Arrestohet biznesmeni I naftes. E denoncoi Dritan Prifti

[RAPTILOID]

PS: Paratë e naftës virgine përfunduan në llogarinë e kompanisë së familjes Berisha
Deputeti socialist, Taulant Balla, në një deklaratë për mediat, tha se familja Berisha është e implikuar në aferën e kontrabandës së naftës virgine. Balla foli për një kompani të familjes Berisha, tek llogaria e së cilës përfundonin paratë e këtij trafiku.
“Fol Sali Berisha, tregoju shqiptarëve për ndonjë kompani off-shore të njërit prej të të arrestuarve në ortakëri me një pjestar të familjes tënde, i cili del ne skene sa herë dalin në dritë aktivitete mafioze e kontrabandë. Një kompani drejt llogarive të së cilës janë transferuar paratë e mashtrimit dhe kontrabandës kriminale të llumit që iu shit shqiptarëve për naftë. Ky krim i kryer me bekimin tënd Sali, ku janë përfshirë familjarët e badigardët e tu, është veç një arsye më shumë pse shqiptarët do të të thonë ty dhe bandës që ti drejton: kurrë më! Kurrë më votat, kurrë më një hajdut e kusar si ty!” tha Taulant Balla.
Deputeti socialist tha se ky është një krim shtetëror. “Në kontrabandën e naftës “Vergine”, të kthyer në një krim shtetëror, rezultojnë të përfshirë shumë zyrtarë, ish-drejtues të ARMO-s shtetërore, drejtues lokalë të policisë e deri në drejtues të lartë të policisë së shtetit siç është rasti i ish bodigardit të Saliut, Agron Kuliçaj, punonjës të sistemit doganor, të inspektoriatit qëndror teknik dhe të tatim-taksave. Dhe fajin për këtë kriminalizim të strukturave të shtetit e ka Saliu. Ky ka qenë një aktivitet që nuk ka sjellë vetëm dëme financiare, por ka dëmtuar drejtpërdrejtë qytetarët tek automjetet e tyre, dhe ç’është më tragjikja edhe tek shëndeti i tyre me atë helm që shisnin këta kontrabandistë, dhe që përfundonte në mushkëritë tona e të fëmijëve tanë. E si ka mundësi që një shtet i tërë mos t’i ketë rënë në gjurmë një krimi me përmasa të tilla? Shpjegimi është i thjeshtë: ai quhet Agron Kuliçaj, me profesion badigard i Saliut, i mbajtur në punë nga Lulzim Basha si zëvendës drejtor i përgjithshëm i policisë për të fshehur pisllëqet e Saliut. Asgjë më mirë se ky fakt nuk tregon se çfarë regjimi mafioz ka ngritur Saliu. E ka fajin Saliu që zëvendës drejtori i përgjithshëm i policisë, i atij institucioni që ka detyrimin të luftojë kontrabandën, është njëheri një kontrabandist për llogari të kryeministrit dhe të familjes së kryeministrit.”
Website gazeta tema

[juanito02]

Bravo o raptiloid qe ke nerva e meresh me ushtaret e gjirizit te Salise qe sot pas gjith ketyre daljeve lakuriq nga korrupsioni te komandandantit te vet flasin vetem percart.
Se percart flet tani vete dhe komandati igjirizit Sali percart flasin dhe keta.

[RAPTILOID]

Bravo o raptiloid qe ke nerva e meresh me ushtaret e gjirizit te Salise qe sot pas gjith ketyre daljeve lakuriq nga korrupsioni te komandandantit te vet flasin vetem percart.
Se percart flet tani vete dhe komandati igjirizit Sali percart flasin dhe keta.

Situata e tensionuar politike ndihet dhe ne kete teme te forumit
Nuk e di a I pe apo jo replikat qe pata me dike tek kjo teme
Tani jane fshire
Nqs ketu nuk pranohen simpatizante te opozites me mire ta thone dhe un nuk shkruaj me
Po nuk ka lezet qe te bej ndonjeri presione jo te heq nga forumi jo te bllokoj apo ku di une
Sinqerisht kam shum respekt per moderatoret e temes
Jane te gjendshem
Mua per cdo gje te paqarte me kane sqaruar
Por kur dikush abuzon me te drejtat apo privilegjet qe ka demton jo vetem veten por edhe punen e te tjereve
Respekt shumices se moderatoreve

[OPARI]

sot degjova ne konferenc per shtyp zdhensen e min se financave qe na deklarovi se ky korrupsion i naftes na kishte filluar qe me qeverisjen e PS qe do te thote se qeveria thjeshte vazhdonte stafeten
d m th akuzohet PS se ju e filluat te paret tani llogariten pak se cfare lloj qeverisje kemi

[RAPTILOID]

“Vergine”, rrezik për mjedisin
16/03/2011 20:05


Karburanti i përftuar nga përzierja me naftën “Vergine”, sipas specialistëve shkatërron tërësisht sistemin motorik të një automjeti.

