Serbi vret një 14 vjeçar shqiptar në Gjilan

[Dar_di]

Mbetet në paraburgim i arrestuari shqiptar nga Uglari

Vazhdon të mbahet në paraburgim i arrestuari shqiptar nga Uglari, i cili është ndalur të shtunën lidhur me vrasjen e 14-vjeçarit, Leutrim Musliut. Burime brenda Stacionit policor të Kosovës në Gjilan, kanë thënë se i arrestuari do të mbahet në paraburgim, deri në marrjen e rezultateve të ekspertizës balistike nga arma e cila është gjetur në shtëpinë e tij. Merret vesh se atij i është gjetur një pushkë gjuetie, ndërsa për ekspertizë është dërguar në Kroaci. Gjithashtu, ekspertiza janë duke u bërë edhe armëve të konfiskuara nga shtëpitë e njërit prej serbëve të arrestuar më herët, që më pas ishte liruar në mungesë provash. Deri më tani, për vrasjen e 14 vjeçarit, Leutrim Musliu, Policia e Kosovës kishte arrestuar e liruar dy serb nga fshati Pasjan, ndërsa në kërkim është edhe një serb tjetër nga fshati Pasjan me inicialet M.K. Leutrim Musliu, u vra më 5 mars, deri sa kishte shkuar me babanë e tij të marrë dru në mal.

KOHA Ditore

[dijetari]

I arrestuari nga uglari qe mbahet ne arrest ne policin e gjilanit,ai mbahet edhe per deshmi te rrejshem,pasi ai kishte identifikue tr serbe per vrasje,te cilit kishin dalur ne nje menyre si te pa fajshem .

Te arrestuarit fillimisht iu jan prezentuar i dyshuri i perkatsis serbe,dhe i arrestuari kishte thene se ky esht vrasesei,pas hulumtimeve te bera nuk kishte dale se esht vrrasesi.pastaj kishte thene per nje tjeter edhe ai kishte dale si i p[a fajshem,pas bisedave qe kishte be me nje gjygjetare i arrestuari nga uglari dhe gjukatesi ,pas nje bisede te veshtir ,gjykatesi kishte vendosur ta bente nje manipulim me uglarsin,duke u veshure gjygjetari ishte veshur me tesha te vjetra dhe me floke te paregulluare dhe me percjelljen te dy policeve kishin hy ne zyren e gjykatesit dhe e pyesin ta arrstuarin nga uglari se mos eshte ky vrrasesi,ai ngritete ne kembe duke thene ,ja ky eshte vrrasesi jam i bindur,mirepo ai ishte gjykatesi i cili ishte veshur gjoja se eshte serbe.

Prandaj gjykatesi jepe urdher per arrestimin e shqiptarit nga uglari,dhe mbahet nen arrest,

kjo esht nje ngjarje e vertet ,dhe e then jo zyrtarisht nga policet ne stacionin e policis ne gjilan.

[landi45]

po serbet kane vra dhe do vrasin,,,kur ne kemi qeveri pro serbe si ne kosove si ne shqiperi

[Dar_di]

30 ditë paraburgim për të dyshuarin e Uglarit

I arrestuar tri ditë më parë në Uglarë të Gjilanit, Sejdi Zeqiri, i lindur në vitin 1961 nga Uglari i Gjilanit, me vendim të gjykatësit të procedurës paraprake Abdullah Ahmeti, i është caktuar masa e paraburgimit prej 30 ditësh për veprat penale armëmbajtje pa leje dhe shkaktim i rrezikut të përgjithshëm.

Në Gjykatën e Qarkut në Gjilan, Abdullah Ahmeti, gjykatës i procedurës paraprake, ka thënë se Zeqiri është ndalë në mbajtje me propozim të Prokurorisë Publike të Qarkut. Sipas Ahmetit, i dyshimti po mbahet në paraburgim për veprat penale, armëmbajtje pa leje dhe shkaktim të rrezikut të përgjithshëm dhe hetimet do të vazhdojnë në të ardhmen.

Nasuf Nasufi, që është avokat mbrojtës i të dyshimtit, i caktuar me detyrë zyrtare, ka thënë se i mbrojturi i tij gjatë marrjes në pyetje ka mohuar të dy veprat që i vihen në barrë. I dyshimti gjatë marrjes në pyetje ka deklaruar se nuk ka lidhje me vrasjen e ndodhur më 5 shkurt, kur kishte humbur jetën i riu 14- vjeçar, Leutrim Musliu, nga Uglari i Gjilanit.

Pas vrasjes së Leutrim Musliut, nga Uglari i Gjilanit, policia pati marrë në pyetje tre serbë nga fshati Pasjan i Komunës së Parteshit, të cilët më pas ishin liruar, sikurse që ishin bastisur shtëpi të këtij fshati në të cilat ishte gjetur arsenal armësh e një nga të kërkuarit nuk ishte gjetur në shtëpi.

Në Prokurorinë e Qarkut në Gjilan, pati dalë deklarata se pista e hetimeve është zgjeruar, duke u mbajtur edhe një i dyshimtë, shqiptar nga fshati Uglar, por tashti policia, kur të dyshimtit i është caktuar masa e ndalimit prej 30 ditësh, ai është ndalë për veprat penale, armëmbajtje dhe shkaktim i rrezikut të përgjithshëm.

Policia, prokuroria e gjykata është duke zhvilluar hetime rreth vrasjes të të riut Leotrim Musliu, i cili ishte qëlluar me breshëri plumbash në një pyll mes fshatrave Uglar dhe Pasjan, në kohën kur bashkë me babanë e tij dhe fshatarë të tjerë po kthehej me qerren e kuajve të mbushur me dru.

Në kujtim të të riut Leotrim Musliu, në platonë para teatrit të Gjilanit është paralajmëruar ndezja e qirinjve.

ZËRI

[Dar_di]

U bënë dy vite dhe akoma nuk ka ndonjë rezultat konkret lidhur me vrasjen e pafajshme të 14 vjeçarit Leotrim Musliu. Askush nuk u dënua ende dhe askush s`po mbahet në paraburgim ose të hetohet.