Behgjet Pacolli, President i ri i Kosovës

[ARIANI_TB]

Lavrov: Beogradi e Prishtina të bisedojnë01-03-2011 15:38 CET Rusia i bën thirrje Beogradit e Prishtinës që të bisedojnë dhe shfaq shpresën se kjo do të ndodhë shpejt, ka deklaruar në Gjenevë shefi i diplomacisë ruse, Sergei Lavrov.

“Ka ardhur koha për t’u ulur rreth tryezës së bisedimeve dhe të bisedohet. Shpresoj se kjo do të ndodhë së shpejti”, ka thënë kryediplomati rus Lavrov, duke marrë pjesë në Konferencën për çarmatim në Gjenevë.

Dialogu Beograd-Prishtinë mund të fillojë gjatë javëve të ardhshme, pasi siç i është thënë Tanjugut në BE, të kryhen konsultimet.

Shefi i ekipit negociator të Serbisë për dialog me Prishtinën, Borisllav Stefanoviq, ka deklaruar se temat për bisedimet e ardhshme vazhdojnë të përkufizohen.

“Për ne më e rëndësishmja është ajo që ngarkon serbët në Kosovë dhe këtë do të përpiqemi ta zgjidhim menjëherë, kurse çështjet që kanë të bëjnë me sovranitetin do t’i lëmë t’i bisedojmë në fazat e mëvonshme”, është shprehur Stefanoviq, raporton Koha.

[drenicaku]

Ky mentalitet fshataresk do ta qoje kosoven ne humner??

populli nuk e qon ne humner kurr vendin ne asnje menyr,ne humner mund ta qojn politikajt sidomos ata qe jan dhendur te rusis,e sa i perket mentalitetit fshataresk me fshatar se ti ketu ne forum askush nuk eshte tregu,mos em thuaj se jeton ne prishtin qe para skenderbeut

[drenicaku]

Bravo DYDRINAS ndaj plotesish te njejtin mendim se kosova ka nevoje edhe per njerz te tille te cilet ju njofin edhe genjet SERBVE.

e qysh nuk eshte edhe ali shukriu e rrahman morina gjall se edhe ata e kan pas njoft mentalitetin serb,e me ju bashku dhendrrit rus

[ganimet]

Z.Pacolli do te bente shume mire nese do te angazhonte dhe z.Azem Vllasin ne stafin e tij te keshilltareve.

Te mos perjashtohet askush, sepse Kosova ka qene nje cope shqiptare e pushtuar nga serbosllavet dhe se ne ato rrethana askush nuk e ka pas te lehte t'u dale zot shqiptareve.

Nji kshill qe duhet pershendetur.
Bashkimi me njerz qe i duhen kombit.
Atdheu para partive do duhej te ishte prioritet.
Azem Vllasi ka msuar nga psimet,ishin koh tjera qe pak kush ka pa driten sepse ishim ne nji jet te errt.

Esht politizuar shum shoqria kosovare sa cilin te prekesh te jep nji epitet sipas recetes se partis se njerzit qe si ke ne parti i ke armiq.
Partit ndrrohen e ne e brezat qe vin do jemi ktu mete mirat e te kqiat.

Pa u bashkuar njerzit e gjitha partive ne nji kuvend dhe pa e degjar njeri tjetrin me serjozitet nuk do jemi as ne Evrop e as ne afrik.

[Prishtina.C]

e qysh nuk eshte edhe ali shukriu e rrahman morina gjall se edhe ata e kan pas njoft mentalitetin serb,e me ju bashku dhendrrit rus

O drenicaku . Ne duhet ti perdorim te gjith kapacitete qe kemi mos harro se edhe ajo gjenerata e kohes se Titos kan ber shume per kosoven te mos them se ata i vendosen themelet e shtetit te kosoves .

