21 janari: Gjykata: Gardistët të pafajshëm, akuzat e prokurorisë nuk u vërtetuan

[Albo]

Avokati i Kasajt: Sistemi i kartave në Kryeministri s’punon nga ‘08

Punonjësi i informatikës: U largova në orën 23:30 nga godina e qeverisë, s‘kam fshirë asnjë regjistrim

Avokati i Armando Kasajt: Sistemi i kartave s‘punon që nga 2008

Mbrojtja ligjore e ekspertit të IT-së pranë Kryeministrisë, Armando Kasaj, mohon akuzat që i janë bërë këtij personi nga Prokuroria në kuadër të dosjes së 21 janarit. Referuar një artikulli të publikuar dje në gazetën “Panorama”, mbrojtja ligjore e Armando Kasajt ka theksuar se argumenti i Prokurorisë për qëndrimin e të pandehurit në punë pas orës 23:30, në datën 21 janar 2011, nuk qëndron. Atë natë, sipas Prokurorisë, Kasaj dyshohet se ka fshirë pamjet filmike të 21 janarit nga serveri i Kryeministrisë, por avokatët e ekspertit të informatikës kanë thënë se nuk ka prova. Sipas tyre, sistemi i hyrje-daljeve me karta të brendshme në Kryeministri ka qenë jashtë funksionit që nga viti 2008 e, për rrjedhojë, nuk mund të përdoret si argument për ngjarjen e ndodhur në janar të vitit 2011. Prania e ekspertit të Kryeministrisë brenda institucionit pas orës 23:30, paraqet rëndësi për Prokurorinë, pasi nga ekspertiza ka dalë se videot e regjistruara nga 11 kamera vëzhgimi rreth Kryeministrisë, më 21 janar, janë zhdukur pas një riformatimi që i është bërë kompjuterit qendror në orën 00:51 pas mesnatës së 21 janarit. Sipas Prokurorisë, dyshohet se në këtë orë Armando Kasaj ka qenë i pranishëm në Kryeministri dhe i ka kryer veprimet në kompjuterin që grumbullonte pamjet e kamerave dhe i arkivonte ato. Për shkak të dyshimeve “të bazuara” të Prokurorisë se Kasaj i ka fshirë pamjet, ndaj tij është vendosur masa e arrestit në shtëpi.

Dëshmia në Gjykatë
Më 25 janar 2012, Armando Kasaj doli para Gjykatës së Tiranës për konfirmimin e masës së sigurisë, ndërkohë që mohoi çdo akuzë të ngritur ndaj tij. Avokati i Kasajt, Ilir Murati, pasi kërkoi lirimin e klientit të tij nga masa shtrënguese e sigurisë, deklaroi se detyra e tij në Kryeministri është mbikëqyrja e sistemit kompjuterik, mirëmbajtja e faqes elektronikë e të tjera. Sipas ligjit, i dyshuari nuk ka pasur për detyrë të regjistrojë dhe kopjojë filmime”, ka thënë avokati në Gjykatë. Ai ka theksuar se Kasaj kishte kopjuar vetëm pamjet e një kamere. “Ai thotë se ka bërë kopjimin e një kamere dhe është larguar në orën 23:30 të darkës. Kasaj nuk ka bërë ndërhyrje dhe nuk ka bërë fshirje”, deklaroi avokati i tij para gjykatës. Sipas tij, Kasaj “nuk mund të akuzohet për fshirjen. Prokuroria e provon fshirjen, por jo se kush e ka bërë atë. Nuk ekziston dyshimi i arsyeshëm për të provuar se i ka fshirë ai. Fshirjet janë bërë në mëngjes, kur Kasaj nuk ka qenë në institucion”, është shprehur avokati i ekspertit të IT-së të Kryeministrisë para gjykatës së Tiranës. Prokuroria kishte kërkuar më herët, në datën 22 janar 2012, masën e sigurisë “arrest me burg” për ekspertin e Kryeministrisë, ndërkohë që gjykata vendosi masën e “arrestit të shtëpisë”. Pas kësaj mase, mësohet se avokatët e Kasajt do të bëjnë ankim në Gjykatën e Apelit, duke kërkuar një masë më të lehtë sigurie. Edhe Prokuroria e Tiranës ka thënë se do të kërkojë një masë sigurie “arrest me burg” për Kasajn me anë të një ankimi në Gjykatën e Apelit, në atakim të vendimit të Shkallës së Parë.

Provat e Prokurorisë
Sipas Prokurorisë së kryeqytetit, Armando Kasaj ka qëndruar në punë në Kryeministri pas orës 23:30 më 21 janar 2011. Grupi i hetimit pretendon se eksperti i IT-së ka qëndruar në Kryeministri, duke u bazuar në dëshmitë e katër efektivave të Gardës së Republikës. Ata më 21 janar kanë qenë në shërbim me orar të zgjatur në Kryeministri, dhe kanë pohuar se Armando Kasaj ka qenë në punë pas orës 23:30, kur ai pretendon se ka ikur nga godina e qeverisë. Po kështu, sipas hetuesve, Kasaj ka lënë gjurmë në sistemin e kontrollit të Kryeministrisë, pasi ka kaluar në check-in kartën e hyrjes në institucion, e cila mbahet vetëm nga personeli.

