Behgjet Pacolli, President i ri i Kosovës

[ARIANI_TB]

S’ka buxhet pa “izën” e FMN-sëArbana Xharra | 28-02-2011 15:32 CET Qeveria e porsaformuar e Kosovës u ka dërguar kërkesë zyrtarëve të lartë të FMN-së që të takohen dhe të bisedojnë rreth buxhetit dhe posaçërisht ndihmës financiare prej 200 milionë euro. Edhe pse kërkesa është dërguar ditë më parë, ata nuk kanë marrë asnjë përgjigje nga ky institucion i lartë financiar.

Burime të gazetës kanë bërë të ditur se qeverisë i duhet leja e FMN-së në mënyrë që të bëhet edhe rritja e pagave dhe e futjes në planifikim buxhetor të shumë projekteve.

“Shumë linja buxhetore janë të varura nga leja e FMN-së, sepse realisht jemi të varur nga ajo ndihmë e cila do të na lehtësonte në planifikimet buxhetore që jemi duke bërë”, ka thënë ky burim brenda Qeverisë së Kosovës. Premtimi për rritjen e pagave që është bërë nga kryeministri Hashim Thaçi, duke shkelur marrëveshjen me FMN-në ka bërë që marrëdhëniet të mos jenë të njëjta si më parë me këtë institucion të rëndësishëm financiar.

Ministri për Ekonomi dhe Financa(MEF), Bedri Hamza, tha se ua kanë bërë të ditur zyrtarëve të FMN-së se janë në dispozicion që të bisedojnë për ndihmën financiare dhe rreth çështjeve të tjera buxhetore. “Jemi duke pritur zyrtarët e FMN-së të flasim rreth këtyre çështjeve”, ka thënë të dielën për gazetën “Zëri” ministri i MEF-it.

Ai ka bërë të ditur se në fillim të muajit mars do të dalë në qeveri dhe shumë shpejt para deputetëve të Kuvendit të Kosovës për miratim.

Nga ana tjetër ekspertët e ekonomisë konsiderojnë se negocimet e shpeshta me FMN-në nuk i bëjnë mirë qeverisë dhe aq më pak çështjeve që kanë të bëjnë me ndihmat financiare për të cilat Kosova është ajo që ka interes.

“FMN ndihet e tradhtuar me shkeljen e njëanshme te marrëveshjes nga Qeveria jonë, dhe në praktikën e tyre është befasuese nevoja për negocime të shpeshta”, ka thënë drejtori ekzekutiv i institutit “Riinvest”, Lumir Abdixhiku. Ai ka bërë të ditur se qëndrimi i tyre do te jetë më pak miqësor në këtë drejtim, “dhe në të njëjtën kohë kërkesat e tyre do te jenë më të ashpra”.

“Me theks të veçantë FMN do te kërkojë burimet e financimit për rritjet e pagave si dhe siguri për shitjen e PTK-se brenda këtij viti”, ka shtuar Abdixhiku. Sipas tij, nëse Qeveria e Kosovës arrin të sigurojë dhe bindë zyrtarët e FMN-së për të hyra të qëndrueshme nga ATK dhe Doganat, atëherë nënshkrimi i marrëveshjes do te jetë i shpejtë dhe do të hapte rrugën për prurjen e buxhetit në Parlamentin e Republikës.

“Në të kundërtën, mund të ndodhë lehtë edhe vonesa në nënshkrim dhe me këtë edhe aprovim te buxhetit nëse FMN-në nuk e bindin argumentet e Qeverisë”, ka shtuar Abdixhiku.

Qeveria e porsaformuar do të përballet me vështirësi të mëdha buxhetore, duke llogaritur se planifikimet buxhetore janë bërë duke llogaritur në ndihmën financiare nga FMN, 200 milionë euro, shitjen e PTK-se 300 milionë dhe në rritjen e të hyrave nga ATK-ja dhe Doganat mbi 200 milionë më shumë sesa një vit më parë.

Këto planifikime mbesin hipotetike kur merret parasysh se nuk dihet nëse sigurt ato do të sigurohen gjatë vitit 2011.