Drejtoresha e laboratorit në qendrën e Inspektoriatit të Hidrokarbureve, tha se kjo përzierje është shumë e dëmshme, por edhe e vështirë për t’u konstatuar në treg.



Nga djegia e lëndës djegëse të përzierë me naftën “vergine” rritet ndjeshëm edhe ndotja në ajër.



“Nafta “vergine” nëse përzihet me një produkt tjetër prish parametrat e tij teknik dhe e nxjerr atë jashtë standartit, ndot automjetin ku mund të hidhet dhe ambjentin me nxjerrjen e squfurit”, ka deklaruar Anila Xhemalaj.



Nafta “vergine” është produkt i rafinerisë së Ballshit, e cila aktualisht nuk arrin ta përpunojë deri në fazën e fundit të saj për të dhënë një sërë produktesh.



Kjo lëndë e parë duhet të eksportohej jashtë, por rritja e akcizës me 50 lekë ka cuar në bllokimin e saj brenda vendit.



Drejtori i Inspektoriatit të Hidrokarburve, Ardian Alushi sqaron se gjatë këtij viti ka vendosur 140 gjoba, por në asnjë rast nuk ka konstatuar naftë “vergine” në treg.



“Sasia e squfurit është jo më shumë se 2 pika, këto janë treguesit bazë që ne analizojmë tek produkti. Ne nuk mund ta kapim naftën “vergine” si produkt në treg pasi përzihet, por në rastet kur e kemi kapur është bërë në bazë të ligjit”, ka deklaruar Alushi.



Në Shqipëri ka ende 3 mijë e 292 tonë naftë “vergine” të depozituar dhe rreziku që kjo sasi të futet në treg është sërish i pranishëm.

Website top channel

[RAPTILOID]

