Behgjet Pacolli, President i ri i Kosovës

[G-2]

Një notë për padëgjueshmërinë

Publikuar: Sot, më 26 shkurt 2011

Lumir Abdixhiku



Kryeministri i rizgjedhur në fjalën e parë tha se “po u jepet fund problemeve në vend”; fatkeqësisht ky është fillimi i një perspektive me plot probleme



Katër muajt e shkuar na dhanë mjaft, ndoshta më shumë se çfarë një vend i tërë mund dhe duhet të pranojë. Na dhanë krizë politike të ndjekur me anarki institucionale, degjenerim ekonomik e varfërim të të tanëve, vjedhje të vullnetit e shtrembërim të zërit, akuza tmerruese e thumbime të imazhit, presione politike e shformësim të vlerave. Nëse asgjë tjetër, këta muaj na dhanë një grusht padëgjueshmërishë; ky një standard i ri i vendosur në demokracinë më të brishtë evropiane. Padëgjueshmëri ndaj interesave nacionale me tërheqjen e ministrave, padëgjueshmëri ndaj nevojave ekonomike me vendime jolegjitime, padëgjueshmëri ndaj votës së lirë me vjedhje masive, padëgjueshmëri ndaj vërejtjeve për pak më tepër demokraci me rivjedhje, padëgjueshmëri ndaj vullnetit të shumicës me koalicion të pakicës, padëgjueshmëri edhe ndaj vullnetit të pakicës brenda pakicës me presione e shantazhe, padëgjueshmëri ndaj kryeparlamentarit me dalje pa aprovim e futje të të paftuarve me gjoks, padëgjueshmëri ndaj procedurave, ligjeve dhe Kushtetutës me thyerje absurde; na dhanë padëgjueshmëri ndaj perspektivës politike dhe ekonomike të vendit. Në këtë fabrikë padëgjueshmërishë, më së paku na u dha ajo për çfarë liderët thirren, institucione të denja dhe një program politik dhe ekonomik po aq të denjë.

* * *

Kryeministri i rizgjedhur në fjalën e parë tha se “po u jepet fund problemeve në vend”; fatkeqësisht ky është fillimi i një perspektive me plot probleme. Forca e pakët mbrapa presidentit dhe vetë Qeverisë është e frikshme. Në kohë kur thuhet se jemi pranë sfidave të papara nacionale, ekonomike e politike, sfida këto që lidhen me vetë ekzistencën ose jo të shtetit kosovar, ne vendosim t’i japim fuqi një pakice, të injorojmë nevojën për konsensus politik dhe bashkim të mendjeve, zgjedhim jokredibilet dhe prodhojmë krizë e përçarje, gjithmonë për hir të akomodimit të interesave më ekstreme individuale.
Prodhojmë paqëndrueshmëri meqë Qeveria e Presidenca e re nuk japin zërin e kosovarëve. Jo më shumë se 38 vota shqiptare janë pakicë e mjaftueshme për jolegjitimitet të paktën moral. Edhe më shumë thellojmë jolegjitimitetin me shantazhe, blerje dhe kërcënime si ato të 22 shkurtit. Prodhojmë jokonsensus për proceset urgjente ekonomike e politike me përçarjet e nxitura nga padëgjueshmëria e institucioneve ndaj vullnetit, Kushtetutës dhe opozitës. Ku do ta gjejmë pajtueshmërinë për negociata tregtare ekonomike, për miratim të buxhetit, për shitje të aseteve e për integrim ekonomik evropian nëse këto institucione të reja shikojnë jo më larg se vetja? Çfarë garancish ekonomike dhe prosperuese mund t’i japim një investimi të huaj, jo se jo me kredibilitet, por me një Qeveri dhe Presidencë të pakicës? Ku do të gjejmë forcën për kohezion nacional për sfidat më të papara në vend në fushën e infrastrukturës, energjetikës, telekomunikacionit e tregtisë pa një pëlqim dominues? Në vend se sot të kishim një Qeveri kredibile, gjithëpërfshirëse, me një president që siguron jo 62 vota të lodhura, por një shumicë absolute, unitet dhe mbështetje të paparë, e tëra çfarë ne bëjmë është kornizimi i fatit të gjithë vendit në hiç më shumë se dy mendje që orë e çast edhe mund të ndërrojnë, e me këtë dhe vetë fatin e një vendi të tërë.

