Kriza greke

[Gameness]

ATHINE- “Greqia ndodhet në skaje” – kështu e titullon shkrimin e saj kryesor sot, gazeta greke “To Vima”, e cila bën një analizë të situatës së krijuar në vend, pas vizitës së fundit të Trojkës, e cila u largua duke marrë me vete refuzimin e ministrit të Financave për masa të reja.

Zëvendëskryeministri dhe ministër i Financave Evangelos Venizelos, pas ndërprerjes së bisedimeve me Trojkën, tha se "nuk mund të merrte përgjegjësinë për masa të tjera, pa folur më parë me kryeministrin."

Ekipi i Trojkës do të kthehet në Greqi pas dhjetë ditësh dhe kreu i tij z. Thomsen tha se "ne nuk mund të kalojmë përgjegjësitë tona" dhe se "një zgjidhje duhet të kërkohet në nivel më të lartë."

Ministri Venizelos ka pranuar se recesioni është i thellë dhe indirekt, që deficiti është më i lartë.

Ndërkohë që sipas shtypit, kërkohet shkurtimi i 50 000 vendeve të punës në administratë, FMN duhet të marrë vendimin urgjent për këstin e gjashtë të ndihmës për Greqinë, pasi në arkën e shtetit ka para vetëm për pagesat e muajit shtator.

Kjo klimë po ravijëzon skenaret e zgjedhjeve të parakohsme pavarësisht nga fakti se kryeministri Jorgos Papandreu nga foltorja e Konferencës me rastin 37 vjetorit të krijimit të PASOK deklaroi se "njerëzit do të na gjykojnë në vitin 2013". Mbështejta për partinë e tij PASOK ka rënë nën 20%, duke bërë që Demokracia e Re të jetë në avantazh të dukshëm, ndërkohë që shumica e qytetarëve kërkojnë një qeveri koalicioni, që do ta nxirrte vendin nga kriza.
(s.g/balkanWeb)

http://www.balkanweb.com/rajoni/2687...jne-69256.html

[Gameness]

(jasht, jasht...)

ATHINE- Rreth 75% e të rinjve duan të ikin nga Greqia. Ankthi i papunësisë i bën ata të hedhin sytë jashtë vendit, si e vetmja zgjidhje për një të ardhme më të mire.

Në një kohë kur papunësia po rritet në mënyrë të shfrenuar në Greqi, njerëzit kërkojnë mundësi të reja dhe një prej tyre është largimi jashtë vendit për një të ardhme më të mirë.

4 nga 10 grekë sipas sondazheve, janë gati për të ikur, nëse u jepet mundësia.

Tek të rinjtë e moshës 18-24, të cilët janë të prekur veçanërisht nga papunësia, shifra është 75%, ndërsa në grupmoshën 25-44, norma është 50%.

Edhe vetë prindërit, në masën 53% thonë se duan që fëmijët e tyre të ikin nga Greqia.
(Anila Jole/BalkanWeb)

http://www.balkanweb.com/rajoni/2687...iza-69267.html

[Gameness]

Sëmundja e SIDA-s po merr përmasa alarmante në qendër të Athinës, e kthyer me kohë në “geto” nga klandestinët afrikano-aziatikë dhe narkomanët.


Edhe në mes të ditës përgjatë rrugës 3 Shtatori, një nga arteriet kryesore të qendrës së Athinës, kalimtarët hasin femra që me veshjen dhe vështrimin e tyre tundues peshkojnë për “klientë”. Vajza të reja, shumica me ngjyrë, kryesisht nga Nigeria dhe nga vende të tjera të Afrikës nga zona e Subsaharasë, por edhe të bardha nga vendet fqinj përrreth që shesin trupin e tyre për 30 euro. "25 bashkë me hotelin" u pëshpërit kalimtarëve një nigeriane në rrugën Hallkokondili, Anisa, që largohet sapo kupton qëllimin e bisedës sonë duke kërkuar me sy tutorin e saj, para kioskës përballë, dhe nuk pranon të thotë asnjë fjalë më tepër për reportazhin tonë.

