Arrestohet biznesmeni I naftes. E denoncoi Dritan Prifti

[RAPTILOID]

Arrestohet biznesmeni i naftës, Vladimir Fisheku, ndërkohë që po mbahen sekret një sërë emrash të tjerë, për të cilët është prerë fletë-arresti, mes të cilëve biznesmenë, punonjës tatimesh dhe zyrtarë të administratave lokale. Në qendër të skandalit mendohet të jetë kontrabanda e naftës virgine, për të cilin denoncoi në prokurori Dritan Prifti. Sipas të dhënave që dolën nga hetimet, Fisheku ishte një nga subjektet e përfshirë në këtë operacion. Dritan Prifti akuzoi dhe nëndrejtorin e përgjithshëm të policisë Agron Kuliçi, i cili duket se nuk do të preket nga kjo fortunë.
Fisheku njihet ne rrethet e biznesit si një tregtar nafte, i cili sa herë ka pasur probleme ka përdorur pushtetin e kryeministrit Berisha për shkak të lidhjeve të tij me një botues afër Berishës, Fahri Balliu. Vete Balliu është personazh i një prej videove të patransmetuara, të cilat ka regjistruar Prifti.

Website shekulli

[RAPTILOID]

Nafta "Virgin", valë arrestimesh në Tiranë, në pranga biznesmenë
Website shekulli


UPDATE- Policia e Tiranës dhe Task Forcë kanë ndërmarrë një valë arrestimesh në Tiranë ku përfshihen biznesmenë dhe punonjës të tatimeve e doganave. Ndërsa operacioni vazhdon, mësohet se policia ka vënë në pranga një biznesmen në fushën e naftës. Ndër të arrestuarit jan: Hajri Elezaj, Iljaz Fisheku, Bajram Fisheku dhe Martin Fisheku. Arrestime janë bërë për abuzime më naftën e shtetit, apo e njohur si çështja e naftës "Virgin". Prokuroria e Përgjithshme ka nisur prej kohës një hetim mbi këtë çështje. Nga të dhënat e para mësohet se operacioni i Task Forcë ka arritur të prangosë mbi 11 persona ndërsa prokuroria ka lëshuar rreth 13 mandar arrestesh.


***


Task-Forca e prokurorisë së kryeqytetit, në fillim të ketij viti ka nisur shtatë letër porosi në drejtim të vendeve ku rafineritë e tyre blinin mbetjen naftës të njohur si "virginë" që përpunohej në kompaninë "Albpetrol" në Shqipëri.

Letër-porosi jane nisur për në shtetet: Turqi, Maqedoni, Itali, Gjermani, Greqi, Kosovë dhe Serbi, ku mendohen se kanë përfunduar mbetjet e naftës të njohur me emrin virgin.

Mësohet se mbetjet e naftës virgin, dyshohet se kanë përfunduar në këto shtete, diku për shitje në treg dhe diku për përpunim. "Kemi dërguar shtatë letër-porosi për të krahasuar naftën e exportuar nga Shqipëria në drejtim të këtyre shteteve, ku në disa vende do të përpunohen përsëri mbetjet e naftës dhe në disa vende do të përzihej dhe shitej në treg.

Presim përgjigjet e tyre, për të saktësuar dhe krahasuar me shifrat të cilat janë marrë në kompaninë "Albpetrol" nga ku kanë dalë tonelata të shumta mbetjesh virgin për eksport jashtë Shqipërisë",-thuhet nga prokuroria. Sipas këtyre burimeve, dyshohet se sasia e nxjerrë nga kompania "Albpetrol" për export nuk ka përfunduar e gjitha jashtë, por, ajo është përpunuar dhe shitur si naftë D2 apo edhe D1.

"Tashmë janë sekuestruar materialet shkresore (zyrtare) në doganën e portit të Durrësit dhe Vlorës dhe sekuestrimi i materialeve (fletë hyrjeve dhe daljeve) në kompaninë "ARMO" dhe "Albpetrol".

Gjithashtu janë sekuestruar praktikat e tre kompanive private të cilat nga 2007-'09 ishin licencuar për ekportimin e naftës "Virgin" jashtë territorit shqiptar. Të gjitha këto shifra do të krahasohen me ata që pritet të vijnë me anë të letër-porosive për të zbuluar mospërputhjet e theksuara që dyshohet se ndodhen.

Pasi dyshohet se nga kompania "Armo" tri kompanitë private kanë nxjerrë një sasi të konsiderueshme nafte "Virgin" për eksport, por vetëm një sasi e vogël e saj ka dalë jashtë Shqipërisë",-thuhet nga prokuroria.

Këto tre kompani, dyshohet se veç transportit me bote të naftës "Virgin" në drejtim të portit dhe pikave të depozitimit të tyre, kanë nxjerrë sasi të konsiderueshme edhe nëpërmjet tubacioneve të instaluara brenda kompanisë "Armo", të cilat kishin destinacion depozitat e tyre jashtë territorit të ndërmarrjes së përpunimit të hidrokarbureve.

Gjysma e sasisë së naftës virgin dërgohej në Itali ndërsa pjesa tjetër mbahej në Shqipëri. Nafta regjistrohej sikur do eksportohej por në të vërtetë i dërgohej një kompanie me bazë në Fier, Lushnje dhe Durrës, ku përzihej me naftë normale. Përzierja bëhej në dy depo të kësaj kompanie, në Fier dhe në zonën e Durrësit.
Pas përzierjes, nafta tregtohej në pika të ndryshme karburanti. Kjo metodë "pune" sipas prokurorisë, i ka sjellë organizatorëve të kontrabandës miliona euro fitime përmes mospagimit të taksave dhe shitjes së kësaj përzierje në treg me të njëjtin çmim si nafta e pastër.

Çfarë është Nafta "Virgin" ?

