Berisha: Puc shteti ne 21 janar, Kryeprokuroria dhe SHISH te implikuar

[Albo]

DEKLARATË PËR MEDIAT E ZOTIT SPIRO PEÇI, KËSHILLTAR LIGJOR I PRESIDENTIT TË REPUBLIKËS


3 shkurt 2011

Në deklaratën e vet para medias, Kryetari i Komisionit Hetimor, zoti Halimi u mundua të bënte një sqarim se Presidenti i Republikës nuk është thirrur si dëshmitar, por për të përcjellë në seancë pyetjeje, të dhëna apo informacione që ka për veprimtarinë e vet para, gjatë dhe pas datës 21 janar 2011.

Nuk dua t’i komentoj këto deklarata si lojëra fjalësh, por do i konsideroja si të mirëqena ato që zoti Halimi deklaroi.

Ky Komision mesa u deklarua, edhe nga përmbajtja e shkresës që sapo ka mbërritur pranë Presidentit të Republikës, pretendon që prej Presidentit të Republikës, po citoj shkresën, të mbledhë të dhëna dhe informacione zyrtare dhe jozyrtare, si dhe dokumente. Komisioni mundohet të argumentojë se e mbështet kërkesën në Nenin 14, germa “b” të Ligjit Për komisionet hetimore. Në qoftë se ky “argumentim” nuk përmban keqdashje politike, në rastin më të mirë, është një miopi juridike.

Neni i cituar, bën fjalë për të drejtën e Komisionit që të thërrasë titullarë institucionesh për pyetje dhe të kërkojë dokumente ose informacione zyrtare prej tyre. Vetëm ata që nuk kanë koncepte mbi institucionin dhe titullarët e institucioneve, si dhe nuk lexojnë apo nuk duan të lexojnë Kushtetutën e vendit, e njehsojnë Presidentin e Republikës me një titullar institucioni.

Dua të theksoj se askush, nuk mund të verë në dyshim apo të komentojë, faktin që Presidenti është institucion dhe jo titullar institucioni. Është pikërisht kjo arsyeja, midis të tjerave, që Kushtetuta e Republikës, e ka vendosur Presidentin si institucion, duke i caktuar direkt kompetencat, të drejtat dhe detyrimet.

Ashtu siç shpjeguam edhe në konferencën e ditës së djeshme, në bazë të Nenit 92, në germën “h” të Kushtetutës duke qenë Presidenti një institucion, thuhet “kërkon mendim dhe të dhëna me shkrim nga drejtuesit e institucioneve shtetërore për çështjet që kanë të bëjnë me detyrat e tyre” .

Në asnjë rast, Presidenti i Republikës nuk ka detyrimin për të dhënë informacione.

Marrëdhëniet e Presidentit të Republikës me Kuvendin janë përcaktuar në mënyrë të drejtpërdrejtë nga Kushtetuta, madje duke e vendosur Presidentin si Institucion në një pozitë të veçantë, po në Nenin e sipërcituar, në germën “a”, ku thuhet Ai "i drejton mesazhe Kuvendit”.

Ju falemnderit!

Presidenca

[Albo]

Dua të theksoj se askush, nuk mund të verë në dyshim apo të komentojë, faktin që Presidenti është institucion dhe jo titullar institucioni. Është pikërisht kjo arsyeja, midis të tjerave, që Kushtetuta e Republikës, e ka vendosur Presidentin si institucion, duke i caktuar direkt kompetencat, të drejtat dhe detyrimet.

A te keqen te mendjes se bukur. Presidenti qenka "institucion". Une kujtova se PRESIDENCA eshte institucion, dhe Presidenti eshte kreu i perkohshem i atij institucioni? Apo ju pelqen qe te na cudisni me gjepura te tilla. Me kete llogjike, te gjithe kreret e institucioneve ne vend mund te hiqen si "institucione".

Eshte turp per kete president, qe fshihet pas keshilltareve te tij si miu, e nuk del e i sqaron shqiptaret vete ne komision apo para mediave, per rolin qe ai ka luajtur ne ate qe ndodhi. Nese nuk do te shkoje ne Kuvend e te flasi para gjithe shqiptareve, le te dali ne nje konference shtypi, le te dali ne nje emision televiziv e te sqaroje shqiptaret per rolin qe ai ka patur dhe mendimin qe ai ka per situaten e krijuar ne 21 janar e ne vazhdim.

Perse na duhet "presidenti institucion", kur nuk ia degjojme fjalen, e nuk ben transparencen me shqiptaret, ne dite te ketilla?

Dhe meqenese presidenti u soll ne kete menyre ndaj Kuvendit dhe ndaj atyre deputeteve me votat e te cileve ai eshte zgjedhur president, mazhoranca duhet t'ia beje te qarte qe ai nuk gezon me as mbeshtetjen me te vogel per rimandatimin e tij ne kete post.

Cdo dite qe kalon, dhe qe ti nuk e ben transparencen me shqiptaret, aq me shume njollos faqen e historise qe do te shkruaje per rolin tend ne ate qe ndodhi ne 21 janar.

Albo

[Albo]

Dëshmia e plotë e Ministrit të Brendshëm Z. Lulzim Basha në Komisionin Hetimor Parlamentar për ngjarjet e 21 janarit.

Dt. 02.02.2011

Komision Hetimor
Datë 01.02.2011


Eduard Halimi – Të nderuar kolegë, fillojmë seancën e radhës së Komisionit Hetimor Parlamentar. Ashtu siç ju kemi njoftuar edhe më përpara sot është seanca e dytë dëgjimore me drejtuesit e institucionit. Sot është i thirrur për të informuar Komisionin Hetimor, ministri i Brendshëm, zoti Lulzim Basha, i cili është paraqitur pranë këtij komisioni.
Zoti Ministër, ju falënderojmë për paraqitjen në këtë komision.

Zoti Ministër, ne do të ishim të interesuar të kishim prej jush një informacion të detajuar, ashtu siç parashikohet edhe në ligjin “Për komisionet hetimore parlamentare” për informacionet paraprake që ju keni pasur para ngjarjes së datës 21 janar. Do të donim të dinim masat e marra nga ju për përballimin e situatës që do të ndodhte në datën 21 janar, masat e marra për zbulimin, identifikimin, përballimin, neutralizimin, pengimin dhe ndëshkimin e veprimit të organizuar kriminal, për dhunimin e institucioneve dhe përmbysjen e rendit kushtetues në datën 21 janar.

Zoti Ministër, ne do të ishim të interesuar të kishim çdo informacion që juve dispononi për zbardhjen e së vërtetës së grushtit të shtetit të datës 21 janar 2011.

Zoti Ministër, në fillim ne do të dëgjojmë shpjegimet dhe informacionet që ju keni, më pas kolegët do t’ju bëjnë pyetje dhe ju do t’i përgjigjeni atyre.
Zoti Ministër, fjala është për ju.

Lulzim Basha – I nderuar zoti kryetar!
Të nderuar zotërinj anëtarë të këtij komisioni,
Së pari, ju falënderoj për ftesën që më keni bërë për t’u paraqitur në këtë komision.

Ju siguroj se paraqitja ime sot këtu është vetëm një aspekt që dëshmon vullnetin e plotë, të gjithanshëm, të pacenueshëm të dikasterit që unë drejtoj dhe timin personalisht për t’iu përgjigjur të gjitha kërkesave të këtij komisioni hetimor me qëllim që të ndihmojmë në zbardhjen e rrethanave, fakteve, para, gjatë dhe pas 21 janarit, duke hedhur dritë mbi mënyrën se si jo vetëm institucioni që unë drejtoj, por edhe institucionet e tjera të vendit kanë vepruar në raport me Kushtetutën e Republikës së Shqipërisë dhe me ligjet e vendit, si dhe në raport me të gjitha aktet e tjera ligjore e nënligjore për të përballuar situatën para, gjatë dhe pas 21 janarit.

Më lejoni ta nis këtë dëshmi duke thirrur në vëmendjen tuaj dhe të të gjithë qytetarëve çastin tronditës të fillimit të dhunës më 21 janar. Çdo qytetar, dhe janë me qindra e mijëra që e kanë ndjekur këtë ngjarje nëpërmjet dhjetëra e dhjetëra mediave të pranishme të vendngjarje, por edhe ekspertë, gazetarë, diplomatë, i gjithë opinioni kombëtar e ndërkombëtar mban mend shumë mirë dhe kujtdo që mund t’i jetë mjegulluar kujtesa mund të rikujtohet duke parë pamjet filmike të nisjes së ngjarjes së 21 janarit.

Ndonëse ishte njoftuar një tubim nga një forcë politike, nga Partia Socialiste zyrtarisht, ndonëse ky tubim kishte marrë përmasa kombëtare, i angazhuar drejtpërdrejtë edhe vetë kryetari i Partisë Socialiste, Edi Rama, mitingu, aktiviteti apo masa e njerëzve që sapo u vendos para rreshtimit të Forcave të Rendit nuk u angazhua në asnjë parullë politike, nuk pati asnjë fjalim, por menjëherë nisi edhe mesazhi i vetëm i 21 janarit, dhuna. Menjëherë pas mbërritjes para kordonit policor, pa asnjë paralajmërim dhe pa asnjë provokim, elementët kriminalë të gjendur dhe të grumbulluar këtu përpara nisën goditjen e Forcave të Rendit. Në fillim me çadra, hunj, mjete të tjera të forta që i mbanin nëpër duar dhe më pas dhuna u përshkallëzua. Vetëm pak minuat pas nisjes së goditjes me mjete të forta, që tashmë i kishin sjellë, nisën të lëvizin pllakat e bulevardit dhe të godasin me furi mbi rreshtat e punonjësve të rendit, çka kërkoi menjëherë edhe nisjen e planit të masave, që në ato momente konsistonte në largimin e Policisë së Rendit të veshur vetëm më uniformën e ditës dhe daljen përpara të Forcave të Rendit të veshur me mjete mbrojtëse.

Dhuna u përshkallëzua hap pas hapi. Në valën e parë të dhunës mbetën të plagosur dhjetëra e dhjetëra efektivë të Policisë së Shtetit, duke përfshirë këtu drejtues të lartë, të cilët u goditën në kokë, gjymtyrë dhe në trup nga mjete të forta, duke përfshirë edhe gurë të bulevardit.

Dhuna vazhdoi përshkallëzimin edhe pas ndërhyrjes së Forcave të Ndërhyrjes së Shpejtë, të cilët patën një rezultat të shkurtët kohor të shpërndarjes, por me rigrupimin e menjëhershëm të masës së dhunshme, e cila e gjendur përballë një qëndrimi të vetëpërmbajtur të Policisë së Shtetit jo vetëm që nuk iu përgjigj thirrjeve të drejtuesve për të shmangur goditjet ndaj efektivave në detyrë, por vazhduan të godasin efektiva, të mbrojtur e të pambrojtur, në këmbë dhe të rrëzuar nga mjete e forta me të cilat ata godisnin.

Skena e parë u përshkallëzua dhe vazhdoi për 5 orë. Selia e Këshillit të Ministrave u mbajt e rrethuar nga qindra huliganë e banditë të pajisur jo vetëm me mjete të forta, por siç është evidentuar edhe nga veprimtaria e policisë dhe nga mediat, edhe të armatosur me lëndë plasëse, bomba molotov, armë zjarri, si dhe mjete të tjera goditëse. Nga informacionet paraprake dhe nga analiza që vazhdon t’i bëhet ngjarjes nga Policia e Shtetit u identifikuan 10 deri në 15 grupe pesë vetash, të cilët sipas analizës paraprake rezultojnë të mirëorganizuar, të trajnuar, në raste të veçanta, të droguar me drogë sintetike dhe me detyra specifike, të cilat jepeshin nga linja të qarta komande, kontrolli dhe komunikimi në sheshin përballë Këshillit të Ministrave dhe nga çka rezulton të jetë qendra e kontrollit të veprimit apo shtabi i sulmit, i cili vepronte në ndërtesën përballë selisë së Këshillit të Ministrave, të njohur ndryshe edhe si dy kullat.

Në mesin e turmës spikat një numër i madh personash me precedentë penalë, të armatosur me armë zjarri dhe me lëndë plasëse, persona të dënuar më parë për krime të dhunshme, duke përfshirë edhe krime të kryera me armë zjarri në periudhën 1997-2011.

Për 5 orë Forcat e Rendit dhe Grada e Republikës përballuan me vetëpërmbajtjen maksimale përshkallëzimin e organizuar, të koordinuar dhe të shpalosur me efektivitet e operacionalitet të plotë nga një turmë, e cila ishte larg të qenit kaotike, e organizuar, e drejtuar dhe e komanduar.

Pas 5 orë sulmesh ndaj Këshillit të Ministrave, pas thyerjes së perimetrit të sigurisë, shkallmimit të derës, tentativës për të përdorur mjete motorike, për të shkatërruar barrierën e fundit, goditjes së punonjësve të policisë, nxjerrjes së një pjesë të mirë të efektivit jashtë funksionit, goditjes së vazhdueshme të punonjësve të Gardës së Republikës brenda territorit si rezultat i rezistencës të Forcave të Rendit dhe Gardës së Republikës, ky operacion sulmi dhe rrethimi i Kryeministrisë mori fund. Policia e Shtetit sipas planit të masave ndërhyri dhe arrestoi në flagrancë dhjetëra e dhjetëra nga këta persona. Në një bilanc përfundimtar të ditës, në fillim u bë fjalë për një të vdekur dhe në fund për tre të vdekur, gjatë sulmit 5 orësh për të marrë me forcë selinë e Këshillit të Ministrave.

I nderuar zoti kryetar, të nderuar zotërinj anëtarë, dua të ndalem në natyrën e paramenduar të dhunës së ushtruar më 21 janar. Dua të ndalem në thirrjet e bëra veçanërisht dhjetë ditë përpara dhunës së 21 janarit, thirrje këto të drejtuara nga personat më të lartë politikë të subjektit, Partia Socialiste dhe aleatëve të saj, thirrje për t’u ngritur mbi rendin kushtetues, thirrje se Kryeministri Berisha duhet të pranojë një zgjidhje politike ose do të ecë mbi të vdekur, duke vazhduar me thënie: “Do ta shihni se ç’do t’ju bëjmë në datën 21.”, thirrje këto të bëra nga platformat e Parlamentit Shqiptar, por edhe nga informacionet e mbledhura në mënyrë operative nga Policia në ditët përpara, ku persona me pozita të veçanta në linjat e komunikimit midis udhëheqjes së kësaj përpjekjeje të dhunshme për të marrë institucionet e vendit dhe ushtarëve, banditëve që ekzekutuan këtë përpjekje të dhunshme në datën 21 janar, janë shprehur se do të djegin Këshillin e Ministrave, se në datën 21 do të marrë fund Kryeministri etj.

