Behgjet Pacolli, President i ri i Kosovës

[bili99]

Ti je shume ne rregull sipase asaje qe ke mesuar per Behgjet Pacollin nga koha e veton sorres mbase je teper korrekt mirpo nuk e din te vertetn dhe gjykone sipase propagandes se kohes dhe zagarve te saje .

Mose lejoni te manipulohi nga fletushkat e sorrogatve te kosoves se komplet shkrimet e botuara keto dite ne mediat e kohes kan qen te manipuluara nga kjo fletushke.

Me ke detyruar te te pergjigjem

...dhe ti nuk je ne rregull fare,pasi nuk ke lexuar vargun e pare te postimit tim"opinion personal... jo per replike",
por as e ke ne rregull per shumecka ja disa:
-Nuk kam gje personale kunder Pacollit ,e le me kunder zedhenesit( kunder teje)
- opinioni im ne ate postim eshte origjinal(dhe jo vetem ne kete postim), une le qe nuk kam lexuar se cthone gazetat,por as gjysen e postimeve ketu ne kete teme...per shkak kohes dhe jo te injoroj kend,por edhe sikur te lexoj do te jete nje info per nje opinion te dikujt dhe nuk do te afektoje gjykimin tim personal.Ata qe kan mend dhe perdorin sistemin personal te vleresimit per dukuri dhe ceshtje te njejta mendojne relativisht njejte.
-tifozlleku per individin cilidoqoft ai per mua eshte shume qesharak, e kam tejkaluar ne fillore kete
- mos u jep pergjgje te gjitheve ne kete teme, edhe sikur te jeshe zedhenesi i Pacollit leri disa eksik
- pasuria nuk tregon se kush je, dhe aq me pak me vleresimin tend qe qenka definicion kryesor per njeriun- ka shume prostituta dhe porn stars qe kane para sa Pacolli ,do behet nje prej tyre kryetare e kombeve Bashkueme? ( mbase i takon) apo kryetare e shtetit te origjines? nese na qenka pasuria kriteri i vetem!
- une nuk e di se ku shkruan Veton Surroi,dmth moti nuk me ka ra ne sy emri i tij( por e di kush eshte, dhe per kete titistin jugosllav qe u be kryetar i Kosoves ,Vetoni eshte nje profesor i artit politikes,dhe jo vetem per kete kryetarin e posazgjedhur...por per shumicen absolute te klases politike te Kosoves.
- Jep mendimin tend dhe mos e sforco qe ta marrin edhe te tjeret ,njerezia do ta kuptoje,ne nje teme opinionesh ka te drejte secili te mendoje sic mendon
- Pacolli i ka krijuar te gjitha parakushtet qe te jete ne gjendje te beje mire ne Kosove, dhe ai ben shume, por te jete kryetar JO, kriteri i vetem qe eshte perdorur ai i pasurise,dhe kjo vetem siperfaqsore...eshte nje zgjedhje ndoshta fatale per Kosoven
- nderkaq motivi politik i zgjedhjes eshte, pazari i Kosoves me Serbine, do bisedoje me ish vellezerit jugosllav njeriu qe me 2006 tha se fati yne eshte ne duart e Serbise dhe se luan topi
bisedime keto qe nuk duhet te mbahen fare ne keto kondita dhe per ceshtjet qe kerkon Serbia.

Nuk eshte zgjedhje e popullit te Kosoves, andaj nuk mund as ta uroj dhe as ti them se e meriton kryetarin qe e ka...koha do te tregoje te verteten!
- Per info: une deshiroj te jeme nje gabimtar ne gjykim dhe ai te beje shume per Kosoven dhe popullin e saj,dhe une do te jeme vetem nje gabimtar i nje gjykimi dhe njeri i lumtur per Kosoven...
- ke ofenduar nje anetar ne kete teme duke bere nje krahasim shume te ulet,nuk je fare ne rregull
por une e kuptoj mentalitetin, kush i aplaudonte Titos dje sot i aplaudon Pacollit ,
- jetojme ne kohen e informimit dhe mund te gjeshe informata sa te duash per Pacollin,madje ai nuk eshte nje njeri ordiner,mund te jete njeriu me i pasur shqiptar.Gjykimet e mija nuk jane personale as me Pacollin , jane gjykime parimore mundohu ta kuptosh!
- une nuk jam kategori qe manipulohem, nderkaq per ju mbase e dini vete me mire se cdo te thote tifozlleku per nje njeri,per nje parti, per nje ideologji dhe per nje bindjeo le ta them une ky eshte definicioni per nje te manipuluar ose vetmanipuluar! njeri qe nuk i takon kesaj kategorie ka mendje te hapur dhe gjykim relativisht te drejte per cdo njeri,ndodhi dhe fenomen!



" nuk eshte mire te vdesish per bindjet tua, sepse mund te keshe bindje te gabuar"


me nderime,
bili99

[Disa]

[shpresa-gazi]

i uroj pun te mbar do ta shihni nje kosov evropiane,sepse zotri pacolli ka para nuk i duhet ta vjedh pasurin e kosoves................