Nafta bruto nxirret nga kompania shtetërore "Albpetrol" dhe i kalon kompanisë tjetër, ARMO, e cila e përpunon në standardin D2. Ky lloj karburanti përdoret nga mjetet bujqësore dhe mjetet e tonazhit të rëndë. Mbetja e përpunimit të naftës D2 quhet "Virgin", e cila, sipas të dhënave shtetërore, nëse përpunohet me të gjitha makineritë, ka sërish naftë të pastër. Nga përpunimi fitohet diçka më pak se 50 për qind e sasisë së dërguar për përpunim

[Fleur Blanche]

Po priftin, kur do ta marre nen cilesine e te pandehurit Prokuoria e Pergjithshme?!!
Tani iu del gjumi ketyre dhe si gjithmone per peshqit e vegjel, ndersa peshkaqente ia dalin paq dhe shnderrohen edhe ne balena madje!
E mire ta zeme se P.P e ka seriozisht kete here, po kush do i denoje keta pash Zotin, ti shih gerdeci si shembull, shih dosjen qe i mbylli prokurorja e pergjithshme bashes, po mediun qe e nderprene ndekjen penale gjoja per shkak te imunitetit... P.P i kishte te gjitha instrumentat ligjore te vazhdonte procedimin ndaj mediut dhe nuk e beri....epo mire po them prap se kete here e paskan seriozisht; po cila gjykate do i denoje mor aman?!
Nuk eshte cudi qe te dalin te pafajshem me pas dhe, te kerkojne demshperblim moral!
Apo te dalin si puna e atij qe ka qene i akuzuar per zhdukjen e Remzi Hoxhes, A.Sefgjini, qe tani u be drejtor i sistemit te rehabilitimit te te burgosurve, apo nikolin jakaj me duket eshte bere kryetar i dhomes se tregtise.
Ketu mire qe nuk denohesh apo procedohesh, por ngritesh ne detyre!
Meqe jemi edhe te sistemi i drejtesie, i kam lexuar te gjitha vendimet e Keshillit te Larte te Drejtesise nder vite, dhe cudia ime ishte se tek disa vendime disiplinore qe kishin marre ndaj disa gjyqtareve, me pas vete i kishin anulluar dhe keta te cilet i kishin marre masat disiplinore i kishin ngritur ne detyre, duke i kaluar ne gjyqtare Apeli!!!
Une nuk di si i durojme keto pazarlliqe me drejtesine ne vendin tone, dhe askush nuk ben ze, te gjithe jane te gatshem vetem per te shkuar ne mitingje per te perkrahe keta qe na nenshtrojne cdo dite dhe tallen me ne, e asnje nuk ben ze kur ndodhin pazare te tilla, thjesht i komentojme ne kafene apo ne forum, por vetem kaq.
Nderkohe qe prokurorja e pergjithshme eshte me e gatshme per te pozuar ne revista mode, se sa per te filluar procedime konkrete dhe serioze, dhe kur nuk eshte e zonja te perballoje presionin e postit te saj, rri e fshehet pas ambasadoreve te SHBA!
Mjere Ne thuaj, se keta e kane per terezi perderisa ne akoma vazhdojme i lejojme te na trajtojne si dele dhe ulerasim pro tyre ne mitingje!

[RAPTILOID]

Website tema



Më poshtë deklarata e prokurorisë dhe lista e të arrestuarve.
“Bazuar në të dhënat e publikuara në shtypin e shkruar dhe viziv në fillim të muajit tetor 2010, (në emisionin «Ora e Intervistës*» të kanalit televiziv privat «Ora News», datë 12.10.2010, si dhe deklarimet e ish – Ministrit të Ekonomisë, Tregtisë dhe Energjitikës, Dritan Prifti, që* ka deklaruar publikisht të dhëna që kanë të bëjnë me veprime abuzive me detyrën dhe kontrabandë të zhvilluar me naftën e prodhuar nga ana e kompanisë «Armo» sh.a për periudhën 2007 – 2009), si dhe verifikimeve paraprake të kryera, Njësia e Përbashkët Hetimore pranë Prokurorisë së Rrethit Gjyqësor Tiranë, ka regjistruar me iniciativën e saj procedimin penal nr. 4155, datë 13.10.2010 për veprat penale të*«*Mashtrimit me pasoja të rënda*», «*Shpërdorimit të detyrës*», « Falsifikimit të dokumenteve*» dhe «*Pastrimit të produkteve të veprës penale*», të parashikuara nga nenet 143/2, 248, 186 dhe 287 të Kodit Penal.
Nga hetimet e zhvilluara deri tani është bërë e mundur të provohet se gjatë periudhës 2007 – 2009, sasi të konsiderueshme te nënproduktit te naftës bruto të përpunuar dhe të njohur si «*Vergine*», është tregtuar në territorin e Republikës së Shqipërisë në kundërshtim me ligjin dhe në dëm të konsumatorëve, duke e paraqitur atë si benzinë të pastër për konsum. Ky aktivitet është realizuar nga ana e subjektit privat «*Euroil*» sh.a, me ortak dhe administrator shtetasin Hajri Elezaj si dhe në bashkëpunim me subjektin tjeter privat «*Fisheku*» sh.a, me ortak dhe administrator shtetasin Ilias Fisheku. Sasia e nënproduktit të naftës te quajtur «*Vergine*»* është blerë nga shoqëria e përpunimit të naftës «*Armo*» sh.a dhe në mënyrë fiktive është pasqyruar *me dokumentacion si e eksportuar jashtë shtetit. Por në fakt, ajo është shitur në tregun e brendshëm në kundërshtim me ligjin dhe duke mashtruar konsumatorin shqiptar. Në këtë aktivitet janë përfshirë edhe punonjës të caktuar të administratës tatimore dhe doganore, të cilët me veprimet e tyre kanë ndihmuar në fshehjen dhe mosdeklarimin e aktivitetit në fjalë.
Mbi bazën e kërkesës së organit të akuzës, Gjykata e Rrethit Gjyqësor Tiranë, ka vendosur caktimin e masës së sigurimit «*Arrest në burg*», të parashikuar nga neni 238 i Kodit Penal për shtetasit e mëposhtëm*:
1.***** Hajri Hajredin Elezaj*;
2.***** Ilias *Isa Fisheku*;
3.***** Martin Ilias Fisheku*;
4.***** Bajram Isa Fisheku*;
5.***** Dashamir Veiz Kasaj;
6.***** Edmond Kaso Ferraj*;
7.***** Flamur Rexhep Merkaj*;
8.***** Vladimir Kilo Koteci*;
9.***** Gani Llazar Prence*;
10. Reshat Hamza Aleksi*;
11. Kadri Rakip Hajredini*;
Arrestimi i personave të mësipërm u bë në bashkëpunim të ngushtë me Drejtorinë e Policisë Qarku Tiranë, të cilët, së bashku me Njësinë e Përbashkët Hetimore pranë Prokurorisë së Rrethit Gjyqësor Tiranë, po vijojnë ndërkohë veprimet e mëtejshme hetimore edhe ndaj personave të tjerë që mund të jenë përfshirë në këtë çështje”.

