Berisha: Puc shteti ne 21 janar, Kryeprokuroria dhe SHISH te implikuar

[MI CORAZON]

qeke patriot i modh ti tamom sic e ka thon o.wilde

Patriotism is the virtue of the vicious -- Oscar Wilde

Aman.. mire emrin, por ky ka edhe mbiemrin llahtari. (lol)

[Albo]

Komisioni hetimor për ngjarjet e 21 janarit zhvillon vizitë faktmbledhëse në Drejtorinë e Përgjithshme të Policisë së Shtetit

[ 30 Janar, 2011 ]

Anëtarë të Komisionit Parlamentar Hetimor “Për hetimin e veprimtarisë së institucioneve shtetërore për zbulimin, identifikimin, përballimin, neutralizimin, pengimin dhe ndëshkimin e veprimit të organizuar kriminal për dhunimin e institucioneve dhe përmbysjen e rendit kushtetues në datën 21 janar 2011”, deputetët Gent Strazimiri, Dashamir Sula dhe Fatos Hoxha zhvilluan sot një takim me drejtues të lartë të policisë në Drejtorinë e Përgjitshme të Policisë së shtetit. Takimi u zhvillua në përmbushje të planit të veprimit të komisionit hetimor për një mision faktmbledhës pranë kësaj drejtorie.

Në fund të takimit, deputeti Gent Strazimiri në përgjigje të interesit të mediave tha:

“Siç ju kishim njoftuar jemi këtu së bashku me kolegët Sula dhe Hoxha në përmbushje të planit të veprimit të komisionit hetimor për një mision faktmbledhës pranë Drejtorisë së Përgjithshme të Policisë së Shtetit. Vërejtëm që Policia e Shtetit ka të gjitha kapacitetet, ka të gjithë aftësinë, ashtu siç e pati përpara protestës së 21 janarit, gjatë saj dhe, natyrisht, pas saj për të kryer të gjitha veprimet proceduriale për mbrojtjen e rendit publik dhe të rendit kushtetues, por ajo që doli nga ky takim, është fakti që ende sot në këto momente që po flasim Policia e Shtetit nuk ka marrë urdhër për të kryer veprime hetimore për asnjë prej veprave penale të mëposhtme:
- thirrje publike për dhunë kundër rendit kushtetues
- pushtim të ndërtesave me qëllim rrëzimin e rendit kushtetues
- thirrje dhe organizim për të detyruar organet shtetërore të kryejnë ose të mos kryejnë një akt të caktuar
- krijimin e turmave të armatosura dhe të gjitha këto natyrisht edhe në mbështetje të neni 21 të Kodit Penal që parashikon edhe bashkëpunimin për to.

Së fundmi, nuk kanë marrë ende asnjë urdhër për të kryer veprimet hetimore në lidhje me veprën penale të poshtërimit të simboleve të Republikës, respektivisht të flamurit kombëtar.”

Kuvendi i Shqiperise

[Albo]

Deklaratë për mediat e Kryetarit të Komisionit Parlamentar Hetimor për ngjarjet e 21 janarit, deputetit Eduard Halimi

[ 30 Janar, 2011 ]

Në emër të Komisionit Hetimor Parlamentar, dëshiroj të bëj me dije për gjithë opinionin publik se:

1- Objekti i hetimit penal të Prokurorisë së Republikës, ashtu siç e kanë marrë vesh të gjithë shqiptarët është krejt tjetër nga objekti i Komisionit Hetimor Parlamentar.

Ashtu si të gjithë e dini, Prokuroria nuk ka pranuar të hapë çështjen penale për veprime masive të dhunshme të bëra për të përmbysur rendin kushtetues.

Nuk ka pranuar të hapë çështjen penale për veprime të dhunshme duke pushtuar me forcë ndërtesat e institucioneve, me qëlllim marrjen e pushtetit me dhunë, por ka hapur çështje penale vetëm për kundërshtim të punonjësve të policisë dhe dëmtim të pasurisë publike.

Ndërkohe që, Komisioni Hetimor, në ushtrim të instrumenteve Kushtetutes të hetimit parlamentar, po heton veprimet e institucioneve gjatë veprimit të organizuar kriminal për dhunimin e rendit kushtetues, marrjen e pushtetit me dhunë dhe ekzistencën e puçit të shtetit.

