Berisha: Puc shteti ne 21 janar, Kryeprokuroria dhe SHISH te implikuar

[BlueBaron]

Bomin e paskan bere si Von Stauffenberg. Ed Vrroma eshte Hitleri, apo jo. Ndersa Bahri Shaqiri nuk e di pse me ngjan me Speer. Ngjela si Von Ribbentrop. Duhet ndrruar vendi mes Ruçit dhe Gjinushit, mgjs ky i fundit eshte bir gjenerali. Sinqerisht, Ina Rames duhet t'i kishin dhene rolin e Eva Braun ...

[Jackie]

Eshte per t'ardh keq kur dje trupi atij djalit lezhjan kishte mberrit ne rinas dhe qahej nga 4 motrat e tij ,ndersa nga krahu tjeter kishim saliu qe zgerdhihej ,fliste per puc dhe per koncerte me lady gaga e shakira. Ca na ka gjet me ket monster ,skicofrenik ....dhe ajo qe eshte per t'ardh akoma me keq eshte se ja ka njit smunjen e vet disave n'ket forum. S'ma merrte menja se do kiishim ne forum kaq shume servila si ne kohen e dulles qe te mbrojne me verberi nje kriminel si sala qe as nuk do t'ja dije per popullin. Sot dolen dhe eksperitizat e para nga prokuroria ku nxorren se vrasjen e atij gjirokastritit e paska vra garda me plum 9mm dhe jo ai xhaja apo ai tjetri perballe qe flisnin ca qorra ktu duke hudh lloj lloj marifetesh per t'mulu m..une me shurre. Jeni bo mo keq se kamunistat ,me i rrot k... krenohen 200 fshatar,

[mesuesi_1]

antimafia ... pergezime per foton qe na ke sjellur ketu ....

ai personi me nje sy eshte poza me e perkryer .... dmth ai nuk pa ate qe ndodhi ne oborrin e tij se ishte me nje si .... dhe ai shikon vetem ne krah te djathte .... dmth nga krahu i Universitetit dhe jo nga krahu i majte drejt Kryeministrise ....




.

[Albo]

Tabulatet, kompanitë refuzojnë Kuvendin: Ia japim vetëm Prokurorisë

Kuvendi nuk arrin dot të marrë tabulatet e telefonit të krerëve të shtetit për hetimin e ngjarjeve të 21 janarit. Komisioni hetimor parlamentar ka marrë një përgjigje negative nga kompanitë e telefonisë celulare, të cilat nuk kanë vënë në dispozicion tabulatet e mëse 35 personaliteteve të kërkuara nga ky komision. Burime pranë komisionit hetimor bëjnë me dije se në adresë të tij ka mbërritur një përgjigje nga njëra prej kompanive, ku bëhet me dije pamundësia e vendosjes në dispozicion të tabulateve të krerëve të shtetit. Në të njëjtën kohë, kompanitë e tjera celulare nuk kanë dërguar ende një përgjigje zyrtare, por kur kanë kaluar mëse 10 ditë nga kërkesa e komisionit, marrja e tabulateve konsiderohet si mision i pamundur. Në letrën e ardhur në komision, bëhet e ditur se është e pamundur ligjërisht që kjo kërkesë të respektohet duke iu referuar një baze ligjore që prek disa ligje, si ligji për mbrojtjen e të dhënave personale, ligji për komunikimet elektronike. Burimet bëjnë me dije se kërkesa e komisionit përmbante një afat prej 5 ditësh për marrjen e tabulateve, por kompanitë celulare duket se e kanë konsideruar si shkelje të privatësisë dhe ligjit vendosjen e tyre në dispozicion të deputetëve. Në këtë mënyrë të heshtur, komisioni do të vijojë hetimin parlamentar pa tabulatet telefonike. Faqet zyrtare në internet të kompanive celulare i kushtojnë një rëndësi edhe çështjes së privatësisë. Në njërën prej tyre thuhet se përhapja e këtyre të dhënave mund të jepet nga kompania vetëm nëse palët e treta do të jenë dakord. Në këtë mënyrë, komisioni mund të marrë tabulatet vetëm nëse pranon vetë subjektin, në rastin konkret 35 personaliteter duke filluar nga Presidenti, kryeministri, kryetarja e Kuvendit, kreu i opozitës, kryeprokurorja, drejtori i SHISH-it, etj. “Kompania nuk u transmeton të dhënat tuaja personale palëve të treta, me përjashtim të rasteve kur është dhënë pëlqimi juaj shprehimisht për një gjë të tillë. Nëse ju i keni dhënë pëlqimin tuaj një pale të tretë, me qëllim marrjen e të dhënave tuaja personale nga kompania, atëherë kompania nuk mban përgjegjësi për kalimin e këtyre të dhënave”, thuhet në shpjegimin ligjor të njërës prej kompanive celulare. Më tej thuhet se kompania është e detyruar “që në mbështetje të kuadrit ligjor apo në zbatim të urdhrit të gjykatës kompetente, t’u përcjellë të dhënat tuaja personale organeve të specializuara të shtetit, për shembull në rast të një hetimi penal”. “Po ashtu, kompania është e detyruar që të bashkëpunojë në rastin e përgjimit të telefonatave dhe të përdorimit të internetit dhe t’i vendosë këto të dhëna në dispozicion të autoriteteve kompetente vetëm në zbatim të Ligjit nr 9157, datë 04.12.2003 për ‘Përgjimin e Telekomunikimeve’ dhe ndryshimeve përkatëse”, thuhet më tej.

