Behgjet Pacolli, President i ri i Kosovës

[Prishtina.C]

Do të ndihmojë aq sa mundem!


Legjenda e futbollit botëror, Franc Bekenbauer, realizoi vizitën e tij, me ftesë të presidentit të Kosovës, Behxhet Pacolli. Ai, në takim me të parin e shtetit, tha se është i njoftuar me situatën e vështirë nëpër të cilën po kalon futbolli i Kosovës dhe se do të angazhohet për ta ndërkombëtarizuar atë. Bekenbauer vizitoi edhe stadiumin e Prishtinë, ku u prit nga kreu i klubit kryeqytetas, futbollistë dhe dashamirë e qytetarë prishtinas. Kajzer merr çmimin Ambasador Nderi i Kosovës!
Franc Bekenbauer, i njohur me nofkën Kajzer, ish-futbollist i spikatur i Bajernit aktualisht president, ish- përfaqësues i kombëtares gjermane titullar dhe kampion bote, seleksionues, i cili më 1990, në Itali, riktheu Gjermaninë në fronin e më të mirit në botë dhe një nga figurat më të shquara dhe me më ndikim në futbollin gjerman dhe në atë botëror, është një nga personalitetet më karizmatike, që ka vizituar ndonjëherë Kosovën.

[Prishtina.C]

Pacolli: Mbretëria e Bashkuar është mike e madhe e Kosovës


Presidenti i Republikës së Kosovës, Behgjet Pacolli priti sot në një takim Shefin e Shtabit të Përgjithshëm të Ushtrisë Britanike, Gjeneralin Sir Peter Wall.
“Mbretëria e Bashkuar është mike e madhe e Kosovës, është pjesë e suksesit të Kosovës, ndaj dhe gëzon respektin dhe falënderimet më të mëdha të popullit dhe të institucioneve të Republikës së Kosovës. Prezenca juaj në vendin tona është shumë me rëndësi për ne”, tha Presidenti Pacolli në fillim të takimit.
Më tej, ai e njoftoi gjeneralin Wall dhe delegacionin që e shoqëronte me zhvillimet aktuale në vendin tonë, përmbylljen e procesit zgjedhor dhe krijimin e institucioneve të reja, por edhe për sfidat që i presin popullin dhe institucionet e vendit tonë në të ardhmen, sfida të cilat kërkojnë shumë punë dhe angazhimin e të gjithëve.
Përveç aspektit politik, Presidenti Pacolli theksoi se Kosova është në gjendje shumë të vështirë ekonomike dhe duhet shtuar përpjekjet për tejkalimin e kësaj gjendjeje, me qëllim të përmirësimit sa më të shpejtë të jetës së qytetarëve.
Një falënderim të veçantë Presidenti Pacolli i dedikoi ndihmës së vazhdueshme dhe shumë të madhe të ushtrisë së Mbretërisë së Bashkuar për Forcën e Sigurisë së Kosovës (FSK), një ndihmë kjo shumë domethënëse dhe që vlerësohet shumë lart nga institucionet e vendit tonë.
Gjeneralin Sir Peter Wall, pasi uroi Presidentin Pacolli për zgjedhjen në detyrën e re, tha se Mbretëria e Bashkuar e ka ndihmuar Kosovën që nga viti 1999 në të gjitha fushat. Ai tha se këtë e kanë bërë në bashkëpunim me kolegët nga NATO, nga BE, EULEX-i dhe kjo ndihmë do të vazhdojë edhe në të ardhmen, në të gjitha fushat.
Edhe gjenerali Wall theksoi se sfidat që ka përpara Kosova janë sfidat ekonomike dhe Mbretëria e Bashkuar do të ofrojë ndihmën e saj në përballimin e këtyre sfidave.