Afrikano-aziatiket pa kulturë kontraceptive

Në pjesën e tyre dërrmuese viktima të trafikimit dhe secila me dramën e saj në duart e tutorëve, këto vajza tërheqin tani vëmendjen e shoqërisë greke për një arsye tjetër: seksi i tregtuar dhe pa masa kontraceptive, siç ndodh në me shumicën e tyre, evidentohet si shkaku kryesor i rritjes galopante prej 580% të rasteve të SIDA-s dhe të sëmundjeve të tjera infektive si sifilizi dhe hepatiti B dhe C gjatë vitit të fundit. Kjo shifër mësohet nga një studim i Qendrës së Kontrollit dhe Parandalimit të Sëmundjeve.

"Faktori më kryesor ndër këto vajza që vijnë nga vendet afrikano-aziatike mendoj se është mungesa e kulturës seksuale, nuk merret asnjë masë preventive si tabletat konraceptive apo prezervativi në marrëdhëniet seksuale", i thotë DW-së mjeku gjinekolog Jorgo Mano, i cili sheh arsye më të thella ekonomiko-sociale të këtij fenomeni të favorizuar dhe nga apatia politike. "Shteti jo vetëm që ka përgjegjësi për prostitucionin e pakontrolluar por edhe për masat që nuk merren, pasi këto refugjate nuk kontrollohen kur hyjnë në kufi. Madje duhet të futen në karantinë para se të qarkullojnë në shoqërinë greke dhe në shoqërinë evropiane."

Apel nga ministri i Shëndetësisë drejtuar burrave grekë edhe imigrantë

"Bombë në themelet e shoqërisë” e konsideron fenomenin e përhapjes së sëmundjeve infektive edhe ministri i Shëndetësisë Andreas Lloverdhos, që sheh nënvleftësim të tij jo vetëm nga strukturat shtetërore, por edhe nga mediet dhe shoqëria vetë. “ I drejtohem qytetarit grek, të mos bëhet klient i këtyre grave. Duhet që qytetari grek të evitojë kontaktin me këto gra, por edhe imigranti që është këtu duhet t'u qëndrojë larg, që të mos përcjellim problemin në familjet tona", është apeli dramatik i ministrit aktiv që njëkohësisht thekson në të gjitha tonet se problemi nuk është vetëm grek, por është edhe evropian. Ai kërkon madje zbatimin e një "FRONTEX-i higjenosanitar" si një barrierë për parandalimin e përhapjes së sëmundjeve infektive nëpërmjet prostitutave afrikano-aziatike që synojnë të kalojnë tranzit nga Greqia nëpër vendet evropianoperëndimore.

Sheshi Sintagma në AthinëSheshi Sintagma në Athinë

"Versioni shqiptar" i prostitucionit

Pjesë e pandarë edhe e kësaj ane të realitetit grek janë imigrantët shqiptarë si Vladimir Dhima, që frekuenton shpesh sheshin Omonia, dhe ku nuk ngurrojnë të flasin edhe për “mëkatin” e tyre në përhapjen e fenomenit. "Shkojnë jo vetëm shqiptarë të pamartuar por edhe ata që kanë krijuar familjet e tyre. Është një rrezik i madh për familjet dhe sidomos fëmijët që kështu nuk e kanë të garantuar jetën nga rreziku i SIDA-s", shprehet Vladimiri kur statistikat thonë se rreth 1 milionë vetë të popullsisë së aftë për seks në Greqi janë klientë të prostitucionit rastësor ose periodik. Vladimiri pranon me 'dhimbje' edhe faktin se ndër prostitutat janë edhe shumë shqiptare, që kriza i shtoi edhe më tepër." Janë edhe shqiptare, por edhe romune e sidomos bullgare. Janë të trafikuara por ka edhe nga ato që e bëjnë me vullnetin e tyre, ose nxirren forcërisht në rrugë nga burrat e tyre", thotë Vladimiri që megjithëse shprehet i rreptë për 'doraset' nuk mund të mos pranojë se 'në thelb këto gra janë viktima në radhë të parë vetë'. Aq më tepër për rastet kur preken edhe nga virusi i SIDA-s. "Vetë unë kam trajtuar raste të femrave nga Shqipëria që janë pekur nga SIDA", pohon mjeku Jorgo Mano.