[drenicaku]

Pacolli merr urime për zgjedhjen e tij president





Behgjet Pacolli ka marrë një sërë urimesh për zgjedhjen në detyrën e re si president i Republikës së Kosovës. Zyra për informim e Presidencës përmes një komunikate bëri të ditur se gjatë ditës së enjten, Pacollin e kanë uruar presidentja e Konfederatës së Zvicrës, presidenti i Italisë, kryeministri i Shqipërisë dhe presidenti i Maqedonisë.
Pacolli pas urimit të parë që mori ditën e zgjedhjes si president i Kosovës nga presidenti i Shqipërisë, Bamir Topi, tani vetëm tri ditë pas kanë ardhur edhe një sërë urimesh.
Në njoftimin e Zyrës për informim të Presidencës bëhet e ditur se presidentja e Konfederatës së Zvicrës, Micheline Calmy-Rey e ka uruar presidentin e sapozgjedhur të Republikës së Kosovës.
“Me rastin e zgjedhjes President i Republikës së Kosovës, kam kënaqësinë që, në emër të Këshillit Federal Zviceran, t’ju shpreh përgëzimet e mia të ngrohta dhe dëshirat më të mira për suksesin e misionit tuaj të lartë dhe për prosperitetin e popullit kosovar. Lidhjet tona të miqësisë dhe bashkëpunimit të tashëm do të intensifikohen edhe më në të ardhmen”, ka thënë në urimin e saj Calmy-Rey.
Kurse presidenti i Italisë, Giorgio Napolitano në urimin e tij drejtuar presidentit Behgjet Pacolli, ka shprehur mbështetjen e plotë të Italisë për perspektivën evropiane të Kosovës.
“Italia është shumë e angazhuar në Kosovë, qoftë në planin dypalësh, po ashtu edhe përmes pjesëmarrjes në misionet ndërkombëtare, në mbështetje të sigurisë, të forcimit të rendit dhe të ligjit, si dhe të zhvillimit ekonomik. Dëshiroj shumë që marrëdhëniet tona dypalëshe të vazhdojnë me intensifikimin dhe thellimin e tyre”, ka thënë ai.
Edhe kryeministri shqiptar Sali Berisha uroi Pacollin dhe ka siguruar se qeveria shqiptare dhe ai personalisht do të jenë tërësisht të angazhuar dhe të vendosur për të ndërtuar marrëdhëniet më të shkëlqyera e vëllazërore për ecjen përpara në rrugën e përbashkët euroatlantike.
“Unë ruaj besimin se, si President i shtetit më të ri të Evropës, ju do të sillni një kontribut të ri në konsolidimin e mëtejshëm të këtyre arritjeve dhe në shndërrimin e Kosovës në një faktor edhe më të rëndësishëm paqeje e stabiliteti dhe promovuese të miqësisë e të bashkëpunimit në rajon”, është shprehur ai.
Një urim për presidentin e sapozgjedhur të Kosovës ka dërguar edhe presidenti i Maqedonisë, Gjorgji Ivanov, i cili tha se do të angazhohet për një rajon të qëndrueshëm dhe të begatë me perspektivë euro-atlantike.
“Jam plotësisht i bindur që, në një kohë të shkurtër, me forca të përbashkëta, do të nxisim dhe forcojmë marrëdhëniet mes dy shteteve tona dhe me këtë do të kontribuojmë në thellimin dhe intensifikimin e bashkëpunimit të ndërsjellë mes Republikës së Maqedonisë dhe Republikës së Kosovës”, ka thënë Ivanov.
Nga liderët rajonal dhe evropian një mesazh urimi për zgjedhjen e Pacollit president i Kosovës ka dërguar edhe përfaqësuesi i OKB-së në Kosovë, Lamberto Zannier.
Ky i fundit shkruan se ndjehet i kënaqur me zgjedhjen e Pacollitpër president, ngase ka bindje të fortë se ai do të jap maksimumin për t’i sjellë komunitetet e ndryshme të Kosovës.
“Ashtu siç e keni cekur edhe në fjalimin përurues, do të fokusoheni në bashkëpunimin rajonal, dialog, prosperitet dhe integrimin evropian. Respektimi i diversitetit, bashkëpunimi rajonal dhe angazhimi për paqe janë vlerat themelore të Kombeve të Bashkuara”, ka thënë Zannier, i cili në emër të Sekretarit Gjeneral, shprehu përkushtimin për angazhim në përmbushjen e qëllimeve të përbashkëta.

O zot kqyrja facen si ftyr kupatill,e kan pegllat shtremt a e kan sos kah e pegllatin,veq tmerr me pa

[G-2]

Uka, djali i Rugovës

Publikuar: Sot, më 25 shkurt 2011



Adriatik Kelmendi

Në Kosovë kemi parë transfere e trafikime të deputetëve nga një parti në tjetrën. Por, Rugova i Ri ia ka arritur t’ua kalojë të gjithëve. Morali, nderi familjar, dinjiteti, devotshmëria, besnikëria? Çfarë janë këto?! Uka ia ka dalë të shpikë edhe një nënkategori politike për të cilën do të kompleksohej edhe vetë Platoni. Quhet: prostitu-politika!



BABË E BIR sigurisht se ia kanë dalë të lënë gjurmë të pashlyeshme në historinë e re të Kosovës. Rugova i Vjetri ka mbetur në piedestal të të madhërishmëve si i pari i alternativës politike të Kosovës për t’u shkëputur nga Serbia, duke u vënë në krye të lëvizjes së atëhershme që simbolizohej me LDK-në, duke ngulur këmbë në rezistencën me çdo kusht ndaj regjimit të Beogradit e duke qenë president i Kosovës për katër mandate etj. etj. Edhe Rugova i Riu u përkujdes këto ditë që të mbetet në histori. Por, fatkeqësisht – në anën e errët të saj.

