Kosove: Qeveria miraton projektbuxhetin, rriten pagat

[ARIANI_TB]

Hamza e pranon, s’ka 50 % rritje

Arbana Xharra | 13-04-2011 11:06 CET Ministri i Financave Bedri Hamza e pranon se pagat nuk kanë dalë me 50 për qind rritje siç kanë pritur punëtorët që paguhen nga Buxheti i Konsoliduar i Kosovës. Mirëpo, ai këmbëngul se pagat kanë dalë ashtu siç është vendosur dhe premtuar më gjashtë janar të këtij viti nga Qeveria e Kosovës.

Sipas tij, punëtorët kanë nënshkruar paga me shtesa ndërkohë që rritja është bërë vetëm mbi pagën bazë pa u llogaritur shtesat tjera mujore. “E kam thënë edhe më herët, nuk ka pasur rritje të pagave me shtesa, por mbi pagën bazë e këtu është dallim goxha me shifra nëse merret lapsi e llogaritet”, ka thënë ministri Hamza.

Ai tha se dallojnë shumë edhe pagat mes profesorëve. “Njëri mund të japë një lëndë me shkollë të mesme, kurse kolegu i tij të njëjtën lëndë e jep me fakultet edhe shtesat që i marrin ata dallojnë kështu që në fund ka dallim edhe në paga”, ka thënë Hamza për të shtuar se rritja u është llogaritur nga paga bazë ku nuk futet as stazhi e as shtesat tjera që kanë punëtorët e arsimit, shëndetësisë dhe të tjerët.

Ai tha se Ministria e Financave nuk i bën rrogat, se me listat merret Ministria e Administratës Publike “Neve na vijnë listat e gatshme të përpiluara nga Ministria e Administratës, ne vetëm shikojmë numrin e punëtorëve dhe e japim lejen për të dalë paratë”, ka treguar Hamza.

Ky ministër ka bërë përpjekje të sqarojë punën e pagave pas reagimeve të punëtorëve të arsimit se janë mashtruar nga Qeveria e Kosovës në lidhje me pagat e rritura prej 50 për qind.

“Gruaja ime është infermiere dhe paga bazë e saj është 200 euro, kurse shtesat i ka 44 euro, paga i është rritur mbi 200, pa iu llogarituir ato 44. Punëtorët kanë keqkuptuar, ata kanë llogaritur rritje mbi totalin e të ardhurave mujore që kanë”, ka thënë Hamza.

Para pak ditësh punëtorët e arsimit kanë reaguar duke thënë se nga 30 euro më pak u kanë dalë nëpër xhirollogari. Ata kanë reaguar se asnjëri prej tyre nuk ka përfituar një ngritje të pagave ashtu siç është premtuar nga kreu i ekzekutivit Hashim Thaçi, i cili edhe gjatë fushatës zgjedhore pati thënë se pagat për të gjithë ata që paguhen nga buxheti i Kosovës do të rriten për 50 për qind.

Ndërkohë që qeveria deri më tash nuk ka dhënë detaje se pagat do të rriten mbi pagat që janë rritur që nga vitit 2008, por vetëm është thënë se do të ketë rritje 50 për qind.


http://www.zeri.info/artikulli/2/8/2...-ka-50-rritje/

[Dar_di]

FMN kërcënon Qeverinë e Kosovës



Fondi Monetar Ndërkombëtar ka kërcënuar sërish Qeverinë e Kosovës rreth buxhetit që ka miratuar javë më parë, bën të ditur Radio Kosova. Burime të kësaj Radioje kanë shpjeguar se zyrtarët e FMN-së i kanë përsëritur Qeverisë së vendit se mënyra se si kanë bërë buxhetin mund ta çojë vendin në kolaps financiar.

Zyrtarët e Fondit Monetar Ndërkombëtar vazhdojnë të mos pajtohen me skemën buxhetore, tashmë të miratuar nga Kuvendi i Kosovës. Ata nuk po rreshtin t’ua përsërisin zyrtarëve të Qeverisë së Kosovës se nuk do të mund të kenë kurrë pajtimin e Fondit Monetar me këtë skemë buxhetore.