[Xheviko Sino]

Me thenjen e te madhit (O.Wilde) ske c"te komentosh tjeter.

[*Babygirl*]

Mosssss edhe Fahriun (idhullin e disa forumistave) na e paskan perfshi ne skandale?

O Tan a ke me video se u kenaqem me spektakel

Ca paski qen dhe ju nuk lat pushtetar pa e perfshi ne skandale, jo per gje por edhe jan te ndershem dhe me duar te pastra

[RAPTILOID]

Mosssss edhe Fahriun (idhullin e disa forumistave) na e paskan perfshi ne skandale?

O Tan a ke me video se u kenaqem me spektakel

Ca paski qen dhe ju nuk lat pushtetar pa e perfshi ne skandale, jo per gje por edhe jan te ndershem dhe me duar te pastra

Heheehe
Fahriu dhe ca te tjere do dalin gjate fushates
Hehehehe
Idhulli mesje brarit

[Fleur Blanche]

Nganjehere e pyes veten se pas nofkes se brarit , mos fshihet vete berisha

Raptiloid, per fushata nuk me behet vone aspak se si do te jene, te nxehta apo te ftohta, per mua le te nxjerrin tym, por hallin e kam per ato qe kam permende me lart ne koment, qe eshte per t'ia nisur vajit kur e mendon, te ngrihet buzeqeshja ne fytyre....

[RAPTILOID]

Nganjehere e pyes veten se pas nofkes se brarit , mos fshihet vete berisha

Raptiloid, per fushata nuk me behet vone aspak se si do te jene, te nxehta apo te ftohta, per mua le te nxjerrin tym, por hallin e kam per ato qe kam permende me lart ne koment, qe eshte per t'ia nisur vajit kur e mendon, te ngrihet buzeqeshja ne fytyre....

Ne si popull kemi nje problem( se mos vetem nje)
Ne themi sikur te ishte keshtu sikur te ishte ashtu
Ne jemi keta qe jemi
Dhe nder te tjera keta politikane kemi
Dhe kete kryeprokurore
Tani eshte me mire ti leme se cfare do te donim dhe te mendojme se cte bejme me keta qe kemi

[loneeagle]

do zoti te arrestojne edhe me shume. problemi qendron se asgje ska per tu ndodhur. njoh disa qe punojne ne zyren e taksave ne fier marrin rreth $800 ne muaj edhe kane blere 2 shtepi nga $90,000 cash come on ku i gjeten keto vetem duke vjedhur.

[RAPTILOID]

