Zyrtarizohet koalicioni: PDK-AKR

[ARIANI_TB]

[ARIANI_TB]

[Loti-99]

URIME PDK
URIME KOSOVE

[ARIANI_TB]

Zyrtare: Serbët 3 ministri, të tjerët 1

Prishtinë, 19 shkurt - Kryetari i PDK-së, Hashim Thaçi ka nënshkruar marrëveshjen për koalicionin edhe me partitë e pakicave. Fillimisht me kreun e SLS-së, Slobodan Petroviq, që do të jetë zëvendëskryeministër.
Partia e tij do të udhëheqë edhe me 3 ministri, dhe atë Ministrinë e Pushteti Lokal, Ministrinë e Kthimit dhe Ministrinë e Punës dhe Mirëqenies Sociale. SLS gjithashtu do të ketë edhe tre zëvendësministra, raporton Indeksoline.
Marrëveshja është formalizuar edhe me deputetët e pakicave tjera që janë bërë bashkë në Grupi 6 +, e që do të marrin Ministrinë e Mjedisit dhe Planifikimit Hapësinor.6 + do të ketë edhe gjashtë zëvendësministra.

[G-2]

URIME PDK
URIME KOSOVE

U zyrtarizua koalicioni PDK- SLS

Pas nënshkrimit të marrëveshjes për koalicionit në mes të PDK-së dhe AKR-së, në selinë e Kuvendit është nënshkruar edhe marrëveshja në mes të PDK-së dhe SLS-së partisë serbe cila merr pjesë në Kuvendin e Kosovës me 9 deputetë. Sipas kësaj marrëveshje SLS do të drejtojë dy ministri


llap urime per bashkim vellaznim!
urime presidenti i 'nenes 'serbi!

[fattlumi]

URIME PDK
URIME KOSOVE

O loti-99 alias Llapi,po te mungon vetem ngjyra e bardhë qe ti kompletosh ngjyrat e flamurit serb.Tash edhe në bashkeqeverisje i keni dhe duhet respektuar.

Mëqe ra fjala urime per koalicionin,shpresojmë ta kryej mandatin e plotë kjo qeveri,dhe atë në mënyren sa me mirë të mundshme.

[ARIANI_TB]

Vetëvendosje: Pacolli i papranueshëm, nuk e votojmë
Publikuar: Sot, më 19 shkurt 2011

Prishtinë, 19 shkurt - Lëvizja Vetëvendosje është kundër koalicionit PDK-AKR, për shkak të programit që ata paraqesin, tha në një intervistë për Radion Evropa e Lirë, Visar Ymeri, anëtar i Lëvizjes Vetëvendosje.
Ymeri tha se “Lëvizja Vetëvendosje e ka bërë të qartë disa herë deri më tash se ne i vendosim parimet tona programore dhe konceptin tonë politik përpara njerëzve dhe përpara çdo gjëje tjetër. Rrjedhimisht, ne jemi kundër këtij koalicioni për shkak të programit që ata paraqesin dhe për shkak të asaj që ata thonë se do ta bëjnë.
Konsiderojmë që ky koalicion do të jetë koalicion i fillimit të vazhdimit të negociatave të reja me Serbinë, të cilat ne i konsiderojmë se përveç që janë të padrejta dhe asimetrike, janë shumë të rrezikshme dhe të dëmshme për Kosovën. Rrjedhimisht, jemi kundër këtyre negociatave. Pra, meqenëse jemi kundër këtyre negociatave, jemi edhe kundër koalicionit që po përgatitet për to.
Dhe, në anën tjetër, po ashtu, konsiderojmë se ky koalicion do të jetë koalicion i vazhdimit të procesit të privatizimit të çdo gjëje publike në Kosovë, madje edhe këtyre pak ndërmarrjeve publike që kanë mbetur. Këtë privatizim ne e kundërshtojmë pikërisht për shkak se konsiderojmë se është një prej proceseve më të dëmshme politike dhe ekonomike që i kanë ndodhur Kosovës gjatë viteve të fundit dhe që synon shpronësimin total të popullit të Kosovës nga pronësia e tij.
Prandaj, edhe në këtë drejtim, ne do të jemi kundër këtij koalicioni, për shkak të asaj se çfarë do të bëjnë këta me Kosovën në rrafshin institucional, të integritetit territorial dhe në rrafshin ekonomik.