Juristet

Juristët në masën më të madhe janë shprehur kundër kërkesës së komisionit hetimor parlamentar për marrjen e tabulateve të krerëve të shtetit. Sipas tyre, shkelet hapur Kushtetuta dhe privatësia e këtyre zyrtarëve. Në një prononcim të tyre për gazetën, konstitucionalistët Luan Omari dhe Fehmi Abdiu janë shprehur se krerëve të shtetit nuk mund t’u kërkohet llogari në këtë formë.

Komisioni

Komisioni hetimor parlamentar kërkoi në datën 29 janar tabulatet e 31 personaliteteve, duke përfshirë të gjithë krerët e shtetit dhe 19 deputetë socialistë. Më pas, komisioni shtoi listën edhe me 4 zyrtarë të tjerë, kryesisht prokurorë, ndërsa tërhoqi kërkesën për tabulatet e 4 gazetarëve. Kërkesa për tabulatet shkaktoi një reagim nga opozita si dhe juristët, duke e kundërshtuar këtë kërkesë.

Panorama
Erald Kapri

[mesuesi_1]

21 Janari, letërkëmbimi sekret mes Topit dhe Topallit

Gazeta MAPO

Kryetarja e Kuvendit, Jozefina Topalli, tregoi dje në Komisionin hetimor parlamentar për 21 janarin, se ka komunikuar me presidentin Topi një ditë pas sulmit që iu bë Kryeministrisë nga njerëz të armatosur me hunj, gurë e bomba “molotov”, siç i cilësoi ajo. Topalli zbardhi para kamerave dhe opinionit publik vetëm një pjesë të korrespondencës mes dy krerëve të shtetit. Ajo tha se kishte komunikuar në datën 22 janar me kreun e shtetit, e nxitur nga deklarata e tij e një dite më parë, ku ai e kishte quajtur sulmin e Kryeministrisë si ngjarje në bulevard. “Përgjigjja e tij, që unë për arsye të konfidencialitetit nuk mund ta them para kamerave, ishte në fakt një mospranim i tij për detyrën dhe postin që mban” -tha Topalli para se gazetarët e kamerat të linin mbledhjen e komisionit. Pas kësaj kërkese, kryetari i Komisionit hetimor, Eduart Halimi, ka kërkuar marrjen e pjesës tjetër të dëshmisë pa praninë e mediave. Burime nga mbledhja thanë për “Mapo-n” se përgjigjja e Presidentit ishte e ngjashme me deklaratën e tij për shtyp të datës 21 Janar, ku ai u kërkonte të gjitha palëve të politikës që të gjenin gjuhën e dialogut dhe uljes në tryezë. Sipas të njëjtave burime, Topalli e ka shoqëruar leximin e letrës-përgjigje të kreut të shtetit me intonacion që ka shprehur habi për kuptimin e fjalëve të Presidentit. “Përgjigjja ishte e thatë dhe e shkurtër për ngjarjet në bulevard” - thanë dje pjesëmarrës të mbledhjes me dyer të mbyllura. Sipas tyre, kreu i shtetit në përgjigjen për Topallin nuk dënonte sërish dhunën e ushtruar ndaj Kryeministrisë më 21 janar.

Akuzat

Në nisje të fjalës së saj para 6 deputetëve, kryetarja e Kuvendit, Jozefina Topalli, ka vazhduar sulmet e ashpra ndaj kreut të shtetit, Bamir Topi, për përfshirjen e tij në atë që ajo e quan “puç i shtetit”. “Bamir Topi ka bërë një marrëveshje me Edi Ramën, ku ky i fundit do të merrte mandatin qeverisës, ndërsa Topi një mandat të dytë në postin e Presidentit. I takon Komisionit të vërtetojë këtë marrëveshje”, – u shpreh Topalli. Më tej, ajo vazhdoi duke deklaruar se gjatë gjithë kësaj kohe nga ana e Presidentit të Republikës nuk është kërkuar asnjë informacion. “Bamir Topi nuk ka kërkuar asnjë informacion për ngjarjet e 21 Janarit nga ana e Kuvendit. Gjithashtu, dua të them se nuk kam pasur asnjë kërkesë nga ana e ShISh-it për kryerjen e përgjimeve” - deklaroi Kryetarja e Kuvendit.

