Presidenti Topi: Politika te heshti, fjalen e ka drejtesia per 21 janarin

[Albo]

KONFERENCË PËR SHTYP E PRESIDENTIT TOPI LIDHUR ME AKTUALITETIN POLITIK NË VEND

9 shkurt 2011

Përshëndetje të gjithëve!

Kanë kaluar më shumë se dy javë nga ngjarja tragjike e 21 janarit dhe akoma Shqipëria dhe shqiptarët mbeten të pasqaruar se çfarë ndodhi dhe si ndodhi. Shteti i së drejtës është në punë për t’iu përgjigjur ligjit dhe moralit. Viktimat dhe familjarët e tyre kërkojnë të vendoset drejtësia, institucionet e dhunuara kërkojnë të veprojë drejtësia, të gjithë qytetarët kërkojnë drejtësi, siguri dhe qetësi.

Por, fatkeqësisht, kur duhet të flasë vetëm drejtësia dhe të gjithë të heshtin, beteja e gjatë politike, e cila në fakt shkaktoi 21 janarin, vazhdon të prodhojë fajtorë dhe të fajësuar, përgjegjës dhe bashkëpërgjegjës, të akuzuar dhe akuzues, duke anashkaluar thelbin dhe përgjegjësinë politike dhe duke penguar drejtësinë në të gjitha hallkat e saj që të ndajë të vërtetën nga e pavërteta.

Unë jam besimplotë se drejtësia do të dijë të kapërcejë këtë sfidë, ashtu siç pohoj se kjo është sprova më e madhe dhe historike për drejtësinë shqiptare. Nënshtrimi dhe frikësimi ndaj pushteteve të politikës do të ishte fatale për shtetin e së drejtës dhe demokracinë në Shqipëri. Suksesi dhe përballja dinjitoze me presionin e politikës do të rimëkëmbë besimin e humbur dhe do të kthente shpresën se Shqipëria ka një të ardhme të sigurtë demokratike dhe se insitucionet janë të qëndrueshme dhe të pathyeshme ndaj presioneve të individëve.

Fryma e ligjit dhe ligjeve që burojnë nga kushtetushmëria parlamentare mbi zgjedhjen e institucioneve të pavarura nga Kuvendi i Shqipërisë, mbështet pavarësinë e ushtrimit të pushtetit dhe jo vartësinë e tyre nga Kuvendi, apo nga mazhoranca zgjedhëse apo ekzistuese. Çdo interpretim ndryshe, nënkupton nënshtrimin ndaj atij që e ka zgjedhur dhe bindjen e verbër dhe në shkallën më të lartë ndaj tij.

Fatmirësisht, ndërgjegjja dhe përgjegjësia qytetare në Shqipëri, shoqëria civile dhe opinioni publik kanë arritur një stad të tillë zhvillimi demokratik për të kuptuar thellësisht mendësinë e pushtetit politik që kërkon tkurrjen, nënshtrimin dhe shtrembërimin e rolit dhe pavarësisë së institucioneve kushtetuese.

Në një shtet demokratik, respekti ndaj ligjit dhe institucioneve përbën shpirtin e shtetit dhe moralin e shoqërisë. Qytetarët e Shqipërisë, sot qytetarë të denjë të një vendi të NATO-s, nuk mund të lejojnë që fryma e anti-ligjit të shtyjë vendin prej një rruge, prej së cilës jemi larguar prej vitesh.

Unë flas dhe duhet të flas në emër të qytetarëve dhe jo në emër të partive politike. Presidenti përfaqëson interesat e të gjithë shtetasve dhe shtresave të shoqërisë. Unë mbetem zëdhënësi edhe i atyre që nuk ndihen të përfaqësuar politikisht, edhe i atyre, zëri i të cilëve nuk mbërrin tek veshi i politikanëve, edhe i atyre që janë të pakënaqur nga politika, nga qeveria apo opozita, pavarësisht se mund të kenë votuar edhe për to, edhe i atyre të cilët sot janë të përhumbur në mjegullnajën politike të pas 21 janarit. Dhe këta natyrisht që janë shumë! Shumë më tepër se ata që frikësohen nga e vërteta e 21 janarit, shumë më tepër se ata që përpiqen të shpërndajnë përgjegjësinë duke njollosur institucionet, shumë më tepër se ata që betejën politike për pushtet e fshehin nën petkun e qytetarisë dhe kërkesave të saj për liri dhe më shumë të drejta dhe barazi shoqërore.

Unë i qëndroj betimit tim të bërë në Kuvendin e Shqipërisë në momentin e zgjedhjes sime si President: “Unë si, President i Republikës, nuk i takoj më një pjese. I takoj, së pari qytetarit, dhe e gjithë veprimtaria ime shndërrohet në insitucionale në respekt të ligjeve dhe të interesit kombëtar”.

Kjo mbetet qëllimi im i palëkundur edhe sot, në këto çaste të vështira për të ardhmen e Shqipërisë dhe më bën luftëtarin e paepur për të drejtën, për drejtësinë, për shtetin e së drejtës, për pavarësinë e institucioneve, për respektimin e Kushtetutës, dhe për mbrojtjen e interesave të qytetarëve.

Pas deklaratës për shtyp, Kreu i Shtetit shqiptar iu përgjigj pyetjeve dhe interesimit të përfaqësuesve të shumtë të mediave të shkruara dhe elektronike.

Elja Zotka, Televizioni ‘Klan’: Zoti President, kemi dëgjuar Kryeministrin e vendit të thotë që në 21 janar, kur Selia e Kryeministrisë ishte rrethuar për rreth 5 orë nga protestuesit, ju nuk keni kontaktuar me të. Në të vërtetë, pse ka munguar komunikimi me Kreun e Ekzekutivit? - pyetja e parë. Pyetja e dytë: Ndërkohë që po afrojnë zgjedhjet e 8 majit, kemi parë deklarata të përfaqësuesve të opozitës që thonë se nuk do të bëhen pjesë e këtyre zgjedhjeve. Ata shohin vetëm zgjedhjet e parakohshme si një mundësi për zgjidhjen e krizës. Ju, si President i Republikës, a mendoni që zgjedhjet lokale janë një moment ku partitë politike duhet të marrin pjesë dhe janë një moment që mund të shihen dhe si zgjidhje e kësaj krize politike?

