Klubi per Politike te Jashtme (KLJ) i Veton Surroit tenton ta destabilizoj Kosoven.

[Gogi]

Dështimi i rebelimit
Klubi për Politikë të Jashtme ka provuar të organizojë demonstrata kundër institucioneve të Kosovës. Zyrtarë të KPJ’së nuk e mohojnë se një nga qëllimet ka qenë edhe rrëzimi i pushtetit. Ata hartuan edhe Planin e Veprimit. Kishte koordinim edhe me opozitën. Por, Plani u refuzua nga shumica e OJQ’ve. Hashim Thaçi tha se pushteti nuk mund të merret me dhunë, e as të uzurpohet.

Nga Bekim Greiçevci & Valmir Klaiqi më 14 mars 2011 në ora 09:39
Klubi për Politikë të Jashtme (KPJ) i Veton Surroit përveç si kritikues i ashpër ndaj pushtetit në Kosovë, javëve të fundit ka hartuar plane konkrete për demonstrata që, si qëllim final, do të kishin edhe rrëzimin e koalicionit qeverisës.

Pas një diskutimi joformal mes pjesëtarëve të KPJ’së dhe disa OJQ’ve, më 3 mars është mbajtur një takim i përfaqësuesve të disa OJQ’ve. Takimi është ftuar nga Hajrulla Çeku, hulumtues në Klubin për Politikë të Jashtme dhe është mbajtur në zyrat e Fondacionit Kosovar për Shoqëri Civile (KSCF) në Prishtinë.

Menjëherë pas takimit, Çeku nëpërmjet një e-maili u dërgon dhjetëra OJQ’ve një Plan të Veprimit, në të cilin janë propozuar hollësisht hapat që duhet ndërmarrë shoqëria civile “për shprehjen e organizuar të pakënaqësisë dhe mospajtimit qytetar me zhvillimet e fundit politike, të cilat e shkelin vullnetin qytetar dhe kushtetutën e vendit”.

Në bazë të një komunikimi me e-mail dhe dokumentit të quajtur Plani i Veprimit, të cilat i ka siguruar gazeta Express, mund të kuptohet se plani është hartuar në Klubin për Politikë të Jashtme dhe u është servuar si i gatshëm OJQ’ve dhe individëve tjerë.
Me plan ishin paraparë hollësisht aktivitetet që është dashur të fillojnë më 7 mars. Gjithçka do të përfundonte më 20 mars, me Protestën e Madhe para Qeverisë.

“Gjatë fushatës, organizatat e involvuara do të ndërmarrin veprimet e mëposhtme, por nuk do të kufizohen vetëm me to: protesta ditore, shkrime në gazeta, deklarata të përbashkëta publike, konferenca për media, dekonstruktim i ngjarjeve, takime mobilizuese me OJQ-të nëpër komuna të tjera, takime mobilizuese me sindikatat e punës, takime mobilizuese me studentët, performansa artistike, debate televizive, grupi në Facebook, posterët dhe fllajerët, protesta e madhe”, thuhet në preambulën e Planit të Veprimit që mban titullin “Fushatë e shoqërisë civile për integritet të institucioneve shtetërore”.

Mediumi i parë që e ka botuar këtë plan është portali qendra.info, të shtunën.
Por, shumica e OJQ’ve nuk iu përgjigjen ftesës së KPJ’së, ndërkaq ato pak OJQ që morën pjesë nuk u bindën që të bëhen pjesë e Planit të Klubit që, pa u konsultuar me ta, ua kishte përcaktuar rolet dhe detyrat, hollësisht.

Për këtë nismë kundër institucioneve të Kosovës ka pasur konsultime dhe koordinim edhe me parti opozitare. Kjo mund të kuptohet qartë nga e-maili i Ramadan Ilazit, i Lëvizjes FOL. Ilazi fillimisht refuzon pjesëmarrjen e OJQ’së së tij në demonstrata, por ai tregon se kur është debatuar për nismën për demonstrata, është përmendur edhe një bashkërendim dhe koordinim me parti politike.

“Ne mendojmë se aktivitetet e shoqërisë civile, sidomos kur organizohen në koalicion, nuk duhet të bashkërendohen dhe koordinohen me partitë politike, sepse kjo rrezikon të dëmtojë kredibilitetin e çfarëdo nisme që mund pastaj të quhet e shoqërisë civile”, shkruan Ramadan Ilazi në e-mailin e tij, më 7 mars.