* * *

As më e hapur nuk duket perspektiva e mbështetur me një program serioz. Absurditetet e mungesës së programit filluan në kohën kur u bënë bisedat për bashkim qeverisës. Po që ishin të pakta këto biseda, po që ishin papërmbajtjesore e të shpejta, po që nuk ishin të drejtuara kah problemet dhe qëndrimet polaristike të palëve për proceset ekonomike, por ato edhe u kurorëzuan me një dokument të vetëm: një faqe. Gjithë ato dallime ekonomike në kohë të fushatës mbi rritjen e pagave, qëndrueshmërinë e buxhetit, privatizimin e PTK-së, financimin e autostradës, shitjen e aseteve të tjera publike u rrumbullakuan me një dokument më pak kuantitativ (dhe patjetër kualitativ) se një kontratë pune nga më të thjeshtat. Dhe këtu fillon dekompozimi i vlerave dhe qëndrimeve ekonomike e politike, meqë dallimet shuhen kur në tall vihet kolltuku, se interesat e kosovarëve mbulohen nga ata që punë, objektiv dhe jetë kanë amorfitetin politik. Le të jetë si të jetë, në fund të fundit nuk është hera e parë e as që do të jetë fundit kur kolltuku bën magji; por të paktën një copë komforti do të ofrohej sikur Qeveria e re të tregonte një fije respekti me një program të denjë ndaj atyre që sot jetojnë me varfërinë më të thellë në historinë tonë moderne, me papunësinë e çdo të dytit në krah, me të ardhurat për kokë në fund të pusit botëror, me një regres ekonomik si asnjëherë më parë, rritje të korrupsionit e tenderëve njëburimorë nga viti në vit, prezencë të informalitetit e evazionit, me imazh frikësues në sy të çdo investitori që ka sytë nga Ballkani.
E tëra çfarë dëgjuam nga programi i dhënë (dhe fatkeqësisht i aprovuar) ishin politika vlerësuese kualitative, se objektiv i Qeverisë është “përmirësimi i gjendjes ekonomike”, “ulje e papunësisë”, “vendosje e rendit dhe e ligjit”, “luftim i korrupsionit, informalitetit dhe evazionit” e deri te “përmirësim i jetës”. Kjo edhe mund të ishte një punim eseje nga një student mesatar që ka percepcion gjeneral se çfarë dhe ku duhet të shkojë një vend, madje aq gjenerale sa të njëjtin mund ta riprodhosh në çdo vend të pazhvilluar e në zhvillim; por të paraqitet një program të tillë qeveritar për Kosovën e sotme është mungesë e qartë e vullnetit konstruktiv dhe për më tepër vizionit ekonomik. Mungesa e parametrave sasiorë ekonomikë bëhet me një qëllim të vetëm, që e tërë puna të lihet në amulli dhe ad-hock-izëm si gjithnjë deri më tani. Madje, as në tri vitet e shkuara ne nuk kishim një qeverisje të planifikuar. Fati i një vendi varej nga disponimet e mëngjesit të udhëheqësve tanë e asnjëherë në një program qeverisës. Por kjo këtë herë nuk bën punë. I njëjti kryeministër, i njëjti president së bashku kanë premtuar, janë marrë vesh dhe kanë marrë të drejtën e krijimit të hiç më pak se 35.000 vendeve të reja pune në çdo vit, rritje ekonomike prej 8-10%, ulje të korrupsionit në parametra zero, dyfishim të buxhetit në vitin e dytë qeverisës, dyfishim të pagave dhe mbajtje të qëndrueshmëri buxhetore në vitin e parë, norma të interesit prej 7% po në vitin e parë, ulje të mëtutjeshme të tatimeve, përmirësim të rangimeve katastrofale, dhe përfundimisht, më të rëndësishmen, zbutje të varfërisë në numra njëshifror. Kaq dimë të mbajmë në mend dhe për kaq do të japin llogari.