Thirrjet për t’u ngritur mbi rendin kushtetues, thirrjet për të përdorur dhunë mbi institucionet legjitime të vendit janë vetëm një aspekt i natyrës së paramenduar të dhunës. Policia e Shtetit në mënyrë operative mblodhi dhe grumbulloi informacione të shumta, të cilat sugjeronin se në datën 21 janar do të kishte skenarë të ndryshëm, të cilët konvergonin në një pikë të vetme; provokimin e Forcave të Rendit dhe justifikimin e dhunës mbi ta e mbi institucionin që ata mbronin.

Qëllimi kryesor dhe ai parësor i operacionit të 21 janarit ishte marrja me forcë e selisë së Këshillit të Ministrave. Pas nxjerrjes jashtë loje të efektivave të rendit, pas goditjes dhe nxjerrjes jashtë funksionit të efektivave të Gardës së Republikës. Objektivi dytësor, në pamundësi të marrjes së Këshillit të Ministrave me forcë, shkaktimi i paevitueshëm i viktimave dhe përdorimi i tyre si kazuz për të vazhduar përshkallëzimin e dhunës dhe veprimet kriminale me qëllim shkaktimin e një gjendjeje anarkie në vend për të justifikuar rrëzimin e kësaj Qeverie dhe zëvendësimin e saj me një tjetër, kombinuar kjo me mundësinë e zgjedhjeve të parakohshme.

Të nderuar kolegë deputetë, zoti kryetar, zotërinj anëtarë, si kolegu juaj deputet, por edhe si Ministër i Brendshëm kam bërë thirrje në mënyrë të vazhdueshme nga foltorja e Parlamentit Shqiptar dhe nga foltoret e Komisionit të Sigurisë Kombëtare për distancimin e Partisë Socialiste nga kontingjenti kriminal. Kjo pasi asociimi i elementit kriminal dhe përzierja e tij dhe veprimtarisë kriminale në aksionin polik të Partisë Socialiste është evidente prej më shumë se një vit e gjysmë.

Të gjithë kujtojmë aktet e muajve prill dhe maj të vitit të kaluar, jo vetëm bllokimin thuajse tri javor të bulevardit, por edhe tentativën për bllokime aksesh kombëtare dhe kundërshtimin me dhunë të Forcave të Rendit në detyrë dhe tentativën për të goditur këto forca vetëm pak ditë përpara zhbllokimit të bulevardit. Angazhimi i kontingjentit kriminal në të gjitha këto veprimtari, i personave me precedentë apo të dënuar për krime të dhunshme, angazhimi i personave në ndjekje operative nga Policia për krime të rënda si, trafik droge, trafik armësh, bashkëpunim në vrasje dhe tentativë vrasjesh, komunikimi me kriminelë të rrezikshëm, brenda dhe jashtë burgjeve të vendit, brenda dhe jashtë vendit, ka qenë një konstante e informacionit operativ të Policisë së Shtetit në veprimtarinë dhe aksionin politik për të ndërthurur me elemente kriminale te Partisë Socialiste që nga kjo periudhë. Kjo ka qenë arsyeja kryesore dhe aspak propagandë politike që, unë në çdo rast i kam bërë thirrje në Parlament, para Komisionit të Sigurisë Kombëtare dhe në forume të tjera, Partisë Socialiste dhe lidershipit të saj, që të distancohet nga kontingjenti kriminal. Megjithatë, në kundërshtim me këto thirrje, ngjarjet duket se kanë ecur në krah të kundërt.

Gjatë rrethimit dhe sulmit për pesë orë ndaj Këshillit të Ministrave më 21 janar, i gjithë kontingjenti i përdorur rezulton jo vetëm kontingjent kriminal, por në tërësi kontingjent pa lidhje organike me Partinë Socialiste. Janë evidentuar pjesëmarrës dhe organizatorë të protestës nga një distancë e largët nga teatri i veprimeve të grupit kriminal dhe goditja e Këshillit të Ministrave.

Është e qartë se kemi të bëjmë me një operacion të mirëorganizuar, detajet e të cilit po i zbardh hetimi.

Unë dua të ndaj sot me ju, në këtë komision hetimor disa prej këtyre detajeve, fakteve se pas ndalimit të dhjetëra të ndaluarve u janë gjetur shuma standarde në xhep, në vlerë afër 20 000 lekë, kryesisht në prerje euro. Kjo vërteton se grupi që mori pjesë në goditjet dhe sulmin ndaj Këshillit të Ministrave dhe rrethimin e godinës së Kryeministrisë ishte i paguar. Ndonëse u kërkua që të merren veprimet hetimore për të vërtetuar informacionin operativ për përdorimin e drogave sintetike dhe drogave të tjera, ky proces është akoma në vazhdim në neksusin midis Prokurorisë dhe Policisë së Shtetit.

Plani i masave të Policisë së Shtetit dhe të Gardës së Republikës ka qenë i plotë. Në përputhje me ligjin “Për Policinë e Shtetit” dhe “Për Gardën e Republikës”, të dyja këto organizma, duke u bazuar në informacionet e marra, hartuan një plan të detajuar masash për datën 21 janar. Ky plan kishte si objektiv parësor garantimin e një tubimi paqësor, garantimin e rendit dhe të sigurisë, si edhe mbrojtjen e institucioneve kushtetuese.

Ky plan ju është vënë në dispozicion juve, të nderuar zotërinj të komisionit, por unë dua të veçojë disa momente.

Së pari, plani shtrihej në qarqe dhe në qendër. Ka qenë i detajuar dhe ka përdorur të dhënat operative për të identifikuar personat me precedentë të mëparshëm dhe për të bërë ndalimin apo izolimin e tyre. Ky plan masazh parashikonte edhe bashkëpunimin me Prokurorinë, së cilës, sikundër në ngjarjet e mëparshme, i është kërkuar të vendosë në terren prokurorë, me qëllim që ata të jenë aty për të kryer veprimet e çastit si, arrestimet në flagrancë etj. Paraprakisht dhe në përputhje me ligjin dhe aktet e tjera ligjore, Policia e Shtetit ka kërkuar informacion nga Shërbimi Informativ Shtetëror me shkresë, të cilës Shërbimi iu përgjigj me atë që tashmë është bërë publike ndaj jush, duke mos dhënë asnjë informacion specifik mbi ngjarjen e 21 janarit.

Më lejoni të ndalem në një pjesë tjetër të grushtit të shtetit.
Rreth orës 17:00 morëm informacionin se ka një viktimë e cila ndodhet në spital. Në përfundim të rrethimit të Kryeministrisë dhe të sulmit për ta marrë atë me forcë, erdhi informacioni se bëhej fjalë për tri viktima dhe për një person në gjendje të rëndë shëndetësore. Menjëherë pas marrjes së këtij informacioni dhe pas thirrjes që i është drejtuar Prokurorisë për të nisur hetimin mbi këtë çështje, janë njoftuar nga Policia e Shtetit se Prokuroria ka marrë në dorë hetimin dhe se Policia Kriminale nuk do të jetë pjesë e këtij hetimi, por do të ndihmojë, sipas ligjit, çdo aspekt të punës së Prokurorisë. Pas situatës së krijuar jam i sigurt në çdo familje shqiptare që e përcolli ngjarjen nëpërmjet televizionit, pas situatës së krijuar në mesin e Forcave të Rendit dhe Forcave të Gardës së Republikës, të cilët u gjendën për pesë orë në sulmin e vazhdueshëm të kontingjentit kriminal, që kishte për qëllim marrjen me forcë të selisë së Këshillit të Ministrave, në orën 01:30 minuta, kryetari i Partisë Socialiste, Edi Rama mbajti një konferencë për shtyp, ku kërkoi që të nesërmen të protestohej kundër “horrave të gardës”.

Ka qenë, pra një ditë dramatike, një thyerje historike në historinë e Shqipërisë moderne pas viteve “90, por do të thosha në tërësi, në historinë e saj. Një ditë ku u tentua që me forcë të përmbysej rendi kushtetues, të asgjësohej rezistenca e Forcave të Rendit dhe e Gardës së Republikës, të pushtohej me forcë selia e Këshillit të Ministrave dhe pas kësaj të sigurohej pjesa tjetër e planit, e cila kërkonte anarki dhe rrëzimin me dhunë të Qeverisë së zgjedhur.

Kjo pra, si mënyrë veprimi synonte të arrinte këtë rezultat, pra, largimin e Qeverisë së zgjedhur, pavarësisht dhe jashtë zgjedhjeve elektorale dhe instrumenteve të tjera kushtetuese të vendit. Të impononte me forcën jo të tankeve dhe as të njësive të armatosura, por të njësive të banditëve të paguar, droguar, trajnuar dhe pajisur nga një shtab i mirëfilltë dhune, të realizonte një puç të mirëfilltë shteti.

Natyrisht, deri në orën 01:30 dhe daljes së kryetarit të Partisë Socialiste dhe thirrjes së tij për të vazhduar të nesërmen luftën me “horrat e Gardës”, gjendeshim vetëm përpara një tentative unike edhe në Europën e viteve të fundit, për të përmbysur me dhunë rendin kushtetues të një partie politike. Askujt në atë moment nuk i shkonte në mendje fjala puç apo grusht shteti. Ishte një moment dramatik, moment kur pas braktisjes së fazuar të mjeteve politike, pas paralajmërimeve të qarta publike, zoti Edi Rama kishte vënë në jetë planin e përdorimit të dhunës dhe mjeteve të dhunshme për të marrë pushtetin.

Të nesërmen në orën 06:00 të mëngjesit kam marrë në telefon drejtuesit më të lartë të Policisë për t’i pyetur për gjendjen në vend. Rezultoi se gjendja në vend ishte e qetë, posaçërisht në Tiranë dhe qytete të tjera. Policia, menjëherë pas përfundimit të operacionit të rrethimit të Kryeministrisë kishte marrë masat e posaçme jo vetëm për shoqërimin e elementeve të dhunshme që morën pjesë në këtë tentativë, por edhe për kontrollin e çdo pjese të territorit, me qëllim shmangien e akteve vandale mbi pronën private dhe qytetarët, akte të cilat nuk kishin munguar në pararendje e sulmit mbi Kryeministrinë, akte dhune mbi qytetarët dhe mbi pronën e tyre.

Drejtuesit e lartë të Policisë, me të cilët mora kontakt, më informuan se nuk ka pasur ngjarje të jashtëzakonshme dhe se situata në të gjithë vendin paraqitej nën kontroll.

Drejtori i Përgjithshëm më informoi se në Dhomën Operative të Policisë së Shtetit në orën 06:15 minuta, (pasi pata bisedën e parë më mori përsëri dhe më informoi) se në orën 06:15 minuta ishte informuar se Dhoma Operative e Policisë së Shtetit disponon 6 urdhër-ndalimet e Prokurorisë për punonjësit e Gardës. E pyeta se për çfarë punonjësish bëhej fjalë dhe më tha se do ta merrte këtë informacion sapo të dilte në zyrë. Në orën 06 :30 minuta më njoftoi se urdhër-ndalimet ishin për Komandantin e Gardës dhe të pesë komandantët operativë, të pesë njësive operative të Gardës. Pra, për të gjithë zinxhirin komandues operativ të Gardës së Republikës.

I ndodhur para një situate të tillë, ku nga njëra anë Policia e Shtetit dhe Garda e Republikës kishin përballuar me sukses të plotë, por edhe me kosto, një sulm ndaj Këshillit të Ministrave, i ndodhur para një situate, ku i kishim bërë thirrje Prokurorisë të hetonte jo vetëm mbi tri viktimat, por të gjitha rrethanat dhe i kishim vënë në dispozicion gjithçka, pas thirrjes vetëm katër orë më parë të kryetarit të Partisë Socialiste se të nesërmen do të kishte një demonstratë për “horrat e Gardës”, nuk mund të mos shprehja habinë dhe shqetësimin tim për këtë veprim të cilin në atë moment e konsiderova, të paktën, të nxituar. Eliminimi i Komandës Operative të Gardës do të thoshte dhe do të thotë jo vetëm në atë situatë të tensionuar, por në çdo situatë, demoralizim i plotë i të gjithë efektivit. Ky është një sinjal i qartë që u çohet punonjësve të Gardës, një sinjal i qartë që u çohet punonjësve të Policisë. T’ju thoshe atyre se çfarëdo që të jetë situata, të keni kujdes, sepse jo vetëm ju, zyrtarë të thjeshtë të Policisë dhe të Gardës, por duke filluar nga komanda juaj, do të ndaloheni, ishte një mesazh shkatërrimtar jo vetëm për ata që mbrojnë rendin, sigurinë dhe institucionet kushtetuese, por për çdo efektiv komisariati në çdo komisariat të vendit.

Një situatë e tillë, e kombinuar me kërcënimin e vazhdueshëm të Edi Ramës, i cili vetëm 12 orë më parë kishte treguar se ishte i vendosur të përdorte mjete të dhunshme për të rrëzuar institucionet kushtetuese të zgjedhura të vendit, ishte tërësisht e papranueshme.

Prita orën 08:00 të mëngjesit dhe pak minuta pas orës 08:00 bëra një lidhje telefonike me Prokuroren e Përgjithshme të vendit, të cilës i shpjegova situatën dhe shqetësimin tim, duke i thënë se kjo ishte një situatë potencialisht eksplozive, e cila mund të çonte në një përshkallëzim të mëtejshëm të dhunës, duke nxjerrë jashtë funksionit pjesë të tëra të Gardës së Republikës dhe duke lëshuar sinjale demoralizuese për Policinë e Shtetit. I kërkova sqarime, duke i thënë se në asnjë skenë tjetër nën hetim nuk ka pasur më shumë kamera, duke i thënë se hetimi kishte të gjitha gjasat që të përfundonte me sukses. Armët e përdorura nga Garda ishin të gjitha në funksion të Prokurorisë. Të gjithë urdhrat e dhënë në operacion, si nga Garda dhe nga Policia ishin të regjistruara në Qendrën Operative për kapje të Policisë dhe të Gardës. Pra, ishte e pajustifikueshme dhe e dëmshme që e gjithë Komanda Operative të ndalohej, ndërkohë që në funksion të hetimit, këto mjete mund të shërbenin për një ngushtim të hetimit, për sa u përket nevojave për të shoqëruar dhe marrë në pyetje personat përkatës. Prokurorja e Përgjithshme më informoi se do të merrte kontakt me prokurorët e çështjes dhe se do të lidheshim përsëri. 50 minuta më vonë më telefonoi dhe në një bisedë të shkurtër më komunikoi se duhet të pyetej secili prej tyre. Unë i thashë se secili prej tyre ishte në dispozicion për t’u pyetur, por ndalimi i tyre në këtë situatë, kur ne nuk e dimë se çfarë do të ndodhë 1 apo 2 orë më vonë, sepse është paralajmëruar një demonstratë kundër “horrave të Gardës”, është absolutisht i dëmshëm për veprimtarinë e Gardës dhe në dukje i panevojshëm, sepse të gjithë komandantët ishin dhe vazhdojnë të jenë në krye të detyrës. U thashë se rreziku i arratisjes së tyre, siç shkruhej në shkresat që ishin dërguar Policisë së Shtetit, faktikisht nuk mund të mbivlerësohej në një situatë të tillë dhe as të nënvlerësohej.

