Behgjet Pacolli, President i ri i Kosovës

[Prishtina.C]

Presidenti Pacolli u takua me Ambasadorin e Italisë







Presidenti i Republikës së Kosovës, Behgjet Pacolli u takua sot edhe me ambasadorin e Republikës së Italisë në vendin tonë, Michael Giffoni.
Presidenti Pacolli e falënderoi Ambasadorin Giffoni për kontributin e tij dhe angazhimin në vendin për një kohë të gjatë, si dhe për urimet që Presidenti i Italisë, Giorgio Napolitano i ka përcjellë atij me rastin e zgjedhjes president i Kosovës.
Gjithashtu, Presidenti Pacolli përkujtoi ndihmën e madhe dhe të vazhdueshme të shtetit italian për Kosovën, qoftë me prezencën në Kosovë në kuadër të trupave të KFOR-it dhe në institucionet e tjera ndërkombëtare, qoftë në format e tjera të përkrahjes së vendit tonë drejt anëtarësimit në institucionet ndërkombëtare dhe në rrugën e integrimit në institucionet euroatlantike.
Nga ana e tij, Ambasadori Gifoni shprehu edhe një herë përkushtimin e vendit të tij për t’u gjendur pranë qytetarëve dhe institucioneve të Republikës së Kosovës, për t’i mbështetur ato në të gjitha proceset drejt hapjes së perspektivës së integrimeve euroatlantike.
Bashkëpunimi ekonomik dhe krijimi i ambientit sa më të mirë për investimeve për bizneset italiane në vendin tonë ishte gjithashtu një temë e rëndësishme e diskutimit, në ç’drejtim të dy bashkëbiseduesit u pajtuan se në këtë fushë ka shumë mundësi të shkëmbit të përvojave dhe të rritjes së bashkëpunimit.

[Prishtina.C]

PRESIDENTI PACOLLI PRITI ZËVENDËS - KRYEMINISTRIN HAJREDIN KUÇI







Presidenti i Republikës së Kosovës, Behgjet Pacolli zhvilloi sot një takim me z.Hajredin Kuçi, Zëvendëskryeministër dhe ministër i Drejtësisë në Qeverinë e Republikës së Kosovës.


01.03.2011
Zëvendëskryeministri Kuçi e uroi Presidentin Pacolli për zgjedhjen në detyrën e re, duke i dëshiruar sukses në kryerjen e kësaj detyre me përgjegjësi të lartë shtetërore.

Presidenti Pacolli dhe zëvendëskryeministri Kuçi, gjatë takimit, u pajtuan për bashkërendimin e punëve të institucioneve të vendit, përpara sfidave të rëndësishme që e presin vendin në periudhën në vijim, siç janë bisedimet me Serbinë, sigurimi i njohjeve të reja, ndërmarrja e hapave për anëtarësimin e Kosovës në sa më shumë institucione ndërkombëtare, proceset e integrimit në institucionet euroatlantike e sfida të tjera.

Ata u pajtuan se të gjitha këto detyra dhe obligime që dalin para institucioneve të vendit mund të kapërcehen vetëm me bashkërendimin e plotë të punëve mes institucioneve në të gjitha nivelet.

[Prishtina.C]

PRESIDENTI PACOLLI PRITI PËRFAQËSUESIT E “NATIONAL BREAKFAST PRAYER”


Presidenti i Republikës së Kosovës priti sot në një takim një delegacion amerikan me përfaqësues të Lutjeve të Mëngjesit (“National Breakfast Prayer”), i cili përbëhej nga David Bizli, ish-guvernator i Karolinës Jugore, si dhe Mansuer Fatfat, Lary Ros e Brajan Palmieri.





01.03.2011
Presidenti Pacolli bisedoi me miqtë amerikanë për një varg temash. Ai i njoftoi ata me zhvillimet aktuale në vendin tonë, me krijimin e institucioneve të reja dhe sfidat që i presin këto institucione si në planin e brendshëm ashtu edhe në rrafshin ndërkombëtar.