Hetimet për naftën “virgin” shtrihen edhe në Kosovë
Skandali në Shqipëri rreth naftës “virgin”, i shoqëruar me arrestimin e disa afaristëve dhe zyrtarëve institucionalë ka nxitur autoritetet doganore kosovare të nisin procesin e mbledhjes së informatave për të kuptuar nëse ky fenomen është shtrirë edhe në Kosovë. Adriatik Stavileci, zëdhënës i Doganave të Kosovës, ka konfirmuar se ka nisur procesi i grumbullimit të informatave para se të nisë një hetim.
“Jemi duke grumbulluar informatat e nevojshme për të parë nëse ka arsye të fillojmë hetimet për këtë çështje”, ka thënë Stavileci.
Mediet në Shqipëri kanë raportuar se hetuesit do të kërkonin informacione nga Doganat e Kosovës për hetimet që janë duke u bërë. Mirëpo, Stavileci i ka thënë “Kohës Ditore”se deri më tani nuk ka ndonjë kërkesë nga shteti shqiptar.
“Doganat e Kosovës nuk kanë pranuar kërkesë zyrtare për të asistuar apo ofruar informacione, të cilat mund të ndihmonin në hetimin e tyre”, ka thënë zëdhënësi i Doganave.
Ndërkohë Ramadan Buzhala, drejtor i Zyrës së licencimit në Ministrinë e Tregtisë dhe të Industrisë, ka thënë se deri tani nuk kanë pranuar ndonjë informacion se ka hyrë ndonjë naftë e tillë në Kosovë. Ai thotë se laboratori për kontrollin e naftës në pikat kufitare dhe Doganat janë përgjegjëse për naftën që hyn në Kosovë dhe cilësinë e saj.
“Në secilën pikë kufitare laboratori bën kontrollin e cilësisë për secilën ngarkesë. Përgjegjëse është edhe Dogana. Këto janë rrugët legale, ndërsa për mënyrat e tjera të hyrjes së naftës në Kosovë ato nuk mund t’i dimë”, ka thënë Buzhala, dhe ka shtuar se deri më tani nuk ka ndonjë informatë se një naftë “virgin” të ketë hyrë në Kosovë.
“Përderisa nuk reflekton se ka hyrë ndonjë naftë e tillë ose nëse nuk kemi pranuar ndonjë të dhënë nga Dogana apo Laboratori, nuk mund të nisim ndonjë hetim.”
Portali shqiptar “ballkanweb” ka njoftuar se Prokuroria e Tiranës ka nisur hetimet që në muajin tetor të vitit 2010 për shpërdorim të naftës së shtetit. Hetimet, sipas këtij portali, janë shtrirë edhe jashtë vendit.
“Hetuesit kanë kërkuar ndihmën e autoriteteve doganore në Itali e Kosovë. Hetuesit do të marrin në duar të gjithë dokumentacionin e deklaruar pranë organeve doganore sa i përket eksportit të naftës ‘virgin’ dhe do ta krahasojë me informacionet që pritet të mbërrijnë nga Italia dhe Kosova”, thuhet tutje në këtë portal.
Valdet Teneqja, përgjegjës në laboratorin “Derivati”, që bën kontrollin e naftës në pikat kufitare, ka shpjeguar se laboratori bën kontrollin e naftës nëse i përmban specifikat dhe i krahason me vlerat e lejuara në Kosovë. Teneqja ka thënë se laboratori pas kryerjes së analizës i jep rezultatet e Doganës.
“Rezultatin e kontrollit të naftës e dërgojmë tek Dogana, që është organ ekzekutiv dhe vendos nëse nafta duhet të hyjë në Kosovë apo jo. Të njëjtat rezultate i dërgojmë edhe në Inspektoratin e Tregut, që është në kuadër të MTI-së”, ka thënë Teneqja.
Fisnik Kaliqani shef i financave në “Kulla Exim”, rafineria që vepron në Kosovë dhe që ka të drejtë të importojë naftë të papërpunuar, ka thënë se tash e katër vjet nuk punojnë me naftë “virgin”. Kaliqani ka thënë se “Kulla Exim” punon me lëndën e parë, të papërpunuar që emërtohet si “gazoil industrial” dhe “petrolium për përpunim”.
“Me përpunimin e ‘gazoilit industrial’ përfitohet nafta, e cila shitet pastaj në tregun kosovar. Kurse ‘petroliumi për përpunim’ përdoret për përfitimin e vajit solar, për nxehje për fabrika, që është një lloj i mazutit”, ka thënë Kaliqani.
“Kulla Exim”, sipas tij, nuk bën importimin e naftës së papërpunuar nga Shqipëria, por nga tregu i Bullgarisë dhe nga Greqia.
Kurse pronari i firmës “Dilloni Benz”, Fadil Berjani, ka thënë se më shumë naftë me cilësi të dobët është duke hyrë nga Mitrovica.
“Tash janë formuar institucionet e Kosovës dhe besoj se Ministria e Tregtisë do të ndërmarrë masa në ndaljen e kontrabandës nga veriu i Kosovës, kontrollin e rreptë të cilësisë. Gjithashtu do të ishte mirë që të fillohet të aplikohet euro-dizeli”, ka thënë Berjani.
Por sa i përket tregut të naftës, ai ka dyshimet se është duke u shfrytëzuar për shpëlarje parash.
“Shumë kompani që merren me pastrim parash janë duke i shitur derivatet nën çmimin e furnizimit dhe kjo duhet të hetohet nga institucionet tona”, është shprehur pronari i kompanisë “Dilloni Benz”.
Nafta “virgin”, sipas medieve shqiptare, nuk shitet në tregun e vendit, pasi nuk shërben për asgjë, përveçse për të prodhuar benzinë, që në kushtet teknike është e pamundur.
“Si rrjedhojë, Qeveria e lejon vetëm për eksport. Çmimi i ulët i saj dhe shitja pastaj si naftë, duke e përzier, sjell shmangien reale të taksave dhe shkeljen e ligjit. Në Shqipëri janë arrestuar 13 persona për rastin e naftës “virgin”. Mbi ta rëndojnë akuzat për veprat penale, si mashtrimi, me pasoja të rënda, shpërdorimi i detyrës, falsifikimi i dokumenteve dhe pastrimi i produkteve të veprës penale”, shkruan gazeta “Shqip”.
“Virgin” është një nënprodukt nafte, që del nga sasia bruto e prodhimit, me synim për t’u bërë benzinë. Nafta “virgin” nuk është për tregun shqiptar, por vetëm për eksport dhe ka një çmim mesatar që sillet për gjysmë më lirë se nafta standarde në pikat e karburantit.
“Nëse ajo përzihet me llojet e tjera të karburantit, ajo kthehet në naftë, që më pas shitet me çmimin e tregut sikur naftë standarde. Pra, diferenca e çmimit e bën naftën ‘virgin’ shumë të dëshiruar nga abuzuesit”, thotë Luigj Aliaj, president i Shoqatës së Hidrokarbureve në Shqipëri.
Nafta bruto që del nga nëntoka shqiptare përpunohet nga kompaninë ARMO, i cili arrin të nxjerrë pastaj nënprodukte si solar, bitum, virgin. Kjo e fundit është naftë me parametra të caktuara squfuri, që në pikat e shitjes identifikohet si “diesel 10-50-100 ppm