Sipas burimeve brenda FMN-së të vetmin gjë që është pajtuar të bëjë Qeveria deri me tani është ulja e nivelit të rritjes së pagave prej 50 për qind, që kishte premtuar në fillim.

Përveç vendimit për uljen e pagave për 10 për qind qeveria deri më tani nuk ka bërë kompromise të tjera.

Ndërkohë që FMN vazhdon të jetë besnike e sugjerimit të bërë paraprakisht se marrëveshje do të ketë vetëm nëse Qeveria i përmbahet një buxheti kredibël dhe me rritje pagash deri në 20 për qind.

Zyrtarët e Fondit Monetar Ndërkombëtar në Kosovë nuk kanë pranuar të flasin rreth kësaj çështje. Përgjigje rreth kësaj nuk ka qenë e mundur të merret as nga Zyra për Media e Ministrisë së Financave dhe as nga ministri Bedri Hamza dhe asistentja e tij që ndodhen në SHBA, pohon RK.

KOHA Ditore

[fattlumi]

FMN kërcënon Qeverinë e Kosovës

Pse nuk e provojne keta zyrtaret e FMN-se se si eshte te jetosh me 200 euro page mujore nje familje 5 antareshe.
Apo keta i marrin mijera euro page sepse jane te huaj,kurse shqiptaret duhet te marrin page-lemoshe,sepse jane shqiptare.

[Dar_di]

Varësia ndërkombëtare edhe në fushën e ekonomisë, dikton çështjet e nivelit të pagesave, ngritjeve a rënieve financiare. Përderisa ekziston mosushtrimi i plotë i sovranitetit të tillë, pengon edhe aktet dhe tentativat në vendimmarrje të një shteti, me këtë rast Republikës së Kosovës. Ky fond, që nga fillimi është deklaruar kundër një ngritje të tillë të nivelit të pagave, fatkeqësisht dhe padrejtësisht.

Jam plotësisht dakord me këtë që thoni, fattlumi.

Dar_di

[Kandy*]

Njehere tentuan te mos e lejojne "rrugen e Kombit" kinse nuk ka mjete. Tani i pengojne edhe ngritjen e pagave!! Shpresoj te mos i degjojne as kesaj radhe, se per ndryshe e pat puna e Thacit.

[Llapi]

Thaçi: Për shtetin e Kosovës nuk do të ketë kthim prapa

Kryeministri i Kosovës, Hashim Thaçi pas ligjëratës që ka mbajtur në Kolegjin AAB-Riinvest, është përgjigjur edhe në shumë pyetje që kishin të bëjnë me programin e qeverisë, si dhe disa provokimeve nga ana e disa pjesëtarëve të një partie politike, thuhet në një komunikatë të Zyrës së kryeministrit Thaçi.

“Edhe të tjerë që kanë ardhur nga selitë e ndonjë partie politike. Ne kemi prezantuar edhe më herët programin dhe vizionin e Qeverisë së republikës së Kosovës, një program ky dhe vizion, i cili është përkrahur, besuar, por edhe votuar nga qytetari i Republikës së Kosovës dhe tani unë kam obligim ta implementoj dhe do ta bëj atë.

Agjenda ime, ka qenë, është dhe do të mbetet Kosova zhvillimore, moderne, Kosova e integruar në NATO dhe Bashkim Evropian. Pikërisht, pse ne po zhvillojmë demokracinë, një sistem të vlerave që na kanë munguar më herët, një sistem të vlerave dhe mendimeve të ndryshme, prandaj në këtë drejtim e theksoj se këto prioritete janë të nxjerra nga Programi i Qeverisë së Republikës së Kosovës, program ky, të cilin e kam prezantuar anekënd, në çdo qytet e fshat, në çdo cep të territorit të Kosovës, fillimisht para qytetarëve dhe tash është kanalizuar, po institucionalizohet, është aprovuar në qeveri dhe unë kam dashur dhe dua, sepse jam ithtar i debatit dhe dëgjimit të mendimeve plotësuese të ndryshme edhe jashtë qeverisë, në kuadër të kësaj të botës akademike, juve të nderuar profesorë dhe studentë. Ky plan, për dallim nga planet e mëhershme të qeverive, është i bazuar në shifra, fakte, periudha kohore dhe është shumë i qartë”, ka thënë kryeministri Thaçi.

