UEFA paraqet planin e ri financiar

[Nice_Boy]

Plani i “Barazisë financiare për të gjitha klubet” është dizajnuar nga Federata evropiane e futbollit, UEFA për të frenuar shpenzimet e çmendura të klubeve dhe pasanikëve të mëdhenj që injektojnë shuma të mëdha parash, një faktor që çrregullon tregun e lojtarëve, çon pagat e lojtarëve drejt një niveli astronomik dhe ka një efekt shkatërrimi për klubet e vogla që përpiqen të mbahen në këtë “valle”.

Sipas rregullave, në këtë plan klubet do të duhet të punojnë me përfitimet e tyre, duke u siguruar që shpenzimet e tyre të mos jenë më të larta se sa të ardhurat e tyre që i sigurojnë nga aktivitetet e tyre – “rregulla break-even”.

Në një raport të publikuar nga UEFA vitin e kaluar shkruan se 50 për qind e klubeve më të mëdha të Evropës kanë humbur para dhe 20 për qind e tyre janë në borxhe serioze.

I mbështetur nga presidenti i UEFA-s, Michel Platini, planit iu deshën dy vjet për t’u formuluar. Rregulla të rrepta për licencim u aprovuan në qershorin e kaluar, derisa rregullat tjera të reja fillojnë në hyjnë në fuqi nga 1 qershori i këtij viti.

Kur rregullat e reja të hyjnë plotësisht në fuqi, klubeve do t’u lejohet pjesëmarrja në garat evropiane vetëm nëse të ardhurat e tyre të grumbulluara – paratë nga burimet si të drejtat televizive, shitja e biletave, paratë e fituara nga ndonjë kampionat apo sponsor – janë të barabarta ose pak më të larta sesa shpenzimet e tyre.

Klubeve gjithashtu do t’iu ndalohet që të huazojnë paratë e tyre tek klubet e tjera, lojtarët, autoritetet e taksave dhe departamenteve të shërbimeve sociale.

Për të mbikëqyrur zbatimin e këtij plani është ngritur paneli i kontrollimit të financave të klubeve, i drejtuar nga ish-kryeministri i Belgjikës, Jean-Luc Dehaene, që është përgjegjës për kontrollimin e llogarive të klubeve dhe detyrimin e klubeve që t’i nënshtrohen sistemit të licencimit.

Hapi tjetër kyç do të bëhet më 1 qershor të këtij viti - kur rregulla e cila ua ndalon klubeve të huazojnë paratë e tyre hyn në fuqi.

Kërkesat “break-even”, që ua ndalon klubeve të shpenzojnë më shumë se sa shuma e të ardhurave që ata grumbullojnë, do të hyjnë në fuqi në fund të vitit 2012. Kurse, stinori i parë kur një klub nuk do të lejohet të marrë pjesë në garat evropiane për shkak të mospërmbushjes së këtyre kërkesave do të jetë ai 2013-14.

Përjashtimet e vetme që do t’u bëhen klubeve për shpenzimet e bëra do të jenë paratë që investohen në stadiumet e tyre dhe në sistemin e zhvillimit të të rinjve. Shënjestra kryesore e këtij plani është kufizimi i shumave të pagave dhe kalimeve të lojtarëve.

Investitorëve do t’u lejohet të kontribuojnë në shpenzimet e klubeve të tyre deri në 45 milionë euro për stinorët 2013-14 dhe 2014-15. Ajo shumë do të reduktohet në 30 milionë euro për stinorët 2015-16, 2016-17 dhe 2017-18. /indeksonline/

[niku-nyc]

Me ne fund do kthehet futbolli i vertet dhe shyqyr qe futbolli fallso me borxhe do mari fund.

Kot nuk ishte Italia kampionati me i bukur i viteve 80 dhe 90, atje ku lunin emrat me te medhenj dhe futbolli me i bukur i te gjitha koheve, pastaj sa hyri leku, u prish futbolli duke fillu me Spanjen dhe Angline.