LUTJE! - lexoni dhe lutuni

[Renea]

O All-llah, kërkoj falje për çdo mëkat...

Drejt të cilit eca me këmbën time...

E zgjata dorën time...

E pashë me syrin tim...

E dëgjova me veshin tim...

E shpreha me gjuhën time...

Që ishte shkak për shkatërrimin e riskut tim...

Pastaj të kërkova risk e megjithatë Ti më furnizove...

Pastaj furnizimin që më dhe' e përdora për të bërë mëkate...

E Ti, o All-llah, të gjitha mi mbulove...

Unë të kërkova edhe më tepër e Ti më pranove lutjen...

Dhe vazhdimisht më toleron dhe më jep të mira...

Vërtet, o All-llah, Tije më fisniku...

O All-llah, unë të kërkoj falje nga çdo e keqe...

Që e bëra në dritën e Diellit, apo në thellësinë e natës...

Para njerëzve, apo kur isha në vetmi...

Haptazi, apo fshehurazi...

E ti, o All-llah më shikon!

O All-llah, kërkoj falje për çdo detyrim...

Me të cilin me ngarkove gjatë natës, apo ditës...

E që unë e Lashë pas dore me ose pa qëllim...

Në harresë, ose për shkak të injorancës...

Kërkoj falje, o All-llah, për çdo Sunnet të Pejgamberit...

Shpëtimi dhe paqja qofshin mbi të...

Që e lashë nga neglizhenca, apo harresa...

Nga injoranca, apo pavëmendja...

Apo nga moskujdesi që tregova për të...

Kërkoj falje, o All-llah, dhe pendohem te Ti...

Nga ajo që Ti e urren...

Qoftë fjalë apo vepër... e dukshme apo e fshehtë...

AMIN

[Renea]

Ne emer te Allahut, meshiruesit, meshirberesit

1. O Allah, të lutem të më falësh për gjithë gabimet që kam bërë dhe vazhdoj të bëj. Ti je Mëshiruesi, të lutem më fal, dhe më ndihmo të rri larg nga gabimet. Unë jam kaq i dobët dhe Ti jë kaq i Fuqishëm. Të lutem më shto sinqeritetin.

2. O Allah, të lutem udhëzoji prindërit dhe motrat e mia në rrugën tënde e të mos vdesin pa e kuptuar se kush është Zoti. Lëri të shikojnë të vërtetën dhe ndihmoji ndaj presionit të miqve e shokëve që mundohen t'i largojnë ata nga Ty.

3. O Allah, të lutem udhëzoji komshinjtë e mi në rrugën tënde. Ata janë njerëz të mirë e të ndershëm dhe janë të mirë me ne. Ata asnjëherë nuk kanë folur keq për fenë tonë, të lutem udhëzoji ata në rrugë të drejtë.

4. O Allah, bëj që çdo aspekt i jetës sime të jetë për Ty dhe në shërbim të Krijimit Tënd. Dhe të lutem mi largo gjithë ato nijete false që i kam.

5. O Allah, shpëtoje njerëzimin nga armiku i vetvetes. Mbro krijimin Tënd nga opresioni dhe sill drejtësinë. Na mbro nga dhuna, frika dhe rreziku, Ti je Mbrojtësi ynë.

6. Ja Allah, më lër të të dua ashtu siç e meriton Ti, dhe më bëj të të kem frikë ashtu siç e meriton Ti, dhe të iki nga kjo botë duke i shërbyer krijimit Tënd vetëm për hir Tëndin.

7. Oh Allah, më shto diturinë, por le të jetë kjo dituri me sinqeritet dhe jo për të kërkuar famë, status, pasuri materiale. Le të shërbejë kjo dituri për çështjen Tënde në rrugën që Ti e pranon, dhe le të përfitojë njerizimi nga ajo.

