Taulant Balla me fjalor rruge në Kuvend, përjashtohet për 3 javë nga punimet e Parlamentit
03-03-2011 / Gazeta 55
http://www.gazeta55.al/fotolajm/5557...shqiperise.jpg
- Ministri i Drejtësisë, Nishani: Modeli i PS-së, politika e rrugës- Edi Rama ka frikë nga ndëshkimi i qytetarëve në 8 maj
- Arben Imami: Opozita dezinformon, SHBA ka mbështetur demontimin me një fond prej 10 milionë dollarë
Kuvendi, debate për marrëveshjen e demontimit të armëve
Kryetarja e Kuvendit Jozefina Topalli ka përjashtuar për 3 javë nga punimet e Parlamentit deputetin e Partisë Socialiste Taulant Balla. Vendimi për përjashtimin e deputetit Balla erdhi pas fjalimit të mbajtur në seancën plenare të Kuvendit ku po diskutohej ligji për parandalimin e pastrimit të parave. Në fjalën e tij deputeti Balla ka akuzuar qeverinë se është kthyer në një lavanteri të pastrimit të parave. I menjëhershëm ka qenë edhe reagimi i kryetares së Kuvendit Topalli, e cila e ka akuzuar deputetin Balla për shpifje dhe ashtu siç e parashikon edhe rregullorja e re e ka përjashtuar atë për 3 javë nga punimet e Kuvendit. Ndërkohë që në këto momente, është mbledhur grupi parlamentar socialist për të diskutuar mbi qëndrimin që do të mbajë pas përjashtimit të deputetit Balla.
Kuvendi, debate për marrëveshjen e demontimit të armëve
Ministri i Drejtësisë, Nishani: Modeli i PS-së, politika e rrugës- Edi Rama ka frikë nga ndëshkimi i qytetarëve në 8 maj
Nishani, Beqja: Akuzo kur të shprehet Gjykata Kushtetuese për mandatin tënd
“Partinë Socialiste po e shoqëron modeli Balla, njeriu i akuzuar për trafik prostitucioni, fjalori dhe sjellja e të cilit i përshtatet një njeriu rruge dhe jo një deputeti. Kështu e ka konsideruar ministri i Drejtësisë, Bujar Nishani, shpifjet e deputetëve socialistë. Duke reaguar për sjelljen jo të denjë për një deputet, Nishani shprehu keqardhje për ndjekjen e kësaj politike, ndërsa e justifikoi këtë me frikën e PS-së për përgjigjen që qytetarët shqiptarë do t’i japin kësaj politike në zgjedhjet e 8 majit. “Natyrisht ju këtu përfaqësoni një model dhe mua më vjen keq, megjithëse kundërshtari juaj politik, më vjen keq që Partinë Socialiste e përfaqëson modeli i zotit Balla. Megjithëse kundërshtari juaj politik, më vjen keq që në emër të PS dhe vizioneve të saj e përfaqëson zhargoni i zotit Balla. Megjithëse kundërshtari juaj politik, më vjen jashtëzakonisht keq që modelin e PS-së dhe të atyre qytetarëve që mendojnë që kanë një model tek PS e përfaqëson fjalori dhe sjellja e zotit Balla. Të gjitha këto janë ato të cilat gjykohen dhe do t’i gjykojnë qytetarët. Përveç kësaj ju keni një problem shumë të madh, natyrisht iu ka zënë paniku i madh që qytetarët e Tiranës janë ngritur sot, janë ngritur më shumë se kurrë të përzënë atë, i cili mbas diktatorit Enver Hoxha po qëndron më gjatë në pushtet në këtë vend. Që ka 10 vjet që e ka vjelur dhe ka shkatërruar këtë qytet. Iu ka zënë paniku nga ky hall, por natyrisht që qytetarët janë ngritur, janë ngritur me një forcë shumë të madhe me vendimin dhe verdiktin e tyre në 8 maj nuk mundet askush prej nesh, pavarësisht akuzave, pavarësisht shpifjeve, ta ndalë”, u shpreh Nishani. Gjithashtu ministri i Drejtësisë u ndal në akuzat e shpifura sipas tij, në drejtim të drejtuesve të mazhorancës apo familjarëve të tyre. Nishani përmendi dy raste të cilat u dënuan gjerësisht nga opinioni publik, si ai i tentativës për të ngatërruar djalin e Kryeministrit me një person tjetër me të njëjtën emër dhe mbiemër, si dhe përfshirjen e Kryeministrit Berisha në një videokasetë të montuar. “Duhet të dyja palët t’i drejtohen qytetarëve ,të cilët na njohin edhe ne edhe ju për moralin, integritetin që kemi dhe ata që njohin zotin Balla për moralin, për integritetin që ka. Keni një vit e gjysmë këtu që drejtoni akuza dhe shpifje ndaj Kryeministrit. Adresuat dhe atë të pamenduarën fare. Shkuat dhe gjetët një njeri, i cili kishte vetëm një koiçidencë me të birin e Kryeministrit, emrin dhe mbiemrin. Por edhe ai tjetri një njeri i nderuar. Njeri me një aktivitet privat me djersën dhe punën e tij. Dhe vetëm për shkak të koiçidencës së emrit dhe mbiemrit patët kurajon të shpifnit dhe të akuzonit për veprimtarinë e tij të birin e Kryeministrit. Shpifja juaj arriti deri aty sa të inçizonit një video dhe të kishit kurajo të ndryshonit shiritin e videos me qëllim për të inkriminuar dhe akuzuar Kryeministrin”, u shpreh Nishani, ndërsa dënoi modelin e shpifjes së deputetëve të majtë. Sipas tij në asnjë vend të botës, në asnjë Parlament demokratik, në asnjë vend ku deputeti pretendon se përfaqëson modelin e qytetarëve të tij nuk mund të mendohet të aplikohet kjo metodë. Ministri Nishani iu përgjigj dhe akuzave të pabazuara të Ilir Beqës, i cili akuzoi të gjithë ministrat e qeverisë si të korruptuar. Ministri Nishani theksoi se deputeti Beqja është i vetmi rast kur Parlamenti ka adresuar në Gjykatën Kushtetuese një çështje për shkelje të Kushtetutës. “Jeni i vetmi rast kur Parlamenti i është adresuar Gjykatës Kushtetuese për shkelje të rëndë kushtetuese. Ju flisni këtu për të varfër, flisni për martir etj., druaj se e keni shumë të vështirë t’i kuptoni të varfrit. Ju jeni një nga miliarderët e kësaj salle që si risi e politikës së re kanë ardhur për herë të parë në Parlament, jo për shkak të djersës, por të konkurrimeve dhe përfitimeve nga fonde publike. Prandaj zoti Beqja, para se të artikulosh akuza ndaj kabinetit qeverisës do të rekomandoja, jo si një kundërshtar politik, por si qytetar të prisni vendimin e Gjykatës Kushtetuese dhe më pas keni të gjitha të drejtat dhe moralin për të diskutuar çdo shqetësim që keni”, tha ndër të tjera Nishani.