Topalli u shpreh se gurët e hunjtë e hedhur ndaj Kryeministrisë nuk ishin parë e ndjerë vetëm nga presidenti Topi. “S’e pa kreu i shtetit dhunën që u ushtrua ndaj Kryeministrisë? S’kishte dëgjuar se është sulmuar selia e Këshillit të Ministrave? Kush ia kishte mbyllur veshët dhe sytë?” – bëri të ditur Topalli. Nga ana tjetër, Jozefina Topalli nuk kurseu as akuzat ndaj kreut të PS-së, Edi Rama, por duke i lidhur dhe ato me mbrojtjen e marrë nga ana e Prokurorisë dhe Presidentit. “Pasojat për Edi Ramën i mbyll Prokuroria. Dua të them që Rama ka mbështetje në shtet dhe se 21 Janari nuk erdhi papritur, por ishte një ngjarje e mirëmenduar”.

http://www.mapo.al/index.php?z=lexo&...t-dhe-topallit

[MaDaBeR]

Si ka mundesi qe Prokuroria e Pergjithshme dhe SHISH nuk kane asnje piste hetimi, asnje te dyshuar madje as e marin mundimin te hetojne venien e bombes ne makinen e avokatit Gjokutaj?

Ndersa ne raste te tjera, mjafton nje shkrim gazete, nje hamendesim gazetare, nje pershtypje e dikutj dhe prokuroria e shpik akuzen dhe te akuzuarin si dhe shpall personat pergjegjes me shpejtesi marramendese...

[mesuesi_1]

Si ka mundesi qe Prokuroria e Pergjithshme dhe SHISH nuk kane asnje piste hetimi, asnje te dyshuar madje as e marin mundimin te hetojne venien e bombes ne makinen e avokatit Gjokutaj?

Ndersa ne raste te tjera, mjafton nje shkrim gazete, nje hamendesim gazetare, nje pershtypje e dikutj dhe prokuroria e shpik akuzen dhe te akuzuarin si dhe shpall personat pergjegjes me shpejtesi marramendese...

nuk ka piste sepse jane pjese e grupit dhe i bie qe te hetojne per vetveten ..... e thjeshte fare ....

[Albo]

Deputetët, me certifikata sigurie. Kreu i SHISH, gati të dëshmojë për 21 janarin

Kreu i Shërbimit Informativ Shtetëror, Bahri Shaqiri, do të jetë në komisionin hetimor parlamentar këtë javë, për të raportuar për ngjarjet e 21 janarit. Kjo pasi të gjashtë deputetët e Partisë Demokratike, anëtarë të komisionit hetimor, tashmë kanë marrë të drejtën të zhvillojnë një seancë me kreun e SHISH-it. Burime të besueshme bëjnë të ditur për gazetën "Panorama" se ditët e fundit ka mbërritur edhe certifikata e sigurisë e secilit prej deputetëve të komisionit. Ky dokument, i cili lëshohet nga Drejtoria e Sigurimit të Informacionit të Klasifikuar, një institucion në varësi të Këshillit të Ministrave, është depozituar në Parlament për pesë anëtarët e komisionit hetimor, pasi Fatos Hoxha e ka atë për shkak të pjesëmarrjes në Komisionin e Përhershëm Parlamentar të Sigurisë Kombëtare.