Nga iniciativa e KPJ’së tërhiqet edhe organizata joqeveritare “Syri i Vizionit”.
Mungesa e përkrahjes nga shoqëria civile detyron Klubin për Politikë të Jashtme që të pranojë dështimin e nismës për demonstrata dhe fushatë kundër institucioneve.
Kjo konfirmohet në e-mailin e hulumtuesit të KPJ’së, Hajrulla Çeku, i shkruar më 7 mars, ditën kur ishte planifikuar të nisë zbatimi i planit.

“Pas takimit të sotëm ku morën pjesë një numër i vogël i organizatave, si dhe pas deklarimeve të disa organizatave të tjera përmes e-mailit, mendojmë se duhet te tërhiqet propozimi për veprimin e shoqërisë civile në bazë të planit të veprimit që u qarkullua ditëve të fundit brenda këtij grupi të organizatave. Arsyeja kryesore është mungesa e energjisë së domosdoshme brenda këtij grupi të organizatave për të reaguar dhe vepruar ndaj dëmtimit të integritetit të institucioneve shtetërore të Kosovës dhe jo vetëm”.

Çeku shpreh mospajtim për vendimin refuzues të kolegëve të tij nga shoqëria civile.
“Ne në KPJ mendojmë që detyra primare e shoqërisë civile është mbrojtja e parimësisë dhe interesit publik, e sidomos në rastet kur ka shkelje brutale të parimeve të demokracisë (e këtë parim OJQ-të e kanë të kodifikuar në misionet e tyre). Për më tepër, besojmë që veprimtaria e OJQ-ve nuk duhet të orientohet kah sigurimi i balanceve politike, ngase ky balancim do të nënkuptojë anësi politike dhe jo e kundërta”, shkruan ai.

E-maili i pjesëtarit të KPJ’së përfundon në mënyrë ironike.

“Ju urojmë të gjithë të mirat në shijimin e privilegjeve, rehatisë dhe të mirave të tjera që mund të ju sjellë veprimtaria në kuadër të shoqërisë civile”.

Qëllimi final

Hajrulla Çeku, hulumtues në Klubin për Politikë të Jashtme, ka konfirmuar të dielën për Express se ai është ndër iniciatorët dhe autorët kryesorë në KPJ, që hartoi Planin e Veprimit.

“Dokumenti në fjalë është një draft, i cili është në përpunim. Nuk ka qenë kurrfarë dokumenti i finalizuar rreth të cilit janë marrë vesh organizatat. Ka qenë një draft të cilin e kam dërguar unë me e-mailin tim, në një numër të madh të organizatave. Aty, në atë dokument, ku përmenden emrat e disa individëve e organizatave, kanë qenë propozime që kanë dalë gjatë hartimit të planit nga disa organizata. Aty ka njerëz që nuk janë konsultuar ende, sepse nuk kemi mbërritur ende në atë fazën e implementimit të planit, sepse diskutimet vazhdojnë”, tha Çeku.

“Kjo nuk është iniciativë e një organizate, por dikush është dashur ta shkruaj atë plan të veprimit dhe atë e kemi shkruar ne, gjegjësisht unë dhe pastaj është plotësuar”, ka shtuar ai.

Çeku është hartuesi i planit, por thotë se ka përfshirë edhe idetë e të tjerëve, të cilët nuk i përmend me emër.

“Një prej atyre që janë të involvuar për me e shty vullnetshëm këtë punë përpara është Klubi për Politikë të Jashtme. Fakti që unë e kam dërguar e-mailin, nuk më klasifikon automatikisht si iniciator të idesë së të tjerëve, sepse aty ka ide të të tjerëve. Por në këtë nivel të planit të veprimit, atë e kam bërë unë”, ka thënë ai.

Zyrtari i KPJ’së thotë se plani nuk është diçka e pazakonshme, sepse “këto janë lëvizje normale që i bën shoqëria civile”.

I pyetur se a është qëllimi final i Planit edhe rrëzimi i institucioneve, Çeku u përgjigj: “Paj, nëse në një moment evidentohet që integriteti, ta zëmë, i institucionit të Presidentit është dëmtuar deri në atë nivel, që duhet me u rizgjedhë Presidenti, po, edhe ajo kish me qenë njëra prej kërkesave. Por edhe për zgjedhje të jashtëzakonshme. Edhe për këtë opsion jemi të hapur. Por, nuk kemi mbërritur në atë fazë të konkretizimeve, sepse plani ende nuk është miratuar. Ai është ende i hapur për diskutim”.

Pushteti nuk merret me dhunë

Kryeministri Hashim Thaçi tha të mos jetë në dijeni për planin e KPJ’së, por theksoi se askush nuk duhet të pretendojë të marrë pushtetin me dhunë, sepse këtë nuk do ta lejonte populli i Kosovës. Ai i bëri këto komente në Aeroportin ‘Adem Jashari’, të dielën, pak para nisjes për një vizitë në Turqi.