Ai theksoi se Kosova është një vend i vogël, por më shumë miq në botë, të cilët e kanë përkrahur dhe do ta përkrahin vendin tonë në proceset e rëndësishme që ka përpara, sidomos në procesin e sigurimit të njohjeve të reja për Republikën e Kosovës dhe integrimin në institucionet ndërkombëtare dhe në procesin e integrimit në institucionet euroatlantike.

Presidenti Pacolli në veçanti vlerësoi përkrahjen e vazhdueshme që SHBA i ka dhënë dhe po i jep popullit dhe institucioneve të Kosovës, një përkrahje kjo që çmohet shumë lart në vendin tonë.

Nga ana e tij, z. Davi Bizli dhe anëtarët e tjerë të delegacionit e uruan Presidentin Pacolli për zgjedhjen në detyrën e rëndësishme të Presidentit të Kosovës, duke i dëshiruar sukses në punën e tij.

Ata shpjeguan rëndësinë që kanë Lutjet e Mëngjesit për Shtetet e Bashkuara të Amerikës, duke sqaruar mënyrën e organizimit të kësaj dite shumë të shënuar për amerikanët, si dhe theksuan se është shumë e nevojshme që të krijohen grupet e miqësisë mes dy vendeve.

Në këtë plan, përfaqësuesit amerikanë shtruan nevojën e krijimit të një qendre të “National Breakfast Prayer” në vendin tonë, për çka morën përkrahjen e plotë të Presidentit Pacolli.

[Prishtina.C]

[QUOTE=Loti-99;3029429]


Përgjigjja ime

Gruaja ime nuk është ruse.


Express: Thatë se bashkëshortja juaj nuk është ruse, por vetëm shtetësinë e ka ruse?

Pacolli: Ajo është pasardhëse e një shqiptari shumë, shumë të vjetër, po mendoj të viteve 1800 që ka emigruar nga Jugu i Shqipërisë në Rusi dhe nëna e saj vjen nga Burjati, një fis që nuk ka lidhje aspak me rusët. Burjati është një fis mongol. Këtë nuk po e përmendi për t’u justifikuar, por vetëm po ju shpjegoj meqë më pyetët.

[ARIANI_TB]

Brukseli zgjedhjen e Qeverisë dhe Presidentit legale





Zyrtarët e Komisionit Evropian konsiderojnë qeverinë e re dhe presidentit e ri të Kosovës legal dhe presin që dialogu midis Beogradit dhe Prishtinës të fillojë brenda disa javësh, transmeton Telegrafi lajmin e agjencisë serbe të lajmeve, Beta.
Në pyetjen e agjencisë serbe, Beta drejtuar disa zyrtarëve të lartë të Komisionit Evropian, për legalitetin e procedurave të zgjedhjes së presidentit Behgjet Pacolli, për të cilën arsye partitë opozitare dhe organizatat joqeveritare kanë paralajmëruar ankesë në Gjykatë Kushtetuese në Prishtinë, ata janë përgjigjur se zgjedhja e presidentit dhe e qeverisë së re ishte plotësisht legale.

Në vërejtjen se edhe disa zyrtarë të lartë të partisë së Hashim Thaçit kontestojnë legjitimitetin dhe legalitetin e presidentit të zgjedhur, kështu edhe qeverisë dhe shefit të ekipit të Prishtinës për dialog me Beogradin, burimet e Komisionit Evropian në Bruksel kanë thënë se “BE-ja kurrë nuk përzihet në çështje të brendshme të ndonjë vendi tjetër”.

“Për ne Qeveria e Prishtinës aktualisht është legalisht e zgjedhur dhe m’u për këtë vazhdojmë përpjekjet për të filluar dialogu mes Beogradit dhe Prishtinës”,thanë këto burime për agjencinë Bet

Po natyrisht se per ca qarqe Europiane - Behxhet Pacolli dhe Hashim Thaci jane legal, sepse shume me lehte e kane ti realizojne punet e tyre me kesi lloj qeverie qe ka Kosova tani.

Mirepo, kjo qeveri e tanishme jo vetem qe eshte legale per keto qarqe te BE-se, por kjo qeveri e sidomos Pacolli e Thaci jane legal dhe legjitim edhe per vet Shtetin Serb dhe Rusine.