Presidenti Topi: Unë jam deklaruar në mënyrë të qartë edhe ditën e 21 janarit, nëpërmjet një deklarate publike, e cila për fat të keq, ishte e vetmja në ato momente të vështira. Sigurisht, ju të medias, e keni mundësinë, por natyrisht keni dhe detyrimin që ta rishpalosni. Unë sigurisht që i kam të cituara në mënyrë kronologjike dhe falë kësaj teknologjie, sot asgjë nuk shkon dëm. Gjithçka regjistrohet në kohë reale, memorizohet dhe kthehet në një vlerë shumë të rëndësishme për të rivendosur të vërtetën dhe të drejtën, edhe atëherë kur ajo sulmohet. Sigurisht, të gjithë kontaktet e Presidentit të Republikës, në të gjitha cilësitë, kanë qenë dhe mbeten, dhe do të mbeten institucionale. Ju mund të keni dëgjuar një zë, por keni dëgjuar dhe zëra të tjerë për një komunikim me mjaft shqetësim të Presidentit për situatën. E kam thënë dhe vazhdoj ta them, dhe kjo duhet të jetë edhe në vëmendjen dhe ndërgjegjen e politikanëve, një parandalim, një profilaksi është njëqind herë më e vlefshme se një terapi, se një mjekim. Duke iu referuar këtij momenti shumë të rëndësishëm, po ju kujtoj mbrëmjen e datës 20 janar, që duke shfrytëzuar një komunikim me Trupin Diplomatik në Pallatin e Brigadave, duke parë një tension politik totalisht të papranueshëm, jam shkëputur nga leximi i fjalimit, dhe këtë mund ta vërtetoni, sepse e keni me zë e me figurë, dhe kam thënë këto fraza që vlejnë shumë. Citoj: “Në çdo moment, edhe në këto çaste që ne po flasim, forcat politike, individët politikë, edhe në ato momente kur tensioni politik konsiderohet mjaft i lartë, edhe atëherë kur ndjeshmëria qytetare është prapë e lartë, të gjithë aktorët e rëndësishëm politikë, aktorët institucionalë duhet të gjejnë maturinë, duhet të gjejnë qetësinë! Duhet të gjejnë ekuilibrin që të rivendosin dialogun politik, sepse interesat e Shqipërisë sikurse e kanë thënë edhe rilindasit tanë, janë mbi të gjitha, mbi interesat e vogla, mbi interesat meskine! Bashkëpunimi është shumë i rëndësishëm! Ai është i rëndësishëm jo vetëm në një ditë. Bashkëpunimi midis tyre për interesat e popullit është i rëndësishëm në çdo çast dhe në çdo ditë të vitit”. Kjo ka qenë në vëmendje të politikës, të politikanëve dhe të gjitha institucioneve, kjo e thënë afër orës 20.00 të mbrëmjes së datës 20 janar.

Për t’iu kthyer datës 21 janar, në një vlerësim në kulmin e situatës së krijuar para Kryeministrisë, unë e quaj të tepërt që ta risjell deklaratën time, por ka qenë një deklaratë e shpejtë, shumë efikase dhe fatkeqësisht nuk pashë që t’i bashkangjiteshin zëra të tjerë për të qetësuar situatën, për t’i dhënë mbështetje institucioneve. Por, duke parë peshën e këtij momenti shumë të rëndësishëm dhe për t’i qartësuar gjërat edhe artëherë kur të tjerët i kanë të qarta dhe tentojnë t’i errësojnë, unë po citoj vetëm ekstraktin e deklaratës së datës 21 janar. “Presidenti i Republikës bën thirrje për qetësi dhe maturi! U bën thirrje të gjithë faktorëve politikë që të qetësojnë demonstruesit dhe të garantojnë sa më shpejt të jetë e mundur rikthimin e rendit publik dhe mbështetjen e forcave të policisë, që të garantojnë ruajtjen e rendit, të institucioneve shtetërore dhe në mënyrë të veçantë, qetësinë dhe sigurinë e qytetarëve. Presidenti Topi u bën thirrje faktorëve politikë t’i rikthehen urgjentisht dialogut dhe të marrin përgjegjësitë politike për ruajtjen e stabilitetit të vendit. Shqipëria ka nevojë të shërojë plagët, jo të hapë plagë të reja!”

Këto janë deklarata të Presidentit dhe natyrisht që të vendosesh në pozicionin e kritikuesit për substancën e mesazhit të Presidentit, së paku duhet të kesh kurajo, cilido që të jetë ai, pavarësisht. Institucioni i Presidentit është institucion mbi të gjithë, është Kreu i shtetit, është ai që jep mesazhe dhe garanton harmoninë institucionale dhe kurrsesi nuk mund të bëhet pjesë e debateve apo sherrnajave politike. Është një profesion që unë e njoh mirë se nga politika vij. Por politika duhet të dijë të respektojë, të respektojë institucionet. Unë e di që politika bën debate të ashpra në shumicën e rasteve, sidomos duke ardhur dhe simptomat bëhen më të rënda. Vijnë jo vetëm duke e ashpërsuar gjuhën e tyre, por duke e banalizuar. Ky është motivi? Ky është misioni i politikës? Natyrisht që jo. Do të bjerë Presidenti në këto rrethana për të bërë atë që s’e ka bërë asnjëherë në jetën e tij, për të përkeqësuar sadopak mënyrën e komunikimit. Por kurrsesi për ta banalizuar. Çështja është që të gjithë faktorët politikë, të gjithë institucionet, sikurse e thashë edhe në deklaratën time, duhet të mësohen që në Shqipërinë, vend i NATO-s, që ka standarde të mirëpërcaktuara, duhet të respektojnë institucionet. Nuk është e rastit që lufta më e ashpër bëhet ndaj institucioneve të pavarura, edhe pse ndërkombëtarët, partnerët tanë më të rëndësishëm bëjnë thirrje të vazhdueshme: ‘Rregulloni komunikimin politik midis jush, por kurrsesi mos u hidhni në sulm frontal kundër institucioneve të pavarura’. Vetëm shteti i së drejtës është ai shtet që do t’u garantojë të gjithëve, në radhë të parë qytetarit të thjeshtë, qetësinë, sigurinë dhe ne urojmë që ky shtet i së drejtës, i institucioneve të pavarura, pavarësisht problemeve që kanë, të dinë të rrisin çdo ditë performancën e tyre dhe të na japin bindjen që ne vërtet do të jetojmë në Shqipërinë demokratike, europiane dhe euroatlantike.