* * *

Dhe çfarë tash? E para, duhet verifikuar legjitimitetin dhe pikënisja për këtë është te njeriu më konsensual i zgjedhur ndonjëherë në Parlamentin e Kosovës, kryetari i saj. Nëse ai kishte të drejtë për thyerje të Kushtetutës në rastin e ndërhyrjes atëherë është imperative interpretimi i Kushtetueses për të vlerësuar ose jo thyerjen e aktit më të lartë të vendit. Nëse kjo kalohet atëherë qëndrueshmërinë dhe legjitimitetin e kalojmë në stadin e moralit personal, që dukshëm mungon. Por nëse thyerja e kushtetutshmërisë, qoftë me thyerje të rregullave apo shantazhim të vullnetit mbetet në fuqi, atëherë ne kurrë nuk do të jemi të sigurt për një stabilitet dhe kredibilitet në një president ashtu pak kredibil. Kjo po se po edhe mund të jetë një pjesë e dytë e krizës së tetorit, meqë sa herë që kryeministri të dojë zgjedhje të reja e tëra çfarë i duhet të bëjë është thirrja për respektimin e Kushtetutës. Më së paku vendit tonë i nevojitet një president në sqetullat e kryeministrit. E dyta, nëse padëgjueshmëria është bërë standard i prodhuar nga çdokush që ka ndonjë të drejtë vendimmarrëse, atëherë është po aq korrekte “t’i jepet Cezarit atë çfarë i takon” një padëgjueshmëri qytetare. Nëse kosovarëve u ofrohet kryeneçësi, shtyrje me gjoks, dhunim i demokracisë, mosrespektim i vullnetit përtej çdo marre, them se shoqëria jonë duhet të ngre zërin dhe t’u thotë po të njëjtëve se ne kemi një vijë të cilën nuk e kalojmë dot; dhe se aty ku mbaron klandestinizmi institucional fillon padëgjueshmëria dhe refuzimi i sistemeve shtetërore nga të gjithë. Le të refuzojmë çdo institucion, çdo vendim, çdo ligj, çdo rregull, e çdo perspektivë në këtë format. Në fund të fundit kjo është vlera që po na promovohet dhe servohet edhe nga miqtë tanë të huaj, të huaj me plot kuptimin e fjalës.
E treta, objektivat zhvillimore që tentohen të kamuflohen me një program të mbështetur në parametra cilësorë e jo sasiorë janë të kota, jokorrekte dhe të paqëndrueshme. Me kaq nuk do të maten. E katërta, nëse çdo vendim politik, ekonomik dhe ligjor i prodhuar nga këto institucione është zë i pakicës shqiptare atëherë ne, sistemi ynë, përkrahja e pamatur e miqve të huaj (me apo pa kërcënime), e çdo hap i vogël e i madh në këtë anarki, kanë prodhuar një monstrum demokratik, mundësi për jostabilitet shtetndërtues dhe pasiguri në çdo vendim të nxjerrë për aq sa ka jetë. Çdo ligj, çdo vendim, çdo licencë, çdo shitje mund të jetë pronë e kontestueshmërisë nga një strukturë Qeverisëse tjetër, mund të jetë nxitje e pakënaqësive sociale të artikuluara nga zërat opozitarë, mund të jetë barrierë serioze e mundësisë për rimëkëmbje ekonomike. Çfarë kemi bërë kështu?!

[ganimet]

[QUOTE=Kosovelli;3016815]

tu kusuves deshti ta ringjall xha enverin,e hasha e bani predsednik kosova gospodin pacollin.tash prva dama kosova eshte Masha Pacolli.

per presednik e kemi pas edhe brahim dinarin nga cerca e Istogut, te cilin nena e tij e kishe linde nje vite pasi i kishte vdek burri.

Aj Rugova skish pas dasht hiq me dal prej barkut te nanes se vet, po sdi si u ba puna e duel.. se kish pas than ma mir po rri qitu se me dal e mo jetu me njerz budall.