Edhe pse te gjithe e dijne si BE-ja dhe si Serbia e Russia qe edhe zgjedhjet e Dhjetorit 2011 ishin te manipuluara, si dhe zgjedhja e Pacollit si President ishte nje trysni e madhe per zgjedhjen e tij, ishte shkelje flagrante e kushtetutes dhe natyrisht edhe haptaz u pa kjo, ketyre qarqeve europiane nuk ju behet fare bezdi dhe vone sepse per ta nuk eshte e rendesishme populli i Kosoves dhe Kosova ne venati, por per keta eshte e rendesishme qe Serbia te arrij ate qe e deshiron e ajo eshte qe edhe pse Kosova nuk do ndahet nga jasht, por nga brenda do ndahet ne baza etnike ku pjesa veriore e Kosoves do kete nje status special pra ku serbet do kene nje mini shtet brenda Kosoves shtet jo funksional, ndersa enklavat tjera do kene ndonese jo si pjesa veriore por ma shume se pakoja e Ahtisarit. Dhe po ashtu keto qarqe Europiane me ane te kesaj qeveri do kene mundesi ta shesin cdo pasuri shteterore ce ka Kosova dhe Populli i saj.

Europa gjithmone ka luajtur rol negativ sa i perket Shqiptareve dhe Ceshtjes se tyre. Mos te harrojme se kjo Europe ka miratua akuzat e Dick Martit ndaj luftes se drejte te UCK-se, e tani po kjo e njejta Europe kinse thote qe kjo qeveri na qenka zgjedhur ne menyre legale vetem e vetem te na shtyjne ne bisedime me Serbine, kur boterisht dihet se Serbia ende nuk e njeh Kosoven si Shtet te Pavarur e Sovran, ku ne kushtetuten e Serbise - Kosova eshte pjese autonome e Serbise, kur Serbia ende nuk ka kerkuar falje publike ndaj te gjitha atyre qe na kane bere gjate dekadave e sidomos dekades se fundit, kur Serbia ende nuk ka kthyer te zhdukurit, kur Serbia ende nuk ka paguar asnje cent per te gjitha demet qe na ka shkaktuar.

Si mund te jene keto bisedime per te miren e dy paleve, kur boterisht dihet se ne keto bisedime te mundshme nuk do jene dy pale te barabarta, dhe si mund keto bisedime te jene ne te miren e Kosoves dhe Popullit te saj kur kjo Europe asnjehere dhe per asgje nuk e kushtezuan Serbine por vetem Kosoven dhe Popullin e saj, A nuk ishte Plani i Ahtisarit ajo qe u bene bisedimet 2 vjet rradhazi ne Vjene.

[toni karlosi]

Express: Thatë se bashkëshortja juaj nuk është ruse, por vetëm shtetësinë e ka ruse?

Pacolli: Ajo është pasardhëse e një shqiptari shumë, shumë të vjetër, po mendoj të viteve 1800 që ka emigruar nga Jugu i Shqipërisë në Rusi dhe nëna e saj vjen nga Burjati, një fis që nuk ka lidhje aspak me rusët. Burjati është një fis mongol. Këtë nuk po e përmendi për t’u justifikuar, por vetëm po ju shpjegoj meqë më pyetët. [/COLOR][/B][/QUOTE]


hahahaha,o presednik me ba me te ni putini qe e ban rusen shqiptare menjehere ta ndal mashen.
qeveri se jo mahi,presedniki genjeshtar,premieri analfabet,e potpresedniki eshte minoritar.

[ARIANI_TB]

