Kriza greke

[Maqellarjot]

Greket gjithmon i kane urryer cifutet nuk eshte ndonje gje e re. Izraeli nuk ka pas problem as me Kosoven as me Shqiperin. Nuk na kane bere ndonje gje te keqe. Diplomati i Palestines i beri keq Kosoves duke e quajtur serbi. Prandaj Shqiperia te mbaj anen e Izraelit.

Eshte e vertet ajo qe thua ti!

Ne fund te fundit Arap njeri Arap tjetri! nuk kam as edhe nje konsiderat per asnjerin! nga nje here konflikti palestinezet-izrael me kujtojn vuajtjet e shqiptareve nga Greket dhe Serbet sidomos Kosoven!

[Gameness]

shkaku i parasiteve te Ballkanit...



Kriza greke, bankat evropiane humbin 10,5 miliardë euro

Athinë, 12 gusht - Bankat evropiane mund të kenë humbje prej 10,5 miliardë euro për shkak të krizës greke, sipas "Citibank" Sipas raportit të bankës, këto humbje për sektorin bankar evropian mund të jenë 10,5 miliardë euro.
Nëse këmbimi vullnetar i fletëobligacioneve shtetërore greke zgjerohet dhe përfshin letrat me vlerë me afat të dorëzimit deri në vitin 2024, bankat evropiane do të duhet të parashohin parashikime për humbje deri 78 për qind për shkak të ekspozimit të borxhit grek, konsiderojnë analistët nga bankës amerikane "Citibank".
Sipas raportit të bankës, këto humbje për sektorin bankar evropian mund të jenë 10,5 miliardë euro.
Drejtori i Institutit për financa ndërkombëtare Çarls Dalara shprehi optimizëm nga rezultati i programit për pjesëmarrje në sektorin privat në pakon e dytë të ndihmës financiare për Greqinë.

[Gameness]

(jashte!!)

Soros: Portugalia dhe Greqia larg Euros e BE

Balkanweb, 14 gusht 2011

BERLIN- George Soros, filantrop amerikan i shndërruar në miliarder, u shpreh se Greqia dhe Portugalia duhet të largohen nga BE-ja dhe zona euro për shkak të krizës së borxheve. "Problemi grek është trajtuar aq keq sa më e mira për t'u bërë tani, për Greqinë, mund të jetë largimi nga BE-ja dhe zona euro'', deklaroi ai në një intervistë botuar sot nga revista gjermane ''Der Spiegel''.

Ai sugjeroi që Portugalia të bëjë të njëjtën. "BE-ja dhe euroja do të mbijetojnë", shtoi ai. George Soros u shpreh po ashtu se ishte koha që anëtarët e eurozonës të pranonin emetimin e obligacioneve evropiane, të quajtura ndryshe "eurobono", të cilat Gjermania i ka kundërshtuar plotësisht. "Duan ata apo jo, euroja ekziston. Dhe që kjo e fundit të operojë si duhet, vendet e zonës euro duhet të jetë në gjendje të rifinancojnë shumë prej borxhit të tyre në kushte të njëjta", theksonte Soros.

George Soros, i cili fitoi më shumë se një miliardë dollarë duke vënë bast kundër paundi britanik në vitin 1992, tha se ai nuk kishte ndërmend të spekulonte kundër euros. "Unë me siguri nuk dua të bast kundër euros. Kjo për faktin se kinezët janë shumë të interesuar për një monedhë alternativë ndaj dollarit dhe do t'i shtyjë ata të bëjnë të pamundurën për të ndihmuar evropianët për të shpëtuar euron", theksoi ai.

[Gameness]

Greqia, e dyta në botë për borxhin publik. Papunësia rritet cdo muaj

NGA: ANILA JOLE

Greqia, e dyta në botë për borxhin publik. Papunësia rritet cdo muajATHINE-Greqia renditet e dyta në listën e vendeve të botës, përsa i përket borxhit publik. Borxhi publik bruto është përqindja e prodhimit të brendshëm bruto të një vendi, dhe në këtë listë Japonia rezulton të jetë e para, pasi borxhi i saj është më shumë se dyfishi vjetor i produktit të brendshëm bruto, sipas vlerësimeve nga FMN dhe Organizata për Bashkëpunim Ekonomik dhe Zhvillim.