Kopjimi dhe fshirja e videove në server
Prokuroria, e cila ka sekuestruar serverin e kamerave nga Kryeministria, e ka dërguar pajisjen për ekspertizë në Policinë shkencore në Tiranë e më pas në SHBA. Ekspertiza realizoi gjetjen e veprimeve që ishin kryer me kompjuterin në datën 21 janar 2011. Sipas ekspertizës së kryer në Tiranë, më datë 21 janar 2011, ora 19:24:00 deri në orën 19:36:31 është realizuar kopjimi i të dhënave të regjistruara, duke i regjistruar ato në një pajisje të jashtme (hard disk, USB, DVD, CD-R). Sipas ekspertizës, pajisja ka qenë në punë deri në datën 4 mars 2011, pra rreth deri tre muaj pas ngjarjeve pranë Kryeministrisë. Nga ekspertiza ka dalë se pajisja ishte konfiguruar që të fshinte automatikisht regjistrimet më të vjetra se shtatë ditë, pra regjistrimet e datës 21 janar 2011 fshiheshin automatikisht në datën 28 janar 2011. Edhe ekspertiza që i është bërë serverit në SHBA, ka gjetur se në server janë kryer ndërhyrje më datë 21 janar 2011, ora 12:14, datë 22 janar 2011, ora 00:51:52 (pas mesnatës së 21 janarit), datë 28 janar 2011, ora 12:10. Prokuroria e Përgjithshme, pasi gjeti të dhënat për këto veprime dhe ndërhyrje në pajisjen kompjuterike, e dërgoi atë në SHBA, ku veç ekspertizës për të zbardhur atë që kishte ndodhur me materialet në kompjuter, ekspertëve iu kërkua rikuperimi i tyre.

Komandanti
Komandanti i Gardës së Republikës, Ndrea Prendi, është vendosur nën akuzë për vrasje, pasi ekspertiza e kryer në SHBA nga zyra e FBI ka gjetur se arma e tij ka vrarë demonstruesin Faik Myrtaj. Sipas ekspertizës, predha 9 mm e armës së Ndrea Prendit ka vrarë protestuesin Faik Myrtaj. Ky i fundit kishte ardhur nga Fieri për të marrë pjesë në protestë, ndërsa, ndodhej mes Kullave Binjake dhe Gjykatës Kushtetuese kur u qëllua me armë dhe mori një plumb në kraharor, duke gjetur më pas edhe vdekjen. Organi i akuzës dërgoi në SHBA predhën e gjetur në trupin e Myrtajt dhe ekspertiza provoi se qitja ishte kryer nga arma e Prendit, ndonëse tyta e pistoletës së tij ishte ndërruar duke u vendosur tek arma e shoferit të kreut të Gardës.

Panorama
TRAZHGIM SOKOLAJ

[Albo]

Armando Kasaj deklaroi në gjykatë se iku nga puna në 23:30 të 21 janarit

Prokuroria: Kasaj bëri check-in me kartë pas mesnate. Dëshmia e katër gardistëve: Ishte në punë atë natë

Prokuroria rrëzon alibinë e ekspertit të sektorit IT në Kryeministri, i arrestuar me akuzën e fshirjes së filmimeve të kamerave të sigurisë për 21 janarin. Gjatë seancës së caktimit të masës së sigurisë, Armando Kasaj deklaroi se kishte ikur nga Kryeministria më 21 janar rreth orës 23:00, ndërkohë që nga hetimet ka dalë se në orën 00:51 serveri i kamerave të Kryeministrisë është riformatuar, duke fshirë gjithçka ishte regjistruar në të. Sipas Prokurorisë, Armando Kasaj ka qenë në Kryeministri në kohën kur ka ndodhur zhdukja e filmimeve. Dy janë elementët mbi të cilët Prokuroria e mbështet pretendimin e saj. Së pari, sipas Prokurorisë, efektiva të Gardës së Republikës, që kanë qëndruar brenda Kryeministrisë natën e 21 janarit, me orar të zgjatur për shkak të ngjarjeve që kishin ndodhur, kanë dëshmuar se Kasaj ka qëndruar në punë pas orës 23:00. Së dyti, provë tjetër është regjistrimi i kartës së hyrjes në Kryeministri, e cila ka kaluar në check-in pas mesnate. Sistemi i skanimit të kartave të hyrjes në Kryeministri nuk ka regjistruar nëse personi ka hyrë apo ka dalë, por sipas akuzës, karta e Armando Kasajt ka pulsuar në skenim pas mesnate. “Nga hetimi ka rezultuar se kamerat ishin në gjendje pune dhe se personi nën hetim, Armando Kasaj, ka qëndruar në ambientet e Kryeministrisë pas orës 23:00 të datës 21 janar 2011”, thuhet në kërkesën e Prokurorisë për masën arrest me burg ndaj Kasajt.

