkrim të vonuar kushtuar 21 janarit, një shkrim që ua mori pak anën socialistëve, me a pa taraf dhe përse nuk u duk në Tiranë, në vigjilje të 75-vjetorit të lindjes së tij!?).., apo pse (nuk) u “akuzua” akademik Rexhep Qosja për faktin se me shkrimin e tij për 21 janarin, kishte mëtuar të “fus hundë” në oborrin e politikës së Tiranës!? Në gjithë këtë tollovi parashtrohet pyetja se “sedra”e cilës figurë shqiptare ngeli e paprekur. Dhe, kështu siç perceptohen këto akuza, këto fajësime dhe këto “ndërhyrje” të kësaj politike, fiton përshtypjen se toptan politika zyrtare e Shqipërisë ka rënë në luftë me të gjitha institucionet kushtetuese të vendit, ndërkaq intelektualët e mirëfilltë dhe fukarenjtë do t’i akuzojnë kolltukët e kryeminderëve të partive politike dhe institucioneve kushtetuese të Shqipërisë, të cilët gjithmonë kanë prodhuar diktaturë.

Dhe pas krejt kësaj që u vu në pah, parashtrohet pyetja se a (nuk) u duhet politikanëve të Shqipërisë toka ku jetoj unë, ku jeton kosovari, toka ku jeton shqiptari i Luginës, i Malit të Zi, ose trualli ku jetojnë çamët? Po, nëse u duhen këto troje dhe nëse (nuk) është kështu, përse atëherë të mos themi se kjo politikë qoftë e pozitës a e opozitës shqiptare, është një politikë e mangët, një politikë shterpë, një politikë e qelbur..., prej brumit e të së cilës as furrtari më i mirë, sot nuk do të mund të gatuante as një “gurabije bajrami”? Mos vallë politikanëve shqiptarë të Shqipërisë sot e gjithë ditën e Perëndisë u duhet një ekspert (politik) nga jashtë sa i përket idesë për “krijimin” e Shqipërisë Natyrale, ky një nocion sa politik, gjeografik, human, natyror, po aq edhe logjik, gjithmonë për Koço Danajn dhe të tjerët që mendojnë si ai. Kohë më parë, ne e kemi thënë në ndonjë shkrim, pos tjerash, se “krijimi” i Shqipërisë Natyrale nuk do të varet nga asnjë shtet fqinjë i saj. Ajo do të varet thjesht nga politika institucionale e Tiranës! Dhe, pas gjithë asaj që ndodhi me 21 janar, një datë e mynxyrshme që nuk i “duhej” Shqipërisë, kjo ide e Koço Danajt dhe të tjerëve si ai, sot e gjithë ditën e Perëndisë do të fashitet, do të denigrohet, do të abuzohet dhe do të tjetërsohet, pavarësisht se bëhet fjalë për një nocion sa fisnik, po aq edhe popullor. Në instancë të fundit, ideja e “krijimit” të Shqipërisë Natyrale në kësi rrethanash politike, në veçanti në Tiranë, mbetet një mit, një gojëdhënë dhe një sajim politik, historik, gjeografik dhe ide e ballistëve që deri më 21 janar, konsiderohej si një realitet historik, një realitet i ri shqiptar në Gadishullin Ilirik, një realitet që duhej të gjallërohej në agimin e 100-vjetorit të krijimit të shtetit shqiptar. Andaj, ideja e ballistëve dhe themeluesve të Lidhjes së Parë dhe të Dytë të Prizrenit rreth “krijimit” të Shqipërisë Natyrale sot, nga ana e politikanëve të moderuar të Shqipërisë, lëre që do të abuzohet, por edhe do të “etiketohet” edhe si një gënjeshtër e radhës. Tekefundit, prej projektit derëmadh të Shqipërisë Natyrale, sot mund të “ndërtojmë një trinë prej thuprave të thanës”!??

Me një fjalë, ngjarjet e 21 janarit e reduktuan dhe e zbehën keqas idenë e bashkimit të trojeve shqiptare. Për këtë dhe për arsye të tjera, shqiptarët nuk janë të përgatitur ta ushtrojnë pushtetin e Shqipërisë Natyrale. Lexues të nderuar, përfytyroni sikur nesër në Parlamentin e gjithë shqiptarëve të frymojnë mbi 240 deputetë nga të gjitha trojet shqiptare, përfytyroni se si do dukej kuvendi (kushtimisht) i Shqipërisë Natyrale, sikur ato hapësira të frekuentoeshin edhe nga partitë politike siç janë: “BDI, PDSH, Demokracia e Re, PDK, LDK, AKR, AAK, “VETËVENDOSJA” si dhe nga ato të Luginës dhe Malit të Zi!?? Tekefundit, cili do të ishte gjykimi i opinionit gjithëshqiptarë, ndaj një “kuvendi gjithëkombëtar” siç unë e endërroj këtë. Në të përfunduar të këtij shkrimi, më duhet t’i referohem Zija Çelës, i cili ditë më parë, i ngarkuar me mllefin e meselesë së 21 janarit, atë thënien e njohur të krishterëve e kishte “përmbysur” duke e riformuluar: “MOS I FAL, O ZOT, SE E DINË ÇFARË BËJNË”? Me sa duket, këtë “lutje” mëshirëplotë ai u drejtoi politikanëve shqiptarë të Shqipërisë politike.