Pas Japonisë renditet Greqia e mbërthyer nga kriza, me një borxh publik 157% të prodhimit të brendshëm bruto. Pas Greqisë, renditen Italia dhe Irlanda, vende ku niveli i lartë i borxhit ka sjellë shqetësime të mëdha muajt e fundit.
Shtetet e Bashkuara kanë një borxh publik që është afër 100 % të prodhimit të brendshëm bruto, gjë që i rendit ato në vend të shtatë, një pozicion më i mirë se shtetet e mësipërme. Duke bërë një renditje të 10 vendeve të zhvilluara me borxhin publik më të madh krahasuar me prodhimin e brendshëm bruto, sipas Organizatës për Bashkëpunim Ekonomik dhe Zhvillim kemi këtë liste:
1.Japonia - 213 për qind të PBB-së
2.Greqia - 157 për qind
3.Italia - 129 për qind
4.Islanda - 121 për qind
5.Irlanda - 120 për qind
6.Portugalia - 111 për qind
7.SHBA - 101 për qind
8.Belgjika - 101 për qind
9.Franca - 97 për qind
10.Anglia - 89 për qind

Ndërkohë në Greqi papunësia rritet nga muaji në muaj.
Duke iu referuar shifrave zyrtare të muajit Maj, pamja duket se është mjaft dëshpëruese.
Në 16.6% ka arritur shkalla e papunësisë në muajin maj 2011, nga 12% që ka qenë një vit më parë.
Numri i të papunëve u rrit me 220 534 persona krahasuar me një vit më parë, ndërsa krahasuar me prillin e këtij viti në maj kishim 36 260 të papunë më shumë.
Popullsia joaktive ka arritur në 4 383 374 njerëz, duke përfshirë në këto statistika edhe emigrantët e huaj.
Normat më të larta të papunësisë janë tek të rinjtë e moshës 15-24 vjeç (40,1%) dhe në moshat 25-34 vjet (22%).

[mario_kingu]

Ishalla Shteti Grek Rregullohet sa me Para gje qe nuk e besoj
por pasi aty jetojn nje perqindje e mire Shqiptareve i uroj nje rregullim te shpejt

[Gameness]

[QUOTE=Gameness;3181304]

1.Japonia - 213 për qind të PBB-së
2.Greqia - 157 për qind
3.Italia - 129 për qind
4.Islanda - 121 për qind
5.Irlanda - 120 për qind
6.Portugalia - 111 për qind
7.SHBA - 101 për qind
8.Belgjika - 101 për qind
9.Franca - 97 për qind
10.Anglia - 89 për qind

Ishalla shteti Grek rregullohet e permiresohet dhe eshte ne gjendje te arrit ne maje te kesaj liste, dhe te behet shteti i pare i botes, meqe, greket kan qejf te jen te paret...

[Gameness]

