Arbresha Hajdari

[Dar_di]

Arbresha Hajdari


U lind më 29. 5. 1989 në Gjilan. Shkollimin fillor e kreu në shkollën fillore “Abaz Ajeti” në Gjilan, ndërsa shkollimin e mesëm në Gjimnazin “Zenel Hajdini” në Gjilan. Bënë studime deridiplomike në Universitetin e Prishtinës, Fakulteti i Arteve, Dega – Pikturë dhe Fakultetin Filologjik, Dega – Gjuhë shqipe.

Arti është një nga veprimtaritë më të dalluara që spikatin tek Arbresha. Që në moshën fëmijërore filloi të merret me këngën. Pasioni për t`u bërë një këngëtare iu ndihmua edhe me zërin dhe talentin që kishte për muzikën. Me kalimin e kohës, ajo vendosi ta sprovoj veten në “Ethet e së premtes II – III” në të cilat morri pjesë dhe bëri hapat e parë publik drejt karrierës së këngëtares.

Është pjesëmarrëse e shumë organizimeve, festivaleve, koncerteve etj.

Disa nga çmimet që ka fituar Arbresha, janë:

Prezantimi skenik – “Polifest 2006”

Vendi i dytë – “Kosova fest 2008”

Prezantimi skenik dhe debutantja skenike më e mirë femër – “Çelësi Muzikor - Ziko award 2008”

Vendi i tretë – “Kosovarja këndon 2009”

Best këngëtarja në Rok & Rnb – Komuna e Gjilanit 2009

Vendi i tretë dhe interpretimi më i mirë – “Polifest 2010”

Çmimi prestigjioz Nexhmije Pagarusha – “Kosovarja këndon 2010”

Këngëtarja më e suksesshme e vitit 2010 – Komuna e Gjilanit




Ka realizuar deri më tani videoklipet e këtyre këngëve të saj:

“Ne të dy”
“Ti”
“Burrë dhe grua” në bashkëpunim me këngëtarin Kastro Zizo
“Ditëlinja”.


Ndër të tjerash, Arbresha ka treguar të jetë e suksesshme edhe në artin letrar. Në vitin 2006 boton librin e saj me titull “Mozaik emocionesh”. Ka në dorëshkrim cikël poezish etj. Në vitin 2009 mori pjesë në “Takimet e poeteshave” në Vushtrri. Ndërsa në “Flaka e Janarit” që organizohet në qytetin e Gjilanit, mori çmimin – Pena e Flakës.


Gjatë viteve 2003-2010 ndoqi kursin për pikturë.

Një nga portretet e saj:

[Besoja]

I uroj suksese Arbëreshës në krijimtarinë e saj!

[donaaa]

Me pelqen shume gjithashtu krengohem qe kam nje qytetare dhe nje shoqe te mire si Arbresha Hajdari ,shpresoj te kete suksese me te medha ne te ardhmen ...