Dialogu me Serbinë garanton Qeverinë
Publikuar: Sot, më 01 mars 2011



Të martën paradite, përderisa në Kosovë parashikohej se si do të shkojnë votimet në Kuvend për zgjedhjen e presidentit të Hashim Thaçit, si do të veprojë kjo e si ajo parti opozitare, a do të zbulohen apo jo ata që do ta „shesin“ votën e tyre, në Bruksel disa zyrtarë të BE-së tashmë i kishin përgatitur valixhet dhe rezervuar biletat për t’u nisur në Prishtinë. Ata zyrtarë kanë pritur tepër, janë frustruar nga pritjet dhe nuk mund të presin më, sepse dialogu duhet medoemos të nisë sa më shpejt. Janë marrë vesh edhe me Beogradin, i kanë caktuar edhe temat dhe madje edhe kalendarin e ngjarjeve se çfarë duhet të ndodhë në këtë proces. Ka mbetur vetëm që Hashim Thaçi ta emërojë si shef të delegacionit „Të Prishtinës“ një person shumë të besuar të tij. (Nga Brukseli dialogu quhet dialog „Beograd-Prishtinë“, sikur të ishte një dialog mes kryetarëve të komunave, sepse Kosova nuk është shtet).
Kuptohet nxitimi i Beogradit. Serbia ka prezantuar përgjigjet në pyetësorin për marrjen e statusit të kandidatit në BE. Komisioni Evropian është duke i shqyrtuar këto përgjigje dhe në fillim të tetorit do të dalë me mendimin e vet se a duhet dhënë apo jo Serbisë statusin e kandidatit. Pastaj, nëse përgjigjja e Komisionit do të ishte pozitive, në dhjetorë vendet anëtare të BE-së do të duhej ta shpallnin Serbinë edhe zyrtarisht vend me status kandidati. Një raport i ekipit të Robert Cooperit për „sjellje konstruktive“ të Serbisë në dialog me Prishtinën, një varg rezultatesh, do të ishin kyçe që BE-ja t’i japë Serbisë statusin e kandidatit. Marrjen e këtij statusi presidenti i Serbisë, Tadiq, do ta shfrytëzonte në fushatën zgjedhore në pranverën e vitit që vjen duke u prezantuar si sukses i madh në integrimet e Serbisë drejt BE-së dhe në të njëjtën kohë duke ruajtur pozitën e prerë kundër pavarësisë së Kosovës.
Kuptohet edhe nxitimi i Këshillit të BE-së dhe ekipit rreth „konsullorit“ Robert Cooper, që në emër të BE-së do të „lehtësojnë“ dialogun në fjalë. Vetë shefja e tyre, Catherine Ashton, e pyetur nga “Koha Ditore” në një intervistë për numrin e vitit të ri se cila ishte ngjarja kryesore në vitin 2010 në raportet e Kosovës me BE-në, tha se kjo ka qenë „Rezoluta në OKB“ për të cilën BE-ja ishte pajtuar me Serbinë. Kjo rezolutë tash e sa muaj konsiderohet në Bruksel një ndër sukseset më të mëdha të Zyrës së baroneshes Ashton. Për njohësit e mirë të rrethanave ky është një ekzagjerim, sepse gjasat janë se „kompromisin“ me Serbinë e kanë arritur tri vendet kryesore të BE-së, Gjermania, Franca dhe Britania e Madhe, ndërsa, për t’i ndihmuar presidentit të Serbisë, Tadiq, i ishte thënë që kjo marrëveshje kinse të zyrtarizohej mes Tadiqit dhe zonjës Ashton. Tash e sa muaj ekipi i Brukselit pret nisjen e dialogut në mënyrë që suksesin e tyre të shtatorit ta bëjnë sukses edhe më të madh. Vendosja e dialogut është një pikë më tepër në vlerësimin e këtij suksesi.
Por nuk kuptohet nxitimi i Prishtinës. Ky nxitim nuk mund të kuptohet ndryshe, pos si një veprim dëshpërues apo lëshim pe ndaj presioneve ndërkombëtare.
Me dialog mbrohen institucionet
Insistimi i bashkësisë ndërkombëtare, posaçërisht i Bashkimit Evropian, që në Kosovë të ketë me çdo kusht krijim sa më të shpejtë të institucioneve, me stilin „më mirë institucione të dobëta kur s’ka alternativë sesa të presim“, ka qenë kryesisht për shkak të planeve për nisje të shpejtë të dialogut me Serbinë. Por edhe qeverisë Thaçi dhe presidentit të tij, Behgjet Pacolli, do t’u shpërblehet gatishmëria për nisje të shpejtë të dialogut me mbështetje për institucionet që nuk kanë as mbështetjen e shumicës në popull e as mbështetjen e shumicës së votave shqiptare në Kuvend. Paradoks është fakti se tash dialogu me Serbinë do të jetë një garanci për qeverinë. Qasja e Brukselit që tërë fatin e dialogut ta lidhë me një person, Hashim Thaçin, mund të japë rezultat ndoshta, por është një kalkulim që bart edhe rreziqe.