Finlanda rrezikon ndihmat greke

Bruksel, 19 gusht – Duket se pakoja e ndihmave evropiane për Greqinë, e miratuar në korrik, ka ardhur nën pikëpyetje për shkak të kërkesës së disa vendeve të vogla anëtare të Bashkësisë Evropiane që qeveria në Athinë të ofroj siguri për huat e tyre, shkruan mediat evropiane.
Kësaj iniciative i prinë qeveria finlandeze, e cila të martën ka njoftuar se me Athinën ka arritur pëlqimin që Greqia të paguaj një shumë të caktuar të parave si garanci për pjesën finlandeze të pakos prej 109 miliardë dolalrësh, raporton portali EUobserver.
Finlanda ka marrë qëndrim të ashpër pas kundërshtari më i madh për ndihmat greke, partia Finlandezët e vërtetë, ka marrë skenën politike dhe në zgjedhjet e prillit ka fituar 19,1 për qind të votave.
Marrëveshja greko-finlandeze ka shkaktuar domino efekt, dhe menjëherë pas Finlandës edhe Ausria, Holanda, Sllovenia dhe Sllovakia kanë kërkuar tretman të njëjtë.
"Modeli duhet të jetë i hapur për anëtaret e zonës së euros. Do ta vërtetojmë këtë”, ka deklaruar për gazetën finlandeze “Helsingin Sanoman” zëdhënësi i ministrisë austriake të financave Harald Waigelin.
Zëdhënësi i ministrisë holandeze Niels Redeker ka thënë se Kopenhaga “ në të gjitha debatet në Bruksel ka sinjalizuar se nëse Finlanda sigurohet me marrëveshje për kolateral, atëherë edhe ne e dëshirojmë këtë”.
Ministria sllovene e financave ka kumtuar për agjencinë AP se kërkon “garanci të mundshme” për huan e saj.
Këto vende kanë 11 për qind të huas së përgjithshme , kurse iniciativa e tyre rrënon solidaritetin edhe ashtu të brishtë në zonën e euros dhe rritë tensionet në treg. (Qendra,info)

[Gameness]

Greqia do falimentojë deri në fund të 2011

Qendra.info

Athinë, 22 gusht - Greqia do të falimentojë deri në fund të vitit 2011. Ky është vlerësimi më i ri, i bërë sot në Pekin nga kreu ekzekutiv i Standard & Poor’s, David Beers, analizën e të cilit e kanë publikuar mediat në Greqi dhe mediat e huaja.
David Beers vlerëson se Greqia do jetë ''e detyruar'' të falimentojë në mënyrë selektive, pas aktivizimit të planit të zgjedhur nga liderët e BE-së në samit për të shlyerjen borxhin grek me pjesëmarrjen e sektorit privat.
Sipas kreut ekzekutiv të Standard & Poor’s, “Greqia do falimentojë, sepse kjo gjë do sjellë vetëm lehtësimin e borxheve dhe jo larjen e tyre''.
Edhe më herët agjencia e vlerësimit të aftësive kredituese, Standard & Poor’s ka bërë vlerësime të zymta për Greqinë, duke deklaruar ndër të tjera se ky vend nuk do të jetë në gjendje të shlyejë borxhet dhe duke e renditur atë në fund të listës për sigurinë e investimeve.
Nga ana e saj qeveria greke ka akuzuar agjencinë ndërkombëtare të vlerësimit, Standard & Poor's, për rritjen e nivelit të riskut për borxhet dhe se ka mënjanuar krejtësisht përpjekjet e saj për stabilizimin dhe kthimin e besimit në tregun financiar.

[Gameness]

Greqia në panik nga falimentimi, thirrje për dorëzimin e parave

Qendra.info

Athine, 23 gusht - Greqisë i është pezulluar dhënia e kësteve të paketës së re të shpëtimit, pasi Finlanda ka shprehur rezervat e veta për të mbështetur këtë masë. Ministri grek i Financave, Evangelos Venizelos, i bëri thirrje dje Bashkimit Europian që të zbatojë menjëherë dhe tërësisht marrëveshjen e arritur muajin e kaluar për paketën e re të ndihmës me vlerë 109 miliardë euro.

Ai i ka shkruar Presidentit të Bankës Qendrore Europiane, Zhan Klod Trishet dhe komisionerit të BE-së për ekonominë, Olli Rehn, si dhe ministrave të Financave të eurozonës. Disa anëtarë të eurozonës i bllokuan marrëveshjen të nxitur nga Finlanda, e cila kërkon garanci nga Greqia për pjesën e saj të paketës. Kësaj kërkese iu shtuan Holanda, Sllovenia, Austria dhe Sllovakia. Ndërkohë, vendi u zhyt në dëshpërim më të thellë pas vlerësimit nga agjencitë e mëdha kreditore se Greqia do të falimentojë deri në vitin 2012, për shkak të programit të gabuar të qeverisë për deficitin buxhetor, i cili duket se do ta çojë këtë vend, sipas tyre, në borxhe më të thella.