Kompanitë e pushtetit, trafik nafte
Burri i Albana Vokshit ka qenë themelues i njërës prej kompanive, ndërsa mbesa e Berishës eksperte kontabël e saj. Zbardhet skema se si masakrohej tregu i naftës në Shqipëri
11 persona, mes tyre biznesmenë, janë arrestuar pas denoncimit të ish- ministrit Dritan Prifti. Ky i fundit ngriti akuza për kontrabandë të naftës vergine. Dritan Prifti akuzoi dhe nëndrejtorin e përgjithshëm të policisë Agron Kuliçi, i cili duket se nuk do të preket nga kjo fortunë.
Në deklaratën e prokurorisë së Përgjithshme thuhet se nga hetimet e zhvilluara deri tani është bërë e mundur të provohet se gjatë periudhës 2007–2009, sasi të konsiderueshme te nënproduktit te naftës bruto të përpunuar dhe të njohur si “Vergine”, është tregtuar në territorin e Republikës së Shqipërisë në kundërshtim me ligjin dhe në dëm të konsumatorëve, duke e paraqitur atë si benzinë të pastër për konsum.
Ky aktivitet është realizuar nga ana e subjektit privat “Euroil” sh.a, me ortak dhe administrator shtetasin Hajri Elezaj si dhe në bashkëpunim me subjektin tjetër privat “Fisheku” sh.a, me ortak dhe administrator shtetasin Ilias Fisheku. Sasia e nënproduktit të naftës të quajtur “vergine” është blerë nga shoqëria e përpunimit të naftës “ARMO” sh.a dhe në mënyrë fiktive është pasqyruar me dokumentacion si e eksportuar jashtë shtetit. Por në fakt ajo është shitur në tregun e brendshëm në kundërshtim me ligjin dhe duke mashtruar konsumatorin shqiptar. Në këtë aktivitet janë përfshirë edhe punonjës të caktuar të administratës tatimore dhe doganore, të cilët me veprimet e tyre kanë ndihmuar në fshehjen dhe mosdeklarimin e aktivitetit në fjalë.
Pra e shpjeguar thjeshtë, nafta e papërpunuar ose siç njihet ndryshe me emrin “virgine” faturohej sikur do të shkonte në Itali për eksport dhe përzihej në një depozitë në Fier me naftë të pastër duke na u shitur për makinat tona. Kjo rrit në mënyrë kolosale fitimet tek biznesmenët që kanë bërë këtë krim, ndërsa kanë shkatërruar jo vetëm konkurrentët e tyre, por dhe qytetarët e zakonshëm shqiptarë.
Kush janë të arrestuarit
Mbi bazën e kërkesës së organit të akuzës, Gjykata e Rrethit Gjyqësor Tiranë ka vendosur caktimin e masës së sigurimit “Arrest në burg”, të parashikuar nga neni 238 i Kodit Penal për shtetasit e mëposhtëm:
1. Hajri Hajredin Elezaj
2. Ilias Isa Fisheku
3. Martin Ilias Fisheku
4. Bajram Isa Fisheku
5. Dashamir Veiz Kasaj
6. Edmond Kaso Ferraj
7. Flamur Rexhep Merkaj
8. Vladimir Kilo Koteci
9. Gani Llazar Prence
10. Reshat Hamza Aleksi
11. Kadri Rakip Hajredini
Arrestimi i personave të mësipërm u bë në bashkëpunim të ngushtë me Drejtorinë e Policisë Qarku Tiranë, të cilët, së bashku me Njësinë e Përbashkët Hetimore pranë Prokurorisë së Rrethit Gjyqësor Tiranë, po vijojnë ndërkohë veprimet e mëtejshme hetimore edhe ndaj personave të tjerë që mund të jenë përfshirë në këtë çështje.
Drejtori i Doganave Flamur Gjymyshka mbrojti të akuzuarit
Sapo shpërtheu skandali i naftës vergine, denoncuar nga Dritan Prifti vjeshtën e shkuar, Drejtori i Përgjithshëm i Doganave Flamur Gjymyshka gjeti rastin në një takim pune të hidhte poshtë akuzat duke deklaruar se nga hetimi në dogana nuk rezulton të ketë pas trafik me naftën vergine. Gjymyshka tha se nuk ka asnjë provë që të vërtetojë akuzat e ish-ministrit të Ekonomisë, Dritan Prifti, bërë ndaj zv.drejtorit të Përgjithshëm të Policisë Agron Kuliçaj për kontrabandën e naftës vergine.
Kreu i Doganave e bëri këtë deklaratë në takimin ndërkombëtar të Task Forcës që përfshin policitë dhe doganat e 13 vendeve të Europës Juglindore. “Lidhur me disa të dhëna që kanë të bëjnë me një kontrabandë të mundshme të naftës vergine në një periudhë të caktuar kohe po merret informacioni i duhur. Po bashkëpunohet dhe me strukturat e vendeve homologe, por ju siguroj se për periudhën në të cilën bëhet fjalë në materialet e servirura nga një deputet nuk është periudha që përkon. Bëhet fjalë për një periudhë tjetër, është periudhë e mëparshme,” ka pohuar drejtori i Përgjithshëm i Doganave.
Por e vërteta e hetimeve zbuloi se ka qenë loja me doganat shqiptare ajo që ka bërë të mundur trafikun e naftës vergine, e cila i ka sjell dëme të pallogaritshme tregut dhe konsumatorit.
Lidhjet politike të dy kompanive
Të dy kompanitë kanë përdorur lidhjet politike për tu favorizuar dhe për të arritur në këtë nivel të trafikut të naftës brenda vendit. Kompania e parë Euroil sh.a është themeluar nga Arian Tartari, burri i Albana Vokshit dhe Hajri Elezi, një biznesmen që njihej para 2005 si prodhues i ujit Lajthiza (FAKSIMILE 1).

Faksimile e dokumentit që vërteton se Arian Tartari dhe Hajri Elezi kanë qenë partnerë në kompaninë Euroil sh.a
Me fitoren e PD ai u fut dhe në tregun e naftës, kryesisht në shitje- blerjen e naftës vergine nga ARMO, në atë kohë pronë shtetërore. Është interesant fakti se Tartari bashkëjetues me Vokshin, ka qëndruar pronar i kësaj kompanie deri në vitin 2007, ndërkohë që kunata e tij Mimoza Vokshi ka qenë në atë kohë Presidente e Bordit të ARMO, pra i bie që t’i ketë shitur kunatit të vet natën vergine. Më 2007 Tartari largohet pasi lidhet me kanadezët e Stream Oil dhe ja shet aksionet një qytetari nga Durrësi.
Detaji i dytë që afron këtë kompani me pushtetin është studioja e ekspertes kontabël që është sërish Shpresa Breçani, mbesa e kryeministrit Berisha emri i së cilës shfaqet në gjithë kompanitë e privilegjuara nga pushteti (FAKSIMILE 2).

Faksimile e ekspertizës së bilancit, bërë nga mbesa e kryeministrit
Nuk kemi ende ndonjë të dhënë mbi cilësinë e auditit të këtyre kompanive, por siç veprohet rëndom, emra të tillë përdoren si imunitet ndaj kontrolleve tatimore dhe gjobave që tatimet vënë mbi bizneset.
Fisheku është një kompani e njohur me bazë në Fier. Kanë qenë të lidhur me të majtën në Fier dhe kryesisht zyrtarë socialistë. Pas vitit 2005 janë afruar me njerëz të Berishës, kryesisht botuesin e gazetës 55, Fahri Balliu, i cili ka shërbyer shpesh si negociator për të zbutur probleme të tyre. Epërsia e tyre në treg është rritur ndjeshëm vitin e fundit kur ata kanë krijuar kompaninë e distribuimit Martini Petrol, e cila po zgjerohet ndjeshëm në Tiranë. Faktet e fundi shpjegojnë dhe suksesin e lehtë të kompanisë në treg për shkak të favorizimeve që ka pasur.
Denoncimi i Dritan Priftit për këto dy kompani është shoqëruar dhe me denoncimin për Agron Kuliçin, Nëndrejtorin e Përgjithshëm të Policisë, për të cilin nuk ka njoftim as që është hetuar dhe as që do të ketë pasoja nga hetimi.

Website tema
( faksimilet do jua postoj ne darke per arsye teknike)

[Brari]

edvinua hyn ne betejen per te ri marre bashkine me shume kuaj o rrapush.
ka punuar mire kopili i bllokut.
ai ka shum njesite guerile.
njesiti guerli ne prokurori cdo dite i merr porosite nga edvinua se cte piketoje per arrestim e per persekutim.
kurse njesiti gueril ne media ben kusurin e punve se ku duhet ti mshoje gjerave qe edvinua te konkurroje lul bashen..
jo me kot ne 8 mars guerilsi i ed rucit.. dora vete.. presidenti bamir top.. cfaqi kenaqsine se i ka kryer detyrat mire ndaj shtabit ed rucist qe ne prokurori e ne gjykata ka vene zagareshat besnike te ede rucit.. dhe u mburr se ka bere nje mrekulli qe ka vene In Ramen krye guerilse te prokurorise..
pra desh te thote bamiri se grushti shtetit vazhdon..
dhe keto arrestimet jan pjese e skenarit..
bravo ju lumte o rrapushi i ed rucit..
vazhdo na trego pjese te pllanit..