UKË I. RUGOVA të martën e mbylli qarkun e plotë politik. Ia doli ta bëjë këtë për një afat rekord prej më pak se gjashtë muaj jetë politike dhe u përkujdes që artit të së mundshmes t’ia shtojë edhe një nënkategori, për të cilën edhe vetë Platoni do t’ia merrte lakmi. Por të shkojmë me radhë.
Kur në verën e vonë i ra në të se e kishte formulën se si të bëhej dikush – natyrisht, duke pasur si vlerë të vetme në CV emrin e babait – rrugën më të lehtë e pa me anë të inkuadrimit të drejtpërdrejtë në politikë. Mirëpo, llogaritë i kishte të çuditshme, thënë së buti.
Së pari, shkoi edhe u bë bashkë me kundërshtarin më të madh të Rugovës së Vjetër brenda partisë, Bujar Bukoshin. Dihet botërisht se Rugova i Vjetër dhe Bukoshi nuk kanë qenë në marrëdhënie fort miqësore që nga mesi i viteve ’90. As Konferenca e Rambouillet-së, ku këta të dy u takuan për herë të parë pas 5 vjetësh, nuk ndikoi që të zvogëlohej hendeku mes tyre, e kjo nuk ndodhi as pas riorganizimit të LDK-së pas luftës. Përkundrazi, Bukoshi formoi parti të veten me qëllim që ta dobësonte Rugovën e LDK-në. Por në zgjedhjet në të cilat mori pjesë PReK-u, jo vetëm që nuk e kaloi pragun si parti, por mori më pak vota se p.sh. kandidati i pavarur për deputet Fuad Ramiqi. Në këtë kohë, Bukoshi vazhdoi të kritikonte me gjuhën më të ashpër Rugovën e Vjetër, duke e akuzuar edhe vetë djalin e tij Ukën si të lidhur me “grupe kriminale e mafioze që kontrollojnë Presidencën” (sic!). Gjuhë më e ashpër lidhur me familjen Rugova nuk mbahet mend të jetë përdorur as nga kundërshtarët më të vrazhdë politikë të LDK-së në atë kohë, PDK-së.
Dhe kur u kujtua se, megjithatë, mbase do të duhej përshëndetur bashkimin e Ukës me Bukoshin në emër të ndonjë iluminizmi largpamës, se duhet harruar lajthitjet e mëritë e vjetra dhe se vetëm me bashkim arrihet fuqia kapërcimin e keqkuptimeve të vjetra – ndodhi e kundërta. Uka e Bukoshi
hynë në luftë të pakompromis me sharje të shumta kundër udhëheqjes së LDK-së, në krye me Sejdiun, vetëm për të kuptuar shpejt se s’kanë gjasa ta marrin partinë nga brenda, pasi që – ashtu siç ndodh zakonisht me ligjet e natyrës me frutet që s’mbërrijnë të piqen e bien në tokë –
partia i abortoi.
Në krye të LDK-së u zgjodh Isa Mustafa, por sërish, Uka me të tijtë, deshën të katapultoheshin në pozita partiake, pavarësisht se nuk kishin marrë pjesë në Kuvendin e rregullt Zgjedhor. Të mbetur duarthatë, me dy skenarë të dështuar në duar, Uka niset drejt aventurës së radhës. Bashkë me atë që e quajti “Lista Dr. Ibrahim Rugova”, në minutat e fundit u renditën në listën zgjedhore të AAK-së, e cila u tregua ekstremisht zemërgjerë, duke ia dhënë Ukës edhe numrin 2 në listë, që në fakt nënkuptonte të parin, në mungesë të liderit Ramush Haradinaj. Siç u pa, “Lista” e Ukës nuk i solli ndonjë dobi AAK-së, por i mjaftoi vetë Rugovës së Ri që të përvidhej si deputet në Kuvendin e Kosovës, në vend të ndonjë anëtari të pafajshëm të AAK-së. Natyrisht se pritej: ashtu siç tradhtoi edhe më herët, Uka nuk ngurroi të tradhtojë edhe partinë që iu gjend në kohën më të vështirë dhe nuk e la në rrugë. Pavarësisht se AAK-ja vendosi të mos bëjë koalicion me PDK-në, Uka që ishte nisur me çdo kusht drejt kolltukut, ndonëse me një votë të vetme, “u shit” te PDK-ja. E këtu duhet ndalur pak më tepër. Pa dashur të gjykoj tash nëse ka qenë veprim i drejtë ose jo, ka qenë pikërisht Ibrahim Rugova, i cili për gjallje të tij nuk e la assesi Hashim Thaçin që ta realizonte aspiratën e
tij jetësore – të bëhej kryeministër i Kosovës. Të gjithë i kujtojnë zgjedhjet nacionale të vitit 2001 dhe negociatat rreth tremuajshe për t’ia mbushur mendjen Rugovës së Vjetër për ta pranuar Thaçin si kryetar të qeverisë – mirëpo qëndrimi ishte stoik. Kompromisin u detyrua ta bënte Thaçi – Bajram Rexhepin kryeministër.
Tash, pesë vjet pas ndarjes nga jeta të Rugovës së Vjetër, pikërisht Rugova i Ri iu vu në ndihmë atij që nuk u bë kryeministër për shkak të babait të tij. Bile të kishte ndonjë votë më tepër, por një votë të vetme dhe të marrë në mënyrë klandestine nëpërmjet të listës së një partie tjetër, ia çoi Thaçit, që në mënyrë ironike i bie – ta ndihmojë atë të arrijë diçka për të cilën babai i tij kishte qenë kundër.
E sikur të gjitha këto të mos mjaftonin, satelitët e Ukës së Ri nga “Lista” po bëjnë përpjekje titanike për ta shkëputur edhe ndonjë deputet nga LDK-ja, partia të cilën e themeloi babai Rugova i Vjetër, e për t’ia çuar në megjen e rivalit të vjetër, Thaçit e PDK-së.
Dikush këtu mund të shtojë: Mirë që s’ka qenë ndonjë parti e minoriteteve mandatare për formimin e qeverisë se rrezik që Rugova i Ri të ndërronte edhe etninë!