Nuk ka dhe nuk mund të ekzistojë asnjë lloj supozimi për mbivendosje për këto hetime, krejtësisht të ndryshme.

2- Në punën e tij Komisioni Hetimor ka tagër të plotë sipas ligjit për Komisionet Hetimore Parlamentare të disponojë çdo lloj dokumenti të nevojshëm dhe që ka lidhje të qartë me këtë hetim. Anëtarët e komisionit dhe gjithë stafi i këtij komisioni janë fuqiplotë në gjithë procesin e marrjes, ruajtjes dhe administrimit të çdo lloj dokumenti hetimor.

3- Komisioni Hetimor Parlamentar ka kërkuar nga kompanitë e telefonisë celulare, thjesht tabulatet, jo përmbajtjen e bisedave të kryera, apo përmbajtjen e mesazheve.

Komisioni ka kërkuar thjesht dhe vetëm, skedarët apo listat e identifikimit të thirjeve dhe komunikimeve, hyrëse dhe dalëse si dhe kohën e tyre, për të bërë transparencën e zhvillimeve të atyre ditëve.

Ata që kanë frikë nga transparenca për bashkebiseduesit që kanë patur, duhet të dine, se ngjarja e 21 janarit do të përshkohet nga rrezja e të vërtetës në çdo qelizë të saj.

Por frika nga transparenca flet vetë.

Ne jemi të vendosur për këtë.

Kuvendi i Shqiperise

[illyrian rex]

Meta: Mbështesim kontrollin e tabulateve, të sigurtë drejt 8 Majit

Kryetari i Lëvizjes Socialiste për Integrim, Ilir Meta i ka dhënë mbështetje të plotë Komisionit Hetimor për kontrollin e të gjitha tabulateve telefonike të krerëve të shtetit por dhe disa deputetëve me qëllim zbardhjen e ngjarjeve të 21 Janarit. Meta tha se për të ndihmuar transparencën LSI është e gatshme të pranojë çdo hetim edhe për deputetët e saj.

Ilir Meta: “Në emër të LSI jemi të hapur për çdo kontroll për të gjithë deputetët e kësaj partie nga komisioni hetimor.Nuk e kuptoj pse PS ka frikë kur ajo kërkonte transparencë”

Më tej kreu i LSI-së ka deklaruar se një bojkot i mundshëm nga opozita i zgjedhjeve të 8 Majit, nuk do të suprizonte askënd, pasi sipas tij ky ka qenë qëllimi i vetëm i Edi Ramës dhe aspak transparenca e zgjedhjeve të kaluara.

Ilir Meta: “Per ne nuk është e papritur deklarata më e fundit e Partisë Socialiste se nuk do të marrë pjesë në zgjedhje.Ia kemi bërë të ditur dhe më parë ndërkombëtarëve se dhe kutitë kanë qenë vetëm për të mos hyrë në zgjedhje”

Meta është ndalur edhe në demostratën homazh të 28 majit duke e quajtur atë si një hipokrizi për të mbuluar sulmin e dhunshëm të 21 Janarit ku përgjegjës kryesor sipas tij është kryesocialisti Rama. Kreu i LSI ka kërkuar nga strukturat drejtuese të partisë së tij të përshpejtojnë përzgjedhjen e kandidaturave për zgjedhjet lokale të 8 Majit.

http://www.tvklan.tv/lajmi.php?id=14840

[Fiesta]

E pun e madhe nese nuk hyn edi dhe rrugacet tjer tij ne zgjedhje ,tash planet jan te gatshme vetem te kopjohen 2-3 qind cadra dhe fluturimthi prej bashkise.

[BlueBaron]

-Alarmohen ndërkombëtarët për përgjimin e telefonatave të krerëve të shtetit

-Fluturon për në Amerikë Arvizu

-SHISH bëri mbledhje të jashtëzakonshme në orët e mbrëmjes së kaluar

-Kush e ka ASIN në dorë ?

-Berisha tashmë edhe kundër ndërkombëtarëve?

-Komisioni Hetimor do të bëhet “wikileaks” i Shqipërisë ?

