Kosove: Qeveria miraton projektbuxhetin, rriten pagat

[Hard]

FMN-ja nuk e zmbraps Qeverinë
Publikuar: E mërkure 16 Mars 2011, 12:42

Kreu i Qeverisë, Hashim Thaçi, e ka vlerësuar si të drejtë vendimin për rritjen e pagave. Kjo ka qenë përgjigja e kreut të Qeverisë një ditë pasi FMN-ja ka thënë se nuk ka pasur pajtim për rritje të pagave. Ai ka hequr çdo dilemë nëse qëndrimi i Fondit Monetar Ndërkombëtar për rritjen e pagave të punëtorëve mund të diktojë ndryshime në Projektbuxhetin e vitit 2011. Ai ka pohuar se deri më tani punonjësit e kanë pasur trajtimin më të keq në Evropë. Ai ka thënë të mërkurën në mbledhjen e Qeverisë se Projektbuxheti për vitin 2011 tashmë është proceduar në Kuvend dhe ministri i Financave, Bedri Hamza, i ka vënë kontaktet me grupet parlamentare për të diskutuar dhe për t'u përgjigjur në pyetjet eventuale që mund të kenë partitë për projektbuxhetin.“Sqarimet dhe përgjigjet ndërmjet grupeve parlamentare do të jenë të mirëseardhura për Qeverinë”, ka thënë ai. Thaçi ka theksuar se ka një përafrim të mirë ndërmjet Qeverisë së Kosovës dhe Fondit Monetar Ndërkombëtar, përderisa ka thënë se nuk mund të konsiderohet si e lartë rritja prej 30 deri në 50 për qind, ngase Kosova është vend në tranzicion. “Kosova është shtet i ri, ende nuk e ka arritur stadin e shtetit modern dhe punëtorët në Kosovë deri më sot kanë jetuar me ndihma sociale e jo me rrogë. Kur ta arrijmë stadin e shtetit modern edhe ne e rrisim nga 2 deri 10 për qind. Andaj, ky është vendimi më i drejtë i mundshëm dhe do të pres aprovimin e Parlamentit. Nuk mund të tolerojmë edhe më tutje që punëtorët thjesht të trajtohen më së keqi në Evropë, të jenë më të nëpërkëmburit në Evropë, më të fyerit në Evropë, me standardin më të ulët në Evropë. Prandaj, vendimi është i drejtë, do të implementohet dhe kam besim të plotë që do të votohet edhe nga partitë opozitare në Kuvend”, ka thënë Thaçi. Kreu i ekzekutivit të vendit ka theksuar se ka përafrim të madh të qëndrimeve të Qeverisë dhe FMN-së, mirëpo diskutimet do të vazhdojnë edhe gjatë muajit të ardhshëm.

....po kush guxon me ja lujt hashes fjalt......

[Mon.Alisa]

Te presim deri ne fund te muajitt dhe do shofimm qfare po ndodh

[dijetari]

Qeveria si u ngrit ashtu do bije nji dite.
Me genjeshtra erdhi ,e si pasoj genjeshtrat do ta nxjerrin nga kjo" loj" e saj ,e cila ska te bej me nji qendrim te matur politik.
Qeverit nuk mbahen gjat ne pushtet me premtime boshe.
Kjo qeveri do vetshkarkohet sepse i mungo guximi dhe strategjia per te hecur perpara.
Populli esht i lodhur nga rezhimet serbosllave dhe ne krahasim me rezhimet e me hershme esht lart me e mir.,por nuk i mjafto njeriut me ate se nuk te ngacmo njeri nese zene ne goj shokun Enver ose PPSh.
Njerzve tan i duhet nji standard jetese me i lart,biznest duan liri veprimi dhe hapje ndaj Evropes.
Nese qeveria mendo se me privatizimin dhe shitjen e te mirave shtetrore,dhe me ato para do sigurohen paga me te mira,do deshtoj qeveria, se pos Kosoves ajo nuk gezon te drejten e shitjes se postave e airoporteve ballkanike apo Evropjane.
Qeveria duhet krijoi vende pune per rinin e cila ditadites po largohet me te madhe nga Kosova .ksaj nuk i thone gjallerim i Kosoves por shkretrim i saj.

Ganimet moj krenarija jon,ka qen nje kenge per nje ganimet a mos je ti ?