website gazeta tema

[RAPTILOID]

Virgin, paratë u investuan në biznese
2011-03-17
Website gazeta shqip


Familja Elezaj ka në pronësi gjashtë firma. “Arratisen” dy të pandehur



Njësia Task-Forcë në Prokurorinë e Tiranës deklaron se po verifikon deklaratat fiktive të fitimit për kontrabandën nga dy firmat “Fisheku” dhe “Euroil”. Ndërkohë, është kërkuar nga të gjitha zyrat e regjistrimit të pasurive të paluajtshme dhe bankat e nivelit të dytë që të evidentohen pronat dhe llogaritë bankare, që më pas pritet t’i nënshtrohen sekuestrimit paraprak. Prokurori ka kërkuar dhe po verifikohen të dhënat e QKR-së për bizneset. “Nga hetimet ka rezultuar se biznesmenët e arrestuar kanë investuar në shumicën e rasteve në asete biznesi. Hajri Elezaj, në emër të tij, figuron pronar i tri kompanive të mëdha. Po ashtu, edhe bashkëshortja rezulton pronare dhe aksionere në tri kompani të mëdha. Ndërkohë, Ilias Fisheku dhe djali i tij, kanë në pronësi disa firma”, thanë burimet nga Prokuroria e Tiranës, e cila saktëson se të gjitha të dhënat po verifikohen. Hetimet pesëmujore të njësisë Task-Forcë në Prokurorinë e Tiranës kanë nxjerrë edhe bilancet e para që rëndojnë në kurriz të shtetit shqiptar, por edhe të qytetarëve. Sipas një bilanci të nxjerrë nga kontabilistët privatë të kontraktuar nga prokuroria ka rezultuar se i gjithë dëmi për kontrabandën e naftës virgin, por edhe nga mospagimi i taksave dhe rimbursimi i kompanive llogaritet në miliona euro. Për këtë dëm prokuroria ka ngritur edhe akuzën e pastrimit të parave që rëndojnë ndaj administratorëve të kompanive “Fisheku” dhe “Euroil”. Grupi hetimor ka kërkuar nga bankat e nivelit të dytë të gjitha faturat financiare të dy firmave në fjalë, si dhe të gjitha llogaritë bankare me qëllim ngrirjen e tyre deri në përfundim të hetimeve.

Bizneset

Nga këqyrja paraprake e dokumentacionit ka rezultuar se dy kompanitë private kanë llogari bankare miliona euro, ndërsa akuza pohon se u ka kërkuar bankave ngrirjen dhe mostjetërsimin e tyre. Gjithashtu, me shkresa të veçanta grupi hetimor i ka kërkuar zyrave të regjistrimit të pasurive të paluajtshme të mos kryejnë asnjë proces tjetërsimi të selive dhe objekteve që ndodhen te dy firmat e dyshuara për kontrabandë, por edhe për pastrim parash. “Godinat, automjetet e deri te pronat që kanë në zotërim dy firmat e dyshuara janë ngrirë deri në një vendim të dytë. Ka dyshime se ato mund të tjetërsohen, ndërsa hetimet e mëvonshme do të përcaktojnë edhe rrjedhën e hetimeve”, thanë burimet nga Prokuroria e Tiranës, e cila saktëson se veprimet e tyre kryhen pasi dëmi i shkaktuar shtetit është shumë i lartë dhe nëse nuk shlyhet nga llogaritë bankare atëherë pronat e tyre mund t’i kalojnë shtetit shqiptar. Nga të dhënat e para ka rezultuar se një pronat që figurojnë në emër të “Fishekut” dhe ‘Euroilit” janë marrë me qira.