“Prishen punët me FMN-në”

“FMN ndihet e tradhtuar me shkeljen e njëanshme te marrëveshjes nga Qeveria jonë dhe në praktikën e tyre është befasuese nevoja për negocime të shpeshta”, ka thënë drejtori ekzekutiv i institutit “Riinvest”, Lumir Abdixhiku.

Ai ka bërë të ditur se qëndrimi i tyre do të jetë më pak miqësor në këtë drejtim, “dhe në të njëjtën kohë kërkesat e tyre do të jenë më të ashpra”.

“Me theks të veçante FMN do të kërkojë burimet e financimit për rritjet e pagave si dhe siguri për shitjen e PTK-se brenda këtij viti”, ka shtuar Abdixhiku.

[ARIANI_TB]

Qeverinë e “rrëzojmë” në KuvendDrilon Zogaj | 28-02-2011 10:42 CET (E plotësuar) Tri partitë opozitare në Kosovë, paralajmërojnë sfidimin institucional, të gjithanshëm, të koalicionit qeverisëse PDK-AKR-minoritetet. Dilemat rreth legjitimitetit të zgjedhjeve që prodhuan këtë koalicion, dhe problemet e fundit në zgjedhjen e presidentit dhe qeverisë, janë aspektet e para me të cilat do të shërbehen LDK-ja, Lëvizja “Vetëvendosje” dhe AAK-ja në opozitën e tyre ndaj qeverisë.

Por, ndryshe nga vendet e rajonit, kur opozita aplikon edhe bojkotin e Kuvendit si formë të presionit, tash për tash tri partitë kosovare nuk do të ndjekin një rrugë të tillë, përkundër faktit se të tria bojkotuan seancën ku u zgjodh presidenti dhe qeveria e re.

Glauk Konjufca, deputet i “Vetëvendosjes” ka thënë se ky subjekt politik do të përpiqet që të realizojë programin e saj nëpërmjet institucioneve. Sipas tij, Grupi Parlamentar i “Vetëvendosjes” do ta shfrytëzojë hapësirën institucionale për realizmin e programit të saj dhe do të ngrejë të gjitha problemet në të cilat po kalon Kosova, duke i orientuar proceset në përputhje me programin e saj politik.

“Do të përpiqemi t’i përmirësojmë ato institucione, nuk do të tolerojmë kurrfarë padrejtësie dhe do t’i shfrytëzojmë të gjitha mjetet për të luftuar padrejtësitë, përfshirë edhe shkeljet e fundit që kanë ndodhur me rastin e zgjedhjes së presidentit dhe qeverisë”, ka thënë Konjufca.

Ahmet Isufi, nga AAK-ja ka thënë se partia e tij nuk do të lejojë imponimin dhe dirigjimin e Kuvendit të Kosovës nga qeveria e re. Sipas tij, kjo parti, përveç që do të çojë në Gjykatën Kushtetuese mënyrën e votimit të presidentit, do t’i përdorë të gjitha metodat demokratike dhe institucionale për të penguar qeverinë e re që të vendosë diktatin e saj mbi jetën institucionale.

Kurse Ismet Beqiri, nga LDK-ja ka thënë të mërkurën se partia e tij do të angazhohet fuqishëm që vendi të shkojë drejt zgjedhjeve të reja në vjeshtë të këtij viti. Sipas tij, deri atëherë LDK-ja, do të bëjë të gjitha përpjekjet brenda institucioneve, që të bëhen përgatitjet e duhura, të bëhet reformimi i ligjit të zgjedhjeve dhe që vendi të hyjë në një proces të mirëfilltë elektoral, nga i cili, sipas Beqirit, do të dilnin institucione me legjitimitet demokratik.

Menjëherë pas zgjedhjes së presidentit dhe votimit të kabinetit të ri qeveritar, përfaqësuesit e LDK-së dhe AAK-së, megjithëse nuk kanë marrë pjesë në seancë, kanë paralajmëruar se do t’i drejtohen Gjykatës Kushtetuese për të interpretuar nëse është shkelur Kushtetuta, gjatë zgjedhjes së presidentit.