.

[RAPTILOID]

Nafta "Virgine", Shalsi: Kusarët e vërtetë janë në parlament e qeveri
Website shekulli

TIRANE- "Nafta shqiptare ka rënë në duart e një bande që ka këmbët, duart dhe kokën në oborrin e regjimit të kusarisë" Ky ka qenë reagimi I Partisë Socialiste pas arrestimit të 11 personave të akuzuar për abuzime me naftën e shtetit.


Deputeti i PS-së Eduard Shalsi tha se në pranga "kanë rënë hajdutët që ekzekutonin grabitjen e naftës, ndërsa kusarët e vërtetë që hapnin shtigjet, me policë dhe me xhandarë taksash dhe tatimesh janë në qeveri e në parlament"


Sipas Shalsit, kreyministri Berisha, ministri Bode e Basha si dhe motrat Vokshi duhet të japin publikisht llogari.


"A ka njeri vallë që të mos e kuptojë se pse u vodhën zgjedhjet e 28 qershorit ! Pse u vranë njerëzit me 21 janar ! Përse vendi ka marrë të tatëpjetën dhe shqiptarët janë përditë e më të varfër"- tha Shalsi

VERGINE
Kush është Hajri Elezaj

Biznesmeni kuksian i arrestuar mbrëmë me urdhër të Prokurorisë, është mik i familjes së Berishës dhe i nëndrejtorit të policisë Agron Kuliçit. Ka sponsorizuar PD-në që prej 2005-s, ndërsa bashkëshortja e tij është parë në fushatë me Topallin.

Ka fituar tenderin për furnizimin me naftë të gjithë institucioneve shtetërore, ndërkohë që uji i tij "Lajthiza" gjendet mbi tavolinën e ministrave gjatë mbledhjeve të qeverisë.

Arrestohen 11 persona, për skandalin e naftës "Vergine"

TIRANË- Arrestohen 11 persona për mashtrimin me nënproduktin e naftës bruto të përpunuar e të njohur si "Vergine". Lajmi konfirmohet nga burimet zyrtare të Prokurorisë së Përgjithshme dhe Policisë së Shtetit, sipas të cilëve, arrestimi i tyre ka ardhur pas hetimeve 5 mujore nga njësia e Task-Forcës në Prokurorinë e Tiranës, konkretisht nga drejtuesi i këtij institucioni Dritan Rreshka dhe prokurorja Daniela Sulaj.

Me kërkesë të dy prokurorëve të çështjes, gjyqtari i gatshëm i masave pranë Gjykatës së Shkallës së Parë ka caktuar paraditen e djeshme në mungesë masat e sigurisë "arrest me burg" për 11 të dyshuarit, vendimet e së cilës janë ekzekutuar më pas nga Drejtoria e Përgjithshme Policisë së Shtetit.

"Bazuar në të dhënat e publikuara në shtypin e shkruar dhe vizive në datën 12 tetor 2010- si dhe nga deklarimet e ish-ministrit të Ekonomisë, Tregtisë dhe Energjetikës, deputetit Dritan Prifti ka deklaruar publikisht të dhëna, që kanë të bëjnë me veprime abuzive me detyrën dhe kontrabandë të zhvilluar me naftën e prodhuar nga ana e kompanisë "Armo" sh.a për periudhën 2007-2009 - si dhe nga verifikimet paraprake të kryera nga Njësia e Përbashkët Hetimore (Task-Forca), pranë Prokurorisë së Tiranës",-është regjistruar me iniciativën e institucionit të akuzës procedimi penal me nr.4155 që mban datën 13 tetor 2010.

Ky procedim, është regjistruar për veprat penale të "Mashtrimit me pasoja të rënda"; "Shpërdorimit të detyrës"; "Falsifikimit të dokumenteve" dhe akuzën e "Pastrimit të produkteve të veprës penale",-thuhet në njoftimin e Prokurorisë së Përgjithshme.
Po sipas këtyre burimeve, mësohet se nga hetimet pesë mujore është arritur të provohet se është abuzuar për një periudhë 3- vjeçare nga dy kompani.

"Nga hetimet e zhvilluara deri tani është bërë e mundur të provohet se gjatë periudhës 2007-2009, sasi të konsiderueshme të nënproduktit të naftës bruto të përpunuar dhe të njohur si "Vergine", është tregtuar në territorin e Shqipërisë në kundërshtim me ligjin dhe në dëm të konsumatorëve, duke e paraqitur atë si benzinë të pastër për konsum.

Ky aktivitet është realizuar nga ana e subjektit privat "Euroil" sh.a, me ortak dhe administrator shtetasin tashmë të arrestuar Hajri Elezaj si dhe në bashkëpunim me subjektin tjetër privat "Fisheku" sh.a, me ortak dhe administrator shtetasin e arrestuar Iliaz Fisheku", - thuhet nga prokuroria.

Sipas tyre, sasia e nënproduktit të naftës të quajtur "Vergine" është blerë nga shoqëria e përpunimit të naftës "Armo" sh.a dhe në mënyrë fiktive është pasqyruar me dokumentacion si e eksportuar jashtë shtetit. Por në fakt, ajo është shitur në tregun e brendshëm në kundërshtim me ligjin dhe duke mashtruar konsumatorin shqiptar.

"Në këtë aktivitet janë përfshirë edhe punonjës të caktuar të administratës tatimore dhe doganore, të cilët me veprimet e tyre kanë ndihmuar në fshehjen dhe mos deklarimin e aktivitetit në fjalë",-thuhet nga prokuroria, duke shtuar se po hetohen në gjendje të lirë edhe shumë persona të tjerë.