“Arratisja”

Shpallen në kërkim dy të pandehur për kontrabandën e naftës, të cilët u kanë shpëtuar prangave të policisë. Gazmend Serjani dhe Bledar Rama nuk janë gjetur në vendbanime, megjithëse ndaj tyre kishte urdhra arresti të lëshuara nga Gjykata e Tiranës. Prokuroria deklaron se Serjani dhe Rama mund të jenë fshehur te ndonjë i afërm, ndërsa nuk përjashtohet mundësia që ata të jenë larguar nga Shqipëria. Roli i tyre te kontrabanda, sipas grupit hetimor, është kyç, pasi të dy kanë marrë pjesë në një nga proceset e përzierjes së naftës virgin me naftën e importuar. Njëri prej të “arratisurve” administronte disa depozita në Durrës, ndërsa personi tjetër ka qenë personi që ka instruktuar shoferët që transportonin naftë virgin të deklaronin në prokurori se këtë nënprodukt e kanë dërguar në Vlorë dhe jo në Durrës. Megjithatë, akuza pohon se i ka kërkuar policisë që të ekzekutojë urdhrat e arrestit të gjykatës, pasi arrestimi i tyre mund të ndihmojë hetimet e mëtejshme.

[Bel ami]

Tregetia e naftes Virgin ka filluar qe ne vitin 1995.Kulmin e saj e ariti gjate qeverisjes se Ilir Metes dhe skandali me i madh eshte se nje tren e nxoren nga shinat dhe e deklaruan se ishte i mbushur me nafte Virxhin dhe se ishte duke shkuar drejt portit te Durresit ku e prisnin dy cisternat. Ne vitin 2005, nje shoku im, Inspektor i Krimit Ekonomik ne Policine e Fierit, ndaloi disa autobote me nafte Virgjin qe nuk kishin dokumente, dhe perfundimi ishte se kete shokun tim e "dekoruan" me nje detyre ne Kukes.
Cilesia e naftes ne Shqiperi nuk eshte se u ul gjate viteve 2005-2009,por qe nga 95,nafta qe shitej ne Shqiperi kishte diference te madhe ne cilesi me ate nafte qe ne e blinim ne Greqi.Kjo tregon qarte qe kjo nafte u hodh ne treg qysh ne fillimet e celjes se pikave te karburantit.
Puna eshte se Prokuroria e Pergjithshme eshte e pa afte qe ti shkoje deri ne fund ketij skandali qe i ka shkaktuar konsumatorit Shqiptar miliona euro.E gjithe kjo eshte thjesht nje show qe ben Ina Rama. Do te me besoni, kur fajtoret te lirohen sic u lirua Fatmir Mehdiu,apo Delijorgji me Pinarin.

[RAPTILOID]

vazhdojne te arrestohen biznesmene prane qeverise


Paro Laçi akuzon Berishën: Unë di shumë për korrupsionin
Administratori i klubit të futbollit Paro Laçi, gjatë nisjes së caktimit të masës së sigurisë ndaj tij, ka akuzuar kryeministrin Berisha.
Laçi, i akuzuar për afera jo vetëm në fushën e futbollit, por edhe në atë të mineraleve, ka thënë se gjyqi ndaj tij është një farsë dhe se do të flasë për korrupsionin qeveriar, pasi sipas tij, ai di shumë për korrupsionin.
Ndërkohë gjykata e Durrësite ka lënë në burg ish-administratorin e klubit “Partizani”. Trupi gjykues ka dhënë masën “Arrest me burg” për Paro Laçin nën akuzën për korrupsion, ndikimit në institucione dhe trukimit të ndeshjeve të futbollit.
Paro Laçi u arrestua tre ditë më parë për trukime ndeshjesh, si dhe për ndërhyrje në dhënien e koncesioneve.