Qeverija u ngrit nga populli dhe me voten e popullit do te mbese , qeverija e tanishme ka guximin qe asnje qeveri tjeter nuk do ta kishte,ajo do i rrit pagave mesuesit qe ty te ka edukue ty te ka mesue shkrimin e leximin dhe tani te ka be te vetedishem qe ti sot komunikon ne forumi dhe ne gjdo lami te jetes ,eshte po ai mesues qe me sakrifica te medha ka edukue ganimetin eshum eshum ganimet qe nje dite ganimetet sa jan te jen kunder rritjes se pages mesuesit qe ti mesoj shkronjat dhe llogarin.

Mesuesit, e kurrje me mesuesin ti i thu ,i dashuri mesuesi im ,une jamper ta rritur ty pagen por ja qe un nuk kam kopetenca se po, po ta kisha rrit.


Nje thenje:

PAKOMENT.

[Kosovelli]

FSK përfshihet në rritjen e pagave

Ministri i FSK-së, Agim Çeku, në mbledhjen e fundit të Qeverisë së Kosovës, ka shpjeguar se linja për paga për MFSK-në këtë vit është më e lartë për 2.6 milionë euro, megjithëse nuk ka ndonjë vendim për rritje të pagave për punonjësit e FSK-së.
“Në projektbuxhetin e aprovuar në Qeveri është paraparë një rritje e pagave për FSK-në prej 20,47%. Por administrata e Shërbimeve Publike nuk e ka kalkuluar këtë rritje për arsye se mungon një vendim formal i Qeverisë, që edhe punonjësit e FSK-së të përfshihen në rritjen e pagave ashtu sikur edhe punonjësit e tjerë”, ka theksuar Çeku, duke iu lutur kryeministrit që ashtu siç ka marrë vendim për rritje të pagave në sektorët e tjerë, të marrë një vendim formal edhe për FSK-në.
Megjithatë ai nuk ka arritur ta marrë një garanci të tillë nga shefi.
“Mendoj se gjithçka është e qartë, por ju mund ta sqaroni këtë çështje me ministrin e Financave... Është menduar qysh herët për FSK-në”, është përgjigjur Thaçi.

[Kosovelli]

Hamza, kërkon voten e deputetëve për projekt-buxhetin 2011

Bedri Hamza, ministër i Financave, ka dhënë disa arsy për hartimin e projekt-buxhetit, duke thënë se ai është një projekt-buxhet që kërkon me të drejtë votën e parlamentarëve dhe për të arritë një standart më të mirë jetëse për shumë qytetarë të Kosovës.

25 mars 2011
Ekonomisti

Ai ka përmendur se projekt-buxheti ka paraparë rritje të pagave siç është paraparë me vendimin e qeverisë së Kosovës për shumë shtresa të shoqërisë. Hamza ka thënë se porojektligji për Buxhetin 2011 nuk është vetëm një buxhet për këtë vit, por edhe planifikim për ecje zhvillimore ekonomike për të ardhmen.

Ai ka paraqitur projekt-buxhetin të mbështetur në disa shtyllat e hartimit të tij, duke thënë se për të janë pajtuar edhe me ndërkombëtarët, përkatësisht me Fondin Monetar Ndërkombëtar, me të cilin janë arritur pajtueshmëri në shumë linja buxhetore.

“Janë arritur disa pajtushmëri esenciale dhe ato janë të pranuisheme të besueshme.

Projekt-buxheti është i mirë dhe vizionor. Vota për këtë buxhet do të thotë votë për përmirsimin e jetës së qytetarëve të Kosovës”, ka thënë Hamza, duke kërkuar votën e deputetëve për projekt-buxhetin e prezantuar.

[Kosovelli]

Thaçi: Do ketë paga, jo asistencë sociale

Kryeministri i Kosovës Hashim Thaçi, kërkoi nga deputetët që të votohet projekt - buxheti për vitin 2011, që sipas tij ka qëllim rritje të qëndrueshme ekonomike dhe mirëqenie të qytetarëve. Ai po ashtu tha se vendimi për rritjen e pagave, ka qenë ndër vendimet më të vështira, por ka qenë vendim i domosdoshëm, i arsyeshëm dhe i përgjegjshëm duke marrë parasysh gjendjen në vend.

25 mars 2011



Kryeministri i Kosovës Hashim Thaçi, prezantoi para deputetëve Projekt-buxhetin për vitin 2011. Ai tha se po prezanton para deputetëve po ashtu edhe qytetarëve një përmbledhje të një përpjekje serioze të institucioneve si dhe një përkujdesje të ekspertëve të shumtë vendor dhe ndërkombëtar.