DORËN NË ZEMËR, nuk është se nuk kemi parë në Kosovë transfere e trafikime të deputetëve nga një parti në tjetrën. Por, Rugova i Ri ia ka arritur t’ua kalojë të gjithëve. Morali, nderi familjar, dinjiteti, devotshmëria,
besnikëria? Çfarë janë këto!
E, sigurisht, s’do t’ju mbetem borxh në shpjegimin e nënkategorisë politike që e ka shpikur Ukë Rugova, ajo quhet: prostitu-politika.
Përveç ndonjë familjari të tij, Rugova i Ri do ta bënte edhe Platonin e urtë të rrotullohet në varr.
Sa larg mund të të çojë – lakmia?

[drenicaku]

O Minush po ku e din ti se kush esht delli ku e din ti se qfare ben delli per pare po rrini ore se lat name me keto budallaqe.

Ja po dalin fjalet e mia o kungull,delli u mundua qe fajin te ja hedh ramushit pse u zgjodh pacolli,dhe me ket tregoi indirekt se nuk ka qen deshira e amerikes me pa pacovin kryetar,por ja ka kajt leket dellit,kjo u pa ne sms duke u dakordu,kerkun nuk zgjedhet ne ket menyr kryetari

[drenicaku]

Po vetem ket gajle baje ti nuk e di a ka a ska shkolle te kryme Pacolli por nje e di se aje esht Multi-Miliarder ndersa ti sillesh me brek te grisura neper prishine.

Nuk dyshoi qe eshte i pasur,por kjo nuk e ben njeri te mire,keto para mund ti ket fitu ne menyra te ndryshme,ti e din qe gjykata e zvicerres e ka ndjkur,por pasi rusia nuk bashkpunoi ajo qe detyrua ta nderpres hetimin,dhe asgje nuk ka perfundu,tani ai duhet mbrena nje muaji ta deklaroi pasurin dhe burimin e saj,ti mos rreh gjyks, me pasurin e te tjerve ketu po flasim per kryetarin dhe moralin e tij i cili moral eshte katastrof

[drenicaku]

Rifat Jashari më tha: Bëhu numri një i vërtetë i popullit të Kosovës!






Në intervistën ekskluzive për gazetën kombëtare “Bota sot”, presidenti Behjget Pacolli flet për synimin e tij që të jetë president i unitetit të popullit të Kosovës në mandatine tij presidencial.
I pyetur se a u është realizuar një nga qëllimet tuaja jetësore, mbase edhe njërën nga ëndrrat më të pambërrijtshme, për të qenë i pari i vendit, presidenti Pacolli ndër të tjerash u përgjigj:
“Mund të them se do të jem president i të gjithë Kosovës dhe i të gjithë qytetarëve të Kosovës, dhe të gjithë janë njësoj për mua, dhe do t’i trajtoj njësoj, do të punoj për të gjithë, pa marrë parasysh se çfarë etnie, çfarë përcaktimi politik kanë, çfarë shtrese të forcës blerëse i takojnë ata. Më bëri përshtypje porosia e bacës Rifat, kur vizitova familjen e Jasharajve. E kam konsideruar gjithmonë atë familje, një institucion real të shtetit tonë, ndaj kam kërkuar edhe para se të bëhesha president, që ajo familje së bashku me familjet e tjera të dëshmorëve të mëdhenj të lirisë dhe shtetësisë sonë, të kenë një përfaqësi në Prishtinë. E dini ç’më tha baca Rifat me një ndjenjë drejtësie që më preku shumë? Mundohu të bëhesh numri një i vërtetë i popullit të Kosovës! Shikoji të gjithë qytetarët e Kosovës në mënyrë të barabartë, pavarësisht etnisë, sepse asnjë vend nuk është i pastër etnikisht. Por, mos lësho asnjëherë pe, kur ta kërkojë e drejta! A nuk është kjo diçka fisnike, veçanërisht fisnike kur vjen nga përfaqësuesi i kësaj familjeje të madhe që ka përjetuar aq shumë dhimbje? Unë përkulem me respekt para kësaj familjeje, para të gjithë familjeve të heronjve të Kosovës, që i dhanë gjithçka të shtrenjtë popullit. Dhe do të punoj për amanetin e tyre.

Familja jashari nuk eshte dasht ta pres dhendrrin e rusis,edhe pse ne mynyr diktatoriale u be kryetar

[drenicaku]

Pacolli merr ftesë ta vizitojë Maqedoninë





(E plotësuar) Behgjet Pacolli, në ditën e dytë të punës si President i Kosovës, ka marrë një ftesë për të vizituar Maqedoninë. Ftesën ia ka dorëzuar ambasadori i Maqedonisë në Prishtinë Stojan Karajanov.