“Është një projekt që i ka munguar më herët Kosovës. Unë e di se gjëra të tilla janë ngritur edhe më herët në debate të ndryshme, dhe pikërisht për këtë arsye jam sot këtu në Universitetin e respektuar AAB-Riinvest, të njerëzve që i kanë dhënë shumë këtij vendi, në kuptimin e dijes.

Edhe kur kam prezantuar projektet e infrastrukturës rrugore për modernizimin dhe zhvillimin e Kosovës, e di se ndokush që nuk i beson dhe nuk guxon me marr vendime, nuk guxon të mendojnë për ndryshime të mëdha, ka menduar dhe theksuar se, këto janë vetëm vija në drejtimin Merdare-Vermicë, por atje sot ka filluar edhe asfaltimi i autostradës më moderne në rajon.

Tash, do të fillojë së realizuari projekti Shkup – Ferizaj – Aeroport, në drejtim të Mitrovicës, përmes procesit të partneritetit publiko-privat. Do të vazhdojë në drejtim të Pejës dhe të Mitrovicës.

Tash fushata është kryer dhe jemi secili më i lirë për të folur, ne veçanti unë jam shumë i lirë, sepse, atë që e kam premtuar e kam realizuar për 45 ditë sa i përket rritjes së pagave për të gjithë punëtorët kosovarë.

Edhe atëherë ndokush dhe, ju kujtohen këtu debatet që kanë qenë, kanë thënë se ai nuk është plan, ai nuk mund të realizohet, është e pamenduar, është fushatë elektorale. Po, ka qenë premtim elektoral imi, por sot është vepër e Qeverisë së Kosovës dhe ndihem tepër mirë që nëse krahasojmë periudhën 2007-2011, të ardhurat e sektorëve të caktuar të punëtorisë kosovare, janë rritur më tepër se çdo vendi në rajon dhe, prioritet imi ka qenë që punëtorët kosovarë të mos mbesin në nivel të ndihmave sociale, por të kenë paga meritore të dinjitetshme në nivel të rajonit fillimisht, e të ecim drejt trendeve të vendeve moderne të shteteve perëndimore dhe, do t’ia arrij.



Në vitin 2007, profesori i shkollës së mesme ka marrë pagë mesatare 235 euro, në 2011-tën, 439 euro, 86 për qind më tepër. Shërbyesit civilë, rroga mesatare ka qenë 228 euro, ndërsa në vitin 2011, 365 euro, 56 për qind më tepër.

Shëndetësia, 234 euro, 475 në vitin 2011, 87 për qind më tepër.

Administrata Tatimore, 350 euro, 463 në vitin 2011, ose 37 për qind më tepër.

Dogana, 367 euro në vitin 2007, në vitin 2011 504 euro, 37 për qind më tepër.

Gjyqësia, 586 euro në vitin 2007, në vitin 2011, 1080 euro, 84 për qind

Unë besoj se përpos pjesës profesionale, Universiteti dhe shkolla është për edukatë dhe mirësjellje.

Policia e Kosovës në vitin 2007 ka marrë 246 euro, në vitin 2011 456 euro, 85 për qind më tepër.

Ndërsa, për punëtorët universitarë në vitin 2007 kanë marr 501 euro, ndërsa në vitin 2011, 1143 euro, apo 128 për qind.