[Prishtina.C]

Pacolli: Kosova, si shtet i ri, ka nevojë për shumë miq



Presidenti Pacolli priti një delegacion të përfaqësuesve të tri shteteve afrikane.
Presidenti i Republikës së Kosovës, Behgjet Pacolli priti sot një delegacion të

përfaqësuesve të tri shteteve afrikane: Republika e Afrikës Qendrore, Cape Verde (Kepi i Gjelbër) dhe Kongo-Brazzavile, të kryesuar nga diplomati Dominique N’Gouabi Osser.
Në një bisedë miqësore, Presidenti Pacolli i njoftoi ata për zhvillimet aktuale në vendin tonë, krijimin e institucioneve, si dhe sfidat që e presin Republikën e Kosovës në të ardhmen.
Presidenti Pacolli theksoi se Kosova, si shtet i ri, ka nevojë për shumë miq dhe në këtë prizëm ajo ka një respekt të veçantë për popujt e Afrikës dhe dëshiron bashkëpunimin sa më të mirë me shtetet e këtij kontinenti.
Temë dominuese e takimit të sotëm ishte sigurimi i sa më shumë njohjeve për Republikën e Kosovën. Presidenti Pacolli shprehu synimin e institucioneve të vendit ton që sa më shumë shtete të Afrikës ta njohin vendin tonë.
Ai gjithashtu u shpreh në të mirë të intensifikimit të marrëdhënieve me ato shtete që e kanë njohur vendin tonë, duke shkëmbyer vizita në nivelin politik, por edhe duke i hapur rrugë bashkëpunimit në fushën ekonomike dhe në fusha të tjera me rëndësi dhe me interes

[Prishtina.C]

Ivanoviq: Vizita e Pacollit në veri provokim politik




I ashtuquajturi sekretari shtetëror në Ministrinë për Kosovën, Oliver Ivanoviq, ka thënë se paralajmërimet nga Prishtina për integrimin e veriut në një Kosovë unike, si dhe vizita e mëhershme e presidentit të ri të Kosovës në veri të Mitrovicës, janë provokim politik.

[Prishtina.C]

Të bashkohemi rreth Presidentit Pacolli, Shkruan Rezart Taci Biznesmen nga Shqipria