8. Oh Allah, të lutem mi udhëzo fëmijët e mi dhe gjithë fëmijët. O Zot mbroji nga gjithë influencat e këqia që i rrethojnë. Jepu atyre shokë besimtarë dhe ndihmoji ata të rrinë në Rrugë të Drejtë (Siratul Mustekin).

9. Oh Allah, më udhëzo që të kërkoj dituri për Ty dhe këtë fe të bekuar (Islamin) nga njerëz që janë të sinqertë, që kanë dituri të saktë për Islamin.

10. Oh Allah, të lutem më ndihmo të rri larg nga Harrami në këtë botë.

11. Oh Allah, mos më lë të iki larg nga Ty, pavarësisht nga vështirësitë me të cilat Ti më teston. Le të shërbejnë këto vështirësi për të më bërë Musliman më të fortë dhe më të sinqertë.

12. Oh Allah, bekoji dijetarët dhe liderët që mundohen ta vënë Islamin në rrugën e balancuar të Profetit tonë të dashur.

13. Oh Allah, bekoji të gjithë ata që më kanë dhënë mua mësim për Ty dhe për Islamin.

14. Oh Allah, më jep mundësi që t'i fali të gjithë ata që më kanë lënduar me fjalët apo veprat e tyre. Të lutem O Allah na i bashko zemrat.

15. Oh Allah, të lutem më ndihmo t'i shlyej borxhet (nëse ke kuptohet). Më jep mundësira që janë Hallall që të dal sa më shpejt nga borxhi, e kështu të vij para Teje në Ditën e Gjykimit pa asnjë borxh.

16. Oh Allah, hapja rrugën djalit/vajzës time që të martohet sa më shpejt. Le të martohet me një vajzë/djalë që është i sinqertë dhe i devotshëm ndaj Teje, si dhe të jenë të përshtatshëm për njëri-tjetrin.

17. Oh Allah, të lutem t'i dhurosh shokut tim --- dhe gruas së tij --- fëmijë të shëndetshëm. Ata dëshirojnë kaq shumë të kenë fëmijë dhe inshaAllaj ata do të jenë prindër të mirë.

18. Oh Allah, ndihmoji jetimët dhe të varfërit kudo ku janë. Më jep mundësi të bëj sa të mundem për ta.

19. Oh Allah, udhëzoji dhe mbroji të rinjtë tanë nga droga, alkooli, si dhe të gjitha Harramet që ekzistojnë në shoqërinë tonë.

20. Oh Allah, ma pastro zemrën nga sëmundja e arrogancës dhe krenarisë, dhe le të vdesë si një Musliman i sinqertë dhe i përulur.

21. Oh Allah, unë kam qenë kaq i padurueshëm dhe nevrik në sjelljen time, të lutem më jep durim dhe më ndihmo të kontrolloj nervikosjen/zemërimin.

22. Oh Allah, ma hap rrugën që të shkoj në Haxh sa më shpejt të jetë e mundur, e kështu të plotësoj detymin tim ndaj Teje.

23. Oh Allah, hiqe perden nga sytë e atyre që janë mashtruar dhe e shohin Islamin si diçka të keqe nga injoranca e tyre ose nga stereotipizimi i mediave.

24. Oh Allah, silli gjithë njerëzit më afër Teje dhe më afër njeri-tjetrit.

25. Oh Allah, më ndihmo të ndaloj zakonin tim të keq të të ngrënit e tepërt/ të folurit e tepërt/ pirjen e duhanit, etj.

Le të shërbejnë këto Dua vetëm si udhëzim. Ju mund t'i ndryshoni apo të shkruani të tjera Dua për vete. Qëllimi është që të fillojmë të komunikojmë me Zotin direkt, me stilin tonë, me gjuhën tonë.

E vërtetë është: Allahu e di për çfarë ju keni nevojë. Por Atij i pëlqen të dëgjojë nga ju. Kujto hadithin: Ebu Hurejra transmeton se Profeti (as) ka thënë: "Allahu është i mërzitur me ata që nuk i kërkojnë Atij asgjë."