P.S.: Dikur kur unë isha adoleshent çapkën dhe, kur nuk e “duronja dajakun e tim atë”, kërkonja ndihmën e NËNËS sime. FATKEQËSISHT, SOT NUK E KAM DOT, ATY PRANË MEJE! Eh, sa mirë do të ishte po ta kisha..,do të luftonja me padrejtësinë e kraljit!?

[Brari]

bashk puntori yt i zellshem shoki fadil si gjithmone ne anen e zan caushit qose gjinushit e robert perlek paskal dule-asfal-lushit..

kur do behet ky kombetar..?

cfar pret..?

sille ne forum ta gdhendim kte shtaze..
tregoja videon me Bekimen..
shikoje dhe vete o proxhekti i 21-shit.

[fadil lushi]

i nderuar "BRARI". Më duhet të të parashtroj pyetjen se:Ç'të duhej ta lexosh këtë shkrim timin, pse ke humbë aq shumë kohë, kur nuk të hyn në mendje e në punë e gjithë kjo. Unë do pajtohesha të ma "gdhendni" me një kusht nëse je shqiptar, prezentohu me gjithë identitetin tënd (nëse disponon me një të tillë) e jo me nofka.

[ezel]

Nuk e di nese je vertet FADIL LUSHI , desha vetem te te pergezoj per temen dhe temat tjera qe lexoj neper gazeta, ju kisha sugjeruar te shkruani me shpesh dhe mu aty ku ju dhem atyre qe ju i kritikoni,

Me nderime

[projekti21_dk]

Nuk e di nese je vertet FADIL LUSHI , desha vetem te te pergezoj per temen dhe temat tjera qe lexoj neper gazeta, ju kisha sugjeruar te shkruani me shpesh dhe mu aty ku ju dhem atyre qe ju i kritikoni,

Me nderime

Prandaj disa forumistë këtu që tani duhet të nisin të mendojnë pak më ndryshe dhe mbi të gjitha të flasin për temën që hapet dhe jo për përsonin që e shkruan a poston.

Na shkoi moti me idole. Të jetojmë pak pa idole, besoj do të bindeni se do të keni një jetë shumë më të lehtë për ta jetuar dhe natyrisht do t'u kthehet gëzimi, hajreja.

[projekti21_dk]

Nuk e di nese je vertet FADIL LUSHI , desha vetem te te pergezoj per temen dhe temat tjera qe lexoj neper gazeta, ju kisha sugjeruar te shkruani me shpesh dhe mu aty ku ju dhem atyre qe ju i kritikoni,

Me nderime

po ezel ke të drejtë.
e them hapur ka disa gjëra që nuk më pëlqejnë te Fadili ( sidomos kur shkruan për temat që mua më dhemb ), por ajo që më ka lënë mbresë është se Fadili nuk është i njëanshëm: nuk e shikon a është në pyetje Hasani a Hyseni. Po gabove, Fadili është i pamëshirshëm.
Më pëlqejnë njerëzit e tillë që kanë indentitet dhe mbi të gjitha që kanë guximin.
Servilët i urrej!

[fadil lushi]

I nderuar Ezel, vërtetë unë jam Fadil Lushi..,të faleminderohem që ma kishe vlerësuar shkrimin. Në vijimësi bëj përpjekje të zbardh gjymtimet e politikës sonë ditore..,aq sa më mundëson takati im mental. Përshëndetje dhe shumë shëndet.

[Brari]

mir se erdhe or fadil lushi.. qe ke vec nje hall..
je gjithmon i merakosur per fatin e mirqenijen e bllokmenve te tiranes..
te siguroj se i ke mire e se i gezojne te gjitha te drejtat..
jetojne si perpara ne shpija te mira..kan me shumice valute.. kan plot avokater kur u lypen e kan biznese e kan pasosha e shkojn ku te dojn.. e se kur kan ndoj grip apo apendesit.. u vjen aeroplani te dera e drejt e ne klinikat ma te mira te botes.. ku vec sheiket mund te hyjne..
tash besoj u qetsove..

brari eshte tjeter brume..
brari ka dhimbje per bekimen qe e rrahen..
ka dhimbje per policet e masakrar..
ka dhimbje qe rojet e shtetit shqiptar jan ne biruca nen terrorin e hetuesve te nevzate ina rames se edvin bllokqenit polpotist..

sdi a mkupton or shoq..

un jam shqiptar dhe njeri..

ti me qosiqin vazhdoni te na i deshironi shqipnise.. 97 ta..


..

[Besoja]

Fadil!
Qosja bëri thirrje për përmbysjen e pushtetit me dhunë!
Si i përkthen ti fjalët e Qoses se "Edi Rama është gojtar por nuk di të marrë pushtet.Pushteti nuk merret me gojtari"!!!
Në këto momente Fadil,nuk duhet t'i hidhet zjarrit benzinë ashtu siç bëri Qosja!Ky e ndonjë tjetër,i bie që të mos jet fare shqiptar.
Më duket se "meraku" tënd është pse nuk vazhdoi 21 janari!Ndryshe nuk mund ta kuptoj se si ti mbron Qosen.Së paku në këtë rast!