[drenicaku]

suksese pacollit..
ju bej thirrje..leni inatet e ta duam e nderojme presidentin tone..

A i ndrrojna me bamir topin,yst po ta dhem edhe hashimin me gjith flamur

[drenicaku]

Medijat ne Serbi kan vetem nje Bashkpuntore ne Kosove Kohen Ditore te Veton Sorres te cilen e Citojn ne gjdo raste dhe gjdo qeshtje qe ka te bej me Kosoven Mediat serbe gjithashtu jan te rradhitura ne nje Linje me KOHEN kunder Presidentit te Kosoves Behgjet Pacollit .


Ja si citohet Koha Ditore e Veton Sorres nga mediat e serbis ne ket raste nga bashkpuntorja e saje e ngushte BLIC-SERBIA


http://www.blic.rs/Vesti/Politika/23...ine-i-Beograda

E vetmja medi e pamvarur deri me sot,vetem perpara

[drenicaku]

ka sa ish nafta anej

Morra naft vetem kur ju thash se jam me hashimin,ata po bajshin be ne kry te hashimit, po bejm qfar po dojm,bile kush shtremt nuk guxon me na shiqu, se menjeher e thrrasim hashen

[drenicaku]

Eshte interesante keta gazetaret po edhe politikanet kur jan ne opozite veq kritikoin,po nuk ofroin asnje zgjidhje,leht eshte me shiqu prej shpati e me llomotit keq kjo e keq ajo e kurre mos me tregu si behet mire.

Pse a po te dhimet qe po e kritikoin a,apo sipas teje nuk ka vend per kritika,qdo qeveri eshte shenjester e kritikave,edhe ne vendet me te zhvilluara kritikohet qeveria,e jo kjo e jona qe jeten na e ka ber ferr,jo me kritiku por.............

[Drenica 97]

Pse a po te dhimet qe po e kritikoin a,apo sipas teje nuk ka vend per kritika,qdo qeveri eshte shenjester e kritikave,edhe ne vendet me te zhvilluara kritikohet qeveria,e jo kjo e jona qe jeten na e ka ber ferr,jo me kritiku por.............

e cka jini ma te mire ju qe kritikoni,cili eshte programi juaj politik,ekonomik,social,nuk keni fare program,partit opozitare jan shendrru ne shoqeri aksionare BOSS i te cilave eshte veton surrovi.

kritika pa ofru asnje zgjidhje eshte me ja fut kot,ne vendet me te zhvilluara kritikohen politikat,vendimet e qeverive dhe ofrohen alternativa,cila eshte alternativa e opozites,alternativa e tyre eshte zbritni ju hashim e behxhet se po doina me hyp na mustafa,haradinaj,kurti edhe surroin dom me ba minister te punve te jashtme se ja ka lan trashegim baba.......

[ARIANI_TB]