Kamerat
Sipas Prokurorisë, gjatë ngjarjeve të 21 janarit 2011, 11 kamera të sistemit të vëzhgimit të Kryeministrisë kanë qenë në punë dhe kanë fiksuar pamje nga disa drejtime. Megjithatë, pamjet e këtyre kamerave nuk u janë dhënë hetuesve, pasi rezulton se janë kopjuar e më pas fshirë. Menjëherë pas ngjarjes së 21 janarit 2011, me një urdhër verbal, drejtuesit e Prokurorisë Tiranë kanë urdhëruar strukturat e posaçme të Këshillit të Ministrave që të ruajnë të paprekura të gjitha regjistrimet e kamerave të sigurisë së ndërtesës së Këshillit të Ministrave dhe prej tyre është marrë verbalist konfirmimi. Më datë 26 janar 2011, me shkresë nr.703 i është kërkuar sekretarit të Përgjithshëm të Këshillit të Ministrave t’i vendosë në dispozicion të hetimit, kopje të këtyre regjistrimeve. Në përgjigje janë dërguar vetëm regjistrimet e një kamere lëvizëse për të cilën shpjegohej se ndodhej në tarracën e Kryeministrisë ditën e ngjarjes. Prokuroria, më 12 shkurt 2011, ka përsëritur kërkesën për të dërguar regjistrime të të gjitha kamerave të sigurisë që ndodheshin në pjesën e jashtme të ndërtesës së Këshillit të Ministrave. Më datë 17 janar 2011, sekretari i Përgjithshëm i Këshillit të Ministrave ka kthyer përgjigje duke thënë se kamerat e përmendura nga Prokuroria i përkasin sistemit kryesor, i cili është jashtë funksionit që prej fundit të vitit 2009. Ndërkohë, prokurorja e Përgjithshme në emisionin “Opinion” tha se në Prokurori është dërguar një raport nga kompania TIS, e cila ka audituar sistemin e kamerave të sigurisë në Kryeministri, se ato kanë qenë në punë në datën 21 janar. Më 4 mars 2011, Prokuroria ka proceduar duke sekuestruar DDR dhe po në këtë datë Këshilli i Ministrave, me shkresë nr.870, ka dërguar edhe një informacion shtesë në lidhje me sistemin e vëzhgimit, duke përcjellë edhe regjistrimet e një kamere tjetër.

Ekspertiza
Pas marrjes së serverit të kamerave në Kryeministri, Prokuroria ka dërguar pajisjen për ekspertizë. Ekspertiza ndërkohë realizoi gjetjen e veprimeve që ishin kryer me kompjuterin në datën 21 janar 2011. Sipas ekspertizës së kryer në Tiranë, më datë 21 janar 2011 ora 19:24:00 deri në orën 19:36:31 është realizuar kopjimi i të dhënave të regjistruara, duke i regjistruar ato në një pajisje të jashtme (hard disk, USB, DVD, CD-R). Pajisja, sipas ekspertizës, ka qenë në punë deri në datën 4 mars 2011, pra rreth deri tre muaj pas ngjarjeve pranë Kryeministrisë. Nga ekspertiza ka dalë se pajisja ishte konfiguruar që të fshinte automatikisht regjistrimet më të vjetra se shtatë ditë, pra regjistrimet e datës 21 janar 2011 fshiheshin automatikisht në datën 28 janar 2011. Edhe ekspertiza që i është bërë serverit në SHBA, ka gjetur se në server janë kryer ndërhyrje më datë 21 janar 2011 ora 12:14, datë 22 janar 2011, ora 00:51:52 (pas mesnatës së 21 janarit), datë 28 janar 2011, ora 12:10. Prokuroria e Përgjithshme, pasi gjeti të dhënat për këto veprime dhe ndërhyrje në pajisjen kompjuterike, e dërgoi atë në SHBA, ku veç ekspertizës për të zbardhur atë që kishte ndodhur me materialet në kompjuter, ekspertëve iu kërkua rikuperimi i tyre. Specialistët amerikanë kthyen përgjigje dhe thanë se rikuperimi i videove ishte i pamundur, pasi pajisja ishte riformatuar.

Nderhyrjet
. Pajisja është formatuar manualisht në datat, 29 prill 2010, ora 15:57, 30 prill 2010, ora 13:33, datë 24 maj 2010, ora 10:59, datë 20 janar 2011, ora 18:54, datë 21 janar 2011 ora 12:14, datë 22 janar 2011, ora 00:51:52, datë 28 janar 2011, ora 12:10.