Ymeri në vazhdim tha se “shumica prej partive politike, të mos them të gjitha, por shumica prej subjekteve politike që janë në Kosovë, veçanërisht këto që janë të pranishme tash në Kuvendin e Kosovës, janë parti të cilat do t’i pranonin negociatat me Serbinë. Pra, nuk po them se vetëm ky koalicion do t’i pranonte, këtë do ta bënin edhe të tjerat parti.
Mirëpo, ne konsiderojmë se këto negociata nuk duhet pranuar për shkak se Kosova ka shumë punë për të bërë në kuptimin e forcimit të sovranitetit përbrenda dhe nuk duhet Kosova ta negociojë të ardhmen e vet, e as rregullimin territorial institucional të vetin me Serbinë, duke pasur parasysh historikun, por edhe aktualitetin kriminal të Serbisë në Kosovë.
Prandaj, konsiderojmë se negociatat që po përgatiten tash, janë negociata që përfundimisht do ta përfundojnë projektin e bosnjëzimit të Kosovës, pra ndarjes së brendshme të Kosovës - edhe territoriale edhe institucionale, projekt ky i cili, natyrisht, filloi me planin e Ahtisarit që ne e patëm kundërshtuar edhe atëherë. Po them që partitë politike do t’i pranonin negociatat, për shkak se ato edhe deklarohen se do t’i pranonin, por Lëvizja Vetëvendosje nuk do t’i pranojë kurrë”.
Në pyetjën se si do të reagoni përballë procesit të negociatave, tashmë kur ju jeni pjesë e Kuvendit të Kosovës, Ymeri u përgjigj se “Lëvizja Vetëvendosja e ka thënë edhe më herët, edhe kur e kemi marrë vendimin për të marrë pjesë në zgjedhje dhe për t’u bërë pjesë e institucioneve të Kosovës, ne e kemi konsideruar këtë që do të jetë një shtim i mjeteve, të cilat i kemi përdorur deri tash. Pra, shtim i mënyrave të rezistencës dhe kundërshtimit dhe assesi ndryshim i Lëvizjes Vetëvendosje.
Ne do të mbesim, përveç subjektit të pranishëm në Kuvendin e Kosovës në këtë rast, do të mbesim edhe lëvizje politike, e cila e vazhdon rrugëtimin e vet jashtë-institucional, pra përmes demonstratave, protestave dhe aksioneve simbolike.
Konsiderojmë se kjo është mënyra e vetme për ta ndryshuar rrënjësisht politikën e Kosovës dhe për ta etabluar një kulturë të re politike, e që demokracisë përfaqësuese t’ia shtojmë edhe demokracinë direkte, demonstratat protestat, por edhe demokracinë pjesëmarrëse.
Me këtë nënkuptojmë referendumet, në mënyrë që populli ta ketë mundësinë të thotë fjalën e vet për ato projekte që kanë rëndësi madhore për Kosovën, rëndësi madhore për kombin shqiptar, por edhe që kanë pasoja afatgjata. Këtu përmendim negociatat, privatizimin - procese këto, të cilat jo vetëm që po e rrezikojnë të tashmen e Kosovës, por, dorën në zemër, e vështirësojnë shumë punën dhe e rrezikojnë edhe të ardhmen e Kosovës”.