Pas kësaj, informova Kryeministrin e vendit dhe kërkova një takim me Presidentin e Republikës, të cilin e vura në dijeni mbi këtë çështje, si edhe për çështjen tjetër, atë të mosardhjes së informacionit nga SHISH-i Policisë së Shtetit mbi ngjarjen e një dite më parë. Rreth orës 12:00 ndërkohë që tensioni rritej, për shkak të deklaratave pothuajse çdo orë të kreut të Partisë Socialiste, Edi Rama dhe personave të tjerë, dhe i mbetur pa asnjë përgjigje për këtë kërkesë, u detyrova të kontaktoj katër ambasadorë, përfaqësues të trupit diplomatik të shteteve anëtare të NATO-s dhe t’i informoja ata mbi situatën, si dhe t’u kërkoja mendimin e tyre mbi këtë çështje. Në mënyrë unanime dhe konsensus të plotë më thanë se kërkesa vetëm disa orë pas ngjarjes, disa orë pas deklaratës së Edi Ramës për një protestë kundër “horrave të Gardës”, duket, të paktën, e nxituar dhe se ndanin plotësisht shqetësimin mbi efektin që do të kishte mbi strukturat e Gardës dhe Forcave të Rendit dhe përfundimisht mbi efektin që do të kishte mbi situatën e rendit dhe të sigurisë në vend dhe rendit e sigurisë të institucioneve kushtetuese.

Pas disa përpjekjesh dhe pas vendimit të qeverisë së SHBA-së për të ndihmuar fillimisht me ekspertë dhe pastaj me prokurorë, hetimin e plotë të gjithanshëm të 21 janarit, pavarësisht prej anulimit të aktiviteteve politike nga maxhoranca dhe në faqe të kërcënimit të vazhdueshëm për të vazhduar aktivitetet masive politike, pavarësisht prej thirrjeve të Komunitetit Ndërkombëtar, u kërkua mundësia e një rrugëdalje, për sa i përket marrjes në pyetje të 6 komandantëve operativ të Gardës, për të cilën ne ramë dakord menjëherë. U ra dakord me ndërmjetësimin e një vendi partner në NATO, i cili ka një rol në hetim, që të 6 komandantët të pyeteshin dhe të riktheheshin në detyrën e tyre. Pavarësisht paraqitjes së 6 komandantëve dhe qëndrimit të tyre mbi 5 orë në ambientet e Drejtorisë së Qarkut të Policisë së Tiranës, pala tjetër refuzoi të marrë deklarata me shkrim dhe insistoi në ndalimin e pjesshëm të personave të paraqitur dhe në ndalime të tjera. Kjo ndodhi një natë para protestës së njoftuar të 28 janarit.

Pra, i nderuar zoti kryetar,
Të nderuar zotërinj anëtarë, kemi të bëjmë me një seri veprimesh dhe mosveprimesh të institucioneve të caktuara të vendit para, gjatë dhe pas sulmit të dhunshëm dhe përpjekjes për të marrë me forcë selinë e Këshillit të Ministrave. A është kjo një seri rastësisht absurde? Apo është pjesë e një plani të mirëfilltë i një konspiracioni për të mbështetur nëpërmjet veprimeve dhe mosveprimeve aksionin kriminal dhe objektivat e aksionit kriminal të puçistëve të 21 janarit?

Janë refuzuar përgjime për persona të dyshuar si kontingjent kriminal që vepronin në përputhje me interesat e këtij shtabi puçistësh muaj e muaj përpara. Prokurorët nuk kanë ardhur atë ditë pavarësisht se janë kërkuar. SHISH-i nuk ka dhënë informacion, e deri më sot nuk ka pasur asnjë veprim as në bazë të referimit të Policisë së Shtetit dhe as kryesisht ndaj organizatorëve dhe frymëzuesve të dhunës siç janë dëgjuar dhe vazhdojnë të dëgjohen sot në mediat e vendit, që bënin thirrje për veprime antikushtetuese, antiligjore dhe të dhunshme ndaj institucioneve.

Unë besoj se është roli i këtij komisioni hetimor të zhbirilojë deri në fund veprimtarinë e çdo institucioni mbi bazë faktesh e provash. Të shohë nëse këto veprime kanë qenë në përputhje me ligjin dhe të shohë si korrelojnë, bashkëveprojnë veprimet e tyre në momente të caktuara me dhunën dhe përpjekjen për të marrë me dhunë selinë e Këshillit të Ministrave, si dhe përgatitjet përpara, gjatë dhe pas kësaj përpjekjeje të dhunshme të 21 janarit.

Kam besim të plotë se faktet që disponojmë dhe që u janë vënë në dispozicion apo do t’u vihen në dispozicion, por edhe faktet e tjera që ju keni vendosur të mblidhni nëpërmjet veprimtarisë suaj të marrjes së deklaratave, marrjes së informacionit dhe mbledhjes së fakteve në të gjitha mënyrat dhe format e garantuara me ligj dhe Kushtetutë, do të zbardhin përgjigjen e pyetjes që unë sapo shtrova: nëse të gjitha këto mosveprime dhe veprime janë një rastësi absurde apo janë pjesë e një plani për të arritur një rezultat politik me veprime të dhunshme, antikushtetuese e antiligjore dhe jashtë kornizës së zgjedhjeve dhe instrumenteve të tjera kushtetuese të vendit.

Dëshiroj ta përfundoj këtu deklaratën time duke qëndruar i hapur për pyetjet tuaja. Por si shqiptar, si deputet, si ministër i Brendshëm dhe ish-ministër i Jashtëm, më lejoni t’ju bëj edhe një thirrje të fundit.

Që prej 21 janarit pozita e shqiptarëve ka ndryshuar jo vetëm në territorin e Republikës së Shqipërisë, por në të gjithë rajonin. Vetëm pak javë më parë faktori shqiptar ka qenë më i fortë dhe më i sigurt se kurrë.

Shqipëria anëtare e NATO-s, qytetarët shqiptarë lëvizin të lirë në zonën Shengen, Kosova është e pavarur dhe perspektiva europiane është jo vetëm aspirata, por edhe një realitet i prekshëm për çdo shqiptar në Ballkan. Që prej 21 janarit situata është e ndryshme jo vetëm në Tiranë, por edhe në Prishtinë, edhe në Maqedoni, edhe në Malin e Zi, ku me sa duket në rrethana të ndryshme dhe për shkaqe të ndryshme në të njëjtën kohë faktori shqiptar ndodhet nën goditje të vazhdueshme.

Ndoshta edhe kjo është rastësi. Unë nuk jam këtu për të spinuar idenë e një konspiracioni antishqiptar, por, të paktën, jam këtu për të shprehur vullnetin tim si anëtar i maxhorancës, si anëtar i kabinetit, si qytetar i këtij vendi dhe si shqiptar, si dhe për t’i bërë thirrje të gjithë qytetarëve shqiptarë pavarësisht bindjeve politike, konfesionit fetar, gjinisë, moshës, statusit pasuror apo social që të jemi syçelët dhe të mos lejojmë asnjë forcë sado të errët aq më pak sado të izoluar të zhbëjë arritjet e deritanishme dhe të kërcënojë me dhunën dhe mjetet e dhunshme të ardhmen e çdo fëmije shqiptar e prindërve të tyre dhe e prindërve të prindërve të tyre.
Faleminderit!

Eduard Halimi– Faleminderit, zoti Ministër!
Tani është radha e pyetjeve që kolegët do t’i drejtojnë zotit ministër të Brendshëm. Ashtu siç e kemi edhe në traditën e këtij komisioni në fillim kolegët do të përgatisin nga dy pyetje për ministrin dhe pastaj pasi të mbarojnë të gjithë kolegët fillon turi tjetër i pyetjeve, nëse do të ketë.
Zoti Sula, urdhëroni!

Dashnor Sula – Faleminderit, zoti Kryetar!
Unë kam dy pyetje për ministrin e Brendshëm, zotin Basha.

Zoti Ministër, nga informacionet që kanë dhënë mediat e ndryshme, nga informacionet e dhëna nga Shërbimi i Policisë Kriminale, por edhe nga informacionet e mbledhura nga ky komision hetimor, në datën 21 janar 2011 pjesëmarrës në demonstratën e dhunshme në tentativë për të pushtuar Kryeministrinë, kanë qenë edhe policë të Policisë Bashkiake të Tiranës, por edhe të bashkive apo edhe të komunave të tjera.

Pyetja ime e parë është: duke pasur parasysh që kemi një ligj për Policinë Bashkiake dhe atë komunale për moslejimin e tyre të marrin pjesë në protesta dhe duke qenë se Policia Bashkiake është e pajisur me armë zjarri, dua të di se cili ka qenë reagimi i institucionit tuaj pas datës 21 janar ndaj këtij veprimi të paligjshëm të policisë bashkiake dhe asaj komunale?

Pyetja e dytë. Në ngjarjet e datës 21 janar ju shpjeguat për situatën e ndodhur atë ditë me sulmin e kryer ndaj godinës së Këshillit të Ministrave, e cila zgjati prej gati 5 orësh. Me sa kam parasysh ky sulm ka përfunduar nga ora 17: 00 ose 17:30. Gjatë këtij intervali kohor kanë ndodhur që të humbin jetën dhe tri demonstrues.

Ju personalisht apo drejtues të tjerë të policisë, keni pasur dijeni për tri viktimat nga ora 13:30 deri në 17:30? Në çfarë ore jeni informuar për tri viktimat dhe informacioni i parë që ju kishit ju u shpjegua se në çfarë vendi kishin ndodhur këto vrasje? Kur ju informuat për këtë ngjarje, keni komunikuar me drejtorin e Përgjithshëm të Policisë për të nisur hetimet nga ana e policisë kriminale, apo i keni kërkuar që të bëhet njoftimi i menjëhershëm i Prokurorit të rrethit për këtë ngjarje? Kjo mbështetur në nenin 293, pikat 1, 2 dhe 3 të Kodit të Procedurës Penale.
Faleminderit!

Eduard Halimi – Faleminderit, zoti Sula!
Zoti Basha, urdhëroni!

Lulzim Basha – Faleminderit, zoti kryetar!
Falemnderit, zoti anëtar i komisionit!

Për sa i përket pyetjes që lidhet me tri viktimat, siç dëshmova pak më parë informacionin e parë e kam marrë rreth orës 17:00 në telefon nga Drejtori i Policisë së Qarkut të Tiranës, i cili më informoi se ishte informuar se në spital ka një viktimë. E kam pyetur nëse ka dijeni për identitetin e viktimës dhe si ka mbetur i vdekur, informacion që nuk më ka ardhur deri 30 minuta më vonë. Kjo për arsye, sepse, në radhë të parë, ky informacion nuk disponohej në atë çast. U dërguan efektivat e policisë për të parë pse kishte vdekur viktima.

Së dyti, komunikimi nuk ka qenë normal, për shkak të teknikës së celularit, një antenë e vetme që, me sa duket, ka pasur shumë thirrje celulari në atë kohë. Duhet të përpiqesha të lidhesha disa herë me një numër që të realizohej lidhja dhe përveç kësaj, siç mund ta imagjinoni, unë jo vetëm që kam bërë, por kam marrë shumë telefonata gjatë gjithë kohës së rrethimit të Kryeministrisë.

Pra, në atë moment jam informuar për një viktimë. Më pas kam pasur informacione për 5 viktima dhe ka qenë vetëm rreth orës 18:30, që kam pasur informacionin për tre viktima me armë zjarri dhe një të plagosur në gjendje të rëndë. Po kështu jam informuar nga drejtues të lartë të Policisë se i kanë kërkuar prokurorisë të nisë hetimin dhe se policia nuk do të marrë pjesë në hetim përveçse ta mbështesë atë nëpërmjet ekspertëve siç mbështetet gjithmonë hetimi, por nuk do të jetë pjesë e hetimit. E kam aprovuar plotësisht këtë vendim të policisë që hetimi të kryhej nga prokuroria.

Kam informuar më vonë edhe Kryeministrin, i cili po atë natë i ka bërë thirrje publike Prokurorisë të hetojë plotësisht dhe të zbardhë rrethanat e vdekjes së 3 viktimave dhe të plagosjes së rëndë të viktimës së katërt.

Policia Bashkiake e Tiranës dhe pjesëtarë të policive bashkiake të qyteteve të tjera të qeverisura nga të zgjedhurit e Partisë Socialiste kanë qenë të pranishëm më 21 janar pra, janë evidentuar si të pranishëm më 21 janar. Kjo do të mjaftonte që të hyjë në veprim, ligji i cili i ndalon ata të jenë të pranishëm në aktivitete politike, megjithëse ky nuk ishte aktivitet politik, kështu që nga kjo pikëpamje, në qoftë se do t’i shkojmë logjikës së absurdit deri në fund, ata nuk ishin aty për të mbështetur një aktivitet politik, por të mbështetur një përpjekje të dhunshme për të rrëzuar një institucion.

Vazhdon evidentimi i çdo qytetari duke përfshirë anëtarë të Policisë Bashkiake për t’i vënë përpara përgjegjësisë penale. Ndërkohë, nga ana organizative, Drejtoria e Përgjithshme e Policisë ka revokuar lejet e armëve për një numër të madh të policive bashkiake të evidentuara, të pranishme gjatë aktivitetit, duke filluar me Policinë Bashkiake të Tiranës, e cila duke filluar nga dita e enjte është e paautorizuar të mbajë armë zjarri.

Eduard Halimi – Faleminderit, zoti Ministër!
Fjalën e ka zoti Hoxha.

Fatos Hoxha – Faleminderit, zoti kryetar!
Zoti Ministër, pyetja ime e parë është pothuajse në të njëjtin kor me atë që i bëra Kryeministrit dje në seancë.