Ne jetojmë në jetën demokratike dhe unë, edhe njerëzve të universitetit ju kisha lutur kush dëshiron, le ta marr fjalën, le të ngrit çfarëdo çështje që të ketë, por natyrisht se duhet respektuar aspekti profesional edhe edukativ, edhe i mirësjelljes dhe jam i hapur për çfarëdo, çfarëdo komenti që ju mund ta keni. Keni mund ta merrni edhe kryesinë e partisë suaj, nuk ka pasur kurrfarë problemi. Por, për një gjë ju siguroj të gjithëve, të nderuar punëtorë akademikë, studentë dhe gjithë qytetarët se për shtetin e Kosovës nuk do të ketë kthim prapa, për shtetin e Kosovës nuk do të ndërtohet Kosova mbi parimet e së kaluarës të kooperativave bujqësore, por ekonomisë së lirë të tregut, të konkurrencës së lirë, të shtetit modern, pra të një ekonomie të hapur dhe integruese”, tha kryeministri Thaçi.

Pyetje:

Të gjithë e dimë se ndërtimi i autostradës është një problem kyç, jo lehtë e përballueshme për ekonominë e Kosovës ndërtimi i saj. A mund të na tregoni më gjerësisht se cilat janë vështirësitë që mund të shfaqen drejt realizimit të këtij projekti gjigant?

Kryeministri Thaçi:

Natyrisht se nuk ka qenë e lehtë së realizuari ky projekt, projekt ky i ëndrrave të qytetarëve të Republikës së Kosovës dhe gjithë shqiptarëve. Nuk ka qenë e lehtë kur kemi parasysh se ky projekt implementohet në tërësi nga buxheti i Republikës së Kosovës dhe unë dëshiroj të theksoj se vetëm para pak ditësh, pikërisht nga zhvillimet politike që ishin, nuk kam dashur që të vizitoj edhe ndërtimin e autostradës, që të mos merr konotacion politik, partiak, apo personifikimit të individit, sepse ai është projekt i vullnetit tuaj dhe është vepër e çdo qytetari të Republikës së Kosovës, dhe ne si lidership e kemi obligim vetëm implementimin e këtyre projekteve. Por, të jeni të bindur se pa vendime të guximshme, pa insistimin tonë këmbëngulës, pa një lobim të fuqishëm tonin në Uashington dhe Bashkim Evropian, nuk do të lejohej realizimi i këtij projekti. Kemi pasur rezerva edhe nga Banka Botërore edhe nga Fondi Monetar Ndërkombëtar. Por ky ka qenë qëllimi, vendimi ynë dhe nuk ka pasur shmangien në asnjë mënyrë nga ky projekt.

Ju e dini, këtë projekt e kam prezantuar në premtimet elektorale në vitin 2007. Tani ka filluar asfaltimi. Mund të them lirisht se do të jetë një nga autostradat më moderne ndërkombëtare në rajon.

E theksoj se tri seksionet e para do të përmbyllen së punuari dhe gjithë qytetarët e Kosovës do të kenë mundësinë e lëvizjes në këto tri seksione, 34 kilometra, pra nga Theranda në drejtim të Morinës më 30 tetor të këtij viti.

Ndërsa, seksioni i katër dhe i pestë, që ndërlidhet deri të Qafa e Duhlës dhe pastaj në drejtim të Orllatit, pastaj në drejtim të Prishtinës, do të fillojë edhe seksioni i pestë këtë vit dhe do të përmbyllet në vitin e ardhshëm në drejtim të Prishtinës.

Por, unë ju them se nga viti i ardhshëm, në vjeshtë, çdo qytetar i Republikës së Kosovës do të ketë mundësinë të udhëtojë në autostradën e re, Prishtinë-Morinë-Durrës.

Pengesa ka pasur, por janë tejkaluar, ndërsa pengesa sikur këto që dëgjuam këtu, ka pasur edhe në Parlament, por nuk do të jenë pengesa që mund të më ndalin në rrugën time.

Pyetje: Ju, në prioritetet e Qeverisë suaj keni potencuar arsimin, heqjen e TVSH-së për studentët. Sa janë të realizueshme këto?