Pacolli votoi qeverinë, shkeli Kushtetutën
Publikuar: Sot, më 27 shkurt 2011

Prishtinë, 27 shkurt - Vetëm pak minuta pasi është zgjedhur president, Behgjet Pacolli ka shkelur Kushtetutën, shkruan sot “Koha Ditore”.
Në cilësinë e kreut të shtetit, ai ka votuar kabinetin qeveritar gjatë seancës së jashtëzakonshme të Kuvendit, e cila është mbajtur me 22 shkurt.
Pacolli shihet në xhirimin televiziv dhe në shumë foto me dorën e ngritur lart, duke e votuar kabinetin “Thaçi 2”.
Presidentin i ri duket se nuk e ka pasur parasysh faktin se Kushtetuta nuk ia lejon që të ushtrojë asnjë funksion tjetër publik, pas dhënies së betimit.
E në fakt, posti i deputetit kualifikohet si funksion i tillë.
Pacolli ka ndikuar në rezultatin e votimit të Qeverisë. Ka bërë që numri i mbështetësve të qeverisë së re, të rritet në 65. Se Pacolli ka votuar atë ditë, konfirmohet në bazë të numrit të përgjithshëm të deputetëve në sallë.
Kryetari i Kuvendit, Jakup Krasniqi, para se t’i ftonte deputetët në votim, saktësoi se të pranishëm ishin 66 deputetë.
Pas votimit, në të cilin merr pjesë edhe Pacolli, Krasniqi konfirmon se 65 deputetë kanë votuar për dhe vetëm një kundër.
Rada Trajkoviq ka qenë ajo që e ka kundërshtuar përbërjen e qeverisë, bile duke i ngritur tre gishtërinj lart.
Gjatë votimit të qeverisë, shihet se mungon një deputet që ka qenë i pranishëm, kur është zgjedhur presidenti. Mësohet se ai ka qenë i komunitetit serb.
Ushtruesi i detyrës së presidentit të AKR-së, Ibrahim Makolli, nuk është në dijeni, nëse Pacolli ka votuar për qeverinë.
“Them sinqerisht se nuk e di”, ka thënë ai.
Por kur i është sqaruar se pamjet televizive dëshmojnë se ai ka votuar, Makolli është përgjigjur: “Ndoshta në atë kohë, Pacolli ka qenë ende në mandatin e deputetit”.
Mirëpo, profesori i së drejtës kushtetuese, Arsim Bajrami, thotë se presidenti nuk ka mundur të votonte në Kuvend, pas dhënies së betimit.
“Prej momentit, kur ai (presidenti v.j) e jep betimin, fillon t’i rrjedhë mandati. Dhe, në bazë të Kushtetutës, ai nuk mund të këtë asnjë funksion në parti politike e as ndonjë funksion tjetër publik”, ka deklaruar ai, nëpërmjet një bisede telefonike.
Bajrami ka sqaruar se momenti i betimit të presidentit shënon edhe fillimin e kufizimeve kushtetuese për njeriun e parë të shtetit.
Edhe pse ka qenë njëri nga anëtarët e Komisionit për hartimin e Kushtetutës, Bajrami nuk ka parapëlqyer që ta bënte vetë kualifikimin e shkeljes që ka bërë Pacolli.
“Unë vetëm mund t’ju garantoj se nga momenti kur e jep betimin, ai është president i zgjedhur. Kualifikimin zyrtar, në bazë të Kushtetutës, e bën Gjykata Kushtetuese”, ka thënë ai.
Një njohës tjetër i çështjeve juridike-kushtetuese, duke mos dashur t’i përmendet emri në gazetë, e ka ndërlidhur rastin e Pacollit më atë të pararendësit të tij, Fatmir Sejdiu.
“Nëse ish-presidenti Fatmir Sejdiu e ka shkelur pikën 2 të nenit 88 të Kushtetutës së Kosovës, Behgjet Pacolli e ka shkelur pikën 1 të po të njëjtin nen. Pasi Sejdiu, ka bërë shkelje duke kryer funksionin e kryetarit të LDK-së, Pacolli ka bërë shkelje duke e mbajtur postin e deputetit. Prandaj, nëse ngrihet ky rast në Gjykatë Kushtetuese, atëherë edhe verdikti i kësaj gjykate do të ishte i njëjtë si në rastin e Sejdiut”, ka thënë ky ekspert kushtetues.
Në nenin 88, pika 1 të Kushtetutës thuhet në mënyrë decidive: “Presidenti nuk mund të ushtrojë asnjë funksion tjetër publik”.
Ndërsa pika 2 e të njëjtit nen, precizon: “Pas zgjedhjes, Presidenti nuk mund të ushtrojë asnjë funksion në parti politike”.
Ndryshe prej Sejdiut, Pacolli ka dhënë dorëheqjen nga anëtarësia dhe nga të gjitha funksionet në Aleancën Kosova e Re, brenda pak orësh pasi është zgjedhur president. Mirëpo, në momentin kur ka votuar për zgjedhjen e qeverisë ai ende ka qenë president i AKR-së.
Atë ditë, ai e ka pranuar se po e merrte një detyrë sa të rëndë, po aq edhe sfiduese.
“Nuk e them se dikush tjetër do ta kishte më të lehtë, sfidat janë për t’u tejkaluar, e detyra ime e re është sfida e radhës”, ka thënë Pacolli gjatë fjalimit në Kuvend. “Institucioni të cilin përfaqësoj do të garantojë unitet, stabilitet dhe jam tërësisht i dedikuar t’i shërbej atij funksioni”.
Zgjedhja e Pacollit president është duke u përcjellë me reagime negative, jo vetëm nga partitë opozitare dhe një pjesë e madhe e shoqërisë civile, por edhe nga personalitete që kanë ndikim në PDK.
Kryetari i Kuvendit, Jakup Krasniqi, dhe nënkryetari i PDK-së, Fatmir Limaj, edhe publikisht kanë deklaruar se kanë votuar kundër tij.
Krasniqi ka bërë të ditur se kryetari i PDK-së, Hashim Thaçi, u ka bërë presion deputetëve që t’ia jepnin votën Pacollit, duke u thënë se, nëse votojnë kundër tij dhe vendi shkon në zgjedhje të parakohshme, ata nuk do të futeshin në listat e kandidatëve për deputetë.
Nisur nga kjo, ai ka thënë se vota reale për Pacollin ka qenë ajo e raundit të parë. E në atë raund, Pacollin e kanë mbështetur vetëm 54 deputetë.
Ndërkohë, LDK-ja dhe AAK-ja kanë paralajmëruar se do të kërkojnë interpretimin e Gjykatës Kushtetuese, nëse zgjedhja e presidentit është bërë konform Kushtetutës dhe Rregullores së punës së Kuvendit.
Si çështje kontestuese, këto dy parti i marrin: mungesën e kuorumit në dy raundet e para të votimit si dhe ndërprerjen e procesit të votimit para raundit të tretë. Sekretari i përgjithshëm i LDK-së, Ismet Beqiri, ka paralajmëruar se “rasti Pacolli”, do të përcillet në Kushtetuese javën e ardhshme.
Mirëpo, Pacolli një ditë më herë është shprehur i gatshëm që të përballet me Kushtetuesen.
“Unë kam kaluar me 90 për qind të votave të deputetëve, të cilët ishin në sallë”, ka thënë ai, të premten.
Por, atë ditë, ai nuk e ka pasur parasysh faktin se ka votuar në cilësinë e presidentit.