“Presidenti Pacolli e falënderoi Presidentin Ivanov për ftesën për vizitë, e cila do të realizohet në një të ardhme shumë të afërt. Nga ana e tij, Presidenti Pacolli falënderoi ambasadorin Karajanov për vizitën dhe urimet e tij. Gjithashtu, ai vuri theksin tek marrëdhëniet mes Kosovës e Maqedonisë, të cilat janë shumë të mira dhe të cilat duhet të njohin zgjerim në të gjitha fushat” thuhet në një njoftim të Presidencës.

Pacolli të martën është vizituar edhe nga shefi i zyrës diplomatike në Prishtinë Alan Van Gucht i cili e ka uruar atë dhe i ka ofruar bashkëpunimin e shtetit belg.

Pacolli ka pranuar në zyrën e tij edhe Kryeministrin Thaçi i cili është meritor për faktin që kreu i AKR’së tani është President i vendit.

“Të dy liderët më të lartë institucionalë të vendit u shprehën shumë të përkushtuar për të bashkëpunuar në të gjitha fushat që janë të ndërlidhura me kushtetutë mes këtyre dy institucioneve, në të mirë të interesit të Republikës së Kosovës dhe të të qytetarëve të saj” ka njoftuar Presidenca.

Edhe tadiqi ka me thirr shume shpejt hiq mos u merakos,se daj te grues e kish

[G-2]

nje gazetari e shkelqyshme investiguese qe ka vlera kohore dhe hapsinore!
lexoje ti me shume ftyra(nofka) se te duhet nese e merr vesh!


Sekretet amerikane dhe sekretet ruse të Behgjet Pacollit


Nga Kastriot MYFTARAJ

Behgjet Pacolli është njeriu i sekreteve të mëdha, që kanë të bëjnë me qendrat relevante të pushtetit në botë, që prej Moskës, Beogradit e deri në Washington. Pacolli u bë i famshëm botërisht në vitin 1998, kur Prokurori i Përgjithshëm i Rusisë,