Në vend të tregohej egoist, z. Behgjet Pacolli ka vendosur në moshën 59-vjeçare t’i kushtojë kohë vendit të tij të krijuar rishtazi - një vend motër për ne dhe një element i rëndësishëm për stabilitetin rajonal. Ne të gjithë duhet të bashkohemi rreth Presidentit Pacolli, për t’i uruar atij çdo të mirë dhe sukses në atë që duhet të jetë një detyrë sfiduese.
Tek “Fausti” i Gëtes, Mefistofeli - i dërguari i Djallit në Tokë - thotë:
Jam shpirti që gjithnjë mohon!
Dhe, me të drejtë, se çdo gjë që lind
E vlen te shkatërrohet, pra më mirë
Do t’ish q’asgjë të mos kish lindur.
Ç’ka quani ju njerëzit Mëkate,
Shkatërrim, shkurt ç’quani të Keqe,
Është elementi që më shquan
Ne e dimë se fatkeqi Faust, duke ndjekur këshillat e Mefistofelit, shkon nga një kah në tjetrin dhe në fund fatkeqësia shfaqet vetëm për të parë në minutën e fundit shpëtimin e Faustit nga ndërhyrja e Perëndisë.
Që prej zgjedhjes së tij si President i Kosovës, Presidenti Behgjet Pacolli është objektivi i Klanit te Negativitetit të vendit tonë. Megjithëse ai ende nuk ka filluar mandatin e tij si President, ai është tashmë objekt i sulmeve të dhunshme dhe të pajustifikuara. Cilat janë mëkatet e tij? Kryesisht që ai ka qenë një biznesmen i suksesshëm ndërkombëtar. Si është bërë ai i suksesshëm? – vijojnë kritikët - me siguri përmes mashtrimit ose duke udhëhequr mafie të ndonjë lloji ose diçka të ngjashme... Për Klanin e Negativitetit, të qenit një sipërmarrës i suksesshëm, mund të arrihet vetëm nga pandershmëria dhe lidhja me krimin e organizuar. Unë e njoh fort mirë këtë ndjenjë, pasi unë kam qenë objekt i të njëjtave sulme.
Për Klanin e Negativitetit, duke lindur në një familje të varfër me dhjetë fëmijë në Kosovë dhe i rritur për të qenë një sipërmarrës ndërkombëtar kryesues në fushën e ndërtimit, është një përkufizim i dyshimtë. Mendimi praktik të dikton të mendosh se që një njeri me prejardhje modeste të bëhet një sipërmarrës i suksesshëm, duhet të admirohet. Por jo, Klani i Negativitetit e sheh atë në një mënyrë tjetër, përmes lenteve të xhelozisë. Për fytyrat e gjelbra të anëtarëve të Klanit të Negativitetit nuk ka rëndësi nëse zoti Pacolli nuk është dënuar kurrë nga ndonjë veprim të dyshimtë - në vendin e tij apo diku tjetër (duke përfshirë edhe Zvicrën ku ai banon prej shumë vitesh). Krimi i tij kryesor? pasuria e tij. Si e ka fituar ai këtë pasuri?... Klani i Negativitetit nënkupton duke aluduar se kjo pasuri nuk është fituar nga puna e madhe dhe sipërmarrja e risqeve. Për ata pasuria është e ndyrë dhe suksesi në biznes mund të jetë vetëm fryt veprimtarive të dyshimta. Sigurisht i njëjti Klan Negativ është i pari që pretendon se mbron demokracinë, lirinë e shtypit dhe sundimin e ligjit. Ndërkohë që derdhin lot krokodili për demokracinë, ata kanë harruar se një gur qoshe i demokracisë dhe sundimit të ligjit, është që një njeri konsiderohet i pafajshëm derisa t’i dëshmohet fajësia. Dikush mund të provojë diçka vetëm me fakte dhe dëshmi, jo aluzione.
Por për Klanin e Negativitetit, Ballkani mund të udhëhiqet vetëm nga udhëheqës të korruptuar ose të paaftë. Pa marrë parasysh atë që dikush bën apo përpiqet të bëjë për vendin e tij, dhe madje edhe para se të betohet si President, ai është fajtor si i akuzuar. Realiteti është krejt ndryshe. Z. Pacolli mundte me egoizëm të gëzonte pasurinë e vënë me djersë dhe punë në pension në Zvicër, dhe Klani i Negativitet nuk do të shkruante as edhe një rresht rreth tij. Për ta egoizmi është më mirë se shërbimi ndaj vendit! Në vend të tregohej egoist, z. Pacolli ka vendosur në moshën 59-vjeçare t’i kushtojë kohë vendit të tij të krijuar rishtazi - një vend motër për ne dhe një element i rëndësishëm për stabilitetin rajonal. Ne të gjithë duhet të bashkohemi rreth Presidentit Pacolli për t’i uruar atij çdo të mirë dhe sukses në atë që duhet të jetë një detyrë sfiduese. Dashtë Zoti, ai do të sjellë në vendin e tij suksesin që ai i solli biznesit të tij.
Thjesht pyesni Klanin e Negativitetit se çfarë kanë bërë ata për vendin e tyre, komunitetin e tyre ose biznesin e tyre. Sa vende pune kanë krijuar ata? Çfarë kanë kontribuar në shoqëri për të shpallur
P.S Autori është biznesmen dhe pronar i ALSAT-it në Shqipëri

http://www.botasot.info/def.php?gjuh...y=20&id=107321

[Prishtina.C]

Naim Maloku: Pse u bëra këshilltar i presidentit Pacolli?