Kryeministri Thaçi:

Edhe në prioritetet që kemi prezantuar këto ditë, zhvillimi i kapitalit njerëzor, zë një nga prioritetet kryesore dhe e ritheksojmë se investimi në edukim, ne e kuptojmë si investim të drejtpërdrejt në ekonomi. Prandaj, do të vazhdojmë investimet e fuqishme në edukim, lehtësimin e kushteve dhe studimeve për studentë dhe për Universitetin Publik, por edhe për Universitetet Private dhe ritheksoj se të gjitha ato që i kemi prezantuar para opinionit publik, qytetarëve të Kosovës, do t’i realizojmë në afatet e përcaktuara me kohë dhe unë kam besim të plotë.

Pyetje: Cilat janë implikimet eventuale në raport me FMN-në, sa i përket rritjes së pagave?

Kryeministri Thaçi:

Natyrisht se rritja e pagave, por edhe projektet madhore, janë vazhdimisht projekte që diskutohen, debatohen, që ngritën edhe ndonjëherë debate të cilat jo shpesh herë kuptohen drejt. Ju e shihni, dikush flet për bashkim kombëtar, ndërsa është kundër ndërtimit të autostradës.(qesharake).

Edhe këtyre që janë kundër ekonomisë së lirë të tregut dhe fuqizimit të sektorit privat, unë kam theksuar se qytetari ia ka treguar vendin secilit.

Sa i përket raportit me Fondin Monetar Ndërkombëtar, diskutimet kanë shkuar në drejtim të duhur dhe jemi në një drejtim të angazhimeve që qojnë drejt një përputhje të agjendës së Qeverisë së Republikës së Kosovës dhe FMN-së.

Uroj të gjithë punëtorët që kanë marr pagat me rritje dhe kjo gjë nuk do të ketë kthim prapa.

[Dar_di]

Paga minimale, jo për të gjithë njësoj

Fondi Monetar Ndërkombëtar ka rekomanduar që për të punësuarit deri në 35 vjeç paga minimale të jetë 130 euro, ndërkaq për të tjerët nga 35 deri në 65 vjeç, të jetë 170 euro.

Paga minimale në Kosovë nuk do të jetë 170 euro, siç ka propozuar Këshilli Ekonomik Social. Fondi Monetar Ndërkombëtar ka rekomanduar që për të punësuarit deri në 35 vjeç paga minimale të jetë 130 euro, ndërkaq për të tjerët nga 35 deri në 65 vjeç, të jetë 170 euro. Përfaqësuesit e punëdhënësve dhe punëmarrësve janë shprehur kundër diferencimit të punëtorëve në bazë të moshës.

Fondi Monetar Ndërkombëtar dhe Banka Botërore nuk janë pajtuar me propozimin e Këshillit Ekonomik Social që paga minimale në Kosovë të jetë 170 euro.

Fadil Raci, drejtor i Departamentit Ligjor në Ministrinë e Punës dhe Mirëqenies Sociale, thotë se këto institucione kanë bërë një tjetër rekomandim rreth kësaj çështje.

“Këta dy mekanizma ndërkombëtarë kanë rekomanduar që paga minimale për kategoritë e të punësuarve nën moshën 35 vjeç të jetë 130 euro, kurse për të punësuarit nga mosha 36 vjeçare deri në 64 vjeç paga minimale të jetë 170 euro”, tha Raci.

Vendimi rreth lartësisë së pagës minimale do të zyrtarizohet deri në fund të këtij muaji, thotë Raci. Sipas tij, një propozim i tillë nga këta dy mekanizma ndërkombëtarë financiarë është bërë me qëllim të nxitjes së punësimit të të rinjve.

Por, anëtarët e Këshillit Ekonomik Social, përfaqësuesit e punëdhënësve dhe punëtorëve thonë se nuk kanë pranuar asnjë propozim të tillë. Për kryetarin e BSPK-së Haxhi Arifin, kjo do të jetë e papranueshme.

“Ne nuk bëjmë diferencim të tillë, sepse për ne të gjithë punëtorët janë të barabartë. Nëse si partnerë bindemi në një propozim të tillë, sepse duhet të jemi ata të disiplinuarit, unë assesi nuk e pranoj një vendim të tillë”, thotë Arifi.