“Unë nuk jam në dijeni, por jam në favor të kultivimit të ideve, projekteve, alternativave dhe fuqizimit të institucioneve legjitime të Kosovës, prandaj qytetarët i kanë zgjedhur institucionet me vullnetin e tyre, edhe Qeverinë, edhe të gjitha institucionet. Natyrisht, edhe partitë opozitare. Vullneti i qytetarëve duhet të respektohet nga të gjithë, prandaj duhet të respektohet legjitimiteti dhe assesi të pretendojë ndokush përmes dhunës të uzurpojë apo të marrë pushtet. Diçka të tillë nuk pranon populli i Kosovës dhe as bota demokratike”, ka thënë Thaçi.

Ai deklaroi se demokracia i ka rregullat e veta të pjesëmarrjes në proces dhe besimit nga elektorati, nga qytetarët dhe jo të rrënimit apo pretendimit të dhunës ndaj institucioneve. “Diçka të tillë, qytetari i Kosovës nuk ka pranuar kurrë dhe nuk do ta pranojë as në të ardhmen, nuk do ta pranojë as bota demokratike, as Shtetet e Bashkuara të Amerikës, as Bashkimi Evropian”.

Ai shtoi se nuk është mirë që shembuj të përcjellë në vendet përreth Kosovës, të barten në Prishtinë. “Dhe, diçka të tillë jam i bindur që qytetarët e Kosovës nuk do të lejojnë të ndodhë”, ka theksuar Thaçi.

Burimi: gazetaexpress.com

[Gogi]

Mbetet qe te shihet ne ditet ne vijim, mirepo kjo inicitative ka pasur si qellim organizimin e protestave ne mbar Kosoven dhe ne fund rrezimin e pushtetit.

Une nuk po du ta quaj tentim grusht shtet, mirepo nuk po mundem qe ta kuptoj thelbin e ketij motivi te ketyre njerzve ..!

[Gogi]

Kerkoj qe tema te mbyllet pasi qe e njejta vec po ekzistojka.

[Kosovelli]

OJQ & shoqëri civile gjithë së bashku 0.000001 % të popullsisë pajtohuni edhe ju si opozita e tanishme me fatin. Të mirë e të këqinjë këtë koalicion qeveritar, Qeveri dhe President e fituam nga zgjedhjet e fundit. Populli me vota të veta vendosi kështu. Të gjallë e të vdekur, të gjithë ata qka kanë votuar u arrit ky koalicion, se tjetër opcion nuk kishte për shkak të injorancës, inatit, gjelozisë, katil´llakut e budallakut të partive tjera. Nëse dikush duhet kritikuar e kundërshtuar është populli, por populli rrallë gabon. OJQ e opozitë merrni mësim nga Shqipëria, ku PS-ja me OJQ që nga viti 2008 ankohet, bojkoton, kundershton e saboton me të gjitha mënyrat e rregullta dhe të parregullta Qeverinë e të madhit Sali Berisha, por kot. Në fund u fajtuan me fatin dhe pranuan me marr pjesë në zgjedhje lokale dhe me prit për zgjedhje të pergjithshme vitin e ardhshëm.

[gjema]

vetonin e urrej me mish e me shpyrt si person si figur edhe veprimet e tina, mirpo kjo tem qe po diskutohet dhe ajo qe po quhet komplot ndaj institucioneve un do thoja eshte e kordinuar mes qeveris edhe klubit, per te larguar vemendjen nga bisedimet dua te kujtoj se vetoni edhe hashimi kogja mir e kan pas que bile gazeta e tina koha ditore ka qen adresa e hashimit per propagand, megjithat edhe nese ka qen ashtu ata nuk benin thirrje per revulucion por per protest kunder shkeljes se kushtetutes dhe procedurave ligjore, un nuk muj me besu se si mund dikush te mendoj me ba grusht shteti kur ne ks eshte prezent nato nepermjet kforit eshte e pa imagjinushme

[gjema]

duke marr parasysh se bisedimet kan deshtuar qysh ne start, qeveria jon tash e ka kuptuar se nga to ks vetem humb kurse serbia ne qdo rast fiton, koj edhe u vertetua me kerkesen e GRUPIT NDERKOMBETAR TE KRIZAVE qe ne te marrin pjes mes tjerash edhe SHBA per autonomi te veriut ku hyn komunat leposavic zvecan zubin potok dhe mitrovica andej ibrit, tash qeveria jon e ka pa se serbia nuk ka ndryshu dhe nuk ndryshon pa marr parasysh kush eshte ne pushtet tadici nuk e ka forcen e miloshevicit se edhe me keq do ta bente ne ks, pas ketyre deshtimeve qeveria duhet te bie

[Llapi]

Argatet e djallit bene llogarine pa hanxhiun.