Në alarm janë vënë të gjithë ndërkombëtarët për gjendjen kaotike që mbizotëron në politikën shqiptare.Menjëherë pas kërkesës të Komisionit Hetimor,që të përgjohen krerët e shtetit,institucionet e pavarura dhe deputetët e PS-së,ambasadori amerikan ,por edhe shumë ndërkombëtarë të tjerë janë vënë në lëvizje.

Kryeministri Berisha ,mesa duket është duke përgatitur diçka që do të zbulojë “puçin institucional” siç e ka quajtur ai.

Ambasadori amerikan në Tiranë,Aleksandër Arvizu është nisur sot në mëngjes për në SHBA,ku do të diskutojë nga afër gjendjen e rëndë që mbizotëron në Shqipëri,pasi mesa duket nuk i beson telefonit dhe ndoshta ndjen se është përgjuar,kështu që preferoi të fluturojë në Amerikë.

Ndërkaq ,një tjetër mbledhje e jashtëzakonshme është mbajtur mbrëmjen e kaluar në Tiranë,në institucionin e SHISH.Kjo është edhe një nga arsyet më emergjente për SHBA,pasi ka qenë ajo që ka mbështetur kreun aktual të SHISH z. Bahri Shaqiri dhe normalisht gjatë gjithë këtyre ditëve ,kreu i SHISH ,ka patur shumë biseda telefonike me të huaj,të cilat do të tronditin të gjithë politikën shqiptare,pasi mazhoranca mund ti përdori si të dojë,përderisa grupi Hetimor përbëhet vetëm nga deputetët e Partisë Demokratike.

Në të gjithë lojën politike që po zhvillohet,pavarësisht se ndjehet i braktisur nga të gjithë,Berisha mban karenë e ASAVE,nëse do të ketë në dorë bisedat telefonike.

Nga ana tjetër, Amerika ndjehet e indinjuar vetëm për kërkesën që u bë,ndërsa nëse telefonatat e krerëve të shtetit dhe institucineve të pavarura hapen,atëherë Berisha do të ketë “luftë” edhe me Amerikën,që do të thotë se është krejtësisht i braktisur edhe nga ndërkombëtarët.

Edhe pse është fundjavë, pritet që Bashkimi Evropian të dalë me një deklaratë të veçantë në mbledhjen e ministrave të jashtëm të BE ,që do të mbahet të hënën në Bruksel.
Situata për ndërkombëtarët është bërë e paqartë. Burime zyrtare diplomatike thanë për Gazeta Shqiptare se situata pas këtij vendimi dhe nëse ai zbatohet, është jashtë kontrollit në dëm të institucineve kushtetuese dhe të pavarura, të cilat nuk janë pjesë e një hetimi për atë që qeveria e ka konsideruar si “puç institucional”.

Sipas Balkanweb,po dje ,u kërkuan informacione dhe nga një pjesë e madhe e ambasadave të vendeve anëtare të NATO-s ,të cilat edhe pse ishte ditë e shtunë u detyruan të hapin zyrat e tyre në mbrëmjen e vonë për të kërkuar informacion dhe për të lajmëruar zyrat në secilën nga qendrat e tyre.

Gjithashtu në lëvizje janë vënë edhe të gjithë deputetës socialistë,emrat e të cilëve janë në listën e gjatë të Alebeaj.


Alibeaj: Të përgjohen krerët më të lartë të shtetit dhe deputetët!

Një drejtim të paparashikuar po marrin zhvillimet e hetimeve për ngjarjet e rënda të 21 janarit,ku mbetën të vdekur tre vetë.

Komisioni Hetimor Parlamentar ,i ngritur për të hetuar paralelisht me prokurorinë,ka shfaqur sot një kërkesë ,në të cilën iu kërkohen kompanive celulare tabulantet telefonikë të të gjithë krerëve të politikës shqiptare si dhe prokurorise dhe SHISH-it.

Kërkesën e ka paraqitur sot pasdite në mbledhjen e radhës të Komisionit Hetimor,deputeti Enkelejd Alibeaj,i cila ka kërkuar të zbardhen telefonatat,nga të cilat do të zbardhet e dhe e vërteta mbi të gjithë skenarët e thënë nga politikanët që akuzojnë njëri-tjetrin.