Dhuna për demonstratën e 21 janarit, siç e thatë edhe ju, ishte paralajmëruar në Parlament dhe u trokit në çdo derë shqiptari duke i paralajmëruar që të dalin në këtë demonstrim nga liderë të opozitës. U paralajmërua nga Edi Rama në media të ndryshme dhe u provokua më datë 21 janar. Vetë demonstruesit gjatë demonstratës nuk kishin dhe nuk hodhën asnjë parullë politike, ashtu siç e kemi ndjekur nga mediat dhe ashtu siç po mbledhin edhe faktet. Por për 5 orë rresht u mbajt e rrethuar Kryeministria, u sulmua me të gjitha mjetet e mundshme, siç kemi parë edhe në materialet filmike që ne i disponojmë tashmë, që nga gurët, shkopinjtë, lëndë djegëse, lëndë helmuese, lëndë plasëse të evidentuara në filmime që ne i depozitojmë. Në këtë sulm 5 orësh u mbajt i rrethuar Kryeministri dhe stafi i tij. Pra, bëhej fjalë për sulmin ndaj Kryeministrisë dhe jo për ngjarjen në bulevard apo diku tjetër të kryer më datë 21 janar.

Pyetja ime konsiston në faktin: si ka mundësi e gjithë kjo dhunë që bie mbi një institucion shtetëror kushtetues? Në këndvështrimin tuaj, zoti Ministër, dua një përgjigje sa më të shkurtër, sa më të prerë, pa e zgjatur. Prokuroria e shtetit a ka hapur çështje penale bazuar në Kodin e Procedurës Penale, për kryengritje të armatosur, ose grusht shteti, siç quhet zakonisht? Kjo ishte pyetja e parë.

Pyetja e dytë. Zoti Ministër, në demonstrimin e 21 janarit u sulmua Kryeministria për 5 orë dhe u mbajt i rrethuar Kryeministri me të gjitha mjetet. Ju në detyrën e ministrit të Brendshëm gjatë 5 orëve rrethim të Kryeministrit të Republikës së Shqipërisë a keni pasur ndërlidhje apo komunikim për situatën në Kryeministrinë e vendit nga Presidenti i Republikës, jo për ngjarjen në bulevard?
Faleminderit!

Eduard Halimi – Faleminderit, zoti Hoxha!
Zoti Ministër, urdhëroni!

Lulzim Basha - Faleminderit, zoti kryetar!
Faleminderit, zoti Hoxha!

Pse Prokuroria nuk ka hapur hetim? Për këtë pyetje do t’ju jap dy përgjigje.

Përgjigjja e parë është se ministri i Brendshëm, ju garanton se Policia e Shtetit që më datë 23 ka bërë referimin në prokurori, në bazë të Kodit Penal, nenit përkatës për thirrje, për përmbysje me dhunë të rendit kushtetues dhe ka dhënë si evidencë pamjet filmike të thirrjeve të Edi Ramës dhe të një numri tjetër përfaqësuesish të Partisë Socialiste, apo të partive të tjera, të cilat evidentohen qartë si thirrje, nxitje dhune, me kërcënime të hapura për përdorim dhune kundër rendit kushtetues. Kjo është përgjigjja që unë ju jap juve. Ndërsa në sensin në të cilin ju e bëni pyetjen, pse nuk e hap prokuroria çështjen, unë kam vetëm një përgjigje dhe kjo është pyetja juaj. Pse nuk e hap Prokuroria çështjen? Shpresoj si të autorizuar, të mandatuar, siç jeni nga Kushtetuta, përfaqësues të drejtpërdrejtë të vullnetit të shqiptarëve të shprehur në zgjedhje të lira dhe të ndershme, t’ju jepet mundësia ta shtroni këtë pyetje.

Gjatë rrethimit 5-orësh të Këshillit të Ministrave unë kam pasur një numër bisedash telefonike jo vetëm me stafin e Policisë së Shtetit dhe të Gardës së Republikës dhe të institucioneve të tjera, por edhe me persona të tjerë. Rreth orës 16:00, në qoftë se më kujtohet (tabulatet do t’i keni në dispozicion, siç i keni kërkuar), kam pasur një thirrje telefonike me një prej ambasadorëve, i cili pasi ka kërkuar informacion mbi situatën, pasi është informuar se perimetri i jashtëm ishte thyer në shumicën e pjesëve kritike, për shkak të dhunës së ushtruar ndaj forcave të ndërhyrjes së shpejtë, dhe se prisja që së shpejti të thyhej dhe perimetri i brendshëm. Nëse po, kjo do të kishte konsekuencat të tmerrshme, sepse në këto kushte Garda e Republikës, sipas ligjit, do të hynte në veprim duke asgjësuar me municion luftarak çdo person, siç e autorizon ligji. Më është sugjeruar nëse mund të kisha mbështetje nga ndonjë forcë tjetër për të siguruar që perimetri nuk do të thyhej dhe më është sugjeruar madje nëse këtë mund ta kryenin Forcat e Armatosura, kam vënë në dijeni për këtë Kryeministrin, i cili më ka thënë se në këto kushte Forcat e Armatosura nuk mund të hyjnë në veprim, sepse kjo kërkon një kuadër ligjor.

Pak minuta më vonë jam lidhur me Presidentin e Republikës, i cili më ka marrë në telefon. Rezulton se më ka marrë dhe pak më përpara, por është një thirrje, të cilën në situatën e thirrjeve të shumta, me sa duket, e kam humbur. E kam informuar atë mbi situatën jashtëzakonisht të rëndë, rrethimin që vazhdonte, sulmin që po i bëhej Kryeministrisë. E kam informuar, siç informova ambasadorin me të cilin kisha folur pak minuta më parë, se prisja që nga momenti në moment të thyhej perimetri i sigurisë së Kryeministrisë dhe e kam informuar se ambasadori në fjalë më këshilloi, më sugjeroi apo më pyeti nëse në këto momente mund të kishte ndonjë forcë tjetër, e cila të siguronte që perimetri të mos thyhej, me theks Forcat e Armatosura. Po kështu edhe Presidenti m’u përgjigj se ka një kuadër institucional, i cili duhet të ndiqet. Pas kësaj kam bërë një lidhje telefonike me ministrin e Mbrojtjes, i cili ka qartësuar se Forcat e Armatosura mund të hyjnë në veprim vetëm në rrethana të caktuara ligjore, të cilat në atë çast nuk ishin të deklaruara. Kjo ka qenë biseda e vetme që unë kam bërë me Presidentin e Republikës gjatë rrethimit të Kryeministrisë.
Faleminderit!

Eduard Halimi – Faleminderit, zoti Ministër!
Fatos Hoxha - Unë desha një përgjigje në lidhje me mesazhin e Presidentit dhe jo a jeni lidhur me të. A keni marrë mesazh nga Presidenti për këtë situatë? Pra, çfarë përgjigje keni marrë nga Presidenti? Këtu ishte dhe thelbi i pyetjes time.

Lulzim Basha – Besoj se e përshkrova në tërësi bisedën që kam pasur me Presidentin.
Eduard Halimi – Faleminderit, zoti Ministër!
Zoti Alibeaj ka pyetje.

Enkelejd Alibeaj - Faleminderit!
Zoti Ministër, ju e shpjeguat në fillim të fjalës suaj, por do të doja që t’i qëndronit paksa më në detaje, po e quaj gjenezën e të gjithë informacionit që konkludoi në atë që pamë në datën 21 janar. Në fakt, do të doja të dija se a ka ministria juaj (bazuar te shërbimet e inteligjencës) në funksion, apo nga informacione që mund të ketë pasur me Shërbimin Informativ Shtetëror, apo shërbime të tjera, të dhëna paraprake dhe sa kohë më parë se data 21 i keni pasur këto të dhëna paraprake, mbi atë çfarë do të ndodhte në datën 21 janar?

E dyta, kur bëhet fjalë për një grusht shteti, besoj se përveç anës së dukshme, që është një sulm i qartë, agresion i qartë ndaj një ndërtese, një institucioni, Këshillit të Ministrave, siç ndodhi në prapavijë, duhet të qëndrojë edhe një komplot i qartë. Keni ju të dhëna edhe për këtë komplot, nëse ka ekzistuar dhe midis kujt ka ekzistuar?
Faleminderit!

Eduard Halimi – Faleminderit!
Urdhëroni, zoti Ministër!
Lulzim Basha – Faleminderit, zoti kryetar!
Zoti Alibeaj, siç ju informova policia ka mbledhur në rrugë operative të dhëna, të cilat kanë qenë të detajuara mbi mundësinë reale të përdorimit të dhunës gjatë 21 janarit. Disa prej të dhënave kanë sugjeruar mbledhje armatimi luftarak për një sulm të armatosur ndaj selisë së Këshillit të Ministrave. Disa prej të dhënave kanë sugjeruar një protestë të tejzgjatur disaditore. Disa prej të dhënave kanë sugjeruar me emra dhe mbiemra një listë kontingjenti, që mund të përdorej për të goditur në forma dhe në mënyra të ndryshme selinë e Këshillit të Ministrave, për të hapur panik, anarki dhe kaos jo vetëm në kryeqytet, por edhe në qytete të tjera të vendit. Të gjitha këto të dhëna janë mbledhur në rrugë operative nga Policia e Shtetit në qarqe dhe në Tiranë dhe janë administruar në përputhje të plotë me praktikat, urdhrat funksionalë, rregulloret, aktet nënligjore dhe ligjet mbi të cilat operon Policia e Shtetit. Një raport i plotë me shkrim ju është dhënë apo do t’ju mbërrijë së shpejti nga Policia e Shtetit.

Ministria e Brendshme nuk ka shërbim inteligjent. Ministria e Brendshme disponon Shërbimin e Kontrollit të Brendshëm, detyrë funksionale e të cilit është lufta ndaj korrupsionit dhe krimit në radhët e Policisë së Shtetit. Në veprimtarinë e tij Shërbimi i Kontrollit të Brendshëm përdor ekstensivisht dhe intensivisht metoda të ngjashme apo të njëjta me ato të shërbimeve inteligjente, por me një objektiv tjetër. Gjithsesi, në kursin e veprimtarisë së tij të përcaktuar me ligj të posaçëm nga Parlamenti, në kursin e kësaj veprimtarie operative ka pasur, në raste të ndryshme (pra në lidhje me 21 janarin), informacione të cilat janë interceptuar nga veprimtaria operative e SHKB-së, të cilat pastaj janë administruar sipas ligjit në fuqi duke iu përcjellë Policisë Kriminale, sepse është Policia e Shtetit që i trajton ato.

Unë rreshtova sot përpara jush një sërë veprimesh e mosveprimesh të disa institucioneve të vendit para 5, 10 ditësh, por dhe 1, 2 muaj përpara, dhe 6 muaj përpara, gjatë 21 janarit dhe pas 21 janarit.

Zoti kryetar,
Të nderuar zotërinj anëtarë të këtij komisioni hetimor,
Nuk mendoj se opinioni im mbi këtë çështje përbën një fakt të rëndësishëm për ju. Jeni ju ata që do të vendosni në bazë të evidencës se çfarë ka ndodhur me të vërtetë. Por pyetja që unë ju shtroj juve sot dhe çdo qytetari shqiptar është nëse këto veprime dhe mosveprime, para, gjatë, dhe pas 21 janarit janë një seri absurde rastësish apo pjesë e një konspiracioni politik, për të mbështetur veprimin e dhunshëm të opozitës, për të rrëzuar nëpërmjet marrjes me dhunë të selisë së Këshillit të Ministrave, Qeverinë legjitime të zgjedhur të këtij vendi anëtar të NATO-s.
Faleminderit!

Eduard Halimi - Faleminderit, zoti Ministër!
Bëni pyetjen e dytë, zoti Alibeaj.

Enkelejd Alibeaj – Në vazhdim dhe të pyetjes së parë, ju thatë se gjithçka që ishte organizuar shumë kohë më parë dhe në bazë të informacioneve që keni, kishte një qëllim, dhe ju e artikuluat se cili ishte qëllimi. Gjithmonë në bazë të të dhënave që ju keni, a mund të na saktësoni sesi do të ishte vazhdimi i mëtejshëm i agresionit ndaj Këshillit të Ministrave, në qoftë se nuk do të kishte qëndruar Policia e Shtetit dhe Garda e Republikës, struktura të cilat i bënë ballë këtij agresioni?
Faleminderit!

Eduard Halimi – Faleminderit, zoti Alibeaj!
Fjalën e ka zoti ministër.

Lulzim Basha – Faleminderit, zoti kryetar dhe zoti Alibeaj,
Në fakt, me afrimin e muzgut morëm informacione brenda rrethimit nga burime të ndryshme se me rënien e errësirës do të përdoreshin armë. Pra, se selia do të sulmohej me armë zjarri të rënda të tipit kallashnikov. Në ditët në vazhdim, ky informacion është konfirmuar nga burime të ndryshme në rrugë operative.

Pra, për ne ishte e qartë se faza e fundit e rrethimit planifikohej të përfundonte në goditje me armë ndaj selisë së Këshillit të Ministrave. Se çfarë do të ndodhte pasi banditët të arrinin të merrnin selinë e Këshillit të Ministrave në kontroll, unë këtë nuk mund ta parashikoj. Por e vetmja gjë që mund të them është se rënia e Këshillit të Ministrave do të ishte në atë moment edhe rënia e shtetit; se banditë të armatosur do të gjendeshin në rrugët e Tiranës dhe do të bënin atë që kishin paralajmëruar edhe para orës 14:00, në raport me qytetarët, pronat e tyre dhe me institucionet e tjera. Prandaj ajo që mund t’ju them është se ne ishim të vendosur të mbronim sipas ligjit deri në fund selinë e Këshillit të Ministrave dhe se ishim të përgatitur për ta kryer këtë detyrë me sukses.

Eduard Halimi – Faleminderit, zoti Ministër!
Fjalën e ka zoti Gumi.

Viktor Gumi – Faleminderit, zoti Ministër!
Ju falënderoj për këtë përgjigje të shpejtë për të ardhur në këtë seancë pyetjesh të komisionit hetimor!
Pyetja e parë është dhe nëse ju kuptova drejtë, ju thatë në ekspozenë tuaj se keni kërkuar “përgjim parandalues” në lidhje me disa individë të caktuar. Dua të di ose prezumoj që “përgjimi parandalues”, edhe në kuadrin e forcave të Ministrisë së Brendshme, është një veprimtari rutinë. A mund të na thoni përse është refuzuar “përgjimi parandalues” që mund të keni kërkuar për individë të caktuar?