Rritje e shfrenuar 1.000 % e SIDA-s ndër narkomanët

Aty ku SIDA bën kërdinë janë narkomanët, që sa herë ndiqen nga policia vetëm sa ndërrojnë rrugë apo shesh ku me shiringat e drogës në dorë flirtojnë me “parajsën iluzive” dhe vdekjen. Si në sheshin Klafthmonos, para Ministrisë së Punës, ku nuk mund të kalosh përmes lulishtes nga era e rëndë. "Jam dëshmitar okular përditë këtu i pamjeve të turpit që shpalosen para syve të mi. Mëngjes, drekë, darkë marrin drogë me shiringa, këtu flenë, këtu bëjnë nevojën e tyre, kërcënojnë, bëjnë sherr dhe vjedhin dyqane, katër herë e vodhën dyqanin përbri", i thotë DW-së banori i zonës Sofoklis Beqiraqis, që flet për 'vatra infeksioni' po aq të rrezikshme sa prostitucioni dhe shiringat në përhapjen e SIDA-s dhe të sëmundjeve të tjera infektive. Në radhët e narkomanëve rastet e SIDA-s janë shtuar 1.000% vitin e fundit paralajmëron Qendra e Konrollit dhe Parandalimit të Sëmundjeve, e cila që nga data 9 qershor dërgon në sheshet e Athinës ekipe ambulante mjekësore. "Në Evropë i akordohen çdo narkomani 30 shiringa në vit, kurse në Greqi vetëm 3", i thotë DW-së mjeku epidemiolog i Qendrës Jorgos Nikollopullos, i cili kërkon "trajtim antiretroik nëpër spitale, informim më të mirë dhe me fletushka në gjuhë të huaja për imigrantët."

Rivendosja e normalitetit në qendër të Athinës është një imperativ për mbrojtjen në radhë të parë të shëndetit publik. "Nuk është vetëm SIDA, është hepatiti, janë dhjetëra sëmundje, akoma edhe kolerë do të bjerrë këtu", thotë Beqiraqis, që e kupton mirë se kriza e mahisi plagën dhe aksionet e policisë vetëm sa e zhvendosin problemin. Duhen nisma si ajo e ministrit të Shëndetësisë, që nga data 12 shtator hap dyert e spitaleve për trajtimin me metadon të narkomanëve.

Autor: Niko Anagnosti

Redaktoi: Vilma Filaj-Ballvora

http://www.dw-world.de/dw/article/0,...ed-alb-609-xml

[Gameness]

(ncuk-ncuk...)

Reforma financiare në Greqinë e zhytur në borxhe po ecën më ngadalë nga sa shpresohej. Kreditorët ndërkombëtarë i kërkuan qeverisë në Athinë të ripunojë buxhetin për vitin 2012. Edhe për Italinë pati paralajmërime.


Për shkak të paqartësive, përfaqësuesit e të ashtuquajturës Trojka për Greqinë, BE, Banka Qendrore Evropiane dhe FMN, e pezulluan përkohësisht shqyrtimin e masave të kursimit të Greqisë dhe u larguan nga Athina. Edhe shifrat e reja nga Greqia nuk kontribuojnë për qetësimin e situatës: sipas vlerësimeve të paraqitura nga ministri i Financave Evangelos Venizelos, ekonomia greke këtë vit mund të tkurret me rreth 5%, pra shumë më tepër nga sa pritej fillimisht. Kjo mund të cënojë edhe aftësinë e Athinës për të arritur objektivin e saj për reduktimin e deficitit buxhetor.

Nga qarqet e BE-së u tha se ka përfytyrime të ndryshme për shifrat e Athinës për deficitin dhe se si duhet trajtuar ai. Zyrtarisht BE, Banka Qendrore Evropiane dhe FMN në një deklaratë të përbashkët thanë se do t'u japin kohë autoriteteve greke të përfundojnë punën e tyre. Pritet që deri në mes të muajit shtator grupi i punës të rikthehet në Athinë për të përfunduar vlerësimin dhe për të vazhduar bisedimet.

