Kosova me qeveri të pakicës !!!

[PLAKU]

AAK-ja do të mbështesë kundërkandidatin eventual të Pacollit
Publikuar: Sot, më 20 shkurt 2011

http://www.kohaditore.com/repository...dauthajra4.jpg

Prishtinë 20 shkurt - Aleanca për Ardhmërinë e Kosovës (AAK) lidhjen e koalicionit ndërmjet PDK-së dhe AKR-së e quan koalicion të interesave të dy njerëzve, Thaçit e Pacollit, e jo koalicion të koncepteve e programeve. Kështu tha anëtari i Kryesisë së AAK-së, Daut Haradinaj, në një intervistë për “Zëri”.
Ky koalicion, sipas Haradinajt, është bërë në vija të ngushta dhe nuk pritet që t’i hapë perspektivë vendit, por përkundrazi, siç thotë ai, “vetëm sa do ta dëmtojë edhe më shumë Kosovën”.
Hyrjen e Listës Dr. Ibrahim Rugova në qeveri me PDK-në e Hashim Thaçit, ndonëse ishte në koalicion parazgjedhor me AAK-në, Haradinaj nuk e quan tradhti.
“Pas zgjedhjeve, secili i ka drejtimet e veta. Nuk e mendoj këtë si tradhti nga ana e Ukë Rugovës dhe Listës”, ka thënë ai. Sipas tij, nëse Pacolli do ta ketë një kundërkandidat, si Jakup Krasniqin apo Adem Demaçin, AAK-ja do ta mbështesë kundërkandidatin fuqishëm.
Daut Haradinaj është shprehur i bindur se kjo qeveri nuk do të arrijë në asnjë formë ta përfundojë mandatin katërvjeçar. Ai thotë se partia e tij do të bëjë çmos që “sa më shpejt ta çojë te shpija këtë qeveri”.
Sipas anëtarit të Kryesisë së AAK-së, Kosova nuk ka nevojë që me Serbinë të bisedojë për çështjet që i takojnë asaj. Me Serbinë “duhet të bisedohet vetëm për çështje teknike”, tha Haradinaj, derisa e konsideron të paprekshme Pakon e Ahtisaarit.
“Mendoj se ato shtete që e kanë njohur Kosovën nuk do të lejojnë që të ketë një ndryshim të Pakos së Ahtisaarit, për shkak se një ndryshim i tillë do të hapë telashe të reja”, ka thënë ai.
Sipas Daut Haradinajt, Kosova tre vjet pas pavarësisë është shumë më keq se para shpalljes së pavarësisë.

[PLAKU]

PDK-ja dhe Lista “Ibrahim Rugova” zyrtarisht në koalicion
Publikuar më 20.02.2011 | në rubrikën Kosova

http://www.botasot.info/img/220listax.jpg

Bëhet e ditur se Ukë Rugova do të mbajë postin e deputetit, kurse Bujar Bukoshi do të jetë zëvendëskryeministër dhe Dardan Gashi ministër, kurse zv.ministrat do të caktohen më vonë.
Drejtuesit e Partisë Demokratike të Kosovës dhe ata Lista “Ibrahim Rugova” pas takimeve të zhvilluara pa praninë e medieve edhe kanë nënshkruar marrëveshjen për koalicion. Subjekti që ka vetëm një deputet në Kuvend do të ketë një zëvendëskryeministër, një ministër dhe dy zv.ministra.
Konfirmimin për zyrtarizimin e koalicionit e bëri të ditur për Kosovapress Dardan Gashi nga Lista “Ibrahim Rugova”, i cili tha se për shkak të agjendës së ngjeshur të kryeministrit Thaçi nuk ka pasur konferencë, por do të lëshohet një komunikatë.
Ai tha se nga marrëveshja e arritur Lista do të ketë një zëvendëskryeministër, do të udhëheqë Ministrinë e Ambientit dhe Planifikimit Hapësinor dhe do të ketë dy zv.ministra.
Lista “Ibrahim Rugova” ka vetëm një deputet në Kuvendin e Kosovës, PDK-ja i ka dhënë katër poste të larta qeveritare.
* * * * * *
Drejtuesit e Partisë Demokratike të Kosovës do të kenë edhe një takim jo formal me përfaqësuesit e Listës "Ibrahim Rugova" dhe mandej pasdite pritet të bëhet edhe nënshkrimi i marrëveshjes për koalicion me këtë subjekt.
Mandatari për formimin e Qeverisë njëherësh edhe kryetar i PDK-së, Hashim Thaçi dje ka nënshkruar marrëveshje për koalicion me tri subjekte politike, Aleancën Kosova e Re, Partinë e Pavarur Liberale dhe Grupin Parlamentar 6 Plus