website gazeta tema

[RAPTILOID]

ja kush e ma peng saldafin

10 “litarët” që po mbajnë lidhur Sali Berishën në “kullën” e pushtetit

Nga Kledian Lula

Kam dëgjuar shqiptarët gjatë këtyre 20 viteve, të thonë se, “Saliu nuk jep dorëheqje sepse është i etur për pushtet”. Në vitet e sundimit të tij 1992-1997, këtë perceptim e konsideroja të saktë, mbasi brenda “kullë-mendimit” psikologjik të Sali Berishës ishte futur ndjesia dhe nepsi i shfrenuar i marrjes dhe mos lëshimit të pushtetit. Kjo ndjesi fillestare me veprim joshës, u bë pushtet sundues mbi psikologjinë e tij. Ndaj ndodhi që për të mos lëshuar pushtetin absolut që zotëronte në duart e tij, Sali Berisha i çoi Shqipërinë dhe shqiptarët në katastrofën shkatërruese e të përgjakur të vitit 1997. Edhe gjatë sundimit të dytë të Sali Berishës në vitet 2005-2009, kam dëgjuar shqiptarët të thonë pothuajse të njëjtën gjë: “Saliu nuk e lëshon pushtetin, sepse nuk rri dot pa pushtet”. Nuk kam qenë në një mendje me këtë përcaktim të shqiptarëve në lidhje me arsyen e qëndrimit të tij në pushtet, megjithëse kishte dështime, mashtrime, korrupsion, politika antikombëatre, deri dhunë e krime mbi institucionet dhe shqiptarët. Pse nuk isha dakord? Sepse Sali Berisha në pushtet-sundimin e tij 2005-2009 nuk vuajti nga “sëmundja” e viteve 1992-1997 e “etjes për pushtet”, por nga sëmundja e përdorimit të pushtetit për pasurim financiar e pronësor të familjes së tij e të klaneve brenda dhe jashtë Shqipërisë, që i kanë shërbyer politikave, sundimeve e aventurave të tij, deri me krime njerëzore. Edhe gjatë sundimit të tretë të Sali Berishës, prej vitit 2009 e deri sot, në 20 vjetorin e ekzistencës së tij në politikë, vazhdoj të dëgjoj pothuajse të njëjtin deklarim të shqiptarëve: “Saliu nuk jep dorëheqje, sepse nuk qëndron dot pa pushtet”. Unë, edhe këtë deklarim nuk e konsideroj të saktë. Pse? Konkretisht, Sali Berisha është shkëputur me “etjen për pushtet” qysh në vitin 1997, kur populli e “përzuri me hu”. Me procesin e pasurimit personal e familjar (fëmijë, mbesa e nipër) Saliu u shkëput në vitin 2009, pra i siguroi bazat pasurore familjare nëpërmjet shfrytëzimit të pushtetit.
Realisht, Saliu duhet të largohet, ose më saktë duhet të ishte larguar që në datën 21 Janar 2011, sekondën kur vrau dhe çoi të vdekur në familjet e tyre Ziver Veizin, Faik Myrton, Hekuran Dedën dhe Aleks Nikën. Ai duhet të kishte ikur nga pushteti, të paktën në shenjë pendese në 15 marsin e tretë të vrasjes me aferë kriminale zyrtare të 26 njerëzve në Gërdec. Saliu duhet të iki edhe për shumë krime të tjera të rënda, para e pas 21 Janarit, mbasi edhe vete Saliu e di mirë që nuk ka më, as moral publik e as motiv për të qëndruar në pushtet. Po përse nuk ikën? Nuk ikën sepse nuk e lënë të largohet pikërisht ata individë e grupe interesash mafioze, me të cilët ka marrë, ka mbajtur dhe ka shfrytëzuar e po shfrytëzon pushtetin qeverisës. Saliu do të iki një sahat e më parë nga qeverisja, por nuk e lënë klanet e trafiqeve, të koncensioneve, të aferave korruptive, të krimeve njerëzore, madje edhe pjesëtarët e familjes e të oborrit, si gruaja, djali, vajza, dhëndri, ministrat, deputetët, ortakët e bizneseve të pista brenda e jashtë vendit, madje edhe bodigardët, të cilët i dinë Saliut “rrënjë e dhëmballë”.