Përsa u përket zgjedhjeve, po në mesazhin e datës 20 janar kam folur për zgjedhjet e 8 majit. Kush më shumë se sa Presidenti nuk do të flasë për atë ditë që e ka dekretuar vetë? Mos harroni që kam folur edhe në një datë tjetër. Referojuni, sepse të gjithë deklarimet e mia kanë qenë konsistente, kanë qenë në një linjë, nuk kanë qenë të devijuara dhe padyshim dhe njëherë bëj thirrje që partitë politike t’i rikthehen dialogut. Pushteti i partive politike kurrsesi nuk mund të kthehet në pushtet individësh. Partitë politike kanë marrë në dorë misionin për të përfaqësuar njerëzit që i simpatizojnë, që i votojnë, por kurrsesi për të mos i lënë ata pa pushtetin demokratik që është natyrisht në shërbim të tyre. Faleminderit!

Anduela Gega, Televizioni ‘Planet’: Kisha dy pyetje nëse është e mundur: E para, në kushtet kur në datën 21 janar, siç e pamë të gjithë, Kryeministria u sulmua për disa orë nga demonstruesit e organizuar nga opozita. A duhet të kishit thirrur ju Këshillin e Sigurimit Kombëtar për të sqaruar më tej situatën, që çoi në këtë lloj situate që u krijua? Dhe e dyta: Pavarësisht se Kushtetuta nuk ju detyron juve që të paraqiteni në Komisionin Hetimor të ngritur nga mazhoranca për të dëshmuar për ngjarjet e 21 janarit, a do të kishte qenë më e udhës për të qenë transparent, edhe në lidhje me akuzat që janë bërë nga mazhoranca në drejtimin tuaj, duke qenë si pjesë e organizimit të kësaj demonstrate, të kishit patur një anëtar të Institucionit që ju përfaqësoni?

Presidenti Topi: Së pari, institucionet, të gjitha, sidomos në vëmendje të ngjarjes së 21 janarit, janë në punë më shumë se kurrë. Duke parë zhvillimin e ngjarjeve, duke mbështetur institucionet e pavarura, duke mbështetur pikërisht atë që unë sapo e thashë, linjën e një hetimi tërësor, të paanshëm, profesional, që do të thotë jo politik, në këto kushte, institucionet operojnë për të kaluar situatën dhe sidomos kur situatat janë akute, natyrisht secili i ka fare të qarta përgjegjësitë e veta ligjore. Nëse është thirrur ose jo në momente të veçanta, Këshilli i Sigurimit Kombëtar thirret atëherë kur vërtet gjërat duhet të jenë për t’u analizuar, për të gjetur pikërisht atë që nuk ka funksionuar si duhet dhe për të vazhduar në mënyrë shumë korrekte punën e institucioneve. Kështu që unë mendoj, që jemi plotësisht në detyrimet tona kushtetuese dhe institucionale, se të gjitha institucionet, sikurse thashë, janë në punën e tyre. Mënyra se si e shprehin pastaj është çështje e secilit institucion.

Përsa i përket komunikimit me Kuvendin, lidhur me Komisionin Hetimor Parlamentar, referuar ligjshmërisë për komisionet hetimore, është absolutisht mëse legjitime që Kuvendi, pavarësisht që është trajtuar në mënyrë unilaterale, pra vetëm një krah, ka të drejtën të ngrejë komisione hetimore parlamentare. Sikurse ka ndodhur në të kaluarën, ka sot, do të ketë edhe në të ardhmen. Është një mekanizëm demokratik i Institicionit të Kuvendit të Shqipërisë. Komunikimi i Kuvendit të Shqipërisë me Institucionin e Presidentit, po t’u referoheni thënieve apo kërkesës së Komisionit Hetimor, ka qenë që Presidenti duhet të vijë të dëshmojë. Kam pasur një komunikim publik, sepse në Shqipëri është shumë mirë që ajo që duhet të bëhet më shumë se çdo gjë tjetër, duhet të jetë transparenca publike, sepse politika gjithmonë tenton t’i ndryshojë, t’i denatyrojë gjërat dhe i jep mesazhin publikut ashtu siç do ajo. Ndoshta duke qenë në një transparencë publike, dhe ju e dini që unë kam një asistencë juridike mjaft të mirë, kam dalë publikisht dhe kam thënë që Presidenti, duke iu referuar Kushtetutës, duke cituar gërmën e Kushtetutës, pranon të dëshmojë, ashtu sikurse e thotë Kushtetuta, në Selinë ku zhvillon veprimtarinë e tij. Menjëherë pas këtij reagimi, vjen një kërkesë tjetër që ‘ne, Presidentin nuk e kemi kërkuar të dëshmojë’ - është bërë publike apo jo, ‘kemi kërkuar që të informojë’. Atëherë, nëpërmjet zotit Peçi, meqënëse ndryshon objekti, referuar po prapë Kushtetutës së Shqipërisë, ka një paragraf shumë të qartë. Presidenti, si Kreu i shtetit, merr, kërkon informacion nga të gjitha institucionet dhe kurrsesi nuk detyrohet që të japë informacion. Sidoqoftë, e gjithë korrespondenca e Presidentit me institucionet e tjera është totalisht zyrtare. Nuk punohet me numra ekstra, por ka një procedurë aq të rregullt, zyrtare, ligjore, protokollare, sa herë që kërkohet të dihet se ç’letër nga këto institucione është futur në Presidencë apo ç’letër nga Presidenti ka shkuar në këto institucione, kjo gjendet fare mirë në institucionet përkatëse. Pra, edhe njëherë e them, Presidenti ka qenë gjithmonë dhe do të jetë gjithmonë në respekt të kuadrit të tij kushtetues, aty ku detyrohet dhe aty ku ka të drejtën. Aty ku ka të drejtën, natyrisht ka dhe detyrimin, sepse, në rast se Presidenti do të shkojë diku për të treguar dhe për të demonstruar, dhe një gjest qytetar sportiv jashtë kornizës së tij, mund t’i thuhet: ‘President, ke gabuar!’ Pse? Sepse Presidenti, jo rastësisht, me Kushtetutë ka këtë kornizë të detyrueshme ligjore. Edhe njëherë dëshiroj t’ju them që është në një vëmendje të jashtëzakonshme, në një vëmendje rigoroze, që e gjithë veprimtaria e Institucionit të jetë brenda parametrave të Kushtetutës dhe Presidenti e ka të mirëpërcaktuar këtë punë.