Ndoshta gaboj në perifrazim, por ju përmendët: “Plan të mirëfilltë me veprime dhe mosveprime të aksionit të dhunshëm kriminal politik”. Pyetja ime është: Cili është statusi i këtij plani?
Faleminderit!

Eduard Halimi – Faleminderit, zoti Gumi!
Fjalën e ka zoti ministër.
Lulzim Basha – Faleminderit, zoti kryetar dhe zoti Gumi, për pyetjet tuaja!

Përgjimi parandalues është kërkuar në përputhje me dispozitat e ligjit, natyrisht është iniciuar nga Policia e Shtetit, është kaluar në filtrin e ministrit të Brendshëm dhe është refuzuar mbi bazën se nuk justifikohet mbi bazën e kërkuar. Bëhet fjalë për një sërë elementesh të asociuar me persona të veshur me imunitet politik, elemente që dyshohen për veprimtari kriminale të llojit të krimit të organizuar, siç është trafiku i lëndëve narkotike, i armëve etj.

Sipas veprimtarisë operative të hallkave përkatëse të Policisë së Shtetit, këta elemente kishin kohë që konspironin për të vënë shërbimet e tyre në funksion të veprimeve parapolitike ose jopolitike, të planifikuara apo të paralajmëruara në forma dhe mënyra të ndryshme, edhe para datës 21 janar.

Dua t’ju sjell në vëmendje se policia, diku rreth verës së vitit të kaluar, ka sekuestruar një sasi të madhe armësh dhe eksplozivësh, në mos gaboj, në Qarkun e Lezhës, të cilat ishin një sasi e madhe, ishte një depo armatimi (ndoshta është edhe kjo një rastësi), ku gjendeshin kudo shenjat e Partisë Socialiste. Pra, ishin me flamuj, me qese plastike të Partisë Socialiste etj. Kjo dhe indicie të tjera na çuan në konkluzionin se mund të ketë elemente brenda kontingjentit kriminal, tashmë prej disa muajsh, madje edhe para përshkallëzimit të retorikës politike, të cilët mund të përgatiten për t’iu bashkëngjitur një aksioni jopolitik ose parapolitik të Partisë Socialiste në lidhje me institucionet apo me krerët e tyre, në formën e akteve të dhunshme ose atyre terroriste, apo pjesëmarrjes në përpjekje të dhunshme kundër institucioneve.

Këto kanë qenë vetëm indicie dhe bazuar mbi këto, por si bazë kryesore aktivitetin ilegal të dyshuar të këtyre individëve, në lidhje me trafikun e armëve, të qenieve njerëzore, të drogës etj., është kërkuar përgjimi parandalues, i cili është plotësuar vetëm pjesërisht, pasi në disa raste është refuzuar.

Eduard Halimi – Faleminderit, zoti Ministër!
Zoti Gumi, mund ta përsërisni pyetjen tuaj të dytë?

Viktor Gumi – Në ekspozenë tuaj ju përmendët: “Plan të mirëfilltë me veprime dhe mosveprime të aksionit të dhunshëm politik”.

Në këndvështrimin e përgjegjësive kushtetuese të ministrit të Brendshëm, cila është status quo-ja e këtij plani në momentet që ne flasim, duke pasur parasysh edhe kohën që ka kaluar nga data 21 janar, por edhe në të ardhmen?

Eduard Halimi – Fjalën e ka zoti Ministër!

Lulzim Basha – Faleminderit, zoti kryetar!
Ministria e Brendshme ka përmbushur, po përmbush dhe do të përmbushë në mënyrë të plotë të gjitha detyrat që i ngarkon Kushtetuta dhe ligji. Ka marrë të gjitha masat për rendin dhe sigurinë publike për të mbrojtur institucionet dhe për të vepruar në mbrojtje të rendit kushtetues të vendit.

Natyrisht, Ministria e Brendshme ka nevojë të veprojë dhe të bashkërendojë institucionalisht çdo veprimtari që drejtohet për parandalimin e veprimtarive antikushtetuese, të cilat kanë qenë evidente në pikëpamjen tonë dhe që i janë bashkëngjitur sulmit të dhunshëm të datës 21 janar.

Në këtë kuadër, dua të konstatoj dy gjëra:

Së pari, ne kemi qenë dhe mbetemi të hapur për bashkëpunim institucional me çdo hallkë të institucioneve shtetërore.

Së dyti, në rrethanat kur kjo hapësirë nuk ekziston, për shkak të veprimit, të mosveprimit ose të dyshimit për veprim ose mosveprim, ky boshllëk është mbushur dhe po vazhdon të mbushet me eficiencë nga partnerët tanë Euroatlantikë.

Eduard Halimi – Faleminderit, zoti ministër!
Fjalën e ka zoti Strazimiri.

Gent Strazimiri – Faleminderit, zoti kryetar!
Zoti Ministër, në radhë të parë, ju falënderoj për ekspozenë dhe për sqarimet që po jepni përpara këtij komisioni.

Pyetja ime ka të bëjë përsëri me një çështje të komunikimit të ndërveprimit tuaj si institucion, si Ministri e Brendshme, në rastin konkret me strukturën përkatëse të Shërbimit Informativ Shtetëror.

Kam interes të di se cili ka qenë komunikimi juaj personal, nëse ka pasur një të tillë, apo i personave të autorizuar prej jush para, gjatë dhe pas dështimit të sulmit ndaj Kryeministrisë me drejtuesit e Shërbimit Informativ Shtetëror?

Eduard Halimi – Faleminderit, zoti Strazimiri!
Fjalën e ka zoti ministër!

Lulzim Basha – Faleminderit, zoti kryetar,
Faleminderit, zoti Strazimiri!

Siç jeni informuar gjerësisht edhe ju, edhe opinioni publik, Policia e Shtetit në zbatim të ligjit i ka kërkuar informacion me shkrim Shërbimit Informativ të Shtetit mbi ngjarjen ose mbi informacionin që mund të kishte mbi tubimin e njoftuar të datës 21 janar. Po kështu mendoj se përgjigjja është bërë evidente, në qoftë se nuk është transmetuar te ju në kanale zyrtare, do t’ju transmetohet sipas rregullave në fuqi. Përgjigjja ka qenë se, ndërkohë që Shërbimi Informativ është i angazhuar për të bashkëpunuar për momentin nuk konstaton asnjë informacion në lidhje me ngjarjen e datës 21 janar. Kjo përgjigje pa informacion daton më 20 janar.

Personalisht nuk kam pasur komunikim, por e ka pasur Policia e Shtetit. Pas kësaj ka pasur komunikim telefonik për të cilin besoj se do të jeni vënë në dijeni në mënyrë shkresore, por besoj se do të viheni në dijeni edhe verbalisht nga drejtori i Përgjithshëm i Policisë kur ai të ndodhet këtu.
Si ministër i Brendshëm jam njoftuar mbi korrespondencën ose nga Policia e Shtetit, ose nga shkresa për dijeni të Shërbimit Informativ.

Gent Strazimiri – Si është intensiteti i komunikimit?

Lulzim Basha – E kuptova.
Intensiteti i komunikimit është i qartë. Përpara nuk ka pasur komunikim mbi këtë çështje. I vetmi komunikim është një kopje e shkresës që më është sjellë nga Policia e Shtetit, e cila konstaton me shkrim se, sipas Shërbimit Informativ, situata është shumë e qetë, komunikim i datës 20 janar. Në datën 21 janar nuk kam pasur asnjë komunikim me Shërbimin Informativ, kurse në datën 22 janar, një orë e 30 minuta pas komunikimit me Presidentin e Republikës kam pasur një komunikim nga SHISH-i, i cili njoftonte për veprimtarinë e tij para, gjatë dhe pas datës 21 janar. Që nga ai moment kam pasur tri, katër ose pesë komunikime të tjera të së njëjtës natyrë nga SHISH-i.

Eduard Halimi – Faleminderit, zoti Ministër!
Fjalën e ka zoti Strazimiri për pyetjen e dytë.

Gent Strazimiri – Ndoshta për efekt protokolli duhet sqaruar që përgjigjja e SHISH-it para, ajo e datës 20 janar thotë që nuk ka informacion apo që situata është e qetë? Është një pyetje thjesht për sqarim, nëse doni mund të mos e llogarisni si pyetje.

Eduard Halimi – Faleminderit!
Fjalën e ka zoti Ministër.

Lulzim Basha – Mendoj se shkresa flet vetë, por edhe për hir të ligjeve në fuqi, t’i referohemi shkresës që ka dërguar Shërbimi Informativ. Besoj se në përputhje me ligjin një kopje e saj do t’ju jepet edhe ju, por konstatimi i Policisë në bazë të përgjigjes është që nuk ka pasur asnjë informacion për ngjarjen e datës 21 janar.

Eduard Halimi – Ka pyetje të tjera?
Fjalën e ka përsëri zoti Strazimiri.

Gent Strazimiri – Në kuptim të bashkëpunimit ndërinstitucional të atyre institucioneve, që kanë pasur si detyrë qëllimin e ekzistencës për të ruajtur rendin kushtetues dhe rendin publik në Republikën e Shqipërisë situata është vërtet e mjerueshme.

Pyetja që i lind çdo personi sot, që ju dëgjoi dhe po na ndjek në këtë seancë dëgjimore, është: A janë në gjendje, në situatën që sapo na paraqitët në lidhje me para dhe gjatë datës 21 janar, natyrisht na është parapërcaktuar edhe pas kësaj date, Policia e Shtetit dhe Garda e Republikës, pra strukturat në varësi të Ministrisë së Brendshme, të garantojnë qetësinë e rendit publik dhe ruajtjen e rendit kushtetues?
Faleminderit!

Eduard Halimi – Faleminderit!
Fjalën e ka zoti ministër.

Lulzim Basha – Faleminderit, zoti kryetar!
Ju garantoj se Policia e Shtetit dhe Garda e Republikës janë në kontroll të plotë të situatës dhe garantojnë rend e siguri në çdo metër katrorë të Republikës së Shqipërisë dhe për çdo qytetar të sajin. Përkushtimi i tyre është shumë i madh. Ata kanë pothuajse tri javë që punojnë në kushtet e shërbimit të përforcuar dhe të gatishmërisë numër 1. Natyrisht, mbledhja e informacionit kryhet edhe në rrugët operative të Policisë së Shtetit.

Siç ju thashë, një bashkëveprim dhe bashkëpunim institucional do të ndihmonte shumë në këtë situatë, ku insiston dhe persiston nga shkaktarët e “21 janarit” gjuha e konfliktit, e tensionit, e anarkisë dhe e kaosit, por, nga ana tjetër, ne jemi një vend anëtar i NATO-s. Kjo ka dy aspekte.

Nga njëra anë, ka një kuadër ligjor dhe institucione të konsoliduara dhe, nga ana tjetër, aty ku ka boshllëk në bashkëpunimin institucional, ndihmën e partnerëve Euroatlantikë.
Faleminderit!

Eduard Halimi – Faleminderit, zoti Ministër!
Para se të kalojmë në pyetjet e tjera të kolegëve, unë kam për të bërë dy pyetje.

Zoti Ministër, në këndvështrimin tuaj si ministër i Brendshëm, cili ka qenë roli në grushtin e shtetit i një videoje të transmetuar dy ditë rresht në një nga televizionet kombëtare me përmbajtje të ndryshme, përmbajtja e së cilës dhe, në fakt cilësia e së cilës nuk është vërtetuar ende nga prokuroria, por ashtu siç jemi të informuar dhe besoj se i gjithë publiku është i qartë, ishte një video përgjimi ndërmjet ish-Zëvendëskryeministrit dhe ish-ministrit të Ekonomisë?

Në këndvështrimin tuaj, a ka pasur apo jo ndonjë rol transmetimi i asaj videoje me grushtin e shtetit? Kjo është pyetja ime e parë.

Pyetja e dytë: juve në ekspozenë tuaj na thatë se në mbrëmjen e datës 21 janar jeni vënë në dijeni të një urdhri të Prokurorisë, i cili urdhëronte marrjen përsipër të çdo hetimi, që ta udhëhiqte ajo dhe jo policia. Çfarë do të thotë kjo? A ka pasur pas kësaj date ndonjë veprim për marrje provash, për këqyrje deleguar nga Prokuroria dhe të jetë refuzuar apo të mos jetë kryer nga policia? Ka pasur pengim hetimesh pas datës 21 janar nga ana juaj?

Lulzim Basha – Për sa i përket rolit të videos, mendoj se është e qartë për çdo shqiptar, prandaj nuk ka nevojë që unë ta komentoj nga pozita e ministrit të Brendshëm. Videoja e transmetuar dhe e paralajmëruar 10 ditë përpara se të transmetohej është përdorur gjerësisht në retorikën politike, për të sugjestionuar, frymëzuar, nxitur veprimin e 21 janarit. Kjo për mua është e qartë si drita e diellit. Mendoj se në këtë aspekt, brenda fokusit ligjor të komisionit tuaj, mund t’i shtoni listës së mosveprimeve të institucioneve kushtetuese (ky është një sugjerim personal) pyetjen: Përse nuk është ndërmarrë, të paktën në dijeninë tonë asnjë veprim kryesisht, sepse policia nuk ka bërë kallëzim, për shantazhin e deklaruar se është bërë me pasjen apo mospasjen e kësaj videoje? Përse vazhdohet të mos ketë asnjë veprim edhe tashmë që individi protagonist pretendon se ka materiale të tjera filmike apo jo? Nëse jo për shantazh, përse nuk i kërkohet që t’i vërë këto në dispozicion të Prokurorisë, në mënyrë që kjo e fundit të bëjë detyrën e saj? Apo rastësisht është pranuar lindja, zhvillimi dhe forcimi i një alibie komode për të galvanizuar zemërimin e “popullit të Edi Ramës” më 21 janar.

Për sa i përket hetimit, unë thashë se jam njoftuar me telefon nga Policia se prokuroria ka marrë përsipër hetimin, aprovimin e tyre për këtë, në rrethanat kur policia ishte një nga forcat ndërvepruese në ngjarje, të gjithë ngjarjes, të vrasjeve në atë moment, sepse ishte ngjarja kryesore, të cilën donim ta zbardhnim në atë moment.

Së dyti, nuk ka pasur delegim nga Prokuroria të asnjë veprimi të Policisë Kriminale.

Së treti, ka pasur disa veprime, të cilat më vonë janë konsideruar të pajustifikueshme nga oficerët e Policisë Kriminale, si për shembull, administrimi i predhave të gjetura në trupat e viktimave nga prokurorët nëpërmjet marrjes dhe futjes së tyre në xhep. Marrja e rrobave dhe kyçja e tyre në një kasafortë speciale vetëm me çelësin e prokurorëve.