Kjo punë e madhe, sipas Thaçit, është bërë që të përgatitet një projektbuxhet i balancuar. Thaçi tha se hartimi i buxhetit, paraqet ndër punët më sfiduese për Qeverinë dhe se dëshira për të bërë për vendin dhe qytetarët janë më të mëdha se mundësitë.

“Po ashtu jemi përkujdesur që të kemi rezerva adekuate buxhetore. Vazhdojmë të mbetemi të përkushtuar që për shumën e njëjtë financiare, duke paguar tatimet ne po punojmë që të ofrojmë mirëqenie më të mirë”, tha Thaçi

Ekonomia e Kosovës, sipas tij nuk është e izoluar dhe se kjo bënë që Kosova të ndikohet nga ambienti i jashtëm ekonomik. Sipas tij politikat ekonomike të Kosovës, janë hartuar duke pasur parasysh nevojat dhe ambientin ekonomik të vendit. Projekt-buxheti për vitin 2011 sipas Thaçit ka qëllim rritje të qëndrueshme ekonomike dhe mirëqenie të qytetarëve. Ky buxhet, siç tha ai është diskutuar në detaje me Këshillin Evropian dhe FMN-në dhe se këto diskutime janë serioze dhe po vazhdojnë ende, në mënyrë që Kosova, të mbetet në programin e FMN-së.

“Qeveria ka partneritet me institucionet financiare Ndërkombëtare. Bisedat me FMN-në janë në proces e sipër dhe se ato janë zgjatur, sepse ne jemi të bindur se masat për ngritje pagash, janë reale dhe mund t’i realizojmë. Jam i bindur se argumentet tona, po analizohen në mënyrë serioze nga FMN-ja dhe se ky proces do të mbyllet me sukses. Qeveria është e përgjegjshme për obligimet që ka ndaj FMN-së që të mbetemi në programin e FMN-së”, tha Thaçi.

Ai ndër të tjera tha se ekonomia jonë përkundër tronditjeve në tregjet ndërkombëtare, ka arritur një ngritje 4 për qind, ndërsa për vitin 2011 parashihet rritje prej 5.3 për qind.

Ky buxhet ka për synim ruajtjen e qëndrueshmërisë makro-fiskale të vendit, duke siguruar të hyra buxhetore në vlerë prej 1,264.000.00 milion euro (një miliard e dyqind e gjashtëdhjetë e katër milion euro), të hyra këto 12% më të larta se të hyrat e vitit të kaluar.

Shpenzimet buxhetore janë planifikuar të arrijnë nivelin prej 1,434.000.00 milion euro (një miliard e katërqind e tridhjetë e katër milion euro), apo rreth 19% më të larta në krahasim me vitin e kaluar.

Ekonomia jonë, sipas Thaçit arriti ta tejkaloj krizën ekonomike globale dhe se jo vetëm në 2011, por Kosova mund të zhvillohet me një normë reale mbi 5 për qind.

Thaçi tha se Buxheti i vitit 2011, është formuluar në funksion të rritjes ekonomike të vendit, ku parashihen të hyra 12 për qind më të larta se të hyrat e vitit 2010, po ashtu do të ketë ngritje të investimeve kapitale, investime në autostradën Vermicë-Merdare si dhe projekte tjera të rëndësishme.

Ndërsa sa i përket vendimit për ngritje të pagave, Thaçi tha se ka pasur diskutime të ndryshme, se kjo është bërë për qëllime politike. Por Kosova, sipas tij është shtet i ri, i mundësive, por mbetet me buxhetin më të vogël dhe me përqindjen më të lartë të papunëve.

“Këtë prapambetje shekullore, duhet ta tejkalojmë dhe këtë trend duhet ta ndalim. Vendimi për rritjen e pagave, ndoshta ka qenë nder vendimet e mia më të vështira për tu marrë, por ka qenë vendim i domosdoshëm i arsyeshëm dhe i përgjegjshëm duke marrë parasysh gjendjen në vend”, tha ai.

Standardi i jetese në Kosovë, siç tha kryeministri Thaçi ka qenë dhe vazhdon të mbetet më i ulëti në Evropë. Sipas tij pagat e tanishme nuk garantojnë shërbime cilësore dhe se ky vendimi për ngritje pagash ka ardhur me qëllim të ndryshimit të gjendjes së qytetarëve “Qeveria e Kosovës, nuk mund të lejojë që dinjiteti i mjekëve, shërbyesve civil dhe të tjerëve të nëpërkëmbet edhe më tutje”, tha ai.