[i humburi]

ALLAH u te shperblefte......

po c do me thane SHM? mos duhet MSH? shpirti apo trupi? apo ne unitet? po cila perparesi......?ma bo hallall!!!!!!100 her

[ramazan_it]

All-llahu s.v.t., të shpërbleftë Renea për këtë temë shumë të dobishme dhe lus All-llahun që ti pranojë lutjet tua dhe lutjet e të gjithë besimtarëve miusliman.

Deshta të kontriboj edhe unë diçka për këtë temë me disa lutje:


" O Zot më fal, mos më ler, sepse nuk kam askënd tjetër pos Teje, e edhe nëse ma mbyll derën, do të qëndroj para saj, sepse unë kam mendim të mire për Ty (shpresoj) se Ti do të ma hapësh atë mua dhe se do kënaqesh me mua dhe se do më pranosh, nëse nuk je i hidhëruar me mua, nuk mërzitem për gjë tjetër "

E më mirë se kjo është që të lutesh me atë që është transmetuar nga Pejgamberi s.a.v.a.:

" Nuk ka të adhuruar tjetër përveç Teje, unë i kam bërë padrejtësi vetes, mi fal mëkatet, sepse mëkatet nuk i fal askush përveç Teje "



“Kur njerëzit grumbullojnë ar dhe argjend, ju grumbulloni këto fjalë:

“ Allahu im, prej Teje kërkoj të më stabilizosh në këtë çështje ( fe ) dhe të më bësh të vendosur në udhëzim. Prej Teje kërkoj të më bësh prej atyre që i falënderojnë begatitë Tua dhe të adhurojnë mirë. Prej Teje kërkoj të më japësh zemër të shëndoshë dhe gjuhë që e thotë të vërtetën. Prej Teje kërkoj të më japësh nga të mirat që Ti i di dhe kërkoj strehim te Ti nga të këqijat që Ti i di dhe kërkoj falje prej Teje nga ato që Ti i di, sepse Ti je Ai që e di të fshehtën ”. ( shiko: “ Es-Sahiha ”, nr. 3228 ).



" O All-llah, na jep një pjesë devotshmërie ndaj Teje që të na shërbejë si ndihmë midis nesh dhe mekateve tona.
Na jep një pjesëz bindjeje ndaj Teje që të na bëjë të hyjmë në xhennetin Tënd dhe një pjesëz imani që i bën fatkeqësitë e kësaj bote të na duken të lehta.
Na bëj të shijojmë bekimet e dëgjimit, shikimit dhe fuqisë sonë për sa kohë të na dhurosh jetë.
Mos na e nis fatkeqësinë në dinin ( fenë ) tonë, mos e bëj dunjanë vendin tonë me të shtrejtë e as qëllimin e dijes tonë, mos u dhuro sundimin mbi ne atyre që nuk kanë mëshirë.O All-llah, ti padyshim je Falës, Ti e do faljen ndaj me fal mua".



Imam Ibën Kajimi, rahimehullah, thotë: “ Dashuria është një gradë për të cilën bëjnë gara garuesit, atë e synojnë aktivistët, për këtë gjë janë përpjekur njerëzit e përparshëm, për këtë gjë digjen të dashuruarit, me këtë gjë kënaqet shpirti i adhuruesve. Është ushqim i zemrës dhe shpirtit dhe kënaqësi e syrit. Është jeta, ai që privohet nga kjo le të radhitet në mesin e të vdekurve, është drita, ai i cili privohet prej saj është brenda errësirave të mëdha, është shërimi, ai i cili privohet nga kjo zemrën ia godasin të gjitha sëmundjet, është kënaqësia, ai i cili nuk e fiton këtë gjë, e tërë jeta e tij është brenga dhe dhimbje. Pasha All-llahun, ata që kanë dashuri kanë fituar nderin e dynjasë dhe ahiretit, sepse ata kanë hisen më të madhe në shoqërinë e Atij që e duan”.