Eduard Halimi - Kjo është shumë e rëndësishme për ne zoti Ministër. Pra, prokurorët kanë marrë predhat dhe i kanë futur në xhep? Nga e keni këtë informacion?

Lulzim Basha - Unë nuk jam burimi i këtij informacioni, por më është raportuar nga Policia e Shtetit, nga persona të cilët janë të gatshëm që të japin dëshmitë e tyre me shkrim ose verbalisht përpara jush, se prokurorët e çështjes kanë administruar predhat e gjetura në trupin e viktimës. Nuk e di nëse bëhet fjalë për një nga predhat apo për të tria predhat. Me sa di unë ka pasur 3 predha, nga 1 predhë për çdo viktimë. Dy predha janë gjetur. Predha e tretë nuk është gjetur. Janë administruar dy predha për të 3 viktimat. Në një rast, nuk e di nëse bëhet fjalë për një rast apo dy rastet predha është administruar nga prokurori, është marrë, është futur në xhep. Pas nxjerrjes nga procesi i analizës forensike i autopsisë. Një gjë tjetër që më ka tërhequr vëmendjen, është se rrobat që janë të rëndësishme për të bërë analizën balistike janë mbajtur të kyçura nga Prokuroria, nga prokurorët. Nuk po e paragjykoj këtë si veprim. As veprimin e parë nuk e paragjykoj. Nuk e di nëse bëhet fjalë për një standard profesional, por me aq njohuri akademike që kam nga kriminalistika, predhat nuk duhet të futen në xhep.

Së dyti, nuk e kuptoj se përse rrobat nuk i janë nënshtruar ekzaminimit rutinë në të njëjtën kohë më trupat e viktimave. Edhe kjo është një çështje që mund të zbardhet.

Një gjë ju garantoj se specialistët e Ministrisë së Brendshme, ekspertët që mbështesin hetimin, qoftë ata të laboratorit të kriminalistikës apo të tjerë janë dhe do të jenë në dispozicion të plotë të hetimit.

Eduard Halimi – Vazhdojmë me pyetjet e fundit.
Fjalën e ka zoti Alibeaj.

Enkelejd Alibeaj. - Më tërhoqi vëmendjen një pohim që ju bëtë. Paraprakisht nga ana e strukturave të Policisë së Shtetit është bërë një plan masash. Jo vetëm kaq, por ky plan i është komunikuar, (kështu më duket se thatë) edhe Prokurorisë, ose është përfshirë ndoshta thatë ju edhe Prokuroria. Ky plan masash shtrihej në aspektin kohor vetëm për datën 21 janar, apo përfshinte edhe ditë pas datave 21, 22, 23 dhe nuk e di se deri ku shkon. Kjo është gjëja e parë. Në planin e masave a përfshiheshin edhe veprimet mbrojtëse eventuale që Garda e Republikës do të duhej të bënte?

Eduard Halimi - Fjalën e ka zoti ministër.

Lulzim Basha – Plani i masave mbulonte aktivitetin e njoftuar nga Partia Socialiste. Në datën 21 janar është njoftuar një aktivitet nga ora 13:30-15:30. Plani i masave mbulonte afatin kohor 24 apo 48 orë përpara aktivitetit deri në mbyllje të tij. Bëhet fjalë për dy plane masash, sepse janë dy organizata të ndryshme: Organizata e Policisë së Shtetit dhe Garda e Republikës, me mandate dhe detyra krejtësisht të ndryshme, ndonëse bashkëpunojnë. Të dyja planet e masave janë hartuar me profesionalitet të lartë dhe janë në dispozicionin tuaj.

Këtu dëshiroj që të theksoj se plani i masave të Policisë së Shtetit i është vënë në dijeni dhe është ndarë me të gjithë oficerët e ndërlidhjes, oficerët e kontaktit të policive evropiane dhe amerikane të stacionuara në Shqipëri. Ju vë në dijeni se si Policia, si Misioni i Policisë Europiane në Shqipëris PAMECA, Misioni i Asistencës së Komisionit Europian për Shqipërinë, si ICCITAP Misioni Amerikan i Mbështetjes së Policisë së Shtetit kanë përfunduar vlerësime zyrtare për konduktin e policisë. Në të dy vlerësimet e tyre theksohet: “Policia e Shtetit ka ekzekutuar një planifikim shumë të mirë. Janë bërë të gjitha përpjekjet për t’u konsultuar me organizatorët e ngjarjes. Vendosja operacionale është bazuar në parimin e përgjigjes së përshkallëzuar, se përgjigja operacionale ka qenë proporcionale ndaj ngjarjeve në terren, se ka pasur komandë dhe kontroll të qartë dhe efektiv, si edhe në tërësi përgjigja operacionale e Policisë së Shtetit ka qenë shumë mbresëlënëse”. Një kopje të dokumentit po e lë për arkivin tuaj.

Enkelejd Alibeaj - Do të doja të sqaroja një gjë. Ka ndodhur lëshimi i 6 urdhër-ndalimeve për 6 nga drejtuesit e Gradës. Kjo ka ndodhur siç thatë ju në orën 06.15 minuta të datës 22?

Lulzim Basha - Ka ndodhur më herët sepse në orën 06.15 ka qenë në dhomën operative të Policisë së Shtetit. Sa është hartuar, shkruar, printuar besoj se është dërguar rreth orës 04:30-05:00 të mëngjesit, 3 orë pasi zoti Rama kërkoi të nesërmen një miting kundër horrave të Gardës.

Enkejeld Alibeaj – Ndërkohë, Prokurorja e Përgjithshme zonja Rama ishte në dijeni të faktit që priteshin ose do të duhej që Garda të ishte në detyrë e sipër për veprime eventuale, apo jo?

Lulzim Basha – Kjo është afër mendsh.

Eduard Halimi - Ka pyetje të tjera nga kolegët?
Fjalën e ka zoti Hoxha.

Fatos Hoxha - Zoti ministër, e preku pak kolegu Strazimiri, se opozita ka paralajmëruar për ditën e premte një formë të re protestash, pavarësisht se tani thotë paqësore, por unë nuk kam besim se ato do të jenë paqësore. Dua një përgjigje nga ju më të korrnizuar, a është në gjendje Policia e Shtetit që brenda kuadrit të saj kushtetues të ruajë qetësinë aq të dëshiruar prej qytetarëve, si edhe rendin kushtetues në të gjithë territorin e Shqipërisë, sepse bëhet fjalë për një zinxhir demonstratash të menjëhershme? A i ka ajo pajisjet e nevojshme dhe përbërjen e nevojshme për të përballuar këtë situatë eventuale?

Eduard Halimi - Fjalën e ka zoti ministër.

Lulzim Basha – Policia e Shtetit ka garantuar dhe garanton në mënyrë të plotë dhe të gjithanshme të drejtën e çdo qytetari të Republikës për të tubuar, për të manifestuar, si edhe për të shprehur lirinë e fjalës, lirinë e shprehjes, lirinë e tubimit në mënyrë paqësore në çdo cep të territorit të vendit. Në këtë kuadër Policia e Shtetit ka demonstruar në këto 5 vite reformash të thella se është shndërruar në një polici me kapacitete dhe praktika tërësisht evropiane. Por këtu kemi të bëjmë me një situatë specifike, kemi të bëjmë me një situatë ku partnerët ndërkombëtarë: Shtetet e Bashkuara të Amerikës dhe Bashkimi Europian i kanë bërë thirrje forcave politike që të heqin dorë nga tubimet masive. Ky nuk është thjesht një gjest politik, por është një shenjë mosbesimi tek aftësia, apo vullneti i dikujt, i cili tashmë na ka garantuar se “populli i tij” prej 2 apo 300 banditësh mund të ngrihet mbi Kushtetutën. Informacionet operative kanë sugjeruar mobilizim të kontingjentit kriminal për akte të veçuara dhune dhe terrori drejtuar ndaj institucioneve, por jo vetëm. Në këtë tablo të përgjithshme duke pasur parasysh se më 21 janar, organizatorët e tubimit, jo vetëm që nuk e kontrolluan atë, por sipas referimit të Policisë së Shtetit dhe fakteve të mbledhura në rrugë operative organizuan, orkestruan, financuan, koordinuan, zbatuan mbikëqyrën dhunën dhe grushtin e shtetit, Policia e Shtetit nuk mund të garantojë asnjë tubim masiv, i cili origjinon nga planifikuesit e dhunës ndaj institucioneve legjitime të Republikës më 21 janar. Kjo nuk do të thotë se Policia e Shtetit nuk do të marrë masa për mbrojtjen e rendit dhe të sigurisë, të jetës dhe pronës së qytetarëve shqiptarë, por kjo do të thotë se çdo linjë komunikimi normal me ata që deklarojnë se bëjnë tubime paqësore dhe pastaj nuk i hapin telefonin drejtuesve të Policisë, siç është rasti me zotin Rama më datën 21 janar, është hipokrizi. Çdo qytetar duhet ta dijë se përtej retorikës fakti është se 21 janari në të gjithë organizimin e tij ka shenjat e gishtërinjve të Edi Ramës dhe një tufe togerësh të dhunës. Për sa kohë Prokuroria e Republikës refuzon të pyesë, të lusë për pyetje e jo më të ndalojë këta njerëz të faktuar si frymëzuesit e dhunës, Policisë së Shtetit nuk mund t’i kërkohet garantimi i tubimeve të ardhshme, edhe kur na garantojnë se do të jenë paqësore, të njëjtët ata që shkaktuan dhunën më datën 21 janar.

Eduard Halimi - Faleminderit, zoti Basha!
Fjalën e ka zoti Sula.

Dashnor Sula – Unë kam dy pyetje të tjera për ministrin e Brendshëm.

Lulzim Basha – Më falni zoti kryetar, nëse mundem, në plotësim të pyetjes së zotit Hoxha, do të thosha se ekziston edhe një rrezik tjetër, i cili është real. Ky është rreziku i një zinxhiri dhune edhe në momentin kur, le ta marrim për të mirëqenë, se dëshira e ndonjërit prej organizatorëve për të pasur me të vërtetë një protestë paqësore qenka një dëshirë e sinqertë. Fakti është se janë mobilizuar, janë pajisur, frymëzuar, u janë premtuar mjete financiare nga opozita politike kontingjenteve kriminalë. Pa asgjësimin e plotë dhe vënien para ligjit të këtyre kontingjenteve çdo veprim në drejtim të masivizimit shkon drejtpërdrejtë në logjikën e përdorimit të dhunës ndaj institucioneve. Po citoj këtu ish-kolegun Ngjela, i cili i pyetur nga gazetarët para dy ditësh nëse do të kishte dhunë në manifestimet e ardhme, ai u përgjigj se kjo varet nga numri i njerëzve që do të marrin pjesë.
Faleminderit!

Eduard Halimi – Faleminderit, zoti ministër.
Zoti Sula mund të bëni pyetjen tuaj.
Dashnor Sula – Në vazhdim të shpjegimit që i dhatë pyetjes së zotit Hoxha, ju personalisht, zoti Ministër a keni tentuar të komunikoni me drejtues të PS-së apo deputetë të saj? Apo kanë tentuar ata të komunikojnë me ju dhe me drejtorin e Përgjithshëm të policisë në datë 21 janar? Nga këndvështrimi juaj si ministër i Brendshëm, a ka pasur pjesëmarrje në datën 21 janar të ish-oficerëve të Policisë së Shtetit, ish-oficerëve të Gardës dhe ish-oficerëve të Sigurimit të Shtetit në tentativën për të rrëzuar me dhunë rendin kushtetues. Nëse po çfarë roli kanë pasur?

Eduard Halimi – Faleminderit, zoti Sula.
Po, zoti Ministër.

Lulzim Basha – Faleminderit, zoti kryetar.
Në paraditen e datës 21 janar, ndërsa ndodhej në zyrën time drejtori i Përgjithshëm Burgaj ka marrë një telefonate nga kryetari i PS-së Edi Rama, i cili është ankuar se policia po vonon autobusët që po vinin nga Shkodra. Drejtori ka bërë kontrollin e nevojshëm të situatës dhe i është përgjigjur se nuk ka asnjë vonesë të qëllimshme, por po ndërmerren veprimet e nevojshme për të siguruar rendin dhe sigurinë. Në dijeninë time ky ka qenë i vetmi komunikim që ka pasur drejtuesi i PS-së me drejtorin e Policisë së Shtetit. 4 orë më vonë, drejtori i Përgjithshëm, me sugjerimin tim e mori mbi 10 herë në telefon dhe i çoi mbi 10 mesazhe kryetarit të PS-së si asnjëherë më përpara, por ai nuk iu përgjigj. Nëse ka pasur kontakte me nivele të tjera, këtë nuk e di. Mund t’ju them se në fund të asaj dite dhe në ditët në vazhdim kam marrë mesazhe inkurajuese nga deputetë socialistë, por që nuk kishin të bënim me natyrën operative të ngjarjes.

Sipas informacioneve paraprake ka pasur të përfshirë në ngjaje ish-efektivë të forcave të rendit, ish-efektivë të Gardës së Republikës dhe ish- punonjës të Sigurimit të Shtetit.
Falemnderit!

Eduard Halimi – A ka pyetje të tjera?
Po, zoti Strazimiri.

Gent Strazimiri – Zoti Ministër, për të sqaruar edhe më në detaje interesin që pati zoti Alibeaj për raportin dhe të qenit në detyrë (në çfarë niveli apo ngarkese) të oficerëve të Gardës së Republikës dhe të Policisë së Shtetit në momentin kur Prokuroria nxori urdhërndalimet, supozoj se për shkak se situata ka qenë e paralajmëruar, e paramenduar, me thirrje, me të dhënat operative etj, efektivat e policisë së shtetit dhe veçanërisht ata të Gardës së Republikës duhet të kenë kaluar në një nivel më të lartë gatishmërie se normalja, por këtë do të na e sqaroni ju zyrtarisht. Mua më intereson të di se kur kanë kaluar në këtë gjendje gatishmërie? Dhe, duke qenë se, siç sapo e thatë, rreziku vazhdon të jetë eminent, sepse të gjithë ata që organizuan ngjarjet e para, pra sulmin e parë para Kryeministrisë, ata vazhdojnë të mbajnë po të njëjtin qëndrim në deklarimet e tyre publike. A vazhdon ende ku nivel i lartë i gatishmërisë, pavarësisht se në çfarë niveli mbi normalen, i oficerëve të Gardës së Republikës dhe të Policisë së Shteti?
Falemnderit!