Duke folur rreth betimit të Vvetëvendosjes në Kuvend, Ymeri theksoi se “ne kemi thënë që vetë pjesëmarrjen në institucione e konsiderojmë si një mjet dhe jo si një qëllim për vete. Pra, edhe këtu jemi të ndryshëm prej, të mos them të gjithëve, por shumicës së subjekteve politike që i kemi parë deri tash, të cilat i kanë parë institucionet e Kosovës si një shtëpi ku ata do të mund ta organizojnë jetën më mirë, gjë që edhe e kanë bërë përmes pasurimit të tyre shpeshherë të paligjshëm dhe absolutisht të pamoralshëm.
Ndërkohë, Lëvizja Vetëvendosje i konsideron institucionet e Kosovës si një mjet për t’i përdorur në mënyrë që ta ndryshojë realitetin politik dhe ekonomik në të mirë të qytetarëve të Kosovës.
Sa i përket çështjes së betimit, ne e konsiderojmë atë si një procedurë teknike, të cilën do ta bëjmë siç e kemi bërë certifikimin si subjekt pjesëmarrës në zgjedhje. Mirëpo, jemi po ashtu të interesuar që politika në Kosovë të mos mbetet e mbyllur në këtë lloj spektakulariteti, të cilin e kanë bërë këto parti politike, pra që të zhvendosemi nga spektakulariteti dhe ta sjellim përbrenda politikës, brenda diskursit politik, por edhe ngjarjeve politike çështjen e koncepteve politike, moralit në politikë dhe drejtësisë në politikë”.
Sipas Ymerit, “Lëvizja Vetëvendosje do të veprojë sipas parimeve programore dhe sipas parimeve konceptuale politike që i ka. Këto nuk janë të reja për qytetarët e Kosovës. Ato i kanë parë ata teksa i kemi shpalosur në mënyra të ndryshme prejse ekzistojmë. Tash po mbushim gati 6 vjet ekzistimi dhe prej se Lëvizja Vetëvendosje ka filluar që ta bëjë publik dhe ta pasurojë konceptin politik.
Po gjërat më të rëndësishme që i synon Vetëvendosja, në aspektin konceptual janë që t’ia kthejmë moralin politikës, t’ia kthejmë ekonomisë politikën, pra në vend të ekonomisë pa ndërhyrje dhe pa praninë e shtetit, t’ia kthejmë një pranie të institucioneve shtetërore në ekonomi për hir të zhvillimit ekonomik, e jo këso pranie që e kemi pasur deri tash – domethënë për hir të shkatërrimit të ekonomisë.
Si dhe një gjë që është e rëndësishme, mbase më e rëndësishmja - t’ia kthejmë drejtësinë politikës. Pra, ta bëjmë një sistem politik në Kosovë, i cili bazohet në parimet universale të drejtësisë, e jo si deri tash që ka qenë subjekt i një kompromisi të vazhdueshëm të politikanëve tanë, të cilët e kanë bërë qoftë me Serbinë, qoftë me bashkësinë ndërkombëtare e kështu me radhë”.
Në pyetjen se çfarë qëndrimi ka Lëvizja Vetëvendosje rreth kandidaturës së Behgjet Pacollit - do të votojë apo ka ndonjë kundërkandidat, Ymeri u përgjigj se “eEdhe ajo për çka kemi dëgjuar dhe kemi parë ne se për çka angazhohet Behxhet Pacolli është në kundërshtim të drejtpërdrejtë me atë se për çka angazhohet Lëvizja Vetëvendosje. Rrjedhimisht, ai, edhe si person, edhe si kandidat për president është i papranueshëm për ne, për shkak të bindjeve të tij politike, të cilat i ka bërë publike në raste të ndryshme dhe në hapësira të ndryshme kohore. Kur themi është i papranueshëm, atëherë edhe s’e votojmë”.