Ministri grek i Financave Evangelos Venizelos.Ministri grek i Financave Evangelos Venizelos. Athina përpiqet të qetësojë

Athina ndërkaq u shpreh me nota qetësuese: ndërpreja e punës së kontrollorëve ka qenë e planifikuar, deklaroi Venizelos, ndryshe nga raportet nga Brukseli. Trojka ka ngulur këmbë për reforma më të shpejta strukturore dhe ka dashur të shohë projektbuxhetin për vitin e ardhshëm, thuhet në raportet që flasin për diferenca mes palës greke dhe Trojkës. M.q.s. projektbuxheti nuk do të jetë gati para javës së ardhshme, bisedimet do të vazhdojnë pas dhjetë ditësh. Një ditë më parë dha dorëheqjen kryetari i Zyrës së sapongritur të Buxhetit në Greqi, pas mosmarrëveshjeve me Ministrinë e Financave.

Evangelos Venizelos, ministri grek i Financave, e kishte cilësuar këtë instancë të paaftë, pasi ajo kishte shprehur dyshime për arritjen e objektivave të kursimit. Ministri i Financave theksoi se qeveria nuk do të marra asnjë masë të re për shtimin e të ardhurave buxhetore, përtej atyre të miratuara nga Parlamenti.

Paralajmërime për Italinë

Edhe problematika e borxheve të Italisë është rivendosur në fokus: në një intervistë për gazetën italiane "Il Sole 24 Ore", shefi i Bankës Qendrore Evropiane Jean-Claude Trichet, i bëri thirrje Italisë të vërë në jetë paketën e kursimeve për reduktimin e krizës së borxheve. Qeveria në Romë në fillim të gushtit njoftoi masa kursimi me një volum prej 45,5 miliardë eurosh, por pak ditë më parë vendosi ndryshime në paketë.

Ngjarjet në Itali vëzhgohen me vëmendje edhe nga Brukseli. Një zëdhënës i komisionerit për politikën monetare, Olli Rehn, deklaroi se objektivat e miratuar të kursimit në Itali nuk mund të vihen në pikëpyetje.

Njoftime pozitive pati për Irlandën dhe Portugalinë. FMN miratoi këstin e radhës të kredisë për Irlandën. Edhe BE dha dritën e gjelbër për mbështetje të mëtejshme financiare për Irlandën. Portugalia, e cila mbështetet me 78 miliardë euro nga partnerët ndërkombëtarë, sipas një njoftimi të BE-së do të marrë këstin e radhës prej 11,5 miliardë eurosh.

Njoftime pozitive vijnë edhe nga Madridi: Parlamenti miratoi me shumicë të qartë vendosjen e një mekanizmi frenues për borxhet. Tani ai duhet miratuar nga Senati, ku nuk pritet të ketë pengesa.

Autor: Marko Langer / E. Xhani (dapd, dpa rtr)

Redaktoi: Bahri Cani

http://www.dw-world.de/dw/article/0,,15362605,00.html

[Gameness]

Në Athinë, 20-30 vjeçarët quhen "brezi 700". Ata kanë shkollim të mirë, por fitojnë vetëm rrogën minimale me të cilat nuk mund të jenë të pavarur, as të themelojnë familje.


Kur Panajotis Cacaklas bisedon me klientët, ai ndihet mirë: që prej tri vjetësh 28 vjeçari punon në një kompani të madhe ofruese të shërbimeve me celularë, kujdeset për klientët. Por shumë para ai nuk mund të fitojë me punën e tij.

"700 euro. Nuk është më e mira që mund të gjesh, por unë jam më se i lumtur që kam punë dhe arrij në njëfarë mënyre ta shtyj", thotë ai.

Beqarët kanë nevojë për më shumë

Në orën 14 Panajotis e mbyll dyqanin. Vetëm tri orë më vonë dyqani në lagjen e Athinës Ampelokipi do të hapet sërish. Panajotis dhe kolegët e tij e shtyjnë kohën deri atëherë në qendër të qytetit, sepse thuajse për asnjërin nuk ia vlen të shkojë në shtëpi e të kthehet sërish. Në bisedat e kolegëve dëgjon që ata janë të të njëjtit mendim, se kur je beqar mund të mbijetosh edhe me pak para. Por të qenë i lumtur të duhet më shumë se kaq, mendon Niko Bourbulias, një ekonomist i diplomuar: "Nuk bëhet fjalë që të mbijetosh. Fjala është që të bësh një jetë njëfarësoj cilësore. Kur ke dy fëmijë, punon nga mëngjesi në darkë dhe kur nuk ke kohë për familje, kur nuk arrin të dalësh për qejf të paktën një herë në javë, atëherë nuk ke mund të thuash se bën jetë cilësore. Ti jeton për të punuar."