Rajmonda Lajthia, Televizioni ‘Vizion Plus’: Zoti President, Kryetarja e Kuvendit, Jozefina Topalli, dje gjatë raportimit në Komisionin Hetimor Parlamentar tha se ju kishte dërguar një letër, dy ditë pas demonstratës, ku shprehte shqetësimin e saj, të themi, lidhur me qëndrimin tuaj për këtë ngjarje. A mund të na jepni ndonjë detaj lidhur me këtë letër dhe çfarë ju kërkonte Kryetarja e Kuvendit? – pyetja e parë. E dyta: Këto ditë kemi parë, zoti President, që të akuzuarit kryesorë të ngjarjes së Gërdecit kanë dalë, janë liruar. A është ky një dështim i drejtësisë shqiptare?

Presidenti Topi: Lidhur me pyetjen tuaj të parë, në natyrën e komunikimit mes institucioneve natyrisht që ka edhe komunikime të karakterit konfidencial. Por, përderisa linja e konfidencialitetit nuk u respektua, unë do vazhdoj ta respektoj, sepse jam qytetar dhe e njoh shumë mirë natyrën e institucionit. Por, pa prekur linjat konfidenciale që ju siguroj që nuk janë private, as për çështje të karakterit privat apo personal, por linja konfidenciale për një kërkesë që i është bërë Presidentit të Republikës për të ndërhyrë në një institucion tjetër të pavarur, kam kthyer një përgjigje në sensin figurativ do ju thoja, të kopsitur nga pikëpamja ligjore, që Presidenti do të akuzohej nëse do të ndërhynte se si mbas kuadrit kushtetues, neneve të caktuara të saj, Presidentit nuk i lejohet të ndërhyjë në asnjë lloj institucioni për çështje konkrete. I gjithë kuadri kushtetues që përcakton marrëdhënien e Presidentit me të gjitha institucionet e tjera janë marrëdhënie që janë të shkruara, që janë në frymën dhe në gërmën e Kushtetutës.

Pra, pa u futur në linja të tjera, sepse gjithça mbetet, do të doja që duke e interpretuar një korrespondencë konfidenciale, do të doja që askush, këtë e them konkretisht dhe në parim, nuk duhet t’i jap nota dramaciteti, as duke e perifrazuar, as duke paragjykuar. Ju siguroj që brenda kësaj linje, gjithçka është kushtetuese dhe korrekte. Dhe nëse dikush kërkon të mos ta respektojë linjën e konfidencialitetit, unë jam i hapur që nëse dëshiron që gjithçka të bëhet publike, unë jam i hapur që gjithçka të bëhet publike. Ia lë nënçmimin të tjerëve. Pra, asgjë nuk është konspirative, gjithçka është kushtetuese dhe zyrtare.

Përsa i përket pyetjes tjetër që është gjithashtu shumë e rëndësishme, po bëhen tre vjet nga ai shpërthim i 15 marsit në Gërdec, që krijoi jo vetëm një tragjedi kombëtare, por i veshi institucionet me një mjegullnajë të pafund.

Sigurisht kemi folur, janë bërë shumë moralizime për këtë çështje. Unë i qëndroj linjës së fjalës që mbajta dhe sot me ju, që e drejta dhe vetëm e drejta, duhet të dalë dhe kjo duhet të jetë garancia për çdo qytetar. Qoftë për viktimat, qoftë për familjarët e viktimave të Gërdecit, qoftë dhe për të ndarë të vërtetën nga e pavërteta, sistemi i drejtësisë ka sfidën e madhe që të vendoset në ballë të kësaj rruge, e cila në shumë momente nga qytetarët kritikohet me të drejtë. Unë, edhe për këtë çështje kam paralajmëruar kur isha për një vizitë në Pogradec. Nënkryetari i Këshillit të Lartë të Drejtësisë kishte paralajmëruar për këtë çështje. Është ngritur me porosinë time një Inspektoriat i Këshillit të Lartë të Drejtësisë, i cili në bashkëpunim me Inspektoriatin e Ministrisë së Drejtësisë të shkojë dhe të verifikojë aspektet proceduriale dhe ligjore. Ju e keni parë lojën e avokatëve sepse keni qenë ju, që e keni transmetuar sa herë ka pasur proces. Është shumë e rëndësishme që drejtësia të reflektojë në të gjitha hallkat e saj, por duke e njohur shumë mirë sot plagën e drejtësisë, duhet të kuptojmë të gjithë që defektet e një politike jobashkëpunuese kanë bërë që shumë reforma në fushën e drejtësisë të mbesin pa realizuar, duke krijuar vakuume. Unë nuk dëshiroj t’i futem situatës së gjykimit politik të kandidaturave shumë profesionale. Nuk dëshiroj t’i kthehem sepse është një temë shumë e rëndë për jetën e institucioneve demokratike shqitpare. Gjithkush duhet të kuptojë që ky vend ka Kushtetutë dhe ka një kuadër ligjor! Sa kohë gjërat janë të sanksionuara dhe sa kohë kandidaturat u referohen me përpikmëri parametrave të ligjit, askush nuk ka të drejtën që të paragjykojë politikisht, duke i futur insitucionet e drejtësisë në një impas, duke i lënë kokë mbas kohe dhe në një vakuum, sikurse ishte rasti i fundit i Këshillit të Lartë të Drejtësisë, kur u detyrua Konferenca Gjyqësore që të marrë fatet e veta në dorë për të mos ia lënë asaj politike, e cila pambarimisht e zvarriti, e zvarriti dhe e la sistemin e drejtësisë në pikën e hallit. Kjo është arsyeja që edhe një herë, vërtet drejtësia ka problemet e veta. Ata natyrisht duhet të shkunden mirë në të gjitha drejtimet, se problemet janë të ndryshme, jo thjesht për tragjeditë e kësaj natyre, por edhe për çështje civile të ndryshme! Ju i dini. Njerëzit, me të drejtë revoltohen, njerëzit kanë të drejtë të ndihen të hutuar kur shikojnë që shumë gjëra nuk shkojnë ashtu siç duhen. Edhe njëherë do i bëj thirrje nga kjo tribunë partive politike, që edhe në këtë sens, edhe në fushën e drejtësisë, të rregullojnë bashkëpunimin e tyre, të reformojnë më tej sistemin e drejtësisë, në mënyrë që të rrisim standardet e dhënies së drejtësisë.