Mund t’ju duket sajesë, por burime nga brenda klanit të tij familjaro-pushtetar na kanë bërë me dije se Sali Berisha gjendet në depresion dhe është bërë disa herë gati të largohet nga pushteti, madje edhe nga politika. Shkak është ankthi dhe paniku që përjeton nga urrejtja e shqiptarëve dhe ballafaqimi me ligjin për krimet e shumta ndaj ekonomisë, financave, popullit dhe interesave kombëtare. Saliu ka tentuar disa herë të largohet nga qeverisja, tamam si Mubarak e Ben Ali me 3-4 të vrarë, me 50 të plagosur e 100 të arrestuarit e 21 janarit. Ka menduar ta lëshojë pushtetin “me qetësi e pa pasoja” si Ramiz Alia në vitin 1990-1991. Mirëpo kjo dorëheqje shumë e dëshiruar prej Sali Berishës po vonohet. Ai në vend të ikjes së “qetë” po e mban pushtetin tamam si Gedafi, si ortaku i tij i biznesit të armëve, me dhunë, ryshfete, tendera, afera korruptive, vrasje, kërcënime mbi opozitën dhe mediat…
Pra, Sali Berisha “lutet” të largohet, por vazhdon të qëndrojë në krye të pushtet-klanit PD-LSI? Pse? Sepse janë shumë “litarë” që e mbajnë “lidhur” Berishën, madje tashmë më me forcë e më dukshëm se më parë. Këta “litarë” që e mbajnë lidhur Sali Berishën në “koliben” e pushtetit janë bërë të gjithë bashkë dhe nuk e lëshojnë. E mbajnë lidhur për të mos u ikur nga maja e kupolës, mbasi u duhet si mburojë e pasurive dhe e krimeve të kryera nën sundimin dhe mbështetjen e tij.
Liri Berisha: Bashkëshortja e kryeministrit Sali Berisha, nëna e dy prej oligarkëve dhe latifondistëve më të mëdhenj të financave e pronave të grabitura të shqiptarëve, nëpërmjet pushtetit të babait-kryeministër. Liria, ose siç i thonë “Nënëmadhja e pushtetit”, nuk mund të lejojë që Saliu të largohet nga pushteti, mbasi dy fëmijët e saj, Argita e Shkëlzen Berisha, në mungesë të babait kryeministër, do të përballen me ligjin për pasurim, për pronësime e afera të pista dhe për bashkëpunim në krime me pasojë humbje jetësh njerëzore. Por ndërkohë, ikja e Saliut u rrezikon me sekuestro pasuritë e llogaritë bankare miliardëshe, të siguruara nga pushtet-sundimi “SALI BABA”, tamam si fëmijët e Ben Ali, Mubarak e Gedaf.
Shkëlzen Berisha: Djali i kryeministrit Sali Berisha, ose më saktë “kryeministri ekonomiko-financiar” i Shqipërisë, themeluesi dhe kapoja i rrjetit të grupeve të bizneseve të pista, që nga Gërdeci e deri tek tokat në bregdet, që nga aferat e tenderave koncensionarë e shërbimeve publike, deri tek skandalet e emërimeve në diplomacinë shqiptare. Djali i zhytur në krime ekonomike, i skeduar nga drejtësia si ortaku, kontrolluesi dhe mbështetësi zyrtar i krimit vrasës të Gërdecit, nuk mund lejojë babanë e tij kryeministër që të largohet nga kreu i kupolës qeverisëse, mbasi e di që ky është fillimi i fundit ligjor të tij e të pasurive të tij të vëna me postin kryeqeverisës të “Sali Babës”.
Argita Berisha: Vajza e kryeministrit Sali Berisha, ose siç e quajnë “Zonja e Parë” komanduese e veprimtarisë private të pushtetit sipas modelit: “Argita urdhëron, Saliu dhe ministrat miratojnë”. Kjo “pronare e re” nuk mund të lejoj qoftë edhe me sakrificën sublime që babai i saj kryeministër të largohet nga pushteti, mbasi e di qartë sepse nuk ka më përfitime gjigante. Por ankthi i saj është ky: Nuk ka më asnjë “mburojë” për të pasur të sigurta super pasuritë, vila, troje, toka dhe llogaritë bankare, të siguruara me pushtetin e “Sali Babës” të pas vitit 2005 e në vazhdim.
Damir Fazlliç: Miku i familjes të kryeministrit Sali Berisha, ortak familjar e klanor i bizneseve të trojeve në bregdet, të energjisë, të firmave fantazma të pastrimit të parave, të trafikut të armëve etj. Ky është ‘litari” më i fortë që po e mban lidhur Saliun, për të mos e lejuar të dorëhiqet nga pushteti. Kanë shumë lidhje bashkë, janë organizator, realizues dhe ortak në shumë veprimtari të pista ekonomike-financiare e pronësore në Shqipëri, që kanë vulën “SALI” të pushtetit.