(I plotësuar) Në një intervistë ekskluzive për gazetën kombëtare “Bota sot” Naim Maloku, ish-nënkryetar i AAK-së e tash këshilltar i lartë për siguri i presidentit Behgjet Pacolli flet për herë të parë për arsyet e “largimit” të tij nga AAK-ja dhe pranimit të ofertës së presidentit Behjget Pacolli për të qenë këshilltar i lartë politik, për mosmarrëveshjet e tij në AAK rreth koalicioneve paszgejdhore, për mendimin e tij “ndryshe” në AAK- që kjo parti të bëjë koalicion qeverisës me PDK-në, për raportet e tij me Ramush Haradinajn dhe për shumë çështje të tjera.
**************
Të jem tepër i sinqertë. Unë me nënkryetarin Ibrahim Gashi kemi qenë anëtarë të kryesisë dhe kur u pa se në variant për zgjedhjen president do të jetë vetëm Behgjet Pacolli i kam thënë Ibrahim Gashit se veprimi e parë që mund ta ketë presidenti i ardhshëm është të ofrojë rreth vetes njerëz profesionalë.
Në fakt mund të ketë ndodhur që profesor Ibrahim Gashi të ketë folur mirë për mua me presidentin Pacolli, por oferta më ka ardhur dy ditë pas zgjedhjes së presidentit. Të enjten në mëngjes më ka ftuar Ibrahim Gashi të pimë nga një kafe, deri sa unë isha në një lokal tjetër me Ethem Çekun dhe Ahmet Isufin duke biseduar për çështjet e partisë. Ai më tha se në orën 14:30 duhet të jem te ai në presidencë sepse na pret presidenti Pacolli. I tregova edhe Et’hemit se ka zëra se jam në kombinim për këshilltar për siguri kombëtare dhe më ka ftuar presidenti Pacolli me siguri për këtë temë. Në kohën e caktuar kam shkuar te Ibrahim Gashi dhe bashkë me presidentin kemi biseduar rreth dy orë. Aty i kam pyetur edhe për funksionet e partisë se çfarë do të ndodhë. Pas atij takimi e kam telefonuar Blerim Shalën dhe i kam treguar për ofertën.
Intervistën e plotë me Naim Malokun do të mund ta lexoni në numrin e ditës së enjte të gazetës “Bota sot”

[Brari]

Leni rehat Presidentin e zgedhur brenda normave e regullave te politikes se Tryezes..
Pacolli eshte per momentin Burri qe i duhet Kosoves ose si President ose si Kryeminister..

Ne kte rast e kemi President.

Cfar kini me te..

Ai eshte LOPATE e jo SHAT..

Lopate-vegel qe hedh..
SHat- vegel qe mbledh..
pra lopat i themi njeriut qe jep..
sjhat njeriou qe merr..
E pacolli ka ardhur ne Kosove per te dhene..
A doni Marrsa ju.. pra hajna?

jo bre djema.. leni nervozen e urtesojuni..

Ta duam e respektojme Njeriun atdhetar Behxhet Pacollin..
leni pallavrat shpifse kunder tij..

Nuk na duhen kacafytjet..

Kush desh e kush nuk desh.. u saqrua me VOTE..

tash bolll ma..

Pra te lihen te qete te kryejn detyrat si Thaqi si Pacolli..

kush ka vrejtje urt e but e me mencuri le te flas ne kuvend..

[drenicaku]

Leni rehat Presidentin e zgedhur brenda normave e regullave te politikes se Tryezes..
Pacolli eshte per momentin Burri qe i duhet Kosoves ose si President ose si Kryeminister..

Ne kte rast e kemi President.

Cfar kini me te..

Ai eshte LOPATE e jo SHAT..

Lopate-vegel qe hedh..
SHat- vegel qe mbledh..
pra lopat i themi njeriut qe jep..
sjhat njeriou qe merr..
E pacolli ka ardhur ne Kosove per te dhene..
A doni Marrsa ju.. pra hajna?

jo bre djema.. leni nervozen e urtesojuni..

Ta duam e respektojme Njeriun atdhetar Behxhet Pacollin..
leni pallavrat shpifse kunder tij..

Nuk na duhen kacafytjet..

Kush desh e kush nuk desh.. u saqrua me VOTE..

tash bolll ma..

Pra te lihen te qete te kryejn detyrat si Thaqi si Pacolli..

kush ka vrejtje urt e but e me mencuri le te flas ne kuvend..