Autonomia e kosoves e cila i pershkroi e vendosi kufinjt e kosove ka qen nje e arritur e jashtzakonshme per kohen dhe rrethanat kur jetonim apo hapi i pare drejt shtetit te kosoves paramendo sikur kosova te mose kishte kufinje te percaktuar me Serbin

[ganimet]

e qysh nuk eshte edhe ali shukriu e rrahman morina gjall se edhe ata e kan pas njoft mentalitetin serb,e me ju bashku dhendrrit rus

Qesi po i prodhon kopshi vlla Drenicasi ,skem me te mir ..
Ah sa do doja ta Kishim Nolin ,Hasan Prishtinen At Gjergj Fishten ..ani tash me mira njerz te pendes e te pushkes do mahnitnim Evropen po ku me i mar tani .
Shkova te Varri i Shabanit e thierra Thash po vje nji dhaner i Rusis me na u ba Presednik ,Nji hajn i framerkav kryminister,Azemi qe per nji fjal te rraske ne burg 15 vjet.
Albini po gjuen voe ..A di qa me tha.. ju thafshin duert a spo ka naj plum manzere breeeeeeeeeeeee.

O per hater te shkaut e vrat Kurteshin tash durone duke ua ngrit 3 gishtrit e ishalla edhe komt ua qon.

[Prishtina.C]

Feith: Nuk është shkelur Kushtetuta





Prishtinë, 1 mars 2011 - Shefi i Zyrës Civile Ndërkombëtare, Pieter Feith, konsideron se nuk ka pasur shkelje të Kushtetutës së Kosovës gjatë zgjedhjes e presidentit në Kuvend më 22 shkurt, mirëpo nëse kjo çështje shkon në Gjykatën Kushtetuese, atëherë, siç tha mbikëqyrësi i pakos së Ahtisaarit, varet prej vendimit të gjykatës, njofton KOHAnet.
Këto komente shefi i ICO-s i bëri pas një takimi që pati me zëvendëskryeministrin e Kosovës dhe ministrin e Administrimit dhe Pushtetit Lokal, Sllavisha Petroviç.
“Jo, absolutisht nuk është shkelur Kushtetuta”, u shpreh Feith në pyetjet e gazetarëve rreth asaj se a e ka shkelur presidenti Kushtetutën në kohën kur e ka votuar kabinetin qeverisës.
Shefi i ICO-s u deklarua edhe lidhur me nisjen e shpejtë të procesit të negociatave ndërmjet Kosovës dhe Serbisë. Ai edhe me këtë rast i garantoi qytetarët e Kosovës se nuk do të negociohet për statusin. “Jo, nuk do të bisedohet për statusin e Kosovës”, ka qenë i prerë Feith.

[Prishtina.C]

Brukseli zgjedhjen e Qeverisë dhe Presidentit legale





Zyrtarët e Komisionit Evropian konsiderojnë qeverinë e re dhe presidentit e ri të Kosovës legal dhe presin që dialogu midis Beogradit dhe Prishtinës të fillojë brenda disa javësh, transmeton Telegrafi lajmin e agjencisë serbe të lajmeve, Beta.
Në pyetjen e agjencisë serbe, Beta drejtuar disa zyrtarëve të lartë të Komisionit Evropian, për legalitetin e procedurave të zgjedhjes së presidentit Behgjet Pacolli, për të cilën arsye partitë opozitare dhe organizatat joqeveritare kanë paralajmëruar ankesë në Gjykatë Kushtetuese në Prishtinë, ata janë përgjigjur se zgjedhja e presidentit dhe e qeverisë së re ishte plotësisht legale.

Në vërejtjen se edhe disa zyrtarë të lartë të partisë së Hashim Thaçit kontestojnë legjitimitetin dhe legalitetin e presidentit të zgjedhur, kështu edhe qeverisë dhe shefit të ekipit të Prishtinës për dialog me Beogradin, burimet e Komisionit Evropian në Bruksel kanë thënë se “BE-ja kurrë nuk përzihet në çështje të brendshme të ndonjë vendi tjetër”.

“Për ne Qeveria e Prishtinës aktualisht është legalisht e zgjedhur dhe m’u për këtë vazhdojmë përpjekjet për të filluar dialogu mes Beogradit dhe Prishtinës”,thanë këto burime për agjencinë Bet

[Prishtina.C]

