Dymbëdhjetë milionerët e Kuvendit të Kosovës
Partia që do të përfaqësohet me më së shumti milionerë në Kuvendin e Kosovës do të jetë PDK-ja. Ajo do t’i ketë pesë deputetë të këtij kalibri. AAK-ja do t’i ketë tre, LDK-ja 2, kurse AKR-ja dhe “Vetëvendosja” nga një, shkruan sot gazeta Koha Ditore në një analizë për pasurinë e deputetëve të ardhshëm të Kuvendit të Kosovës .
E vetmja deputete milionere, sipas gazetës, do të jetë nga PDK-ja, por më i pasuri prapë mbetet lideri i AKR-së, Behgjet Pacolli
Në fakt, janë 12 kandidatë nga pesë partitë e shumicës shqiptare që kanë fituar vota të mjaftueshme për t’u bërë deputetë e që pasuritë e tyre peshojnë nga 1 deri në mbi 200 milionë euro.
Me gjithë “konkurrencën” e madhe, asnjë nga milionerët nuk ka arritur që ta zhvendosë liderin e AKR-së, Behgjet Pacolli, nga kreu i listës së deputetëve më të pasur.
Biznesmeni që për herë të parë i është futur politikës në zgjedhjet e vitit 2007, e ka deklaruar në Komisionin Qendror të Zgjedhjeve një pasuri prej 238.820.000 eurosh.
Pas Pacollit, i dyti në listë të pasanikëve kuvendarë do të jetë Ramiz Kelmendi i AAK-së. Pasuria e këtij biznesmeni-politikan, i cili njihet si pronari i “ELKOS”-it, llogaritet të jetë diku 75 milionë e 520 mijë euro.
Pasaniku i tretë vjen nga LDK-ja. Ai është Hashim Deshishku.
Edhe ky si Kelmendi i është futur garës për deputet për herë të parë në zgjedhjet e 12 dhjetorit. Ky deputet i ardhshëm i Kosovës i ka deklaruar 10.493.819 euro, si vlerë të bizneseve që i ka në pronësi. Vetëm pasurinë e paluajtshme Deshishku e ka peshuar 1.470.000 euro.
Pas treshes së më të pasurve vjen një deputete. Ajo është Blerta Deliu, e PDK-së...
Pasuria e deputetëve të tjerë të pasur sillet në kufij mes 1 deri afro 3 milionë euro. Në këtë kategori hyn edhe lideri i AAK-së, Ramush Haradinaj dhe bartësi i Listës “Ibrahim Rugova”, Ukë Rugova.
Më i pasur se Haradinaj megjithatë del të jetë i biri i vogël i ish-presidentit të ndjerë, Ibrahim Rugova.
Përgjigju Duke Cituar
Krijoni Kontakt