Legjenda1: Behgjet Pacolli, duke votuar Qeverinë, pasi është zgjedhur president. Kjo është kundër pikës 1 të nenit 88 të Kushtetutës së Kosovës, e cila thotë: “Presidenti nuk mund të ushtrojë asnjë funksion tjetër publik” dhe pikës 2 të po të njëjtit nen që thotë: “Pas zgjedhjes, Presidenti nuk mund të ushtrojë asnjë funksion në parti politike”

Legjenda2: Vetëm pak minuta pasi është zgjedhur president, Behgjet Pacolli ka shkelur Kushtetutën. Pamje televizive gjatë votimit të Qeverisë

[ARIANI_TB]

Befasitë e bisedimeve me SerbinëAdrian Çollaku | 27-02-2011 08:47 CET (E plotësuar) Fillimi i shpejtë i bisedimeve direkte me Beogradin, i paralajmëruar nga zyrtarët e lartë të Bashkimit Evropian se do të ndodhë brenda pak javësh, mund t’i zërë në “befasi” institucionet e Kosovës.

Ekzekutivi i vendit, ndonëse ka caktuar edhe bartësin (Edita Tahiri) të procesit të bisedimeve me Serbinë, megjithatë ende nuk e ka bërë publike agjendën e bisedimeve. Për më tepër, ende nuk dihet nëse Prishtina zyrtare ka një platformë të qartë të bisedimeve dhe nëse kjo platformë duhet të kalojë apo jo edhe nëpër “filtrat” e Kuvendit të Kosovës.