Yuri Skuratov filloi një hetim për një çështje të madhe korrupsioni, dhe e akuzoi Pacollin me emër se ishte pjesë e një skeme abuzimesh gjigande me fondet publike ruse, ashtu që Presidenti rus Jelcin influenconte që kompania e Pacollit Mabetex të fitonte tenderë në shuma tepër të mëdha. Si shpërblim, Pacolli bënte që një pjesë e madhe e parave të kanalizoheshin në llogaritë bankare private të familjarëve të Jelcin, në bankat e huaja. Hetimet siç dihet u zgjeruan dhe në Zvicër, ku e kishte qendrën kompania e Pacollit, me ç’ rast u bë e famshme botërisht Carla Del Ponte, e cila ishte prokurorja e ngarkuar me këto hetime.
Në botë, rëndom ndodh që aventurierët e llojit Pacolli, pasi përdoren në skema të tilla, vdesin papritur, për shkak se ata që i kanë përdorur e gjejnë krejt të papëlqyeshme vazhdimin e ekzistencës në këtë botë, të këtyre lloj njerëzve. Pacolli është gjallë sot, se ai nuk ka folur dhe as i kanë rrjedhur në ndonjëfarë mënyrë, sekretet që di për të fuqishmit e Kremlinit, në lidhje me këtë aferë dhe të tjera. Aq më tepër kur njeriu kryesor i ngarkuar nga Jelcin në atë kohë, për të ndërmarrë një operacion special për kompromentimin publik të Prokurorit të Përgjithshëm, Skuratov, ishte pikërisht Vladimir Putin, në atë kohë shef i FSB, pasardhëses së KGB. Për hir të Pacollit, Putin, në prill 1999, bëri një shfaqje televizive pa precedent në botë, ku ai shfaqi dhe komentoi një videoregjistrim, ku paraqitej Skuratov duke marrë pjesë në një orgji seksuale, me dy femra. Putin dha edhe informacione shtesë se këtë argëtim e kishin paguar kriminelë të cilëve Skuratov u kishte mbyllur problemet me drejtësinë. Definitivisht, ky veprim i Putin influencoi që Jelcin ta bënte atë trashëgimtarin e vet të pushtetit. Me këtë ngjarje Vladimir Putin, i cili pak muaj më pas u bë President i Rusisë, do të bëhej për herë të parë i njohur botërisht. Pra, ironikisht, ai që sot shihet si njeriu më i fuqishëm i Kremlinit, i cili pasi qëndroi për tetë vite president, aq sa ia lejonte kufizimi kushtetues, dhe që tash është kryeministër, në pritje që, pas ndryshimeve kushtetuese që bëri, të rikthehet në 2012 në postin e Presidentit, për një periudhë të pakufizuar, ia dedikon karrierën e vet një shërbimi që i ka bërë Pacollit, në interes të Jelcinit.
Pacolli i ruan shumë mirë sekretet e veta ruse. Dhe që Putin të jetë më i sigurt për këtë gjë, sidomos tash që Pacolli ka hyrë në politikë në Kosovë, dhe ka të bëjë me amerikanët, Putin, si një çekist i kujdesshëm, i ka vënë pranë Mashën, me të cilën Pacolli është martuar. Pacolli ka aq detyrime ndaj Mashës, sa ç’ ka Masha ndaj Putinit. Putini dhe Masha njihen qëkurse Putini ishte shef i FSB dhe Masha ishte njeriu-kyç i tij për organizimin e operacioneve speciale, të llojit të videoregjistrimit kompromentues për Skuratovin. Putini në detyrën që kishte ka fituar mirënjohjen e shumë femrave të këtij lloji, të cilat nëse nuk do të kishin qenë nën mbrojtjen e tij, në underworld ruse, do të kishin përfunduar të trafikuara nga mafia ruse në kryeqytetet perëndimore. Edhe Pacolli duhet t’ i jetë përjetë mirënjohës Mashës, se është falë saj që ai sot nuk gjendet në një burg rus, prej 12 vitesh, por është President i Kosovës.
Pacolli i ruan shumë mirë edhe sekretet e veta serbe. Kur Pacolli doli në emisionin “Opinion” të Blendi Fevziut, në Tv Klan, në maj 2000, kur Fevziu e pyeti për detaje të takimit me Millosheviçin, në kuadër të misionit që ndërmori Pacolli në 1998, për ndërmjetësim me proveniencë nga Moska, mes Millosheviçit dhe liderëve shqiptarë të Kosovës, Pacolli u përgjigj se nuk mund t’ i zbulonte këto detaje. Çudi, se tashmë kishte kaluar një vit nga çlirimi i Kosovës dhe Millosheviçi gjendej i izoluar në Beograd, në prag të rrëzimit nga pushteti. Por Pacolli duket se edhe këtu ruante, sa një sekret beogradas, aq një sekret moskovit.
Pacolli çuditërisht nuk qenka në gjendje që të ruajë vetëm sekretet amerikane të tij. Kështu që, ky njeri i sprovuar në ruajtjen e sekreteve të mëdha, bëri një “pakujdesi”, duke dekonspiruar për mediat, si padashje, komunikimin që bënte ai me ambasadorin amerikan Dell, nëpërmjet këshilltarit të tij, gjatë seancës për zgjedhjen e Presidentit në Kuvendin e Kosovës. Nga sms-të që Pacolli la të duken për median, tashmë është e qartë, jo vetëm se ambasadori amerikan në Kosovë Dell, ishte në krye të operacionit për zgjedhjen e Pacollit President, por se ambasadori Dell, me anë të aparaturave speciale kontrollonte mënyrën se si votonin deputetët e Kuvendit të Kosovës, në votimin e fshehtë për Presidentin. Ndryshe nuk ka si shpjegohet që Dell e informon Pacollin me anë të Pushkar se ata nga të pranishmit që votuan kundër në votimet e para nuk janë disa deputetë serbë, por janë pikërisht disa deputetë të PDK.