Ilir Nikolla, gazeta “55”: Zoti President, ka pasur shumë interpretime për 21 janarin, sidomos për praninë tuaj fizike. A ka mundësi ta dimë se ku keni qenë nga ora 13.00 deri në orën 17.00 të asaj dite, që të shuajmë edhe kureshtjen e publikut? Edhe një pyetje të dytë, nëse ka mundësi: “Meqenëse ka dështuar marrëdhënia e Presidentit me Kuvendin lidhur me Komisionin Hetimor, a mund të dëshmoni publikisht, cili është qëndrimi juaj për demonstratën e 21 janarit? Si mund ta karakterizoni atë?

Presidenti Topi:Për këtë pyetje, në rast se ju keni marrë ndonjë certifikatë që jeni pjesë e Komisionit Hetimor, unë me kënaqësi jua jap përgjigjen.

Ju duhet të dini që Presidenti jeton në Tiranë. Nuk e ka pasur zakon gjatë tre viteve e gjysmë të ushtrimit të detyrës së tij, qoftë edhe për një natë të vetme të qëndrojë në rezidencat shtetërore. Kjo do të thotë se jetoj në Tiranë dhe gjatë këtyre viteve, nga pikëpamja e ushtrimit të së drejtës për të bërë pjesë në shoqëri, padyshim që jeta është varfëruar. Jeta ime në këto vite është koncentruar nga zyra e shtetit, në zyrën time në shtëpi. Padyshim që i gjithë aktiviteti i Presidentit është shumë transparent dhe është shumë institucional. Uroj që edhe të tjerët, qoftë përfaqësues të institucioneve, qoftë përfaqësues të medias të varur apo të pavarur, të kenë sensin e realitetit! Vetëm sensi i realitetit do të bëjë që çdo individ, çdo person, çdo gazetar, çdo politikan të jetë afatgjatë, të mos jetë afatshkurtër dhe i mbuluar me turp.

Bledar Hoti, Gazeta Shqiptare: Kohët e fundit jeni bërë objekt i sulmeve të ashpra nga Kryeministri, nga Kryetarja e Parlamentit duke ju akuzuar ju për të ashtuquajturin “puç të shtetit”. A mendoni se Komisioni Hetimor do ta zhvendosë hetimin drejt institucionit tuaj duke ju akuzuar për përfshirje në të ashtuquajturin puç?

Presidenti Topi: Së pari do të thoja që unë kam kohë që nuk vendos diagnoza. Kjo do të thotë që merrem vetëm me aktivitetin tim shumë institucional dhe padyshim që ky institucion është transparent në të gjithë aktivitetin e tij. Është në të drejtën e çdolloj institucioni që të zhvillojë aktivitetin e tij brenda parametrave kushtetues që i lejon kushtetuta dhe ligji. Unë uroj që çdo institucion, qoftë edhe ata, të cilëve ju u referoheni, të rifitojnë, sepse e kanë mundësinë, hapësirën e funksionimit demokratik! Çdo institucion, në radhë të parë Parlamenti shqiptar! E kam thënë edhe kohë më parë. Nuk kam thënë ndonjë gjë të re, sepse duke besuar që shkoj gërmë pas gërme sipas vlerësimit të Komisionit Evropian, kam thënë për Parlamentit që duhet t’i rikthejë Parlamentit hapësirën demokratike! Duke filluar me frymën e funksionimit, me procedurën dhe me produktin. Ai është organi përfaqësues i popullit, i cili kurrësesi nuk mund të ndahet në popull të djathtë apo të majtë, sepse ligji është i rëndësishëm për të gjithë. Aktiviteti i Parlamentit është i rëndësishëm për të gjithë, qofshin ata që e ndiejnë veten të majtë, qofshin ata të djathtë, qofshin këta të qendrës, qofshin ata që nuk duan t’ia dinë për politikën. Ky është reflektim që duhet bërë nga çdo lloj institucioni: në çdo institucion të rikthehet hapësira demokratike. Kjo është plotësisht e mundur dhe kjo nuk duhet të jetë në funksion të karrigeve të pushtetarëve, cilido qoftë ai, por në funksion të qytetarëve.

Brunilda Sinamati, TVSH: Zoti President, sot, pas më shumë se dy javësh nga ngjarja e 21 janarit, drejtësia po akuzohet për zvarritje të qëllimshme të hetimeve, madje për dështim në këtë drejtim. Ju jeni autoriteti më i lartë i drejtësisë në vend. Sa përgjegjës ndiheni për këtë?

Presidenti Topi:Së pari, unë i qëndroj edhe njëherë paragrafit të dytë të fjalës sime sot: duhet të kemi parasysh që drejtësia të punojë, të tjerët duhet të heshtin! Vërtet, Presidenti ka edhe cilësinë e Kryetarit të Këshillit të Lartë të Drejtësisë, por ju duhet ta dini që edhe Këshilli i Lartë i Drejtësisë kompozohet nga përfaqësues të disa pushteteve.

Nga ana tjetër, ritheksoj edhe njëherë nevojën që çdo institucion, pavarësisht që nuk ka lidhje të drejtëpërdrejtë me sistemin e drejtësisë, duhet të kontribuojë me transparencën, me të gjithë dokumentacionin për t’i shërbyer së drejtës. Duhet ta lemë drejtësinë të punojë! Drejtësia, sikurse ju edhe po e shikoni, po punon. Minimumi që duhet të bëjmë të gjithë është që duhet të mos ta intimidojmë! Ta lejojmë që të punojë, të nxjerrë produktin e vet! Urojmë që drejtësia të japë drejtësi!