Kurse, kryetari i AKB-së, Agim Shahini, thotë se një vendim i tillë mund të ndikojë në diskriminimin e punëtorëve.

“Mendoj se duhet të jetë një pagë për të gjithë njëjtë dhe jo e shkallëzuar, sepse këtu mund t’i japim dikujt përparësi, e dikujt t’ia marrim këtë të drejtë, prandaj duhet të analizohet mirë para se të merret një vendim për pagë minimale”, theksoi Shahini.

Këshilli Ekonomik Social, në prill, kishte miratuar propozimin që paga minimale të jetë 170 euro, i cili i ishte dërguar Kryeministrit për miratim.

(Drita Loshi)

RTK

[Dar_di]

I rrisin rrogat për zyrtarët e lartë



11.07.2012

Qeveria e Kosovës ka miratuar rritjen e rrogave për zyrtarët e vet të lartë. I pari që do të përfitojë nga kjo rritje është Kryeministri Hashim Thaçi, të cilit do t’i shtohen në llogari edhe nga 882 euro për muaj.

Bashkë me të do të përfitojnë edhe zëvendëskryeministrat, ministrat dhe shumë zyrtarë të tjerë. Projektligji pritet të marrë miratimin edhe nga Kuvendi, njofton gazeta “Express”.

Kur janë në pyetje paratë, krerët e institucioneve të Kosovës nuk e ndjekin rrugën e miqve ndërkombëtarë siç ndodh zakonisht. Madje prirja për t’ia rritur luksin vetes tregon se ata po veprojnë komplet ndryshe nga liderët botërorë.

Për dallim nga Presidenti Francez, Francois Hollande që kur mori timonin e vendit, ua zbriti pagat të gjithë ministrave 30 për qind, në Kosovë Qeveria po planifikon t’ua rrisë pagat zyrtarëve të saj të lartë.

Kështu, kryeministri i Kosovës, Hashim Thaçi, kryetari i Kuvendit të Kosovës, Jakup Krasniqi dhe ai i Gjykatës Kushtetuese, Enver Hasani do t’i bëjnë rrogat e njëjta.

Që të tre do t’i marrin hiq më pak se nga 2.325 euro në muaj, nëse projektligji për pagat e funksionarëve publik miratohet nga Kuvendi i Kosovës, ashtu siç ka kërkuar Qeveria.

Me këtë projektligj, kryeministrit i ndryshon koeficienti i pagës nga 7.75 në 12.50, që automatikisht e rrit pagën e tij bruto për 882 euro, ndërsa kryetarit të Gjykatës Kushtetuese për 449 euro.

Nivelizimi i pagave të tre këtyre zyrtarëve të lartë të shtetit është pjesë e premtimit të ekzekutivit, për të mos pasur dallime të mëdha në të ardhurat e zyrtarëve publikë.

Këtij nivelizimi nuk do t’i gëzohet edhe presidentja e Kosovës, Atifete Jahjaga, së cilës parashihet që t’i zvogëlohen të ardhurat mujore për 100 euro.

Ndryshe, nëse miratohet projektligji i ri rritje të pagës do të përfitojnë edhe zëvendëskryeministrat, ministrat dhe zyrtarë tjerë të lartë.

Telegrafi

[Dar_di]

Rritja e pagave për zyrtarët, vendim për interesa personale

Projektligji për pagat e funksionarëve publikë, siç duket ka zgjuar reagimin e shtresës punëtore. Ky projektligj, që është miratuar nga ekzekutivi dhe pritet të miratohet edhe nga Kuvendi i Kosovës, parasheh rritje pagash për zyrtarët politikë. I pari që do të përfitojë nga kjo rritje është vetë kryeministri i Kosovës, pastaj zëvendëskryeministrat, ministrat dhe shumë zyrtarë të tjerë.

Ali Dragusha, përfaqësues i sindikatave të punëtorëve, këtë projektligj e konsideron të ngutshëm dhe jo në harmoni më realitetin në Kosovë. Sipas tij, rritja e pagave për klasën politike është plotësisht në kundërshtim me pagat e shtresës punëtore.