Ajo çka doli nga sms-të, nuk është një dhunim i privatësisë, siç u shpreh ambasadori Dell, por dhunim shumë i rëndë i Kushtetutës së Kosovës nga një ambasador dhe një politikan. Çka do të thotë tash Gjykata Kushtetuese e Kosovës, e cila ia zuri për të madhe, si shkelje të rëndë, ish-Presidentit Sejdiu, se ai kishte mbajtur dy poste? Komunikimi Dell-Pacolli kompromenton edhe akt-vendimin e Gjykatës Kushtetuese të shtatorit 2010, kundër Presidentit Sejdiu. Publikimi nga media i sms-ve të Pacollit, me kumte të ambasadorit amerikan në Kosovë, Dell, konfirmojnë faktin se Pacolli është njeriu i SHBA-ve. Ambasadori Dell para së gjithash krijoi realitetin politik në të cilin Pacolli bëhej njeriu-kyç i politikës kosovare. Në origjinë të kësaj është akt-vendimi i Gjykatës Kushtetuese të Kosovës, i shtatorit 2010, që shpalli se Presidenti Sejdiu kishte bërë shkelje të rëndë të Kushtetutës, duke mbajtur dy poste. Në arritjen e këtij akt-vendimi, rolin kryesor e ka pasur gjyqtari amerikan i kësaj Gjykate, Robert Carolan, i cili qëllimisht u caktua gjyqtar-raportues në këtë çështje, ashtu që të influenconte paraprakisht të tjerët. Detyrimi i Presidentit Sejdiu që të japë dorëheqjen dhe tërheqja e paevitueshme e LDK nga qeveria, që pasoi, çoi deri tek zgjedhjet e parakohshme, të cilat hapën rrugën për implementimin e skenarit për ngjitjen e Pacollit në postin e Presidentit. Marrëveshja Thaçi-Pacolli për ndarjen e posteve kryesore shtetërore, ishte një gjë e nevojshme në realitetin politik të krijuar nga ambasadori Dell.
Pacolli e dinte se në momentet që po lexonte sms-të ishte nën vëzhgimin e kamerave, se ai qe njeriu ku qe fokusuar vëmendja në sallë, dhe ai qëllimisht nuk veproi në mënyrë që ta pamundësonte kqyrjen e përmbajtjes së sms-ve nga kamerat. Pacolli lejoi qëllimisht që t’ i rrjedhin sekretet amerikane të tij, dhe këtë e bëri për disa arsye që kanë të bëjnë me interesat e veta dhe ato të Rusisë e Serbisë. Së pari, Pacolli e bëri këtë gjë që Serbia të mund t’ i thotë botës se ja se si veprojnë amerikanët në Kosovë. Së dyti, Pacolli e bëri këtë që Rusia të mund të thotë se SHBA-të që shtiren se janë të angazhuara për ndërtimin dhe funksionimin e institucioneve demokratike në botë, në fakt veprojnë në stil kolonial. Së treti, Pacolli e bëri këtë për t’ u thënë shqiptarëve të Kosovës se tashmë ai dhe jo Hashim Thaçi është njeriu i amerikanëve në Kosovë. Kështu, Pacolli llogarit që të fitojë më tepër mbështetës për vete dhe për partinë e vet.
Fakti që ditën kur Pacolli u zgjodh President, falë amerikanëve siç u duk qartë, ai i shpërbleu amerikanët duke i kompromentuar ashtu siç nuk ka ndodhur kurrë në historinë e diplomacisë amerikane në raste të ngjashme në botë, është shumë domethënës. Sikur Pacolli të ishte treguar aq i kujdesshëm kur lexonte sms-të e Dell, aq sa tregohet kur lexon sms-të e Mashës, e gjithë ajo që ndodhi nuk do të kishte ndodhur. Por amerikanët nuk mërziten me Pacollin, se ky i fundit nuk është njeriu i Amerikës që bombardoi Serbinë në 1999 për të çliruar Kosovën, por është njeriu i asaj Amerike që ishte kundër bombardimeve. Komandanti i forcave të NATO gjatë fushatës ajrore kundër Serbisë në 1999, Gjenerali Wesley Clark, në kujtimet e veta rrëfen një ndodhi gjatë fushatës: “M’u afrua mundësia që sërish të shprehem kundër intensifi¬kimit hap pas hapi të fushatës para sekretares së Shtetit, Made¬leine Albright, gjatë një takimi në katër sy, duke ngrënë mën¬gjes, më 12 prill. Kishin kaluar pak më shumë se katër javë nga takimi ynë i fundit para fillimit të luftës.
‘Pra, Wes, e tëra varet nga ti!’, tha ajo, në momentin kur u ul. ‘Kam bërë çdo gjë që ishte e mundur, por ata e kanë cilësuar këtë si luftë timen dhe janë kthyer kundër meje. Tash, ata do të kthehen në drejtim tëndin!’
Nuk dëshiroja të pyesja se kush ishin “ata”; kjo ishte një gjë tejet e dhimbshme”. (Wesley K. Clark, “Të bësh luftë moderne”, Botime “Zëri”, Prishtinë 2003, f. 295)
Kjo bisedë e çuditshme, e bërë në terma që janë versioni i të folmes orwelliane në Washington, mes dy prej njerëzve kryesore në hierarkinë amerikane të pushtetit, është sa konfonduese, aq edhe instruktive. Cilët qenë “ATA”, të cilëve u trembej sekre¬tarja e Departamentit të Shtetit, dhe që i përmendte në të folmen orwelliane të njeriut që të trembur, cilët qenë “ATA”, përme¬ndja e të cilëve e pezmatonte shumë komandantin e NATO? Derisa gjenerali Clark thotë se nuk dëshironte të pyeste se kush qenë “ata”, por njëkohësisht ndjehet shumë i pezmatuar, që “ata” janë vënë kundër tij, atëherë kuptohet se ata qenë një linjë shumë e fuqishme në Washington, një linjë kundër fushatës ajrore ndaj Serbisë. “Ata” kërkonin që trupat e NATO të mos dislokoheshin në Kosovë,
“Ata” e humbën luftën në 1999, e vazhduan atë në mënyra të tjera, dhe në 2011 bënë Pacollin President të Kosovës. Siç e ka pohuar vetë Pacolli, ndër të tjera edhe në emisionin e Blendi Fevziut, “Opinion”, në maj 2000, në mars 1998, kur kishte filluar lufta në Kosovë, Pacolli shkoi nga Moska në Beograd dhe Prishtinë në një mision kinse ndërmjetësimi midis Millosheviçit dhe liderëve shqiptarë të Kosovës. Në të vërtetë ky nuk ishte një mision ndërmjetësimi, se Pacolli në fakt bisedoi me liderët shqiptarë të Kosovës si një lobist i Millosheviçit, duke u kërkuar atyre që të pranonin ofertën e Millosheviçit që Kosova të ngrihej në statusin e republikës së tretë të Jugosllavisë së mbetur, ndryshe, siç thoshte Pacolli, në Kosovë do të ndodhte ajo që kishte ndodhur në Bosnjë-Herzegovinë.