Lulzim Basha – Faleminderit, zoti kryetar.
Garda e Republikës ka kaluar në gjendjen gatishmërie numër 1 dhe vazhdon të jetë në gjendje të plotë gatishmërie ndonëse jo në gjendje gatishmërie luftarake, por në gjendje gatishmërie më të lartë. Ka përforcuar shërbimet për të gjitha personalitet e larta shtetërore dhe shtetërore, ka përforcuar shërbimet për kryetarin e opozitës, zoti Edi Rama, si dhe për të gjithë objektin e rëndësisë së veçantë në territorin e RSH-së për të cilat është e ngarkuar të sigurojë mbrojtje të plotë.

Gent Strazimiri – Për efekt protokolli. Nëse e kuptova drejtë, ju po thoni se urdhrat e ndalimit kanë dalë në momentin e një situate në vazhdim? Pra ata vazhdojnë ende të jenë në detyrë me ngarkesë mbi nivelin normal të gatishmërisë?

Lulzim Basha – Zoti Strazimiri, efektivët operativë të Gardës dhe 6 komandantët operativë të Gardës, deri në ditën e sotme në orën 12:00 kanë qenë të veshur me uniformën e fushës, pra kanë qenë në gjendje gatishmërie numër 1. Vazhdojnë të jenë në gjendje gatishmërie numër 1, ndonëse disa prej tyre kanë veshur kostumet civile.

Eduard Halimi – Faleminderit, zoti ministër.
Pyetjen e fundit e ka zoti Gumi.

Viktor Gumi – Faleminderit, zoti kryetar.
Zoti Ministër, pak më parë ju na cituat një certifikim të sjelljes së policisë para, gjatë dhe pas datës 21 janar. Do të doja këndvështrimin tuaj nën drejtimin politik të Ministrisë së Brendshme. Si do të jetë bashkëpunimi, cili do të jetë drejtimi dhe sa afër do t’i qëndrojnë këta partnerë ndërkombëtarë kësaj sjelljeje të policisë në të ardhmen?

Eduard Halimi – Faleminderit, zoti Gumi.
Po, zoti ministër.

Lulzim Basha – Vlerësimet për Policinë e Shtetit nuk vijnë si rezultat i 21 janarit, ato janë rezultat i reformave 5- vjeçare, të cilat kanë certifikuar policinë jo thjesht në shndërrimi e saj organizativ, por edhe në rezultate që ka arritur në çmontimin e bandave në periudhën 2005-2007, me reformat më të thella strukturore në vitet 2007-2009, që çuan në liberalizimin e vizave, shtrirjen e kufirin shqiptar në kufirin Shengen dhe në menaxhimin me sukses të situatave të ngarkuara politikisht vitin e kaluar, të përmbytjeve në muajt janar dhe dhjetor dhe, pa dyshim, përballjen me sukses të zmbrapsjes së grushtit të shteti të 21 janarit, si faktori deciziv. Jam i bindur se mbështetja do të vazhdojë dhe jam informuar sot zyrtarisht se ndonëse ishte parashikuar një përshkallëzim në ulje të asistencës financiare të BE-së, vendimi është marrë që kjo asistencë të vazhdojë edhe për 12 muajt e ardhshëm, në mjete, trajnime edhe nga policia dhe organet zbatuese e SHBA-së.
Faleminderit!

Eduard Halimi – Zoti Ministër, këtu mbyllet pjesa e pyetjeve që kishim për ju.
Ju falënderoj në emër të komisionit për shpjegimet shumë të vlefshme që na dhatë për rreth 2 orë për hetimin parlamentar të ngjarjes së 21 janarit, ku u tentua të përmbysej me dhunë Qeveria, pra pati nuanca të forta të një grushti shteti!
Në emër të komisionit, unë ju uroj punë të mbarë!
Falemnderit!

Lulzim Basha – Faleminderit, zoti kryetar.
Më lejoni t’ju falënderoj edhe një herë për ftesën që më bëtë. Shpreh konsideratën më të lartë për këtë komision të nderuar dhe për ju zotin kryetar. Ju siguroj mbështetjen time të plotë dhe të institucionit që drejtoj, jo vetëm për atë që keni kërkuar deri tani, por për do gjë që mund t’ju lindë në të ardhmen. Ju siguroj se Policia e Shtetit, Ministria e Brendshme, Garda e Republikës dhe të gjitha organet e tjera në zbatim të ligjit nën përgjegjësinë e ekzekutivit shqiptar, janë në krye të detyrës, për t’u garantuar qytetarëve shqiptarë nivelin europian të rendit dhe sigurisë publike.
Falemnderit!

Eduard Halimi – Të nderuar anëtarë, vazhdojmë mbledhjen e komisionit me pikat e tjera të rendit të ditës, pas seancës dëgjimore me zotin ministër.

Pika e dytë e rendit të ditës është administrimi i informacioneve të sjella nga KKRTSH, i cili na ka sjellë në formë DVD-je përmbajtjen e regjistrimeve live të 5 orëve, gjatë të cilave u rrethua Kryeministria në datën 21 janar. Janë 9 televizione të cilat e kanë sjellë në formë DVD-je. TVSH-ja, Top Channel, TV Klan, Vizion Plus, Alsat, Ora News, ABC News, News24 dhe TV Planet. Nga 5 ore 45 orë janë regjistrim, të cilat ne do t’i administrojmë me ndihmën e stafit, me qëllim marrjen e atyre pjesëve të rëndësishme për t’u shqyrtuar nga komisioni. Këto DVD përmbajnë deklaratat dhe daljet për shtyp në emër të opozitës së bashkuar, të zotit Ngjela, zotit Gjinushi dhe zotit Edi Rama para datës 21 janar, si dhe daljet në kanalin Top Channel të zotit Tahiri dhe zotit Ngjela. Ky material është shumëfishuar dhe u është shpërndarë deputetëve.

Pika e tretë është administrimi i informacionit të sjellë në formë shkresore nga Ministria e Drejtësisë. Ajo ka sjellë një material të konsiderueshëm në lidhje me një informacion të klasifikuar për gjendjen në burgjet para datës 21 janar. Ai do të trajtohet si klasifikuar nga komisioni, ashtu siç parashihet nga legjislacioni.

Pika e katërt janë materiale të sjella nga Garda e Republikës, i cila përmban pamje të plota dhe të gjithë informacionin që ajo ka pasur para, gjatë dhe pas datës 21 janar. Do të përcjellim te stafi teknik të dhënat që kanë përcjellë dy shtetas në praninë time, të sekretarit Gumi, dhe të disa anëtarëve të komisionit hetimor. Nëse do të çmohen të nevojshme nga komisioni, pasi të njihem me përmbajtjen e tyre, ata do të thirren për dëshmi.

Të nderuar anëtarë, këto ishin pikat e rendit të ditës. Seanca tjetër dëgjimore do ta zhvillojmë nesër në orën 17:00 me drejtorin e SHISH-it dhe në orën 18:00 me Prokuroren e Përgjithshme.

Seanca mbyllet.

Ju faleminderit!


Ministria e Brendshme

[bamatat]

A te keqen te mendjes se bukur. Presidenti qenka "institucion". Une kujtova se PRESIDENCA eshte institucion, dhe Presidenti eshte kreu i perkohshem i atij institucioni? Apo ju pelqen qe te na cudisni me gjepura te tilla. Me kete llogjike, te gjithe kreret e institucioneve ne vend mund te hiqen si "institucione".

Eshte turp per kete president, qe fshihet pas keshilltareve te tij si miu, e nuk del e i sqaron shqiptaret vete ne komision apo para mediave, per rolin qe ai ka luajtur ne ate qe ndodhi. Nese nuk do te shkoje ne Kuvend e te flasi para gjithe shqiptareve, le te dali ne nje konference shtypi, le te dali ne nje emision televiziv e te sqaroje shqiptaret per rolin qe ai ka patur dhe mendimin qe ai ka per situaten e krijuar ne 21 janar e ne vazhdim.

Perse na duhet "presidenti institucion", kur nuk ia degjojme fjalen, e nuk ben transparencen me shqiptaret, ne dite te ketilla?

Dhe meqenese presidenti u soll ne kete menyre ndaj Kuvendit dhe ndaj atyre deputeteve me votat e te cileve ai eshte zgjedhur president, mazhoranca duhet t'ia beje te qarte qe ai nuk gezon me as mbeshtetjen me te vogel per rimandatimin e tij ne kete post.

Cdo dite qe kalon, dhe qe ti nuk e ben transparencen me shqiptaret, aq me shume njollos faqen e historise qe do te shkruaje per rolin tend ne ate qe ndodhi ne 21 janar.

Albo

Presidenti dhe Presidenca , po iu reziston sulmeve te dhunshme te Berishes me mitingashet e tij te "Komisionit Parlamentar" ( lexo Prokurorise se fandaksur te PD-se), pucisteve te rendit juridik kushtetues ne Shqiperi !

Qendrimi i Presidentit (pavaresisht opinioneve personale mbi te ) eshte rezistenca pa gardiste per ruajtjen e shtetit shqiptar qe aktualisht ndodhet nen nje kaos te rrezikshem institucional konstitucional !

Ekzekutivi i eshte sulur dhunshem Kushtetutes dhe demokracise ne Shqiperi ! Por ky sulm eshte e sigurte qe do te deshtoje dhe si gjithmone me turp per organizatoret e tij !

Nuk eshte fjala "gomar" fjale e keqe , por jane veprat e gomarit qe i kane dhene shijen e keqe kesaj fjale !

Keshtu do t'i mbetet historise se Shqiperise emri Sali !

[shigjeta]

Pikërisht pyetjet që ke parashtruar Ti si të mundëshme kanë të bëjnë me ngjarjet e 21 Janarit të cilat po hetoen tashmë nga Prokuroria dhe ligji e ndalon K/Prokuroren të japi shpiegime për hetimet që kryhen.
Për mendimin tim Ina Rama u soll brënda kufijëve që i përcakton ligji dhe në të kundërt Komisioni hetimor Parlamentar është në shkelje të hapur të ligjit.

Me vjen per t'qesh me ty se as nuk ja ke haberin fare se cfare pozicioni ka kryeprokurorja ne shqiperi. Ina Rama u paraqit dhe ja dha pergjigjen komisionit duke u bazuar pikerisht mbi ato ligje qe ky komison fantazem po i shkel me kembe. I la 6 bura me gisht ne goje, dhe nuk kishin asnje pyetje shtese mbi ato qe prokuroja tha.

Gjithashtu dhe bamiri i tregoi po te njejtit komision qe bejne mire t'lexojne 2 rrjeshta kushtetute dhe 3 rrjeshta ligje ku ta thote shqip bukur dhe paster qe kreu shtetit nuk mund te jape informacione mbi nje komision antiligjor. Presidenti jep vetem mesazhe, smund as te hetohet pa akuze ,as te jape informacion sepse i teket x apo y.

Cdo gje qe po hetohet ka te beje me ngjarjen e 21 Janarit, por prokuroria heton ngjarjen me individet pjesmarres, komisioni heton funksionimin e instuticioneve ne nje situate te tille. Ndryshimi midis objektivave eshte perseritur kaq shume here, vetem kush nuk do, s'e kupton.

Cdo njeri duhet te jete i interesuar si funksionojne instuticionet ne situata te tilla, nuk ka nevoje te jesh i majte apo i djathte, sepse eshte ne interes te te gjitheve. Shteti mund te perballet me situata te shumta, te gjithe jemi te interesuar te dime se si perballohen. Prandaj nuk eshte e justifikueshme mungesa e opozites ne kete komision.

[Anesti_55]

Llogarine populli e kerkon ende permes nesh dhe per sa kohe ndodh keshtu nuk ka dhune dhe shkaterrime, por demonstrime per kerkimin e zgjedhjeve te lira dhe largimin e qeverise. Kjo do te thote se opozita jone nuk mund te jete per shume kohe diga qe ruan qeverine nga permbytja e pashmangshme e zemerimit popullor. Ne nuk besojme tek dhuna dhe nuk nxisim dhe pranojme asnje forme dhune. Por edhe sa kohe populli do na degjoje ne, kur qeveria nuk e degjon zerin e popullit te vete, perkundarzi e vjedh çdo dite dhe e genjen se nuk po e vjedh?”, deklaroi Rama.Enver Bytyçi 21/04/10, 14:02

PS po kthehet per inat te humbjes ne faktor destabilizues te vendit!

Në kongresin e 18 prillit 2010 kreu i Partisë Socialiste ka vendosur ta vijojë me të njëjtat mjete "kryengritjen e tradhtuar" ose "revolucionin e vonuar" të vitit 1997. Duke qenë se preteksti i atij viti mungon, pra i gjendur para faktit se nuk ka më piramida financiare, Edvin Ramës i lind nevoja që të tregohet më radikal se Servet Pëllumbi i vitit 1997, ndërsa Gramoz Ruçi i vitit 2010 duket se dëshiron të flakë tej frikën e para 13 viteve. "Mosbindja qytetare" ka filluar të motivohet me "Parlamentin dhe qeverinë e paligjshme" të Shqipërisë. Ndërkohë që artikulimi i këtij të ashtuquajturi motiv duket se zbulon falsitetin e asaj që Edi u ka thënë ndërkombëtarëve se "Unë dua transparencën e kutive, ndërkohë që e njoh legjitimitetin e zgjedhjeve"!!!

Solla keto fragmente sa per te rikujtuar se PS apo "opozita e bashkuar"(me kryetare partishe pa elektorat)kishte synim per te ndersyer nje demostrate ku do te kishte mosbindje popullore.Tashme ai e beri ate dhe natyrisht qe ai pretendon se per kete eshte fajtor "populli"i cili u provokua nga policia!!!!Atehere mund te themi se Bytyci qenka Profet qe disa muaj me pare lajmeron se do te kete mosbindje popullore. Thashe Bytyci sepse mora per shembull shkrimin e tij por sigurishte qe ka pase dhe shume Bytyce te tjere qe parashikonin dhe lajmeronin per kete rrezik.

Per kete "mosbindje popullore"e cila ndodhi dhe u shoqerua me deme njerzore sot kushdo shqiptare kerkon te gjeje fajtorin qe e nxiti apo e organizoi kete.Por populli paqedashes nuk eshte i interesuar te di, se si vepruan institucionet per ta parandaluar ate.Nese sot hidhet dyshim per bashkepunim te disa institucioneve ne kete nxitje per destabilizim dhe marrje te pushtetit me dhune, kush tjeter pervecse paralamentit e ka kete tager per te na vertetuar?E pra per kete hetim eshte ngritur komisioni paralmentare, te cilin vetem njerzit e veshur me ligesi tentojne ta denigrojne e ta pergojojne.Po tallet bota me kete komision thote dikush ketu ,apo dhe ne shtypin e majte.Po a nuk me thote kush se ne cilin vend europian nuk do te krijohej nje hetim parlamentar per ngjarje te tilla?