Nuk je kerkah hiq ketheje antenen se ta rrok ma mire,eshte mekat qe ne bejm politik nga inatet,ama ta quash pacollin president eshte mekat.
E para eshte i pa arsimuar,nuk besoi qe e ka te kryer shkollen e mesme,pasurin e ka te dyshimt per kete eshte ndjekur penalisht,si shqipetar eshte njeriu me i perfoluri ne kosove,une nuk e di me qka ti brari mund te mburresh me te,dhe ne fund vet zgjedhja e tij eshte shume diskutabile bile per kete gje ai do perballet me gjykaten supreme.
Per hir te kacafytjeve nuk guxoim te i qesim ne krye njerz analfabet,shpiuna apo hajna,me mire te kacafytemi te mbajm zgjedhje per qdo jav deri sa ta kuptoim dhe te bindemi qe udheheqsin e kemi nga vota e ndershme e popullit.
Koha do te na tregoi se kush ka te drejt,gjerat sa shkoin e perkeqsohen ne te gjitha fushat,sot kosova barazohet me avganistanin per drog nga departamenti amerikan,komplet udheheqsin e kemi te perfolur per krime prej me te ndryshmeve,prandaj brari une nuk ja deshiroi popullit tim nje udheheqsi te till,dua qe me ne fund ta kemi nje udheheqesi qe me te vertet e don vendin,e jo tua fus duart ne gjepa popullit
Nese ti mendon dhe shpreson qe pacolli pasurin e tij do ta shkrij ne kosove gabohesh rend,sepse jo qe nuk ka ber gje por eshte perlye ne tendera duke perfitu miliona evro,e tani paraqitet si humanitar duke e nda rrogen me te varfur,dhe kjo per te ra ne sy,por populli nuk i han keto,nese eshte politikan i mir ai duhet ta ndertoi sistemin ku te gjith do perfitonin e jo dhjet familje e te tjeret vdesin urie

[PLAKU]

Drenicak, lene Brarin se ai i di gjenat me mire se cdo njeni nga na qe jemi ektu.
por tergom ti mua cfare behet tashe, me ate qeveri te sa po formume nga zori, memxi ia arriten qellimit, tashe dalin UCK se do pacollin! sa uck i ka ne Kosove se mu kan perzi telat!
Kush ashete kjo UCK qe se do presidentin e Kosoves, ska mundesi UCK-eja e hahsimit , te mos e det?! Nese e duan hashimin qe e zgjodhi vete Presidentin, kush jan keto uck tjere?

Kundërshtohet pjesëmarrja e presidentit në “Epopenë e UÇK-së”
Publikuar: Sot, më 05 mars 2011

http://www.koha.net/repository/images/05paca4.jpg

Shoqatat e dala nga lufta e UÇK-së kanë njoftuar se janë kundër pjesëmarrjes së presidentit të sapozgjedhur të Kosovës, Behgjet Pacolli në manifestimin e së shtunës të “Epopesë së UÇK-së”, njoftoi Klan Kosova.
Por, Presidenca nëpërmjet një kumtese për media ka njoftuar se, pavarësisht këtij paralajmërimi, presidenti Pacolli do të vizitojë të shtunën Ministrinë e Forcës së Sigurisë së Kosovës (FSK), ku organizohet ceremonia e parakalimit para Gardës së FSK-së.

Ndërsa, po ashtu është bërë e ditur se presidenti do të merr pjesë në manifestimin qendror të shënimit të 13-vjetorit të rënies heroike të komandantit legjendar Adem Jashari në kazermën “Adem Jashari” në Prishtinë.

Është paralajmëruar se presidenti do të bëjë edhe një parakalim para ushtarëve të FSK-së.

Sot ka filluar manifestimi tashmë tradicional, Epopeja e UÇK-së.