U kapen dore ne dore ne vallen e luciferit:politikane te opozites , perfaqesues te shoqerise civile,analiste e publiciste,gazetare e forumiste te paguar e te dirigjuar nga qarqet antishqiptare vendore e nderkombetare. mbeturina titiste e rankoviqiste.Te gjithe si korbat e hijenat me krrokame e kercnime,me shpifje ,intriga e genjeshtra u versulen mbi njeriun nr 1 te UÇK-se ,duke akuzuar per te gjitha ate dhe shoket e tij thuase ai ishte fajtori kryesor per vuajtjet e shqiptareve qe nga koha e Skenderbeut e deri sot.
U bashkun ne kete valle te hijenave njerze te profesioneve dhe profileve te ndryshme,u vune ne sherbim te Unmikut,Euleksit,Dik Martit e Serbise ,dhe te djallit vete per ta rrexuar qeverine e pare te shtetit te pavarur te Kosoves.
Nuk lane metode dhe mjet pa perdore per ta demonizuar dhe demkosur Rhaqin dhe PDK-ne.Nuk pyeten fare per qmimin qe duhej ta paguaj populli i Kosoves. Ndersyen me shpifjet e tyre prokurore e europarlamentare mbi qlirimtaret .Perdoren bllaca e marta per ta baltosur luften dhe luftetaret qe sollen lirine.

Jo me Thaqin .Jo me PDK-ne ulurisnin ne korin e korbave Isa,Albini,Gjini,
Te gjithe kunder Thaqit e PDK-se :Por i mundi Thaqi dhe PDK-ja qe te gjithe ata qe u perpoqen te bllokojne formimin e institucioneve te Kosoves,Ata te cilet per te realizuar qellimet e tyre apo direktivat e padroneve te tyre u perpoqen te prishin zgjedhjet dhe ta fusin Koosven ne spiralen e rratheve te ferrit per te cilen angazhoheshin Serbia dhe Rusia.

Nuk hesituan keta argatet e djallit te sakrifikonin edhe lirine dhe pavarseine e Kosoves se ndryshe nuk mund te kuptohet bojkotimi dhe skjellja e tyre para ,gjate dhe pas zgjedhjeve.

Harruan keta mjerane te shitur se nuk jane ata dhe padronet e tyre ata qe vendosin fatin e Kosoves ,por mbi te gjitha eshte sivrani ,eshte nje popull i shumvuajtur dhe i regjur dhe i pjekur nga zullumi i armiqeve dhe trathetareve .Nje populli i cili lau ne shekuj me gjakun e me te mireve secilen pellembe te kesaj toke martire per te perzene definitivisht hordhite serboqetnike nga keto troje. Eshte populli ai qe gjykon se kush do ti prije dhe ky popull tani e ka kuptuar kush jane bijte e tij te vertete dhe kush jane argatet e djallit te shitur tek te huajt dhe ky popull tani dine ti identifikoje argatet e huaj pa marre parasysh cilin kostum apo maske veshin.

Te deshpruar dhe frustruar nga deshtimi kjo kaste argatesh te djallit dhe mendja e tyre e semuar shkoi aq large sa u perpoqen ta shendrrojne Kosoven ne Tunizi,Egjipt a Libi .O Zot sa large shkon imagjinata dhe ambicja e semuar e ketyre njerzeve sa te te shkatrrojne gjithe ate qe u fitua me gjakun dhe sakrificen biblike te tere nje populli qe u masakrua,deportua e shkattruua para syve te tere botes.

Te qofsha fale ore populli im ,njerzit e thjeshte te Kosoves.Ju jeni ata qe i detyruat argatet e djallit te terhiqen me bisht nen kembe.Bene llogarine pa sovranin keta djaje ne krye me njeriun e krapines te cilit populli i dha kartonin e kuq ne zgjedhjet e vitit 2007.Populli u dha kartonin e kuq edhe gjithe ketyre argateve te djallit te cilet neqoftese vazhdojne me veprime te tilla populli do tu jep ate qe meritojne dhe marrin trathetaret e atdheut kudo ne bote.

Une sot jam krenare dhe me optimist se kurre per ardhmerine e Kosoves dhe kombit shqiptar.Populli im nuk mashtrohet nga matrapazet dhe zagaret e huaj por ua tregoj vendin fundrrinave te cilet u perpoqen te permbysin frytet dhe vlerat e gjakut martir te bijeve dhe bijave me mira te tij.