Cili ishte qendrimi i Presidentit ne ngjarje?Po si nuk e pyeti ky njeri Kryeministrin e vendit te tij, Kryetarin e partise se tij, njeriun qe pranoi te humbase dhe nga personaliteti ne marrveshjen me Nanon, per te siguruar berjen e tij president i vendit.E pra ky njeri ishte i rrethuar, rrezikuar per jeten e tij per disa ore rresht dhe bukeshkali nuk pyet as ne telefon se cfar mund te bej per te.Po po,vdekjen e tij ka prite.E tmerrshme,te therrasesh vdekjen per shokun e mikun, qe te zgjatesh jeten e karriges tende te ndyre.Une ne vend te tij do ti thoja Berishes, -Me prit se ne keti cast te veshtire, do te vije dhe une te rrije bashke me ty ne te njeten zyre.Vetem keshtu do te lertesohesh bukshkali.Nje president me nje moral te tille nuk i sherben me vendit dhe duhet shkarkuar!!!!!!!

Kryeprokuroja.Te gjithe i degjuan kercenimet publike, ndaj njeriut qe nga bankat e shkolles e ngriti ne majat me te larta instucionale te profesionit te saj.[B]Njeriun qe ju gjend si varka e Noes ne momentin me te veshtire te familjes se saj.[/B]Nena e saj, njelloj si Sudja vodhi parate e miqeve te vet dhe pasi humbi dhe shtepine e saj ne kete skeme piramidale, ja mbathi ne Itai ku jeton dhe sot e ndare nga Xhixhi, burri i saj, qe deri pak vite me pare flinte tek shtepia e Fadil Hases.Sot Prokuroja "Silva Konti kalon fundjavat me presidentin e republikes ne aq vende turistike dhe te shtrenjta, sa do ta kishte zili dhe Mbreterersha e Biritanise.
Dhe kjo zonje thirri vdekjen ne ndihme te pushtetit te saj, po vdekjen per njeriun bamires te saj.Jo vetem qe se morri ne telefon, por dhe e ja ka mbylle ate.Mos ndoshta kjo zonje ishte ne Paris me pushime ne kohen kur Rama bente kercenime?Po si nuk doli dhe te bente te ditur ligjin per organizimin dhe nxitjen e domostratave te dhunshme?Si nuk doli dhe te analizonte ne nje emision telviziv dekleratat kercenuese duke ju referuar ligjeve te kushtetutes shqiptare?Si eshte e mundur qe pas lapsusit ireferohet Rames dhe jo institucionit te saj?Si eshte e mundur qe refuzoi dhe fyu komisionin hetimore?Pra kjo jo vetem do shkarkuar por dhe gjykuar.

SHISH-i, eshte nje tjeter institucion qe konsideronte gjendjen normale.Pas atyre kercenimeve te krereve te opozites ja kishte fute gjumit, ose punonte me zell ne favor te saj.Natyrisht qe Berisha kishte kerkuar me pare te ndryshonte kreun e saj.bazuar ne mentalitetin e njeriut paranojak, ky eshte i vetmi qe e kishte me te drejte qe tja fuste saliut.Por beteja s'ka perfunduar dhe ndishta ka rrezik te jete berisha qe tja fuse atij.

Vrasjet?Interesante, me dy plumba u vrane tre vete.Njeri prej tyre i denuar dy here per vjedhje dhe nje here per dhune ndaj gruas se tij te divorcuar.Natyrisht me kete CV na erdhi ne Tirane per te shpetuar Shqiperine e shqiptaret nga dhuna berishjane!!!!!!!!!!!!U vrane nga opozita se i duheshin vrasjet jashte godines,se natyrshem dhe Rama vdekjen kishte thirre ne ndihme per karrigen e tij, apo u vrane per shkak te thyerjes se ligjit nga ana e tyre, apo nga ana e gardes,kjo eshte nje rrisk qe situata e krijuar prodhon.Morali i ketij demostruesi jashte kontrolli, apo nen monitorim per nje qellim ogurzi,nuk mund te marre neperkembe moralin e gjeneraleve te gardes, apo drejtuesve te saj e te pushtetit te cilet ishin kercenuar dhe po dhunoheshin me gure e shkopinj per 5 ore rresht.Nje urrejtje pa meshire ndaj policeve ne detyre.Njeri i rrezuar dhe vazhdohej te goditej, jashte c'do morali njerzore.20 gardiste te plagosur dhe qe i shpetuan vdekjes per fat.Fundja keto vrasje me ligj e pa ligj, bene nje te mire, qe ky popull te kuptoje se ne demokraci, instirucionet nuk dhunohen.Perse gjithe kjo lufte, pese ky nxitim?Natyrisht se pas 2 mujash kemi zgjedhje dhe lakuriqi eshte i sigurte ne humbjen e tij.

Prolog.
Natyrisht qe kreret e demostrates prisnin te errej, por llogaritjet u bene gabim, e nisen shpejt dhe nuk munden te rezistonin sa te erresohej dhe te beheshin kushtet e favorshme per armatim.Mesiguri ka qene parashikuar te fikeshin dritat, veprim qe e ka bere dhe ne ndeshje futbolli dhe gjate kohes qe Baroso fliste ne parlamentin shqiptar dhe ne erresise e siper te furnizonte turmen me arme.Per mua qe faktori kohe , por dhe tre vrasjet qe shpetuan nje kasaphane njerzore qe zor se do te gjente sherim.

[Albo]

Garda dëshmon para Komisioni Hetimor

03/02/2011 20:05

Komandanti i Gardës së Republikës Ndrea Prendi tha përpara Komisionit Hetimor për ngjarjet e 21 janarit se atë ditë Garda ka respektuar ligjin. Ai shpjegoi se Garda i merr urdhërat nga Ministria e Brendshme dhe bashkëpunon me Policinë e Shtetit.
Më 21 janar, sipas komandantit, janë plagosur rreth 81 efektiva të Gardës, kurse zjarri është hapur në një moment ekstrem, kur demonstruesit kanë kaluar portën e kryeministrisë.

"Brenda godinës është perimetri i sigurisë së lartë. Përdorëm të gjitha mjetet edhe duke rrezikuar trupat e gardës për të mos krijuar problematikë me qytetarët. Zgjidhja e zjarrit ishte e fundit që përdorëm. Kalimi i rrethimit është rasti më ekstrem dhe aty vepruam në bazë të ligjit. Për rreth 2 orë kemi marrë goditje të vazhdueshme deri me bomba helmuese, goditje me të gjitha mjetet kemi pasur. Gardistët vetëm janë mjekuar dhe janë kthyer në detyrë, në të gjitha rastet. Edhe kur është kërkuar shkatërrimi i gardhit rrethues garda ka përdorur vetëm shkop gome, u janë bërë thirrje që kjo është një zonë e vecantë dhe e rrezikshme, një zonë e rëndësisë së vecantë. Hapja e zjarrit ka ndodhur vetëm kur turma hyri brenda. Zjarri ka qënë në ajër me fishekë manovër dhe me pas zjarr në ajër me fishekë të vecantë", deklaroi komandant i gardes se republikes Gjen. Ndrea Prendi.

Pas dëshmisë së komandantit të gardës, të nesërmën ishte parashikuar dëshmia e Drejtorit të Përgjithshëm të Policisë, Hysni Burgaj. Por komisioni njoftoi se dëshmia e tij do të bëhet një ditë tjetër.

Po ashtu, ndërsa i dërguari i posacëm i Bashkimit Europian Miroslav Lajcak largohej në mbrëmje, komisioni tërhiqej nga tabulatet e gazetarëve, ndërkohë kryeministri Berisha vetëm një ditë më parë kishte thënë gazetarët do të hetoheshin si qytetarë.

Shqip

[Albo]

Lajcak: Hetimi nga institucionet kushtetuese

03/02/2011 23:30

Për herë të dytë brenda 7 ditësh, Miroslav Lajcak, I dërguari i shefes së diplomacisë europiane, Catherine Ashton, shprehu në Tiranë shqetësimin e Bashkimit Europian se situata në Shqipëri është në rrezik të vazhdueshëm për përshkallëzimin e dhunës dhe thellimin e krizës politike. (UPDATE)
Këtë shqetësim, i dërguari i baroneshës Ashton e shprehu edhe pas takimit me presidentin, Bamir Topi, kryeministrin Sali Berisha dhe kryetarin e Partisë Socialiste, Edi Rama.

Hetimi i 21 janarit në mënyrë të pavarur nga institucionet kushtetuese ishte mesazhi i parë që dha zoti Lajcak.

“Jane dy gjera qe duhet te zgjidhen; së pari, e vërteta e 21 janarit, dhe kur them “ne”, kam parasysh insitucionet shtetërore të Shqipërisë, që kanë përgjegjësinë kushtetuese për të kryer një hetim të tillë dhe që të sigurojnë se ky hetim është i balancuar, është gjithëpërfshirës, dhe kushdo që është përgjegjës për dhunimin e ligjit, të përgjigjet para drejtësisë. Rreth hetimit, unë dua të them edhe një herë se duhet të jenë insitucionet e Republikës së Shqipërisë ato që duhet të kryejnë hetimet. Komisioni parlamentar mund të ndihmojë, por jo të zëvendësojë një hetim të tillë gjithëpërfshirës. Pra, mund të jetë plotësues, por jo zëvendësues. Sigurisht, ne kemi besim se insitucionet tuaja do të kryejnë hetimin për të zbuluar të gjthë të vërtetën për atë që ndodhi me 21 janar. Prandaj, le të lejojmë institucionet përgjegjëse shtetërore të merren me këtë hetim dhe në të njëjtën kohë ne presim nga udhëheqësit tuaj politikë të fokusohen në cështje jetike për të ardhmen e vendit tuaj”, tha Lajcak.

Por cilat janë këto cështje jetike, që Bashkimi Europian u ka propozuar dy udhëheqësve politikë, për të ecur përpara, ndërsa hetimi për 21 janarin vazhdon?

“Para së gjithash duhet të ndërmerren hapa konkrete që të mos ketë përshkallezim të situatës. Së pari, jo dhunë, jo retorikë nxitëse. Respekt të plotë për shtetin ligjor dhe institucionet e këtij shteti. Së dyti, nevojitet rinisja e dialogut politik mes koalicionit qeveritar dhe opozitës, ashtu sic ndodh në vendet e tjera europiane. Ky dialog duhet të përqendrohet në përgatitjen e zgjedhjeve lokale, të cilat janë caktuar të mbahen më 8 maj dhe që duhen zhvilluar në atë mënyrë, që t’i jepet botës një mesazh i fortë pozitiv. Se treti, duhet të merreni seriozisht me rekomandimet e Komisionit Europian për vendin tuaj. Ato jane 12 rekomandime që duhet të adresohen në nivel politik dhe kërkon përfshirjen e si të qeverisë edhe të opozitës”, vijoi i dërguari i BE-së.

Ndërsa i pyetur nëse Bashkimi Europian i shikon si zgjidhje zgjedhjet e parakohshme, zoti Lajcak dha këtë përgjigje:

“Kjo është një pyetje për qytetarët tuaj dhe për parlamentarët tuaj, jo për mua”, tha Lajcak.

Përpara se të largohej nga Shqipëria, duke siguruar shqiptarët për ndihmën e Bashkimit Europian, i dërguari i Brukselit kishte edhe një mesazh një ditë përpara demonstratatve të opozitës.

“Duke qenë se opozita ka paralajmëruar demonstrata të tjera, do të doja ta shfrytëzoja këtë rast për t’i kërkuar qytetarëve shqiptarë të jenë, të sillen me qetësi dhe me përgjegjshmëri dhe të mos lejojnë që këto demonstrata të shndërrohen në provokime, aq më tepër në dhunë”, apeloi Lajcak.

Top Channel

[tr0p0jan]

Presidenti Dhe Ina Rama Refuzuan Komisionin Hetimor.Dy personat me te rendesishem persa i perket 21 Janarit.

Epooo Skane Faj ata,mira ia bejne Sales qe i vuni ne ate Pozicion.

Mire ka thene per Ina Ramen : Ajo eshte Silvia Konti

e Ndersa Presindeti po perdoret nga dikush.Hmmmmm Ka president qe sdel te flase vete,por me keshilltare gjithe kohes !!!! Çi Duhet Shqiperise nje President i tille,qe s`eshte ne gjendje te marre ne dore vet gjerat,perderisa ka kopetencat dhe cdo gje.

[BlueBaron]

Basha mes te tjerash le te kuptohet se komunikimi midis zyrtareve kryhej me celular. Biles thekson se "qeliza" ishte shume e ngarkuar dhe kishte pak veshtiresi ne komunikim.

Sipas infove te K/Ministrit, komandimi kryhej me celular nga godina perballe, dmth nga kullat.

Dikur nje mesues imi i fiskultures, ne forme tallje shprehej: "Stalini ka thene, NDERLIDHJA eshte sekreti i fitores".

Ministri Basha gjithashtu shprehet, u organizua nje plan masash per mbrojtjen e nderteses se Keshillit te Ministrave dhe permend perimetrat mbrojtes.
Nuk do te ishte me mire, nqs dhuna mund te fillonte, te parashikohej dhe fikja e "qelizave" te telefonise celulare ne zonat qe mbulon teatrin e dhunes.
Nuk do te kishte qene me mire mbyllja e lokaleve te sherbimit publik apo edhe e ndertesave qe ndodhen prane teatrit te dhunes, fjala vjen lokali i Fidelit i cili u perdor si komanda e dhunes.

Ilir Meta e deklaroi publikisht se i kishte percjellur informacionet e siguruar nga struktura e LSI ministrise se brendshme dhe k/ministrit.

Nqs komanda e dhunes do te zhvendosej larg teatrit ku zhvillohej ngjarja dhe NDERLIDHJA celulare do te ishte pezulluar, jam i mendimit se dhuna ndaj shtetit do te kishte zgjatur me pak se ato 5 ore te tmerrshme.

Personalisht jam i mendimit se Lul Basha eshte nje nga ministrat e brendshem me te paafte qe ka njohur ajo ministri. Mund te jete i afte tek ministria jashtme apo diku tjeter, por aty ku ndodhet sot eshte komplet out.

Nqs Sala do te vendose te beje ndryshime ne kabinet, ministria e brendshme eshte vendi i pare ku keto ndryshime duhet te ndodhin ...