Punëtoret kosovare, sipas tij nuk kanë pasur paga, por deri tani kanë pasur ndihmë sociale dhe se kjo duhet të ndryshohet.

“Me ngritjen e pagave, standardi jetësor do të përmirësohet. Sot nuk do të doja të shoh ndarje partiake rreth rritjes së pagave. Mësuesit policet, shërbyesit civil punëtoret shëndetësor, FSK, doganieret pensionistet, nuk i përkasin kësaj apo asaj partie, por janë njerëzit e Kosovës, për të cilët kemi përgjegjësi të gjithë. Vendimi është i imi, por të mirat do të gëzojnë qytetarët”, tha Thaçi, duke i ftuar deputetët ta mbështesin këtë vendim, i cili është i domosdoshëm, i arsyeshëm dhe shumë i përgjegjshëm, që buron nga nevoja dhe gjendja në Kosovë dhe jo nga motivi dhe ego politike.

“Rruga jonë drejtë zhvillimit ekonomik, s’është e lehtë, këtë rrugë s’mund ta bëjmë vetë, është rrugë e vendimeve të guximshme që jep besim për jetë më të mirë. Me përkrahje ne buxhetit për vitin 2011, do të marrim vendime të guximshme dhe të besueshme. Buxheti nuk është vetëm qeverisë por i të gjithëve dhe qytetarëve”, tha Thaçi.

[Kosovelli]

Qeveria e Republikës së Kosovës e ka miratuar projektbuxhetin për vitin 2011, ndërkaq në projektbuxhet përfshihet edhe rritja e pagave, ashtu siç ka qenë vendimi i Qeverisë së Kosovës.
Projektbuxheti është miratuar me unanimitet në Qeverinë e Kosovës.
Projektbuxheti i vendit do të shkojë për miratim edhe në Kuvendin e Kosovës.

Arsimi - 50%

Policia - 40%

Sherbyesit civil 30%

Shendetsia - 30%
etj.

Opozita kunder Projekt-buxhetit për vitin 2011
Para deputetëve, kryeministri Hashim Thaçi ka kërkuar që të votohet ky projekt-buxhet, që, sipas tij, adreson nevojat e qytetarëve.
Kryeministri Thaçi ka thënë se të dhënat aktuale dëshmojnë se ekonomia e Kosovës, edhe përkundër tronditjeve në tregjet ndërkombëtare, ka arritur të gjenerojë një rritje reale ekonomike mbi katër për qind gjatë vitit 2010. Ndërsa për vitin 2011, departamentet e specializuara brenda institucioneve parashohin një rritje reale ekonomike prej 5.3 për qind. Ai vlerësoi se buxheti i vitit 2011 është punuar mbi analizën e këtyre zhvillimeve, si dhe është formuluar në funksion të rritjes ekonomike të vendit.



“Ky buxhet ka për synim ruajtjen e qëndrueshmërisë makro-fiskale të vendit, duke siguruar të hyra buxhetore në vlerë prej 1 miliard e 26k milionë euro, të hyra këto 12 për qind më të larta se të hyrat e vitit të kaluar", u shpreh Thaçi.



Sipas tij, shpenzimet buxhetore janë planifikuar të arrijnë nivelin prej 1 miliard e 436 milionë euro, apo rreth 19 për qind më të larta në krahasim me vitin e kaluar. Thaçi ka thënë se kjo rritje e shpenzimeve në masë të madhe i atribuohet investimeve kapitale madhore siç është Autostrada “Ibrahim Rugova”, pastaj investimeve tjera infrastrukturore, siç janë rrugët Prishtinë-Pejë, Prishtinë-Mitrovicë, ndërtimi dhe mirëmbajtja e rrugëve, urave, ndërtimi dhe rehabilitimi i objekteve shkollore, spitaleve, qendrave të mjekësisë familjare dhe shumë projekteve tjera me rëndësi vitale për vendin tonë.

[Kosovelli]

Thaçi fton deputetët që me përgjegjësinë të lartë ta diskutojnë projektbuxhetin

[Kosovelli]

Thaçi kërkon miratimin e buxhetit, opozita kundër

Kuvendi Kosovës po shqyrton projektligjin e buxhetit për vitin 2011. Kryeministri Hashim Thaçi në fjalën e tij tha se buxheti është në funksion të rritjes ekonomike të vendit. ...

[Jozefina84]

houuu nje here i rriti ne qiell qmimet e tash pagen , puna e ksaj qeverie asgje