Prishtinë, 14 korrik - Sot rreth orës 10:00 në mëngjes, deri sa po kthehej nga një vizitë në Shqipëri, aktivisti i Vetëvendosjes dhe ish-luftëtari i UÇK-së, Naser Shatri u ndalua nga policia kufitare e Republikës së Shqipërisë në vendkalimin kufitar Qafë-Prush. Arsye për këtë ndalesë ishte një fletë-arrest ndaj Naser Shatrit, lëshuar nga organet policore të Serbisë, këtu e më shumë se 20 vjet më parë. U desh urdhër i veçantë nga ana e Ministrisë së Punëve të Brendshme në Tiranë që ai të lirohej, thuhet në një njoftim të Vetëvendosjes dërguar medieve.
”Ne të gjithë e njohim dhe e kemi përjetuar kolektivisht politikën shoveniste të Serbisë ndaj Kosovës dhe popullit shqiptar në përgjithësi. Andaj është e pakuptimtë që një flet-arrest i tillë akoma të mirret për bazë nga organet e rendit në Shqipëri kundër veprimtarëve të shquar të çështjes kombëtare e luftëtarëve çlitrimtarë. Na trimëron fakti që megjithatë logjika e shëndoshë triumfoi në fund dhe Naser Shatri u lirua pas dy orë mbajtjeje. Lëvizja Vetëvendosje beson që ky incident i pakëndshëm të mbetet vetëm një rast i izoluar me arsyetim teknik e nuk do të shëndrrohet asesi në praktikë.(Koha.net)
Përgjigju Duke Cituar
Postuar më parë nga Brari
Krijoni Kontakt