Koha Ditore

[PLAKU]

http://www.koha.net/repository/images/pacolli3.jpg

Në rivotimin e mundshëm Pacolli s’i ka të 62 votat
Publikuar: Sot, më 05 mars 2011

Prishtinë, 5 mars – Behgjet Pacolli ka dy mbështetës më pak në Kuvendin e Kosovës sesa që kishte në raundin e tretë të seancës së 22 shkurtit, kur është zgjedhur president. Siç shkruan sot “Koha Ditore”, deputetët e PDK-së, Hydajet Hyseni e Nait Hasani, të cilët kanë zëvendësuar në Kuvend deputetët që kanë shkuar në ekzekutiv, nuk do ta mbështesin Pacollin në rast të rivotimit për president, kanë thënë të premten burime të gazetës. Prandaj, sipas këtyre burimeve, edhe nuk mund të llogarisë në votën e tyre në rast se Gjykata Kushtetuese jep verdiktin për përsëritje të votimit të presidentit për shkak të shkeljes së procedurave, siç kanë pretenduar 34 deputetë të opozitës. Ndërkohë, kryetari i kësaj Gjykate, Enver Hasani, ka paralajmëruar të enjten në KTV që “nëse themi është shkelur (Kushtetuta v.j.) përsëriten procedurat e zgjedhjes së presidentit”. Kushtetuesja do të japë përgjigje brenda shtatë javësh.
Hydajet Hyseni nuk ka thënë troç se nuk do ta jepte votën për Pacollin, nëse procedura e zgjedhjes së presidentit kthehet në rivotim, por këtë e ka lënë të nënkuptueshme. Ai ka shtruar nevojën që presidenti të jetë personalitet që gëzon mbështetje të gjerë dhe që përfaqëson unitetin e popullit, e që nuk ka qenë rasti me Pacollin.
“Nuk kam ndonjë opinion të veçantë (për z. Pacolli v.j.). Për mendimin tim ajo që është thënë edhe me Kushtetutë që presidenti i vendit duhet të jetë faktor uniteti i popullit, nënkupton që të ketë edhe besimin e gjerë. Presidenti në vende të ndryshme zakonisht është figurë konsensuale që zgjidhet me konsensus edhe të pozitës e edhe të opozitës”, ka thënë Hyseni. “Mendoj që Kosova nuk duhet të jetë përjashtim”.
Të martën Pacolli është konfirmuar president nëpërmjet një procesi votimi në Kuvend që e ka bojkotuar opozita dhe që mezi është mbështetur nga të gjithë deputetët e partive në pushtet. Ai është vënë në krye të shtetit me votat e vetëm 62 prej 120 deputetëve. Këtë mbështetje e ka fituar tek në raundin e fundit, pasi që në të parin kishte marrë 54 vota, kurse në të dytin vetëm 58 sosh.
Deputeti Hyseni ka thënë se nuk do t’i bindej kurrfarë presioni sa i takon orientimit të votës së tij. Ai ka theksuar të jetë betuar për të katërtën herë që në misionin e deputetit të popullit t’i përmbahet asaj që është interes i popullit, që është interes i vendit dhe që është edhe obligim kushtetues. Kjo, sipas tij, nënkupton që deputeti të jetë i pavarur në vendimmarrjen e tij dhe, siç thuhet shprehimisht në Kushtetutë, të mos i nënshtrohet asnjë mandati detyrues.
“Prandaj edhe unë jam i bindur që në vendimmarrjen time do të jem i pavarur dhe pa iu nënshtruar kurrfarë ndikimi”, ka shpjeguar Hyseni. “Konform këtij obligimi do të ishte edhe votimi im për këtë çështje dhe për të gjitha çështjet”.
Deputetët e PDK-së i janë nënshtruar presionit të kryeministrit për të votuar Pacollin, pas dy raundesh që hezitonin ta bënin një gjë të tillë. Kryeparlamentari Jakup Krasniqi, që është sekretar i përgjithshëm në PDK, ka treguar publikisht se deputetëve u ishte thënë se po s’e votuan nuk do të futeshin në listën e kandidatëve për deputetë në zgjedhjet e reja të parakohshme që do të impononte mosvotimi.