Nga ana tjetër, partitë politike dhe shoqëria civile, kanë kërkuar transparencë nga institucionet e Kosovës, në agjendën e bisedimeve si dhe kanë kërkuar që për këtë çështje kaq të ndjeshme të merret “leja” nga ana e organit më të lartë qeverisës në vend, Kuvendit.

Kabineti i shefes së diplomacisë evropiane, Catherine Ashton, ka bërë me dije se përgatitjet për të nisur dialogun Prishtinë-Beograd janë në fazën finale.

BE: Konsultimet për dialog në fazën finale

Zëdhënësja e baroneshës Ashton, Maja Kocijançiq ka bërë të ditur se BE-ja po zhvillon konsultimet e fundit me palët. “Ne po kryejmë raundin final të konsultimeve para dialogut Prishtinë-Beograd. Presim që pas këtij raundi, dialogu të fillojë në javët e ardhshme”, ka thënë për Radion Evropa e Lirë zëdhënësja e kabinetit të Ashtonit, Maja Kocijançiq.

Ajo ka thënë se ka shumë fusha ku pritet të diskutohen në bisedimet ndërmjet Prishtinës e Beogradit.

“Ka shumë fusha ku ekziston nevoja për të promovuar bashkëpunimin dhe zhvillimin e raporteve, si: regjistrimi civil, aviacioni dhe tabelat e veturave. Pritet që të jetë proces hap pas hapi, ku të dyja palët do të tejkalojnë çështjet specifike në atë mënyrë për të cilën të dyja palët janë pajtuar t’iu qasen”, ka thënë Kocijançiq.

Pavarësisht këtyre deklarimeve, burime ndërkombëtare i kanë thënë gazetës se në këto bisedime do të diskutohen edhe çështjet politike, sidomos çështja e veriut, do të jetë një nga çështjet e para që do të diskutohet, sidomos kur kemi parasysh qëndrueshmërinë e qeverisë së re.

Edhe vetë fakti i emërimit të zëvendëskryeministres Edita Tahiri në rolin e shefes së ekipit kosovar në këto bisedime, nga shumë analistë dhe nga opozita është parë si provë e mjaftueshme bisedimet do të jenë të nivelit politik.

Se do të ketë bisedime politike nuk i ka përjashtuar as presidenti i vendit, Behgjet Pacolli. Gjatë qëndrimit në Mitrovicë, i pyetur se a do të përfshihet veriu si temë e bisedimeve ndërmjet Prishtinës e Beogradit, Pacolli nuk ka dashur që të komentojë shumë rreth kësaj çështjeje, por vetëm ka thënë se grupi i bisedimeve është në përgatitje e sipër dhe ata kanë agjendën, e vet e cila është e mbështetur nga, siç është shprehur ai, “miqtë tanë ndërkombëtarë, Qeveria e Kosovës dhe Presidenca”.

Opozita dhe shoqëria civile kërkon transparencë

Deputeti i partisë më të madhe opozitare në vend, Gauk Konjufca, ka thënë se platforma e bisedimeve duhet domosdo të kalojë edhe nëpër Kuvendin e Kosovës. “Në mbledhje të Kryesisë së Kuvendit të Kosovës e kam ngritur këtë çështje që negociatat patjetër të kalojnë nëpërmjet Kuvendit dhe e kam kritikuar këtë punën e emërimit të kryenegociatores, derisa nuk është diskutuar fare nëse bën apo jo dhe ne jemi informuar prej medieve”, ka thënë ai.

Sipas tij, qeveria nuk bën në asnjë formë ta anashkalojë Kuvendin për këtë çështje kaq të ndjeshme për vendin.

Ndaj paralajmërimit të fillimit të shpejtë të bisedimeve me Serbinë të shtunën ka reaguar edhe Klubi për Politikë të Jashtme. Sipas këtij klubi, mënyra se si qeveria po i qaset këtij procesi, ngrit shqetësime serioze për ecurinë e tij, por mbi të gjitha për pasojat që do të mund të prodhohen në raport me interesat shtetërore.

“KPJ vlerëson se i tërë procesi i bisedimeve duhet të jetë konsensual dhe duhet t’i nënshtrohet verifikimit të Kuvendit të Kosovës”, thuhet në reagimin e KPJ-së.