Naim Maloku zyrtarisht këshilltar i Pacollit



http://www.koha.net/repository/images/01maloku4.jpg


Prishtinë, 1 mars - (E plotësuar) Nga dita e sotme Naim Maloku do të nisë zyrtarisht punën si këshilltar i lartë për siguri shtetërore i presidentit Behgjet Pacolli. Lajmin e ka konfirmuar vetë zyrtari i AAK-së, mbrëmë në emisionin Interaktiv të KTV-së. “Kam nënshkruar një kontratë tre-vjeçare dhe do të punoj në fushën dhe ekspertizën time, duke i dhënë këshilla presidentit për siguri”, ka thënë Maloku. Ai nuk ka dashur të komentojë zhvillimet rreth Gjykatës Kushtetuese, sepse ka thënë se nuk i përket fushës së tij të profesionit.
Maloku ka dhënë dorëheqje nga postet udhëheqëse të AAK-së, ku ishte nënkryetar dhe anëtar i Këshillit Drejtues, por do të vazhdojë të jetë anëtar i partisë së Haradinajt. Maloku ka thënë se posti i tij nuk është politik, dhe ai është i gatshëm të japë kudo kontribut për vendin.
Edhe Ardian Gjini, nënkryetar i AAK-së e ka konfirmuar lajmin për shkuarjen e Malokut këshilltar i presidentit, por ka thënë se ai ka dhënë dorëheqje vetëm nga posti i nënkryetarit të kësaj partie, meqë këtë e imponon Statuti i AAK-së.
Nënkryetari i deritashëm i Aleancës për Ardhmërinë e Kosovës (AAK), Naim Maloku, i ka adresuar Kryesisë dhe Këshillit drejtues të AAK së një letër të dorëheqjes nga funksionet udhëheqëse në parti, për arsye të, siç ka thënë ai, "ushtrimit të punës dhe përgjegjësisë së këshilltarit të lartë për siguri shtetërore pranë Presidencës së Republikës së Kosovës", thuhet në një njoftim të AAK-së. "Që nga 1 marsi 2011 jam përcaktuar që të ushtroj punët dhe përgjegjësisë e Këshilltarit të lartë për siguri shtetërore pranë Presidencës së Republikës së Kosovës. Vlerësoj se ushtrimi i kësaj detyre në institucionin, i cili paraqet unitetin e popullit, kërkon nga unë që të mos mbaj kurrfarë pozite në parti politike. Me këtë rast dëshiroj që të falënderoj për bashkëpunimin dhe raportet korrekte me të gjitha strukturat e partisë, anëtar i së cilës do të mbetem edhe më tutje?, thuhet në tekstin e dorëheqjes së z. Maloku, adresuar forumeve më të larta të partisë. Aleanca për Ardhmërinë e Kosovës ia ka miratuar z. Maloku dorëheqjen dhe e ka falënderuar atë për kontributin e dhënë në të gjitha angazhimet dhe përgjegjësitë e tij të deritashme në kuadër të partisë dhe në proceset nëpër të cilat ka kaluar vendi.

[Prishtina.C]

Presidenti Pacolli çmon lart kontributin e KFOR-it për shtetin e Kosovës






Presidenti i Republikës së Kosovës, Behgjet Pacolli zhvilloi sot një takim me komandantin e KFOR-it në Kosovë, gjeneralin Erhard Buhler.
Në takimin e tij të parë me Presidentin Pacolli në detyrën e re, gjenerali Buhler e uroi atë dhe theksoi gatishmërinë e tij dhe të KFOR-it për bashkëpunim të vazhdueshëm me Presidentin dhe institucionet e vendit tonë.
Presidenti Behgjet Pacolli, duke falënderuar për urimet, gjithashtu shprehu gatishmërinë e vazhdueshme për bashkëpunim, duke çmuar lart kontributin që forcat e KFOR-it kanë dhënë dhe po japin në vazhdimësi për shtetin dhe qytetarët e Kosovës.
Me theks të veçantë, Presidenti Pacolli theksoi kontributin e madh të KFOR-it për zhvillimin e Forcës së Sigurisë së Kosovës (FSK).

Ai gjithashtu theksoi se pjesëtarët e KFOR-it kanë qenë gjithmonë shembull i disiplinës dhe i shërbimit profesional, ndërsa KFOR-i, përveç detyrave në planin e sigurisë, ka kryer një punë shumë të madhe në planin humanitar, duke u dalë në ndihmë qytetarëve të Kosovës.
Për këtë, shtoi Presidenti Pacolli, pjesëtarët e KFOR-it gëzojnë respektin më të madh të qytetarëve të Kosovës.