Kur ekipi i Cooperit ( në një intervistë për “Kohën Ditore” edhe ambasadori amerikan CD e kishte quajtur këtë dialog si „dialogu i Cooperit) në vjeshtë e kishte bërë një strategji, rrethanat ishin ndryshe nga ato që janë sot. Hashim Thaçi vërtet ishte i fortë. E kishte në koalicion LDK-në, “Vetëvendosja” nuk ishte në Kuvend, ndërkohë që edhe gjasat që Kosova të përfitojë diçka nga BE-ja, përmes marrjes së një udhërrëfyesi për liberalizim vizash dukeshin reale. Thaçi ishte shumë më i popullarizuar në popull sesa që është sot. Prandaj në atë kohë kishte kuptim thënia e zyrtarëve të lartë të BE-së se „me Thaçin e fortë në Prishtinë dhe me Tadiqin e fortë në Beograd mund të bëjmë shumë në dialog”. Kishte kuptim edhe pohimi se „kushdo që të prezantojë Kosovën në dialog duhet të jetë ose person shumë i afërt me Thaçin, ose person të cilit Thaçi do t’i japë fuqi të marrjes së vendimeve aty për aty gjatë dialogut“. A i duket sot Thaçi dikujt si „person i fortë në Prishtinë“ apo jo, është çështje vlerësimesh.
Por tash në Bruksel, krahas insistimit që të nisë dialogu sa më shpejt, kanë edhe shqetësime se pa një mbështetje të opozitës, pa një kuptim të opinionit se „dialogu do t’u sjellë shumë të mira qytetarëve të Kosovës“ do të jetë e vështirë që e dërguara e posaçme e Hashim Thaçit, Edita Tahiri, nuk do ta ketë lehtë në dialog. E aq më vështirë do ta ketë Thaçi me të zgjedhurit e tij t’ua shesë rezultatet e dialogut kosovarëve.
Mos nxitoni për të sulmuar mediat dhe opozitën
Është një qasje e gabuar tash e bashkësisë ndërkombëtare që për shkak të dialogut t’u vërsulet mediave dhe opozitës, duke i identifikuar si problem për dialogun. Tash për tash opsioni i suspendimit të mediave të lira dhe i suspendimit të përkohshëm të opozitës përderisa të zgjasë dialogu nuk ekziston. Bashkësia ndërkombëtare nuk ka pritur as që ministrat e caktuar të ulen në karriget e tyre dhe ka nisur sulmet ndaj opozitës. E ka bërë këtë edhe ambasadori amerikan Cristopher Dell, duke kritikuar Ramush Haradinajn e AAK-së në Hagë si „përgjegjës“ për faktin se Behgjet Pacolli është president i Kosovës. Pse Dell kërkon „përgjegjës“ nëse për të zgjedhja e institucioneve ishte e mirëpritur. Pra dikush duhet të jetë „i merituar“ pse Thaçi arriti ta zgjedhë Pacollin president të Kosovës e jo të ketë „përgjegjës“.
Kosova ndodhet në një moment ku pakkush ka mbetur racional. Nuk është fjala vetëm për liderët kosovarë, por edhe për CD-në (Cristopher Dellin), pa të cilin as „çështjet private“, siç është zgjedhja e presidentit të Hashim Thaçit, nuk mund të ndodhin.
Në një komunikim mes Brukselit dhe Prishtinës, siç mësohet nga disa „shkëmbime private të mesazheve“ mediat dhe shoqëria civile janë identifikuar si „pengesë potenciale“ për dialogun mes Beogradit dhe Prishtinës. Është ky një vlerësim shumë iracional po ashtu, sepse për bashkësinë ndërkombëtare edhe për Qeverinë do të ishte më mirë të bashkëpunojnë me shoqërinë civile, të jenë transparente në dialog ndaj tyre, sesa të mundohen që për hir të suksesit të mbajnë „shumë diskrete“ dialogun. Apo ndoshta ka vërtet diçka për t’u fshehur. Por opozita dhe mediat duhet ta kuptojnë një gjë: porosia që ua dërgon bashkësia ndërkombëtare është: “Po guxuat t’i ngacmoni institucionet e Thaçit, do të keni punë me ne!”.