Vetë Krasniqi ka deklaruar se ka qenë midis 4 deputetëve të PDK-së që s’ia ka besuar votën Pacollit. Ngjashëm ka thënë edhe Fatmir Limaj, nënkryetar i DPK-së dhe njeriu më i votuar pas Thaçit në këtë parti.
Nait Hasani, ndonëse nuk ishte deputet me rastin e votimit të presidentit, kishte kundërshtuar zgjedhjen e bërë. Ky anëtar i Kryesisë së PDK-së, që tash është bërë deputet, ka deklaruar se Pacolli nuk e përfaqëson unitetin e qytetarëve të Kosovës dhe se fuqia e AKR-së në Kuvend do të jetë shumë e dobët.
Edhe ai pati pranuar se kryeministri Thaçi ka insistuar te deputetët e PDK-së të ndryshonin qëndrimin e tyre dhe ta votonin Pacollin për president në rundin e tretë të votimit. E deputetët që votuan për Pacollin, sipas Hasanit, nuk kanë as dinjitet të mirëfilltë.
Tash, kur është ngritur dilema se procedura e zgjedhjes së presidentit mund të përsëritet, Hasani ka thënë se mban qëndrimin e mëhershëm. Megjithëkëtë, ai ka shprehur besimin se votimi për presidentin nuk do të përsëritet, pasi ka konsideruar që kjo do të përbënte një shkelje tjetër.
“Nuk ka mundësi që Gjykata Kushtetuese ta kthejë çështjen në Kuvend. Nëse kjo ndodh, ajo e bën një shkelje të dytë, që ata që e kanë zgjedhur nuk janë aty që ta zgjedhin prapë. Nëse e kthen çështjen në Kuvend, duhet të shkohet në zgjedhje të reja”, ka thënë deputeti Hasani. “Megjithatë, unë e kam dhënë deklaratën time dhe nuk kam ndërruar dhe nuk ndërroj qëndrim”.
Mirëpo, në rast se Kushtetuesja konstaton se në këtë rast nuk ka pasur shkelje të procedurave, atëherë është edhe një çështje tjetër që pritet ta adresojë opozita –shkeljen e Kushtetutës nga presidenti Pacolli, i cili kishte votuar për Qeverinë në cilësinë e deputetit, pasi kishte filluar t’i rrjedhë atij funksioni i presidentit. Ushtrimi i dy funksioneve publike nga presidenti kualifikohet si shkelje e rëndë e Kushtetutës, për çka Kuvendi obligohet ta shkarkojë presidentin.
Qeveria e Kosovës s’ia ka dalë të enjten në tentativën e saj për ta zhvlerësuar votën që ka marrë nga ai. Shumica e deputetëve votuan kundër propozimit të deputetit të AKR-së, Ibrahim Makolli, për të zhvlerësuar votën e Pacollit. Madje propozimi nuk ka gjetur përkrahje as te deputetët e partive në pushtet, ani se propozimi kishte mbështetjen e Qeverisë.
Propozimin Makolli e ka arsyetuar në këtë formë: “Në faqen 33 të transkriptimit , ose në vendimin për votimin për Qeverinë, nëse nuk gaboj dhe do të duhej të konsultohej mirë kjo pjesë, më duket që kryesuesi i seancës e ka ftuar presidentin ose është deklaruar që presidenti nuk është në sallë, dhe po ashtu kemi 65 vota për Qeverinë”.
Kryeparlamentari Krasniqi i është kundërpërgjigjur të premten deputetit Makolli. Ka thënë se përmbajtja e arsyetimit që ka dhënë Makolli në seancë nuk është e vërtetë.
“(Nuk është e vërtetë v.j.) as njëra e as tjetra. Unë nuk e kam ftuar. Në fund të seancës, kur kam dashur t’ia uroja presidentit detyrën dhe kabinetit qeveritar bashkë, nuk ka qenë. Kjo ka qenë ajo që e kam thënë emrin e presidentit, por jo pse e kam ftuar për të votuar”, ka thënë Krasniqi. “Kjo është e vërteta. Mund të shikohet. Edhe në transmetim ka qenë ajo”.