Rovena Moçka, Televizioni Alsat: Në situatën e fundit, ju shpresoni se ka vend për dialog apo është rasti për zgjedhjet e parakohshme? Kam parasysh që opozita po mban këtë qëndrim se zgjedhjet e parakohshme do të ishin mundësia e vetme për dialog me mazhorancën në këtë situatë.

Presidenti Topi:Edhe njëherë, unë kurrsesi nuk mund të futem dhe nuk mund të bëhem pjesë e opsioneve politike të partive politike. Kjo është kategorike. Kështu që mos kërkoni nga Presidenti se çfarë intensionesh, se çfarë opsionesh kanë partitë politike! Ajo që unë jap si një mesazh konstant, gati-gati, i kthyer në mërzi, kur u bëj thirrje që të ushtrojnë maturi dhe dialog. Po të shikoni, në të gjitha ligjëratat e mia, pavarësisht se mund të ketë qenë direkte apo në funksion të ndonjë aktiviteti të caktuar, është dhënë vetëm ky mesazh. Ky është mesazhi që duhet të japë Kryetari i Shtetit dhe besoj që këtë mesazh japin të gjithë krerët e shteteve kur ka probleme të kësaj natyre politike. Unë uroj që të kemi një rikthim në normalitet të jetës politike! Uroj që të rikthehet në normalitet jeta e Parlamentit në tërë kompleksitetin e vet, sepse Shqipëria ka nevojë qoftë për transparencë politike dhe publike, qoftë për debatin politik parlamentar, qoftë për ligje dhe për garancinë që të gjithë së bashku duhet t’u japim institucioneve, pavarësisht se ku jemi dhe se çfarë detyrash ushtrojmë në një moment të caktuar.

Ju falemnderit dhe urimet më të mira!

Presidenca

[Brari]

kuptimi i traktit te bamir topit eshte..

atdhetare demokrate rrini urte .. pajtohuni me ed vin rucin .. shefin tim.. si sundimtare te vendit..

mos u ndjeni.. e prisni me durim derisa der me dere tju vije si ne dyzet e pesen.. batalionet e ndjekjes ed ruco-enveriste polpoto khmer rruzhe robert perlek-iste.. tju rrasin byzylyqet e tu marrin zvarre me liste e tu varin neper shtylla si sulo klosin e vellan e musine kokolarit.. etjetj..

--


krimineli bamir topi bashk me krimnelen ina ed ruc rama.. nuk duhen lene asnji minut ne ato poste..

perndryshe vendi shkoj ne nji diktature tjeter 50 vjecare..

[Albo]

I dashur president.

E lexova te plote konferencen tuaj, dhe me vjen keq qe je katandisur si paardhesit e tu: Mejdani e Moisiu. Je katandisur ne ate pike, sa je irelevant ne cdo aspekt te jetes shoqerore, institucionale, politike te vendit. Dhe me poshte do te ta shpjegoj perse, qe ta mesosh, pasi ne ate mendjen tende, te duket sikur "qendron me lart se te gjithe".

1. Eshte turp per presidentin e vendit, kreun e shtetit shqiptar, qe te mbaje nje konference te tille shtypi me mediat dy jave pasi ndodhi nje ngjarje e zeze ne historine e ketij populli, si 21 janari 2011. Eshte turp akoma ma i madh, qe ti u ben bisht pyetjeve te gazetareve, qe jane edhe pyetjet e shqiptareve, dhe fshihet si kermilli pas guackes ligjore kushtuese. Ka nje ligj themelor te pashkruar ne kushtetute: TRANSPARENCA ME PUBLIKUN SHQIPTAR! Nuk ke kurajon te na thuash se cfare mendon per ate qe ngjau ne 21 janar. Nuk ke kurajon te na thuash se ku ishe fizikisht ate dite. nuk ke kurajon te na thuash qe nuk ke kontaktuar ne menyre institucionale me kryeministrin e vendit i cili u sulmua ate dite. Nuk ke kurajon te takohesh me njerezit e zgjedhur te Kuvendit te Shqiperise ne Presidence per te deshmuar per publikun dhe per historine qendrimin tend ate dite. Nuk ke kurajon te pranosh qe drejtesia shqiptare po deshton hapur me ceshtje si Gerdeci, por ama ti je i bindur qe Prokuroria e vendit eshte e afte te zbardhi ate qe ngjau ne 21 janar. Perse u hyn ne pune nje president i tille shqiptareve, i nderuar president?

2. Nje sulm ndaj nje institucioni demokratik eshte nje sulm ndaj te gjitha institucioneve demokratike, eshte nje sulm ndaj gjithe rendit kushtetues. Historia ka per te bere me faj, qe nuk thirri menjehere Keshillin e Sigurise kombetare pas asaj qe ndodhi ne 21 janar. Eshte kompetenca tende ta beje kete gje. Eshte kompetenca tende qe tu kerkoje llogari te gjithe titullareve te institucioneve te vendit ne ate mbledhje, se cfare pune e veprimesh kane bere ate dite. Eshte detyra tende qe se bashku me ate keshill te merni masa qe ajo qe ndodhi ne 21 janar te mos ndodhi perseri. Eshte detyra tende qe pas atij takimi, te dilje ne nje konference shtypi para mediave e gjithe shqiptareve, e t'i siguroje ata qe rendi kushtetues ne vend do te mbrohet me cdo kusht, qe qetesia e normaliteti nuk do te prishet, qe prona nuk do te dhunohet, qe vendi nuk do te beje hapa mbrapa por vetem perpara. Ti nuk bere asnje nga keto i nderuar president, ti nuk bere detyren tende kushtetuese, ti nuk bere as detyren si qytetar i atij qyteti e atij vendi.