. Regjistri i veprimeve në të dhënat e regjistruara në DVR ishte kopjuar nga DVR-ja për një organ medie, nëpërmjet portës USB, duke përdorur funksionin kopjo të dhënat-data copy. Ky funksion kopjon të dhënat nëpërmjet portës USB në ballinën e pajisjes.

. Në data e mëposhtme janë kopjuar të dhëna, duke përdorur metodën kopjo të dhënat: 28 janar 2011, ora 18:15, datë 28 janar 2011, ora 17:26, datë 28 janar 2011 ora 17:25, datë 21 janar 2011, ora 21:34, datë 21 janar 2011 ora 20:48, datë 21 janar 2011 ora 19:45, datë 21 janar 2011, ora 19:29, datë 21 janar ora 19:28, datë 21 janar 2011, ora 19:26, datë 21 janar 2011, ora 19:26:04, datë 21 janar, ora 19:25, datë 21 janar 2011, ora 19:24.

Deklarata
Gjatë dëshmisë së tij në Gjykatën e Tiranës pak ditë më parë, Armando Kasaj deklaroi e nuk e kishte kryer ai riformatimin e serverit të Kryeministrisë pas mesnatës së 21 janarit. Kasaj deklaroi se ishte larguar nga Kryeministria në orën 23:30 dhe se nuk ishte pjesë e veprimeve që ishin kryer më pas në server. Prokuroria pohon se Kasaj ishte i vetmi që kishte privilegjet e fshirjes, kopjimit dhe riformatimit në serverin e Kryeministrisë me userin e tij si administrator. Megjithatë, eksperti i IT-së në Këshillin e Ministrave ka pohuar se Prokuroria, ndonëse ka faktuar fshirjen e filmimeve, nuk ka asnjë provë se këtë veprim e ka kryer Kasaj. Prokuroria nga ana e saj thotë se ka edhe disa prova të tjera në ngarkim të ekspertit të IT-së në Kryeministri.

Arresti i Kasajt
Ish-specialisti i IT-së në Kryeministri, Armando Kasaj, ndodhet në masën e arrestit në shtëpi me akuzën e shpërdorimit të detyrës, njësoj si komandanti i Gardës dhe shoferi i tij që kanë akuza të ndërlidhura me vrasjen e Faik Myrtajt dhe veprimet e kryera me armën e përdorur në ngjarje. Sipas Prokurorisë, ndaj Armando Kasajt ishte kërkuar masa e sigurisë arrest me burg me akuzën se ai mund të ndikonte në fshehjen e provave, por Gjykata e Tiranës, pasi shqyrtoi kërkesën, vendosi ndryshimin e masës së sigurisë. Gjyqtari i gatshëm që shqyrtoi kërkesat e Prokurorisë, deklaroi se masat e përshtatshme ishte arresti në shtëpi dhe kjo masë u la në fuqi e u verifikua nga gjykata.

Dyshohet se dokumentoi veprimet e “grupit të zjarrit”
Prokuroria: Një kamera ishte vendosur mbi kokën e gardistëve
TIRANE – Organi i akuzës gjatë hetimeve në lidhje me 21 janarin ka gjetur dhe ka përcaktuar zonën ku ishin dislokuar efektivat e Gardës së Republikës, që sipas planit paraprak të masave, ishin pajisur me armatim luftarak. Kjo kategori e efektivave, e emëruar ndryshe edhe grupi i zjarrit, ka qenë e vendosur në këndin verior të Kryeministrisë. Pozicionimi i saktë i gardistëve ka qenë në qoshen e Kryeministrisë, e cila sheh nga ura e madhe e Lanës në bulevardin “Dëshmorët e Kombit”, drejtimi i hotel “Dajtit”. Në këtë drejtim, sipas Prokurorisë, më 21 janar kanë qenë të vendosura dy kamera sigurie, njëra prej të cilave, sipas akuzës, ka qenë mbi kokën e gardistëve të grupit të zjarrit. Imazhet e kësaj kamere, sipas hetuesve, mund të sqaronin shumëçka për projeksionin e qitjeve të gardistëve me armë zjarri dhe fakte të tjera. Imazhet e këtyre kamerave, sipas Prokurorisë, nuk iu dhanë asnjëherë grupit të hetimit për të zbardhur ngjarjen, dhe për këtë shkak, ato do të kërkohen përsëri. Kryeministria në dy kërkesat që i ka bërë Prokuroria, ka kthyer përgjigje se të vetmet imazhe që kishte në dispozicion kanë qenë ato të dy kamerave lëvizëse. Njëra ka qëndruar mbi Kryeministri gjatë ngjarjeve të 21 janarit dhe ka filmuar demonstruesit që godisnin policët dhe kamera tjetër, ajo e lëvizshme, që ka fiksuar skena thuajse të njëjta, por që nuk ka kapur asnjë sekuencë nga momentet e vrasjeve.