[halla mine]

Pacolli u zgjodh President sipas Kornizes Kushtetuese te UNMIK

Behgjet Pacolli do të mund të ishte president legjitim i Kosovës nëse ende do të ishte në fuqi Korniza Kushtetuese për vetëqeverisje, me të cilën UNMIK-u e ka administruar vendin para shpalljes së pavarësisë.

Në një analizë të një grupi ekspertësh ndërkombëtarë, një kopje të së cilës ka arritur ta sigurojë Koha Ditore, shkruhet se ka dallim ndërmjet procedurave të zgjedhjes së presidentit që i përcakton Kushtetuta e Kosovës, nga procedurat e Kornizës Kushtetuese, që del të jetë interpretuar në zgjedhjen e Pacollit.

Sipas ekspertëve, Korniza Kushtetuese e UNMIK-ut ka mundësuar që të mbahet raundi i tretë i votimit edhe vetëm me një kandidat për president, por Kushtetuta Republikës së Kosovës nuk e lejon një gjë të tillë.

Sipas kësaj analize, të dy ish-presidentët e Kosovës, edhe Fatmir Sejdiu e edhe Ibrahim Rugova kanë ardhur në krye të Kosovës në bazë të Kornizës Kushtetuese, andaj nuk duhet përdorur si procedura krahasuese në rastin e zgjedhjes së Pacollit, i cili do të duhej të zgjidhej me anë të Kushtetutës së Republikës së Kosovës.|||Lajme.Net|||

[ARIANI_TB]

[PLAKU]

Tre gishtërinjët e Rades - Nga Jusuf Zenunaj

Cikël me poezi

Celulari e Politika

As buzëdeti, as maje mali
ma shumë se n’ Kunvend
nuk duhet celulari.

Si vetëtima sjell porosi;
ndonjë premtim
a kërcnim të ri.

Ma shpejt seç ndërrohen
nata me ditën
sms-ët drejtuan n’ Kuvend politikën

Votat për kryetar jo me pak siklet,
për libër t’Ginisit
A s’jemi sivjet?

24 shkurt 2011


AH, BEHXHET O BEHXHET

Hanko Halla çka na flet?!
Kryqëzon duart me haj me dert,
Mbështet mjekrën përmbi dorë,
dy – tri fjalë thotë du me i fol,
Nga t’ia nisi nuk po di,
dua t’llafosi pak me ty.
Tash na mbushen rrafsh tre vjet
fjalë të liga the Behxhet,
Për gazetën “Veçernji list”
ke pas fol pa turp e frikë !
Fjalëve hiq s’u bëre leqe
« Serbia është nënë e keqe",
Gurë as qiell në këtë vend,
kurrë Serbinë s'e paten nënë.
Po çka t’shtyri nipi i Lokes
t’i lëndosh plagët tokës,
Varrit , lumit edhe malit,
në dej ke gjak shqiptarit...
Mos trazo valët e detit,
Të na bëhesh kryetar shtetit.

18 shkurt 2011


TRE GISHTËRINJËT E RADES

Sot, tre gishtërinjët e Rades
në Kuvend të Kosovës,
Ç’i kujton nënëlokes?
Te pragu i shëpisë vrarë t’ vetmin djalë,
lotet e saj moti janë tharë.
Kënga e vrasësit dhe tre gishtërinjët e tij
pranverën ia shndërruan në zi.
Tre gishtërinjët e Rades
Vallë, ç’i kujton Tones,
motrën e rrëmbyer në mes të kolonës
Vaji i saj as sot s’ka t’pushuar
S’e di ku i është vrarë,
si mijëra ku është dhunuar?!
Tre gishtërinjët e Rades
Ç’i kujtonjnë këtij populli?
Atë që në magje bukën na e dogji.
Xha Pjetri i thotë Ukës, mikut të tij
deshti nga kjo tokë, shkau t’n’a zhbijë,
A jemi në liri? A kemi liri?
Kur zgjidhet kryetari i Kosovës,
Rada në Kuvend ngreh tre gishtërinj?!

Shkurt 2011

Nga Jusuf Zenunaj