Komisioni kërkon të gjithë listën e komunikimeve telefonike në 21 janar, për të gjithë autoritetet e larta në vend, duke filluar nga Presidenti Bamir Topi, kryeministri Sali Berisha, kreu i opozitës Edi Rama, kryetarja e kuvendit Jozefina Topalli,si dhe listën e bisedave telefonike të kryeprokurores Ina Rama dhe kreut të SHISH Bahri Shaqirit.

Në listën që Enkelejd Alibeaj lexoi për tabulatet telefonike është edhe prokurorja e përgjithshme Ina Rama, institucioni që ajo drejton po kryen vetë hetime, si organ kushtetues për 21 janarin.

“Unë kërkoj nga depozitarët, ata që në bazë të ligjit kanë detyrimin për të ruajtur dhe për të skeduar thirrjet telefonike, tabulatet, të këtyre personave:

1. Zotit Sali Berisha, kryeministër i Shqipërisë;
2. Zonjës Jozefina Topalli, kryetare e Kuvendit;
3. Zotit Bamir Topi, president i Republikës;
4. Zotit Lulëzim Basha, ministër i Brendshëm;
5. Zonjës Ina Rama, prokurore e përgjithshme;
6. Zotit Bahri Shaqiri, drejtor i Shërbimit Informativ Shtetëror;
7. Zotit Ylli Alushi, zëvendësdrejtor i SHISH;
8. Zotit Ndrea Prendi, komandant i Gardës së Republikës;
9. Zotit Edi Rama, kryetar i Partisë Socialiste;
10. Zotit Fidel Ylli, deputet;
11. Zotit Bashkim Fino, deputet;
12. Zotit Paulin Stërkaj, deputet;
13. Zotit Tom Doshi, deputet;
14. Zotit Gramoz Ruçi, deputet;
15. Zotit Namik Dokle, deputet;
16. Zotit Fatmir Xhafa, deputet;
17. Zotit Sajmir Tahiri, deputet;
18. Zotit Taulant Balla, deputet;
19. Zotit Ilir Gjoni, deputet;
20. Zotit Erion Braçe, deputet;
21. Zotit Besnik Bare, deputet;
22. Zotit Ilir Beqja, deputet;
23. Zotit Dashamir Peza, deputet;
24. Zotit Arben Çuko, deputet;
25. Zotit Asllan Dogjani, deputet;
26. Zotit Ndue Kola, deputet;
27. Zotit Armando Prenga, deputet;
28. Zotit Gjok Jaku, deputet;
29. Zotit Spartak Ngjela në cilësinë e kryetarit të Partisë Ligj dhe Drejtësi;
30. Zotit Skënder Gjinushi, kryetar i Partisë Socialdemokrate;

Këto skedarë të ruajtjes së komunikimeve telefonike, që këta zotërinj kanë pasur edhe me pajtimtarë të tjerë të telefonisë mobile, do të doja të shtriheshin për një periudhë që i përket gjithë muajit janar të këtij viti. Unë besoj se mbi bazën e detyrimit ligjor që kanë të gjitha shoqëritë përkatëse që ofrojnë rrjetin telefonik, përveçse e kanë detyrim, kanë mundësinë dhe aftësinë që një përgjigje të tillë shkresore të na e sillnin për një afat pesë ditorë”, është shprehur Alibeaj.

Kërkesa për tabulatet do të hapë betejën e radhës juridike. Përmes këtij vendimi duket se komisioni hetimor po heq fshehtësinë e komunikimit të kreut të shtetit dhe institucioneve të tjera.

Gjithashtu në këtë kërkesë bëhet edhe kërkimi i telefonatave të deputetëve të Partisë Socialiste, Tom Doshi dhe Paulin Stërkajt,si dhe kreut të PS-së për Tiranën,Pjerin Ndreu.

albnow

Cfare jane tabulatet telefonike ??? Numrat me te cilet ka kontaktuar nje abonent.

Mua, personalisht, kur me vijne faturat e tel dhe cel vijne te shoqeruara me tabulatin per transparence. Jane te shenuara te gjithe numrat me te cilet kam kontaktuar.


PSE TREMBEN TE TREMBURIT ???