Këtë problem e njohin mirë edhe Rallou Santarinaiou dhe shoku i saj, Anton Darwiras. Çifti jeton që prej një viti bashkë. Ata jetojnë në një apartament me dy dhoma, të mbajtur mirë, 55 metra katrorë. Për mirëmbajtjen e apartamentit, ata morën një kredi. Por pastaj Antoni ngeli papritur i papunë: "Është shumë e vështirë. Nuk dalim më për qejf, hamë vetëm gjërat më të nevojshme, shpesh ushqimet na i sjellin prindërit, gatuajnë dhe bëjnë pazarin për ne."

Në kërkesë pune

Në Greqi, një i papunë merr një shumë aforfe prej më pak se 450 eurosh në muaj. Për një vit. Pas kësaj nuk ka më. Antoni ka kohë edhe 4 muaj. Përditë ai kërkon oferta në internet. Vërtet që ai merr herë pas here oferta për profilin e tij në internet. Por të gjitha ofertat vijnë nga bota e jashtme, para së gjithash nga SHBA: "Të shpërngulesh është një vendim i madh. Mua më pëlqen Greqia, më pëlqen të jetoj këtu, po kur shohim se diku tjetër ka një perspektivë më të mirë, pse jo?"

Autor: Rodothea Seralidou/Auron Dodi

Redaktoi: Bahri Cani

http://www.dw-world.de/dw/article/0,,15346857,00.html

[HELEN OF TROY]

Shqiptaret i ke qe me 8 te mengjezit ne vendin e punes jane puntore nuk them....
e kush ju a ka fajin ketyre familjave qe vene me to per 5 ero?

[Gameness]

SHBA- “Zyrtarët e lartë grekë janë të shqetësuar për mundësinë e shpërthimit të demonstratave gjatë vjeshtës në Athinë, të ngjashme me ato të Korrikut” - shkruan në numrin e sotëm “Financial Times”.

Siç vë në dukje korrespondenti i “Financial Times” në Athinë, frikë e madhe ekziston edhe për demonstrata të mëdha në Selanik, gjatë vizitës së kryeministrit në këtë qytet, në kuadër të hapjes së Panairit të përvitshëm.

Pakënaqësia popullore për politikat ekonomike të qeverisë përhapet, ndërkohë që ekonomia zhytet më tej në recesion dhe pritet edhe një valë tjetër masash.

Artikulli thotë se edhe në qoftë se qeveria greke do të shmangë marrjen e masave shtrënguese të reja këtë vit, duhet të vazhdojë të përparojë me reformat strukturore si kusht për dhënien e këstit tjetër të ndihmës.

Sipas shkrimit, duket se Greqia ka rënë dakord me Trojkën për të reduktuar 150 000 vende pune në administratë deri në 2014, kryesisht përmes shkrirjes dhe mbylljes së operatorëve dhe në këtë fushë janë regjistruar vonesa.

“Financial Times” vlerëson se Zëvendëskryeministri dhe Ministri i Financave, Evangelos Venizelos do të vazhdojë përpjekjet për të qetësuar reagimet nga masat e reja, por edhe për të krijuar një projektbuxhet të besueshëm për 2012.

Në fund artikulli shkruan se në këtë klimë, Greqisë duhet të shfrytëzojë 1 000 000 000 € ankand bono thesari të martën, që e përshkroi si "test" për bankat greke.
(e.m/BalkanWeb)

http://www.balkanweb.com/rajoni/2687...eqi-69358.html

[Gameness]

BRUKSEL- Presidenti i Bankës Qendrore Evropiane Jean-Claude Trichet, Kancelarja gjermane Angela Merkel dhe Presidenti i Bashkimit Evropian Herman Van Rompui kërkojnë zbatimin e plotë të Memorandumit nga qeveria greke dhe njëkohësisht përgënjeshtrojnë daljen e Greqisë nga Eurozona.