Marrëveshje për koalicion pritet të nënshkruhet edhe sot mes PDK-së dhe Listës "Ibrahim Rugova", por ende nuk janë dhënë detajet se si do të ndahen postet ekzekutive me këtë subjekt.
Njëri ndër themeluesit e Listës "Ibrahim Rugova", Astrit Haraqija ka thënë për Kosovapress do të kenë edhe një takim jo formal me përfaqësuesit e PDK-së, ku pritet të sqarohen të gjitha çështjet dhe pastaj pritet që pasdite të zyrtarizohet marrëveshja.
Haraqija bëri të ditur se deputeti i Listës "Ibrahim Rugova", Ukë Rugova do të votojë edhe Bexhet Pacollin për president të vendit.
Nënshkrimin e marrëveshjes në mes PDK-së dhe Listës "Ibrahim Rugova" e ka konfirmuar edhe Memli Krasniqi, i cili ka thënë zyrtarizimi pritet të ndodh pasdite

[Fiesta]

Adem Demaqi kunder kandidat ,respekt per Bacen Adem ,por shifet qart sa po punojkan per popull partit opozitare . Ku mundet te behet Ademi kryetar ,kur eshte larguar nga politika mu per shkak te bindjeve "Ballkanike",edhe po i njejti ka perkrahur "vellezerit e tij".
Por po verehet diagonalja opozit - ne gjitha trojet Shqiptare ,se nga inati i humbjes se votave perdorin gjitha mundsit ne dem te popullit .

[PLAKU]

http://www.botasot.info/mesme/AlbinKutiporport.jpg

Nesër Vetëvendosje në Kuvend
Lëvizjes Vetëvendosje nëpërmjet një komunikate ka bërë të ditur se nesër 14 deputetët e saj do të marrin pjesë në seancën e parë të Kuvendit të Kosovës që doli nga zgjedhjet e 12 dhjetorit të vitit të kaluar.
Lëvizja që për disa vite nuk njihte sistemin dhe nuk pranon Kushtetutën, ka zgjedhor që nëpërmjet një komunikate të konfirmoj pjesëmarrjen në seancën konstituive të Kuvendit dhe të rikujtoj se në zgjedhjet e fundit u shënuan vjedhjet më të mëdha elektorale në Kosovën e pasluftës.
Madje lëvizja që drejtohet nga Albin Kurti vlerëson se institucionet e reja të dala nga këto zgjedhje e përfaqësojnë veçse vullnetin e deformuar të votuesve.
“Lëvizja Vetëvendosje pjesëmarrjen e saj në institucione e sheh si mjet shtesë për qëllimin e njëjtë e brenda konceptit të njëjtë. Ne do të jemi opozitë e fuqishme parlamentare dhe jashtëparlamentare”, thuhet në komunikatë.
Vetëvendosje sikurse certifikimin në KQZ që e kishte bërë si Nismë Qytetare dhe e konsideroi çështje teknike e procedurale, njësoj e konsideron edhe betimin formal të deputetëve, aq më tepër kur në tekstin e betimit thuhet të mos kenë parë diçka kontestuese.
“Lëvizja Vetëvendosje e ka lexuar tekstin e betimit dhe është në dijeni të procedurës formale rreth tij të përshkruar në fund të pikës së parë të Nenit 10 të Rregullores së Kuvendit të Republikës së Kosovës. Çdo teprim që organizohet nga ish pushtetarët me këtë rast do ta trajtojmë si provokim dhe ndaj tij do të reagojmë me vendosmëri”, theksohet nga lëvizja.
Ndërkaq Vetëvendosje sqaron se edhe në pikën 20 të kapitullit “Drejtësia” të programit të saj politik theksohet angazhimi për një shtet të së drejtës, të ndërtuar mbi parimin e kushtetutshmërisë.
“Pikërisht kushtetutshmërisë i referohet edhe teksti i betimit. Mirëpo, natyrisht që ne duam ta ndryshojmë Kushtetutën e Republikës së Kosovës në mënyrë që ajo të jetë në përputhje me vullnetin dhe interesat e popullit. Për dallim nga kjo kushtetutë, Kushtetuta e re e Kosovës do të duhej të kalonte nëpër debat publik, debat parlamentar e referendum gjithëpopullor. Për këtë synim tonin ne do t’i përdorim si metodat institucionale po ashtu edhe metodat jashtinstitucionale të veprimit politik”, thuhet në komunikatën e subjektit, i cili doli i treti për nga numri i votave.
Në vijim Vetëvendosjes si për sqarim të opinionit ka dhënë në komunikatë edhe tekstin e deklaratës së betimit sipas Nenit 10, Pika 1, e Rregullores së Kuvendit të Republikës së Kosovës:
“Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë qytetarëve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit dhe me standardet evropiane. Betohem!”

p.s. aty ku thet neser, folet per sot.