Dragusha i rekomandon qeverisë që të rishqyrtojë dhe të korrigjojë këtë dokument, në të kundërtën, thotë ai, ekzekutivi po detyron shtresën punëtore për shprehje të revoltës dhe pakënaqësisë se tyre.
Ndryshe, sipas dokumenteve zyrtare, paga mujore e kryeministrit është 1443 euro, kurse me projektligjin e ri, pagës së kryeministrit do t’i shtohen edhe 882 euro, që do të thotë se paga mujore e kryeministrit do të jetë 2325, aq sa do të jetë edhe e kryetarit të Kuvendit, Jakup Krasniqit dhe kryetarit të Gjykatës Kushtetuese, Enver Hasanit.
Në anën tjetër, pagat e zyrtarëve të lartë sillen prej rreth 1200 euro, deri rreth 2800 euro, sa është paga e presidentes së Kosovës, Atifete Jahjaga.
Por, kjo shumë e pagave është në dallim të madh me pagën mesatare në Kosovë, thotë Dragusha

Në kohën kur pensionistët marrin nga 40, përkatësisht 80 euro në muaj, paga minimale është 170 euro, kurse ajo mesatare 368 euro dhe rreth 35 mijë familje jetojnë vetëm me ndihma sociale, hapin e qeverisë, Dragusha e quan të ngutshëm, regresiv dhe të paarsyeshëm.
“Mendoj se propozim i tillë është shumë i paarsyeshëm dhe shumë i pamatur, mu në këtë kohë kur kemi shumë çështje të pazgjidhura, e veçanërisht ne si sindikatë e kemi problemin e marrëveshjes se përgjithshme kolektive, për të cilën qeveria nuk vërehet se është e gatshme të nënshkruajë, duke u bazuar mu në çështjen financiare dhe vërejtjet që merr nga Fondi Monetar Ndërkombëtar”, shprehet Dragusha.
Edhe eksperti i ekonomisë, Ismail Kastrati, thotë se ekzekutivi po diskriminon qytetarët kosovarë. “Unë mendoj se është një rritje e pamatur dhe kryeministri nuk ka fare parasysh një balanc në mes kategorive të ndryshme edhe të zyrtarëve të rangjeve të ndryshme, por edhe aspektit social. Kryeministri vepron në bazë të interesave të momentit, nuk ka ndonjë vizion, qeveria edhe ashtu nuk ka ndonjë plan politik të zhvillimit”, deklaron Kastrati.
Në anën tjetër, përfaqësues të shoqërisë civile, e vlerësojnë në dy aspekte projektligjin për pagat e funksionarëve të lartë.
Isuf Zejna, nga Instituti Demokratik i Kosovës, thotë se në njërën anë ligji është i nevojshëm, mirëpo në anën tjetër është në kundërshtim më standardin jetësor në Kosovë. “Është i nevojshëm, për shkak se duhet të harmonizohen pagat e zyrtarëve të lartë publikë, kemi një shpërputhje të madhe në mes përfaqësuesve të bordit, deputeteve, anëtarëve të qeverisë, dhe ligji tenton t’i harmonizojë këto paga”.

“Një numër i zyrtarëve publikë, siç duket ata të ekzekutivit, të cilët edhe kanë hartuar ligjin, kanë paraparë rritje të pagave. Mendoj se kjo është në kundërshtim me vet standardin të cilin ne e kemi në Kosovë dhe me pagën mesatare në Kosovë”, thekson Zejna.

Sidoqoftë, për projektligjin në fjalë, përmes një komunikate për media, ka reaguar Këshilli Gjyqësor i Kosovës.

Ky këshill ka reaguar ndaj kategorizimit të ri të pagave që rezulton, siç thuhet, në kompensim më të ulët të përfaqësuesve të pushtetit gjyqësor në krahasim me përfaqësuesit e pushtetit ekzekutiv dhe pushtetit legjislativ.

Rel/Telegrafi