3. Te eshte tiposur ne koke, qe presidenti qendron mbi partite politike, dhe detyrimisht qe nuk te takon ty te japesh mendime mbi politiken shqiptare, por vetem tu besh moral politikaneve. E ke kuptuar gabim detyren dhe institucionin qe drejton i nderuar president. Eshte detyra juaj qe te shpreheni publikisht, e te kritikoni cdo parti politike, cdo politikan, qe bojkoton zgjedhjet, qe ben thirrje per dhune, qe organizon demostrata qe ne shenjester kane institucionet demokratike te ketij vendi. Eshte detyra juaj qe publikisht te kritikoni edhe kryeministrin e vendit, kur mendoni se gjuha qe ai po perdor eshte banale. Eshte detyra juaj si kreu i gjyqesorit shqiptar, ti kerkoni Prokurorise qe te hetoje ngjarje si Gerdeci e 21 janari, dhe kur deshtojne ne detyren e tyre, ashtu edhe sic kane deshtuar me Gerdecin, t'i kerkoni titullares se ketij institucioni doreheqjen. Sa hetime do te deshtojne ne ate vend, qe Kryeprokuroria e vendit te mbaje pergjegjesine e saj profesionale per paaftesi?! Boll e "shkundet" prokurorine me fjale, merrni hapa institucionale qe te largoni nga Prokuroria dhe Gjykatat te paaftet dhe te vendosni njerez profesioniste qe dine te vene ne vend drejtesine ligjore. Shqiptaret kane 20 vjet qe presin qe vendi te kete nje gjyqesor te pavarur. Sa dekada te tjera duhet te presin?

4. Eshte turp per ty dhe institucionin qe ti drejton, qe shqiptaret pas asaj qe ndodhi ne 21 janar, kur pane se si ti u bere memec e nuk denjove qe te beje transparencen me ta, i kthyen syte nga nderkombetaret: nga ambasadoret e SHBA e BE ne vend. Eshte turp per ty dhe institucionin qe ti drejton, qe ata ambasadoret e akredituar ne vend kane mbajtur me shume konferenca shtypi per publikun shqiptar, se sa ti qe je president i vendit. Shqiptaret duhet te prisnin 2 jave qe ti te dilje para gazetareve ne ne konference shtypi. Dhe kur dole, u bere bish pyetjeve te gazetareve, qe jane edhe pyetjet e gjithe shtetasve shqiptare ne bote per ty.

Perse na duhet nje president si ty, sa per te mbajtur ngrohte kolltukun e presidentit dhe per te buzeqeshur para kamerave televizive?!

Albo

[bili99]

Kryedeshperimi shqiptar e ka emrin Bamiri- Bakeqi i interesit te pergjithshem kombetar dhe demokracise shqiptare ne zhvillim

Bamiri nje tjeter shqiptar tipik dhe nje tjeter politikan ordiner, nuk ka asgje te jashtzakonshme edhe nje deshperim tjeter shqiptar,sa keq!

...Sa i ulet ky presidenti truplarte, nuk ka dhene asnje pergjigje te sakt ne asnje pyetje: te jeshe lider i cfardo organizate, te jeshe president i cfardo organizimi politiko shoqeror, te jeshe president i nje shteti --- duhet te keshe ingridientin themelor -KOMUNIKIMIN- digjej dhe kerrcnohej me shkatrrim real Kryeministria ,dhe ky nuk komunikonte me ata te ngujuarit per te mbrojte shtetin qe ky i gjori eshte kryetar ....
Nuk ka lidhje kush eshte mbrenda ne Kryeministri, nuk ka lidhje ne e do ti apo jo ate qe eshte mbrernda Kryeministrise,ka lidhje dhe rendesi qe ti nuk komunikon me ate qe "rastesisht" eshte ai qe eshte si person , por si funksion e mbron shtetin qe ti je kryetar , te perdorish mosdurimin personal dhe te perkrahish dhunen ndaj shtetit qe ti je kryetar eshte ligesi qe te con te vjellat dhe te jep kryedeshperimin si shqiptar....dhe ka vetem nje shpjegim: ose bashkepjesmarres i nominklatures per te rrexuar qeverine demokratike,ose si duarferkues pasiv qe priste te rrexohej qeveria perpara ekranit televiziv...sa i vogel o Bamir Topi- turpi te mbuloft per papjekurine individuale,kombetare dhe politike.
Ky far kryetari e ka shume thjeshte nese don te kryej thelbesoren e detyres dhe deshiron te jete fer, mund te thote nje fjali publike :ky mandat i zgjedhur nga shumica shqiptare duhet te kryhet deri ne diten e fundit,keshtu e ka demokracia, nuk besoj ne dhunen per te rrexuar pushtetin demokratik,
ne vend qe tu pergjigjet gazetareve me faqe te tera ligjeratash dhe pa thene asnje gje te dinjitetshme dhe thelbesore, aq me keq pa iu pergjegjur asnje pyetje as sinqerisht dhe as politikisht.
Edhe nje politikan ordiner shqiptar , ne vend qe te na beje krenar, na ben te skuqemi edhe per kete zgjedhje te Berishes! Por, ta dini se gjithmone ai qe tradheton eshte me i ulet se ai qe eben zgjedhjen duke e mbivleresuar dhe duke e paragjykuar nje person per te mire!
Berisha mund ti kete njemije gabime, por nuk i ka thuajse asnjeren nga vogelsite dhe ligesite e klases politike shqiptare sot - perfshire cdo politikan shqiptar ne gjithe Ballkanin!

me nderime,
bili99

[Besoja]

Po mirë mo.
Presidenti foli për ngjarjen në bulevard ku pati një grindje të vockël ndërmjet dy gjimnazistëve!

[Brari]

AKTUALITET
Presidenti Topi refuzon të përgjigjet se ku ka qenë në 21 janar si dhe s’pranon të quajë demonstratën e opozitës si dhunë kundër institucioneve
09-02-2011 / Leonard Quku