Kush është biznesmeni Elezaj

Hajri Hajredin Elezaj lindur në Kukës, por banues në Tiranë, i njohur si administratori dhe ortaku i kompanisë "Euro-oil" sh.a., njëkohësisht dhe anëtar i konsorciumit "US Balkan Capital Fund Inc., "Euroil sh.a." and "NSF Partners & Vitol Group" si dhe pronari i stabilimentit të ujit "Lajthiza" me qendër në Qafë Mali të Kukësit.

Me ndryshimin e qeverisë dhe ardhjen në pushtet të Partisë Demokratike bizneset e tij janë zgjeruar dhe ngritur dhe ai njihet nga të gjithë si njeri i afërt i familjes së kryeministrit Sali Berisha. Ka shoqëri të fortë mes tij dhe ish-truprojës së Berishës, zv.Drejtorit të Përgjithshëm të Policisë së Shtetit Agron Kuliçi, personi që është denoncuar hapur nga ish-ministri Prifti për favorizimin e aferave të paligjshme me naftën

Z.Elezaj njihet edhe si sponsorizues i fushatës së PD-së për zgjedhjet e 2005, 2007 dhe 2009 së bashku me familjen, pasi edhe bashkëshortja e tij është parë në fushatat elektorale e shoqëruar me kryetaren e Kuvendit znj.Jozefina Topalli.

Prokuroria ka siguruar materiale të ndryshme zyrtare, ku provohet se shoqëria e tij "Euro-oil" sh.a. kishte fituar tenderin e furnizimit me naftë dhe benzinë të të gjitha institucioneve shtetërore të qeverisë në vend për periudhën 2009 - 2010.

Prej gati dy vitesh edhe kompania e tij e ujit "Lajthiza" furnizon të gjithë institucionet qeveritare me ujë të pijshëm, çka shihet qartë edhe në mbledhjet e Këshillit të Ministrave ku çdo ministër dhe vetë kryeministri mbajnë përpara ujin e kompanisë së tij.

"Vergine", ose shitja e llumit tek shqiptarët

Sipas të dhënave të prokurorisë, mësohet se gjatë periudhës 2007 - '09, kompania "Albpetrol" që kryen nxjerrjen e naftës bruto nga vendburimet, pasi e nxirrte e dërgonte në rafineritë e kompanisë "Armo".

Kjo e fundit, e përpunonte me teknologjinë që ka në dispozicion naftën e nxjerrë nga vendburimet dhe nga përpunimi nxirrte një përqindje të caktuar nafte D2 që përdoret për mjete bujqësore.

Ndërsa një përqindje të caktuar nga ky përpunim, kthehej në mbetje "Vergine" (llumi i mbetur nga përpunimi), që sipas rregullit, këto mbetje i shiteshin kompanisë "Euroil" sh.a. dhe "Fisheku" sh.a., kompanitë që e ngarkonin më pas dhe e transportonin me bote për në portin e Vlorës për ta dërguar në rafineritë italiane apo gjermane për përpunim, pasi në Shqipëri nuk ekziston kapacitet teknologjik të përpunimit të kësaj mbetje.

Por, edhe pse me dokumentacion kjo sasi ishte destinuar për jashtë Shqipërisë, sipas prokurorisë, një pjesë e vogël e saj dërgohej në Port të tjerat shpërndaheshin në pikat e depozitimit në Fier, Lushnjë dhe Durrës të dy këtyre kompanive "Euroil" sh.a. dhe "Fisheku" sh.a., të cilat përziheshin me dy njësi nafte e rregullt D2 dhe një njësi nafte e cilësisë së keqe (Vergine) dhe më pas shitej si naftë e mirë.

TË ARRESTUARIT:

Hajri Hajredin Elezaj, pronari i kompanisë "Euro-oil" sh.a., njëkohësisht dhe anëtar i konsorciumit "US Balkan Capital Fund Inc., "Euroil sh.a." and "NSF Partners & Vitol Group" si dhe pronari i stabilimentit të ujit "Lajthiza" me qendër në Qafë Mali të Kukësit.

Ilias Isa Fisheku administrator i kompanisë "Fisheku" sh.a.

Martin Ilias Fisheku, (djali i Ilias) ndihmës administrator i kompanisë "Fisheku" sh.a.
Bajram Isa Fisheku, (vëllai i Ilias) ndihmës administratori i kompanisë "Fisheku" sh.a
Dashamir Veiz Kasaj, specialistë dhe kontrollor i tatimpaguesve të mëdhenjtë të TVSH-së pranë Tatimeve

Edmond Kaso Ferraj, doganier vlerësues dhe fizik në doganën e Vlorës

[RAPTILOID]

Dritan Prifti: Kontrabanda e naftës, shkon shumë lart..
Website shekulli

Ish-ministri i Ekonomisë: "Kontrabanda shkon shumë lart, deri në nivel ministrash. Njerëzit e thjeshtë kanë folur dhe flasin, kurse qeveria hesht. Heshtja tregon bashkëfajësi. Kam informuar Berishën për kontrabandën dhe nuk mori asnjë masë"

TIRANË- Skema e kontrabandës shtetërore e naftës është denoncuar nga ish-ministri i Ekonomisë, Dritan Prifti, por kjo ka sjellë krisjen e parë të tij me kryeministrin Berisha. Kreu i LSI-së, Ilir Meta kishte disa muaj që i kërkonte Berishës shkarkimin e Priftit, por kryeministri nuk kishte pranuar.

Në momentin që Prifti kërkoi takim me Berishën dhe nisi ti fliste për kontrabandën e naftës kryeministri ka kërkuar që i pranishëm të ishte edhe ministri i Financave, Ritvan Bode. Ish-ministri i Ekonomisë i ka shpjeguar kryeministrit se në kontrabandën e naftës ishte implikuar Agron Kuliçaj, ish-truproja personale e Berishës, më pasi i emëruar në postin e zv.drejtorit të Policisë së Shtetit.