Por, ekspertë të pavarur të Kushtetutës në vend, megjithëse e pranojnë se pas raundit të dytë të votimit për president, është shkelur rregullorja e punës së Kuvendit, zgjedhja e Behgjet Pacollit për president në rundin e tretë, nuk është në kundërshtim me Kushtetutën e Kosovës.

Gjithsesi, kjo çështje tashmë është shndërruar në pikën e parë të dobët të koalicionit të ri qeverisës. E në këtë aspekt, opozita ka aleat edhe kryeparlamentarin Jakup Krasniqi, zyrtar i lartë në PDK.

[shalja1]

Eshte e lehte te rrxohet qeverija po me cilin formacion do te behet kure dihet qe te gjitha partit jan te vogla per ta bere qeverine. Njeherit duhet ligji bugjetor pastaj ndryshimi i kushtetutes pastaj ligji zgjedhore. Edhe sikur sote te bie qevertia me se shumti e psojne qytetaret se politikanet nuk rrine aty per sehire po per te zhvatur, ata kane bere kapitale dhe luajn si maca miu me popull.

[Loti-99]

Maloku këshilltar i Pacollit

Maloku këshilltar i Pacollit, Gjini e quan veprim të gabueshëm


Paralajmërimi për emërimin e nënkryetarit të Aleancës për Ardhmërinë e Kosovës, Naim Maloku si këshilltar i presidentit Behgjet Pacolli, nga nënkryetari tjetër i AAK-së, Ardian Gjini shihet si një veprim i gabueshëm, për të cilin thotë se i vjen keq.

Gjini ka thënë se ata që nuk e kuptojnë rrugën që ndjek AAK-ja dhe rrugën në të cilën po ecë Kosova, shumë shpejt do të përballen vetë me ato që do t’u sjellë e ardhmja.

“Secili njeri është i lirë të vendosë vet se çka dëshiron të bëjë. Njerëzit që kanë vendosur gabueshëm, kanë vendosur gabueshëm. Neve na vjen keq seriozisht. Ne kemi dëshirë që jo vetëm njerëzit e Aleancës, por gjithë njerëzit e Kosovës ta kuptojnë se në çfarë rruge është duke shkuar Kosova me këto institucione që janë themeluar. Ata që nuk e kuptojnë mendoj se do të përballen vetë me ato që do të sjellë e ardhmja. Ne do të provojmë që të punojmë me njerëz që e kuptojnë saktë rrugën të cilën e ndjekë AAK-ja dhe të tillë ka mjaftueshëm dhe numri i njerëzve të cilët po e kuptojnë rrugën tonë po rritet, pavarësisht se mund të ketë individë të cilët në këtë moment për një interes të caktuar edhe mund të mendojë ndryshe”, është shprehur Gjini.

Ai ka theksuar se AAK-ja tash e dy vjet nuk ka marrë asnjëherë kurrfarë vendimi për përjashtimin e dikujt apo shkarkimin nga detyra të asnjë personaliteti brenda saj.

Ndërkohë, sipas tij, AAK-ja po rritet vazhdimisht dhe rreth vetes po mbledh njerëz që e kuptojnë qartë vizionin e kësaj partie.

Naim Maloku ka qenë deputet i Kuvendit të Kosovës në të tri legjislatura, ndërsa kësaj radhe nuk ka arritur të marrë votat e nevojshme për të qenë deputet i AAK-së në Kuvend dhe për këtë edhe ka pasur ankesa nga ana e tij për manipulim të votës. Tani ai pritet të emërohet nga presidenti Pacolli këshilltar i tij për çështje të sigurisë.

[drenicaku]

Cfare mendoni per keshiletaret e presidentit?

Këshilltarët e Pacollit
Publikuar: Sot, më 28 shkurt 2011

http://www.koha.net/repository/images/28keshill4.jpg

Prishtinë, 28 shkurt - Presidenti i Kosovës, Behgjet Pacolli këtë javë pritet t’i emërojë këshilltarët kryesorë politikë që do jenë afër tij gjatë krejt mandatit.