Pezullimi i bisedimeve me Trojkën, dështimi i Greqisë për të arritur objektivat fiskale dhe ndryshimet strukturore që ishin parashikuar në Planin Afatmesëm të Masave, kanë krijuar një atmosferë shumë negative për Greqinë në radhët e BE-së, duke u dhënë shkas anëtarëve të koalicionit qeveritar të Gjermanisë të rikthejnë skenaret e daljes së Greqisë nga eurozona – shkruan sot e përditshmja Kathimerini.

Në këtë atmosfere, vazhdojnë edhe sot në Bruksel bisedimet midis përfaqësuesve të ministrave të financave të Eurogrupit, mbi propozimin e qeverisë greke për të ndryshuar objektivat e deficitit 2011 dhe 2012 në mënyrë që t’i shpëtojë detyrimit për marrjen e masave shtesë, por me sa duket vendimi që do të merret nuk do të jetë pozitiv.

Trichet, Merkel dhe Van Rompui i kanë dërguar një mesazh të qartë Athinës, për të vazhduar zbatimin e programit dhe reformave, që qeveria kishte premtuar që në fillim. Ata theksuan se nuk bëhet fjalë për largimin e ndonjë vendi nga eurozona, pasi një gjë e tillë do të ndikonte negativisht në stabilitetin e monedhës unike.
(m.a/BalkanWeb)

http://www.balkanweb.com/rajoni/2687...-be-69392.html

[DYDRINAS]

Gjyqi grek kundër Gjermanisë

13/09/2011 00:25


Me interes të madh ndjek opinioni publik në Greqi fillimin e gjyqit të shumëpritur në Hagë, për një prej masakrave më famëkeqe në vend, atë të Distomos, që kanë kryer nazistët gjatë Luftës së Dytë Botërore.

Në emër të interesit kombëtar, Athina zyrtare nëpërmjet vetë kryeministrit Papandreu, ka shprehur para disa muajsh përkrahjen ndaj një grupi qytetarësh grekë që kanë ngritur padi prej vitesh kundër Gjermanisë, duke kërkuar prej saj të paguajë dëmshpërblim për këtë krim ndaj dhjetëra të pafajshmëve në një fshat të prefekturës së Viotias.

Masakra ka ndodhur në 10 qershor të 1944 në Distomo, kur me urdhër të kolonelit Hans Zampel, janë pushkatuar 218 banore të fshatit,117 gra dhe 101 burra. Midis viktimave ishin 20 foshnja, 45 fëmijë dhe 42 të moshuar.

43 vjet më vonë ka filluar odiseja gjyqësore për këtë masakër, kur të afërmit e viktimave, kanë kërkuar nga shteti gjerman dëmshpërblim moral dhe material për krimet e ushtarëve të Rajhut të 3, një akt ky i pa precedent sepse për herë të parë u kërkuan dëmshpërblime nga individë.

Pavarësisht se kanë fituar procesin në një gjykatë vendase,vendimi nuk është njohur nga Gjermania me pretendimin se gjykatat greke nuk kanë juridiksion ndërkombëtar të nevojshëm për të ndjekur penalisht krime të tilla të luftës.

Pas shumë vitesh përpjekjesh të afërmit e viktimave të Distomos e kanë fituar cështjen edhe në Gjykatën e Lartë të Italisë, por më pas shteti gjerman ka bllokuar cdo veprim duke cuar procesin në Gjykatën Ndërkombëtare.

Sot në Hagë Greqia kërkon në radhë të parë drejtësi morale, që nënkupton dënimin e krimeve të kryera nga ushtria pushtuese në një vend të huaj, autoret e te cilave janë ende të pandëshkuar. Kjo do t’u hapë rrugën pretendimeve për kompensim monetar të afërmve të viktimave dhe jo vetëm.

E ndodhur tashmë në rrethana inferiore, sepse e ardhmja e ekonomisë varet në një shkallë të madhe nga Berlini, Athina ndjek në heshtje, por me interesim të madh procesin që lidhet edhe me dëmshpërblimet e luftës, ndërsa nuk mungojnë zëra në kabinetin Papandreu që deklarojnë se nëse ky gjyq fitohet, është momenti më i mirë për t’i kërkuar Gjermanisë kompensimet, të cilat vlerësohen nga 70 deri në 170 miliard euro, gati sa gjysma e borxhit grek.


top-channel

[halla mine]

Shteti grek praktikisht ka falimentu.. matematikisht..