Demontimi i municioneve, ministri i Mbrojtjes garanton se procesi po ecën mirë
Arben Imami: Opozita dezinformon, SHBA ka mbështetur demontimin me një fond prej 10 milionë dollarë
Ministri i Mbrojtjes Arben Imami, akuzoi dje opozitën se shpif dhe dezinformon opinionin publik lidhur me trafikun e armëve me vendet e tjera. Sipas kreut të Mbrojtjes, bëhet fjalë për një marrëveshje nga e cila pala shqiptare përfiton për demontimin e mjaft municioneve të mbetura. E diskutuar vetëm para pak ditësh në komisionin e sigurisë ku qeveria e Shteteve te Bashkuara akordoi një fond prej 10 milionë dollarësh mbi demontimin e municioneve të tepërta në Shqipëri, opozita e akuzon atë për marrëveshje kriminale. Duke e cilësuar si një marrëveshje të parregullt deputeti socialist Erjon Braçe tha se raporti i OKB-së dëshmon qartë se Shqipëria përveç marrëdhënieve tregtare për armët ka dhe marrëveshje për dërgimin e parave në zonat e nxehta, si Jemen e Libi. “Një serë dokumentesh dëshmojnë se si këto transaksione kanë për ndërmjetës vazhdimisht shtetas serb, malazez apo boshnjakë. Madje edhe nga ata që janë listuar në të zezë nga institucione partnere e ku destinacioni përfundimtar herë është Jemeni, herë është Libia”- tha deputeti socialist Braçe. Por një akuzë e tillë ka sjellë dhe reagimin e menjëhershëm të ministrit të Mbrojtjes Arben Imami, i cili deklaroi se bëhet fjalë për një marrëveshje nga e cila pala shqiptare përfiton për demontimin e mjaft municioneve të mbetura. “Është një fond i posaçëm i dhënë nga departamenti i shtetit Amerikan 10 milion dollar i cili do bëhet i përdorshëm nga një fond mirëbesimi i krijuar nga NANCA. Zotërinj deputetë, raporti që keni shkarkuar është një raport i cili përgatitet nga autoriteti shqiptar AKSHE-ja dhe që botohet fjalë për fjalë dhe nga OKB-ja. Nuk ka asnjë lloj diskrapancie midis raportit të licensimit nga KSHE-ja dhe midis raportit të realizimit të një tregtie të caktuar brenda vitit 2009. Kështu që në fakt qeveria e Jemenit pavarësisht nga mendimi juaj është një qeveri që lufton kundra terrorizmit, është një qeveri e cila është aleate, sigurisht çështjet e demokracisë janë çështje që do zhvillohen edhe në Jemen sikurse kudo tjetër, por kjo nuk pengon që të kryhen tregti të ligjshme me këto vende. Më duhet t’ju them që në 2009-ën është lidhur një kontratë e cila nuk është realizuar dhe diskrapancia që i bëni dhe që ju e shihni si diçka të çuditshme është thjesht plani dhe realizimi i atij plani. Pa dyshim që të gjitha eksperiencat pozitive dhe negative të procesit të demontimit i cili është një proces i vështirë janë respektuar edhe në këtë marrëveshje, besoj që demontimi është një nga proceset që ecën më mirë në të gjithë fushën e mbrojtjes dhe të sigurisë. Është detyrë e jona që me çdo mjet ta shkarkojmë këtë barrë të së kaluarës. Dhe unë e çmoj pozitive që dhe opozita në parim nuk është kundër”- tha ministri Imami. Projekti mbi demontimin e municioneve mes Shqipërisë dhe NATO-s do të jetë 4-vjeçar dhe nëpërmjet tij planifikohen të shkatërrohen 76 mijë ton rezerva municionesh.
Përgjigju Duke Cituar
Postuar më parë nga skuthi_vogel
Krijoni Kontakt