Burime të gazetës “Express” kanë thënë se Pacolli është në fazën finale për të angazhuar në ekipin e këshilltarëve emra të njohur në Kosovë dhe rajon.

Sipas burimeve, këshilltar i parë do të emërohet Ibrahim Gashi, ndërsa nënkryetari aktual i AAK-së, Naim Maloku pritet të emërohet këshilltar për çështje të sigurisë në kabinetin e Pacollit.

Këshilltar për integrimet në BE dhe NATO do të jetë Blerim Reka, ish-ambasadori i Maqedoninë në Bruksel dhe profesor i së drejtës ndërkombëtare.

Për bisedimet me Serbinë - Pacollin do ta këshillojë politologu Behlul Beqaj, i cili ka qenë edhe këshilltar i Hashim Thaçit, gjatë kohës së Qeverisë së Përkohshme.


Kush ashete Belul Beqaj, cfar e sa dini per kete njeri ?

Njeri pa karakter,ky pat qajt njeher para ramushit vetem me e fut ne parti ,e sot kshilltar i dhendrrit te rusis

[drenicaku]

Me keta keshilltar do mbyllen shum gojra te cilat llomotisnin per Behgjetin i cili do ta shiste kosoven, rusis, Apo njeherit mbyllen thashethemat se kinse pacolli na qenka pro rus.

Gojrat nuk do mbyllen deri sa te shkoi nga ky post pacolli,te jesh i bindur per kete,sot demaqi ja qoj nje selam kogja te shtir edhe pacovit edhe hashimit ,pra zerat sa vijn e shtohen kunder dhendrrit te rusis

[Prishtina.C]

Njeri pa karakter,ky pat qajt njeher para ramushit vetem me e fut ne parti ,e sot kshilltar i dhendrrit te rusis

Ky mentalitet fshataresk do ta qoje kosoven ne humner??

[Prishtina.C]

Maloku te presidenti Pacolli, Gjini e quan veprim të gabueshëm






Paralajmërimi për emërimin e nënkryetarit të Aleancës për Ardhmërinë e Kosovës, Naim Maloku si këshilltar i presidentit Behgjet Pacolli, nga nënkryetari tjetër i AAK-së, Ardian Gjini shihet si një veprim i gabueshëm, për të cilin thotë se i vjen keq.
Gjini ka thënë se ata që nuk e kuptojnë rrugën që ndjek AAK-ja dhe rrugën në të cilën po ecë Kosova, shumë shpejt do të përballen vetë me ato që do t’u sjellë e ardhmja.
“Secili njeri është i lirë të vendosë vet se çka dëshiron të bëjë. Njerëzit që kanë vendosur gabueshëm, kanë vendosur gabueshëm. Neve na vjen keq seriozisht. Ne kemi dëshirë që jo vetëm njerëzit e Aleancës, por gjithë njerëzit e Kosovës ta kuptojnë se në çfarë rruge është duke shkuar Kosova me këto institucione që janë themeluar. Ata që nuk e kuptojnë mendoj se do të përballen vetë me ato që do të sjellë e ardhmja. Ne do të provojmë që të punojmë me njerëz që e kuptojnë saktë rrugën të cilën e ndjekë AAK-ja dhe të tillë ka mjaftueshëm dhe numri i njerëzve të cilët po e kuptojnë rrugën tonë po rritet, pavarësisht se mund të ketë individë të cilët në këtë moment për një interes të caktuar edhe mund të mendojë ndryshe”, është shprehur Gjini.
Ai ka theksuar se AAK-ja tash e dy vjet nuk ka marrë asnjëherë kurrfarë vendimi për përjashtimin e dikujt apo shkarkimin nga detyra të asnjë personaliteti brenda saj.
Ndërkohë, sipas tij, AAK-ja po rritet vazhdimisht dhe rreth vetes po mbledh njerëz që e kuptojnë qartë vizionin e kësaj partie.
Naim Maloku ka qenë deputet i Kuvendit të Kosovës në të tri legjislatura, ndërsa kësaj radhe nuk ka arritur të marrë votat e nevojshme për të qenë deputet i AAK-së në Kuvend dhe për këtë edhe ka pasur ankesa nga ana e tij për manipulim të votës. Tani ai pritet të emërohet nga presidenti Pacolli këshilltar i tij për çështje të sigurisë.