Ilir Meta: Ortaku politik e qeverisës me Sali Berishën në pushtetin e pas vitit 2009. Ky është “litari” tjetër që nuk e lë Sali Berishën të largohet nga qeverisja. Pasi e mbajti në pushtet me vota të trafikuara, Ilir Meta po e mban lidhur kryeministrin Sali me aferat e përbashkëta që ka bërë në pushtetin e përbashkët me të. Ilir Metën e mbajnë lidhur të tijtë e korruptuar në LSI, bosët e rinj e të vjetër të tenderave të ilaçeve e koncensoneve ekonomike. Ndërsa Ilir Blloku mban lidhur Sali Kryehajdutin. Pra, banda ka forcuar rradhët dhe presionin brenda vetes e midis grupeve mafioze në qeveri, për të mos e lejuar Saliun të lëshoj pushtetin. Sepse Ilir Blloku e di shumë mirë se çdo të thotë të mbetesh “hajdut pa pushtet politik e qeverisës”.
Arben Sefgjini: Xhelati vrasës i Sali Berishës mund të toleroj gjithçka në jetën e tij, ashtu siç ka toleruar të lyej duart me gjak biznesmenësh e qytetarësh kur ishte “Kapo SHIKU”, apo siç toleroi lëvizjet në 3-4 detyra të larta shtetërore në vitet 2005-2011 me urdhër të Saliut. Por nuk mund të toleroj në asnjë mënyrë largimin e Berishës nga pushteti. Arben Sefgjini e di shumë mirë që krimi i tij i rrëmbimit, torturimit dhe zhdukjes së biznesmenit Remzi Hoxha po mbrohet nga Sali Berisha (Arkani), por nuk do të falet nga drejtësia. Nga ana tjetër, Saliu e di po kaq mirë që një fjalë e xhelatit Arben Sefgjini zbardh krimin e urdhëruar nga ky Sali Berishë.
Fatmir Mediu: Ministër i sundim-pushtetit “Berisha-Meta”. Gjithë shpresën për t’i shpëtuar drejtësisë nga afera-krim njerëzore e Gërdecit e ka vetëm tek mbrojtja zyrtare e kryeministrit Sali Berisha. Ndaj dhe është këshilltari, pse jo edhe personi që i bën më shumë presion për të mos dhënë dorëheqjen nga posti si kryeministër. Të lidhur bashkë dhe mandej me djalin e kryeministrit, nëpërmjet pushtetit në këtë aferë me pasojë vrasjen makabre të 26 personave, Saliu dhe Fatmir Mediu kanë mbi shpinë damkën e krimit, i cili në mungesë të këtij pushteti, do të marrë ndëshkimin e merituar ligjor.
Lulëzim Basha: Ministri “komisioner 15 vjeçar i vitit 1992”, ish-“dordoleci” i Sali Berishës, ka tashmë pushtet të plotë mbi kryeministrin dordolec Sali Berisha. Kandidat Lulushi e ka lidhur kreun e kupolës së pushtetit me 242 milionë eurot e vjedhura në aferën e ndërtimit të rrugës Rrëshen-Kalimash duke akorduar fonde për një rrugë që u ndërtua pa tender e pa projekt. Ministri i trefishtë Lulëzim Basha, i ardhur në PD e në qeverisje nëpërmjet KOP-it të familjes kryeministrore, siç dihet e ka lidhur Sali Berishën edhe me katër të vrarët e 21 janarit 2011, të cilët u pushkatuan me porosi të Saliut.
Genc Ruli: Kryeministri Sali Berisha nuk mund të hap fare gojën përballë këtij eksponenti të mirënjohur të korrupsionit e hajdutërisë qeveritare. Në çdo koncension energjie, privatizimi ekonomie, tenderash import-eksport energjie, monopolesh e import-eksportesh të pista është prezent firma e ministrit Genc Ruli. Ky e ka lidhur kokë e këmbë kryeministrin Sali Berisha, duke e bërë pjesë të barabartë përfitimesh e pasurimesh në aferat që kanë organizuar Ruli i drurit të arrës, fëmijët dhe dhëndri i Sali Berishës.
Agron Kuliçi: Bosi i naftës “virgine”, nëndrejtori i Përgjithshëm i Policisë së Shtetit, i mirënjohur si “kryedoganieri” i autobotëve të “naftës-krim”, ka lidhur dhe ka “futur në thes” kryeministrin me kontrabandën e kësaj nafte, që helmoi shqiptarët dhe u shkatërroi pasuritë, por edhe që çoi afro 75 milion euro vjedhje financash publike në xhepat e ministrave, kryedoganierëve e “kuliçëve” të Sali Berishës.

website gazeta tema