[G-2]

Shoqatat e luftës kërkojnë sqarime nga Pacolli
19-02-2011 15:49 CET

Shoqatat e dala nga lufta e UÇK-së përmes një letre të hapur drejtuar Kuvendit të Kosovës, kërkojnë që kandidati për postin e presidentit Behgjet Pacolli para seancës konstituive të Kuvendit më 21 shkurt të japë sqarime në lidhje me deklaratat e tija dhënë mediave të ndryshme të huaja, të cilat kohëve të fundit janë duke u publikuar edhe në mediat vendore.

“Duke përcjellë në vazhdimësi zhvillimet në skenën politike të Kosovës, krijimin e institucioneve të dala nga zgjedhjet e 12 dhjetorit, duke qenë të vetëdijshëm se është i domosdoshëm funksionalizimi i shtetit të Kosovës, ne jemi të detyruar që për hir të vlerave që përfaqësojmë, t’i drejtohemi kryetarit dhe Kryesisë së Kuvendit të Kosovës, që do të zgjidhen të hënën me 21 shkurt, njëkohësisht edhe deputetëve të këtij legjislacioni. Ne konsiderojmë se është e domosdoshme që në rend të ditës, para zgjedhjes së presidentit, kandidati për këtë post, Behgjet Pacolli, të japë sqarime para deputetëve dhe popullit të Kosovës, në lidhje me deklaratat e tija dhënë mediave të ndryshme të huaja, të cilat kohëve të fundit janë duke u publikuar edhe në mediat vendore”, thuhet në këtë letër.

Duke i konsideruar deklaratat e Pacollit si antikombëtare, të papërgjegjshme dhe të padenja për një njeri që pretendon të jetë përfaqësues i popullit, shoqatat e luftës kërkojnë që Pacolli të sqarojë:

1. Kënd e konsideron z.Pacolli nënë të Kosovës: Serbinë apo Shqipërinë?

2. Çfarë don të thotë z.Pacolli me fjalën: do të jem Tito i Kosovës?

3. Në cilin kontekst z.Pacolli e gjen vëllazërinë e popujve shqiptar dhe serb, në kontest etnik, fetar, kulturor apo gjuhësor?

4. Cili është qëndrimi i tij për luftën e Ushtrisë Çlirimtare të Kosovës dhe çfarë ishte roli i tij në takimet me Millosheviqin gjatë kohës së luftës? Çfarë ju sygjeroi z.Pacolli politikanëve shqiptarë në shtëpinë e tij në Hajvali gjatë kohës së luftës, si zgjidhje të çështjes së Kosovës?

“Ne, do t’i përcjellim me kujdes zhvillimet e ditëve në vijim, dhe reagimi ynë do të jetë në përputhshmëri me Programin dhe Statutin e OVL të UÇK-së, dhe nëse nuk do të ketë përgjigje në pyetjet e parashtruara, për ne do të jetë i papranueshëm dhe do t’i përdorim të gjitha mjetet demokratike për të kundërshtuar një president të tillë”, përfundon komunikata.

[gimche]

Lehni lehniiiii aaaa po qjau ka rras Hashimi mirë juve, tash qishtu keni me met tu leh, haj medet a durohni edhe 4 vjet

[G-2]

Zyrtare: Serbët 3 ministri, të tjerët 1

Publikuar: Sot, më 19 shkurt 2011


Prishtinë, 19 shkurt - Kryetari i PDK-së, Hashim Thaçi ka nënshkruar marrëveshjen për koalicionin edhe me partitë e pakicave. Fillimisht me kreun e SLS-së, Slobodan Petroviq, që do të jetë zëvendëskryeministër.
Partia e tij do të udhëheqë edhe me 3 ministri, dhe atë Ministrinë e Pushteti Lokal, Ministrinë e Kthimit dhe Ministrinë e Punës dhe Mirëqenies Sociale. SLS gjithashtu do të ketë edhe tre zëvendësministra, raporton Indeksoline.
Marrëveshja është formalizuar edhe me deputetët e pakicave tjera që janë bërë bashkë në Grupi 6 +, e që do të marrin Ministrinë e Mjedisit dhe Planifikimit Hapësinor.6 + do të ketë edhe gjashtë zëvendësministra.


qe patrioatat e rrejshem qysh e formuan jugosllavine e vogel(kosoven)!
mire e kishte rugova e dinte ai se kush ishte dore e zgjatur e serbise!