Thellohet skandali institucional i presidentit të Republikës Bamir Topi. Nga njëra anë lidhur me interpretimin e ngjarjes së 21 janarit, “grushtit të shtetit” dhe nga ana tjetër me tendencat e tij, për të penguar hetimet e zbardhjes së organizatorëve dhe mos dhënien e shpjegimeve morale, mbi të gjitha për hir të transparencës së figurës dhe kuadrit kushtetues të Kreut të Shtetit. Nëse Edi Rama ka pranuar publikisht pjesën e tij të fajit se, gjatë demonstratës së dhunshme të 21 janarit ka dirigjuar grupe të caktuara kriminale në përshkallëzimin e dhunës ndaj forcave të policisë, me qëllim marrjen e Kryeministrisë, Presidenti i Republikës Bamir Topi, i akuzuar si palë me “grushtin e shtetit”, nuk bën transparente për opinionin publik se ku ka qenë pasditen e të premtes së zezë. Jo vetëm që nuk shqetësohet t’i thotë shqiptarëve të vërtetën e 21 janarit, përkundrazi aludon dhe sheh me dyshim atë që shqiptarët mendojnë dhe besojnë. Edi Rama ishte te kullat binjake, këtë e ka pranuar publikisht dhe se njëherazi ka pranuar dhe faktin tjetër, se prej aty priste rënien e pushtetit në mënyrë që t’i hapej rrugë instlalimit të diktaturës së Bulevardit; skema ishte e thjeshtë dhe e qartë. Kryetari i socialistëve dhe rekrutuesi i kontigjentit të kriminelëve të rrugës kishte synime të mirëfillta personale sepse përmes “grushtit të shtetit” do të vinte në pushtet, sigurisht në mënyrë të dhunshme, por do t’i bënte nder të veçantë dhe disa prej krerëve të institucioneve të tjera kushtetuese, të cilët prisnin të merrnin mandatin e dytë në kurriz të shqiptarëve dhe në shkleje të dhunshme të ligjit dhe kushtetutës së vendit. Kjo i hiqte detyrimet morale të fajësisë Edi Ramës dhe e shmangte atë nga një ‘gjyq kushtetues’, sepse organet më të larta kushtetuese ishin pjesë e skenarit të “puçit të shtetit”, kujtojmë këtu prokurorinë e Përgjithshme dhe institucionin e Presidentit. Në një konferencë për shtyp, kreu i shtetit përsëri nuk e quajti dhunën e 21 janarit, dhunën ndaj institucioneve, si shkelje të ligjit dhe kushtetutës dhe kësisoj ai vazhdon t’i përmbahet epitetit të mëparshëm se ajo ishte “ngjarje e bulevardit”. Por si mund të cilësohet një akt i tillë rrugaçërie dhe një sulm i armatosur ndaj institucioneve të shtetit si, ‘ngjarje të rrugës’...?



Por, pyetjes së kryeredaktorit të gazetës “55” Ilir Nikolla, presidenti iu përgjigj në mënyrë flagrante dhe arbitrare. Përgjigja e presidentit Topi ishte e papranueshme; ai mbartte frikë dhe tmerr në përgjigje. Kreu i shtetit u vetëcensurua. Ai nuk është më garant i ligjit apo rojtar i kushtetutës, siç vetëquhej 2 vite më parë dhe siç u besua se kuadri i tij institucional do ishte një garanci më vetë për shtetin ligjor dhe shtetin e së drejtës. Kështu po rrezikojmë që ta kthejmë institucionin e presidentit në një instrument shumë përdorimësh të karikaturës politike me emrin Edvin Rama.



Ilir Nikolla, gazeta “55”: Zoti President, ka pasur shumë interpretime për 21 janarin, sidomos për praninë tuaj fizike. A ka mundësi ta dimë se ku keni qenë nga ora 13.00 deri në orën 17.00 të asaj dite, që të shuajmë edhe kureshtjen e publikut? Edhe një pyetje të dytë, nëse ka mundësi: “Meqenëse ka dështuar marrëdhënia e Presidentit me Kuvendin lidhur me Komisionin Hetimor, a mund të dëshmoni publikisht, cili është qëndrimi juaj për demonstratën e 21 janarit? Si mund ta karakterizoni atë?


Presidenti Topi: Për këtë pyetje, në rast se ju keni marrë ndonjë certifikatë që jeni pjesë e Komisionit Hetimor, unë me kënaqësi jua jap përgjigjen.



Ju duhet të dini që Presidenti jeton në Tiranë. Nuk e ka pasur zakon gjatë tre viteve e gjysmë të ushtrimit të detyrës së tij, qoftë edhe për një natë të vetme të qëndrojë në rezidencat shtetërore. Kjo do të thotë se jetoj në Tiranë dhe gjatë këtyre viteve, nga pikëpamja e ushtrimit të së drejtës për të bërë pjesë në shoqëri, padyshim që jeta është varfëruar. Jeta ime në këto vite është koncentruar nga zyra e shtetit, në zyrën time në shtëpi. Padyshim që i gjithë aktiviteti i Presidentit është shumë transparent dhe është shumë institucional. Uroj që edhe të tjerët, qoftë përfaqësues të institucioneve, qoftë përfaqësues të medias të varur apo të pavarur, të kenë sensin e realitetit! Vetëm sensi i realitetit do të bëjë që çdo individ, çdo person, çdo gazetar, çdo politikan të jetë afatgjatë, të mos jetë afatshkurtër dhe i mbuluar me turp.

55

.

[Ingenuous]

Nese Presidenca do te ishte rrethuar per mese 5 ore, çdo te bente Kryeministri i Shqiperise per te !?

Mendoj, se Kryeministri do te ishte vene vete i pari duke shkuar per ta "ndihmuar", ndersa presidenti yne e quajti "ngjarja e bulevardit", nuk e permendi kurre fjalen dhune ne ato 12 rrjeshta komunikate qe beri. Turp dhe vetem turp per te.

Qe ishte puç, ishte çke me te, perse nuk e pranojne diplomatet USA, fare e thjeshe per ata qe kane sadopak llogjike.

Gjithsesi, cdo gje do te shkoje ne vendin e vet, fajtoret e vertete do te ndeshkohen me 8 Maj.

Mirulexofshim.

[mesuesi_1]

Albo me pelqeu shume mesazhi yt ....


sot presidenti i beri shqiptaret trapa fare .... iu drejtua duke thene se shqiptaret nuk i kuptojne gjerat ....

shqiptaret kaq mire i kane kuptuar punet saqe neser me hedh kandidaturen Bamka per deputet vetem tre vota ka per te pasur te garantuar .... ate te Edverit, Ines dhe te Rucit .....



-

[drague]

Bamir Topi u be president per interesat e Sali Berishes.

Sala e ka injoru gjithmone Bamirin si PRESIDENT"

ps. ndoshta ishte casti i volitshem ! edhe mund te gabohem.

[Fiesta]

2 jave pritje,2 jave pregaditje,2 ekspert se paku e kane pergadit at fjalim dhe prap i njeanshem,per popullin qe eshte ktu tere diten e di mesemiri punen,ndersa per televizionet e huaja pernjemend ka qen fjalim mbreselenes "sepse nuk jan ne ngjarje" .