Millosheviçi, kur e ndjeu rrezikun që lufta në Kosovë të çonte në ndërhyrjen e NATO, deshi që ta evitonte këtë, duke i dhënë Kosovës statusin e republikës. Por oferta e Millosheviçit, e cila mund të duket e ngjashme me atë që u bë një vit më pas në Konferencën e Rambouillet (Rambuje) kishte një ndryshim thelbësor se nuk përmbante dislokimin në Kosovë të trupave të NATO dhe as të drejtën e referendumit për shkëputje nga Jugosllavia, si dhe përjashtonte negocimin ndërkombëtar. Beogradi dhe Moska e dinin se nëse SHBA-të nuk do të mund të ndërhynte në Kosovë në vitet 1998-1999, atëherë nuk do të mund të ndërhynte më kurrë, për shkak se në vazhdim do të ndodhnin ngjarje në pjesë të tjera të botës, të cilat do të kërkonin ndërhyrjen amerikane, çka u verifikua si e vërtetë nga koha.
Pacolli është përpjekur që misionin e tij të vitit 1998 ta krahasojë me takimin që Rugova dhe liderë të tjerë shqiptarë të Kosovës patën me Millosheviçin, pak kohë më pas, në maj 1998. Por këto dy ngjarje nuk mund të krahasohen se Rugova në takimin me Millosheviçin kërkoi bisedime mes Kosovës dhe Serbisë me ndërmjetësinë ndërkombëtare, duke e kthyer takimin në dëm të Millosheviçit. Derisa Pacolli donte që negociatat mes Prishtinës dhe Beogradit të fillonin dhe mbaronin në Beograd, Rugova deklaroi se ato mund të fillonin në Beograd por duhet të vazhdonin në një vend të tretë përëndimor, çka për Millosheviçin ishte e papranueshme. Pikërisht Pacolli, njeriu që në 1998 erdhi nga Moska dhe loboi fort në 1998 që shqiptarët e Kosovës të pranonin ofertën e Millosheviçit, në 2011 u bë President i Kosovës, duke pasur në krah një grua ruse, apo shoqe siç thonë në Kosovë.
Nuk është rastësi që pikërisht me zgjedhjen e Pacollit në postin e Presidentit, ndodhi një zhvillim tepër interesant. Pacolli u zgjodh President me 62 vota, nga të cilat vetëm 37 qenë vota të deputetëve shqiptarë! Diferenca prej 25 votash i erdhi Pacollit nga deputetët e minoriteteve, duke përfshirë edhe 13 deputetët serbë. Pacolli është sot President i Kosovës, ku mbi 90% e popullsisë janë shqiptarë, dhe ai është zgjedhur nga një parlament prej 120 deputetësh, duke marrë votat e vetëm 37 deputetëve shqiptarë. Pra, Pacolli është sot President i Kosovës mbi 90% shqiptare, me votat e vetëm 30% të deputetëve shqiptarë. Kjo është Kosova e Re e Pacollit, është Kosova siç dëshiron që të jetë Serbia dhe Rusia, Kosova ku shqiptarët janë një minoritet. Shifrat e zgjedhjes së Pacollit President, zbulojnë planet e fshehta për genocid dhe spastrim etnik të ri ndaj shqiptarëve të Kosovës.
Është interesante se, shkarkimi i paraardhësit të Pacollit, Fatmir Sejdiu, i cili ishte zgjedhur me votat e pjesës më të madhe të deputetëve shqiptarë, i cili shkarkim i hapi rrugë ngjitjes së Pacollit në postin e Presidentit, u bë me votat e vetëm katër gjyqtarëve shqiptarë, nga nëntë gjyqtarë që ka Gjykata Kushtetuese e Kosovës! Në të dy rastet, shqiptarët janë minorancë! Në 23-24 mars të këtij viti kryeministri rus Putin do të jetë në Beograd, duke qenë kjo hera e parë që një shtetar rus i këtij niveli e viziton Beogradin në këtë ditë të fillimit të fushatës ajrore të NATO ndaj Serbisë. Putin po shkon në Beograd që të shprehë edhe një herë qortimin ndaj fushatës ajrore të NATO kundër Serbisë, e kryer për shkak të Kosovës. Nuk është rastësi që pikërisht në vitin që një shtetar rus i këtij niveli viziton Beogradin pikërisht në këtë ditë, në Prishtinë Pacolli zgjidhet President.
Por koincidenca të tjera i kanë paraprirë zgjedhjes së Pacollit. Në 14 nëntor 2010, në Kosovë hynë nga dy drejtime të ndryshme dy femra, shqiptarja Albana Vokshi, deputete e Kuvendit të Shqipërisë, dhe rusja Masha Pacolli, gruaja e Behgjet Pacollit. Të dyja këto zonja kanë një lidhje historike mes tyre. Albana Vokshi është stërmbesa e Sylejman Vokshit, komandantit të Ushtrisë së Lidhjes Shqiptare të Prizrenit, e cila u krijua për t’ i mbrojtur trojet shqiptare, nga coptimi që u bëri Rusia në Traktatin e Shën Stefanit, pasiqë fitoi Luftën Ruso-Turke në 1877-1878. Masha Pacolli ka ndodhur që të jetë stërmbesa e gjeneralit Mikhail Skobelev, i cili ka marrë pjesë në këtë luftë. Albana Vokshi, edhe pse me status diplomatik u keqtrajtua brutalisht në vendkalimin kufitar të Morinës nga policia e Hashim Thaçit. Masha Pacolli, e cila në 14 nëntor zbriti në aeroportin e Prishtinës, nuk kishte status diplomatik, e megjithatë ajo u trajtua nga personeli i aeroportit, i përbërë nga njerëz të Hashim Thaçit, se Pacolli ishte tashmë aleat i Thaçit. Ky është shteti ligjor i standardit të dyfishtë, i cili në fakt nuk e kishte me Albana Vokshin, por me Sylejman Vokshin, i cili i ndaloi shkijetë që të dilnin në Adriatik në 1878. Ajo që ndodhi në 14 nëntor në Morinë ishte paralajmërim i asaj që do të ndodhte në 22 shkurt në Kuvendin e Kosovës. Ajo çka ndodhi në 22 shkurt në Kuvendin e Kosovës, paralajmëron gjëra të këqija, paralajmëron 1998-1999, pa ndërhyrjen e NATO.