Panorama
TRAZHGIM SOKOLAJ

[Albo]

PD: Ina Rama gënjen për FBI

“FBI flet për ‘të shtëna vdekjeprurëse’, jo ‘vrasje me dashje’”

Partia Demokratike sulmon Prokurorinë e Përgjithshme, duke e akuzuar atë se po spekulon me ekspertizën e FBI-së për ngjarjet e 21 janarit. Deputeti demokrat, Fatbardh Kadilli, tha dje në një konferencë për shtyp se kryeprokurorja Ina Rama faktoi edhe njëherë tjetër se është bashkëpunëtore e Partisë Socialiste në përpjekjen për të marrë me dhunë pushtetin. Sipas tij, një vit pas këtyre ngjarjeve, Ina Rama doli përpara publikut dhe spekuloi me ekspertizën amerikane, duke thënë se gardistët vranë me dashje më 21 janar. “Pas 1 viti, në intervistën e saj, “shoqja e bulevardit” apo prokurorja e Përgjithshme akuzoi gardistët për vrasje me dashje dhe spekuloi me ekspertizën e ardhur nga FBI”, u shpreh Kadilli. Sipas tij, ekspertiza e FBI-së, nuk flet për “vrasje me dashje”, por për “të shtëna vdekjeprurëse”, duke shtuar se akuza e kryeprokurores është bërë në Kryesinë e Partisë Socialiste. “Sqarojmë shqiptarët se në ekspertizën e FBI-së dhe në asnjë ekspertizë tjetër, në asnjë germë dhe asnjë rresht, nuk bëhet fjalë për vrasje me dashje, por për të shtëna vdekjeprurëse, ndërsa akuza e prokurores është formuluar nga Edi Rama në Kryesinë e Partisë Socialiste, në një tentativë të pashpresë të tyre për t’i shpëtuar përgjegjësisë për 21 janarin”, theksoi më tej deputeti demokrat.

Arrestimi i gardistëve
Në të njëjtën kohë, Partia Demokratike akuzoi kryeprokuroren Ina Rama se bashkëpunoi me Partinë Socialiste edhe në rastin kur policia refuzoi të bënte arrestimin e gardistëve, për shkak se në urdhrin e nxjerrë kishte lapsuse. Pak ditë më parë, prokurorja e Përgjithshme e mohoi të ketë folur me liderin e Partisë Socialiste për këtë çështje. “Unë nuk do të ndalem në trillimet dhe mashtrimet e saj, sepse për shqyrtimin e tyre ekzistojnë të gjitha mundësitë, por dua t’i rikujtoj shqiptarëve sot se në datën 22 janar, në orën 4 të mëngjesit Edi Rama, që kërkonte në mënyrë ultimative arrestimin horrave të Gardës, e heronjve që mbrojtën Kushtetutën dhe ligjet e vendit, duke i cilësuar si persona shoqërisht të rrezikshëm, ekzaktësisht siç shprehet kryeprokurorja publikisht dhe në akuzë, u deklaroi shqiptarëve se drejtori i Përgjithshëm i Policisë i ka thënë në telefon prokurores së Përgjithshme se nuk do të ekzekutojë vendimet, pasi aty ka lapsus, duke dëshmuar kështu bashkërendimin e ngushtë midis tyre”, u shpreh Kadilli në komunikimin me mediat. Pak ditë më parë, në një intervistë në “Opinion”, Ina Rama deklaroi se vrasja e protestuesve ishte me dashje. “Pse them se është vrasje me dashje. Kemi konsultuar ligjet për Gardën, ligjin për përdorimin e armëve të zjarrit. Rregulli për ata që ruajnë institucionet dhe personalitetet është që në çdo rast që tubimet e ligjshme shndërrohen në tubime të kundërligjshme, parimi është se duhet bërë minimumi i forcës. Ka një rregull, që thotë se nëse tentohet të hyhet, thotë Garda, në oborrin e Kryeministrisë personi paralajmërohet, goditet në tokë, paralajmërohet në ajër dhe pastaj goditet ai vetë nëse shikohet që ka një rrezik për institucionin. Garda është aty për të mbrojtur institucionin”, u shpreh kryeprokurorja.

Panorama

[POKO]

ndiqni emisionin "shqip" te rudina xhunges...paska hedh ne te dy krahet,dy analiste e politikane te zote,tak ngjelen e skener gjinushin

mo kaq posht te bine njerzit,ti sherbesh djallit e djallezive ter jeten,pa te vra ndergjegja nje minut...vetem ne shqiperi gjen keso specie mduket mua!

[Dystopia]

Pasi pashe Opinion-in, nuk ma merrte mendja se kishte ende shqiptare te tille ne Shqiperi. Zonja Kryeprokurore i tregoi vendin jo vetem Fevziut, por gjithe politikaneve pa perjashtim, qe nuk e kane idene se cdo te thote ligj, shtet e procedure. Kjo qe ndodhi ne Opinion qe nje ngjarje e jashtzakonshme, pasi ne vendin tone nuk eshte pare ndonjehere nje njeri me kaq balance, qe duket nder te tjera normal! Nje njeri qe me nje sens shume te larte qytetarie pranoi se ku ka dhe ku nuk ka ekspertize, jo si figurat e tjera te jetes politike ne Shqiperi qe jane eksperte nga fizika berthamore e deri tek Reagonomics.