Esselm alejkum.

[ramazan_it]

Unë jam afër, u përgjigjem lutjeve të lutësit

Thirrja e Kuranit për lutje dhe nxitja për të është cekur në shumë vende në Kuran, ndër to përzgjedhim fjalët e Allahut të Lartësuar, që thotë:

"Kur robërit e Mi (besimtarë) të pyesin për Mua, (thuaju se) Unë jam afër, i përgjigjem lutjeve të lutësit, kur ai më lutet Mua." (Bekare: 186)

Gjithashtu thotë:

"Zoti juaj ka thënë: “Lutmuni Mua, se do t’ju përgjigjem!" (Gafir, 60), dhe ajete të tjera që bëjnë thirrje për lutje. Lutja nga aspekti gjuhësor nënkupton kërkesën e robit drejtuar Allahut për nevojat e tij, ndërsa nga aspekti terminologjik (fetar) ka disa kuptime, prej të cilave është edhe adhurimi. Me këtë kuptim është komentuar fjala e Allahut të Lartësuar:

“Lutmuni Mua, se do t’ju përgjigjem!", më adhuroni Mua dhe jini të sinqertë në adhurimin Tim.

Transmetohet nga Thabiti, i cili thotë se i thashë Enesit, Allahu qoftë i kënaqur prej tij: "O Ebu Hamza! A të është përcjellë se lutja (duaja) është gjysma e adhurimit?" U përgjigj: "Jo, por duaja (lutja) është i tërë adhurimi".

Nëse lutja është adhurim ashtu siç është përmendur në hadith, atëherë adhurimi (ibadeti) gjithashtu është lutje, ngase nuk ka adhurim pa lutje. Mirëpo ajo që dëshirojmë të trajtojmë në këtë shkrim është rëndësia e lutjes nga aspekti i saj primar dhe gjuhësor dhe me këtë nënkuptojmë të drejtuarit e robërve drejt Allahut të Lartësuar duke kërkuar plotësimin e nevojave dhe largimin e brengave. Kjo është një çështje pothuajse e harruar në mesin e muslimanëve me gjithë rekomandimin e sheriatit për të dhe nevojën e madhe të muslimanëve për të.

Nga mirësia dhe bujaria e Allahut të Lartësuar është se dëshiron që robërit e Tij t'i luten Atij dhe ua ka garantuar përgjigjen. Në hadith thuhet:

“Zoti juaj është i Turpshëm, Fisnik, turpërohet prej robit të Vet që kur i ngre duart, t'ia kthejë të zbrazëta.” Shënon Ahmedi.

Prandaj nga muslimani kërkohet t'i drejtohet Allahut të Lartësuar me lutje – pas bërjes së shkaqeve – dhe t'i kërkojë Atij ndihmë në çdo situatë, kur është në vështirësi dhe lehtësi. I Dërguari i Allahut, lavdërimi dhe paqja e Allahut qoftë mbi të, thotë:

"Çdo musliman që i lutet Allahut të Lartësuar e nuk lutet për mëkat ose ndërprerje të lidhjeve me farefisin, Allahu ia jep njërën prej tri gjërave: i përgjigjet lutjes së tij ose ia rezervon për në botën tjetër ose e mbron nga një e keqe." Thanë: "Atëherë ta shtojmë lutjen." I Dërguari tha: "Allahu i Lartësuar atëherë edhe më shumë jep." Shënon Ahmedi.