Pas kësaj, Berisha i ka kërkuar ministrit të Financave, Ritvan Bode që këtë çështje ta shikonte me prioritet të madh. Me këtë fjali është mbyllur edhe takimi mes Berishës, Bodes dhe Priftit. Por kanë qenë vetëm llafe. Sepse pas kësaj bisede, çdo gjë ka vijuar si më parë, asgjë nuk ka ndryshuar.
"Nga analiza ime kam evidentuar një kontrabandë të madhe nafte që kryhet nga vetë shteti. një person në këtë mes që quhet Agron Kuliqi, ish-badigardi i Sali Berishës, që sot është nëndrejtor i përgjithshëm i Policisë së Shtetit.

Unë në momente të caktuara kam informuar edhe kryeministrin për kontrabandën e naftës, në të cilën janë përfshire edhe policia e shtetit, doganat e tatimet. Bëheshin dokumente eksporti false dhe ajo shitej ne tregun shqiptar. Kryeministri ka thënë që i ka dhënë porosi ministrit të Financave, por edhe sot nuk ka asnjë rezultat",- ka thënë Dritan Prifti.

Agron Kuliqi ka qenë për shumë vite truproja personale e kryeministrit Berisha dhe në vitin 2005 u rikthye në radhët e policisë duke marrë fillimisht postin e kreut të policisë kriminale. Një vit më pas ai mori postin e nëndrejtorit të përgjithshëm të Policisë së Shtetit, post të cilin e mban edhe sot, madje në zyrat e policisë, thuhet se ai është drejtori real.

"Ka shumë zyrtarë të tjerë të përfshirë, që nga ish-drejtues të ARMO-s shtetërore, që nga drejtues lokalë të policisë së shtetit deri në drejtues e punonjës doganash. Rrjeti i këtij aktiviteti kriminal është shumë i madh. Ata kanë punuar me shumë kujdes dhe është shumë vështirë ta zbulosh këtë krim që i ka sjellë shtetit miliona euro dëm ekonomik dhe evazion fiskal",- ka thënë Prifti, duke shtuar: "Me këtë çështje duhet të merret prokuroria, por për mendimin tim shkon shumë lart, deri në nivel ministrash.

Një aktivitet kaq i madh kriminal ku kanë marrë pjesë qindra shoferë, dhjetëra policë, dhjetëra punonjës doganash e tatimesh, është e pamundur të bëhet nën hundën e shtetit dhe askush mos të dijë asgjë.

Njerëzit e thjeshtë kanë folur dhe flasin, kurse qeveria hesht. Heshtja tregon bashkëfajësi. Pjesa më e madhe e kësaj afere është bërë në vitet 2007-2008, dhe pak në 2009-ën. Unë për pjesën time kam folur me anëtarë të qeverisë dhe po flas publikisht. Duhet të flasin dhe të tjerët".

Në verën e vitit 2010 Prifti e ka ngritur këtë çështje në mbledhjen e qeverisë duke propozuar edhe një vendim ku ndalohej shitja e naftës tek subjektet e palicencuara. Fillimisht Berisha ka mohuar bisedën me Priftin dhe Boden për kontrabandën e naftës, por pas publikimit të dokumentit nuk ka pasur më asnjë reagim.

Përmbajtja e vendimit ishte kjo: "Në dokumentin e lejes së koncesionit, dhënë "Armo", sha-së, Tiranë, për përpunimin e naftës, gazit dhe të nënprodukteve të tyre, bashkëlidhur vendimit nr.41, datë 14.1.2009 të Këshillit të Ministrave, të shtohet një paragraf, me këtë përmbajtje: "Armo", sh.a. ndalohet t'u tregtojë produkte gjysmë të gatshme subjekteve, të cilat nuk zotërojnë lejet përkatëse të tregtimit ose impiantet përkatëse të përpunimit për këto gjysmëprodukte",- thuhet në vendimin që qeveria ka marrë më datë 26 qershor. Ky vendim ka hyrë në fuqi në datë 28 korrik të këtij viti, pas botimit në fletoren zyrtare.

Prifti për Agron Kuliçajn
"Agron Kuliçajt i ka dalë emri në kontrabandën e naftës. Një ditë të bukur, nëse hetimin e kësaj kontrabande do ta marrë seriozisht. A do t'ju lexoj një sms. Një sms nga një inspektor i kontrabandës: "Pasi ndaluam botet mori dikush në telefon dhe më kërcënoi që lëshojini botet. Pas kësaj, lajmërova policinë. Erdhi grupi i gatshëm dhe i thamë që botet të mos luanin nga vendet. Por pas pak botet lëvizën.."

Kjo tregon përfshirjen e policisë. Unë i them doganave hetoni vitin 2007 deri në fund të vitit 2009. Shkoni tek ARMO, merrni sa është prodhuar, merrni kujt i është shitur dhe shkoni tek kompanitë që i kanë blerë dhe ku i kanë çuar. Nafta, gjasme është eksportuar, por ajo naftë është shitur në shtetin shqiptar. E para, nuk janë paguar taksat dhe e dyta, ai produkt është i ndaluar të përdoret në tregun shqiptar",- ka thënë Prifti.

Si funksiononte kontrabanda e naftës

Nafta me dokumente shënohej se do të dërgohej në Itali për përpunim por në fakt nuk ndodhte kjo gjë. Gjysma e sasisë së naftës "Virgin" dërgohej në Itali ndërsa pjesa tjetër mbahej në Shqipëri. Në këtë skemë janë të përfshirë dy kompani nafte vendase. Nafta regjistrohej sikur do eksportohej, por në të vërtetë i dërgohej një kompanie me bazë në Fier, e cila e përziente me naftë normale. (Fisheku).

Përzierja bëhej në dy depo të kësaj kompanie në Fier dhe në zonën e Durrësit. Pas përzierjes nafta tregtohej në pika të ndryshme karburanti. Prokuroria ka verifikuar rast pas rasti faturat e naftës "Virgin" të dala nga Albpetroli, faturat e daljes nga porti i Vlorës, por edhe faturat e hyrjes në Itali.

Kompania "Albpetrol" kryen nxjerrjen e naftës bruto nga vendburimet dhe më pas e dërgon atë në rafineritë e kompanisë "Armo". Kjo kompani, përpunonte me teknologjinë që ka në dispozicion naftën e nxjerrë nga vendburimet dhe nga përpunimi nxirrte një përqindje të caktuar nafte D2 që përdoret për mjete bujqësore.