[Duaje Siveten]

Pasi pashe Opinion-in, nuk ma merrte mendja se kishte ende shqiptare te tille ne Shqiperi. Zonja Kryeprokurore i tregoi vendin jo vetem Fevziut, por gjithe politikaneve pa perjashtim, qe nuk e kane idene se cdo te thote ligj, shtet e procedure. Kjo qe ndodhi ne Opinion qe nje ngjarje e jashtzakonshme, pasi ne vendin tone nuk eshte pare ndonjehere nje njeri me kaq balance, qe duket nder te tjera normal! Nje njeri qe me nje sens shume te larte qytetarie pranoi se ku ka dhe ku nuk ka ekspertize, jo si figurat e tjera te jetes politike ne Shqiperi qe jane eksperte nga fizika berthamore e deri tek Reagonomics.

Dakord me qendrimin, balancat, ligj, shtet e procedure te krye-pokurores.

Ende nuk eshte e qarte perse ajo nuk arrin te vleresoje rolin e "prokurorit" apo te eksperteve te FBI. Tentativa eshte e qarte: ne mungese se shprehjes qarte, perdoret si alibi prokurori apo agjente te FBI.

Kujtese: eshte tjeter te marresh ekspertize nga nje institucion apo kompani private, per te cilen paguan ekspertizen, dhe tjeter gje eshte te marresh ekspertize shteterore apo qeveritare.

Tjeter: çdo kanal shteteror (i çfardo mase) amerikan ne Shqiperi kalon nepermjet ambasades, ndaj do te perdoret ne perputhje me interesat amerikane - perndryshe kthehet mbrapsht.

[Deni_Boy]

http://www.youtube.com/watch?feature=player_embedded&v=jGjs3KryK9c


Prokurori i Përgjithshëm britanik, Keir Starmer u shpreh i shqetësuar në lidhje me sulmet personale dhe publike ndaj institucioneve të pavarura.

Per kreun e hetimit britanik, këto sulme dëmtojne dhe cënojne elementët me demokratikë të sistemit. Starmer, u shpreh i shqetësuar gjithashtu edhe për perceptimin në rritje ndaj fenomenit të pandëshkueshmërisë ndaj korrupsionit në Shqipëri.

"Kam dëgjuar shqetësime për perceptimin në rritje të pandëshkueshmërisë e korrupsionit në Shqipëri, për çështjen e imunitetit dhe nevojës për të përmirësuar Kodin e Procedurave Penale. Po kështu nevojën që politikanët të mbështesin procese të besueshme dhe jo militante emërimi në mënyrë

Si drejtues i një organi të pavarur unë jam i shqetësuar nga sulmet personale dhe publike mbi integritetin e institucioneve të pavarura dhe individëve në to.

Keir Starmer
Prokurori i Përgjithshëm britanik që të fuqizohet pavarësia dhe kapaciteti i institucioneve tuaja demokratike. Si drejtues i një organi të pavarur unë jam i shqetësuar nga sulmet personale dhe publike mbi integritetin e institucioneve të pavarura dhe individëve në to. Këto sulme cënojnë jo vetëm individët të targetuar, por edhe elementët demokratikë të sistemit. Nëse ka shqetësime reale apo prova të shkeljeve atëherë ato pretendime duhen ndjekur nëpërmjet kanaleve të duhura dhe jo të thuhen kot apo të përdoren për të ushtruar presion mbi individët", tha Starmer.

Prokurori britanik nuk pranoi te komentoje hetimet apo ngjarjet e 21 janarit, por deklaroi se, edhe në Britanine e Madhe, kur ai merrte vendime qe binin ndesh me qeverine apo politikanet, haste ne kundershtine e tyre te hapur.

Duke keshilluar drejtuesit me te larte te drejtesise ne vend, anetaret e Gjykates se Larte, Prokuroren e Përgjithshme, Avokatin e Popullit si dhe median, Starmer tha se kur ndodhej ne nje situate te tille, ai shqetësohej vetem per vijueshmerine e procesit. Sipas prokurorit britanik, Shqiperia i ka kapacitet per te kryer nje reforme ne drejtesi, ku nuk duhet kete emerime prej militantesh partiake ne postet kryesore te pushtetit gjyqesor.