Komisioni parlamentar ka kerkuar tabulatet, nuk kemi te bejme me pergjim. Thjesht do te konfrontohen numrat e telefonit te te permendurve ne liste. Do te ishte shume interesant nqs emri i ndonjerit ne liste do te qarkohej me emrin e ndonjerit ne turme.

[Ziti]

Me interesante eshte se mazhoranca po heton edhe Berishen.
He he, si i thone asaj fjales...qeveria e kap lepurin me qerre

[Jackie]

Grupi hetimor ka fut sa per sy e faqe saliun dhe josefinen .lol. Sa qesharake. Ja pra kto jane kamunistat qe me ne fund po dalin hapur duke shkelur ligjet me te dyja kembet

Kompanite mobile nqf se japin tabulatet telefonike bien ndesh me ligjin.
Edhe per nje individ te thjeshte (qyetar) te nxjerresh tabulate telefonike duhen te aprovohet ne gjykate pastaj varet si e vendos ajo ,cfare vendimi jep. Jo me per njerez me imunitet qe as behet fjale te ndodhe e te pranohet nga bota.

Eshte si ti teket Obames dhe te kerkoje nxjerrjen e tabulateve per gjithe senatoret republikane perfshi dhe prokurorin? As qe imagjinohet. Por meqense jetojme ne shqiperi tashme asgje s'eshte surprize.

[Ziti]

Grupi hetimor ka fut sa per sy e faqe saliun dhe josefinen .lol. Sa qesharake. Ja pra
Eshte si ti teket Obames dhe te kerkoje nxjerrjen e tabulateve per gjithe senatoret republikane perfshi dhe prokurorin? As qe imagjinohet. Por meqense jetojme ne shqiperi tashme asgje s'eshte surprize.

ne amerike eshte CIA qe i kontrollon te gjithe. dhe ne qofte se nje grup senatoresh sulmojne shtepine e bardhe me makina, gure, molotov...etj etj (gje qe nuk ndodh kurre)atehere fati i ketyre senatoreve nuk dihet.

[Albo]

Grupi hetimor ka fut sa per sy e faqe saliun dhe josefinen .lol. Sa qesharake. Ja pra kto jane kamunistat qe me ne fund po dalin hapur duke shkelur ligjet me te dyja kembet

Qesharake mund te duken ty, por kjo eshte nje tradite e re e mire per demokracine shqiptare, qe demokracite e konsoliduara e aplikojne prej dekadash. Komisioni do te therresi te gjithe kreret e institucioneve te vendit, qe perpara deputeteve, perpara kamerave televizive, perpara gjithe shqiptareve, te rrefejne per ate qe ngjau ne 21 janar dhe si e kane kryer detyren, para, gjate dhe pas asaj qe ndodhi, konform ligjeve te vendit kuptohet.

Do ti shohim me rradhe, qe te rrefehen dhe japin llogari perpara shqiptareve per ate qe ngjau. Sa here ne keto 20 vjet pluralizem ke pare kreret e institucioneve qe te raportojne para Kuvendit? Asnjehere. Kurse ne Amerike, Angli, e demokraci te tjera, kjo eshte praktike rutine.

Eshte si ti teket Obames dhe te kerkoje nxjerrjen e tabulateve per gjithe senatoret republikane perfshi dhe prokurorin? As qe imagjinohet. Por meqense jetojme ne shqiperi tashme asgje s'eshte surprize.

Nuk e ke kuptuar aspak kerkesen e komisionit. Nuk behet fjale per kompanite e celulareve qe te japin listen e telefonatave personale te bera, behet fjale per regjistrat e gjithe institucioneve ne vend: kush ka vizituar, hyre, dale, takuar, telefonuar kreret e shtetit, Berishen, Topin, kreun e prokurorise dhe te SHISH ate dite dhe ne ditet ne vazhdim. Ky nuk eshte informacion privat e personal, ky eshte informacion publik e institucional, dhe Kuvendi ka cdo te drejte qe ta mbledhi.

Prokuroria do te hetoje njerezit ne rruge, komisioni hetimor i Kuvendit do te hetoje kreret e institucioneve. Shqiptaret e thjeshte do te mesojne te verteten.

Albo