Lesi: "Qeveri Kombetare te Integrimit"

[Brari]

Nikolla eshte nxehur...


ja cthot GSH

--------

Reagon kreu i demokristianëve: "Ja arsyet e vërteta"

Nikollë Lesi: Përse Berisha nuk më ftoi si kreu i PDK në tryezën e opozitës


--------------------------------------------------------------

"Nuk më bën Berisha me ftesat dhe tryezat e tij të ndjehem më pak ose më shumë opozitar. Janë rrethanat që po kalon vendi, kriza e thellë ekonomike, varfëria e njerëzve, që më motivojnë të mbetem oponent i këtij pushteti. Dhe kështu do të vazhdoj, paçka se Berisha do të bëjë tryeza të tjera ku mund të "harrojë" sërish të dërgojë ftesë". Kështu ka reaguar deputeti dhe kryetari i demokristianëve shqiptarë Nikollë Lesi, vetëm dy ditë pas takimit të partive opozitare ku ka rënë në sy mungesa e përfaqësuesve të PDK-së. Nuk ishte si zakonisht kryetari i kësaj partie, deputeti Nikollë Lesi. Berisha ka sqaruar ndërkaq se kjo mungesë kishte të bënte thjesht me një problem teknik. Mirëpo në PDK mendojnë ndryshe: "Argumenti i Berishës ngjan si një mall shumice që zor se do ta blejë njeri", thotë njëri prej bashkëpunëtorëve të afërt të Lesit.

Në PDK të thonë se Berisha nuk ka më asnjë arsye pse të trembet nga prania e kryedemokristianit dhe botuesit të njohur. "Qëndrimet e tij opozitare ka kohë që kanë lënë mbrapa aleatë të shquar e të vyer të Berishës, si Spahia, Rroqi, Mediu, apo Laço. Këta janë opozitarë të mezidukshëm, në krahasim me oponencën që Lesi i bën qeverisë dhe pushtetit në përgjithësi", shprehen bashkëpunëtorë të Lesit në këtë parti. Por përse atëherë Berisha do të ketë kërkuar ta shmangë? Përse nuk e ka respektuar ai atë që vetë e ka quajtur "aleanca hektike", në rastin e qëndrimeve disadimensionale të Lesit për shkak të opinionit që ai përpunon edhe në media, përpos qëndrimeve personale në Kuvend? Në PDK të thonë se ka shumë mundësi që Berisha të mos ketë nevojë për aleatë të këtij lloji. "Ai nuk ka nevojë për opozitarë potencialë, me të cilët vërtetë mund të gërryejë rrënjët e socialistëve. Berisha i vjetër dhe i ri, ka nevojë për ushtarë. Kësisoj, ai ushqen dhe ruan me qetësi ambicien e tij politike, të prijësit, paçka se jo në pushtet. Nëse ai do të ulet në tryezë me zotërinjtë, Rroqi, Mediu, Spahia, etj, do të provojë padyshim kënaqësinë e Njëshit. Të gjithë dëgjojnë dhe bien dakort. Por kjo atmosferë mund të prishet nëse në tryezë do të jetë edhe Lesi. Sepse në natyrën e tij, rezulton se ai ka edhe opsione të tjera përveç doktorit, edhe alternativa të ndryshme nga ai, gjithnjë opozitare. Por kjo do të rrezikonte të sillte eklipsimin e autoritetit të ish-Presidentit", shprehet ndërkohë një deputet i djathtë, i cili nuk preferon te identifikohet. Ndërsa në PD nuk kanë dashur të komentojnë mbi këtë çështje. "Difekti teknik" që ka përmendur doktori është një tabu që nuk e shkel dot asnjë nga demokratët. Nisur nga forca e Lesit, një pjestar i lartë i selisë rozë i ka propozuar kryetarit të PDK dje në drekë që "të kalosh me socialistët për të bashkëqeverisur si në Itali, para disa viteve, ku Xhulio Andreoti dhe Kraksi ishin në një koalicion disa vjecar".

[Redi]

Qekur Lesi qenka ne opozite me PS-ne?

Keta te ashtuquajtur opozitare duhet te mesojne me pare se cdo me thene te besh Opoziten pastaj te japin propozime konkrete.

Opozite nuk dmth ti besh opozite vete Opozites. Perpara se te merret me Berishen sic ka bere keto 10 vitet e fundit, ben mire te merret me Poziten socialiste dhe i ka te gjitha mundesite, pasi zoteron disa sektore te medias, eshte kryetar i nje partie politike dhe eshte deputet ne parlament.

[cipani]

Qeveria socialiste sot ,eshte si ajo goja ,e nje njeriu me dhembe te prishur,qe sa do ti lash ,qelbet era M..U..T nga larg,e nuk ka dentist me e mare persiper ta regulloje ,dentiste si puna Nanos po e bejne edhe me keq,tani nuk qelb vetem goja,por e gjithe koka.Dentisti i vetem qe ben derman tani eshte populli,te shkuli dhembet komplet e te laje gojen,pra TE NDROJE QEVERINE! ME mire vone se kure!!!??