PS. Edhepse kam ndjere kundermimin e lajthitjes dhe trathetise nuk kam mundur te marre me mend se shqiptaret mund te shkojne aq large sa te shkelin mbi gjakun dhe lirine e atdheut te tyre per interesa te tyre dhe te padroneve,madje edhe me qmimin e kthimit ne erresiren e se kaluares.
huazuar nga forumi kosova.de

[Llapi]

Si u përgatit dhe si dështoi plani për rebelim i komplotistëve të Veton Surroit?
Teuta Rexhepi
Nuk është hera e parë që Surroi bën thirrje për padëgjueshmëri institucionale, megjithëse kësaj here nuk mund të thuhet se ka gabuar sikurse 15 vjet më parë, më 1996, kur kishte bërë thirrje për padëgjueshmëri ndaj institucioneve të Republikës së Kosovës, për braktisjen e tyre dhe pranimin e institucioneve të Serbisë.

Plani i Veton Surroit për një padëgjueshmëri institucionale nga shoqëria civile, iu kthye në bumerang, duke u kthyer në padëgjueshmëri ndaj tij. Nuk është hera e parë që Surroi bën thirrje për padëgjueshmëri institucionale, megjithëse kësaj here nuk mund të thuhet se ka gabuar sikurse 15 vjet më parë, më 1996, kur kishte bërë thirrje për padëgjueshmëri ndaj institucioneve të Republikës së Kosovës, për braktisjen e tyre dhe pranimin e institucioneve të Serbisë si legale, braktisjen e Kuvendit të Republikës së Kosovës për të hyrë në Kuvendin e Republikës së Serbisë, përkatësisht të Jugosllavisë së mbetur. Në fakt ai thirrjet për padëgjueshmëri ndaj institucioneve të shqiptarëve dhe ndaj Ibrahim Rugovës s’i kishte ndalur thuaja kurrë nëpërmjet medieve të tij.

Pavarësisht se mohohet nga Klubi për Politikë të Jashtme se ky klub nuk ka gisht në rolin për thirrjet për padëgjueshmëri ndaj institucioneve të krijuara, gazeta “Bota sot” ka siguruar dokumente në bazë të të cilave shihet komunikimi përmes emaileve që për ditë të tëra ky klub është marrë me organizimin e takimeve, duke iu bërë thirrje organizatave tjera të shoqërisë civile që t’iu bashkëngjiten në planin e tyre për shprehjen e pakënaqësisë, që mund të çonin edhe në revoltë të shoqërisë civile dhe të tjerëve. Klubi për Politikë të Jashtme (KPJ) përveç si kritikues i ashpër ndaj pushtetit në Kosovë, javëve të fundit ka hartuar plane konkrete për demonstrata që, si qëllim final, do të kishin edhe rrëzimin e koalicionit qeverisës. Pas një diskutimi joformal mes pjesëtarëve të KPJ-së dhe disa OJQ-ve, më 3 mars është mbajtur një takim i përfaqësuesve të disa OJQ-ve.

[drenicaku]

Po jo more qfar hamam klubi ,kjo ka dal pre vet zyres se qeveris per ta njellos veton surroin,o shipeca vetem pak logjik,kjo qeveri qendrushmeria e saj nuk mvaret nga shqiptaret por nga shkiet.
nese shkiet dojn per nje minut e rrzoin ket qeveri,mjafton veq nje telefonat nga beogradi.
Ju e din se kjo qeveri eshte qeveri pakic e shqiptarve,tek e fundit shumica kan te drejten edhe te kompllotit siq kini deshir ta quani,nuk eshte qeveri legjitime dhe as gje te keqe nuk ka qe kete popull te udheheq nje qeveri shqiptare

[firaku]

Po jo more qfar hamam klubi ,kjo ka dal pre vet zyres se qeveris per ta njellos veton surroin,o shipeca vetem pak logjik,kjo qeveri qendrushmeria e saj nuk mvaret nga shqiptaret por nga shkiet.
nese shkiet dojn per nje minut e rrzoin ket qeveri,mjafton veq nje telefonat nga beogradi.
Ju e din se kjo qeveri eshte qeveri pakic e shqiptarve,tek e fundit shumica kan te drejten edhe te kompllotit siq kini deshir ta quani,nuk eshte qeveri legjitime dhe as gje te keqe nuk ka qe kete popull te udheheq nje qeveri shqiptare

"Shume i menqur je o zot veq men je"
Krejt po i din sa interesant.
Po rri allahile para kijeve kur lidhje nuk ki,o zot,o zot qfar.......