Sipas këtij klubi, nisja e takimeve të para negociatore dhe emërimi i zyrtarit që do t’u prijë bisedimeve, tregojnë se z. Thaçi ia ka mësyrë këtij procesi pa përfillur opozitën dhe pa përfillur Kuvendin e Kosovës. “KPJ konsideron se Kuvendi i Kosovës është vendi ku procesi negociator duhet fillimisht të diskutohet e më pas të aprovohet fillimi i tij”, thuhet ndër të tjera në reagim.

Derisa zyrtarë të lartë shtetërorë nuk kanë shprehur gatishmëri që të flasin dhe të japin detaje lidhur me bisedimet direkete me Beogradin, zëvendëskryeministrja e Kosovës, Mimoza Kusari- Lila i ka thënë “Zërit” se patjetër se këto bisedime duhet të kalojnë edhe në Kuvend. Sipas saj, qeveria nuk mundet e vetme të hyjë në këto bisedime, por sipas saj në to duhet të përfshihet i tërë spektri politik.

KPJ-ja ka paralajmëruar qeverinë se nëse ajo do të devijojë nga vendimmarrja konensuale për hyrje në bisedime, ajo e rrezikon potencialisht stabilitetin e vendit.

[drenicaku]

e cka jini ma te mire ju qe kritikoni,cili eshte programi juaj politik,ekonomik,social,nuk keni fare program,partit opozitare jan shendrru ne shoqeri aksionare BOSS i te cilave eshte veton surrovi.

kritika pa ofru asnje zgjidhje eshte me ja fut kot,ne vendet me te zhvilluara kritikohen politikat,vendimet e qeverive dhe ofrohen alternativa,cila eshte alternativa e opozites,alternativa e tyre eshte zbritni ju hashim e behxhet se po doina me hyp na mustafa,haradinaj,kurti edhe surroin dom me ba minister te punve te jashtme se ja ka lan trashegim baba.......

Une nuk jam qeveri per te pas program,une jam vetem nje qytetar qe apsolutikisht nuk jam i knaqur me asgje qe ka punua qeveria,ne vend qe te shkoim perpara ne po shkoim mbrapa,qe nje vit po merremi me zgjedhje rizgjedhje numrime rinumrime zgjedhje te presednikut(dhenrrin rus) dhe po vendnumroim.
Korrupcioni eshte si askund ne bot,investime nuk ka,papunsia eshte me e larta ne bot,infrastruktura(vetem sot nuk kam pas rrym tri ore),shkollimi katastrofal,siguria zero shteti nuk kontrollohet nga qeveria,mjeksia si ne afrik une nuk di se qka ti je i knaqur me kete qeveri.
Dhe po thua pse po kritikoim.
Nese ke deshir per hater tend mund edhe te genjejm por nuk na ben nder.
Hajde te themi se kosova sot per kok te banorit ka te ardhurat me te larta ne evrop(genjeshter
Ne kosove sot ne dit kerkoin azil me dhjetra gjerman e zvicerran(genjeshter)
Investitoret kan investu ne kosove me shume se ne qdo vend tjeter(genjeshter
Arsimi vetem student te huaj sot kemi me qindra sepse studimet jan atraktive(genjeshter.
Mesuesi ne kosve merr 2000 evro(genjeshter )
Ushtaret e kosoves sot ne shume vende luftoin per demokraci per krah aushtarve gjerman e amerikan(genjeshter.
RRym prodhojm edhe per export(genjeshter
Dhe ne fund lumet na qe e kemi kete qeveri(genjeshter
Une nuk po di a ta kam plotesu deshiren,nese po me thuaj se qdo her do ta bej per hater tend,por e din edhe ti qe keta politikaj qe i kemi nuk jan as me dele me i qu se i humbin te gjitha e jo te ndertoin shtet,por koha po e ngrenka edhe kashten,sidoqoft zerin duhet ngritur kete mundesi e kemi deri sa na e qepin sepse ne diktatur edhe kete mund ta bejn