[Prishtina.C]

Dhjetë familje skamnore ndajnë pagën e presidentit Pacolli







Presidenti z. Pacolli vizitoi familjen skamnore Bunjaku
Presidenti i sapo zgjedhur i Republikës së Kosovës, Behgjet Pacolli, edhe tani kur është në krye të shtetit,vazhdon traditën humanitare që e ka trasuar me vite e dekada si biznesmen i suksesshëm, dhe tani vazhdon humanitetin e tij, duke hequr kështu dorë nga paga e tij mujore si president për t’ua ndarë kështu 10 familjeve skamnore në rajone të ndryshme të Kosovës. Presidenti i Kosovës, z. Pacolli të dielën edhe pse ishte ditë pushimi ai vizitoi familjen e Naim Bunjakut në lagjen Dodona të Prishtinës, e cila jeton në kushte të rënda sociale me gruan dhe katër fëmijët e tij. Pas vizitës presidenti i vendit deklaroi se familja e Naim Bunjakut tash e mbas do të ketë një pagë mujore e ndarë nga paga e tij për punën si president. “ Isha në këtë familje dhe e di se në Kosovë ka shumë familje që kanë të njëjtin fat dhe unë me mundësit e mia sot isha këtu që t’i inkurajoj dhe të mos humbin shpresën këta njerëz ,sepse Kosova është duke bërë çdo gjë që të ketë rritje ekonomike dhe të krijohen mundësi të reja për familjet që kanë nevojë. Vizitova këtë familjen dhe ndaj të dhjetën e pagës sime mujore. Paga ime do të ndahet proporcionalisht për dhjetë familje”, shprehet Presidenti, derisa thekson se këto janë mundësit e tij personale. Ndërkohë nikoqiri, Bunjaku , shprehet falënderues për vizitën e presidentit Pacolli dhe ndihmën e ofruar për çdo muaj, duke theksuar se ndjehet i lumtur se Kosova ka njerëz të tillë. I pyetur nëse ka bërë shkelje ligjore me rastin e votimit të qeverisë, ai tha se kjo i përket Gjykatës të vendosë.

[Prishtina.C]

Presidentit i Turqisë uroi Presidentin e Kosovës


Presidenti i Republikës së Turqisë, Abdullah Gyl i dërgoi një mesazh urimi Presidentit të Republikës së Kosovës, Behgjet Pacolli, me rastin e zgjedhjes së tij në detyrën e re.
Në mesazh thuhet: “Në emër të popullit turk dhe në emrin tim personal, Ekselencën e Juaj e përgëzoj përzemërsisht për zgjedhjen në postin e Presidentit të Republikës së Kosovës.
Kam bindjen se bashkëpunimi ynë, i cili krahas vëllazërisë dhe miqësisë historike mes vendeve tona, është i rëndësishëm edhe për paqen dhe stabilitetin në Ballkan, me angazhimet tuaja të çmueshme do të zhvillohet edhe më tutje.
Turqia do të vazhdojë ta mbështesë orientimin euroatlantik të Kosovës, si dhe pavarësinë e saj dhe integritetin territorial, që është më se i nevojshëm për stabilitetin dhe paqen në rajon.
Në kuadër të përpjekjeve tuaja për t’ia lënë gjeneratave të ardhshme një Kosovë shumetnike, shumëkulturore, demokratike, të fuqishme dhe të prosperuar, dhe e cila bazohet në mbizotërimin e ligjit, populli turk do të vazhdojë të jetë pranë popullit të Kosovës.
Me këtë rast, i përsëris urimet më të mira për shëndetin dhe lumturinë personale të Shkëlqesisë suaj dhe për prosperitetin dhe mirëqenien e popullit mik dhe vëlla të Kosovës”, thuhet në mesazhin e presidentit turk.