[Gameness]

Papunësia në Greqi po merr përmasa të frikshme

Shekulli, 23 gusht 2011


Papunësia në Greqi po merr përmasa të frikshme. Të papunët kanë arritur në 16.6 për qind. Ekspertët parashikojnë një rritje deri në fund të 2012-s deri në 25 për qind. Qeveria pritet të nisë program për të papunët.

Vera që ka “tërhequr” njerëzit nëpër plazhe dhe ka lënë të “qeta” sheshet e protestave në qendër të Athinës sikur kërkon të fshehë problemin e madh të papunësisë që e sjellin ndërmend ndërkohë “gërmadhat tregtare” të krizës, kyçet në dyqane që shtohen përditë. 33.8 % ose 1 në çdo katër dyqane të rrugës “Stadhiu” është mbyllur, thonë statistikat më të fundit për papunësinë alarmante në të gjitha degët e ekonomisë dhe në gjithë vendin. “Dikur në Selanik dhe në Maqedoninë qendrore ishin të pajtuar në punë rreth 80 000 punonjës. Sot nuk janë më shumë se 10 000”, thotë përfaqësuesi i Qendrës Punëtore të këtij qyteti grek, i dyti për nga numri i popullsisë pas Athinës.

Të papunët, i vetmi “mall” që shtohet

Të papunët janë i vetmi “mall” që shtohet, qofshin ata vendas apo imigrantë, kur buxheti familjar zvogëlohet, konsumi bie dhe tregu përthahet nga mungesa e parasë. “Gjendja është e vështirë. Pa punë jemi. Kam rreth një viti e gjysmë pa punë. Kam dy fëmijë në shkollë. Nuk mund të paguajmë dritat, ujin, qiranë” thotë Ilia Memo pak para se të marrë udhëtimin për në vendlindje, me autobusin e linjës Athinë-Korçë, ku shpreson të “harrojë” për një farë kohe problemet e mbijetesës.

Sipas Zyrës Statistikore Greke, gjatë muajit maj rreth 2.000 punonjës humbnin përditë punën dhe për herë të parë për shtatë muaj me radhë, që nga muaji nëntor, numri i të papunëve ka arritur në rreth 251.846. Papunësia totale arriti në 16.6% nga 12% që ishte të njëjtën periudhë të vitit 2010 dhe numri i të papunëve arriti në 822 719 vetë. Shifër rekord, ashtu si edhe numri i të papunëve brenda vitit arriti në 220 534 vetë, kurse ai i muajit maj të këtij viti në 51 000 vetë.

Papunësi reale në nivelin e viteve ‘60

“Si përqindje shifrat na kthejnë në vitet ‘50, por me të dhënat reale na kthejnë në vitin 1961, ku sipas statistikave të kohës kishim 864 000 të papunë. Por atëherë zgjidhja ishte emigrimi drejt vendeve të Evropës veriore si Gjermania, me të ashtuquajturit “gastarbeiter”, thotë Savas Robolis, drejtori i Institutit të Punës së Konfederatës së Përgjithshme të Punonjësve të Greqisë. Robolis nuk ngurroi të publikojë edhe kësaj radhe shifra më ogurzeza për fundvitin, por edhe vitin e ardhshëm kur edhe vetë qeveritarët pranojnë se “dimri që vjen do të jetë skëterrë” përsa i përket papunësisë.

“Papunësia statistikore, nga 18% që do të arrijë në fund të vitit 2011 do të shtohet edhe 2% akoma. Papunësia reale në fund të vitit 2012 do të jetë 25% dhe do të arrijë në 1 250 000 vetë” dhe kjo në kushte “me ritme zhvillimi zero dhe jo negative”, sqaron Robolis.



Marrë nga Deutche Welle