Top channel

[landi45]

po nuk beri si thote gomari tropojes

ti djegin te gjalle

se nje komunist
dhe nje ish sigurims

qe drejton nje parti demokratike gjoja

vetem ne rusi gjen putin

dhe ne shqipei zotin sali gomari

po kur populli e duron

i lumte ti rrjepi per se gjalli

dhe

[PLAKU]

http://www.panorama.com.al/wp-conten...holtkemper.jpg

Ambasadorja gjermane në Tiranë, Carola Müller-Holtkemper. Majtas, nga protesta e dhunshme e 21 janarit



Flet ambasadorja e Gjermanisë në Tiranë
Müller-Holtkemper: Ekspertiza e FBI është bazë solide, u mbështet mbi ligjet e fizikës

Carola Müller-Holtkemper, ambasadorja e Gjermanisë në vendin tonë, tha dje se hetimet e Prokurorisë lidhur me ngjarjet e 21 janarit do të bëhen nëpërmjet ekspertizës që ka ardhur nga FBI-ja. Në një intervistë për “Dojçe Velen” ai tha se komuniteti ndërkombëtar po e ndjek me shqetësim këtë çështje, teksa shtoi se bëhet fjalë për procese komplekse, të cilat duhet të vazhdojnë të hetohen ende. “Në rastin e ngjarjeve të 21 janarit bëhet fjalë për procese komplekse, të cilat pjesërisht duhet të vazhdojnë të hetohen ende apo për sqarimin e të cilave është marrë edhe ekspertizë teknike e huaj. Lidhur me shkaqet e vdekjes ekziston tanimë një ekspertizë voluminoze e FBI-së dhe mbetet vetëm të shpresojmë që të mund të hidhen hapa të mëtejshëm duke u nisur nga kjo bazë solide e krijuar”, tha diplomatja gjermane në vendin tonë. Ajo theksoi gjithashtu se “FBI-ja ka mbërritur në konkluzionet e veta mbështetur në ligje të njohura të fizikës. Nëse këta ekspertë, nisur prej ligjesh fizike me vlefshmëri absolute, sikurse është ai i gravitetit apo lëkundja e frekuencave të rrjeteve elektrike, kanë mbërritur në përfundime të caktuara, atëherë nuk besoj se në këtë drejtim do të ketë devijime të mëdha; në fund të fundit, këtu nuk bëhet fjalë për çështje shijesh”. Dy ditë pas përkujtimit të ngjarjes së një viti më parë, ishte ambasadori amerikan në Tiranë, i cili mbështeti edhe një herë Prokurorinë e Përgjithshme në procesin e hetimit, duke kërkuar gjithashtu që ai të jetë gjithëpërfshirës, të fillojë me vdekjet e protestuesve dhe me qëllimet e organizatorëve. “Ne do të vazhdojmë të mbështesim zyrën e prokurores së Përgjithshme, ndërsa vazhdon punën për këtë hetim. Dua të përsëris se ka qenë gjithmonë qëndrimi ynë, që është e rëndësishme, që ky hetim të jetë i pavarur, të jetë i lirë nga ndërhyrjet politike. Në mënyrë që hetimi të jetë i besueshëm, ai duhet të jetë gjithëpërfshirës dhe kjo përfshin, sigurisht, siç e përshkroi dhe prokurorja e Përgjithshme pak minuta më parë, hetimin pikë së pari mbi vdekjet e protestuesve të shkaktuara nga armë zjarri, si dhe veprimet e protestuesve që kryen akte të dhunshme dhe veprimet e qëllimet e organizatorëve, aq sa është e mundur”, u shpreh ambasadori Arvizu.
Ndërsa ambasadori i Komisionit Europian ka deklaruar: “Siç e kemi thënë, është e rëndësishme që ky hetim të jetë gjithëpërfshirës, i pavarur dhe pa ndërhyrje politike. Shqiptarët presin që të vendoset drejtësia. Po ashtu kemi thënë që ne presim që hetimi të vazhdojë mes zyrës së Prokurorisë së Përgjithshme në Shqipëri. Ne e mbështesim këtë dhe kemi besim të plotë te Prokuroria e Përgjithshme. Ne kemi besim që Gjyqësori në Shqipëri do ta bëjë punë e vet që të jepet drejtësia”.

Znj. Müller-Holtkemper, si e vlerësoni faktin që edhe pse ka kaluar një vit nga protesta antiqeveritare e 21 janarit, kur u vranë katër persona dhe u plagosën dhjetëra të tjerë, ende nuk është zbardhur kjo çështje?