Lutësi mund të pyesë, përse ne i drejtojmë lutjet tona e ato nuk na pranohen? Për t'iu përgjigjur kësaj pyetjeje përzgjedhim përgjigjen e komentuesit të Kuranit Kurtubiut, Allahu e mëshiroftë, i cili kësaj problematike iu përgjigjet duke thënë: "Përgjigjja është të dihet fakti se fjala e Allahut të Lartësuar në dy ajetet "i përgjigjem", dhe "do t’ju përgjigjem!", nuk nënkupton përgjigjen absolute për çdo lutës dhe për çdo lutje. Allahu i Lartësuar në një ajet tjetër thotë:

"Lutjuni Zotit tuaj përulshëm dhe ngadalë! Njëmend, Ai nuk i do ata që e kalojnë kufirin." (Araf, 55).

Çdo këmbëngulës në mëkat, qoftë me dije apo pa të, është prej atyre që e kalojnë kufirin, ndërkaq Allahu ka lajmëruar se Ai nuk i do ata që e kalojnë kufirin, e si pra t'i përgjigjet atij? Ndërsa llojet e kalimit të kufirit janë të shumta.

Pastaj gjithashtu themi se përgjigjja e Allahut është e ndërlidhur me Vullnetin e Tij, i përgjigjet kujt të dojë nga robërit e Tij dhe i refuzon përgjigjen kujt të dojë për ndonjë urtësi që e do Ai. Këtë e argumenton edhe fjala e Allahut të Lartësuar:

"Nëse do të dojë, Ai do t’ju shpëtojë nga ajo për të cilën e thërrisnit." (Enam, 41).

Nëse na bëhet e qartë kjo, atëherë patjetër duhet të themi se pranimin e lutjes e pengojnë disa pengesa të cilave duhet t'u kushtohet rëndësi e madhe. Përgjithësisht ato janë kryerja e çdo gjëje që nuk e kënaq Allahun e Lartësuar, si ngrënia e pasurisë së ndaluar e të ngjashme me këto. I Dërguari i Allahut, lavdërimi dhe paqja e Allahut qoftë mbi të, ka përmendur "...një njeri që kishte udhëtuar gjatë, i pluhurosur dhe i rraskapitur, i cili ngriti duart në qiell duke thënë:

"O Zot, o Zot! Mirëpo ushqimi i tij është haram, pija e tij është haram, veshja e tij është haram, është ngopur me haram. E si mund t'i përgjigjet këtij?!"

Për përgjigje të lutjes patjetër duhet të plotësohen kushte te lutësi, te lutja dhe te çështja për të cilën lutet.

Prej kushteve të lutësit ndër të tjera janë edhe këto: që lutësi të jetë i vetëdijshëm se askush tjetër përveç Allahut nuk ka mundësi t'i plotësojë nevojat, të lutet me nijet të sinqertë dhe me përkushtim, sepse Allahu nuk i përgjigjet lutjes së një lutësi me zemër të shkujdesur e të pavëmendshme, të largohet nga ngrënia e haramit, mos t'i humbasë shpresat në pranimin e lutjes dhe kushte të tjera të cilat i kanë përmendur dijetarët.

Ajo për të cilën dëshirojmë të konstatojmë nga sa u tha më sipër është fakti se çështja e lutjes në jetën e muslimanit nuk duhet të neglizhohet dhe muslimani nuk duhet ta privojë veten nga kjo mirësi e madhe të cilën ia ka falur Allahu. Muslimani duhet të tregohet i etur dhe i gatshëm për mirësi. A nuk thotë i Dërguari i Allahut:

"Dhe kujdesu për atë që të sjell dobi".

Medito rreth thënies së të Dërguarit kujdesu, në mënyrë që të të sqarohet vlera e këtij udhëzimi profetik.

Pa dyshim se e tërë dobia qëndron te lutja, veçanërisht kur i plotëson kushtet. Këtë që e thamë e vërteton mbarimi i dy ajeteve që i përmendëm, ai i sures el Bekare, "për të qenë në rrugë të drejtë", dhe ajeti i sures el Gafir "ata që tregohen mendjemëdhenj e nuk duan të Më adhurojnë, do të hyjnë në xhehenem të poshtëruar.”




Përgatiti: Almedin Ejupi
25.10.2009