Ligji
Sipas ligjeve në fuqi, një anëtar i Parlamentit, ose një punonjës i stafit të Kuvendit që asiston në punimet e komisionit të sigurisë kombëtare, duhet të pajiset me certifikatën e sigurisë, e cila plotësohet nga disa institucione. Secili prej tyre kalon në filtër deputetët dhe punonjësit e Kuvendit, që do të kenë në dorë materialet dhe në fund nënshkruhet një deklaratë, sipas së cilës nëse del një informacion sekret, mbahet përgjegjësi penale. Dhënia e certifikatës së sigurisë për anëtarët e komisionit është një prej detyrave të parashikuara në ligj për Drejtorinë e Sigurimit të Informacionit të Klasifikuar. "DSIK-ja ka këto detyra: Mbikëqyr rregullat e sigurimit fizik, ushtarak dhe elektronik të informacionit të klasifikuar, si dhe të anës teknike të marrjes, përpunimit, administrimit dhe arkivimit të tyre; bën certifikimin e personelit, i cili do të administrojë informacionin e klasifikuar", thuhet në faqen zyrtare të kësaj drejtorie. Në fakt, anëtarët e komisionit u pajisën me këtë certifikatë, pak ditë pasi u miratua lista me emrat e zyrtarëve me të cilët do të zhvilloheshin seancat dëgjimore për marrjen e informacioneve. Por për shkak të disa procedurave zyrtare, për të cilat burimet nuk japin hollësi, vlefshmëria e këtyre certifikatave u ribë vetëm pak ditë më parë. Kreu i Shërbimit Informativ Shtetëror është i vetmi nga krerët e institucioneve të thirrur që nuk ka raportuar në komisionin hetimor, me përjashtim të Presidentit Bamir Topi, i cili e ka quajtur antikushtetuese kërkesën e komisionit. Të hënën e ardhshme, në orën 11.00, është parashikuar mbledhja e radhës e komisionit dhe aty do të caktohet edhe dita kur do të raportojë Shaqiri. Kryeministri Sali Berisha akuzoi në Parlament në 23 janar, në një mbledhje të jashtëzakonshme, Shërbimin Informativ Shtetëror se nuk ka dhënë asnjë informacion për ngjarjet e dhunshme të 21 janarit. Sipas tij, Shaqiri i ka dërguar një letër kreut të policisë, Hysni Burgaj, një ditë përpara protestave, ku është shprehur se nuk ka asnjë informacion.



Komisioni

Komisioni hetimor parlamentar për hetimin e ngjarjeve të 21 janarit do të ketë sot në mesditë mbledhjen e radhës. Gjatë kësaj mbledhjeje, pritet të merren në administrim të gjitha materialet që kanë ardhur nga institucionet kryesore të shtetit për ngjarjet e një muaji më parë. Deri tani, puna e komisionit është përqendruar në marrjen e informacioneve nga zyrtarët më të lartë për 21 janarin. Njëkohësisht komisioni ka vijuar me marrjen e dëshmive nga dëshmitarë okularë, që kanë qenë pjesëmarrës në këto ngjarje.

Adi Shkembi
Panorama

[vanesa2]

Arvizu: Organizatorët e 21 janarit të vihen para drejtësisë

Ambasadori i SHBA-së Aleksandër Arvizu ka dorëzuar sot në Drejtorinë e Përgjithshme të Policisë raportin e ekpertëve amerikanë për ngjarjet e 21 janarit.

Në fjalën e tij ambasadori Arvizu theksoi se ekspertët amerikanë janë shprehur se qëndrimi i policisë së shtetit në demonstratë është i drejtë.


“Gjatë dhunës policia e shtetit ishte e pambrojtur dhe ka shprehur kurajo që duhet lavdëruar. Ata qëndruan të palëvizuar në sulmet që iu bënë përfshirë këtu gurë dhe bomba molotov” theksoi Arvizu.


Gjithashtu ambasadori Arvizu kërkoi që organizatorët e akteve të dhunshme të ballafaqohen me drejtësinë.
burimi: http://www.oranews.tv/

[MaDaBeR]

Prokuroria: Hetojnë me objektivitet 21 janarin

2011-02-14

Prokuroria shqiptare shprehu dy ditë më parë shqetësimin për disa raste të përsëritura ditët e fundit, ku në media të ndryshme janë botuar komente mbi disa të dhëna të procesit të hetimit të ngjarjeve të ndodhura më 21 janar. “Përpara se të shprehim vlerësimin tonë mbi këtë shqetësim, dëshirojmë të bëjmë me dije përpara opinionit publik se prokuroria, gjatë kryerjes së veprimeve të saj hetimore, për probleme të veçanta që lidhen sidomos me procesin e këqyrjes dhe ekspertimeve të ndryshme të provave, për të cilat kërkohen njohuri të posaçme nga ekspertë të fushave përkatëse, bashkëpunon edhe me institucione të tjera.

Ndaj, nisur nga komentet mbi të dhënat e publikuara në media, pavarësisht vërtetësisë apo deformimit të tyre, si dhe nga verifikimet e kryera nga ana jonë referuar këtyre rasteve, është konstatuar se këto të dhëna, mbi të cilat është mbështetur media, janë marrë në ato raste kur gjatë procesit hetimor kanë qenë të përfshirë edhe institucione të tjera, siç janë Policia e Shtetit, ekspertë të kriminalistikës apo të Mjekësisë Ligjore”, shkruhej në deklaratën për shtyp të Prokurorisë së Përgjithshme.

Po sipas deklaratës, në asnjë rast, kur të dhënat e hetimit kanë qenë të administruar nga prokurorët dhe oficerët gjyqësorë të çështjes, nuk ka ndodhur që të ketë pasur rrjedhje informacioni mbi procesin hetimor.

"Gazeta Shqip"