Pjesë e një procesi ligjor është edhe përcaktimi i një kuadri kohor të përshtatshëm, brenda të cilit drejtësia do të duhet të vendosë. Ju e dini tanimë se komuniteti ndërkombëtar i ndjek me shqetësim ato procese gjyqësore që zvarriten me vite të tëra. Në rastin e ngjarjeve të 21 janarit bëhet fjalë për procese komplekse, të cilat pjesërisht duhet të vazhdojnë të hetohen ende apo për sqarimin e të cilave është marrë edhe ekspertizë teknike e huaj. Lidhur me shkaqet e vdekjes, ekziston tanimë një ekspertizë voluminoze e FBI-së dhe mbetet vetëm të shpresojmë që të mund të hidhen hapa të mëtejshëm duke u nisur nga kjo bazë solide e krijuar. FBI-ja ka mbërritur në konkluzionet e veta mbështetur në ligje të njohura të fizikës. Nëse këta ekspertë, nisur prej ligjesh fizike me vlefshmëri absolute, sikurse është ai i gravitetit apo lëkundja e frekuencave të rrjeteve elektrike, kanë mbërritur në përfundime të caktuara, atëherë nuk besoj se në këtë drejtim do të ketë devijime të mëdha. Në fund të fundit, këtu nuk bëhet fjalë për çështje shijesh.
Në një kohë që nga forcat politike ka qëndrime të ndryshme për rolin e Prokurorisë së Republikës në procesin e hetimit të kësaj ngjarjeje, çfarë mendoni ju, znj. ambasadore, për atë se ç’pritet lidhur me hetimin e plotë të kësaj ngjarjeje?
Organi kompetent për hetimet është Prokuroria e Përgjithshme, dhe mbështetur në parimet e shtetit ligjor, hetimi duhet të jetë i pandikuar politikisht.

Sa i rëndësishëm është në procesin e integrimit europian të Shqipërisë
profesionalizmi dhe pavarësia e sistemit të Drejtësisë?

Ndërtimi i shtetit ligjor është kriteri më i rëndësishëm në kuadrin e procesit të integrimit europian. Në këtë kuptim, strategjia e integrimit për të gjitha shtetet kandidate për anëtarësim u përshtat në atë mënyrë që puna të niste pikërisht me këta kapituj. Por, përtej rëndësisë që ka për procesin e integrimit, shteti ligjor i shërben bashkëjetesës harmonike të një shoqërie, bashkëpunimit efektiv dhe zhvillimit ekonomik.
Panorama
ARBEN MUKA

[PLAKU]

Kryeprokurori i Britanisë së Madhe vizitë në Tiranë
Starmer: Hetim të plotë e gjithëpërfshirës për 21 janarin
31 janar 2012 13:32 ABC news.al







http://www.abcnews.al/uploads/keir-starmer-001.jpg







Kryeprokurori i Britanisë së Madhe, Keir Starmer kërkoi nga organi I prokurorisë që të zhvillojë një hetim të plotë e gjithëpërfshirës për 21 janarin. Një qëndrim të tillë, Starmer e bëri publik gjatë konferencës për shtyp, të dhënë në përfundim të takimeve në Tiranën zyrtare. Kështu, pas takimit me homologen, Ina Rama, Starmer së bashku me ambasadorin e BE-së, Etore Sekui dhe diplomaten e Britanisë së Madhe në vendin tonë, Fiona Mcllwham dhanë një konferencë të përbashkët për shtyp ku trajtuan çështjen e së drejtës dhe shtetin ligjor, si dhe domosdoshmërinë për ndërmarrjen e reformave në këtë fushë nga ana e Shqipërisë. Gjatë fjalës së tij, kryeprokurori i Anglisë shprehu shqetësimin lidhur me sulmin që iu bëhet institucioneve të pavarura
“Si drejtues i një organi të pavarur, unë jam i shqetësuar nga sulmet personale dhe publike mbi integritetin e institucioneve të pavarura dhe të individëve në to. Këto sulme cënojnë, jo vetëm individët e targetuar por elementët demokratikë të sistemit. Nëse ka shqetësime reale, apo prova të shkeljeve, atëherë ato pretendime duhen ndjekur nëpërmjet kanaleve të duhura dhe jo të thuhen kot, apo të përdoren për të ushtruar presion mbi individët”, vuri në dukje Starmer.
Në vlerësimin e tij, reforma në drejtësi dhe shtetin e së drejtës në Shqipëri do ndihmojë procedimin më të shpejtë dhe më të përshtatshëm të çështjeve specifike, por do ndihmojë edhe për integrimin në BE.
“Sistemi efektiv i drejtësisë që përmbush standartet ndërkombëtare është një parakusht për anëtarësimin në BE. Megjithatë ajo që ka më shumë rëndësi, drejtësia e paanshmë dhe shteti i së drejtës janë të drejta themelore, të cilat duhet t’i gëzojnë njësoj të gjithë shtetasit. Janë baza e një shoqërie më demokratike, të begatë dhe gjithë-përfshirëse”, nënvizoi Prokurori i Përgjithshëm i Britanisë së Madhe. anglez më tej.
Nga ana e tij, ambsadori i BE-së, Sekui sghprehu besimin e tij në vlerat e barabarta dhe një drejtësi transparente. Gjithashtu, duke i mëshuar fakti se nevojitet një drejtësi e pavarur nga politika, ambasadori i BE-së vuri në dukje faktin se “në 15 vjet Bashkimi Evropian ka investuar 100 mln euro për drejtësinë”.


http://www.abcnews.al/images/abc-news-logo.png



http://www.abcnews.al/live-stream