Ndërsa një përqindje të caktuar nga ky përpunim, kthehej në mbetje "Virgin" (llumi i mbetur nga përpunimi), që sipas rregullit, këto mbetje të ngarkuara në bote transportohen për në portin e Vlorës dhe më pas dërgohej në rafineritë italiane apo gjermane për përpunim.

Nëpër këto pika, përziheshin dy njësi nafte e rregullt D2 dhe një njësi nafte e cilësisë së keqe (Virgin) dhe më pas shitej si naftë e mirë. Ndërkohë, nga ana tjetër, dokumentacioni përpilohej, në mënyrë fiktive, sikur këto mjete janë dërguar në Itali dhe Gjermani për përpunim për llogari të "Armo"-s.
*

[mesuesi_1]

ky eshte nje lajm i cili eshte ndertuar ne mediat e kuqe te cilat marrin urdhera per te perhapur panik .... eshte strategji loje ..... eshte loja e tyre kjo .... nuk kane shprese tjeter ..... problemi eshte se pikerisht nje muaj me pare ambasadori trashegimtar i qidhersit doli neper media duke bere te qarte se Top Qeni, Gazeta Shqiptare dhe Shekulli jane te paprekshme nga cdokush .... pra i doli ne mbrojtje hapur fare ..... "pa doreza" thote populli ....

une di pietje kam ..... a ka ndonje filmim per arrestimin e tyre dhe a ka pasur ndonje komunikim nga Policia e Shtetit per keto .....??????

[Mike Oldfield]

Mesuesi brari...
Sa idiot je,ti e ke pushtetin...
mer komshiu im

Mesuesi ka shume te drejte, ky eshte lajm i perhapur nga mediat trakte edveriste,
nuk ka asnje lajmerim zyrtar nga policia e shtetit per keto arrestime (me duket se eshte ajo qe i ben arrestimet)!

[*Babygirl*]

Shkon në 13 numri i të arrestuarve për naftën “Virgin”, një tjetër shpallet në kërkim

Dy persona të tjerë janë arrestuar ditën e sotme lidhur me aferat korruptive të naftës “Virgin” duke çuar në 13 numrin e të ndaluarve për këtë çështje.

Gazmend Serjani dhe Fadil Abdurrahmani konfirmohen nga burime zyrtare të prokurorisë si dy të ndaluarit e tjerë, ndërsa një tjetër person është shpallur në kërkim.

Ky operacion u nis pasditen e djeshme ku ranë në pranga plot 11 persona dhe në radhët e tyre përfshiheshin biznesmenë, tatimorë e doganierë.
Prokuroria e Përgjithshme publikoi ditën e djeshme emrat dhe akuzat për personat e implikuar në aferat korruptive të naftës “Virgin”.

Organi i akuzës e nisi deklaratën e tij me përmendjen e fakteve nëpër televizione si dhe me deklarimet e ish-Ministrit të Ekonomisë, Tregtisë dhe Energjitikës, Dritan Prifti.

Në komunikatën e Prokurorisë së Rrethit Gjyqësor Tiranë, thuhej se ndaj 13 të ndaluarve do të ndiqen për veprat penale të “Mashtrimit me pasoja të rënda”, “Shpërdorimit të detyrës”, “Falsifikimit të dokumenteve” dhe “Pastrimit të produkteve të veprës penale”.

Ky aktivitet është realizuar nga ana e subjektit privat “Euroil sh.a”, me ortak dhe administrator shtetasin Hajri Elezaj si dhe në bashkëpunim me subjektin tjetër privat “Fisheku sh.a”, me ortak dhe administrator shtetasin Ilias Fisheku.

Sipas saj, sasia e nënproduktit të naftës te quajtur “Virgin” është blerë nga shoqëria e përpunimit të naftës “Armo sh.a” dhe në mënyrë fiktive është pasqyruar me dokumentacion si e eksportuar jashtë shtetit.

Sipas Prokurorisë ajo është shitur në tregun e brendshëm në kundërshtim me ligjin dhe duke mashtruar konsumatorin shqiptar.

11 të ndaluarit e tjerë janë: Hajri Hajredin Elezaj ; Ilias Isa Fisheku ; Martin Ilias Fisheku ; Bajram Isa Fisheku ; Dashamir Veiz Kasaj; Edmond Kaso Ferraj ; Flamur Rexhep Merkaj ; Vladimir Kilo Koteci ; Gani Llazar Prence ; Reshat Hamza Aleksi ; Kadri Rakip Hajredini.

a.y/NOA

[martini1984]

Mesuesi ka shume te drejte, ky eshte lajm i perhapur nga mediat trakte edveriste,
nuk ka asnje lajmerim zyrtar nga policia e shtetit per keto arrestime (me duket se eshte ajo qe i ben arrestimet)!

Une sjam qorr dhe nuk kam interesa...
Pyesni sumen mire,se USA ka interesa.
Keshtu Majku.

[POKO]

edhe per dike tjeter kishte then prifti,qe e kishte par me syt e tije,se si thithte 3000 euro doz pluhur ne dit,ne zyren e tije!

dini gje se per ke behet fjale ju te prokurorise nga familja rama ?

[RAPTILOID]

ky eshte nje lajm i cili eshte ndertuar ne mediat e kuqe te cilat marrin urdhera per te perhapur panik .... eshte strategji loje ..... eshte loja e tyre kjo .... nuk kane shprese tjeter ..... problemi eshte se pikerisht nje muaj me pare ambasadori trashegimtar i qidhersit doli neper media duke bere te qarte se Top Qeni, Gazeta Shqiptare dhe Shekulli jane te paprekshme nga cdokush .... pra i doli ne mbrojtje hapur fare ..... "pa doreza" thote populli ....

une di pietje kam ..... a ka ndonje filmim per arrestimin e tyre dhe a ka pasur ndonje komunikim nga Policia e Shtetit per keto .....??????

hahahaha
ti je i madh si gjithmone
tjetri eshte ne burg ti tall ****** jo eshte thashethem jo eshte genjershter